تجهيزات عرايس مصر القمرات الجزء 113

cherry..;8414248:
السلام عليكم..

انا كنت متابعاكوا من فترة هنا ومش متخيلين انا طاااااايرة بالمنتدى هنا اد ايه وكان التسجيل مش متاح بقاله كام يوم كنت هتجنن..

دلوقتى بأه انا مخطوبة من 3 شهور وان شاء الله كتب الكتاب على العيد الصغير على ماكون وضبت الشقه وبعدها الفرح ان شاء الله..

بالنسبة للبس البيت والكاسات وحاجات المطبخ الازاز امى الحمدلله مروقاااااااانى من زمان كانت بتجيب وبتشيل والحمدلله خفت من عليا حاجات كتير مش فاضلى غير الصينى وطقم المعالق واجهزة المطبخ وحبه حاجات رفايع كده تانية فى المطبخ..

ليا سؤالين ...
اولاا انا ان شاء الله هبدأ فى توضيب شقتى خلال الشهر دا هى على الطوب الاحمر .. وخايفه جدا وقلقانه ومحتارة مش عارفه ابدأ من ايه ولا اعمل ايه .. انا اظن ان نبدأ بالكهربا والسباكة الاول بس اللى قالقنى انى مش عارفه اخطط كويس اعمل مخارج كهربا فين فى الحيطة .. خايفه لما اجيب مكتبة بحجم معين او جزامة او تابلوهات محتاجه اضاءة ملاقيش ليها مخارج كهربا يعنى خايفه اخطط كده للكهربا وبعدين ألاقى ان كل حاجه اتلخبطت بعد ما اجيب العفش والفرش .. احلها ازاى دى ..

وياريييييييييت حد يقولى الاسعار بتاعه الكهربا والسباكه والسيراميك ..المتر بكام والخامات اتكلفت فى حدود كام ..يعنى حاجات كده ..و انا شقتى ان شاء الله 168متر ..

السؤال التانى ..
انا اهل جوزى و حماتى فى السعوديه وممكن اخليها تجيبلى حاجات من هناك ..
تنصحوا بايه بأه يكون احسن انه يتجاب من هناك .. انا قريت انه البطاطين الاسبانى حلوة من هناك .. والبخور والحاجات دى ...... انا عايزة حاجات للجسم و بخور لتعطير الانجيرى ولتعطير الجسم والشعر ... يعنى يكون بجانب المجموعات بتاعه افون واوريفليم .. ممكن لو حد ليه خبرة يقولى ليسته بالبخور والمسك والحاجات دى وبيعملوا ايه علشان اقولها وهى نازلة تبعتهملى ...

ومعلش سؤال تالت ..

اجهزة المطبخ كينود او براون انا قريت هنا انه كتير منكم بيفضل كينود .. تفتكروا دا احلى اتوكل على الله واجيبه ؟ واجيبه من السعودية ارخص ولا مش فارقة..
كمان اجيب اللى بيعمل كلللللل حاجه خلاط وكبه وعجانه ولا افصلهم احسن واجيب كل حاجه لوحدها ..

دوشتكوا من اول مرة معلش :21_186:

بصى يا شيرى انا هقولك الحاجات اللى انا مجرباها شخصيا ولو انتى بتثقى فى ذوق حماتك ممكن هى تنقيلك على ذوقها

بتوع العطور العربيه فى الخليج بيعملو لوشنات للجسم بخلطات البرفانات المعروفه ودا انا هجيب منه بس معنديش نوع معين بس بيخلطو هما انوااااع كتير بجد هى ممكن طنط تسأل و تختارلك مع بناتها مثلا

البخور بقى كمان مش هقوك على انواع فى المعمول و دا انواع كتير فى علب جاهزه انا جايبه مؤخرا بخور الكسوه و بخور القصر و بخور افراح و اسعارهم حلوه مش هتزيد عن 40ريال الواحده و كنت جايبه من زمان بخور لمسه كان تحفففففه و جميل بس ملقتهوش السنه دى

فى للشعر حاجه اسمها خمريه برده زيوت مخلوطه بعطور تحفه بس غاليه ناااار التوله اللى هى 10 جرام مثلا بالشئ الفلانى هاتيلك واحده مثلا او نص توله بالعطر اللى تحبيه

فى عطور الفراش بقى عندك اكوا كوثر و زينه من القرشى حلوين و بنستعملهم و اكوا كوثر دا كنا رشينا بيه البيت اول مره يجيلنا خطيبى فمرتبط عندى انا و ماما باليوم دا :) جميل و فيه تسنيم من القريشى معرفش بصراحه دا فين مكانه و السعوديه فيها يامااااا من الحاجات دى و فيه عطور فراش و ملابس من بانافع للعود برده جميله

فيه حاجه اسمها زيت عطرى انواعه كتيير اوى ممكن للجسم يستخدم او يتخلط مع حاجه تانيه و كدا انا جايبه زيت عطرى من واحد اسمه السُرتى الزيت بقى اسمه مسك بحرى يااااه انا بدوخ من جماله تحفهههه ماشاء الله

هممممممممممم مش افكره حاجه تانيه و على فكره انا لسه بدور على لوشانات معطره للجسم زيك بس مؤقتا هقولك فى من ماركه فروتى بالباشن فروت حلو و ريحته ظريفه اوى ولو عرفتى انتى معطرات للجسم ابقى قوليلى :) ولو استفدتى من كلامى ابقى افتكرينى بالدعاء الصالح و ربنا يكرمك ياستى :)))

[QUOTE=cherry..;8414248]السلام عليكم..

انا كنت متابعاكوا من فترة هنا ومش متخيلين انا طاااااايرة بالمنتدى هنا اد ايه وكان التسجيل مش متاح بقاله كام يوم كنت هتجنن..

دلوقتى بأه انا مخطوبة من 3 شهور وان شاء الله كتب الكتاب على العيد الصغير على ماكون وضبت الشقه وبعدها الفرح ان شاء الله..

بالنسبة للبس البيت والكاسات وحاجات المطبخ الازاز امى الحمدلله مروقاااااااانى من زمان كانت بتجيب وبتشيل والحمدلله خفت من عليا حاجات كتير مش فاضلى غير الصينى وطقم المعالق واجهزة المطبخ وحبه حاجات رفايع كده تانية فى المطبخ..

ليا سؤالين ...
اولاا انا ان شاء الله هبدأ فى توضيب شقتى خلال الشهر دا هى على الطوب الاحمر .. وخايفه جدا وقلقانه ومحتارة مش عارفه ابدأ من ايه ولا اعمل ايه .. انا اظن ان نبدأ بالكهربا والسباكة الاول بس اللى قالقنى انى مش عارفه اخطط كويس اعمل مخارج كهربا فين فى الحيطة .. خايفه لما اجيب مكتبة بحجم معين او جزامة او تابلوهات محتاجه اضاءة ملاقيش ليها مخارج كهربا يعنى خايفه اخطط كده للكهربا وبعدين ألاقى ان كل حاجه اتلخبطت بعد ما اجيب العفش والفرش .. احلها ازاى دى ..

وياريييييييييت حد يقولى الاسعار بتاعه الكهربا والسباكه والسيراميك ..المتر بكام والخامات اتكلفت فى حدود كام ..يعنى حاجات كده ..و انا شقتى ان شاء الله 168متر ..



بصي يا جميلة، زي ما أي حد ردت عليكي كده صح، انا هنا الشقة مكنتش علي المحارة بس ظبطناها من الاول، اول حاجة بتعملي السباكة والكهرباء عشان دول بيدخلوا جوا الحيطة وتحت الارض وفرصتك انها علي المحارة يعني مش هتحتاجي تكسير ولازم تفكري كويس اوي من دلوقتي في احتياجك للفيش والاكباس والصرف وكده عشان مترجعيش تكسري بعدين وتحتاسي، وانا قابلتني بردو مشكلة اني مش عارفة لسه هجيب اوضة النوم مثلا عاملة ازاي ولا مقاستها ولا هحطها ازاي، بس قالولي اعملي تصور في دماغك ومتنفعش إلا كده بس الريسيبشن طبعا كان اسهل بكتير، الاوضة زودت الفيش فيها غير اللي جنب الباب عملت في الحيطة اللي هايبقي فيها الكومودينو عشان الأباجورات وعملت فيشتين للتليفون واحدة جنبهم وواحدة جنب الباب وعملت وصلة للدش والتكييف وفي الأوض الصغيرة عملت كده بردو بس واحدة بس من كل حاجة عشان مساحتهم مش مستهلة كل ده، وفي الريسيبشن ظبطت مكان الأباليك اللي هحطها لأن السفرة موجودة هي والصالون عليت مكانهم شوية عشان يتناسبوا مع طول النيش والبوفيه، ووسعت بينهم عشان يبانوا ويبقوا شيك وعملت في المطبخ من بره جنب الحيطة بتاعته عالطول فيشة للتليفون مع النور وفيشة الكهرباء وطبعا هو فيه اتنين كمان جوا عشان الاجهزة والبوتجاز وعملت مكان لسبوت في الحمام فوق مراية الحوض او اي حاجة هتتحط هنا، تكلفة الكهربائي بقي كانت 350 مصنعية ايده والاسلاك ولوازم الكهرباء كانت ب 1100 تقريبا طبعا من غير المون والأسمنت والنقل والتكسير وكده دول ليهم حساب وقصة تانية، ولسه مفروض يجي يفنش بس مش دلوقتي لما الحيطة تاخد البطانة بتاعتها يجي يركب بقي البواط او الغطا بتاع الأسلاك ده ويظبط الأكباس بس يسيبها من غير وشوش إلا بعد الدهان الاخير عشان ميجيش عليهم حاجة هما وتركيب النجف وكده. هكملك بعد شوية باقي الترتيبات.

بالنسبة للمراتب انا جبت من هابيتات الهرم وكانت الاسعار كويسة
جبت المرتبة ال180سم ب1700جنيه والمخدة الكبيرة ب100جنية وال2خددية ب100 جنية

يا بنات ممكن حد يقوللي في السريع ورق الحيطة اللي بيبقي شريط كده وبيتحط في نص الحيطة، بيتجب منين واسعاره ايه بس مش عايزة حاجة عالية اوي يعني الوسط كده عشان احتمال انزل اشوفه النهاردة، ممكن منين غير محلات الدهانات والبكرة بتبقي كام متر

CuTie KaTkOoTa;8420833:
يا بنات ممكن حد يقوللي في السريع ورق الحيطة اللي بيبقي شريط كده وبيتحط في نص الحيطة، بيتجب منين واسعاره ايه بس مش عايزة حاجة عالية اوي يعني الوسط كده عشان احتمال انزل اشوفه النهاردة، ممكن منين غير محلات الدهانات والبكرة بتبقي كام متر

البنات كانوا قالوا فى الرويعى والله اعلم

يا بنات أنا أميره فتحى ولسه جديده فى المنتدى وفرحى غن شاء الله 27/2 أضيفونى فى الليسته لو سمحتوا وعلشان ما أبقاش مخالف أجيب الستاير من الأزهر أو من الوكاله ؟؟؟؟؟؟؟؟؟

CuTie KaTkOoTa;8420833:
يا بنات ممكن حد يقوللي في السريع ورق الحيطة اللي بيبقي شريط كده وبيتحط في نص الحيطة، بيتجب منين واسعاره ايه بس مش عايزة حاجة عالية اوي يعني الوسط كده عشان احتمال انزل اشوفه النهاردة، ممكن منين غير محلات الدهانات والبكرة بتبقي كام متر

لو انتى من القاهره هتلاقى الحاجات دى فى الرويعى وباسعار كويسه

أميره فتحى;8420996:
يا بنات أنا أميره فتحى ولسه جديده فى المنتدى وفرحى غن شاء الله 27/2 أضيفونى فى الليسته لو سمحتوا وعلشان ما أبقاش مخالف أجيب الستاير من الأزهر أو من الوكاله ؟؟؟؟؟؟؟؟؟

الازهر ارخص من الوكاله كتيييييير بس الوكاله فيها حاجات احسن

روحى الازهر الاول ولو عجبك الحاجه يكون افضل عشان الوكاله اغلى

حبيبه مادو;8420232:
اهلا بيكى يا سالى يا قمررر هههههههه المفروض نبقى اصحاب انا وانتى انا كمان فرحى فى تسعه يمكن 24 او 25 او 28 او 29 يعنى احنا لازم نعمل حلف انا وانتىىى بقى اى حاجه تعرفيها او تعمليها تيجى تقوليلى هااااا بالنسبه للكوافير والقاعه والتجهيزات دى والفستان تقوليلى مفهووووووووووم :tongue: انا كمان عاوزه اعرف نحجز على امتى انا حسه انه الوقت بتاع 9 ده هيبقى فظييع وزحمه عان رمضان اخد الصيف ومعظم افراح الصيف هتبقى فى 7 و9

لو فرحك فى شهر تسعة انا رائى انك تستقرى على كوافير معين وتحجزى من شهر 3 بس من غير ما تدفعى عربون لان المدة طويلة واتفقى انك هتجيبى العربون فى شهر 7 كدة هيبق كلة تمام وبردو عشان لو غيرتى رايك وغيرتى الكوافير متبقيش خسرتى فلوسك

ازيكم اخباركم اية يارب كلكم تبقوا باحسن صحة ويكتر فلوسكم ويقرب جوازكم

انا روحت من يومين شعبان تصدير الى فى ش الهرم بجد هناك فى حاجات حلوة اوى بس دورى كويس جدا لان بجد البضاعة كتير كدة وتحسى انها مش منظمة شوية
المهم اشتريت بلوفر شتوى كدة بجد حلو اوى بــ45 جنية وفى هناك سويت شيرتات بجد حلوة اوى بــ32 و35 وكمان اليومين دول عشان الامتحانات رايق اوى وحلو ياريت تروحوا تظبطوا كام حاجة كدة

فى سؤال بقا :::: انا بجد جاتلى حالة نفسية انا 24 ش بفكر فى الجهاز ؟ هو كلكم كدة بردو ولا انا الى معقدة :confused::confused::confused:بجد واللة انا بجد بحلم بالحلل والصينى والالحفة والكوبايات وحاسة انى مش عارفة استمتع بالفترة الى انا فيها دلوقتى (n)(n)(n)لدرجة ان كل حاجة بجبها واشوفها بشلها للجهاز اى حاجة اى حاجة لدرجة ان اختى جابتلى مناديل ازالة ميكب شلتها مع انها حاجة عبيطة ومرمية فى كل حتة بس اهو بقا تقولوا اية معقدة
انا ان شاء اللة هتجوز فى اول الصيف وبجد لو فضلت كدة هتجنن يا ترى انتوا كمان كدة ولا اية؟:confused::confused::confused::confused:
ادعولى باللة عليكم ربنا يفك كربى ويرزق خطيبى ويعجل بزواجى امين

بصي يا بنت مسلمة انا والله اللي فكراه مول اسمه شبرا في المدينة كان فيه حاجات تحفة في مرة بس المشكلة انه بيكون مواسم لاني رحته مرة تانية لقيت حاجات ازواق وحشة خالص واسعاره كويسه جدا
دة اللي انا فكراه حاليا في المدينة ممكن ابقى اسال ماما واقولك
انا معرفش مكانه بس انتي لو قلتي للسواق وديني عند شبرا غالبا هيعرف
وكان في واحدج في طريق المطار مش عارفه اسمه الصالح ولا اية لما اتاكد هقولك

بالنسبة لغيود كنتي سالاني على البيروفلام هي حلل خامتها قريبة من البورسالين بس طبعا قوية وينفع تتطلع من التلاجة تتحط على النار على طول او في الفرن غير البايركس لو عملتي كدة يطق ويتكسر
بس غطاها بيكون بايركس فلو هتجيبيها لازم تحرسي عالغطا

يا بنات انا ملاحظة ان الناس الجديدة محدش بيرد عليها:confused::confused:

سالت مرتين ومحدش عبرني
عايزة اعرف اماكن ارواب شتوي في الجيزة او القاهرة تكون شيييييييييييك
ولبس شتوي للخروج بس يكون مش غالي ويكون شيك عشان بلبسه في البيت لو سمحتو ردواااااااااااااااااااااااااا

اشرى;8421180:
ازيكم اخباركم اية يارب كلكم تبقوا باحسن صحة ويكتر فلوسكم ويقرب جوازكم

انا روحت من يومين شعبان تصدير الى فى ش الهرم بجد هناك فى حاجات حلوة اوى بس دورى كويس جدا لان بجد البضاعة كتير كدة وتحسى انها مش منظمة شوية
المهم اشتريت بلوفر شتوى كدة بجد حلو اوى بــ45 جنية وفى هناك سويت شيرتات بجد حلوة اوى بــ32 و35 وكمان اليومين دول عشان الامتحانات رايق اوى وحلو ياريت تروحوا تظبطوا كام حاجة كدة

فى سؤال بقا :::: انا بجد جاتلى حالة نفسية انا 24 ش بفكر فى الجهاز ؟ هو كلكم كدة بردو ولا انا الى معقدة :confused::confused::confused:بجد واللة انا بجد بحلم بالحلل والصينى والالحفة والكوبايات وحاسة انى مش عارفة استمتع بالفترة الى انا فيها دلوقتى (n)(n)(n)لدرجة ان كل حاجة بجبها واشوفها بشلها للجهاز اى حاجة اى حاجة لدرجة ان اختى جابتلى مناديل ازالة ميكب شلتها مع انها حاجة عبيطة ومرمية فى كل حتة بس اهو بقا تقولوا اية معقدة
انا ان شاء اللة هتجوز فى اول الصيف وبجد لو فضلت كدة هتجنن يا ترى انتوا كمان كدة ولا اية؟:confused::confused::confused::confused:
ادعولى باللة عليكم ربنا يفك كربى ويرزق خطيبى ويعجل بزواجى امين

اه يا بنتي كلنا كده دي مش عقد ولا حاجة ههههه

ده لولا الملامة لأخدنا حاجة أهالينا واحنا ماشيين هههههههه

بس يعني ايه بتحلمي بالحلل والصيني والكوبايات .. انتي هتتجوزي في الصيف ولسه مجبتيش الحاجات دي ؟؟؟

ربنا يفك كربك ويرزق خطيبك ويعجل زواجك يا قمر .. آمين ،،

بنات ألحقونى انا زدت فى الوزن قوى من كتر المشاكل مش قادره أعمل دايت وملخبطة احر لخبطة
يا ريت تقولولى اعمل ايه؟؟
بقولكو يا بنات انا البوفيه بتاعى فيه دولابين زى بتاع توليب اللى كانت حاطة صورته أحط فى الدواليب دى ايه؟؟
ودى صورة البوفيه
http://www.3roos.com/uploder/uploded20080901/254632/01231853533.jpg

[quote=DodyCat;8421417]بنات ألحقونى انا زدت فى الوزن قوى من كتر المشاكل مش قادره أعمل دايت وملخبطة احر لخبطة
يا ريت تقولولى اعمل ايه؟؟
بقولكو يا بنات انا البوفيه بتاعى فيه دولابين زى بتاع توليب اللى كانت حاطة صورته أحط فى الدواليب دى ايه؟؟
ودى صورة البوفيه
http://www.3roos.com/uploder/uploded20080901/254632/01231853533.jpg




دودى يا قمر بلاش تكربسى وتزحمى النيش عندك على الاخر
يعنى تحطى فيه فضيات -كاسات كرستال- طقم القهوة والشاى بتاع طقم الصينى بتاعك وبس
اما باقى الاطباق وحاجاتك تبقى فى الدولابين المقفولين
والله الشياكه والاناقه انك متزحميش النيش

marmora85;8419640:
ياجماعة انا فرحى قرب و مش عارفة احجز فى اى كوافير
لو حد يعرف من احسن كوافير حمدى فتيش اللى فى المنيل
ام عادل المصرى فى فيصل ارجو الافادة بسرعة[/
quoe] بصى بالنسبة لحمدى دة انا اول مرة اسمع عنة لكن عادل المصرى بجد تحفة جداااااامشكلتة التاخير وش العشرين بيبق زحمة فبجد لازم تظبطى المواعيد معاة

[quote=فشفوشة;8421367]اه يا بنتي كلنا كده دي مش عقد ولا حاجة ههههه

ده لولا الملامة لأخدنا حاجة أهالينا واحنا ماشيين هههههههه

بس يعني ايه بتحلمي بالحلل والصيني والكوبايات .. انتي هتتجوزي في الصيف ولسه مجبتيش الحاجات دي ؟؟؟

ربنا يفك كربك ويرزق خطيبك ويعجل زواجك يا قمر .. آمين ،،

ميرسى يا حبيبتى على ردك
انا جبت الحاجات دى بس ناقصنى حاجات بسيطة بس انا بجد بحلم بيهم وانا نايمة ياريت احلم بالحاجات الناقصة بس لكن بعيد عنك انا بحلم بكل حاجة تخص الجواز

اشرى يا قمر
كلنا بنحلم بجهازنا وترتيباتنا للجواز ودى بتبقى مشاعرك واحاسيسك كلها ملغبطه متعرفيش ان كنتى فرحانه ولا مضغوطه ولا زهقانه ولا ايه بالظبط؟

بس كلنا كدا ونفسنا حاجتنا تبقى احلى واجمل حاجة متخافيش ومتجننيش ههههههههههههه
عايزة اشترى صالون نونو كركنه للبيت اشتريه من اين ؟

poloseden;8400498:
مبروك يا قمر تتهني بيه ان شاء الله بس ممكن تقوليلي نوعه صناعة ايه؟ وكمان فين سوق غزة وكان قايلك بكام اصل قالي 850؟؟؟؟؟؟؟؟ وقال هيعمل خصم ويخليه 750 ههههههههههههههههههههه ونفس اللون . كتر خيره تعب نفسه اوي هههههههههههههه
ممكن تقوليلي صناعة ايه وكان بكام الاول وفين سوق غزة؟
ربنا يوفقك يا قمر

الله يبارك فيكي ياجميل,,,بصي هو موضوع صناعه ايه دي انا طبعا ناسيه وللاسف كمان اني بشيل كل الحاجات اللي بجيبها فوق الدولاب :D:D والدنيا مكركبه جداااا يعني الله يكون في عون الدولاب بجد :D بس ان شاء الله انا قريب اوي انزل كل الحاجات وارتبهم واكيد هعرف الصناعه ايه واقولك..وبالنسبه للسعر هو قالنا 380 والبركه في ماما زهقت الراجل لحد ما اخدناه ب300 :D

[quote=أميره فتحى;8420996]يا بنات أنا أميره فتحى ولسه جديده فى المنتدى وفرحى غن شاء الله 27/2 أضيفونى فى الليسته لو سمحتوا وعلشان ما أبقاش مخالف أجيب الستاير من الأزهر أو من الوكاله ؟؟؟؟؟؟؟؟؟

احسن قماش انتريهات الازهر(y)
احسن قماش وتشكيله ستائر الوكاله (y)

:wink::wink::wink:

ميرسى اوى يا حبيبة مادو انتى و اشرى وشكرا على اهتمامكم بالرد
بس انا شوفت كذا عروسة كانت عادل المصرى و معجبنيش الماكب
كان اوووووووفر جدا وانا مابحبش كدة وما بيرضاش يعمل اللى احنا عاوزينة
مش عارفة اعمل ايه انا محتارة جدا وعاوزة حد قريب

ghayod;8415049:
ولا يهمك ياجميل ومتعرفيش طقم الحلل البيركس الفرنساوى بكام ؟؟؟طيب انا كنت عاوزه اجيب الوايت وايل الثلاجه بس فى ناس قالت لبابا ان قطع غيارها مش متوفره والاحسن كريازى او توشيبا ايه رايكم؟؟

بصى احنا فعلا سالنا معرض بيبع تلاجات وغسالات بس كنا سالنا على غساله وايت ويل فقالوا انها ملهاش قطع غيار فى مصر بس بالنسبة للتلاجه مش متاكده بس اعتقد انها هتبقى زى الغساله انما كريازى عند اخى وبتشكر فيها قوى واحنا كمان عندنا توشيبا وما شاء الله هى كمان حلوة قوى

heba 017;8415142:
http://www.3roos.com/uploder/uploded20080901/263005/01231804195.jpg
http://www.3roos.com/uploder/uploded20080901/263005/41231804195.jpg
http://www.3roos.com/uploder/uploded20080901/263005/31231804195.jpg

دول صور الحاجه اللى خطيبى جابهالى هديه فى قرايه الفاتحه وانا بعشق الدهب الابيض وناويه اجيب شبكتى كلها ابيض ان شاء الله ومعرفتش اصور الدبله بس هيا بومبيه وعريضه وساده عايزة رأيكو بسرعه

ما شاء الله ياهبه تحفه ويعيش ويجبلك يارب

heba 017;8415399:

ربنا يخليكى يا روزى يا حبيبتى يارب ويتمللك على خير
محدش قالى رأيه فى المراتب ؟؟؟ وكمان سعر الدهب ايه الايام دى عشان احتمال انزل اجيب شبكتى وارتاح

بصى ياقمر كل ماتعوزى تعرفى سعر الذهب اكتب فى جوجل تجارة نت وهو هيجبلك اسعار الدهب بتاع كل يوم وعموما الدهب النهارده
عيار21 ب 146.25 جنيه
عيار 18 ب 109.70 جنية
ومبروك على الشبكة مقدما وربنا يتتمملك على خير يارب

magda 1;8416173:
ازيكم يا عرايس يارب تكونو بخير بقولكم ايه هو انا احجز القاعة قبل الفرح بحوالى قد ايه يعنى لو انا هتجوز فى 6 احجز امتى

تحجزى دلوقتى ياقمر انا هتجوز فى شهر 9 وحجزة من 12 وفى ناس مش لاقيه حجزات فى شهر 9 دلوقتى وشهر 7 تقريبا كله محجوز فانتى احجزى من دلوقتى عشان تلاقى اليوم اللى انتى عاوزة ومبروك مقدما

manyaa;8418008:
هو صحيح المطبخ بيبقى على مين ؟؟ العريس وللا العروسة؟؟ أصلهم اتكلموا في كل الشقة و نسيوا المطبخ خالص..

بصى ياقمر فى عرسان هما اللى بيعملوا المطبخ فى بلد جمبنا المطبخ فيها بيبقى على العريس بس الاغلبيه دايما بيبقى المطبخ على العروسة ومدام متكلموش فيه يبقى هو عليكى انتى انا الاكيد والموكد ان لوازم المطبخ كلها انتى اللى هتجبيها