تجهيزات عرايس مصر الجزء 106

انا مابنشغلهوش اد كدا يعني
بس سالتلك زميلتي الي تقريبا مابيستخدموش غيره
وقالت لا مش بيسحب زيادة يعني الكهربا بتجيلهم عاديه مش اوفر
برغم ان بتاعهم كبير ماشاء الله تلات رفوف وتقريبا مش بيشغلوا فرن الغاز خالص
لدرجة انها مابتعرفش تولعه :)

صحيح يا بنات عايزة فكرة ظريفة لتقديم الشبكة في الفرح ....ياريت تردو بلييييييييييييييييييييز

الف مبرووووك يا بنوتات على الموضوع الجديد ربنا يسعدنا يارب ويتمم لنا بخير يارب
انا كنت عايزة اسال هو المفروض يكون عندى كام بطانية وكام لحاف

البنوتة اللى بتسال عن خلاط فريش قريبتى عندها ومش عاجبها بتقول مش بيعصر كويس

وحتى البهارات لما تطحنيها بتكون خشنة ومش عاجبها خالص

يا بنات اللى كتالوجات جويا اللى اتبعتتلى اكتر الصور اللى فيها مبتفتحش اعمل ايه او حد يبعتهالى تانى لو سمحتوا وكنت عاوزة اعرف ايه اسعارهم كمان بالجنيه المصرى واحصل عليهم ازاى

يا بنات كان في تاجرة في المنتدى...بعتالي كاتالوج لانجيري وقمصان من ماركات متعددة...اللي عايز يقولي وابعتهولو ع الخاص....

يابنات بجد المخالفات مش ممكن
كده اوفر
من اول الجزء اكتر من 10 مخالفات تو ماتش بجد
حقيقى فيه ناس كتير مستفاده ولو الموضوع اتقفل هينضروا

وبعدين فيه ناس من القدام بتعمل مشاركات مخالفات ممش ينفع
واللاكتر بقى بنوته تاخد اقتباس وتقول مشاركه مخالفه لانها تحتوى على رابط او ارقام
من غير ماتحذفه يعنى هى كمان بقت مخالفه
فدى لوحدها كوم
عارفه انه مخالف وحطاه

monmon*;7643920:
ممكن اللى جربت الفرن الكهربا تقولى اذا كان بيسحب كهربا كتير ولا لا
وهو احسن ولا الفرن الغاز احسن

لا يا قمر عادى
بيسحب بس مش للدرجه الاكبيره
ولو تقصدى الفرن الغاز اللى بامبوبه
فمافيش وةجه مقارنه
الغاز ده متعب جدا واعتقد انه خطر
لكن ده نضيف فى استعماله وافضل

مريم المسلمة;7644029:
الف مبرووووك يا بنوتات على الموضوع الجديد ربنا يسعدنا يارب ويتمم لنا بخير يارب
انا كنت عايزة اسال هو المفروض يكون عندى كام بطانية وكام لحاف

الطبيعى اتنشن واتنين
او ممكن لحاف واحد
ولو فيه اوضه اطفال هاتى بطانيه لكل سرير وبراحتك لو جبتى اتنين

شيماء سعيد;7644176:

يا بنات كان في تاجرة في المنتدى...بعتالي كاتالوج لانجيري وقمصان من ماركات متعددة...اللي عايز يقولي وابعتهولو ع الخاص....

ابعتى يا قمر

اولا مبروك عليكم الجزء الجديد
ومبروك لكل العرايس اللى اتجوزوا وهيتجوزوا قريب ان شاء الله وعقبال كل البنات يارب
بالنسبة للخلاطات للى كانت بتسال عن خلاط فريش مفيش احسن من البراون والمولينيكس والكينوود حاجات غالية وتمنها فيها بتعيش يعنى وبتشتغل مية مية :)

زهراء مكة;7644073:
البنوتة اللى بتسال عن خلاط فريش قريبتى عندها ومش عاجبها بتقول مش بيعصر كويس

وحتى البهارات لما تطحنيها بتكون خشنة ومش عاجبها خالص

عندك حق في كلامك

فعلا عند ماما هنا ومش اوي رغم انه مبقالوش سنتين

شيماء سعيد;7643521:
المشرفة زعلانة ليه يا بنات؟؟؟؟؟من اولها؟؟؟؟؟؟؟؟؟؟؟

ماحدش قاللي حاجه عن الحلل التيفال اللي بيجي اعلانها في ال تي في...12حلة غطاهم زجاج..ومعاهم خلاط غريب كده..مش مهم الخلاط...ب300جنيه ....عارفين الاعلانات دي...؟؟؟؟شكله سكه..صح؟؟؟؟؟؟؟

بصي ياقمر
انا واحده صاحبتي جابت خلاط من التليفزيون ومكملش سنة وباظ ومش عارفة تصلحة لان قطع غيارة مش معروفة
فمتهيالي الحاجات الكهربائية بالذات الواحد يجيب حاجة مضمونة ومعروفة احسن بلاش اعلانات التليفزيون مجهولة الهويه دي علشان لو حصلت حاجة تبقي في المضمون وتروحي توكيلها علي طول
اما الحلل التيفال فمتهيالي تيجيبي حلتين تلاتة من زهران احسن واضمن لان انواع التيفال اللي مش معروفة بتقشر ومضرة جدا وكمان نوفال حلو اوي
احنا عندنا منه قلايات بقالها كام سنة زي الفل مفيهاش حاجة فخليكي يا زهران يا تيفال

مبروك علينا الجزء الجديد يا قمرات (f)(f)

حد عنده فكرة عن ماركة الفا حلوة ولا ايه أخبارها ؟؟ عشان لاقيت شفاط ماركة الفا و قالو ماركة كويسة قولت أتأكد منكم يكون حد عنده فكرة عنها بليييييييييييز اللي تعرف ترد في أقرب وقت و ميرسي اوي اوي (f)(f)

لوسمحتوا عايزة اعرف الحاجات اللي بتدخل المبكرويف هي ايه
واتا كد ازاي منها
يعني بيكون مكتوب عليها مرسوم عليها كده يعني
واشتريها منين في القاهرة يعني مثلا المهندسين او الدقي ومعلش رينج اسعارها ايه
وخلو بالكم الميكرويف مش الفرن الكهربا

شيماء سعيد;7644009:

صحيح يا بنات عايزة فكرة ظريفة لتقديم الشبكة في الفرح ....ياريت تردو بلييييييييييييييييييييز

انا شفت فكرة حلوة... ان 3 بنات من قرايب العروسه يلبسوا زى بعض لبس الملاك او الفراشات البنتين الى ورا يشيلوا ورد يرموه و البنت الى قدام شايله علبه زى علب الكنوز جواها الشبكه و يمشوا لحد الكوشه و بعد كده العريس يقف هو و العروسه و يلبسها الشبكه

على فكرة تردد القناه :10975
برضه حتأكد و حقولك

انستاسيا;7644512:
مبروك علينا الجزء الجديد يا قمرات (f)(f)

حد عنده فكرة عن ماركة الفا حلوة ولا ايه أخبارها ؟؟ عشان لاقيت شفاط ماركة الفا و قالو ماركة كويسة قولت أتأكد منكم يكون حد عنده فكرة عنها بليييييييييييز اللي تعرف ترد في أقرب وقت و ميرسي اوي اوي (f)(f)

بصراحة انا اول مرة اسمع عن النوع ده
بس الشفاطات الحلوة والمضمونة شفاطات توشيبا واوليمبيك اليكتريك حلو اوى برضه اوليمبيك بقاله عندنا سنين ماشاء الله وما حصلهوش حاجة:)

مساء الخير

على فكرة القوانين مكتوبة فى أول صفحة عشان نقراها مش نخالفها :)

روباز: البقاء لله ربنا يرحمها.

ماهى: حمدالله على سلامتك. يارب تكونى أحسن دلوقتى

بنات اللى عايزين يعرضوا فرحهم فى برنامج مرح فى فرح على قناة مسايا تقريبا بياخدوا 1500 جنيه.


انا عايزة أجيب شمعدانين خشب نفس الحجم بس كل اللى بلاقيه بيبقى طقم 3 مع بعض أحجامهم مختلفة. ماحدش شاف اللى قصدى عليه ده فى مصر الجديدة أو مدينة نصر؟؟؟؟

السلام عليكم يابنوتات

وحشتونى موووت

بنات عاوزة اسأل سؤال

دهانات البلاستيك افضل من الزيت وللا العكس

بنات انا ينفع انزل صور لدهانات حوائط وللا مخالف؟

قلب موجوع;7644830:
لوسمحتوا عايزة اعرف الحاجات اللي بتدخل المبكرويف هي ايه
واتا كد ازاي منها
يعني بيكون مكتوب عليها مرسوم عليها كده يعني
واشتريها منين في القاهرة يعني مثلا المهندسين او الدقي ومعلش رينج اسعارها ايه
وخلو بالكم الميكرويف مش الفرن الكهربا

انا بحط البايركس والاطباق الالمونيوم الجهاز اللي هيا بارسل وفي مجات شاي مكتوب عليها انك تدخليها المكروفيف عادي

noogy;7644368:
اولا مبروك عليكم الجزء الجديد
ومبروك لكل العرايس اللى اتجوزوا وهيتجوزوا قريب ان شاء الله وعقبال كل البنات يارب
بالنسبة للخلاطات للى كانت بتسال عن خلاط فريش مفيش احسن من البراون والمولينيكس والكينوود حاجات غالية وتمنها فيها بتعيش يعنى وبتشتغل مية مية :)

فعلا انا جربت في بيتي بروان والكينوود وبلاك ان وفي بيت ماما المولينيكس فعلا اجهزه تمام وبتعيش

توته ميدى;7643507:
مبروك علينا يابنات الجزء الجديد وياريت تضيفونى فى لسته الافراح فرحى اتحدد بأذن الله يوم 10-12-2008
ادعولى يابنات
هى مكوه البيبى لس دى ليها انواع ؟
وياريت حد يقولى هى فى حدود كام؟

في انواع كتير ابتدء من 180 الي 800 وانواع عايزه تعرفي اشكلها اكتب موقع بيبي ليس في البحث وهتطلع ليكي الموديلات وهتلاقيها عند بي تك

بنات فى معرض دولى فى قاعه المؤتمرات للاثاث والدكور من 27 حتى 30 /11

هو المعرض السورى فتح يا بنات و لا لاء

مبروك يا بنات الجزء الجديد وياريت نخلى بالنا من المخالفات شويه وربنا يصبر المشرفه علينا

باقة مشاعر;7645427:
السلام عليكم يابنوتات

وحشتونى موووت

بنات عاوزة اسأل سؤال

دهانات البلاستيك افضل من الزيت وللا العكس

بنات انا ينفع انزل صور لدهانات حوائط وللا مخالف؟

لا يا قمر نزليهم فى قسم الديكور شان ماكنش مخالف وده اللينك

http://www.3roos.com/forums/t289510_38.html


البنات العساسيل لو سمحتوا انا عاوزه اتيليه شغله نظيييييييييييييف وحطوا تحت نظيف دى مليون خط اديله تصميم الفستان بتاع الزفاف وااجره منه وياريت مش تشحورونى ناحيه روكسى ومدينه نصر ياريت حاجه ناحيه الهرم فيصل الجيزه المهندسين زمالك كده يعنى

وجزاكم الله الف خير