(للبحرينيات) وين اتابعين و وين ناوية اتولدين ان شاء الله

انه في حملتيني عالجت في مستشفى الهلال
وايد زينه دكتورة رادا وخصوصا دكتورة الألترى سوند (دكتورة رشا )
صج حليوه وتقول لج كل شي وتدقق في التصوير في كل شي
انه وايد ارتاح لها بس الحين اهي في اجازة وضع وانه اروح اسوي تصوير عند د/ فوزية كمال
واروح الهلال اكمل الباقي والولاده انشاء الله بتكون في مستشفى السلمانيه
ولدت اول مرة عندهم وفعلا ارتاحيت من معاملتهم لي مع ان البعض يذم بس انه وايد ارتحت

انا في الشهر السادس واتابع مع المركز ومع الدكتورة فرح وانشاء الله الولادة في التخصصي باذن الله عندها

للرقع

اني تابعت حملي طبعا من اربع سنوات عند الامريكي

اخترته لعدة اسباب

المكان كلش قريب من البيت و اقدر اروح بروحي

في مواعيد بالليل لاني كنت بالجامعة و هذا اللي كنت احتاجه

بعدين اكتشفت اشياء

معاملة الدكتورة واجد زينة فوق ما تتصورون............دكتورة بانو

و وقت الولادة الممرضات ماخلوني بصراحة كله وياي و يتحملون الوحده


طبعا بغض النظر عن المكان انه قديم او صغير..............اهم شي السلامة

و هادئ مافيه فوضى واجد

اعتقد حملي الثاني اذا الله كتب بعد بروح ليهم.........و اهو الواحد يتروى ليي انه يتابع عند نفس الدكتورة عشان اتعرف الهيستوري تبع الوحده


و الله يسهل للكل و الجميع
و الله يعطي كل اللي يبي.............دعواتكم

السلام عليكم جميعاااااااااااا

ماشاء الله كفيتو ووفيتو في الموضوع بس الكلام يخلي الواحد يحتار وين يروح يولد

انه حامل في الشهر الخامس والحمدالله من البدايه كنت اراجع في الامريكي عند دكتورة الكا وواييييييد زينه صج اول ماجفتها كنت مع اختي لانه اختي تراجع هناك فكنت احسها مووول جافه وماتعطي ويه .. بس اتضح لي شي غيييييير والله طلعت طيوووبة وحبووبة وانه احس واييد ارتاح حق الدكتورة لانها هنديه واحسهم حنينااات وشاطريين .. ووايد تاخذج على سعه واذا عندج اي سؤال تجاوبج بصراحه فحسيت وايد معتنيه فيني .. وان شاء الله اذا الله سهل بولد عندهم .. صج انه مستشفى قديم بس احسهم شاطريين ونظاف واهم شي اني انه مرتاح عندهم .. واهم شي الوحده تكون مرتاحه في المكان الي بتولد فيه .... وانه وايييييييييد اسمع انه الامريكي زين والدكاتره زينين ...

واختي كانت تراجع في الامريكي في حملها الاول والثاني والحمدالله ولدت عندهم في المرتيين واايد حنونييين ويقعدون وياااج ومايخلونج ولازم تكون في دكتوره في القسم

فأتمني انكم استفدتو والله يسهل على ولادتي ويرزقني بالذريه الصالحة والله ينقل كل وحده حامل لي تمامة ويسهل عليها حملها وولادتها و يرزقها بالذرية الصالحه وتكلمونها عن قصصكم السعيييدة ان شاء الله :)))))

up


للفائدة

للرفع لتعم الفائدة

مرحبا بنات حبيت اخبركم بتجربتي مع دكتورة فرح طبعا ولدت بتاريخ 7-10-2009 عند دكتورة فرح وكانت ما اروع ما يكون وكنت ايام حملي بعد اتابع عندها وولدت عندهم الحمدالله ولدت طبيعي وكانت معاملتهم من اروع ما ما يكون وتحملوا فيني كأني اميرة مثل ما قالوا البنات، وايد عجبني من حيث معاملة الدكتورة والمستشفى راقي ونظيف وايد ارتحت وان شاء الله مرة ثانية اذا حملت بعد بتابع عندهم

موضوع حلو ومفيد صراحه ،،،

للرفع ...

الله يسهل عليكم

والله من زود ما اقرى فالموضوع راسي مفتر مو راسية على بر


والطامة الكبرى الين افكر فالولادة كلش يصيدني رعب من السلمانية احس اللي يمدحونهم 30% بس والباقي يذمون فيهم

توى من فترة قريبتنا والدة قيصري عندهم وخلوها ثلاثة ايام يوم رابع طلعوها مسكينة تعبانة من العملية ومو قادرة اتعابل روحها فالبيت مرتين اطيح ويغمى عليها :( ،،، احنه سمعنه ان اللي تولد طبيعي اتم ثلاثة ايام مو بعد قيصري غير اللي اقراه فالجرايد عن الاوادم المكودة في قسم الطوارئ محتاجة ترقيد ومو لاقيين لها اسرة ولا انه مفكرة بعد كآخر حل اذا بروح السلمانية باخذ حجرة بو 40 هذي اذا اسرة فالجمعي مو لاقيين حق المرضى اشلون حجرة خاصة
لا شكله حتى بالتفك ما يتحصلون

كأني هذرت وايد بس من زود الخربطة اللي انه فيها

بَقآيا حُلمْ;9178577:

السلام عليكم يا بنات

انا حملت مرتين وسقطت وما اتابع عند وحدة معينة

اروح لزينب الجفيري بس لانها ماتداوم على طول في العيادة فصعب اني اتواصل وياها

وفهيمة المطوع مثل ماسمعت ان هي اخصائية اشعة فاروح لها لبعض الحالات وآخر مرة قلت لازم بروح لدكتورة فرح في التخصصي بس يوم اتصل زوجي عليهم قالوا ليه فل ومافي مجال فرحت تابعت آخر شي عند منى الشرقي

المهم حبيت استفسر منكم

بما اني توني الحين مسقطة وللحين مانزل لي قلت امبي اروح اسوي تحاليل قبل لا احمل مرة ثالثة وامبي اتابع عند دكتورة فرح لان هي تقول كل شي للوحدة بخصوص الطلعة والراحة وركوب الدرج

فشلون اقدر اتابع عندها ؟؟؟

وهل يصللح اني آخذ موعد من الحين حتى لو كان بعد شهر وشي عشان اتابع وياها وسوري طولت عليكم

نصيحتي لج روحي للدكتوره فضيله عنده عياده خاصه توه اختي رايحه له لان اهي اختصاصيه في الي يطرحون وايد وربي يعوضج يا رب

بالنسبه لي اتابع عند الدكتوره فرح لان اهي ولدتني على ولدي والحمدلله وابد ارتحت وياهم في التخصصي .

انا عن نفسى اتابع مواعيدى عند دكتورة كارن صراحة واجد شاطرة فى امور الولادة ومرتاحة حمدللة منها ...عند فرح ما حصلت موعد كلة فل

زين البراري;10641538:
نصيحتي لج روحي للدكتوره فضيله عنده عياده خاصه توه اختي رايحه له لان اهي اختصاصيه في الي يطرحون وايد وربي يعوضج يا رب