تجمع بنات مصر فى ركن العناية بالشعر الجزء (7)

roro cat;9171869:
أنا شعرى طويل عايزة أغير لون شعرى وأقصه دجراديه على طويل برده ويكون اللون على كستنائى أو بنى محمر ؟ أنا عمرى ما جربت صبغة وبقالى فترة كبيرة مقصتهوش ... السعر حيكون كام وأحسن الأنواع المستخدمة علشان أشوف عند الكوافير .


هاتي كوليستون اللون بيبقى قوي وعشان تضمني يبان فيه وهاتي افتح درجه في الكستنائي بس انا معرفش لون شعرك الاساسي ايه
ونصيحه هاتي بروكسسيد الاعشاب بتاع ويلا وهاتي 9 % عشان يفتح شعرك ولما تقوليلي لونه ايه وسميك ولا الفتله رفيعه هقولك ان شاء الله

يا بنات احد استعمل تونيك فازلين للشعر قبل كده ؟؟؟؟؟؟؟؟؟؟؟؟

[GRADE="00008B FF6347 008000 4B0082 FF6347"]
بصوا يا بنات الموضوع ده لقيته في الركن الطبي وصاحبته اسمها لؤلؤة غريبه وقلت يكمن يفيدكوا وليا تعليق صغنون ( يا تري لما بنعمل حمام الزيت 3 مرات في الاسبوع كده مضر واقروا الموضوع ؟؟؟

أولا: لاتغطوا شعركم وهو مبلول بعد الاستحمام مثلا ومالحقتوا تنشفوه تمام مستعجلين اوابتل بسبب عرق وكانت هذه الفترة في الحالتين طويلة(اقصد فتره تغطيه الشعر بكاب او شماغ او طرحه ونحوه) ممكن توصل لأكثر من نص ساعة بالعكس اتركوه ينشف أو يتهوى لان كتم الشعر بالحالة ذي يضعف بصيلات الشعر ويؤدي إلى تساقطه وعلى مدى غير بعيد ممكن تظهر القشرة من جراء تكرار العملية:eek:
ثانيا : حمام الزيت مفيد لكن اختيار الأنسب للشعر هو المهم مع العلم أن تكرار حمام الزيت أكثر من مره بالأسبوع يسد مسام الشعر وبالتالي يخف الشعر في بعض المناطق ولا يطلع ثاني واحرصوا دايما عند غسل حمام الزيت أن يكون الماء دافئ لازاله الزائد
ثالثا : احذرواااااا تمامااا من الاستحمام على الشعر بماء درجه حرارته عاديه اوبارده وفجاه تغيروا درجه حرارة الماء للدافئ أو الحار نسبيا بدون تدريج أو مقدمات لان تأكدوا (وهذي صارت لي للأسف:confused: )إن الحركة ذي وهي تغيير درجه حرارة الماء فجاه والرأس تحت الماء يؤدي إلى ظهور القشرة في فروة الرأس
رابعا: استخدام مجفف الشعر(الاستشوار)على شعر مبلول بهواء حار يؤدي إلى التقصف ثم تكسر الشعر أو تساقطه بدون مقدمات وإذا وصل الهواء الساخن للفروة وتكررت العملية يؤدي لظهور القشرة:ss:
وإذا كنت مستعجلة نشفيه بهواء بارد أو دافئ نسبيا ثم ارفعي درجه حرارة المجفف حسب رغبتك
وأخيرا الشعر يحتاج إلى الحنان واللطف في التعامل سواء كان قصير أو طويل يعني دلعوه:15: وقت ماتنشفوه أو تسرحوه يلاش المضاربة وتدليكه يوميا بأطراف الأصابع لمده خمس دقايق له فوائد عظيمه من ضمنها انه يطول بوقت أسرع وتتنشط الدورة الدموية وتقوى بصيلات الشعر ويعتبر التدليك مساج لفروة الرأس
أتمنى إنكم تكونوا استفد توا وان شاءلله إني مانسيت شي ودعواتكم حبايبي

[/GRADE]

رووفة;9177234:
ولا يهمك يا امووووووووووووووووورة
بصي هوا بعد الكوبري في الصف التاني هوا يعني بالظبط
في الصف التاني اول او تاني ناصية بعد التقاطع بتاع التجيند وهوا كبير وبتطليعله سللالم كده يعني لو روحتي مش هتووهي

بصي ده 200 مللي ب 18 او 17 تقريبا وفي اكبر وفي اصغر وفي اصغر جداا
لا هوا بينعم وبيدي لمعة كمان يعني بيطري الشعر
وصوورته اهييه

ميرسىىىىىىىىىىىىىىى يا قمر انا كده عرفت الوصف تمام تسلمى يا جميل
هو دابر املا الذهبى مش بيغمق الشعر ولا بياثر لو حبيت اصبغه بعد كده

روزى
انا اعرف ان اى ماسك للشعر عموما يبقى من مره الى مرتين فى الاسبوع حسب طبيعه الشعر بس

soma_200772;9175330:
الحاجات اللى مش عارفه هى فين فى مصر :
زيت تراشوب
زيت همتاج
زيت البراشوت
زيت انوب
شامبو (( الانقليزي )) الاحمر الاصلي
فاشكول بخلاصه الثوم

كل الزيوت دي لقيتها عند المرواني فى شارع فيصل

والفاشكول هتلاقيه فى اى هايبر بس اتاكدي انه الاصلي وعموما هو بيوقع الشعر :D
والشامبو مش هتلاقيه على مااعتقد

شيكو 2008;9175874:
نفس السوال وعايزة اسالكوا هو دابر املا ده بتحطوه حمام زيت ولا دهان وبعدين انا عارفه ان ريحته جامده اوى ده صحيح ولا الاصلى مش كده وايه الفرق بين الاخضر والذهبى

كحمام زيت ياقمر ...ده احسنلك وهيحسن شعرك ..

princess.of.pain;9176027:
السلام عليكم
ازيكم يابنات اخباركم ايه انا مشتركة جديده معاكم وكنت عايزة اسال لو سمحتوا انا عملت حمام نخاع والحمد لله تحفة وجبت اللسيون اللي ديدم قالت عليه ايفا ولسه يعنى مجرباه وبخط خلطة زيوت من عند العطار والحمد لله تمام بس المشكلة انى اما باجى الف طقية بيكون هايش من تحت وطروفه صعبة جدا وانا شعري الحمد لله طويل وموش عايزة اقصوا خالص اعمل ايه مع الهيشان ده وشكرا ليكم وياريت حد يفيدنى

بعد ماتفكي شعرك من الطاقيه اعمليه ديل حصان وادهنيه بكريم مرطب ...اى كريم المهم انه يهدي النكشه

موري2;9177273:
انا استعملت زيت دابر املا الاخضر يابنات
فعلا ريحته قويه
لكن بيطري الشعر قوى و بستخدمه كدهان للشعر يعنى بنام بيه مش بغسله بس مش عارفه دة كان اصلي ولا لأ كنت شارياه ب 25 ج بس حتى لو مش الاصلي نتيجته كانت كويسه برضه

انا بجيب المصري الازازاه الكبيره ب17 وساعات من سبينس ب14

rosy2;9178290:
يا بنات احد استعمل تونيك فازلين للشعر قبل كده ؟؟؟؟؟؟؟؟؟؟؟؟

انا انا انا انا ..:D حلو وهو مطول اكتر منه مقوي على فكره

rosy2;9178324:
[grade="00008B FF6347 008000 4B0082 FF6347"]
بصوا يا بنات الموضوع ده لقيته في الركن الطبي وصاحبته اسمها لؤلؤة غريبه وقلت يكمن يفيدكوا وليا تعليق صغنون ( يا تري لما بنعمل حمام الزيت 3 مرات في الاسبوع كده مضر واقروا الموضوع ؟؟؟


ثانيا : حمام الزيت مفيد لكن اختيار الأنسب للشعر هو المهم مع العلم أن تكرار حمام الزيت أكثر من مره بالأسبوع يسد مسام الشعر وبالتالي يخف الشعر في بعض المناطق ولا يطلع ثاني واحرصوا دايما عند غسل حمام الزيت أن يكون الماء دافئ لازاله الزائد
ثالثا : احذرواااااا تمامااا من الاستحمام على الشعر بماء درجه حرارته عاديه اوبارده وفجاه تغيروا درجه حرارة الماء للدافئ أو الحار نسبيا بدون تدريج أو مقدمات لان تأكدوا (وهذي صارت لي للأسف:confused: )إن الحركة ذي وهي تغيير درجه حرارة الماء فجاه والرأس تحت الماء يؤدي إلى ظهور القشرة في فروة الرأس

[/grade]

اختلف معاها بنسبه 100% ....انا مجربه الحاجتين دول ...واسالى مجرب ...حمامات الزيوت هى اللى رجعتلى شعري تانى بعد ماكان ميت ...وبعملها مرتين وساعات تلاته فى الاسبوع
وموضوع الميه السقعه بعد الميه الدافيه ده ياما عملناه ومبيحصلش حاجه

mishmish2010;9178801:
هو دابر املا الذهبى مش بيغمق الشعر ولا بياثر لو حبيت اصبغه بعد كده

الذهبى مش بيغمق وحتى الاخضر تقدري تصبغى هو مش حنه يعني

ديدم ربنا يبراكلك حبيبتي علي ردك عليا انا زعلت اوي من موضوع حمام الزيت مرة في الاسبوع بس انتي طمنتيني وعايزه ااقولك انتي والبنات حاجه

زيت هيمتاج عند المرواني بس مش الاصلي لو دورتي علي صورة الاصلي وقارنتيها باللي عند المرواني هتلاقيه مش هو هو وقلتله كده ما اقنعنيش في الرد وقالي لا طبعا انا شغال فيه بقاله سنتين ولما قلتله الاصلي مكتوب علي الغطا بالانجليزي Himtag oil سكت وقلي انه اصللا مش بيطول الشعر متخدهوش .

والله واعلم بس مش كل حاجة يا بنات نجري وراها وخلاص نتأكد وفي زيوت رخيصة ومعقوله تعمل نفس مفعول الغالي واحسن وانتم حرين في اختيارتكم

والي بتسأل عن فاشكول كتير بيقولوا بيوقع الشعر وبعدين العرب والسعوديين بيحبوا بناويل اللي بالمشمش يعني فاشكول غالي علي الفاضي عند العزبي العلبة الكبيرة ومستورد ب90ج طب ليه ندور عليه وهما بيستعملوا حاجتنا ويشكروا فيها وعلي فكرة في منه المصري ب40 ج

يا بنات هما المحلا اللى عند الموسكى حنب حمام التلات بتبيع كل حاجات الشعر والجسم بسعر الجمله دى كويسه حد جرب منها انا كنت فاكرة ان كل الحاجات دى مضروبه بس لاقيت ناس كتير قوى بتشترى من هناك وكمان اصحاب المحلات وبعدين قولت لو حاجتهم مضروبه معقوله هيفضلوا فاتحين كل السنين دى انتوا ايه رايكوا ده كمان فى الميك اب انا كنت هناك امبارح وكان فى علبه ايشادو مشترياها ب8 جنيه وده كمان بعد الفصال وده اقل سعر شوفتها بيه لقيتها عناك ب4 جنيه انا عارفه ان اكيد فى حاجات مضروبهوخصوصا الميك اب بس الشامبوهات وكريمات الجسم والحاجات دى اي نظامها يعنى مثلا شامبو لوريال ب تقريبا 30 عندهم ب20 لو حد جرب او يعرف حاجه يا ريت يفدنا

ازيكم يا بنات
كنت عايزه اسالكم عن مكان محلات العجيل فى القاهره وفروعه فين بضبط عشان عايزه اشترى منه مكوه الشعر السيراميك بتاعه ديدم ؟؟؟

rosy2;9179274:
ديدم ربنا يبراكلك حبيبتي علي ردك عليا انا زعلت اوي من موضوع حمام الزيت مرة في الاسبوع بس انتي طمنتيني وعايزه ااقولك انتي والبنات حاجه

زيت هيمتاج عند المرواني بس مش الاصلي لو دورتي علي صورة الاصلي وقارنتيها باللي عند المرواني هتلاقيه مش هو هو وقلتله كده ما اقنعنيش في الرد وقالي لا طبعا انا شغال فيه بقاله سنتين ولما قلتله الاصلي مكتوب علي الغطا بالانجليزي Himtag oil سكت وقلي انه اصللا مش بيطول الشعر متخدهوش .

والله واعلم بس مش كل حاجة يا بنات نجري وراها وخلاص نتأكد وفي زيوت رخيصة ومعقوله تعمل نفس مفعول الغالي واحسن وانتم حرين في اختيارتكم

انا فعلا شايفه ان معاكي حق فى موضوع هيماتاج وكده
بصي انا بخلينى فى العادى ...مبحبش اتزنق واتعود على حاجه واجي بعد كده مش الاقيها
يعنى انا شغاله على زيوت العطار ( جوزهند ده حبيبي ورقم واحد عندي - خروع - سمسم )
ولو دابر املا او فاتيكا وبس كده ....
وبالنسبه لموضوع حمام الكريم بصراحه برضه شايفه معاكى حق

شيكو 2008;9180577:
يا بنات هما المحلا اللى عند الموسكى حنب حمام التلات بتبيع كل حاجات الشعر والجسم بسعر الجمله دى كويسه حد جرب منها انا كنت فاكرة ان كل الحاجات دى مضروبه بس لاقيت ناس كتير قوى بتشترى من هناك وكمان اصحاب المحلات وبعدين قولت لو حاجتهم مضروبه معقوله هيفضلوا فاتحين كل السنين دى انتوا ايه رايكوا ده كمان فى الميك اب انا كنت هناك امبارح وكان فى علبه ايشادو مشترياها ب8 جنيه وده كمان بعد الفصال وده اقل سعر شوفتها بيه لقيتها عناك ب4 جنيه انا عارفه ان اكيد فى حاجات مضروبهوخصوصا الميك اب بس الشامبوهات وكريمات الجسم والحاجات دى اي نظامها يعنى مثلا شامبو لوريال ب تقريبا 30 عندهم ب20 لو حد جرب او يعرف حاجه يا ريت يفدنا

لا ياجميله مضمونين
انا جربتهم فى ميكب وزيوت الشعر زي دابر املا والحيه والليفه المغربي وشامبو كان مستورد مش فاكره اسمه.. حاجتهم كويسه زي اي حاجه
بصى انتى تستغربى فى ايه
انا مثلا لقيت فى محل هناك غسول نيتروجينا ب20 جنيه طبعا قلت مضروب كده على طول
انما جبت من عندهم حاجات كتير وزي الفل توكلى على الله...ده انا جبت من هناك ماسكرا واي لاينر تحفه وخلصوا ورميت علبتهم ونسيت اسمهم خالص :confused:

يعنى يا ديدم الفرق يبقى حوالى قد ايه عشان فى حاجات انا مش عارفه اسعارها يعنى مثلا لقيت فازلين لوشن الضغير ب20 جنيه وقالى ده مستورد والحاجه الوحيده اللى جبتها حمام كريم جارنيه اللى ستاسى قالت عليه لقيته ب35 وفى الحتت التانيه ب 52 بس جربته انهرده لقيته حلو يعنى تفتكرى اجيب ايه وايه لا اصل بصراحه الحاجه هناك مغريه واسعارها حلو وان خايفه ادبس ياريت اللى يعرف يفدنى

زهره الجنوب;9180687:
ازيكم يا بنات
كنت عايزه اسالكم عن مكان محلات العجيل فى القاهره وفروعه فين بضبط عشان عايزه اشترى منه مكوه الشعر السيراميك بتاعه ديدم ؟؟؟

فى فميدان مصطفى محمود فى المهندسين وفى فى الزمالك فى شارع 26 يوليو

السلام عليكم
انا اول مره اشارك فى المنتدى ده
وبصراحه انا فى ورطه مع شعرى

وتابعت الموضوع بس لاقيتكوا بتقولوا حاجات غريبه اووى عمرى مسمعت بيها
انا شعرى ثقيل وحاليا طول عدى نص ظهرى

بس مشكلته ان الكسره فيه جامده وخشن
حاولت اعمله فرد بالكريم لكنه اتحرق وده من سنين
كنت بسمع عن الحنه اللى بتفرد لكن بتخلى الشعر اسود قاطم
وانا شعرى بنى غامق فحتغير شكلى

فلو حد يعرف اى حل لشعرى يبقى جزاكن الله خيرا
انا من الاسكندريه على فكره

نور18;9181661:
السلام عليكم
انا اول مره اشارك فى المنتدى ده
وبصراحه انا فى ورطه مع شعرى

وتابعت الموضوع بس لاقيتكوا بتقولوا حاجات غريبه اووى عمرى مسمعت بيها
انا شعرى ثقيل وحاليا طول عدى نص ظهرى

بس مشكلته ان الكسره فيه جامده وخشن
حاولت اعمله فرد بالكريم لكنه اتحرق وده من سنين
كنت بسمع عن الحنه اللى بتفرد لكن بتخلى الشعر اسود قاطم
وانا شعرى بنى غامق فحتغير شكلى

فلو حد يعرف اى حل لشعرى يبقى جزاكن الله خيرا
انا من الاسكندريه على فكره

بصى اهتمى بية اعمليلة حمام نخاع مرة فى الاسبوع وحمام زيت مرة فى الاسبوع برضة ومن احسن الزيوت زيت جوز الهند والخروع واستعملى شامبو مناسب وبلسم حلو وحمام كريم البنات بتشكر فى حمام كريم بوناويل وبلسم لاكتويل وانا عن نفسى بستعمل الشامبو انى حاطة ازازة صغيرة فى الحمام احط فيها نقطتين شامبو واملاها مياة وادوبة فيها ومن المياة بالشامبو دى ابتدى اغسل شعرى هتلاقى شعرك نطف كمان الشامبو بيبقى خفيف فبيدخل لكل الشعر وكما هتلاقى انك من اول مرة مش محتاجة تكررى الموضوع
انا عرفت اد اية انا كنت بحط زمان كيماويات على شعرى
ولما يجى الصيف ابتدى اعملى حنا الحنة مغذية ومطهرة
بس واستمرى لفترة وخاللى دة الروتين بتاعك وهتلاقى شعرك بقى زى الفل ان شاء الله
بس لو انتى طبيعة شعرك فى موجة مش هتفردة الحاجات دية هتغذية وتلمعة وتخلية صحى

بصى اهتمى بية اعمليلة حمام نخاع مرة فى الاسبوع وحمام زيت مرة فى الاسبوع برضة ومن احسن الزيوت زيت جوز الهند والخروع واستعملى شامبو مناسب وبلسم حلو وحمام كريم البنات بتشكر فى حمام كريم بوناويل وبلسم لاكتويل وانا عن نفسى بستعمل الشامبو انى حاطة ازازة صغيرة فى الحمام احط فيها نقطتين شامبو واملاها مياة وادوبة فيها ومن المياة بالشامبو دى ابتدى اغسل شعرى هتلاقى شعرك نطف كمان الشامبو بيبقى خفيف فبيدخل لكل الشعر وكما هتلاقى انك من اول مرة مش محتاجة تكررى الموضوع
انا عرفت اد اية انا كنت بحط زمان كيماويات على شعرى
ولما يجى الصيف ابتدى اعملى حنا الحنة مغذية ومطهرة
بس واستمرى لفترة وخاللى دة الروتين بتاعك وهتلاقى شعرك بقى زى الفل ان شاء الله
بس لو انتى طبيعة شعرك فى موجة مش هتفردة الحاجات دية هتغذية وتلمعة وتخلية صحى

جزاكى الله خيرا على ردك
وبنفذ ان شاء الله

انا عارفه انالكسره مش حتتفرد
بس نفسى على الاقل يبقى شعرىشكله كويس
من غير سيشوار

والله المستعان
دمتى بود

بنات بفكر اقص شعرى فى البيت اية رأيكم انا شعرى مدرج وعايزة اقصة حتة نونو ولو روحت الكوافيرة هتقص نصة [BLINK]ديدم [/BLINK]انتى ليكى تجربة طمنينى

نور18;9181760:
جزاكى الله خيرا على ردك
وبنفذ ان شاء الله

انا عارفه انالكسره مش حتتفرد
بس نفسى على الاقل يبقى شعرىشكله كويس
من غير سيشوار

والله المستعان
دمتى بود

لا اطمنى ان شاء الله هيبقى زى الفل بس ما تيأسيش خليكى وراة وراة الشعر عايز نفس طويل

شيكو 2008;9181630:
يعنى يا ديدم الفرق يبقى حوالى قد ايه عشان فى حاجات انا مش عارفه اسعارها يعنى مثلا لقيت فازلين لوشن الضغير ب20 جنيه وقالى ده مستورد والحاجه الوحيده اللى جبتها حمام كريم جارنيه اللى ستاسى قالت عليه لقيته ب35 وفى الحتت التانيه ب 52 بس جربته انهرده لقيته حلو يعنى تفتكرى اجيب ايه وايه لا اصل بصراحه الحاجه هناك مغريه واسعارها حلو وان خايفه ادبس ياريت اللى يعرف يفدنى

بصي انتى لازم تكونى عارفه سعر الحاجه بره اصلا عشان لما تروحى تبقى فاهمه
يعنى حمام الكريم كده مش مضروب لان ده اكيد سعر الجمله بتاعه

b0nb0n;9181765:
بنات بفكر اقص شعرى فى البيت اية رأيكم انا شعرى مدرج وعايزة اقصة حتة نونو ولو روحت الكوافيرة هتقص نصة [blink]ديدم [/blink]انتى ليكى تجربة طمنينى

عندك المقص يابونبون بتاع قص الشعر
ده بتاعى كنت جايباه ب20 من سمير وليم هو والمشط ده

لازم يكون عندك
وبالنسبه بقى لطريقه القص هابعتلك عالخاص الطريقه :)
بس استنى عليا كده لحد بكره
انتى عاوزاه دجراديه اللى هو يدي منظر سبعه على ضهرك كده يعني v
ولا دجراديه مش منتظم ...وده هيقرفك من كل النواحى اللى ممكن تتخيليها

مشكوووورة

rosy2;9178290:
يا بنات احد استعمل تونيك فازلين للشعر قبل كده ؟؟؟؟؟؟؟؟؟؟؟؟

عباره عن ايه ده يا قمر
والمرواني ده فين ف فيصل بالظبط يا بنات؟؟؟؟؟؟؟؟؟؟؟

b0nb0n;9181648:
فى فميدان مصطفى محمود فى المهندسين وفى فى الزمالك فى شارع 26 يوليو

شكرا يا بونبون ربنا يجازيكى خير يا جميل (f)

كنت عايزه اشترى شامبو للشعر الجاف وفى نفس الوقت يكون ضد القشره تنصحونى بايه يا بنات ؟؟ وياترى فى شامبوهات للقشره من كازنوفا ؟؟؟؟؟؟