تجهيزات عرايس مصر الجزء 106

مشمش ياجميله انا عجبتني المشاركة وقيمتها
بس السؤال بقى
الخامات بتاعت الفساتين دي متوفرة عادي...يعني ممكن اشتريها قماش وكدا؟؟؟

كيتى بصراه انا مش عارفه الخامه
دول شويه فساتين محجبات

kitty_kity;7651355:
بونبونايه...اقري القوانين ف الاول ياريت ياجميله :)
ماينفعش تكتبي رد عبارة عن شكر او كدا لازم يااما سؤال يااما اجابه

رورو الف مبروووووووووك حاجتك روعه ماشاء الله تتهني بيها


بنات لو سمحتم...حد يعرف حاجه عن بهجت ستورز..الاعلان الي بيجي على دريم فيه اوضتين اطفال يجننوا
عايزة اعرف اسعاره والخشب وكدا
ولو ان الاودتين معتقدش انهم خشب

سمعت من مصادر موثوق منها

ان ولا اجهزة ولا موبيليا لاحمد بهجت كويسين

فبلاش تفكري

انت بس ممكن تاخدي فكرتهم وتعملي الاوض عمولة

بنات هو مراتب السرير المدورة بتبقى جاهزة ولا بتتعمل عمولة؟؟؟ ولو جاهزة بتبقى منين وبكام؟؟
بتفرق كتير عن العاديه؟؟؟

والسرير المدور..ايه رايكم فيه مزاياه وعيوبه يعني

kitty_kity;7652613:
بنات هو مراتب السرير المدورة بتبقى جاهزة ولا بتتعمل عمولة؟؟؟ ولو جاهزة بتبقى منين وبكام؟؟
بتفرق كتير عن العاديه؟؟؟

والسرير المدور..ايه رايكم فيه مزاياه وعيوبه يعني

حاساه مش عملى لان الجناب ضايعه محدش هيعرف ينام عالطرف وبعدين ده كان موضه من كاااام سنه

بنات انا عندي مشكله ....
دلوقتي كنت عايزه اقيم مشمش علي المشاركه بتاعتها لقيت رساله ظهرت وقالي لازم تقيم حد تاني قبل ما تقدر تقيم مشمش مره تانيه

مع اني مقيمه كذا حد قبل ما اقيم مشمش و اخر مره قيمت مشمش كان من فتره

الموضوع ده بيتكرر معايا كتير حد عنده فكره ليه؟؟؟؟

صوت العيون;7647622:
بنات الى حجزوا فساتني افرحهم قريب يقولولى منين وكبام وكدا والكوافير برده والقاعات

ان شاء الله

انا حجزت الاتنين الحمد لله يا صوت

الفستان من فرحه ب 1500 و الكوافير برستيج ب 1200 لاني مش واخده كل الباكدج

فراشة الإيمان;7650797:
انا مع الفستان فى الطرحه اللى بتبقى من ورا دى

بس انا بسأل على الحجاب الاسبانيش

الطرح الل بتستخدم فيه اجيبها منيييييييييييييين:ss:

في الغالب بيبقي تل جليتر و خلاص

سارة المزعورة;7651296:
فين محل بيت العروسة او العروسة الى فى وسط البلد دة ؟
فى اى شارع ؟

في محل بتاع ملابس خروج اسمه العروسه في شارع قصر النيل

kitty_kity;7651884:
سارة المزعورة
امسحي مشاركتك الي مفيهاش سؤال ياحبيبتي عشان المخالفاااااات

بنات انا شفت اباجورة هنا ..استاند كدا وطويلة بتاع 160 او 180 سم
وعباره عن زي مايكون تلات عيدان كدا او سيقان ورد يعني وطالع منها ورق كدا واحده او اتنين
و ف اخرها تلات وردات...كل ساق فيها ورده ..مفتحه على فوق كدا وبيتحط فيها اللمبه

كانت ب 350...كدا سعرها حلو ولا ايه؟؟؟

لا حلو كده كيتي هو ينفع تحطي صوره ليها في قسم الديكور

heba 017;7646460:
بصى يا قمر انا اعرف واحد فى المنصورة بيعمل فساتين وهميه مش بتختلف عن فستاين هانى البحيرى اسمه حازم انا مجربتوش لكن شفت صحبتى كان فرحها من اسبوع بجد بجد الفستان الله اكبر كان يجنن تحسى انه جاى من اوروبا بجد والله جوزها بيقلها مش خسارة الفلوس اللى ادفعت وهو اسمه حازم وانا اول مروح ازورها هجيبلك العنوان والرقم وهو بالمناسبه خد 3500 بالقماش انا نويت اعمل عنده الخطوبه والفرح باذن الله

أنا عايزة الرقم بليييييييييييز

roro8484;7646636:
بنات دى غرفه الاطفال او الضيوف الى اشترتها









وده السرير







اتمنى ان يكون زوقى عجبكم

وان شاء الله هصورلكم الشقه كلها لما تتفرش لا صورت الحجات
دى وهى فى المعرض لسه بنات ادعولى عشان كمان
قريب قوى هنحدد كتب الكتاب محتاجه دعاكم معايا وعبال كل البنات يارب اميييييييييين

ما شاء الله و لا قوة الا بالله حاجاتك جميلو و يا بنات أنا شفت السرير ده فى الموديلات اللى عند ديار جسر السويس امبارح بس كان عامل بيه اودة مودرن مبروك عليكى و ربنا يتمم لك على خير

قلب موجوع;7644830:
لوسمحتوا عايزة اعرف الحاجات اللي بتدخل المبكرويف هي ايه
واتا كد ازاي منها
يعني بيكون مكتوب عليها مرسوم عليها كده يعني
واشتريها منين في القاهرة يعني مثلا المهندسين او الدقي ومعلش رينج اسعارها ايه
وخلو بالكم الميكرويف مش الفرن الكهربا

احنا بنحط كل حاجة فى الميكرويف ماعدا الاستانلس و الورق

noor1984;7649889:
يابنات بليز حد يقولى هو محل داماس بتاع الماظ بس ولا دهب عادى كمان
وهل هو ماركه يعنى الاقيها فى اى محل عادى ولا لازم نفس المحل يعنى مثلا زى دهب لازوردى اجيبه من اى حته ولا لازم من نفس المحل يارب تكونو فاهمين قصدى ردو عليه ضرورىىىىىىىىىىىىىى

داماس ميدان الجامع عندهم الماظات تحفة

سارة المزعورة;7651519:
صباح الخيرات على عيون القمرات

برنسيس ازيك بعد كتب الكتاب يارب تكونى مبسوطة
؟

الله يخليكى يا جميلة أنا كويسة الحمد لله بس عندى مشكلات كده مع مرات بابا ربنا مش هبسامحها ان شاء الله ربنا يهديها و عاملالى قلق و ناويالى على الشر و بتقول كده بكل بجاحة ربنا خلقها و هى اصلا شريرة و يتخاف منها

ادعولى يا بنات و انتى يا سارة الله يكرمكم

الحمد لـلـــــه على كل الاحوال

بنات حد يعرف حاجة عن أمة الله؟


يا بنات الاعلان ده جالى على الميل قولت اجيبهولكم للافادة
كل عروسه هتشترى فستان فرحها من بيت ازياء محمد الجوهرى هتاخد عليه فستان سواريه ببلاش ليها او لاى حد مامتها او اختها او صحبتها او بنت خالتها او بنت عمها اى حد اى حد بس يكون حجزها للفستان فى شهر 11 او 12 و طبعا عنوانه بيت ازياء محمد الجوهرى معروف للناس كلها امام الميريلاند مصر الجديده

فراشة الإيمان;7650797:
انا مع الفستان فى الطرحه اللى بتبقى من ورا دى

بس انا بسأل على الحجاب الاسبانيش

الطرح الل بتستخدم فيه اجيبها منيييييييييييييين:ss:

يا روشا ده اللى بقوله اسألىىىىى الكواااااااااااااافير

الطرح التل الجليتر والاورجانزا والساتان يا بتشتريه بالمتر من الوكالة او ميدان الجامع او تشترى جاهز من اى محل طرح


خامات الفساتين دى يا كيتى مغرقة الدنيا
هى بتبقى تل وشيفون وشيفون كريستال وحرير ساتان وقماش مطرز جاهز وكل الحاجات دى موجودة فى الوكالة او محلات زى دانتيلا وميرا كلاس فى مدينة نصر. المهم بس الخياطة بتحددلك نوع القماش اللى يناسب الموديل اللى انتى اخترتيه. don't worry:D

سارة ا لمزعورة لو سمحتى قوليلى عنوان المحل اللى بيبيع الشمعدانات

برينسيس ميرو: ربنا يقويكى يا بنتى ويحميكى وينصرك

برنسس..ربنا يعينك
انا حطيت الصورة ف قسم الديكور
شوفيها وقوليلي

بنات طنطا...جومانا عنده فساتين سواريه تحفه عاجباني اوي
معنديش فكرة عن اسعاره الحقيقة بس منزلة تشكيله فساتين تجنن قلت اقولكم :)

ازيكم يا بناوييييت
معلش انا مش هعرف اعمل كذا اقتباس بس عايزة ارد على كذا واحدة
البنوتة اللى كانت هتعمل كتب كتاب بس وعايزة تسهر بره انا فى خطوبتى عملت خطوبة عالضيق كده وخرجت انا وخطيبى بعدها وروحنا باخرة من البواخر اللى عالنيل كانت الاكواريوس البواخر دى بيكون فيها اوبن بوفيه والمركب بتمشى ساعتين فى النيل بجد بتكون حلوة اوى
اسعارها فى حدود ال150 وال300 يعنى الاكواريوس دى كانت 160 للفرد وفى المركب الفرعونى 250 الفرد الاسعار دى لسه الشهر اللى فات
بس اللى يروح لازم يكون حاجز قبلها لان الاماكن دى بتكون زحمة اوى

كان فى بنوتة بتسأل تلبس ايه فى خطوبتها لانها عاملاها فى البيت برضه انا عن نفسي مالبستش فستان خطوبة واشتريت تايير سواريه بجد كان تحفة اوى ماشاء الله والكل كان عاجبه جدا فا انتى ممكن تشترى فستان سواريه سيمبل او طقم سواريه هيكون حلو ان شاء الله
وعلى فكرة الفساتين الجاهزة حلوة واسعارها احسن من اللى هيأجر

[COLOR=DarkGreen]بالنسبة للسخان الغاز احنا عندنا سخان المصانع ماشاء الله بقاله اكتر من 10 سنين وزى الفل بس الاسعار ما اعرفش بصراحة

[COLOR=Sienna]البنوتة اللى كانت عايزة حد تفصل عنده فستان فى واحدة شوفتها عالفيس بوك بجد بتعمل فساتين تحفة تحفة تعقد اوى هى كان فى بنوتة قالت عليها هنا
الست دى فى اسكندرية وليها فرع هنا فى القاهرة الفستان عندها بتاع الفرح بيبدا من 6000 بس هى بجد تحفة بتعمل الفستان والطرحة وهى المسئولة عن الميكب ولفة الطرحة والجيرب والاكسسوارات اللى بتحتاجها العروسة يوم الفرح
اللى عايزة الرابط بتاعها تبعتلى عالخاص
[COLOR=DarkGreen]كيتى كيتى السرير المدور ده مش عملى خالص وبياخد مكان عالفاضى وعايز مفارش مخصوص
السراير العادية احسن بكتير ومنها موديلات كتيرة وجميلة اوى
ربنا يوفقكوا يابنات ونتجوز كلنا ويصلح حالنا يارب
[/COLOR][/COLOR][/COLOR]

noogy;7653104:
عملت خطوبة عالضيق كده وخرجت انا وخطيبى بعدها وروحنا باخرة من البواخر اللى عالنيل كانت الاكواريوس البواخر دى بيكون فيها اوبن بوفيه والمركب بتمشى ساعتين فى النيل بجد بتكون حلوة اوى
اسعارها فى حدود ال150 وال300 يعنى الاكواريوس دى كانت 160 للفرد وفى المركب الفرعونى 250 الفرد الاسعار دى لسه الشهر اللى فات
بس اللى يروح لازم يكون حاجز قبلها لان الاماكن دى بتكون زحمة اوى


[COLOR=darkgreen]بالنسبة للسخان الغاز احنا عندنا سخان المصانع ماشاء الله بقاله اكتر من 10 سنين وزى الفل بس الاسعار ما اعرفش بصراحة

[/COLOR]

نوجى معلش ممكن تقوليلى البواخر دى ازاى اروحلها او المطاعم الحلوة واسعارها ايه ممكن ؟

كمان ازاى احجز قبلها يعنى

يعنى ممكن من غير حجز اروح انا وخطيبى مثلا واهلى نقضى يوم لطيف كده قوليلى لمركب اللى بتمشى فى النيل دى ايه ؟ او حتى ابعتيلى على الخاص


سخان المصانع الغاز بابا جابه لسة الشهر اللى فات ب 735 جنيه ومعاه ضمان 3 سنوات

:wink:احم استعنا على الشقا بالله
بسم الله الرحمن الرحيم

monmon*;7643920:
ممكن اللى جربت الفرن الكهربا تقولى اذا كان بيسحب كهربا كتير ولا لا
وهو احسن ولا الفرن الغاز احسن

هو مش بيسحب كهربا هو سهل عن الفرن الغاز واسرع حبة صغنين

مريم المسلمة;7644029:
الف مبرووووك يا بنوتات على الموضوع الجديد ربنا يسعدنا يارب ويتمم لنا بخير يارب
انا كنت عايزة اسال هو المفروض يكون عندى كام بطانية وكام لحاف

ياااااااااااااااااااااااااارب
هاتى 2 بطانية و1 لحاف
او 2 لحاف

heba 017;7646503:
بنات انا عايزة محل اشترى منه الحفه فيبر وعايزة اعرف مستوى الاسعار بتاعتها ايه وكمان حد يقلى هو لازم لما اجوز اجيب سيشوار يعنى

لا ليه لازم يعنى لا طبعا ياروح قلبى مش لازم لو شعرك ناعة اضربى الطاقية هيبقى فل
هههههههههههههههههههههه حاسة انى واحد قهوجى بيكلمك صح
قولى قولى اعترفى :D
الحاجات دى رفاهيات يعنى لما تخلصى جهازك زى الشاطرة
ومش لاقية تحطى فلوسك فين اتجهى بقى لهذة الاتجاهات الاخرى يعنى خليهم اخر حاجة
بعد الاساسيات والذى منة
الالحفة الفيبر المعرض السور والازهر
مستوى الاسعار من 250 وانتى طالع انا جايبة بتاعى ب350 روعة
وحاجات كتير كدة
حلو اوى

Bonbonaya15;7647807:
يا جماعة انا جديدة هنا و عايزة أخد رأيكوا انا نازلة أجيب شبكتي انشأللة اليومين دول بأذن اللة بصوا انا عايزة أعرف ميدان الجامع أحسن ولا الصاغة؟؟؟؟؟؟أنا نزلت ميدان الجامع عجبني أسورة كدة الجواهرجي قاللي دي دهب سويسري و الجرام ب 165 جنية حد عندو فكرة عن النوع دة؟؟؟؟و بالنسبة للخواتم الالماظ حد عندو فكرة برضو؟؟ قولولي خبرتكو عشان محتارة قوي...........

معلش سؤال كمان عايزة أسماء كوافيرات عشان الميك أب بتاع الخطوبة بس يكون كوافير نضيف و ياريت أعرف أسعارة برضو بس نضيف والنبي و يكون في نطاق مصر الجديدة؟؟؟بلززززززززززززززززز متنفضوششششششششش

اعملى عند حد سعرة حلو ايمى الكاشف نانيس سليم
او حد يجليك البيت
وياستى مافيش حاجة اسمها دهب سويسرى هو هو الايطالى
وانزلى الصاغة ارخص ونفس الحاجات بس لفى كويس
لان اللى محدش يعرفة ان المحلات الكبيرة اللى فى ميدان الجامع ليها فروع فى الصاغة
واشترى من داماس افضل شئ وبعد لازوردى لانك لو بعتيهم مش هيخسروا
حتى لو بالفصوص
ودماس لو فص وقع بيحطهولك مجانا

noor1984;7649889:
يابنات بليز حد يقولى هو محل داماس بتاع الماظ بس ولا دهب عادى كمان
وهل هو ماركه يعنى الاقيها فى اى محل عادى ولا لازم نفس المحل يعنى مثلا زى دهب لازوردى اجيبه من اى حته ولا لازم من نفس المحل يارب تكونو فاهمين قصدى ردو عليه ضرورىىىىىىىىىىىىىى

حاجه كمان انا كنت جبت المفروشات بتاعتى كلها من فتره وكنت حطاها على الارض فى اكياسها وكراتينها امبارح وانا بحركهم بالصدفه لقيت ريحتهم قديمه حد يعرف يقولى اعمل ايه

لا دامال الماظ ودهب لا دمااس مش اى محل لا دة ليه محلاتة الخاصة بيه
هتلاقى داماس فى الكوربة وفى الصاغة والمهندسين ومدينة نصر فى كل حتة
بصى حطى فيهم صابوووووووووون او المعطرات بتاعة العربية اللى بالاناناس والفراولة وكدة

سارة المزعورة;7651061:
ميدان الجامع يفرق عن الصاغة 1000 جنية فى المصنعية
ميدان الجامع مصنعيتة اعلى من الصاغة
الى موجود هنا موجود هناك كلها شركات لفى انتى كويس
مافيش حاجة اسمها ذهب سويسرى السويسرى هوة الايطالى لكن الصياغ مابينهم يسموة سويسرى يعنى فانتزيا
لازوردى وداماس شركات كبيرة موجودة منتجتها فى كل محلات الصاغة
لازوردى فى البيع لا تخسرى فصوصة لانة بيتباع بفصوصة لازوردى بفصوص لا يخسر
اوعى تشترى ذهب بفصوص اى ماركة غير لازوردى لانة ببساطة لا قدر اللة فى البيع هاتخسرى جامد جدااااااااا
السوليتير فية لعب كثير لازم تشترية من حد موثوق مش اى حد بيفهم فية
داماس محلاتة الاساسية عندهم والراجل هايفهمك ممكن تروحى تشترى منة وماتنسيش تاخدى الضمان بتاعة المكتوب فية درجة نقاء الفص وحجمة دى لازم وعندك محل اسمة نيوتركواز زى ما روباز قالت انةكويس
والمحل الى انا اعرف انة كويس هوة دايموند هاوس فى عبد المنعم رياض المهندسين قالوا انة كويس جداا
روحى بصى واتعلمى وانتى الى هاتقررى
يا حلوة لما تجيبى الماظ تجيبى خاتم عادى وخلى كل الفلوس فى فص واحد لان الفصوص الكسر دة بتخسر وملخاش قيمة


سارة افندى عايزة تليفون ناديةالشيخ ومنال القاضى ؟
هبة ممكن تليفون حازم دة من فضلك ؟
اخبار امة اية ؟

ياسلام ياست سارة بتقرى افكارى ايه ياحاجة
ههههههههههههههههه
على فكرة دماس كمان لو اشتريتى الحاجة بفصوص وبعتية مبتخسريش ولو فص وقع بيحطهولك مجانا

سارة المزعورة;7651190:
الى بتسال على نفشة فستان نعيمة عاكف
دى زمان كانت جيبونة متنشية بنشا ماتضحكوش زمان كانت بتبقى كدة علشان تنفش وتمسك الفستان
لكن الان فى ايامنا تبقى كذا دور تل مستورد ناشف ادوار تل هاتعمل الشكل دة ولا تهدل ولا اى حاجة
انا كنت عاملة كلة فى خطوبتى كذا دور تل بتدى الشكل دة
التل لازق فى الفستان متخيط فية

باركولى هانبداء ندهن الشقة باذن اللة كلها هاتكون لون واحد
خطيبى اصلة ما بيحبش الالوان او زى ما بيسميها اللطع دة
مش عاجبة اية رايكم اعمل اية ؟

مين فى مصر بيعمل الفرست بوز دة ؟

لا اله الا الله انا كمان خطيبى او خطيبى سابقا
مبيحبش الالوان
ههههههههههههههه بينها موضة فى البلد

سارة المزعورة;7651664:
,؛.سخان الغاز يعمل كام الان?
.واية الاحسن المصانع الحربية ولا الومبيك اليكتري?

لا يونيفرسال والمصانع الحربية ووايت ويل
التلاتة احلا من بعض
يونيفرسال ب750 ضمان 7 سنين
وايت ويل 950 ضمان 7 سنين
المصانع دة عندنا من قديم الازل وشغال حلو اوى بس معرفش بقى بكام حاليا

سارة المزعورة;7652014:
هو سخان الغاز عموما يعمل كامممممممممممم يا بنات ؟

بيدا من 500 ودة الالصغنون الطعم ال5 لتر
ل1000
كيف أنام يا أمي وقد نسجت خيوط أكفاني وقد شاهدت عيني قبري وجيراني غير علمى برفيق أقرع وديدان فيارب رحماك بعاص تائب جاني ما جني غير سيئة ونقصان فأرحمنى إذا أتيتك بمفردي ما أغني عني سلطاني وقد تركني يومها أهلي وخلاني

بنات لو سمحتوا عايزة اسم محل اقمشة سواريهات حلو في مصر بس تكون اقمشته قيمة وحلوة ويا يومي انتي فين مش باينة من زمان (f)

kitty_kity;7652613:
بنات هو مراتب السرير المدورة بتبقى جاهزة ولا بتتعمل عمولة؟؟؟ ولو جاهزة بتبقى منين وبكام؟؟
بتفرق كتير عن العاديه؟؟؟

والسرير المدور..ايه رايكم فيه مزاياه وعيوبه يعني

بصراحة مش عارفة لية مش برتاح نفسيا للسراير المدورة

وانا روحت هابيتات ويانسين وعمر افندى كمان فية مراتب مشوفتش مراتب مدورة خالص

فراشة الإيمان;7650054:
مبروك الجزء الجديد

انا ياقمرات لما أجرت الفستان طبعا محجبات

قالتلى هاتدينى معاه البندانه اللى هى مطرزة دى

بس مش عارفه اعمل بقيت الطرح بتاعه الفرح منين

انا لفيت عند بتوع الطرح

مش لقيت حاجه حلوة

ساعدونى الله يخليكوا مفيش وقت:confused:

الاقى فيييييييين:confused::confused:

انزلى الوكالة واشترى قماش تول جليتر بتاع الطرح بيكون المتر بـ 9 جنية كدا وانتى هتاخدى متر وهاتيله الاكسسوريز بتاعتة احسن

وربنا يتملك على خير يا فراشة

alhasnaa;7653615:
بنات لو سمحتوا عايزة اسم محل اقمشة سواريهات حلو في مصر بس تكون اقمشته قيمة وحلوة ويا يومي انتي فين مش باينة من زمان (f)

فى فى الوكالة كزا محل جنب بعض فيهم شوية اقمشة سوارية تحفة تحفة بجد واحد منهم اسمة دانتيلا والتانى اسمة رونا وفى محلات تانية كتيييييييييير ما شاء الله عليهم

بس الاسعار بقى ناااااار

Batta_Fares;7648685:
بنات........ على قناه مسايا فى برنامج اسمه النهارده فرحى بيجيب افراح مصريه للى عايز يشوف افكار...
البرنامج بيجى يوم الاحد و الخميس الساعه 22:00 ksa
و على فكرة انا جبت رقم التليفون بتاع التوكيل فى مصر عشان الى عايز يعرض فرحه على القناه دى :)
الى عايزه يبعتلى على الخاص :)

دلوقتى بقى عندى سؤال بس عبيط شويه.... فى فيلم كده مش عارفه اسمه بتاع نعيمه عاكف و محمد فوزى (الى كان فيه محمد فوزى و عمه بيبحبوا نعيمه عاكف و بيعملوا مقالب فى بعض) المهم كانت هى لابسه فى الاغنيه فى اخر الفيلم فستان فرح منفوش كده و كانت بترقص بيه كان خفيف اوى و بيتحرك معاها بحريه.... يعنى مكانتش لابسه و لا جيبونه سلك و لا تول... حد يعرف ازاى الفستان طلع منفوش كده؟؟؟؟

انا واحدة صحبتي كانت مفصلة فستانها وكانت عاملة طبقات تول كتيييييييييير اوي من تحت تنفشه من غير بطانة سلك - الفكرة عجبتني جدا ونفسي اعملها بدل ارف السلك ده

[quote=nemonamanemo;7652681]



انا حجزت الاتنين الحمد لله يا صوت

الفستان من فرحه ب 1500 و الكوافير برستيج ب 1200 لاني مش واخده كل الباكدج


الف مبروك ياقمر ربنا يتمم بخير حجزتى قبل فرحك بكام شهر؟
طب لو الواحد حجز قبل الفرح بتلات شهور يلااقى اللى هو عاوزة من حيث القاعه والفستان ولاا لاازم قبل كده؟(f) شكرا ليكو

noor1984;7649889:
يابنات بليز حد يقولى هو محل داماس بتاع الماظ بس ولا دهب عادى كمان
وهل هو ماركه يعنى الاقيها فى اى محل عادى ولا لازم نفس المحل يعنى مثلا زى دهب لازوردى اجيبه من اى حته ولا لازم من نفس المحل يارب تكونو فاهمين قصدى ردو عليه ضرورىىىىىىىىىىىىىى

حاجه كمان انا كنت جبت المفروشات بتاعتى كلها من فتره وكنت حطاها على الارض فى اكياسها وكراتينها امبارح وانا بحركهم بالصدفه لقيت ريحتهم قديمه حد يعرف يقولى اعمل ايه

بالنسبة لدهب داماس ياقمر في دهب عادي مش الماظ بس وليهم توكيل روعة في مصر الجديدة في ميدان الجامع - بس ماعرفش موجودين في المحلات العادية ولا لأ -اما المفروشات انتي ممكن تجيبي صابون ريحته حلوة اوي بس طبعا ماتخرجيهوش من الورقة افتحيها الورقة بس وحطي بين المفروشات - وممكن تبخريها ببخور نضيف او تحطي زجاجة برفان فاضية بس الريحة لسة فيها

alhasnaa;7653615:
بنات لو سمحتوا عايزة اسم محل اقمشة سواريهات حلو في مصر بس تكون اقمشته قيمة وحلوة ويا يومي انتي فين مش باينة من زمان (f)

سندريلا
دانتيلا
روتانا
سنوريتا
ميلودى
دول كلهم عندهم اقمشة سوريهات حلوة اوى بالوكالة بس فاصلى اوى اوى اوى
لانهم نصابين واى خدعة ياقمر