nemonamanemo;7662913:
انا بقي ليا رأي في حوار الريجيمات ده مش عارفه اذا كان صح ولا لا
انا شايفه ان احسن واكتر رجيم فعال هو الرجيم التقليدي المتوازن
الفطار ربع رغيف و بيضه و لا حته جبنه
الغدا طبق خضار و كام ملعقه رز او مكرونه
والعشا زبادي او كبايه لبن او فاكهه
طبعا هو ده احسن نوع ريجيم بجد لانه اولا انتى كده بتاكلي و بتشبعي فمش بيجيلك اكتئاب غير كده كمان انك بتاخدي كل الفيتامينات اللي الجسم محتاجها فبتخسي بامان مش تخسي و يا قدر الله بعد كده تتعبي و كمان كده انتى بتعودي معدتك على انك تقللي حجم الوجبه بتاعتك فلما تخلصي ريجيم مش بتبقي اكلتك زى الاول لا بتبقي قليله اوى
اما بقي الريجيمات اللي بتعتمد على نوع اكل معين دي مش حلوة خالص هى اه بتخسس كتير و بسرعه بس اولا بعد ما تخلصي الريجيم بترجعى زى ما كنتى و يمكن اكتر كمان في وقت قليل جدا جدا جدا غير كده انها ممكن تجيب انيميا لاقدر الله و كمان بتعمل اكتئاب لانك بتحسي انك حارمه نفسك من كل حاجه و اول ما تخلصي الريجيم ده هترجعي تلاقي نفسك جاتلك فجعه على كل انواع الاكل
و كمان يا بنات في حاجه فعلا بتساعد انك تخسي كويس اوى انك تعملي لنفسك يوم محدد في الاسبوع تاكلي فيه كل اللي في نفسك بجد انتى كده بتعملي حاجتين اولا ان مش بيبقي في نفسك حاجه و مش قادره تاكليها غير كده كمان ان انتى بتلخبطي نظام جسمك يعني الجسم لما بيتعود على ريجيم بياخد احطياطات امنيه و بيخزن اى دهون انتى بتاكليها مع الاكل حتى لو كانت قليله اوى فعشان كده ممكن تعملي ريجيم و مش تخسي لكن لو كل اسبوع لخبطتي الريجيم بتاعك بتخلى نظام الجسم كله يتغير و بالتالي بتخسي اكتر بس يا ريت يا بنات تخلو بالكوا برده ان اللخبطه دي تبقي برده مقننه يعني تاكلي اه اللي نفسك فيه بس مش بكميات كبيره اوى بكميات معقوله عشان برده مش اللي تعمليه طول الاسبوع تبوظيه في يوم واحد