تجمع بنات مصر فى ركن العناية بالشعر الجزء (7)

semsem83;9188164:
على فكره يا ديدم انتي شعرك زيي وبجد هقولك على حاجه للهيشان انا كان شعري مش امنا الغوله انا لو كنت ادايق من حد في البيت افردلهم شعري بس وهوما يجروا:D مع انه اصلا ناعم :(
المهم بدأت استعمل زيت جدايل بتاع عبد الصمد القرشي وهوا بصراحه حمام زيت اصلا وبيستخدم كل اسبوع بصراحه دلوقتي انا بغسل شعري ومن غير ما اسرحه اسيبه ولا في اي هيشان خاااالص بالعكس شكله بقى حلو وبقيت اسيبه وملموش زي الاول جربيه هوا اصلا بيعالج الشعر وان شاء الله مش هتندمي

صاحبتى جابت علبتين منه
الاخضر بتاع التساقط والاحمر بتاع التطويل
لاده منع تساقط ولا ده طول اللهم انها بس دفعت فوق ال200 جنيه وخسرتهم

mishmish2010;9188886:
سمسمه
انا كمان شعرى زيكم كده بس اى نوع منزيت الجدايل بتاع عبد الصمد القرشى
يابنات هو انا ممكن استغنى عن النخاغ بتع الجزار واجيب النخاع بتع دينا الجارم اللى ستاسى كاتبه عنه موضوع وشكرااااااا

خليكي فى بتاع الجزار احسن ...دينا الجارم تحطلك علبه نخاع صغيره وتقولك دي ب35 جنيه

b0nb0n;9188947:
انا بجيب بتاع دينا وهو حلو جدا ومالوش ريحة ريحتة حلوة اوى

طب ماهى دى حاجه تدعو للاستغراب برضو ازاى نخاع وريحته حلوه ...ضافت ايه على النخاع وكان بالقوه دي انه يخلى النخاع اللى الناس بترجع من ريحته خلاها حلوه

princess.of.pain;9189143:
معل ياديدم لو سمحتى كنت عايزة اسال عن سعر زيت ايفا بالصبار وحمام كريم منك وبويالا اللي بجنين القمح كريم ايفا اللي بالعسل انا اسفة انا عارفة انى كترت اسالتى بس بجد لانى نفسي اغير لحاجة احسن وجزاكى الله خير

بصي ياجميله الموضوع بتاعي اللى قريتيه قديم شويه وانا جربت مليون حاجه قبلها وبعدها

فسيبك مؤقتا من زيت ايفا ..هو حلو جدا وهيوقفلك التساقط بس حسيت انه معمليش حاجه اكتر من كده فزهقت منه ..وسيبك من حمام كريم مينك برضه
بصي انا هجيبلك من الاخر ...
تروحى عند عطار محترم ونضيف ...
تقوليله عاوزه زيت سمسم وزيت جوز هند وزيت خروع
بس نصيحه هاتيهم مش مخلوطين
يعنى ميقولكيش احطهملك فى ازازه واخلطهملك
بلاش
ووانتى مروحه كده تجيبى ازازه زيت زيتون من اى سوبر ماركت محترم ...بس كده خلصت حمامات الزيوت...تجيبى معلقه اكل من كل ازازه وتحطيها فى طبق وتحطي عليهم ياريت معلقه عسل ابيض ....وعلى شعرك ولا فوطه بقى ولا هيصه ...بونيه بلاستيك لمده ساعتين او ساعه بس زي ماتحبى وادخلى خدي الشاور بتاعك
وهتلاقى شعرك بقى جميل باذن الرحمن وعلى ضمانتى
حمام الكريم بوناويل هاتى اللى بالقمح عجبنى اكتر من اللى بالمشمش ...الانبوبه ب6 جنيه وفى منه كيس ب2 ونص
كريم ايفا بالعسل ممتاز العلبه الوسط ب6 وشويه والعلبه الصغننه ب 3 ونص هاتيها كتجربه ولو عجبك ابقى هاتي الوسط او الكبيره

هى حاطة فى نسبة زيت بس صغيرة واشك انة زيت عطرى بس الصراحة رهيب لا ريحة وحشة ولا تسييح ونتيجة تحفة
ديدم تصدقى ان زيت الزتون دة اول ما شعرى بيشم رحتة بيزعل اوى بينشفلى شعرىىىىىىى جدا جدا جدا

بنات بي تك اللي قي المهندسين اللي هو في شارع احمد عرابي او التاني اللي في شارع الحجاز قريبين من شارع جزيره العرب تقاطع وادي النيل بليز جاوبوني عشان رايحه بكره لو كان قريب من العنوان ده

mishmish2010;9188886:
سمسمه
انا كمان شعرى زيكم كده بس اى نوع منزيت الجدايل بتاع عبد الصمد القرشى
يابنات هو انا ممكن استغنى عن النخاغ بتع الجزار واجيب النخاع بتع دينا الجارم اللى ستاسى كاتبه عنه موضوع وشكرااااااا

انا جبت لااتنين التقصف والتساقط بس الي ماشيه عليه التساقط والحمد لله شعري اتضبط كتيير بعده

Didem;9189269:
صاحبتى جابت علبتين منه
الاخضر بتاع التساقط والاحمر بتاع التطويل
لاده منع تساقط ولا ده طول اللهم انها بس دفعت فوق ال200 جنيه وخسرتهم

على فكرة يابنات انا جبت قبل كدة النخاع عادى زى ما بتجيبوه كدة و سيحته في طاسه على نار هاااااااااااااااااااديه اوى ولا حمام مايه ولا بتاع و بعد ما ساح كنت محضره علبه كريم فاضيه و حطيته فيها و بعدين حطيت كام نقطة صغار من زيت ريحته حلوة ( زيت اللوز و الزتون من ماى واى دة اللي استخدمته )) و بس خلا ريحه النخاع كأنه كريم معطر
و تخيلوا كنت بستخدمه دهان و كان جميييييييييييييييل حطيه و لفي شعرك و شوفي جماله بعدها مش هتلاقي هيشان ولا حاجة باذن الله

ينات انا جيت زيروو فريز امبارح من كارفور بس كان فيه نوعين قعدت اكتر من ربع ساعه محتارة اخد انهى المهم جبت زيروو فريزز التانى كان اسمووو ايزى فريز حاجه كدة مش فاكرة بس مكتوب على العلبه طريقه الاستعمال عير حطى على الشعر المبلول من الجذور لغايه الاطراف طب كل يوم ولا ايه بالظبط مش فاهمه

شيكو 2008;9187292:
حد جرب لوسيو تونسكالبين حلو ولا لوسيون ريتاج احلى لو حد جرب منهم حاجه يقولى وكمان شامبو لونا بالبانثينول الدكتورة اللى فى الصيدليه عماله تقنعنى بيه وتقولى ان ده الشامبو الوحيد اللى مفهوش كيماويات انتوا ايه رايكم انا بصراحه خايفه اجيبه اصلى بحس ان حاجات لونا مش اوى وبعدين استرخصتوه اوى ب9 جنيه بس هى قالتلى ان الناس زمان كانت بتستعمله ولغايه دلوقتى الناس الكبيرة بتشتريه ومبتغيروش انتوا ايه رايكم اجيبه هو فى نوعين للشعر الجاف والشعر الدهنى مستنيه رايكم ضرورى

بصى ياجميل انا جربت لوسيو تونسكالبين وهو بصراحه جميل جدا (y)(y)بيوقف تساقط الشعر وبيزيل القشره ويخلى فروة الراس دايما نظيفه وتحسى كده انها بتلمع بس لازم تستمرى عليه فتره علشان تشوفى النتيجه هو مكتوب عليه انك تدلكى بيه فروة الراس من مره لمرتين فى اليوم لمدة من 4 الى 8 اسابيع
(واللسيون ده كان واحد صاحب اخويا صيدلى هو اللى قالوا عليه وقالوه انه احسن حاجه فى السوق للشعر)
.................. بس المشكله انى بقالى فتره مش لاقياه فى الصيدليات وبيقولولى انه ناقص واحتمال الشركه ماتنزلوش تانى بس مش عارفه ليه.

اللى موجود دلوقتى شبه كده اسمه الوبانثين هو حلو بس انا بحس انه مالوش دعوه بالتساقط يعنى بيزيل القشره وينظف فروة الراس بس......

[quote=Didem;9179188]كل الزيوت دي لقيتها عند المرواني فى شارع فيصل

والفاشكول هتلاقيه فى اى هايبر بس اتاكدي انه الاصلي وعموما هو بيوقع الشعر :D
والشامبو مش هتلاقيه على مااعتقد


فين ياقمر المروانى ده وارقام تلفوناته ايه علشان لو ليه فروع قريبه ليه اعرف هى فين.

واتاكد ازاى من فاشكول الاصلى لانى سالت عليه فى العذبى اللى فى سراى مول قالى العلبه الكبيره 1500 ملى ب 130 جنيه بس ماشوفتش شكلها لانه قالى هتجيلى بعد يومين والصغيره ال 200ملى ب 33 جنيه ودى صورته اللى شوفتها هنال

واخويا سالى عليه فى العذبى اللى فى جنينه مول اللى فى مدينة نصر قاله العلبه الكبيره ال 1500 ملى ب 95 جنيه وقالى ان لونها بنفسجى ومكتوب عليها مصنوعه فى ايطاليا.


فامش عارفه ايه الفرق مع انهم الاتنين من صيدلية العذبى فانهى الاصلى وانهى التقليد
وياريت لو حد اشترى الاصلى تنزل صورته وتقول منين وبكام.

خلطه الحناء
الحناء نبته عجيبه ومدهشه للشعر تغذيه من الجذور وتزيل ترسبات الدهون

وتمتّن الشعر نفسها تزيل القشره وهي تعتبر مطهّر ومجدّد مهم لفروه الرأس

المكونات: كالتالي وتكون مطحونه طبعآ ؛؛

كاسين _ حناء المدينه المنّوره

كاسين _ مسحوق الياس

كاسين _سدر

كاسين-كثيره

كاسين _مسحوق الصبّار

كاسين _سنبله

كاسين _مشاط

كاس _حلبه مطحونه

2/!كاس عويدي (( مسمار )) مطحون


حد يابنات يعرف مكونات الحنه دى موجوده فى مصر ولا لا واسعارها ايه لو موجوده
واى معلومه عنها او صور ليها علشان اول مره اسمع عنها.

meroo012;9190930:
ينات انا جيت زيروو فريز امبارح من كارفور بس كان فيه نوعين قعدت اكتر من ربع ساعه محتارة اخد انهى المهم جبت زيروو فريزز التانى كان اسمووو ايزى فريز حاجه كدة مش فاكرة بس مكتوب على العلبه طريقه الاستعمال عير حطى على الشعر المبلول من الجذور لغايه الاطراف طب كل يوم ولا ايه بالظبط مش فاهمه

مبروك ياجميله ....بس ياحبيبتى مش كل يوم
فى النهايه السيروم ده سيليكون وهو مخصص لحمايه شعرك من السشوار والفير مش تحطيه كتير عشان شعرك ميبوظش

حد يابنات جرب عصير الجرجير كلسيون للشعر؟؟؟؟؟؟؟؟؟

انا جبت حزمة جرجير مع كوب ماء وعصرتهم فى الخلاط وصفيته بس مش عارفه استعمله مره واحده فى اليوم ولا اتنين ؟؟؟؟؟؟؟؟
والمفروض احتفظ بيه فى التلاجه علشان مايعفنش ولا عادى اسيبه بره لان الكميه اللى انا عملتها لو هستعمله مره واحده فى اليوم ممكن تقعد اسبوعين ولو استعملته مرتين فى اليوم هتقعد اسبوع واحد
فعايزه اعرف احافظ عليه من التعفن ازاى.

ازيكم يا قمرات معلش انا بقالى مده مدخلتش النت حصلتلى حادثة بسيطة وللاسف عملت عملية جبست رجلى الحمد لله على كل شىء بجد المنتدى وحشنى وكل القمرات اللى فى
انا قريت ان ان فى بنات لقو مكوة ديدم غالية عند العجيل بس انا لقيتها فى فرع ميدان سفير ب159 والعجيل اكتر من 25 فرع فى القاهرة ممكن تكون الاسعار متغيرة موش زى بعض فى كل الفروع

[quo
te=زهره الجنوب;9180687]ازيكم يا بنات
كنت عايزه اسالكم عن مكان محلات العجيل فى القاهره وفروعه فين بضبط عشان عايزه اشترى منه مكوه الشعر السيراميك بتاعه ديدم ؟؟؟[/quote]
ممكن يا زهرة الجنوب تعملى سيرش على اليلو بيجيز مصر عن محلات العجيل فى القاهرة هيديلك كل الفروع وعنوينها وتليفونتها بالظبط انا اى سيرش عن اى مكان فى مصر بعمل السيرش فى وياريت ان شاء الله اكون افادتك

Didem;9183104:
بصي انتى لازم تكونى عارفه سعر الحاجه بره اصلا عشان لما تروحى تبقى فاهمه
يعنى حمام الكريم كده مش مضروب لان ده اكيد سعر الجمله بتاعه


عندك المقص يابونبون بتاع قص الشعر
ده بتاعى كنت جايباه ب20 من سمير وليم هو والمشط ده

لازم يكون عندك
وبالنسبه بقى لطريقه القص هابعتلك عالخاص الطريقه :)
بس استنى عليا كده لحد بكره
انتى عاوزاه دجراديه اللى هو يدي منظر سبعه على ضهرك كده يعني v
ولا دجراديه مش منتظم ...وده هيقرفك من كل النواحى اللى ممكن تتخيليها

ازيك يا ديدم وحشتينى قوى وكل البنات فى المنتدى وياريت على طول نقدر نستفيد منك ويجعله فى ميزان حسناتك باذن الله
اتمنى منك لو تبعتيلى طريقة القص على شكل الv لان نفسى اقص شعرى يمكن يرفعلى من معنوياتى شويه
معلش لو هتعبك معايا......................وشكرا

حمدلله على السلامة يا وندي وألف سلامة عليكي وان شاء الله تقومي بالسلامة وتبقي زي الفل يا قمر
انا يا ستي اللي لقيت المكواة غالية في العجيل وروحت الفرع بتاع سفير ولقيتها عنده اغلى من بقية الفروع التانية .... تصدقي انها عنده ب279 وفيه فرع على الرصيف التاني من المترو مش عنده اصلاً وفي فرع في سانت فاتيما جنب اولاد رجب كانت عنده ب235 ولما قولتله على السعر بتاعك قاللي دي اصلا مش واقفة عليا جملة بالتمن ده
عموماً انا الحمد لله جبتها من بي تك ب199 بعد ما لفيت عليها فروع العجيل كلها

ازيكم يا بنوتات عايزه اطلب منكم طلب لانى ماليش غيركم عايزاكم تدخلو الموضوع ده وتردو عليه

اختيار المدرسه امر صعب 2
ومستنيه ردودكم

b0nb0n;9188947:
انا بجيب بتاع دينا وهو حلو جدا ومالوش ريحة ريحتة حلوة اوى

ميرسىىىىىىىىىىىىىىىى يا جميل انا قريت موضوع ستاسى عنه وبتشكر فيه اوىىىىىىىىىى هو ومعه زيت معين من عندها برضه هاجرب واشوف

Didem;9189269:



خليكي فى بتاع الجزار احسن ...دينا الجارم تحطلك علبه نخاع صغيره وتقولك دي ب35 جنيه

طب ماهى دى حاجه تدعو للاستغراب برضو ازاى نخاع وريحته حلوه ...ضافت ايه على النخاع وكان بالقوه دي انه يخلى النخاع اللى الناس بترجع من ريحته خلاها حلوه

قلقتنى يا ديدم انا احترت خالص بس انا قريت من حد انها بتحط عليه زيت لانولين يمكن ده بيدى ريحه حلوه عموما هسال عنه وابحث لانى مش هاقدر استخدم بتع الجزار لريحته وشعرى محتاجه وشكرااااااااااااااااااااا يا ديدم مظبطنى على طول

semsem83;9190231:
انا جبت لااتنين التقصف والتساقط بس الي ماشيه عليه التساقط والحمد لله شعري اتضبط كتيير بعده

ميرسىىىىىىىىىى يا جميل على ردك بس اعتقد انه المفروض مش يبقى فيه اختلاف فى الفروع لانه هو هو عبد الصمد القرشى ومتشكره جداااا

بناااااااااات على فكرة انا بستعمل كريم كاب فاشكوول وبجيبو من العزبى ب 32 جنيه تقريبا وحلو جدا استعملتو شهر وجبتو تانى بيطرى الشعر جدا انا ماعكو انو وقع شعرى اول كام استعمال ليه لكن بعد المرتين الاولانيين مفيش شعر بيوقع وبيطريه جدا

meroo012;9193231:
بناااااااااات على فكرة انا بستعمل كريم كاب فاشكوول وبجيبو من العزبى ب 32 جنيه تقريبا وحلو جدا استعملتو شهر وجبتو تانى بيطرى الشعر جدا انا ماعكو انو وقع شعرى اول كام استعمال ليه لكن بعد المرتين الاولانيين مفيش شعر بيوقع وبيطريه جدا

هو اللى فى الصوره ده ياقمر؟؟؟؟؟؟؟؟؟؟ وبتستعمليه حمام كريم ولا زى البلسم؟؟؟؟

بنات انا اول امبارح عملت حنا لشعرى وعجبنتها بمغلى الحلبه
غليت حلبه في مايه وعجنت بيها وحطيت معلقتين خل عليها عشان القشر
كان بق فروه شعرى فيها قشر وحسه انها مدهننه كده لانى فروه راسي دهنيه
بس شال القشرر وكمان حسه شعرى بقي قوى مفيش تساقط
اصل في الشتا مبقدرش اعمل حنا عشان الججو برد
بس قولت هعملها كل اسبوع انا حطتها على شعر نضيف بعد ما غسلته بلشامبو
حطيت الحنا وسبتها ساعتين وغسلت شعرى وعششان مينشفش
حطيت بلسم ويلا وحمام كريم خلطهم ببعض ووحطيتهم على شعرى ربع ساعه كده
بس مقربتش جمب فروه الراس عشان ميقعش شعرى وغسل شعرى بعد كده
وحطيت كريم فاتيكا بعد ما نشفو شويه ولفيته وكان ناعم زى الحرير

بنات عاملين ايه

ممكن اسال سؤال

هو ايه تونيك فازلين للشعر ده

يا جماعه فين المروانى ده ياقمر وارقام تليفوناته ايه

وياترى عنده زيت الحيه الاصلى واعرفه ازاى ةهوه بكام

وكمان بكام زيت دابر املا الاصلى