تجمع بنات مصر فى ركن العناية بالشعر الجزء (7)

Didem;9407741:
بنات معلش سؤال مهم
انا طول عمري بحط كريم التصفيف على شعري بس عمري ماحطيته على الجذور
بس كل الكريمات مكتوب عليها انى احط على الجذور والشعر
انتوا بتحطوا كريم التصفيف على الجذور عادي؟
انا خايفه شعري يقع لو دهنت الفروه

انا مش بحط كريم التصفيف على الفروة بس بحط من فوق عادى بس ببعد عن الجذور لكن كريم التغذية بحط عادى على الفروة

mennat;9408847:
ارجوكم يا بنات لا تخذلونى الاقى فين دابر املا الاصلى المصنوع بالهند اكتبولى عناوين الله يجازيكم خيريارب وسعره بيكون اد ايه؟ ارجوووووووووكم ضروووووووووورى

البنات قالوا عن المروانى وهو ب 16.5 او19.5

شجرة الزيتون;9410170:
السلام عليكم ورحمة الله وبركاته

بنات ايه احسن بلسم بيفضل جوه الشعر

بلسم vo5

miss_w;9414015:
السلام عليكم
ازيكم يا بنات
كنت عايزة اسال عن حمام كريم Biopoint بالنخاع
ده كويس للشعر وفعلا بيغذي ؟؟
ولو عايزة احني شعري قبل الفرح احنيه قبلها بأد ايه ؟؟؟
واقص شعري قبل ما احنه ولا بعدها ؟؟
وعايزة حاجة تنعم شعري عشان انا بحس ان الحنة بتنشفه وتخليه خشن
شكرا

حمام الكريم انا مجربتوش بصراحة
الحنة قبل الفرح باسبوعين و تحطى عليها زبادى وعسل حيطرى الشعر جدا وبعد كده ما تغسلى شهرك استخدمى حمام كريم على النص التانى مش الشعر وشعرك حيبقى طرى جدا باذن الله
القص قبل احسن عشان تعرفى تحطى الحنة بشكل اسهل

زيت برداهان املا احلى ولا زيت دابر املا ؟

بنات طبعا انتوا خلاص بقيتوا عارفين كويس

لما بيوصل عدد الردود ل 1000 رد

هقفل الموضوع دى و هفتح الجزء الجديد

و لو عدة يومين بالظبط على غيابى عن المنتدى ممكن اى حد يفتحة بس انشاء اللة انا هكون موجودة

بس كدة لدلوقتى

لا ياديدم حطى عادى الكريم علي الفروة موش بيحصل اي حاجة انا معايا عن نفسي كده وانا بجد يابنات فعلا جربت كريم دابر فاتيكا اللي بالصبار والحنة واللوز تحفه اخر حاجة وبحط معاه كريم ايفا بالعسل بيدى لمعة وبيطري الشعر جدااااااااااااااااااااااااااااا وهو فعلا هو وايفا بالعسل احلي كريمات استعملتها بجد وهمم

totatota42;9367384:
السلام عليكم يااحلى عرايس

بصوا عندى طلب مستعجل وضرورى جدااا

وانا متاكده محدش هيساعدنى غيركم

بصوا بنت خالتى فرحها قرب فشهر 7

وشعرها وحشششششششش

وعايزه تعمل فرد سنه

ياريت لو تعرفوا مكان مضمون ومتجرب تقلولى عليه

هى ساكنه فاالقاهره ففيصل بس ياريت يكون متجرب فعلااا

يلااا بقى

الكيراتين هو افضل علاج للشعر وفيه كوافيرات بيعملوه حلو جدا ب 1000ج للبرازيلي الاصلي المصنوع بالبرازيل و650ج للبرازيلي المعبأ في لبنان انا جربته لنفسي 3مرات بجد حلو جدا ومفيش لا تساقط ولا اي مشاكل بس هوه مش بيفرد زي الفرد الكيميائي لأن مفيش حاجة تفرد الشعر 100% الا الكيماويات لكن الكيراتين وخاصة البرازيلي الاصلي بيفرد بنسبة 70% مع نعومة وعلاج للهيشان والتقصف بنسبة 90% يعني بيخلي شكل الشعر كأنه اصلا ناعم وحلو كأنه طبيعي مش معمول فيه حاجة ودي عن تجارب شخصية ليا ولناس كتير اعرفهم

Stacy;9367877:


حبيبتى احنا اتكلمنا فى الموضوع دى كتير اوى :(

عموما بصى مش تعمل اى نوع فرد خالص غير الكيراتين
ظريف اوى بجد انا اختى عملتة بعد زواجهابفترة قليلة عندها فى بفرلى هيلز ب 1500 و هى شعرها قصير لحد الكتف و يعتبر كويس يعنى هو مش ناعم اوى و مش جاف جدا جدا فاهمنى و السعر بعا بيعلى على حسب طول شعرك و نوعة و بيعد حوالى 6 شهور بيبتدى يبروح ابتداء من الشهر الرابع حسب عنايتك بى يعنى اشترى من عندهم شامبو الكيراتين و البلسم و كدة و اهتمى بى كويس و بالنسبة لتساقط الشعر بعد كدة انا قولت لاختى سكال من 1 الى 10 قالتلى 3 فا دى يعتبر طبعا كويس اوى بالنسبة للفرد التانى و شعرها مش بيتحرق ولا حاجة او يجف بيرجع لطبيعتة بس مع شوية تساقط

اتمنى اكون وضحتلك الموضوع(f)

لا ياقمر الكيراتين مش بيسبب تساقط ابدا انا عملتة 3 مرات لحد دلوقتي ومفيش اي تساقط علي الاطلاق الحالة الوحيدة اللي تسبب تساقط في الشعر بعد الكيراتين ان الكوافيرة اللي تعمله متكونش شاطرة وعندها خبره فيه عشان تقدر تعرف الكمية اللي يحتاجها شعرك من غير ماتزود الكيراتين علاج زي اي علاج لو زاد عن حده اتقلب لضده لكن بالاساس الكيراتين مبيسببش اي اضرار للشعر لانه مش فرد كيميائي دا علاج من مميزاته فرد التموجات بنسبة محددة علي حسب استقبال شعرك له بتكون النسبة دي لكن هو البرازيلي الاصلي بالذات طبيعي بنسبة 96% لكن الفرد الكيميائي كله كيماويات بنسبة 100%

رشا

ايه اخبار البيبي لييييييس

دهبيه;9369321:
بصى يا حبيبتى الفرد أنا جربته من سحر اللى فى المنيل وطبعآ وقع شعرى بالخصل:confused::confused: ولا يمكن أنصح أبدآ آآآآآآآآآآآآآآآآآآآ أى حد وندمت ولا يمكن أفرد أى نوع فرررررررررررررد اللى أصرفه على الفرد أصرفه على مستحضرات كويسسه و أهتم بيه أأأأأأأأأأأأأفضل حرمت خلاص :confused::confused::confused:


الله يكون في عونك الفرد اللي بتعمله سحر داخل فيه البطاااااس لانه البطاس فيه نسبة فرد عالية وتخيلي بأه البطاس ده ممكن يعمل اية في الشعر؟؟؟؟؟؟ ده بيدمر البصيلات اللي بيطلع جديد بيكون اخشن بكتير من الاول دا غير التساقط الفظيع الخصل بتوقع بطولها انا شفت بنت كانت جاية تعمل الكيراتين ولقيت شعرها منحول من قدام زي الرجالة كده لما سألتها قالتلي انها فردت عند سحر مرتين وعموما اي فرد كيميائي تأثيرة علي الشعر بيكون سيءءءءء جدااااااااااااااا لكن فرد سحر هو الاسوأ علي الاطلالالالالالالالالالالاق

يا ستاسى يا قمر الفردكله لازم يسيب أثر على الشعر

مهما نكان والدليل أن لما يطلع الشعر الجديد لازم برده يتعمله فرد ده دليل أن الشعر ده مش زى ده


لا ياقمر الكيراتين اصلا مش فرد كيميائي عشان يسيب اثر لانه 96% منه طبيعي ده باللنسبة للنوع الاصلي ولما يطلع الشعر الجديد لازم برده يتعمل تاني طبعا لانه بيرجع زي الاول بس من غير اضرار وده طبيعي

انا جبت كريم التصفيف لابني وليا فتكيا زي مانصحتي حبيبتي لولو وديم وهوا فعلا جميل جدااا انا مجربه الشامبوه وحمام الكريم واخيرااا كريم التصفيف كنت متردده منه خصوصا لابني وطلع انه في بروتين الحليب والماده ديه لما تبقا موجوده في اي كريم شعر بتدي نعومه حلوه اووووي للشعر وعن تجربه لاكتر من منتج فيه االماده ديه

ساره افندي;9416905:
انا جبت كريم التصفيف لابني وليا فتكيا زي مانصحتي حبيبتي لولو وديم وهوا فعلا جميل جدااا انا مجربه الشامبوه وحمام الكريم واخيرااا كريم التصفيف كنت متردده منه خصوصا لابني وطلع انه في بروتين الحليب والماده ديه لما تبقا موجوده في اي كريم شعر بتدي نعومه حلوه اووووي للشعر وعن تجربه لاكتر من منتج فيه االماده ديه

حلو ياساره الكريم بتاع فاتيكا بس انا اول مره اشوف ده ده شكله نازل جديد ولا ايه
انا لحد الوقتى مخلصه علبتين منه جربت اليه بلزيتون والصبار وجربت اليه بزيت اللوز والحنا وحلوين جدا
بس بتاع اللوز والحنا احلى وريحته احلى ومش بيدهنن

قوليلى بقي يا ساره ياريت تقوليلى
على حمام كريم فاتيكا بكام وهل هو حلو بينعم عايزه حمام كريم
غير حمام كريم المينك وبوناويلا

بجد العلبه ديه اول مره تشوفيها امال ايه الاشكال التانيه انا اللي خلني اجيبه انه بلبروتين الحليب
وحمام الكريم حلو جدااااااا ومناسب لشعري مش بيدهنن ولا بيلزق وخدي راي باقي البنات لان الشعر بيختلف من حد لتاني بس انا اقل حاجه تاثر في شعري
انا جبت الكريم للمحروس وانا طبعا معاه هههههه وطبعا عندنا ااسعار حاجه تفتح النفس انا جبته ب26 مش عارفه عندكم كام
وحمام الكريم بيتبع عندنا ب37 النص كيلو وديوم قالت ليا عندها ب22
بس انا جبته من دبي بابا جابه

هبقي اسئل ديدم برضه وانا شعرى ناعم بس اتعودت اعمل حمام كريم
ودى صور الحاجه اليه شفتها بس ده مشفتهوش عندى وسعره عندى
5 جنيه العلبه الصغيره

يلهووي ب5 جنيه ازاي عاااااااااااااااااااااااااااااااااااااااااا
وانا عندي الشامبوه الاولني وكنت منزله صورته
الكريمات بقا التانيه ديه انا مشفتهاش عندنا خلاص مفيش غير اللي جبته ده

اليه جبتيه مشفتهوش خالص قدامى والكريم جيباه ب 5 جنيه
بس علبه صغيره 70 ملى
بس اليه بلحنا واللوز جميل جدا وريحته احلى من بتاع الصبار والزيتون بجد
بيخلى ريحت شعرى حلوه وبيفضل فيها ريحت الكريم

ماده اللي جبته رحته حلو اوووي ابني عمال يتمختر الريحه تهف ههههههههههههه

ربنا يخلهولك يا ساره وتشوفيه عريس بس هى العلبه بتاعتك كام مللى زى بتاعتى 70 مللى
اصل لو زيها و ب 26 جنيه يبقي ده سرقه رسمى

140 مستورد

اللي ساءلتني شارع العشرين قبل ولا بعد العريش بصراحه معرفش انا مش من فيصل اساسا
اغرتيني يا ساره انا ناويه اجيب مجموعه فاتيكا شامبو وحمام كريم بس يا رب الاقي شامبو وحمام كريم ببروتين اللبن ده وبلاش الحنا