DodyCat;8419544:
وحشتونى قوى
انا الفترة اللى فاتت كان عندى مشاكل كتييير وفسخت الخطوبة ورجعنا تانى فى نفس اليوم D:
المهم أحنا قررنا اننا عشان المشاكل لازم نتجوز بسرعه وقرننا نتجوز خلال شهر 2 أو أول 3
المهم انا معنديش لبس بيت شتوى خالص أعمل ايه وأجيب كام بجامة
وكمان معنديش لبس صيفى خروج بس بفكر أفصل
قولولى اعمل ايه
ربنا يفك كربك ياقمر ويجمع بينك وبين خطيبك ع خير -اللبس الستوي ياقمر احسن اماكن هاتلاقي في حبيبة اخر دور في جنينة مول وممكن تلاقي منتجاتها في اماكن تانية مش التوكيل يعني - وعندك كمان ممر دنيا النغم الي في وسط البلد في شارع محمد فريد في حاجات جميلة اوي ومحل ابتسام برده فيه ترينجات حلوة - والاراوب برده هاتلاقيها في الحتت دي برده ياقمر وع فكرة انا خلصت معظم ترينجاتي في يوم واحد من ممر النغم
وهاتي حوالي 7 ترينجات كده و جلابية او 2 و 2 روب
والصيفي استني لما ينزل انا مش بحبذ التفصيل خالص يعني في لبس الخروج
DodyCat;8419560:
الجزم الستان بتتنضف أزاى ؟؟؟
ده قماش ياحبيبتي هاتي فرشاة سنان وبالاريال واعمليها واشطفي بالراحة حتة حتة يعني
حبيبه مادو;8419646:
وعاوزه اعرف كمااااان بلييييز ضرورى احسن مكان فساتين زفاف فى القاهره ايجار لبسه اولى ويبقى فى حدود كام ؟؟ اصل انا كنت عاوزه اشترى فستان الفرح بس من الواضح انه هيبقى غالى جدددا لو اشتريته بالستايل اللى هيعجبنى
يااااااابت انتي روحيي الاتيليه الي في البحر الاعظم -حاجاته نضيفة وجديدة والايجار هنام من 1200 لحد 1600 تقريبا كده
حبيبه مادو;8419907:
روزززى حبيبى وحشتيييينى عامله ايه يا بت يا عرووووسه ربنا يفك الضيييقه دى وتخلصوووا وتكونى احلى عروس وربنا يباركلم حياتكم ييييييييييااااااااااارب
اللى اشتروا ستاير الستااير الخفيفه بكااام الشيفون والاورجانزا الخفيف والتقيل بتاع البراقع بكام
انا ع فكرة الجزء الي قبل ال فات كتبت كووول التفاصيل بس هاقول تاني الاسعار عشان خاطر عيونك يادمييييل
الفوال السادة جبته ب 17 واللاورجانزا جبت واحدة سادة ب 35 والاورجانزا فيه اغلي من كده برده وجبت كتان ب 45 وتفتاه سادة ب 21 - وطبعا راتكس حلو اوى بس غالي شويتين عايز فصال اوي مش زي باقي محلات الازهر يعني
وانا مش عملت براقع انا عملت حاجة بيسموها طرحة كده من فوق
[
CuTie KaTkOoTa;8420833:
يا بنات ممكن حد يقوللي في السريع ورق الحيطة اللي بيبقي شريط كده وبيتحط في نص الحيطة، بيتجب منين واسعاره ايه بس مش عايزة حاجة عالية اوي يعني الوسط كده عشان احتمال انزل اشوفه النهاردة، ممكن منين غير محلات الدهانات والبكرة بتبقي كام متر
هاتلاقي في الرويعي وانا شفت في يوتين ومحل شبانة الي في مصطفي النحاس حاجات تحفة بس ماعرفش اغلي من الرويعي ولا ايه ؟
أي حد;8421237:
بصي يا بنت مسلمة انا والله اللي فكراه مول اسمه شبرا في المدينة كان فيه حاجات تحفة في مرة بس المشكلة انه بيكون مواسم لاني رحته مرة تانية لقيت حاجات ازواق وحشة خالص واسعاره كويسه جدا
دة اللي انا فكراه حاليا في المدينة ممكن ابقى اسال ماما واقولك
انا معرفش مكانه بس انتي لو قلتي للسواق وديني عند شبرا غالبا هيعرف
وكان في واحدج في طريق المطار مش عارفه اسمه الصالح ولا اية لما اتاكد هقولك
بالنسبة لغيود كنتي سالاني على البيروفلام هي حلل خامتها قريبة من البورسالين بس طبعا قوية وينفع تتطلع من التلاجة تتحط على النار على طول او في الفرن غير البايركس لو عملتي كدة يطق ويتكسر
بس غطاها بيكون بايركس فلو هتجيبيها لازم تحرسي عالغطا
يا بنات انا ملاحظة ان الناس الجديدة محدش بيرد عليها:confused::confused:
سالت مرتين ومحدش عبرني
عايزة اعرف اماكن ارواب شتوي في الجيزة او القاهرة تكون شيييييييييييك
ولبس شتوي للخروج بس يكون مش غالي ويكون شيك عشان بلبسه في البيت لو سمحتو ردواااااااااااااااااااااااااا
ياحبيبتي حبيبة جنينة مول - وممر النغم وسط البلد
nana_hosam1;8422639:
انا عايزة اعرف اسعار كوافير عادل المصرى
هي باكيدجات ياقمر وحسب انتي عايزة عادل المصري ولا مراته ولا اي بنت من البنات الي هناك لو عادل او مراته بيزيد 100 ج ع الباكيدج عن البنات -وانا مش فاركة اسعار اوي بس هاقولك الباكيدج بتاعي هو ب 850 ميكاب وطرحة ومانيكير وسيشوار وصبغة لونين للشعر وادوني الباديكير هدية - ولو الصبغة لون واحد بيقل 100 ج ولو من غير صبغة بيقل 200 ج - وفي باكيدجات اكبر من كده فيها بقا ماسكات وجلسات تفتيح للبشرة والجسم وسويت وحمام مغربي كده يعني