تجهيزات عرايس مصر الجزء 106

Bonbonaya15;7647807:
يا جماعة انا جديدة هنا و عايزة أخد رأيكوا انا نازلة أجيب شبكتي انشأللة اليومين دول بأذن اللة بصوا انا عايزة أعرف ميدان الجامع أحسن ولا الصاغة؟؟؟؟؟؟أنا نزلت ميدان الجامع عجبني أسورة كدة الجواهرجي قاللي دي دهب سويسري و الجرام ب 165 جنية حد عندو فكرة عن النوع دة؟؟؟؟و بالنسبة للخواتم الالماظ حد عندو فكرة برضو؟؟ قولولي خبرتكو عشان محتارة قوي...........

معلش سؤال كمان عايزة أسماء كوافيرات عشان الميك أب بتاع الخطوبة بس يكون كوافير نضيف و ياريت أعرف أسعارة برضو بس نضيف والنبي و يكون في نطاق مصر الجديدة؟؟؟بلززززززززززززززززز متنفضوششششششششش

انا جبت شبكتي برده من ميدان الجامع بصراحة حسيت ان موديلات دهبه نضيفة اوي اوي - سمعت ان الصاغة مستواها عادي مش جامد اوي وسط يعني - انا ماعرفش موضوع السويسري بس اعرف الايطالي لسة جايبة الدبلة الجرام ب 160 ج - بس بلاش تجيبي المصري انا كنت جايبة دبلة مصري قبل كده واتبهدلت خالص لكن الايطالي نضيف- انا شفت خاتم هناك تحفة كان دهب ابيض وفيه فصوص الماظ كان ب 6000 بس بصراحة كان حلو اوي اوي
انا سمعت عن كوافير ميسو عبده بيقولو تحفة وشفت عروسة من عنده ماشاء الله جميلة اوي وتقريبا كان واخد 2000ج- ممكن تتأكدي من باقي البنات

ghadghoda ادخلي ركن الازياء هتلاقي بلاوي اتفرجي وفصلي براحتك يا عسل

ميرسي أوي يا توتي بجد بس اية نظام الالماظ؟؟؟؟

ميرسي ياروزي أوي طمنتيني......بالنسبة للكوافير أنا عارفة مسيو عبدة بس غالي أوي علي خطوبة بصراحة

kasndra;7647838:
فين يا روزي كوبري عباس واتفقتي على الاكل منين وارغي عن تفاصيل حديقة الازهر سعرها وشكلها والساعة كام كله كله و هو جنينه ولا لاء؟؟؟؟؟ ولو تعرفي جنينه حلللللوة اعمل فيها نظام نانسي عجرم في لون عيونك قوليلي يا عسل

اولا ازيك ياقمر - كوبري عباس ده قبل ميدان الجيزة بعد ما الكوبري بيخلص بتنزلي الشارع يمين الصف ده كله بواخر وياختات وكده - بصي انا اصلا باتلغبط اوي في موضوع الكباري ده- بس لو مش هو هاتأكدلك- لو عايزة ابعتلك رقم الياخت وانتي تتأكدي برده - والاكل ياسيتي احنا كنات شباب بس فكنا عاكلين بوفيه صغير كده ساندويتشات كبيرة زي كوك دور كده وساليزونات وجاتوه وبيبسي بس والله كانت جامدة -
بالنسبة للأزهر بارك المكان اصلا شيك جدا صحبتي عملت فيه اولا ياسيتي المكان في حتة عالية اوي من الجنينة يعني وانتي فوق تشوفي مصر كلها زي المقطم كده - وعبارة عن ترابيظات وكراسي وفي النص بحيرة صغنونة كده - هم ساعتها اتفقو من قبلها كان الفرد ب 55 ج وجبة كده وكانت صحبتي متفقة ع ديك رومي من برة عشان هم مش بيعملوه وجابته - واتفقو برده ع دي جي وقالتلي كانت جميلة جدا
بالنسبة للحدائق للفرح لسة واحدة صحبتي قالتلي ع الجنينة الي في دار الاسلحة والذخيرة- بتقولي حلوة

Bonbonaya15;7647906:
ميرسي أوي يا توتي بجد بس اية نظام الالماظ؟؟؟؟

مش عارفة بصراحة في الالماظ مش بفضلو بصراحة
فمش حاولت اعرف عنو اى اخبار :)
بالنسة لكوافير مسيو عبدو اعتقد انة مش كل شغلو كويس
كان عامل لبنت عمتى في الزفاف وشغلو كان عادى واقل من العادى واى لاينر العين كان معوووج :ss:
انا في فرحى روحت لروجى سنتر في ميدان الحجاز و اخدت 2200 الميكب كان تحفة والطرحة كمان بس حسيت ان الميكب كان غامق شوية يعنى برضو في احسن منها
مش عارفة افيدك اوى في كوافير كويس


بنات ادخلو هنا
انا لله وانا الية لراجعون

والد طمطم توفى انا لله وانا اليه راجعون يارب صبر قلب طمطم

اقتباس المشاركة الأصلية بواسطة semsema2007 بنات ايه رايكم في الفستان ده؟



ايه رايك فى التقفيله دى لو عجبتك قولي وانا اقولك هتتعمل ازاى

الاسمر اللى على الرقبه ده انا عملاه لونه اسمر بس علشان يبان فى الرسمه

منمن ميرسي اوي على فكرتك ياريت تقوليلي تتنفذ ازاي

roro8484;7646636:
بنات دى غرفه الاطفال او الضيوف الى اشترتها
ده الكيمودينو ومكتب الكمبيوتر


ودى تسريحه بالطول وبتلف ورها دلفه عشان تعينى فيها الحجات والجه التانيه مرايه
وفى الجنب شماعه فكره جديده عجبتنى اوى ومتخدش مساحه كبيره







وده الدولاب




وده كرسي المكتب



ودى غرفه نومى انا

التسريحه



ودى مرايه بالطول برضه فكره جديده وعجبتنى




وده السرير




الدولاب وهو احلى من كده بكتير بس مش واضح فى الصور
لانه واخد بومبه ودورنات وواخد دهان اكنه مطبطن جلد




وده الشوفونيره



اتمنى ان يكون زوقى عجبكم
وان شاء الله هصورلكم الشقه كلها لما تتفرش لا صورت الحجات
دى وهى فى المعرض لسه بنات ادعولى عشان كمان
قريب قوى هنحدد كتب الكتاب محتاجه دعاكم معايا وعبال كل البنات يارب اميييييييييين

ذوقك هااااااااااااااااااايل
عجبنى اوى
الف مبروك


اه والبنوتة اللى كانت بتسأل على التيفال اللى بيجى فى التليفزيون
بلاش خليكى فى المضمون ( زهرااااااااااااااان)

انا الحمد لله يا روزي ازيك انتي وميرسي اوي يا قمر على الكتالوجات وميرسي لكل البناتيت اللي بعتولي بقولك يا روزي هو كتالوج لولو ده اجيب حاجته منين؟؟؟؟

Bonbonaya15;7647807:
يا جماعة انا جديدة هنا و عايزة أخد رأيكوا انا نازلة أجيب شبكتي انشأللة اليومين دول بأذن اللة بصوا انا عايزة أعرف ميدان الجامع أحسن ولا الصاغة؟؟؟؟؟؟أنا نزلت ميدان الجامع عجبني أسورة كدة الجواهرجي قاللي دي دهب سويسري و الجرام ب 165 جنية حد عندو فكرة عن النوع دة؟؟؟؟و بالنسبة للخواتم الالماظ حد عندو فكرة برضو؟؟ قولولي خبرتكو عشان محتارة قوي...........

معلش سؤال كمان عايزة أسماء كوافيرات عشان الميك أب بتاع الخطوبة بس يكون كوافير نضيف و ياريت أعرف أسعارة برضو بس نضيف والنبي و يكون في نطاق مصر الجديدة؟؟؟بلززززززززززززززززز متنفضوششششششششش

بصي يا قمر اول حاجه متحلفيش بالنبي وقولي كفارتها لا إله إلا الله
ميدان الجامع طبعا أحلى من الصاغة بس مصنعيتها أعلى من الصاغة
وفي نوع ذهب هناك اسمه ايجيبت جولد حاجاته حلوة اوي وراقية وخصوصا الذهب الأبيض منه اسألي عليها واتفرجي
وطبعا فاصلي كويس جدا معاهم
بالنسبة بقا للألماظ انا سألت بس خفت اجيب حاجه من هناك لأن لازم تكوني بتجيب من حد ثقة وتعرفيه لو تعرفي انتي حد كويس وثقة عليتكم بتتعامل معاه خلاص هاتي منه

في كوافير اسمه نورماندي في الكوربة عنوانه 34 ش بغداد - الكوربة - هليوبوليس
انا روحت الفرع بتاعه اللي في مدينة نصر ورا طيبة مول واسعاره كنت سألته على باكيدج العروسه قالي 1800 من كذا شهر مش عارفه دلوقتي بكام

toty858;7647844:
الدهب السويسرى هو الايطالى وبيكون اغلى من المصري العادى
بالسنبة لميدان الجامع او الصاغة
طبعا ميدان الجامع ية اذواق اكتر وارقي بكتير من الصاغة
الصاغة اغلبها معتمدة على الدهب الاصفر المكلكع دة مش هتلاقي فيها حاجات سمبل
ولو هتروحى ميدان الجامع ياريت يكون في حد معاكى بيفهم في الدهب لان في محلات بتغش في الدهب هناك فخلى بالك وفاصلى كويس
انا كنت جايبة شبكتى من هناك
بس لفي المحلات كلها واعرفي سعر الجرام كام لان في محلات بترفع سعر الجرام عن البقية وفي محل هناك وهمىىىىى اسمة اعتقد العريان حاجة كدة تحفة بجد بس اسعارو اعلى من الباقي

تمام يا توتي (y)
انا فعلا لما جبت لقيت الجرام سعره مش واحد في كل المحلات بس بيبقا الفرق بسيط عن السعر بتاع جرام اليوم ممكن جنيه ولا اتنين وممكن يزيد

ghadghoda;7648322:

محدش جاوبنى خالص فى موضوع الكيتشن ولا المالتى كويك ولا كل حاجة لوحدها ولو كل حاجة لوحدها يبقى ايه هى الحاجات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ شوفوا بقى الجديد فى الموضوع وردوا عليا مهم اوووووووووووووووووووووووى بجد صفحة 8 وصفحة 10 ارجوووووووووووووووووووووكمhttp://go.3roos.com/dwDlqNKsCTl.3roos.com/forums/t396778_10.html
http://go.3roos.com/dwDlqNKsCTl.3roos.com/forums/t396778_8.html

غادة كيتشين بروان حلوة وميزتها من وجهة نظري انها فيها عجان مش أكتر والمالتي كويك في ناس كتير بتشكر فيها لو مش عايزة عجان خلاص هاتي المالتي كويك وهيا مجموعه على بعضها بس مش فاكره مكوناتها ايه

kasndra;7648323:
انا الحمد لله يا روزي ازيك انتي وميرسي اوي يا قمر على الكتالوجات وميرسي لكل البناتيت اللي بعتولي بقولك يا روزي هو كتالوج لولو ده اجيب حاجته منين؟؟؟؟

انا مش عارفة ياجميلة منتجات لولو دي منين ياريت الي عارف من البنات يقولنا - نسيت اقولك ع مكان حلو مووووووووووت فيه جنينة بيتعمل فيها افراح جميلة - المكان اسمه نايل كانتري كلوب nile country club لمكان اصلا في بسين وقاعة افراح والجنينة هو ع الكورنيش قبل حلوان بشوية انا كنت بروح البسين بتاعه ع طول وسألنا ع الأفراح في الجنينة وفرجونا ع كتالوج في افراح عاملينها فيها جميلة وبيوضبوها حلو - وكانت اسعارها حلوة بس كان كل حاجة وليها سعر بس مش فاكرة خالص الأسعار وكمان بيعملو افراح ع البسين

بنات عايزة بتاع ستاير في القاهرة بيعمل حاجات حلوة اوي و انتو مجربين او شوفتوا حد عمل عنده و التفاصيل بتاعته و ياريت في اقرب وقت لاني مسافرة بكرة ان شاء الله

بنات........ على قناه مسايا فى برنامج اسمه النهارده فرحى بيجيب افراح مصريه للى عايز يشوف افكار...
البرنامج بيجى يوم الاحد و الخميس الساعه 22:00 ksa
و على فكرة انا جبت رقم التليفون بتاع التوكيل فى مصر عشان الى عايز يعرض فرحه على القناه دى :)
الى عايزه يبعتلى على الخاص :)

دلوقتى بقى عندى سؤال بس عبيط شويه.... فى فيلم كده مش عارفه اسمه بتاع نعيمه عاكف و محمد فوزى (الى كان فيه محمد فوزى و عمه بيبحبوا نعيمه عاكف و بيعملوا مقالب فى بعض) المهم كانت هى لابسه فى الاغنيه فى اخر الفيلم فستان فرح منفوش كده و كانت بترقص بيه كان خفيف اوى و بيتحرك معاها بحريه.... يعنى مكانتش لابسه و لا جيبونه سلك و لا تول... حد يعرف ازاى الفستان طلع منفوش كده؟؟؟؟

ابعتيلي يل بطة رقم القناه بس تفتكري هي فكرة حلوة الواحد يعرض فرحه في التي في ؟ مش عارفة ابعتيهالي بس اهو افكر ومش عارفة حوار الفستان ده ياريت فعلا يبقى في حل غير الجيبونة يارب حد يقولنا

اولا ميرسى جدا جدا لكل البنات الحلوين الامامير الى قييمونى... بجد انتم شجعتونى جدا... انا كده حقعد اتابع القناه كويس اى و اول بأول حقولكم على احلى الافكار الى حشوفها ان شاء الله.....
على فكرة انا اكتشفت بنوته بتعمل الجيست بوك و بتعمل افكار حلوة اوى و بتعمل اقلام على شكل عروسه و عريس بيبقى شكلهم رقيق موت... و اسعارها تتراوح من 80 لحد 100
الى عاوز رقمها يبلغنى على الخاص و ححاول اجيب صور لشغلها

بطوطططططططه اسكتى مش جبت القناه العجيبه دى :)
فصلت ادعبس لحد ما لاقتها

بنات أمة الله اخبارها ايه؟

عايزه اشترى شوز سواريه حلوه وشيك ومفيهاش تطريز منين؟ وشنطه برده؟ وعايزه اعرف هوا الشتوى بيبقى عباره عن ايه فى جويا ؟ يعنى القمصان بتبقى صوف :) ولا ايه

mashimaro16;7648882:
بطوطططططططه اسكتى مش جبت القناه العجيبه دى :)
فصلت ادعبس لحد ما لاقتها

بنات أمة الله اخبارها ايه؟

عايزه اشترى شوز سواريه حلوه وشيك ومفيهاش تطريز منين؟ وشنطه برده؟ وعايزه اعرف هوا الشتوى بيبقى عباره عن ايه فى جويا ؟ يعنى القمصان بتبقى صوف :) ولا ايه

لو عايزة حاجه شيك وبسيطة ممكن تلاقي عند Charles & Keith
في سيتي ستارز وومكن تلاقي عند ألدو الأصلي أو كلوب ألدو ان شاء الله

اه يا ماشيمارو يا حلوة قمصان النوم بتبقى صوف و بسوسته من قدام و كابيشو و بتبقى وتر بروف عشان لو الدنيا مطرت :)
يا ماشيمارو جويا غير مقيد بالشتوى و الصيفى.... انا رحت فى شهر يناير الى فات جبت قمصان نوم عادى خالص :)
و بالنسبه للشوز للاسف انا الى اعرفه موجود عندنا فى اسكندريه حاجته حلوة اوى و شيك و مش غالى.... يعنى الشوز بتبقى من 100 لحد 150 و مش مطرزة... انا جبت منه شوز عشان خطوبتى.... كانت ب110 ادعيلى بقى عشان انا خايفه اوى و الخطوبه عماله تقرب زى البعبع

roro8484;7646636:
بنات دى غرفه الاطفال او الضيوف الى اشترتها
ده الكيمودينو ومكتب الكمبيوتر


ودى تسريحه بالطول وبتلف ورها دلفه عشان تعينى فيها الحجات والجه التانيه مرايه
وفى الجنب شماعه فكره جديده عجبتنى اوى ومتخدش مساحه كبيره







وده الدولاب




وده كرسي المكتب



ودى غرفه نومى انا

التسريحه



ودى مرايه بالطول برضه فكره جديده وعجبتنى




وده السرير




الدولاب وهو احلى من كده بكتير بس مش واضح فى الصور
لانه واخد بومبه ودورنات وواخد دهان اكنه مطبطن جلد




وده الشوفونيره



اتمنى ان يكون زوقى عجبكم
وان شاء الله هصورلكم الشقه كلها لما تتفرش لا صورت الحجات
دى وهى فى المعرض لسه بنات ادعولى عشان كمان
قريب قوى هنحدد كتب الكتاب محتاجه دعاكم معايا وعبال كل البنات يارب اميييييييييين

ما شاء اللة حاجتك جميلة موتتتتتتتتتتتتتتتتتتتتتتتتتتتت

عاوزة اسال بس انتى جبتى الاوضة النوم دى بكام ؟:o:o وهناك فى حاجات مودرن شفتيها فى دمياط؟ واسعارها فى الرينج كام كدة معلش هتعبك معاياااااااااااااااا

لو سمحتو يابنات ربنا يخليكوا بالنسبة لطقم الشبكة ايه احسن الموجود وحد يعرف اطقم لازوردي رينج السعر بتاعها ايه وبتتباع فين وسؤال تاني لو الشبكة في البيت على الضيق يعني اهله واهلي هل لازم فستان شبكة ولايكفي البس طقم سواريه شيك لو سمحتوا ردوا علية لحسن انا حيرانة وربنا يخليكوا ليه

Batta_Fares;7648756:
اولا ميرسى جدا جدا لكل البنات الحلوين الامامير الى قييمونى... بجد انتم شجعتونى جدا... انا كده حقعد اتابع القناه كويس اى و اول بأول حقولكم على احلى الافكار الى حشوفها ان شاء الله.....
على فكرة انا اكتشفت بنوته بتعمل الجيست بوك و بتعمل افكار حلوة اوى و بتعمل اقلام على شكل عروسه و عريس بيبقى شكلهم رقيق موت... و اسعارها تتراوح من 80 لحد 100
الى عاوز رقمها يبلغنى على الخاص و ححاول اجيب صور لشغلها

ياريت لو تعرفى تبعتى الصور على الخاص ورقم تلفونها:o مرسى كتيرررررررررر


وليا استفسار

حد يعرف محل كويس اروحلة فى القاهرة بتاع كروت دعاوى بس عاوزة حاجة نضيفة ؟