تجمع بنات مصر فى ركن العناية بالشعر الجزء (7)

يابنات انا غسلت شعرى انهارده بشامبو جونسون للاطفال بس نشفلى شعرى اوى بطريقه غريبه
انا اول مره استعمله . واول مره شعرى ينشف كده
ده حتى لو غسلته بصابون عادى مش شامبو مش بينشف كده
مش عارفه ليه كده .

Didem;9187946:
الله يخليكي ياجميله...
اه فى ايفا بالعسل للجسم وفى واحد للشعر وانا شعري عادي وفتلته ناعمه بس لو مدهنتوش بيبقى شكلى بشششششششششع ...امنا الغوله:D


انا جربت اللوسيون هو كان حلو يعنى وقف التساقط خالص بس فيه مشكله واحده انه عمللى تعاوير فى فروه راسي وحبوب بتوجع مع انى بغسل شعري كل يومين......وبالنسبه لشامبو لونا مش هاقول غير حسبى الله ونعم الوكيل فى اللى يبيعهولك وهو عارف ضرره ...وقعلى كميه شعر ....باروكه يابنتى كانت بتبقى فى البانيو ...اوعى تجيبيه

اعوذ بالله كويس اوى انك نبهتينى دانا كنت خلاص هجيبه وانا اصلا شعرى مش ناقص وقوع ده هو يا دوب شعره وربع طيب ان شعرى زي شعرك كده يعنى ناعم بس هايش وضيفى عليه انه خفيف وبيقع انتى بتستعملى شامبو ايه وبالنسبه لكريم ده موجود يعنى معروف اصلا انا اول مرة اعرف ان ايفا فيها كريم للشعر

semsem83;9188164:
على فكره يا ديدم انتي شعرك زيي وبجد هقولك على حاجه للهيشان انا كان شعري مش امنا الغوله انا لو كنت ادايق من حد في البيت افردلهم شعري بس وهوما يجروا:D مع انه اصلا ناعم :(
المهم بدأت استعمل زيت جدايل بتاع عبد الصمد القرشي وهوا بصراحه حمام زيت اصلا وبيستخدم كل اسبوع بصراحه دلوقتي انا بغسل شعري ومن غير ما اسرحه اسيبه ولا في اي هيشان خاااالص بالعكس شكله بقى حلو وبقيت اسيبه وملموش زي الاول جربيه هوا اصلا بيعالج الشعر وان شاء الله مش هتندمي

وفي حاجه يا بنات انا كنت سمعتها في برنامج وطبقتها بصراحه هيا انك لما تطلعي من الحمام بعد الدش متسرحيش شعرك على طول لان وقتها بيكون فتلة الشعر مبلوله وضعيفه جدا وبالتالي سهل اوي مع المشط انها تقع عشان كدا الاحسن تستنو شويه بعد ما تدهنوه لحد ما يكون مرطب وبعد كدا سرحوه انا لما اعمل كدا مش بيقع زي ما كان وهوا مبلول

انا كنت هجيب الزيت بتاع عبد الصمد ده بس الدكتورة خوفتنى منه اوى وقالتى ان فى ناس كتير اوى بتجيلها شعرها مدمر بسسب الزيت ده والزيوت اللى شبه وموضوع يسريح الشعر ده صح ملييييييييييييون الميه انا لما كنت بسرح شعرى وهو مبلول تحت الدوش او برة كان بيقع بشكل مش معقول بجد مش ممكن ولما عرفت المعلومه دى وعملتها فرق شاسع

soma_200772;9191553:
بصى ياجميل انا جربت لوسيو تونسكالبين وهو بصراحه جميل جدا (y)(y)بيوقف تساقط الشعر وبيزيل القشره ويخلى فروة الراس دايما نظيفه وتحسى كده انها بتلمع بس لازم تستمرى عليه فتره علشان تشوفى النتيجه هو مكتوب عليه انك تدلكى بيه فروة الراس من مره لمرتين فى اليوم لمدة من 4 الى 8 اسابيع
(واللسيون ده كان واحد صاحب اخويا صيدلى هو اللى قالوا عليه وقالوه انه احسن حاجه فى السوق للشعر)
.................. بس المشكله انى بقالى فتره مش لاقياه فى الصيدليات وبيقولولى انه ناقص واحتمال الشركه ماتنزلوش تانى بس مش عارفه ليه.

اللى موجود دلوقتى شبه كده اسمه الوبانثين هو حلو بس انا بحس انه مالوش دعوه بالتساقط يعنى بيزيل القشره وينظف فروة الراس بس......

ميرسى يا قمر على ردك انا بصراحه كنت محتارة لان الدكتور اصلا كان كاتبهولى وكان عندى ومبستعملوش مش عارفه ليه ولما جبت كريم ريتاج قولت اجيب اللسيون بتاعه ولكن انهرده استحرمت اجيب وانا عندى من التونسكالبين ده حوالى علبتين او تلاته قولت حرام وتوكلت على الله وحطيت منه اول يوم انهرده وعلى فكرة انا شوفته كتير اوى فى الصيدليات يعنى لو دورتى شويه هتلاقيه

سؤال ضرورى جداجدا .............................
انا انهارده عصرت حزمة جرجير فى الخلاط مع كوب ماء وصفيتهم وحطيت على فروة الراس زى اللسيون بس حسيت ان الشعر من فوق اللى قريب من فروة الراس ناشف اوىاوى.
ده طبيعى كده ولا ده غلط على الشعر واستمر على الموضوع ده ولا بلاش مع العلم ان شعرى جاف مش دهنى

soma_200772;9193712:
يابنات انا غسلت شعرى انهارده بشامبو جونسون للاطفال بس نشفلى شعرى اوى بطريقه غريبه
انا اول مره استعمله . واول مره شعرى ينشف كده
ده حتى لو غسلته بصابون عادى مش شامبو مش بينشف كده
مش عارفه ليه كده .

انا كمان قبل كده استعملته وخلى شعرى مقشه من النشوفانه والهيشان مش عارفه ليه مع ان فى بنات بتقول عليه كويس يمكن على حسب نوع الشعر طب متجربى تحطى بعديه حمام كريم او بلسم

شيكو 2008;9193895:
انا كمان قبل كده استعملته وخلى شعرى مقشه من النشوفانه والهيشان مش عارفه ليه مع ان فى بنات بتقول عليه كويس يمكن على حسب نوع الشعر طب متجربى تحطى بعديه حمام كريم او بلسم

والله انا قولت اجربه من كتر ماسمعت من بنات كتير انه حلو وبينعم الشعر
لكن خلاص هستعوض ربنا فيه وارميه انا عندى اغسل شعرى بصابون احسن منه مليون مره
بس انا كنت اصلا بستخدم كلير وكان حلو بينعم الشعر مش عارفه ايه اللى خلانى اغير واجيب جونسون ده.
يلا قدر الله وماشاء فعل

ميرسى يا قمر على ردك انا بصراحه كنت محتارة لان الدكتور اصلا كان كاتبهولى وكان عندى ومبستعملوش مش عارفه ليه ولما جبت كريم ريتاج قولت اجيب اللسيون بتاعه ولكن انهرده استحرمت اجيب وانا عندى من التونسكالبين ده حوالى علبتين او تلاته قولت حرام وتوكلت على الله وحطيت منه اول يوم انهرده وعلى فكرة انا شوفته كتير اوى فى الصيدليات يعنى لو دورتى شويه هتلاقيه[/quote]


العفو ياجميل إنتى تأمرى
بس الصيدليات اللى شوفتيه فيها دى فين لاحسن بقالى فتره مش لاقياه.

soma_200772;9193966:
والله انا قولت اجربه من كتر ماسمعت من بنات كتير انه حلو وبينعم الشعر
لكن خلاص هستعوض ربنا فيه وارميه انا عندى اغسل شعرى بصابون احسن منه مليون مره
بس انا كنت اصلا بستخدم كلير وكان حلو بينعم الشعر مش عارفه ايه اللى خلانى اغير واجيب جونسون ده.
يلا قدر الله وماشاء فعل

على فكره يا بنات موضوع الشامبو والزيوت دي واضح انها على حسب الشعر نفسه يعني الي يمشي عليكي ميمشيش على غيرك لاني من الناس الي ماشي معاها شامبو جونسون جدا وكلير كمان لما كان عندي قشر كنت بستعمله بس كان بينشف شعري شويه لكن مفعوله حلو
يعني بحس ان كل واحده فينا مش هتعرف ايه الي يمشي مع شعرها بالضبط غير لما تجرب حاجات كتييير لحد ما توصل للي عايزاه والي يناسبها
وبعدها هيحصل حاجه من 3 يا يقع يا يقصف يا يتعدل
ويارب تتعدل شعورنا كلنا يارب

يابنات هو احسن حاجه لحمام الزيت يتعمل كام مره فى الاسبوع؟؟؟
لانى جايبه مجموعة زيوت وخلطهم ومش عارفه مره واحده فى الاسبوع كفايه ولا قليل............

شيكو 2008;9193882:
اعوذ بالله كويس اوى انك نبهتينى دانا كنت خلاص هجيبه وانا اصلا شعرى مش ناقص وقوع ده هو يا دوب شعره وربع طيب ان شعرى زي شعرك كده يعنى ناعم بس هايش وضيفى عليه انه خفيف وبيقع انتى بتستعملى شامبو ايه وبالنسبه لكريم ده موجود يعنى معروف اصلا انا اول مرة اعرف ان ايفا فيها كريم للشعر

انا بستعمل شامبو صحت بالحنه هو شامبو ايراني وفى العادي بستخدم شامبو دابر فاتيكا بالحنه واللوز
كريم ايفا بقاله فوق ال15 سنه بينزل وكنت بشوفه من زمان ومكنتش بجيبه بس لما جبته مغيرتهوش من ساعتها

بنات هى الحنة ينفع احطلها زيوت ولا كده غلط

wendy;9192531:
ازيكم يا قمرات معلش انا بقالى مده مدخلتش النت حصلتلى حادثة بسيطة وللاسف عملت عملية جبست رجلى الحمد لله على كل شىء بجد المنتدى وحشنى وكل القمرات اللى فى

سلامتك يا قمرر الف سلامة

[/COLOR][/SIZE]

انسانه تحب الله;9192917:
ازيكم يا بنوتات عايزه اطلب منكم طلب لانى ماليش غيركم عايزاكم تدخلو الموضوع ده وتردو عليه

اختيار المدرسه امر صعب 2
ومستنيه ردودكم

ميااده2006;9193288:
بنات انا اول امبارح عملت حنا لشعرى وعجبنتها بمغلى الحلبه
غليت حلبه في مايه وعجنت بيها وحطيت معلقتين خل عليها عشان القشر
كان بق فروه شعرى فيها قشر وحسه انها مدهننه كده لانى فروه راسي دهنيه
بس شال القشرر وكمان حسه شعرى بقي قوى مفيش تساقط
اصل في الشتا مبقدرش اعمل حنا عشان الججو برد
بس قولت هعملها كل اسبوع انا حطتها على شعر نضيف بعد ما غسلته بلشامبو
حطيت الحنا وسبتها ساعتين وغسلت شعرى وعششان مينشفش
حطيت بلسم ويلا وحمام كريم خلطهم ببعض ووحطيتهم على شعرى ربع ساعه كده
بس مقربتش جمب فروه الراس عشان ميقعش شعرى وغسل شعرى بعد كده
وحطيت كريم فاتيكا بعد ما نشفو شويه ولفيته وكان ناعم زى الحرير

bon bonaya;9193467:
يا جماعه فين المروانى ده ياقمر وارقام تليفوناته ايه

وياترى عنده زيت الحيه الاصلى واعرفه ازاى ةهوه بكام

وكمان بكام زيت دابر املا الاصلى

:D

Didem;9183104:
بصي انتى لازم تكونى عارفه سعر الحاجه بره اصلا عشان لما تروحى تبقى فاهمه
يعنى حمام الكريم كده مش مضروب لان ده اكيد سعر الجمله بتاعه


عندك المقص يابونبون بتاع قص الشعر
ده بتاعى كنت جايباه ب20 من سمير وليم هو والمشط ده

لازم يكون عندك
وبالنسبه بقى لطريقه القص هابعتلك عالخاص الطريقه :)
بس استنى عليا كده لحد بكره
انتى عاوزاه دجراديه اللى هو يدي منظر سبعه على ضهرك كده يعني v
ولا دجراديه مش منتظم ...وده هيقرفك من كل النواحى اللى ممكن تتخيليها

ديدم ياريتك تنزلي طريقة قص الشعر على العام عشان الكل يستفيد او نزليه في موضوع ليكي....او ابعتيهولي ع الخاص يبقى عملتي فيا معروف وهدعيلك..

:D[/quote]


ياريت ياقمر تبعتهالى وياريت لو تعرفى ليه فروع تانيه تقولى عليها.
ولو جبتى من عنده حاجه وطلعت حلوه تفيدينا بيها وباسعارها..........
وشكرا مقدما :8875:

شيكو 2008;9193895:
انا كمان قبل كده استعملته وخلى شعرى مقشه من النشوفانه والهيشان مش عارفه ليه مع ان فى بنات بتقول عليه كويس يمكن على حسب نوع الشعر طب متجربى تحطى بعديه حمام كريم او بلسم

انا دهنت شعرى شوية زيت على خفيف كده ولفيته وحسيت انه نعم شويه الحمد لله.

soma_200772;9194349:
يابنات هو احسن حاجه لحمام الزيت يتعمل كام مره فى الاسبوع؟؟؟
لانى جايبه مجموعة زيوت وخلطهم ومش عارفه مره واحده فى الاسبوع كفايه ولا قليل............

يستحسن مره او مرتين بالكتيير في الاسبوع

semsem83;9194668:
يستحسن مره او مرتين بالكتيير في الاسبوع

شكرا ياقمر ماتحرمش منك :smile:
بس احطه كام ساعه؟؟؟

soma_200772;9193712:
يابنات انا غسلت شعرى انهارده بشامبو جونسون للاطفال بس نشفلى شعرى اوى بطريقه غريبه
انا اول مره استعمله . واول مره شعرى ينشف كده
ده حتى لو غسلته بصابون عادى مش شامبو مش بينشف كده
مش عارفه ليه كده .

أنا برده زيك لما استخدمت جونسون معجبنيش ومحستش انه بيحسن الشعر ولا حاجه وحسيت انه فيه كيماويات زي بقية الشامبوهات العادية
وأحسن شامبو بيناسب شعري بانتين أنا شعري شوية دهني

semsem83;9194041:
على فكره يا بنات موضوع الشامبو والزيوت دي واضح انها على حسب الشعر نفسه يعني الي يمشي عليكي ميمشيش على غيرك لاني من الناس الي ماشي معاها شامبو جونسون جدا وكلير كمان لما كان عندي قشر كنت بستعمله بس كان بينشف شعري شويه لكن مفعوله حلو
يعني بحس ان كل واحده فينا مش هتعرف ايه الي يمشي مع شعرها بالضبط غير لما تجرب حاجات كتييير لحد ما توصل للي عايزاه والي يناسبها
وبعدها هيحصل حاجه من 3 يا يقع يا يقصف يا يتعدل
ويارب تتعدل شعورنا كلنا يارب

عندك حق في مسألة ان كل واحده بيناسبها حاجه
بس أنا شعريي اتدمر من كذا شامبو زي كلير و هيربل اسينز والله وقعولي شعري وحرقوه خالص
أما جونسون نشفه ومكنتش بحس ان شعري فيه أي حيوية
والشامبوهات زمان كانت أحلى من دلوقتي خالص

sa7ar-22;9194416:
بنات هى الحنة ينفع احطلها زيوت ولا كده غلط

ينفع يا قمر لو مش عايزة الحنه تدي لون قوي
بس متزوديش قوي يعني حطي معلقة أو اتنين بالكتير

soma_200772;9194993:
شكرا ياقمر ماتحرمش منك :smile:
بس احطه كام ساعه؟؟؟

بصي يا توته كل زيت وليه وقت معين
لكن انا سمعت من اكتر من خبيرة تجميل ان المفروض ان حمام الزيت عامة ميقعدش اكتر من ساعه
بس بصراحة انا ساعات بسيبه ساعه ونص بس مش اكتر من كدا
ودا لانه بيوسع في مسامات الشعره وبالتالي ممكن تقع لو اتساب فترة طويله اوي

sandybell2;9195135:

عندك حق في مسألة ان كل واحده بيناسبها حاجه
بس أنا شعريي اتدمر من كذا شامبو زي كلير و هيربل اسينز والله وقعولي شعري وحرقوه خالص
أما جونسون نشفه ومكنتش بحس ان شعري فيه أي حيوية
والشامبوهات زمان كانت أحلى من دلوقتي خالص

انا كنت بستعمل هربل اسنسز شامبو و بلسم وكنت مرتاحه عليهم جدا لغاية ما بنات هنا نبهوني من ان هربل الشامبو فيه مواد مضره جدا للشعر بيني وبينك بطلته خالص لان شعري مش ناقص يقع اكتر

وانتي عندك حق الشامبوهات زمان كانت احسن من دلوقتي وبخيرها ومفيهاش كيماويات زي دلوقتي عشان كدا انا كذا مره بقول هجرب وصفات طبيعيه بس بكسل اوي والحاجات دي بتاخد وقت كمان فبكتفي اني استعمل بلسم وحمام زيت وربنا يستر:(

أحلى دنيا;9194448:
ديدم ياريتك تنزلي طريقة قص الشعر على العام عشان الكل يستفيد او نزليه في موضوع ليكي....او ابعتيهولي ع الخاص يبقى عملتي فيا معروف وهدعيلك..

مش هينفع انزلها ولا اعملها موضوع
ده فيديو وفيه واحده ست بوشها وده يخالف قوانين المنتدى

sa7ar-22;9194416:
بنات هى الحنة ينفع احطلها زيوت ولا كده غلط

اه طبعا ياجميله تنفع ..انا على طول بحط عليها زيت