alhasnaa;7649514:
لو سمحتو يابنات ربنا يخليكوا بالنسبة لطقم الشبكة ايه احسن الموجود وحد يعرف اطقم لازوردي رينج السعر بتاعها ايه وبتتباع فين وسؤال تاني لو الشبكة في البيت على الضيق يعني اهله واهلي هل لازم فستان شبكة ولايكفي البس طقم سواريه شيك لو سمحتوا ردوا علية لحسن انا حيرانة وربنا يخليكوا ليه
Batta_Fares;7648685:
بنات........ على قناه مسايا فى برنامج اسمه النهارده فرحى بيجيب افراح مصريه للى عايز يشوف افكار...
البرنامج بيجى يوم الاحد و الخميس الساعه 22:00 ksa
و على فكرة انا جبت رقم التليفون بتاع التوكيل فى مصر عشان الى عايز يعرض فرحه على القناه دى :)
الى عايزه يبعتلى على الخاص :)
دلوقتى بقى عندى سؤال بس عبيط شويه.... فى فيلم كده مش عارفه اسمه بتاع نعيمه عاكف و محمد فوزى (الى كان فيه محمد فوزى و عمه بيبحبوا نعيمه عاكف و بيعملوا مقالب فى بعض) المهم كانت هى لابسه فى الاغنيه فى اخر الفيلم فستان فرح منفوش كده و كانت بترقص بيه كان خفيف اوى و بيتحرك معاها بحريه.... يعنى مكانتش لابسه و لا جيبونه سلك و لا تول... حد يعرف ازاى الفستان طلع منفوش كده؟؟؟؟
roro8484;7647208:الله يخليكى يا قمر ده من زوقك
غرفه الاطفال ب7500ج والنوم ب16000 الطفال من معرض اسمه استايل على طريق برسعيد شارع المحور والنوم من الشناوى على طريق بورسعيد
Batta_Fares;7648756:
اولا ميرسى جدا جدا لكل البنات الحلوين الامامير الى قييمونى... بجد انتم شجعتونى جدا... انا كده حقعد اتابع القناه كويس اى و اول بأول حقولكم على احلى الافكار الى حشوفها ان شاء الله.....
على فكرة انا اكتشفت بنوته بتعمل الجيست بوك و بتعمل افكار حلوة اوى و بتعمل اقلام على شكل عروسه و عريس بيبقى شكلهم رقيق موت... و اسعارها تتراوح من 80 لحد 100
الى عاوز رقمها يبلغنى على الخاص و ححاول اجيب صور لشغلها
Batta_Fares;7648902:
اه يا ماشيمارو يا حلوة قمصان النوم بتبقى صوف و بسوسته من قدام و كابيشو و بتبقى وتر بروف عشان لو الدنيا مطرت :)
يا ماشيمارو جويا غير مقيد بالشتوى و الصيفى.... انا رحت فى شهر يناير الى فات جبت قمصان نوم عادى خالص :)
و بالنسبه للشوز للاسف انا الى اعرفه موجود عندنا فى اسكندريه حاجته حلوة اوى و شيك و مش غالى.... يعنى الشوز بتبقى من 100 لحد 150 و مش مطرزة... انا جبت منه شوز عشان خطوبتى.... كانت ب110 ادعيلى بقى عشان انا خايفه اوى و الخطوبه عماله تقرب زى البعبع
roro8484;7646636:
بنات دى غرفه الاطفال او الضيوف الى اشترتها
ده الكيمودينو ومكتب الكمبيوتر
ودى تسريحه بالطول وبتلف ورها دلفه عشان تعينى فيها الحجات والجه التانيه مرايه
وفى الجنب شماعه فكره جديده عجبتنى اوى ومتخدش مساحه كبيره
وده الدولاب
وده كرسي المكتب
ودى غرفه نومى انا
التسريحه
ودى مرايه بالطول برضه فكره جديده وعجبتنى
وده السرير
الدولاب وهو احلى من كده بكتير بس مش واضح فى الصور
لانه واخد بومبه ودورنات وواخد دهان اكنه مطبطن جلد
وده الشوفونيره
اتمنى ان يكون زوقى عجبكم
وان شاء الله هصورلكم الشقه كلها لما تتفرش لا صورت الحجات
دى وهى فى المعرض لسه بنات ادعولى عشان كمان
قريب قوى هنحدد كتب الكتاب محتاجه دعاكم معايا وعبال كل البنات يارب اميييييييييين
rozyyy;7647019:
انا بعتلك الكتالوج ع الخاص - ولو عايزة تعرفي سعر حاجة بالمصري ابعتيلي شكل الموديل وانا عندي كتالوج بالأسعار المصري اشوفلك السعر وأقولك
rozyyy;7647171:
انا رديت عليكي قبل كده وقلت ان في مكان في حديقة الأزهر حلو جدا فوق اسمه تيريانون بس هو مكان مفتوح بس بصراحة روعة صحبتي عملت فيه وحلو جدا -لو عايزاني اقولك تفاصيله قوليلي وانا اقولك - وفي بواخر كتير بس بتبدأ الفرد فيها من 100 وانتي طالعة زي نايل بيكينج ودي فيها اكل زي الصيني كده وع كورنيش النيل - وفي كريستال ودي اغلي شوية وفي عند نهاية كوبري قصر النيل مجموعة بواخر تحفة بس غالية بتبدأ الفرد من 150 اقل حاجة -
في بئي فكرة انا عملتها ساعة كتب كتابي اننا كتبنا الكتاب وكان فيه كل الناس وبعدين كنا من قبلها مأجرين يخت من الي هم عند نهاية كوبري عباس في هناك ياختات كتيرة بس احلاهم فالانتاين ودي فيها قاعة مقفولة بتشيل 70 فرد - لمينا صحابنا بس وكنا متفقين ع الأكل من برة وكان يوم جااااااااامد جدا - الساعة في اليخت ب 500 ج - انتي ممكن تحددي انتي ناوية ع ايه بالظبط ولو اقدر اساعدك يعني معاكو صحابكو ولا اسرتكو ولا لوحدكو ؟؟؟؟؟؟
heba 017;7646503:
بنات انا عايزة محل اشترى منه الحفه فيبر وعايزة اعرف مستوى الاسعار بتاعتها ايه وكمان حد يقلى هو لازم لما اجوز اجيب سيشوار يعنى
ghadghoda;7647782:
حلوين اوى يا قمر تعرفى مين اللى عملهم والمتر بكام والتفاصيل ايه
Bonbonaya15;7648101:
ميرسي يا توتي أوي و ربنا يعمل اللي فية الخير
ghadghoda;7648322:
محدش جاوبنى خالص فى موضوع الكيتشن ولا المالتى كويك ولا كل حاجة لوحدها ولو كل حاجة لوحدها يبقى ايه هى الحاجات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ شوفوا بقى الجديد فى الموضوع وردوا عليا مهم اوووووووووووووووووووووووى بجد صفحة 8 وصفحة 10 ارجوووووووووووووووووووووكمhttp://www.3roos.com/forums/t396778_10.html
http://www.3roos.com/forums/t396778_8.html
mashimaro16;7648882:
بطوطططططططه اسكتى مش جبت القناه العجيبه دى :)
فصلت ادعبس لحد ما لاقتها
بنات أمة الله اخبارها ايه؟
عايزه اشترى شوز سواريه حلوه وشيك ومفيهاش تطريز منين؟ وشنطه برده؟ وعايزه اعرف هوا الشتوى بيبقى عباره عن ايه فى جويا ؟ يعنى القمصان بتبقى صوف :) ولا ايه
alhasnaa;7649514:
لو سمحتو يابنات ربنا يخليكوا بالنسبة لطقم الشبكة ايه احسن الموجود وحد يعرف اطقم لازوردي رينج السعر بتاعها ايه وبتتباع فين وسؤال تاني لو الشبكة في البيت على الضيق يعني اهله واهلي هل لازم فستان شبكة ولايكفي البس طقم سواريه شيك لو سمحتوا ردوا علية لحسن انا حيرانة وربنا يخليكوا ليه
فراشة الإيمان;7650054:
مبروك الجزء الجديد
انا ياقمرات لما أجرت الفستان طبعا محجبات
قالتلى هاتدينى معاه البندانه اللى هى مطرزة دى
بس مش عارفه اعمل بقيت الطرح بتاعه الفرح منين
انا لفيت عند بتوع الطرح
مش لقيت حاجه حلوة
ساعدونى الله يخليكوا مفيش وقت:confused:
الاقى فيييييييين:confused::confused:
pippo;7650648:
بصى يا قمر انتى لما بتتفقى مع كوافير او ماكييرة بتسأليها عن الخامات اللى هتعملك بيها الطرحة .. هى بتشوف وشك وايه اللى يليق عليه من اللفات وبتحددلك الخامات. هم اكتر ناس بتفهم فى الحاجات دى. ادى العيش لخبازه.
انا شفت طرحة زفاف قصيرة فى محل فى جنينة مول بـ350 جنيه وماكنتش تستاهل خااااااااااااالص :ss:
Bonbonaya15;7647807:
يا جماعة انا جديدة هنا و عايزة أخد رأيكوا انا نازلة أجيب شبكتي انشأللة اليومين دول بأذن اللة بصوا انا عايزة أعرف ميدان الجامع أحسن ولا الصاغة؟؟؟؟؟؟أنا نزلت ميدان الجامع عجبني أسورة كدة الجواهرجي قاللي دي دهب سويسري و الجرام ب 165 جنية حد عندو فكرة عن النوع دة؟؟؟؟و بالنسبة للخواتم الالماظ حد عندو فكرة برضو؟؟ قولولي خبرتكو عشان محتارة قوي...........
معلش سؤال كمان عايزة أسماء كوافيرات عشان الميك أب بتاع الخطوبة بس يكون كوافير نضيف و ياريت أعرف أسعارة برضو بس نضيف والنبي و يكون في نطاق مصر الجديدة؟؟؟بلززززززززززززززززز متنفضوششششششششش
manafola;7650039:فين طريق بورسعيد ده و يا ريت يا بنات حد يقولي ضروري هو الفا ماركت ارخص من بره و فيه عروض موفره كده كويسه زي سيبينس و لا غالي عن بره زي مترو ضروري عشان اقرر اروحه و لا اشوف كارفور احسن
فراشة الإيمان;7650797:
انا مع الفستان فى الطرحه اللى بتبقى من ورا دى
بس انا بسأل على الحجاب الاسبانيش
الطرح الل بتستخدم فيه اجيبها منيييييييييييييين:ss:
ساره افندي;7646011:
انا عملت عند ناديه الشيخ في اسكندريه والتطريز بيبقا حسب الاتفاق معاكي عايزه مستورد ولا مصري انا جبت فستان من زهره الخليج وادتها تعمل زيه فعلا بامانه هوا كوبي بلظبط لدرجه عرضت عليا انها تشتريه مني من بعد المناسبه علي اساس اكون انا لبسه مره واحده وتاخده هيا تعرضه في معرضها القماش والتطريز من عندها كان فستان سواريه كلفني 2000 جنيه
انا نسيت اقولك اني اخت فستان لبسه اولي من منال القاضي وكان التطريز بيلمع جداااااااااااااااا مش الفضي لا الابيض اللملون كان ب700 وكان موديل جديد وتطريز وهم من ناحيه اللمعان انتي لما تروحي تتفرجي قولي للبنت اللي بتوريكي توريكي الحاجات الجديده وفهميها انك هتكرميها اصلهم مش بساهل بيطلعوا الحاجات الجديده
kitty_kity;7651141:
2000 وترجعيهولها ولا الفين سعره كامل؟؟؟
ولو حاجه سمبل مفيهاش تطريز خالص تتكلف كام
يابنااااااااااااات نقول تاني مفيش صور ديكور تتحط هنا
رورو لو سمحتي امسحي صور الستاير
ساره افندي;7651171:
لا الفين واخده بتعي طبعا لو القماش من عندك وتطريز قليل اعتقد هيكلف من500ل700
سارة المزعورة;7651296:
فين محل بيت العروسة او العروسة الى فى وسط البلد دة ؟
فى اى شارع ؟
talaa;7651360:
العروسه ده ياعسل في(( شارع قصر النيل )),, ده من المحلات المفضله واللي بحبها اوي اوي ,, ولو رحتي هناك وسألتي مش هتضيعي لانه معروف اوي هناك ,,
kitty_kity;7651355:
بونبونايه...اقري القوانين ف الاول ياريت ياجميله :)
ماينفعش تكتبي رد عبارة عن شكر او كدا لازم يااما سؤال يااما اجابه
رورو الف مبروووووووووك حاجتك روعه ماشاء الله تتهني بيها
بنات لو سمحتم...حد يعرف حاجه عن بهجت ستورز..الاعلان الي بيجي على دريم فيه اوضتين اطفال يجننوا
عايزة اعرف اسعاره والخشب وكدا
ولو ان الاودتين معتقدش انهم خشب
