(للبحرينيات) وين اتابعين و وين ناوية اتولدين ان شاء الله

هلا

موضوع وايد حلوو مفيد اشكرج عليه

بالنسبة لي كانت اول ولادة لي بمستشفى السلمانية كان ووايد زين

والمتابعة كانت عند عفاف الحمر كانت تاخذ علي اذا زادت كللش كلش 25
الحين اشوفها غيرت اسعارها وصلت ل 45 دينار للزيارة فاحس مايسوى افكر اغير للتخصصي او مكان ثاني

انه قبل كنت اتابع عند منى الشرقي ومارتحت لتعامل معاها ومتقدرين تاخذين راحتج وتسألينها
وكنت ادفع 25 مع الالتراسوند

وبعدين غيرت رحت لكيران في ابن النفيس والي خلاني اروحلها ان اختي كانت تابع عندهم وكنت اشوفها زينه وصج يوم جربتها تقعد معاج وتسمعج و15 مع الالتراسوند

ضيْ;9179528:

هلا بنات الله يسهل علينا وعليكم ان شاءالله

أنا قاعدة أراجع عند بانو في الأمريكي

صراحة لفيت وايد مستشفيات وجربت كل الدكتورات المشهورات وارتحت في النهاية حق بانو

يمكن لأني مرعوبة من الولادة وهي قالت لي بأخليج تتخلصين من هالفوبيا وتدخلين الولادة وانتي تضحكين :D

لكن للحين مادري شلون الولادة عند الأمريكي .. وهل بأولد عندهم والا لا ....

محتارة بينهم وبين عوالي .. أحس الأجانب مريحين نفسياً بصراحة .. وأحب نيرسات عوالي
بس دكتورتهم البولندية (آنا) مايمدحونها وايد .. يقولون تحب القيصرية .. :ss:

بنات تكفون اذا فيكم وحدة جربت ولادة الأمريكي تفيدني

آنه بجرية ومرعوبة والله

رفيجتي والده شهر 2 وكلش مامدحت ولادتتهم تقول مو مريحين في التعامل وكانهم قاعدين على بطنها واهيه تولد

صاحبة الظل الخفي;9186321:
انه قبل كنت اتابع عند منى الشرقي ومارتحت لتعامل معاها ومتقدرين تاخذين راحتج وتسألينها
وكنت ادفع 25 مع الالتراسوند

وبعدين غيرت رحت لكيران في ابن النفيس والي خلاني اروحلها ان اختي كانت تابع عندهم وكنت اشوفها زينه وصج يوم جربتها تقعد معاج وتسمعج و15 مع الالتراسوند

اختي ما انصحج تولدين عند كيرن .. بس اذا متابعة اشوة

reddish;9190797:
اختي ما انصحج تولدين عند كيرن .. بس اذا متابعة اشوة

انا قبل كنت اتابع عند دكتورة فكرية وتاخذ 35 او 30 دينار
بس الحين اتابع عند موزة في العسكري وياخذون 15 دينار

وان شاء الله الولادة في العسكري

VIP Lady;9190979:

أنا توني اجهضت من اسبوع
وكنت اتابع عند كيرن
وأول ما حملت احترت وين أولد
فسمعت وايد يمدحونها في الولادة

ليش أنتي تقولي جذي ؟؟


انا سمعت و الله اعلم انها مفصولة من التخصصي
عاد ليش مادري بس اكيد لأنها مب زينة

عن تجربتي الشخصية ماقط جربت الا الأمريكي والحمدلله مرتاحة معاهم..

المرة الأولى تابعت من بداية الحمل لغاية الولادة عند دكتورة الكا وهي اللي ولدتني طبيعي والحمدلله كنت مرتاحة معاها وبعدين لما أجهضت سويت التنظيف عندهم وبعدها تابعت حق التحاليل والكشوفات..
وهالمرة لما حملت من البداية رحت لألكا وعطتني مثبتات ولما وصلت التاسع هي طلعت إجازة وخيرتني بين بانو او دكتورة ثانية.. بس لأن بانو كل مواعيدها مزحومة أخترت الفلبينية دكتورة سيسيليا وايد زينة ومرحة وحبوبة... ولكن بولادتي ولدتني سوزان وبعد كانت شاطرة لأنها سوت لي قيصرية....

وعن تعاملهم بالعكس وايد طيبات ومتفهمات ويعطونج وقتج ومايستعجلون بج.. بس الدكتورتين الأخيرتين اللي وظفوهم ماعجبوني كلش ماحسيت عندهم خبرة ووحده منهم يايه من التخصصي وكلش مارتحت لها وقت الطلق حتى شكلها كانت متخوفة ومازادت التحاميل وانتظرت لين مايدخل وقت شفت الدكتورة الثانية...

المبنى صح قديم والغرف مو واسعة.. انا بالمرتين أخذت السويت والحمدلله كان زين ووسيع...

الأسعار للطبيعي 600 وشوي.. بس هالمرة بالقيصرس خذوا 900.. هذي الأسعار للسويت اما الغرف الخاصة الأصغر سعرها طبعا أقل..


أتمنى أكون أفدتكم....والله يسهل لكل حامل يارب...

مراوي22;9178301:
آنه بعد تابعت في التخصصي عند فرح وايد طيوبه وحبوبه صج كلشي عندها بسرعه بسرعه عشان هالسبب وايد بنات مايحبونها بس آنه الحمدلله تابعت عندها على حملي ببنتي وولدي وايد إرتحت

والولاده بعد كانت عندها فعلاً تحسين إنج أميره عندهم مب مذلوله في الحكومي الله لايقط أحد عندهم

والأسعار عندهم تسوه مو غاليه إذا ولدتي طبيعي يكون من 525 إلي 700 على حسب إذا الياهل إحتاج فحوصات زياده أو صاده بوصفار كلشي محسوب عليج حتى حبة البندول إلي يعطونج إياها محسوبه والله يعزج الفوط الصحيه بعد محسوبه بالحبه يعني بتعرفين إنتي دفعتي في شنو يعطونج تقرير

تبين الراحه والدلع روحي عندهم (y)

انه كنت باقول عن تجربة أختي وياها في ولاداتها الثنتين كانت وياها في المتابعة والولادة وقالت نفس الكلام بالظبط (y)(y)

انا اتابع في المركز الحكومي تبع منطقتنا
والحمدالله مرتاحه وياهم يسوون لي كل الفحوصات
وان شاءا لله بولد في جدحفص اوالسلمانيه ...

ههههههههههه

اخيرن لقيت وحدة تتابع في الحكومي

ولله شكيت اني بحرينية وعايشة في البحرين

اني كنت اتابع بالمركز وحولوني على الفاتح لان فيني ضغط والحمدلله عدت على خير وولدت بالسلامة في مستشفى جدحفص صار لي تقريبا شهرين ونص من ولدت وواااايد زينين مستشفى جدحفص واحسهم اهتموا فيني اثناء الطلق والولادة ولله الحمد

الله يسهل عليكم ان شاء الله

reddish;9190797:
اختي ما انصحج تولدين عند كيرن .. بس اذا متابعة اشوة

ليش حبيبتي؟
اذا على السالفه انها مطروده من التخصصي
فالكلام غلط واهيه رافعه عليهم قضية

آنا كنت أتابع عند زينب الجفيري وكانت حبوبة وبشوشة يعني الواحد يرتاح لها وكانت تاخذ عشرين دينار في كل زيارة بس قريب الولادة صارت المواعيد كل اسبوعين فصارت تاخذ عشرة دينار وكل موعد تسوي لي التراساوند أو في الآخر عطتني سيدي فيه تصوير الجنين مال التراساوند من أول موعد رحت لها فيه أما الولادة ولدت في السلمانية

اني اتابع عند كيران وما عليها زود

اصلا اول ما تابعت عندها سقطت
بس هالمرة لا مثبتات ولا غيره
وتعجبني طريقتها وكلامها
ولما تقول كلام لازم تراويش في الدراسات اللي عندها والأوراق ان هذا الكلام صح
وهذا اللي يخليني واثقة فيها
كتاب متحرك ..

عن الولادة .. أمس رحت عوالي كان حلو والحجرة اللي دخلت فيها واسعة وجديدة
الظاهر هذا التوسعة الجديدة
ولا ما في الا وحده والدة
يعني أكيد أكيد راح تحصلين لج جانس في المستشفى
بس عن الاسعار ما ادري

وكنت افكر في العسكري
ولأني عندي تأمين وتأميني من النوع اللي يعطوني عليه حجرة خاصة
فما ادري وقت اللي اروح أولد .. بيعطوني الأولويه ولا لا ؟؟
أما عن السلمانية فأني حاطتنه أخر اوبشن
وأميل أزيد أني أروح العسكري
وما ادري عن ابن النفيس
متردده بين ذيلين الثلاثة والحين عوالي دش في خاطري بعد

هلا حبيبتي

انا كنت اتابع الحمل مع دكتورة منى الشرقي وولادتي كانت بالتخصصي وبصراحة ارتحت وايد لهم ولتعاملهم معاي وحتى بعد ما ترخصت بنتي كانوا يتصلون فيني يتطمنون عليها والله ان خوش معاملة وبالنسبة لدكتورة منى ارتحت منها واثق بكلامها لدرجة انها خبرتني وانا بالخامس ان ولادتي بتكون مبكرة وفعلا ولدت بنتي مبكر والحمد لله كاهي اكبرت وشحليلها وان شاء الله بوريكم صورها عمرها الحين 10 شهور


تسلمي حبيبتي ع الموضوع

من بداية حملي تابعت في المركز التابع للمنطقة

تعاملهم حلو و ما عندهم زحمة

و لما دخلت السادس تابعت عند منى الشرقي لاني ناوية اذا الله كتب اولد في النور التخصصي

و انا اجوفها زينة معاي و اذا عندي اي سؤال تجاوبني و ما احسها مستعيلة او تبي تمشي الوحدة بسرعة

الدخول اول مرة ب 15 حق فتح الفايل و بعدين كل زيارة ب 10 واذا تحتاجين التراساوند 15 زيادة

التحاليل ما تسوي عندها تقول لي سوي في المركز احسن وتاخذ النتايج

عجبتني

والحين اتابع عندها وعند المركز

صاحبة الظل الخفي;9194932:
ليش حبيبتي؟
اذا على السالفه انها مطروده من التخصصي
فالكلام غلط واهيه رافعه عليهم قضية

بطة حلوة;9198683:
اني اتابع عند كيران وما عليها زود

اصلا اول ما تابعت عندها سقطت
بس هالمرة لا مثبتات ولا غيره
وتعجبني طريقتها وكلامها
ولما تقول كلام لازم تراويش في الدراسات اللي عندها والأوراق ان هذا الكلام صح
وهذا اللي يخليني واثقة فيها
كتاب متحرك ..

عن الولادة .. أمس رحت عوالي كان حلو والحجرة اللي دخلت فيها واسعة وجديدة
الظاهر هذا التوسعة الجديدة
ولا ما في الا وحده والدة
يعني أكيد أكيد راح تحصلين لج جانس في المستشفى
بس عن الاسعار ما ادري

وكنت افكر في العسكري
ولأني عندي تأمين وتأميني من النوع اللي يعطوني عليه حجرة خاصة
فما ادري وقت اللي اروح أولد .. بيعطوني الأولويه ولا لا ؟؟
أما عن السلمانية فأني حاطتنه أخر اوبشن
وأميل أزيد أني أروح العسكري
وما ادري عن ابن النفيس
متردده بين ذيلين الثلاثة والحين عوالي دش في خاطري بعد

شوفوا الرابط
اسعار مستشفيات الولادة في البحرين
ولا تنسون التقييم !!

http://forums.3roos.com/showthread.php?t=447091