تجهيزات عرايس مصر الجزء 106

marwa8000;7650521:

الف مبروك ياقمر حاجتك جميلة تتهنى بيها قريب ان شاء الله وربنا يوفقك ويسعدك

بليز عايزة الكتالوج انا كمان ياقمر

انا اسفة مشفتش الرد قبل كدة

انا عايزة يادوب عشاء حلو مثلا فى حدود 20 فردوطبعا تكون قاعة مقفولة علشان انا كتب كتابى فى الشتاء فالقاعة بتاعة حديقة الازهر مش عارفةهى مفتوحة ولا لا وياريت لو كانت مقفولة تقوليلى وابعتيلى تفاصيل بتاعة يخت فلانتين دة او برشور بالاسعار لو عندك لانى محتاسة فعلا

وميرسى ليكى ياقمر ربنا يكرمك ويجزيكى خيرا ان شاء الله

مروة ياقمر ياريت تفضي شوية من صندوق الرسايل الخاصة بتاعك عشان عايزة ابعتلك التفاصيل
المكان الي في حديقة الازهر مفتوح وكده مش هاينفع في الشتا في بئي يخت فالنتين ده بيشيل 70 فرد وفيه قاعة مقفولة وجميلة اوي ممكن تتفقي ع الأكل من اي دار زي دار المشاه مثلا وتأجير الساعة ب 500 ج ومكانها اخر كوبري عباس "كوبري الجيزة " يمين هاتلاقي صف طويل كله ياختات وبواخر اسألي عليها هناك

rozyyy;7653680:
انا واحدة صحبتي كانت مفصلة فستانها وكانت عاملة طبقات تول كتيييييييييير اوي من تحت تنفشه من غير بطانة سلك - الفكرة عجبتني جدا ونفسي اعملها بدل ارف السلك ده

وانا كمان بنت خالتي عملت كده في فستان خطوبتها ولبست اتنين جبونه تول
وانا في فرحي خليت الاتليه يخيط الجبونه في الفستان علشان تبقا قطعه واحده لان في اتلهات كتيررر بتديكي الجبونه لوحده تلبسيها تحت الفستان والفستان بيكون تقيل فاالجبونه بتزل من الوسط لتحت شويه وبيبقا منظر مش ظريف علشان كده دمجتهم مع بعض

الله أمة الله رجعت تاني هيييييييييييه
حمدالله على سلامتك يا أمة والف مبروووووك على النونو ربنا يهديهولك ويجعله ابن صالح

بنات لو سمحتم ..عايزة مكان اجيب منه سراير ..مش لبيتي او كدا هو لشقه مؤقته ف القاهرة
سراير زي سراير المصايف دي...عارفينها؟؟؟

بنات فى موقع تحفه على النت اسمه weddingegypt دوروا عليه عليه حاجات تساعدكم اوى
عليه اشكال لمخدات الدبل
عليه اماكن الهانى مون
عليه كل حاجه ادخلو وشوفوا


بنات اجيب كام طبق بلاستيك فى الحمام :) وايه تانى بيتجاب فى الحمام وبيتحطوا فين؟ انا معنديش مكان فى الحمام
وفين لبس شتوى حلو ؟؟؟ بليز ضروروى بنت خالتى فرحها الاسبوع اللى جى ونفسها تشترى حاجات حلوه
سواء غاليه او رخيصه اى حاجه بس تكون حلوه قولولى بليز منين

ساره افندي;7646011:
انا عملت عند ناديه الشيخ في اسكندريه والتطريز بيبقا حسب الاتفاق معاكي عايزه مستورد ولا مصري انا جبت فستان من زهره الخليج وادتها تعمل زيه فعلا بامانه هوا كوبي بلظبط لدرجه عرضت عليا انها تشتريه مني من بعد المناسبه علي اساس اكون انا لبسه مره واحده وتاخده هيا تعرضه في معرضها القماش والتطريز من عندها كان فستان سواريه كلفني 2000 جنيه
انا نسيت اقولك اني اخت فستان لبسه اولي من منال القاضي وكان التطريز بيلمع جداااااااااااااااا مش الفضي لا الابيض اللملون كان ب700 وكان موديل جديد وتطريز وهم من ناحيه اللمعان انتي لما تروحي تتفرجي قولي للبنت اللي بتوريكي توريكي الحاجات الجديده وفهميها انك هتكرميها اصلهم مش بساهل بيطلعوا الحاجات الجديده

طب يا قمر هما مالهومش فروع في القاهرة

manyaa;7650189:
يا ريت تقوليلي اسم المحل و عنوانه يا جميلة بما انه في اسكندرية :o

المحل اسمه وسيله و هو فى شارع المعسكر الرومانى فى وش زهران كده... يعنى قرب الترام

-

يعنى يا بنات اللي عاوزة تشتري لحاف ومفارش وكدة
الازهر احسن ولا المعرض السوري ده؟

mashimaro16;7653964:
بنات فى موقع تحفه على النت اسمه weddingegypt دوروا عليه عليه حاجات تساعدكم اوى
عليه اشكال لمخدات الدبل
عليه اماكن الهانى مون
عليه كل حاجه ادخلو وشوفوا


بنات اجيب كام طبق بلاستيك فى الحمام :) وايه تانى بيتجاب فى الحمام وبيتحطوا فين؟ انا معنديش مكان فى الحمام
وفين لبس شتوى حلو ؟؟؟ بليز ضروروى بنت خالتى فرحها الاسبوع اللى جى ونفسها تشترى حاجات حلوه
سواء غاليه او رخيصه اى حاجه بس تكون حلوه قولولى بليز منين

ممكن طبق كبير عشان تبقي تحطى فيه الغسيل وانتى رايحة تنشوريه كده
ياتى ياتى
وطبق صغير عشان لو هتغسلي حاجة علي ايدك

وفي السبت البلاستيك عشان
تحطى فيه الهدوم اللي عاوزة تتغسل

kitty_kity;7652864:
برنسس..ربنا يعينك
انا حطيت الصورة ف قسم الديكور
شوفيها وقوليلي

بنات طنطا...جومانا عنده فساتين سواريه تحفه عاجباني اوي
معنديش فكرة عن اسعاره الحقيقة بس منزلة تشكيله فساتين تجنن قلت اقولكم :)

ممكن اللينك ؟؟:o

Kolkola;7654115:
ممكن طبق كبير عشان تبقي تحطى فيه الغسيل وانتى رايحة تنشوريه كده
ياتى ياتى
وطبق صغير عشان لو هتغسلي حاجة علي ايدك

وفي السبت البلاستيك عشان
تحطى فيه الهدوم اللي عاوزة تتغسل

و الله انتى عسل

ممكن يا بنات تقولوا لى اجيب حلل تيفال فردانى منين و كانت فيه بنت قالت مش لازم اجيب طقم و قالت مقاس حلتين تيفال مهم يبقوا عندنا ايه هما بقى؟

و كمان اجيب الومنيوم فردانى منين؟




http://www.3roos.com/forums/blogs/269909/

ساره افندي;7653807:
وانا كمان بنت خالتي عملت كده في فستان خطوبتها ولبست اتنين جبونه تول
وانا في فرحي خليت الاتليه يخيط الجبونه في الفستان علشان تبقا قطعه واحده لان في اتلهات كتيررر بتديكي الجبونه لوحده تلبسيها تحت الفستان والفستان بيكون تقيل فاالجبونه بتزل من الوسط لتحت شويه وبيبقا منظر مش ظريف علشان كده دمجتهم مع بعض

حببتى هو اى نوع تل ولاا تل معين اللى بيبقى تحت الفستان وياترى لقيتها عند الاتيله؟ ولاا انتى اللى جبتيها

Batta_Fares;7642614:
فين يا كيتى لسته الاسامى :)

جماعه حد يعرف مكان فى اسكندريه او القاهرة يكون بيبيع مستلزمات التطريز.... بس يكون حاجته زى الحاجات الى بتطلع فى عروض الازياء مش الحاجات العاديه الى فى الزنقه و كده..... انا عايزة الحاجات الى بتخطف العين و بتلمع اوى

السلام عليكم يابنات
الف مبروك علي الجزء الجديد
حبيبتي في محلات كتير في وسط البلد ممر الكونتيننتال وفي في الملحق التجاري لهيلتون رمسيس هشوفلك مكانه بالظبط و اقولك

يا بنات مالقيتوش حل لموضوع الجيبونة ده...الجيبونة السلك دي غبية قوي.........

OLSOLA;7653158:
نوجى معلش ممكن تقوليلى البواخر دى ازاى اروحلها او المطاعم الحلوة واسعارها ايه ممكن ؟

كمان ازاى احجز قبلها يعنى

يعنى ممكن من غير حجز اروح انا وخطيبى مثلا واهلى نقضى يوم لطيف كده قوليلى لمركب اللى بتمشى فى النيل دى ايه ؟ او حتى ابعتيلى على الخاص


سخان المصانع الغاز بابا جابه لسة الشهر اللى فات ب 735 جنيه ومعاه ضمان 3 سنوات

بصى يا جميلة معظم البواخر موجودة فى العجوزة عند فندق الفورسيزون
وانا قولت الاسعار اللى اعرفها فى الاكواريوس 160 الفرد وفى المركب الفرعونى ب 250 الفرد بس الفرعونى بيقولوا مش حلوة الاكواريوس احلى
وفى مركب السرايا والباشا برضه ب 250
ولو عايزة تحجزى اما بتروحى قبلها او بتتصلي بيهم
لكن انك تروحى كده هى ممكن بس مابيتبقاش مضمونة انك تلاقى مكان لان معظم اللى بيروحوا هناك بيكونوا حاجزين
احنا عن نفسنا ماكناش حاجزين والمركب كانت مليانة ولقينا ترابيزة واحدة بس من حظنا
وهى بتمشي ساعتين فى النيل بيكون فيها عشا اوبن بوفيه وفى ساعة باند شرقى وساعة باند غربى
وهى بتمشي من الساعة 10 وترجع على الساعة 12 بس بجد بتكون حلوةاوى
واى خدمة :wink:

برنسس ميرو
السايت اهو :)
http://www.3roos.com/forums/t289510_42.html

تاني حاجه بالنسبة للبواخر انا الي جربتها نايل سيتي
جميلة الصراحة اوي..هي ثابته مش بتلف بس جميلة اوي فيها اربع مطاعم مختلفه ومحل حلويات
وفيها على مقدمه السفينه كدا قعده
بس شيك الحقيقة

سؤال تاني هو مالوش علاقه بالتجهيزات معلش بس معرفتش اساله فين
توكيل ايسر بتاعت اللاب توب...حد يعرف فين؟؟؟ ضروري يابنات لو سمحتوا

edta;7654026:
طب يا قمر هما مالهومش فروع في القاهرة

ناديه الشيخ ليها فرع في القاهره لكن منال القاضي معرفش

عروسه عريسى;7654224:
حببتى هو اى نوع تل ولاا تل معين اللى بيبقى تحت الفستان وياترى لقيتها عند الاتيله؟ ولاا انتى اللى جبتيها

نوع التول معرفش ايه بس الاتليه ادنا واحده واحنا اخدنا تانيه من واحده قربتنا وركبنهم علي بعض كانوا اخف واسهل ليها في الحركه من السلك وكمان انتي عارفه فضايح السلك لما تجي العروس تعد وتقوم بيبقا حاجه رزله اوووي

Batta_Fares;7648756:

على فكرة انا اكتشفت بنوته بتعمل الجيست بوك و بتعمل افكار حلوة اوى و بتعمل اقلام على شكل عروسه و عريس بيبقى شكلهم رقيق موت... و اسعارها تتراوح من 80 لحد 100
الى عاوز رقمها يبلغنى على الخاص و ححاول اجيب صور لشغلها

ممكن يا قمر تبعتيلي رقمها وصور لشغلها علي الخاص؟

talaa;7651360:
العروسه ده ياعسل في(( شارع قصر النيل )),, ده من المحلات المفضله واللي بحبها اوي اوي ,, ولو رحتي هناك وسألتي مش هتضيعي لانه معروف اوي هناك ,,

بتاع ايه المحل ده ؟

بنات هي ناديه الشيخ دي في القاهره ولا اسكندريه لو القاهره ياريت حد يبعتلي تليفونها وعنوانها

قلب موجوع لو سمحتي عايزة جروب الفيس بوك بتاع فرح كليب

يوميزو كنت عايزة تفاصيل مصنع لاسو ولو كانت بعتتها لحد ياريت يبعتهالي


بنات هو انهي اغلي داماس ولا لازوردي؟

roro8484;7647122:

انا شريها 7500 وفى اوض اطفال بتبدامن3000 وانتى طالعه دى كانت ب10000ج ونزلتها لحد7500ج وجيبها من دمياط من محل اسمه استايل وهو متخصص اوض اطفال ومكتبات بس

هوا محل استايل ده جنب قاصد كريم اللي في طريق بورسعيد؟ ياريت توصفيلي بالضبط؟

نونا سيما بليز ممكن تقوليلي اسعار القاعات في المنصورة تاني لاني قعدت ادور كتير في الجزء اللي فات مش لاقية اي صفحة انا اسفة يا قمر تعباكي معايا و بليز شيكي الخاص

كيتي كيتي السرير المدور مش هيبقى عملي و هياخد مكان على الفاضي و هيبقى صعب في فرشه مش عارفة حاساه مش هيبقى زي السرير العادي

بنات انا حاسة الجيبونة التل هتتقل الفستان جامد انا متهيألي السلك احسن و شييلي اخر دايرة من الدواير السلك و هيا بتبقى مظبوطة و بتجربة ناس كتير

بنات هيا أمة الله فيييييييييييين وحشتني جدا جدا جدا و الف حمدلله على سلامتها و ان شاء الله يكون ولد صالح و يتربى في عزكو .

بنات ايه رأيكو في اطقم المطبخ المعالق اللي بتكون ملونة يعني هايتها بلاستيك ملونة و لا المعدن العادي فاهماني يا ترى مين احسن في الاستعمال و يستحمل

dandona we bas;7655310:
نونا سيما بليز ممكن تقوليلي اسعار القاعات في المنصورة تاني لاني قعدت ادور كتير في الجزء اللي فات مش لاقية اي صفحة انا اسفة يا قمر تعباكي معايا و بليز شيكي الخاص

كيتي كيتي السرير المدور مش هيبقى عملي و هياخد مكان على الفاضي و هيبقى صعب في فرشه مش عارفة حاساه مش هيبقى زي السرير العادي

بنات انا حاسة الجيبونة التل هتتقل الفستان جامد انا متهيألي السلك احسن و شييلي اخر دايرة من الدواير السلك و هيا بتبقى مظبوطة و بتجربة ناس كتير

بس اخر دور من السلك...هيخلي الفستان بعد ماكان منفوش من فوق... ينزل مرة واحده...مش هيبقى مظبوط بردو..ولا ايه؟؟؟؟؟؟؟؟