تجهيزات عرايس مصر القمرات الجزء 113

اولا بشكر كل اللى رد عليا ف موضوع الستاير اللى كلها اورجانزا وجابلى صور بصراحه كانت جميييييييله اوى وعجبنى فيها حاجات وافكار حلوه وان شاء الله هنفذ منها

ثانيا بقا السؤال : انا فرحى ان شاء الله هيكون ف اخر خمسه او اول سته ياترى الوقت دا صيفى والا شتوى والا هيكون الجو ايه
سؤال كمان لو سمحتم عاوزه الوان حيطه تكون موضه وجديده تليق مع عفش كلاسيك اصلى اخترت كل الوان الشقه ماعدا السفره هيا كلاسيك ولونها بيج بس الاوضه بتاعتها صغيره ف مش عاوزه الوان غامقه عشان مش تضيق المكان

كنت فكرت ف الابيض الزهرى بس كنت عند ناس قرايبنا من يومين مش عجبنى خالص لانه مش لايق مع العفش خالص هوا ف حد ذاته حلو لكنه مش لايق مع العفش

ياريت اللى عنده الوان جديده وفاتحه يقترح عليا ويحطلى صورها لو امكن
اشكركم كلكم

يا بنات ممكن تقولولي الرويعي عنوانه ايه بلظبط ؟

بنات قلولى عنوان شعبان اللى فى الهرم بالتفصيل عشان انا مش من القاهرة

bocy.cate;8423019:
اولا بشكر كل اللى رد عليا ف موضوع الستاير اللى كلها اورجانزا وجابلى صور بصراحه كانت جميييييييله اوى وعجبنى فيها حاجات وافكار حلوه وان شاء الله هنفذ منها

ثانيا بقا السؤال : انا فرحى ان شاء الله هيكون ف اخر خمسه او اول سته ياترى الوقت دا صيفى والا شتوى والا هيكون الجو ايه
سؤال كمان لو سمحتم عاوزه الوان حيطه تكون موضه وجديده تليق مع عفش كلاسيك اصلى اخترت كل الوان الشقه ماعدا السفره هيا كلاسيك ولونها بيج بس الاوضه بتاعتها صغيره ف مش عاوزه الوان غامقه عشان مش تضيق المكان
شهر سته الجو هيبقى حر يبقى اعملى لن سن الفيل هيليق معاها قوى وكمان لون فاتح ومش هيضيقلك الاوضه
كنت فكرت ف الابيض الزهرى بس كنت عند ناس قرايبنا من يومين مش عجبنى خالص لانه مش لايق مع العفش خالص هوا ف حد ذاته حلو لكنه مش لايق مع العفش

ياريت اللى عنده الوان جديده وفاتحه يقترح عليا ويحطلى صورها لو امكن
اشكركم كلكم

الحب هو الحياة;8422912:

يعنى اللحاف ده 9 قطع ولا 7 قطع ومعلش سعره كام؟
ياقمرات مصر شوفه اللينك ده
http://www.3roos.com/forums/t409120.html

استفسار عن فندق الماسة خلف المنصة بمدينة نصر
السلام عليكم ورحمة الله وبركاته واحب اقولكم كل سنة وانتم طيبيبن يا جماعه وسنه هجرية وميلاديه جديدة ويارب اللي متجوزتش تتجوز كده ونفرح كلنا سوا باذن الله وانا اختكم مصرية بس مش عايشة في القاهرة في الكويت حاليا وصراحه انا فرحي انشاء الله هعمله في اول شهر 7 /2009وكنت عايزة منكم مساعده بالنسبة انا سمعت عن فندق اسمه فندق الماسة ناس كتير بتشكرلي فيه وصراحة لو حد عمل فيه من اخواتي العرايس او ناوي او سال فيه يا ريت يفدني لان انا حمايا عقيد بالجيش وهما بيقولوا انه تبعا القوات المسلحة وانا خليت واحد سالي عليه بس تبعا مافدنيش اوي وكله اللي قاله انه باكددج الفرح كامل بكل حاجة لعدد 150 فرد بي 39000 الف جنيه والفرد اللي فوق العدد هيتحسب بي 150 جنيه وده كتير اوي يا جماعه بس في حل وهل الاسعار دي صحيحه ولو حد عنده اي معلومات ياريت تيفدوني ضروي ويارب كده نتوفق جميعا في جوازتنا وحياه هنيئا باذن الله

شوفوا الموضوع ده يا اجمل عرايس

http://www.3roos.com/forums/t418734.html#post8367763

المعرض السوري هيبدا امتي يابنات يوم ايه؟

ranee;8423161:
استفسار عن فندق الماسة خلف المنصة بمدينة نصر
السلام عليكم ورحمة الله وبركاته واحب اقولكم كل سنة وانتم طيبيبن يا جماعه وسنه هجرية وميلاديه جديدة ويارب اللي متجوزتش تتجوز كده ونفرح كلنا سوا باذن الله وانا اختكم مصرية بس مش عايشة في القاهرة في الكويت حاليا وصراحه انا فرحي انشاء الله هعمله في اول شهر 7 /2009وكنت عايزة منكم مساعده بالنسبة انا سمعت عن فندق اسمه فندق الماسة ناس كتير بتشكرلي فيه وصراحة لو حد عمل فيه من اخواتي العرايس او ناوي او سال فيه يا ريت يفدني لان انا حمايا عقيد بالجيش وهما بيقولوا انه تبعا القوات المسلحة وانا خليت واحد سالي عليه بس تبعا مافدنيش اوي وكله اللي قاله انه باكددج الفرح كامل بكل حاجة لعدد 150 فرد بي 39000 الف جنيه والفرد اللي فوق العدد هيتحسب بي 150 جنيه وده كتير اوي يا جماعه بس في حل وهل الاسعار دي صحيحه ولو حد عنده اي معلومات ياريت تيفدوني ضروي ويارب كده نتوفق جميعا في جوازتنا وحياه هنيئا باذن الله

وعليكم اسلام ورحمه الله وبركاته....شوفي يا راني نا شفت الفندق دا كان جاي فيه فرح بتاع هدي في التليفزيون.. الفندق تحفه وشيك موت..بس اكيد غالي

السلام عليكم ورحمة الله وبركاته
سلام كله ورد وفل وياسمين وكل حاجة حلوة على كل البنات القمرات الموجودين
اولا انا عاوزة اشكر كل واحده فيكم جاوبتنى على سؤال او استفسار ليا بجد ربنا يجازيكم كل خير يارب
ثانيا انا نفسى بجد اشارك معاكم او على الاقل اقول اى معلومه اعرفها وهبدا من دلوقتى
بصوا بقى ياقمرات اكيد فيه كتير منكم يسمع عن مصيف جمصه صح؟قولوا اه.قلتوا ا شاطرين بصوا بقى انا بلدى قريبه من جمصه اوى وحبيت اقولكم انى كل ما انزل جمصه فيه مكان هناك بحب اروحه اوى اسمه تعاون غزل المحله بصوا بقى ده فيه كل حاجة مفروشات واداوت المطبخ والاجهزة الكهربائيه كله كله بالنسبه لادوات المطبخ مش كلها بصراحه بتعجبنى فيه حاجات وحاجات بس اللى يدور اكيد هيلاقى انما بجد القسم اللى تحفهههههه اوى هو قسم المفروشات بجد يابنات اطقم السراير هناك حلوة اوى اوى وكمان بيعملوا تخفضيات حلوة اوى على اخر الموسم اقصد اخر المصيف يعنى وكمان الفوط والبشاكير والكوفرتات حتى من فترة كده كان فيه بنوته منزله صورة كوفرته قطن دى كانت موجودة هناك السنه دى وانا الحمد لله اشتريت منها كان منها الكبير والصغير اسعار الكبير 55 والصغيره 30 او حاجة وتلاتين وكمان نزل من الكوفرته دى اللى هى مطبوع عليها وردات بجد تحفه اوى يابنات
وان شاء الله لو عرفت اصور اى حاجة هصورها ان شاء الله عشان تشوفوها
كمان هناك الالحفه الفايبر كان منها السنه دى اشكال تجنن وفيه كمان السجاد بس زى ما قلت لكم انا اكتر حاجة احب اتفرج فيها هو قسم المفروشات ده
امممم ايه كمان ياسارة ايه كمان اه بقولكم فيه مكان فى دمياط اسمه دمياتكس تحت الكوبرى يعنى لو اى حد نزل دمياط هيعرف يوصل بس يسال بس بصوا بقى ده فيه ملايات تحفه تحفه اشكال حلوة اوى واسعارها جميله وقطن وماشاء الله ولو نزلت قريب هسال على الاسعار هناك واقولكم
اتمنى ان مشاركتى دى مش تكون مخالفه ونفسى اقول حاجة كمان ممكن اعذرونى ومش تتضايقوا منى لو كانت حصل منى مخالفه قبل كده صدقونى اكيد مقصدش
كلمه اخيرة بقى عاوزة اقول ل rozzyمبروك ياقمرة وربنا يبعد عنك المشاكل يارب
وعاوزة اسال عن بيبو وسارة المزعورة وبرنسيس ميرو وانستاسيا وبوكى على فكرة انا بحبك فى الله وبدعيلك ربنا يفك كربك ان شاء الله وحبيبه مادو وعاشقه زوجهها وعاشقه الرحمن دينا وكلكم كلكم بجد بحبكم فى الله
واسفه على المشاركه الطويله دى اه معلش نفسى اعمل زيكم بقى ياقمرات ياعسولات اللى تعجبها مشاركتى تقيمنى عليها

يا بنات انا عندى مشكلة كبيرة فى موضوع القايمة لان عندى فى البيت شايفين ان كل حاجة بتتكتب من عفش و اجهزة و ادوات مطبخ اللى مابتتكسرش و سجاد و نجف وستاير .و خطيبى عنده بيقولوا لأ بنكتب العفش بس من غير اجهزة او شبكة اوى اى شئ اخر .ممكن تقولولى ايه رايكوا من فضلكم

شيكـ SHIKO ـو;8421057:
لو انتى من القاهره هتلاقى الحاجات دى فى الرويعى وباسعار كويسه

بيتهيالى الاسعار فى حدود من 15 لعشرين جنيه للبكرة و البكرة بتبقى 5 متر بس مش متاكده لان الكلام ده كان من فترة طويلة

سراب.سراب;8423854:
يا بنات انا عندى مشكلة كبيرة فى موضوع القايمة لان عندى فى البيت شايفين ان كل حاجة بتتكتب من عفش و اجهزة و ادوات مطبخ اللى مابتتكسرش و سجاد و نجف وستاير .و خطيبى عنده بيقولوا لأ بنكتب العفش بس من غير اجهزة او شبكة اوى اى شئ اخر .ممكن تقولولى ايه رايكوا من فضلكم

بصراحة الى اعرفوا ان الشبكة والاجهزة لازم طبعا يتكتبوا وهنا بقا لازم دورك يظهر وحاولى تهدى العلاقات بين العيلتين وفهمى خطيبك ان دى مجرد شكليات وانك طبعا اغلى من كل دة و.............. وانتى عارفة بقا ربنا يصلحلك الحال امين ويفرج كربك وكرب كل بنات المسلمين امين يارب

هو انا المفروض اجيب كام قميص انا عندى ستة ازود واجيب كام واحد وانا نفسى اجيب قميص ليلة الدخلة لونة روز ولا لازم ابيض؟

حبيبه مادو;8419907:
روزززى حبيبى وحشتيييينى عامله ايه يا بت يا عرووووسه ربنا يفك الضيييقه دى وتخلصوووا وتكونى احلى عروس وربنا يباركلم حياتكم ييييييييييااااااااااارب

اللى اشتروا ستاير الستااير الخفيفه بكااام الشيفون والاورجانزا الخفيف والتقيل بتاع البراقع بكام

روزى يا حبيبتى خير ؟ربنا يشيل عنك المشاكل يارب و يكرمك و يوفقك انت و جوزك فى الخير و يبعد عنك الشر و معلش الفترة الاخيرة اللى قبل الزواج بتبقى شد فظيع فربنا معاكى و حاولى معلش تهدى و تهديه هو كمان و تقوليله زى ما انت مشدود فانا زيك فنراعى بعض انا و انت ,بس بينى و بينك هما بيبقى عليهم ضغط اكبر بكتير بالذات من الناحية المادية و هو مسئول عن كل حاجة لانه راجل و احنا نوعا ما بنبقى متكلين على ابهاتنا و اهلنا فربنا يصلح الحال امين..
وعشان المخالفة ممكن الاتيليه اللى اجرتى منه فستان الفرح لان البنات بيقولوا انه اتيليه جامد.

سراب.سراب;8423854:
يا بنات انا عندى مشكلة كبيرة فى موضوع القايمة لان عندى فى البيت شايفين ان كل حاجة بتتكتب من عفش و اجهزة و ادوات مطبخ اللى مابتتكسرش و سجاد و نجف وستاير .و خطيبى عنده بيقولوا لأ بنكتب العفش بس من غير اجهزة او شبكة اوى اى شئ اخر .ممكن تقولولى ايه رايكوا من فضلكم

بصى ياقمر كلام اهلك هو اللى صح المطبخ بادواته بالعفش بالسجاد والنجف والادوات الكهربائيه والشبكة والستاير والتنجيد كل ده بيتكتب حتى دهبك اللى كان معكى اللى وربنا يوفقك يارب

قلولى بقى عنوان شعبان اللى فى الهرم بتاع الهدوم بالضبط وبالتفصيل الممل

banota_helwa;8423586:
السلام عليكم ورحمة الله وبركاته
سلام كله ورد وفل وياسمين وكل حاجة حلوة على كل البنات القمرات الموجودين
اولا انا عاوزة اشكر كل واحده فيكم جاوبتنى على سؤال او استفسار ليا بجد ربنا يجازيكم كل خير يارب
ثانيا انا نفسى بجد اشارك معاكم او على الاقل اقول اى معلومه اعرفها وهبدا من دلوقتى
بصوا بقى ياقمرات اكيد فيه كتير منكم يسمع عن مصيف جمصه صح؟قولوا اه.قلتوا ا شاطرين بصوا بقى انا بلدى قريبه من جمصه اوى وحبيت اقولكم انى كل ما انزل جمصه فيه مكان هناك بحب اروحه اوى اسمه تعاون غزل المحله بصوا بقى ده فيه كل حاجة مفروشات واداوت المطبخ والاجهزة الكهربائيه كله كله بالنسبه لادوات المطبخ مش كلها بصراحه بتعجبنى فيه حاجات وحاجات بس اللى يدور اكيد هيلاقى انما بجد القسم اللى تحفهههههه اوى هو قسم المفروشات بجد يابنات اطقم السراير هناك حلوة اوى اوى وكمان بيعملوا تخفضيات حلوة اوى على اخر الموسم اقصد اخر المصيف يعنى وكمان الفوط والبشاكير والكوفرتات حتى من فترة كده كان فيه بنوته منزله صورة كوفرته قطن دى كانت موجودة هناك السنه دى وانا الحمد لله اشتريت منها كان منها الكبير والصغير اسعار الكبير 55 والصغيره 30 او حاجة وتلاتين وكمان نزل من الكوفرته دى اللى هى مطبوع عليها وردات بجد تحفه اوى يابنات
وان شاء الله لو عرفت اصور اى حاجة هصورها ان شاء الله عشان تشوفوها
كمان هناك الالحفه الفايبر كان منها السنه دى اشكال تجنن وفيه كمان السجاد بس زى ما قلت لكم انا اكتر حاجة احب اتفرج فيها هو قسم المفروشات ده
امممم ايه كمان ياسارة ايه كمان اه بقولكم فيه مكان فى دمياط اسمه دمياتكس تحت الكوبرى يعنى لو اى حد نزل دمياط هيعرف يوصل بس يسال بس بصوا بقى ده فيه ملايات تحفه تحفه اشكال حلوة اوى واسعارها جميله وقطن وماشاء الله ولو نزلت قريب هسال على الاسعار هناك واقولكم
اتمنى ان مشاركتى دى مش تكون مخالفه ونفسى اقول حاجة كمان ممكن اعذرونى ومش تتضايقوا منى لو كانت حصل منى مخالفه قبل كده صدقونى اكيد مقصدش
كلمه اخيرة بقى عاوزة اقول ل rozzyمبروك ياقمرة وربنا يبعد عنك المشاكل يارب
وعاوزة اسال عن بيبو وسارة المزعورة وبرنسيس ميرو وانستاسيا وبوكى على فكرة انا بحبك فى الله وبدعيلك ربنا يفك كربك ان شاء الله وحبيبه مادو وعاشقه زوجهها وعاشقه الرحمن دينا وكلكم كلكم بجد بحبكم فى الله
واسفه على المشاركه الطويله دى اه معلش نفسى اعمل زيكم بقى ياقمرات ياعسولات اللى تعجبها مشاركتى تقيمنى عليها

مرررسى على ذوقك يا روح قلبى وانتى منوراانا حبيبتى جدددا وانا بحبك واى حاجه انا تحت امرررك

تنجيد مرتبتين يا جماعه سرير اوضه النوم ومخدتين وخدديتين يكلف فى حدود كااام بالظبط؟؟

اشرى;8424039:

هو انا المفروض اجيب كام قميص انا عندى ستة ازود واجيب كام واحد وانا نفسى اجيب قميص ليلة الدخلة
لونة روز ولا لازم ابيض؟

لا ياقمر زودى كمان لانك هتغيرى كل يوم ده اقل حاجه 20 وقميص ليله الدخله مش شرط خالص انوا يكون ابيض

magda 1;8416173:
ازيكم يا عرايس يارب تكونو بخير بقولكم ايه هو انا احجز القاعة قبل الفرح بحوالى قد ايه يعنى لو انا هتجوز فى 6 احجز امتى

[FRAME="2 70"]


هاى ياجميل بصرة :wink: على فكرة انا كمان هتجوز شهر 6 بصى احنا اتفقنا ان احنا ممكن نحجز قبليها ب3 شهور على الاقل لان كل الناس بتبقى مستنية الصيف وكمان ماتنسيش ان رمضان السنة دى ان شاء اللة هيجى 22-8 بأذن اللة يعنى فكل الناس هتحاول تحجز يا فى 6 او 7 فقبليها ب3 شهور حلو اوى ويارب اكون افادتك:D
[/FRAME]

magda 1;8416173:
ازيكم يا عرايس يارب تكونو بخير بقولكم ايه هو انا احجز القاعة قبل الفرح بحوالى قد ايه يعنى لو انا هتجوز فى 6 احجز امتى

سته ده موسم افراح
فياريت تحجزى من دلوقتى عشان تنقى الميعاد براحتك

manyaa;8418211:
تحجزي دلوقتي يا قمر بسررعة عشان ممكن ماتلاقيش حجز كماااااااااااااان.. انزلي الحقي ..
و البنوتة اللي بتسأل على ام سو أيوة فيه ام سو في سان ستفانو
طب يا بنات مصاريف كتب الكتاب و الميك اب و الكوافيرو الفستان على مين لو حيتعمل قبل الفرح ..؟؟ و لو كتب الكتاب نفس يوم الفرح بتبقى مصاريف الفستان و الميك اب بالنص و للا على العريس .. مع العلم ان اهل العروسة ما عملوش خطوبة ...كانت في البيت عادي و مكلفوش حاجة ..

بصى يا قمر لو انتى اسكندرانيه
فعندنا الفستان والكوافير فى اى مناسبه على العريس
بس كتب الكتاب البسى حاجه من عندك وده عليكى
مش عليه

DodyCat;8419544:
وحشتونى قوى
انا الفترة اللى فاتت كان عندى مشاكل كتييير وفسخت الخطوبة ورجعنا تانى فى نفس اليوم D:
المهم أحنا قررنا اننا عشان المشاكل لازم نتجوز بسرعه وقرننا نتجوز خلال شهر 2 أو أول 3
المهم انا معنديش لبس بيت شتوى خالص أعمل ايه وأجيب كام بجامة
وكمان معنديش لبس صيفى خروج بس بفكر أفصل
قولولى اعمل ايه

الشتوى موجود هتنزل تجيبيه
الصيفى موجود لبس البيت فى المحلات ممكن تلاقى
ولبس الخروج خدى فلوس واول ماينزل الصيفى هتنزلى تجيبيه

marmora85;8419640:
ياجماعة انا فرحى قرب و مش عارفة احجز فى اى كوافير
لو حد يعرف من احسن كوافير حمدى فتيش اللى فى المنيل
ام عادل المصرى فى فيصل ارجو الافادة بسرعة

بصى ياقمر
انزلى انتى بنفسك وشوفى شغله على اطبيعه

حبيبه مادو;8420175:
يا جماعه هى منتجات لانجيرى لاسنزا هو نفسه لاسو ولا لآ؟؟؟؟؟

لاء





بنات المخالفات اوفر
لينكات مخالفه
سلامات فى مشاركه لوحدها مخالف
الطلبات على الخاص
بجد كتير

حبيبه مادو;8424122:
مرررسى على ذوقك يا روح قلبى وانتى منوراانا حبيبتى جدددا وانا بحبك واى حاجه انا تحت امرررك

تنجيد مرتبتين يا جماعه سرير اوضه النوم ومخدتين وخدديتين يكلف فى حدود كااام بالظبط؟؟

قصدك قط وقماش وكله
ولا اجره منجد
لو اجره منجد فالمرتبه 35
والمخده اللكبيره 10

سالي شكرا على ردك عليا انتي اللي عبرتيني انتي وغدغود
شعبان اللي في الهرم في رويال سنتر
قولي للسواق بس رويال سنتر وهو هينزلك عنده لو انتي جاية من نحية الجيزة هيكون عالشمال هتعدي الشارع
هو بعد كايرو مول بشوية وعلى نفس الجهة
انا رايحة بكرة ابص بصة


عايزة اخد رايكم في حاجة
انا عندي9 ملايات اللي هي بتكون فيها شغل رقيق علي حرف الملاية دي 9 اطقم يعني ومجبتش غير 3 منقوش انا عارفة اني غبية عشان المفروض يكون في توازن بين المنقوش والتاني بس اية رايكم اجيب منقوش تاني ولا كفاية كدة؟

ولعاشر مرة اللي يعرف مكان ارواب شتوي شيك يقولي بالله عليكم وعايزة اعرف رنج الاسعار كام