تجهيزات عرايس مصر القمرات الجزء 113

حبيبه مادو;8419616:
ازيكم يا حبيبى انا عاوزه اعرف احسن واحد بتاع ستااااااير وتفصيلهم فى القاهره ضروررررررررى ويكون سعره معقول وارخص عشان سمعت اسعار وحشه

وكمان لو فرحى فى شهر 9 فى العيد الصغير احجز امتى قبلها بقد ايه كده ؟؟

احجزى دلوقتى عشان كل الناس اللى هتجوز بتحجز دلوقتى انا حجزت من شهر 12 ودلوقتى مفيش اماكن فى شهر 9 عشان معظم اللى هيتجوزا هيتجوزا فى العيد فحاولى تنزلى تحجزى دلوقتى

DodyCat;8419544:
وحشتونى قوى
انا الفترة اللى فاتت كان عندى مشاكل كتييير وفسخت الخطوبة ورجعنا تانى فى نفس اليوم D:
المهم أحنا قررنا اننا عشان المشاكل لازم نتجوز بسرعه وقرننا نتجوز خلال شهر 2 أو أول 3
المهم انا معنديش لبس بيت شتوى خالص أعمل ايه وأجيب كام بجامة
وكمان معنديش لبس صيفى خروج بس بفكر أفصل
قولولى اعمل ايه

ربنا يبعد عن المشاكل يارب ويسرلك حالك
بصى الشتوى موجود دلوقتى تقدرى تنزلى تجبيه اما الصيفى فاللنجيرهات موجوده صيفى وشتوى انما لبس الخروج استنى لما الصيف يجى وانزلى هاتى ومش مشكله لما تخلى فلوسه معاكى وبعدين تجيبى اما التفصيل بلاش تفصل كتير لان مش كل اللى تفصيله ممكن يطلع زى اللى انتى عاوزة وفى دماغك

حبيبه مادو;8420232:
اهلا بيكى يا سالى يا قمررر هههههههه المفروض نبقى اصحاب انا وانتى انا كمان فرحى فى تسعه يمكن 24 او 25 او 28 او 29 يعنى احنا لازم نعمل حلف انا وانتىىى بقى اى حاجه تعرفيها او تعمليها تيجى تقوليلى هااااا بالنسبه للكوافير والقاعه والتجهيزات دى والفستان تقوليلى مفهووووووووووم :tongue: انا كمان عاوزه اعرف نحجز على امتى انا حسه انه الوقت بتاع 9 ده هيبقى فظييع وزحمه عان رمضان اخد الصيف ومعظم افراح الصيف هتبقى فى 7 و9

اهلا بيكى انتى ياقمرية احنا يابنتى اصحاب كده كده من غير حاجة اما بالنسبة للكوافير والقاعه فمش هقدر افيدك فيهم لان فرحى فى بنها وانا حجزت فى بنها اما الفستان ان شاء الله لو جبته من القاهرة هقولك على طول وانا قلتلك فوق احجزى من دلوقتى عشان تلاقى اليوم اللى انتى عاوزة وخصوصا انه هيبقى عيد ويوم 24 ده هيبقى كمان خميس و25 هيبقى جمعه والسبت برده معظمه اجازة عند الناس فهما هيحجزا برده يا 25 يا 26 يا 24 فانصك تحجزى من دلوقتى وعموما اى معلومة هقع عليه هقولك على طول

CuTie KaTkOoTa;8420833:
يا بنات ممكن حد يقوللي في السريع ورق الحيطة اللي بيبقي شريط كده وبيتحط في نص الحيطة، بيتجب منين واسعاره ايه بس مش عايزة حاجة عالية اوي يعني الوسط كده عشان احتمال انزل اشوفه النهاردة، ممكن منين غير محلات الدهانات والبكرة بتبقي كام متر

انا بس لما شفتهم شفتهم عند بتوع الدهانات بس البنات هنا بيقولوا فى فى الرويعى تشيكله حلوة وارخص

اشرى;8421180:
ازيكم اخباركم اية يارب كلكم تبقوا باحسن صحة ويكتر فلوسكم ويقرب جوازكم

انا روحت من يومين شعبان تصدير الى فى ش الهرم بجد هناك فى حاجات حلوة اوى بس دورى كويس جدا لان بجد البضاعة كتير كدة وتحسى انها مش منظمة شوية
المهم اشتريت بلوفر شتوى كدة بجد حلو اوى ب45 جنية وفى هناك سويت شيرتات بجد حلوة اوى ب32 و35 وكمان اليومين دول عشان الامتحانات رايق اوى وحلو ياريت تروحوا تظبطوا كام حاجة كدة

فى سؤال بقا :::: انا بجد جاتلى حالة نفسية انا 24 ش بفكر فى الجهاز ؟ هو كلكم كدة بردو ولا انا الى معقدة :confused::confused::confused:بجد واللة انا بجد بحلم بالحلل والصينى والالحفة والكوبايات وحاسة انى مش عارفة استمتع بالفترة الى انا فيها دلوقتى (n)(n)(n)لدرجة ان كل حاجة بجبها واشوفها بشلها للجهاز اى حاجة اى حاجة لدرجة ان اختى جابتلى مناديل ازالة ميكب شلتها مع انها حاجة عبيطة ومرمية فى كل حتة بس اهو بقا تقولوا اية معقدة
انا ان شاء اللة هتجوز فى اول الصيف وبجد لو فضلت كدة هتجنن يا ترى انتوا كمان كدة ولا اية؟:confused::confused::confused::confused:
ادعولى باللة عليكم ربنا يفك كربى ويرزق خطيبى ويعجل بزواجى امين

كلنا زيك كده ياقمر مش انتى لوحدك هههههههه

أي حد;8421237:


يا بنات انا ملاحظة ان الناس الجديدة محدش بيرد عليها:confused::confused:
سالت مرتين ومحدش عبرني
عايزة اعرف اماكن ارواب شتوي في الجيزة او القاهرة تكون شيييييييييييك
ولبس شتوي للخروج بس يكون مش غالي ويكون شيك عشان بلبسه في البيت لو سمحتو ردواااااااااااااااااااااااااا

بصى ياقمر ان مش من القاهرة فمش هقدر افيدك قوى وكمان لو حد من البنات يعرف هيرد عليكى اما لو عاوزة لبس خروج ففى عندك وسط البلدعندك شارع طلعت حرب وشارع قصر النيل مليانين محلات لبس وعندك كايرو مول وفى اماكن تانية كتير فيها لبس حلو بس بالنسبة للاسعار فى كلها بقت واحد سوء من وسط البلد او من مول

DodyCat;8421417:
بنات ألحقونى انا زدت فى الوزن قوى من كتر المشاكل مش قادره أعمل دايت وملخبطة احر لخبطة
يا ريت تقولولى اعمل ايه؟؟
بقولكو يا بنات انا البوفيه بتاعى فيه دولابين زى بتاع توليب اللى كانت حاطة صورته أحط فى الدواليب دى ايه؟؟
ودى صورة البوفيه
http://www.3roos.com/uploder/uploded20080901/254632/01231853533.jpg

اعتقد ان نيشك محتاج كاسات وطقم الشاى بتاع الصينى بتاعك وطقم قهوة ينى محتاج الحاجت الكاسات بس انما الاطباق وكده حطيها فى البوفيه اه ممكن كمان تحطى طقم الشاى بتاع طقمك الصينى وتحطى وراه طبق واحد يبقى فى النص يعنى اركنيه على الازاز وفى الناحية التانية لو انى جايبة اركوبال برده حطى طقم لشاى باعه وبرده طبق وراره هيبقى شيك ياريت اكون عرفت اوضحلك

mitcy;8422038:

[SIZE=4]هتلاقيه عند يوتن ان شاء الله يا كتكوته

[/CENTER]

[COLOR="Blue"]اسكتي يا ميتسي، جبت نمرة يوتن وكلمتهم من شوية قالولي المتوفر عندهم دلوقتي بس بتاع الاطفال والرول 5 متر ب 85 أرجنتيني، والنقاش بيقولي مش عملي مع الوقت بيتفك وبيبوظ فأحسن تعملي ترخيم او سبونج دي مش هيجرالها حاجة وفي ايدينا وارخص كمان، بس لو كده هسأل في الرويعي الاول واشوف فرق الأسعار، وميرسي لكل اللي ردوا عليا.

مبروك ياقمر وربنا يرزقك بالذريه الصالحه يارب عاجلا غير اجل يارب منوره ياقمر بين اخواتك ياريت تصوري النيش بتاعك ورصتيه ازاي

ان شاء الله فاقرب وقت هاصورلككو النيش وانزلكو الصور بس لانى حاليا جوزى سافر وانا اعدة عند ماما فاول مرة هاروح شقتى هاصورلكو النيش انتى تؤمرى ياقمر

smsm_anwar;8413984:
ازيكو يا قمرات
اولا انا اشتريت النهارده الفواحه دى
قولو لى ايه رايكم فيها

ثانيا محتااااااااااااااااااااااااجه جدا لكل البنات اللى اشترو من راتكس احمد انور
اولا انا روحت لقيت كل المستويات هناك
بس اللى لقيته اغلى حاجه بيقوللى شانيليا اسبانى
قولولى بقا الفصال نظامه ايييييييييييييه
وهل فعل الشانيليا اللى هناك اسبانى عشان كده غاليه
وهل ممكن الاقيها نفس الحاجات دى عند حد تانى ارخص؟؟؟
ساعدوووووووووووووووووووووووونى بلييييز

ماشاء الله الفواحه تحفه تتهنى بيها يارب بس ممكن اعرف جيبها منين وبكام:o

يابنات كنت شوفت بنوتة هنا بتقول ان تلاجة وايت ويل صينى عاوزة اقول انها موش صينى ابدا هى كورى وبجد تلاجة هاااايلة فكل حاجة

عاشقة الرحمن دينا;8418549:
كده تنسيني انا اللي كنت هفصل عند مدام رندا اللي في مصر الجديده
انا مش فصلت الفستان السواريه عشان اتلخمت في فستان خطوبتي و كده و قلت ااجل السواريه شويه لحد ما يبقي معايا فلوس
انا عملت عندهل جاكيت و بنطلون و بدله هستلمهم النهاره ان شاء الله
انا بصراحه لما رحت البروفه عاجبني الجاكيت جدا
انما البنطلون و بنطلون البدله نوووووووووو ليه بقي ؟ عشان انا مش بحب البنطلونات الاستريت بحب اللي نازل على واسع سنه بسيطه و هيا قالت هتظبطه زي ما انا عاوزاه

لما استلم الحاجه النهاره ان شاء الله هقولك الاخبار ...........

ممكن ياجميل تبعتيلي العنوان والرقم عالخاص وياتري اسعارها ايه

بنات عايزه اعرف السشوار يكون مش يقل عن كام وات عشان يبقا حلو؟؟ يعني بتاع الكوافير ده كام وات

CuTie KaTkOoTa;8420833:
يا بنات ممكن حد يقوللي في السريع ورق الحيطة اللي بيبقي شريط كده وبيتحط في نص الحيطة، بيتجب منين واسعاره ايه بس مش عايزة حاجة عالية اوي يعني الوسط كده عشان احتمال انزل اشوفه النهاردة، ممكن منين غير محلات الدهانات والبكرة بتبقي كام متر

ازيكوا يا بنوتات اخباركم ايه بصوا قريت ده حبيت تشوفوه معايه كيف يسعد الرجل المرأة؟؟؟

على الرجل أن يكون:
1 صديق
2 رفيق
3 حبيب
4 أخ
5 أب
6 سيد
7 رئيس
8 كهربائي
9 نجار
10 سباك
11 ميكانيكي
12 مصمم ديكور
13 صاحب أسلوب
14 طبيب نفسي
15 مبيد حشرات
16 طبيب معالج
17 مستمع
18 مرتب
19 يعشق النظافة
20 عاطفي
21 رياضي
22 دافئ
23 يقظ ومتنبه
24 أنيق
25 ذكي
26 مرح
27 مبدع
28 حساس
29 قوي
30 يتفهم
31 يتحمل
32 متعقل
33 طموح
34 ذو مقدرة ومؤهل
35 شجاع
36 مصمّم
37 صادق
38 يُعتمد عليه
39 يمدحها بانتظام
40 يحب التسوق معها
41 محترم
42 غني جدا
43 لا يتسبب برفع ضغطها
44 لا ينظر لغيرها من النساء


كيف تسعد المرأة الرجل؟؟؟

1 بس تتركه في حاله




الله يعينه.........

manyaa;8418008:
هو صحيح المطبخ بيبقى على مين ؟؟ العريس وللا العروسة؟؟ أصلهم اتكلموا في كل الشقة و نسيوا المطبخ خالص..

انا عايزة اعرف اسعار كوافير عادل المصرى

DodyCat;8421417:
بنات ألحقونى انا زدت فى الوزن قوى من كتر المشاكل مش قادره أعمل دايت وملخبطة احر لخبطة
يا ريت تقولولى اعمل ايه؟؟
بقولكو يا بنات انا البوفيه بتاعى فيه دولابين زى بتاع توليب اللى كانت حاطة صورته أحط فى الدواليب دى ايه؟؟
ودى صورة البوفيه
http://www.3roos.com/uploder/uploded20080901/254632/01231853533.jpg

جميل اوى مشاء الله ممكن اعرف منين وبكام
وفعلا مش تزحمى الدنيا وحخطى كريستالات وفازات وكدة وربنا يسعدك

miss cat;8422323:

كتكوتة الورق الى بتقولى علية دة فعلا فى الرويعى واشكال خيال بصى انا كنت هناك من كام شهر كان تقريبا الرول ب 50 جنية الى هو حلو حلو بس والله مش فاكرة هو كان 5 متر ولا 10
بس الاكيد هتلاقية فى الرويعى ارخص من اى محل دهانات

ميرسي يا جميلة علي ردك بتهيألي بيبقي 5 متر عشان النقاش قاللي كده ومحل يوتن كمان بس لو فيه السعر ده يبقي حلو جدا وفرق كبير اوي.

قطة اخر الليل;8415601:
روزي يا سكره ربنا يهنيكي ويباركلك يارب وكل حاجه تبقي تمام وتخلص في وقتها باذن الله وربنا يارب يسهل امورك ويصلح حالك كله ومتزعليش نفسك ابدا معلش انتي عارفه الاوقات اللي في الاخر دي بتبقي صعبه واكيد هو مضغوط ربنا يبار يوفقك لكل الير وتبقي احلي عروسه وتتهني وتكون ايام كلها سعاده اللهم امين


سؤال هو انا عندي بطانيه و2 لحاف واحد وشين شتوي وصيفي ومش عاوزة اجيب مفرش للسرير بصراحه شايفه ملوش اي اهميه
اانتو ايه رايكوا يا بنوتات يا حلوين

nony 77;8416033:
مشكورين أخواتى فى الله

soshe;8417397:
دندونة يا قمر بصى عندك يا ستى مسيو عبده وريهام الصواف مراته ودي تحفة ومكياجها وهمى بس المشكلة دول غالييييييييين نااار بس مش هتندمى لو رحتلهم ودول فى الحجاز

DodyCat;8419544:
وحشتونى قوى
انا الفترة اللى فاتت كان عندى مشاكل كتييير وفسخت الخطوبة ورجعنا تانى فى نفس اليوم D:
المهم أحنا قررنا اننا عشان المشاكل لازم نتجوز بسرعه وقرننا نتجوز خلال شهر 2 أو أول 3
المهم انا معنديش لبس بيت شتوى خالص أعمل ايه وأجيب كام بجامة
وكمان معنديش لبس صيفى خروج بس بفكر أفصل
قولولى اعمل ايه

شيكـ SHIKO ـو;8419556:
طب ما تفرجينا عليه (y)(y)

عاشقه زوجهها;8422751:

ازيك ياقطه بصي ياقمر انا بصراحه شايفه ان المفرش مهم جدا جدا وبيدي شياكه وفخامه والناس اللي هتيجي تباركلك تاني يوم لازم يكون مفروش صح؟جيبي واحد ياقمر لانك هتحتاجيه سواء الصباحيه او بعد كده

المشاركه دي مخالفه ياقمر

حد راح قريب يا بنات و عرف الاسعار كام دلوقتي و شامله ايه الباكيدج؟

اولا ياقمر الف الف مبروك وربنا يتمم لكوا بخير ونفرح قريب باذن الله بيكي ياقمر وربنا يبعد عنكم الشر دايما ويحفظكوا ويخليكوا ليعض يارب
البيجامات بقه انتي لو مش بتلبسي عبايات كتري منها مثلا 6 كويس وجيبي عبايه اكبر من مقاسك بنمره او اتنين قطيفه وفي حاجات حلوه قوي في وسط البلد وعندك منتجات حبيبه
جيبي كمان روبين شتوي مهمين جدا لانك ممكن تلبسي الانجري والروب فوقه وتشغلي الدفايه في غرفه النوم
ممكن تجيبي لبس دلع بلوفرات قصيره علي بنطلونات تلبسيهم بالنهار جيبي كمان شربات اللي هيه الوان تدفيكي وفي اشكال لذيذه موت في كارفور المعادي جيبي كام كوفيه الوان منقوشه وساده بتدي شكل حلو قوي فوق البلوفرات لو افتكرت حاجه تانيه هقولك ياقمرايه

اللبس الصيفي شيلي فلوسه ولما يبدا الصيف انزلي اشتريه وهوه اكيد هيتفهم الموضوع ده ياقمر

هحاول المشكله انه متشال والله لاني لما فتحته علشان افرج ماما دخلته تاني بالعافيه

بصي هوه لحاف كبير مطرز بالكامل بالفضي ولونه موف غامق (البتنجاني) والقماشه مش عارفه اسمها بس ماما قالت لي حرير ليها لمعه جميله وهوه تخين قوي ماشاء الله انا كنت جايبه واحد من سنه حطيت الاتنين جنب بعض ده ضعفه ومعاه 2 خداديه مطرزه نفس تطريز اللحاف و معاه ملايه نفس اللون بس ش مطرزه واتنين كيس مخده صغيرين مش مطرزين وكيس كبير مش مطرز واتنين خداديه صغننين مطرزين وجواهم فايبر كده (متنجدين) انا شايفه انه عملي وممكن لو عروسه هتتجز في الشتا تستخدمه بدل المفرش السرير وهوه شكله فخم قوي ماشاء الله

حبيبه مادو;8419646:
وعاوزه اعرف كمااااان بلييييز ضرورى احسن مكان فساتين زفاف فى القاهره ايجار لبسه اولى ويبقى فى حدود كام ؟؟ اصل انا كنت عاوزه اشترى فستان الفرح بس من الواضح انه هيبقى غالى جدددا لو اشتريته بالستايل اللى هيعجبنى

CuTie KaTkOoTa;8420001:
بصي يا جميلة، الكنالتكس لازم تخللي بالك منه كويس اوي وانت بتمسحي لان المية بتبوظه يعني مينفعش يتعمل في المطبخ خالص ممكن في الريسيبشن او باقي عادي لكن تمسحيه بحاجة معصورة كويس اوي اوي.

BntMoslema;8420359:
بصى يا شيرى انا هقولك الحاجات اللى انا مجرباها شخصيا ولو انتى بتثقى فى ذوق حماتك ممكن هى تنقيلك على ذوقها

بتوع العطور العربيه فى الخليج بيعملو لوشنات للجسم بخلطات البرفانات المعروفه ودا انا هجيب منه بس معنديش نوع معين بس بيخلطو هما انوااااع كتير بجد هى ممكن طنط تسأل و تختارلك مع بناتها مثلا

البخور بقى كمان مش هقوك على انواع فى المعمول و دا انواع كتير فى علب جاهزه انا جايبه مؤخرا بخور الكسوه و بخور القصر و بخور افراح و اسعارهم حلوه مش هتزيد عن 40ريال الواحده و كنت جايبه من زمان بخور لمسه كان تحفففففه و جميل بس ملقتهوش السنه دى

فى للشعر حاجه اسمها خمريه برده زيوت مخلوطه بعطور تحفه بس غاليه ناااار التوله اللى هى 10 جرام مثلا بالشئ الفلانى هاتيلك واحده مثلا او نص توله بالعطر اللى تحبيه

فى عطور الفراش بقى عندك اكوا كوثر و زينه من القرشى حلوين و بنستعملهم و اكوا كوثر دا كنا رشينا بيه البيت اول مره يجيلنا خطيبى فمرتبط عندى انا و ماما باليوم دا :) جميل و فيه تسنيم من القريشى معرفش بصراحه دا فين مكانه و السعوديه فيها يامااااا من الحاجات دى و فيه عطور فراش و ملابس من بانافع للعود برده جميله

فيه حاجه اسمها زيت عطرى انواعه كتيير اوى ممكن للجسم يستخدم او يتخلط مع حاجه تانيه و كدا انا جايبه زيت عطرى من واحد اسمه السُرتى الزيت بقى اسمه مسك بحرى يااااه انا بدوخ من جماله تحفهههه ماشاء الله

هممممممممممم مش افكره حاجه تانيه و على فكره انا لسه بدور على لوشانات معطره للجسم زيك بس مؤقتا هقولك فى من ماركه فروتى بالباشن فروت حلو و ريحته ظريفه اوى ولو عرفتى انتى معطرات للجسم ابقى قوليلى :) ولو استفدتى من كلامى ابقى افتكرينى بالدعاء الصالح و ربنا يكرمك ياستى :)))