إن شاء الله هخس 3 كيلو فى أسبوع.. مين معايا؟

بنات انا روحت للدكتور امبارح و لقيته غير الميعاد بتاعه من الاحد للاتنين ....... امم بس انا مش هقدر اروحله انهارده لان بتاع الستاير و الرخام و النجار جيلني الشقه انهارده

ايه رائيكوا بقي اكرر الدوا اللي كان كتبهولي ولا اروحله احسن

هو كان كاتبلي دوا بيسرع الحرق و كان قايلي اثبت وزني بحبوب ابل لايت

طيب هو ينفع اخد الدواين مع بعض ولا كده عك

رحتوووا فين
واخبار الريجيم اية

ممكن اعرف اسم الدوا اللى بيسرع الحرق ايه؟

هاى كروم و كروميوم للحرق

وبايو كات ودايت وان لازابة الدهون
وسيبوتريم لفقد الشهية

وعايزين تخسوا اقفلوا بقكم وبس

pippo;7641750:
ممكن اعرف اسم الدوا اللى بيسرع الحرق ايه؟

مش عارفه اقرا الهيلوغريفي اللي مكتوب بيه الروشته للاسف بس انا ان شاء الله هجيبه تاني و هبقي اكتبلك اسمه بالانجليزي

سارة المزعورة;7650647:
هاى كروم و كروميوم للحرق

وبايو كات ودايت وان لازابة الدهون
وسيبوتريم لفقد الشهية

وعايزين تخسوا اقفلوا بقكم وبس

حمد الله علي السلامه يا ساره كنتي مختفيه فين

[
حمد الله علي السلامه يا ساره كنتي مختفيه فين[/quote]

كنت عيانة بجد
وخفيت شوية الحمد اللة
بس هاعيا قوى بجد ومش هاخف :confused:لو ما خسيتش على الاقل 20 كيلو فى اسرع وقت :confused::confused:
لازم اخس من اغير الادوية بتاعة سد النفس ماينفعش اخدها ادعيلى بجد
وشكرا على الصورة هيا غريبة بس لطيفة جدا

1000000000000 سلامه عليكي يا ساره وان شاء الله ربنا ينولك اللي في بالك

العواميد اللي في الصوره عمي عامل فكره شبه كده بس المبدأ واحد ان العواميد في الحيطه و مترخمه و بجد شكلها شيك انتي بس نقي التاج بتاع العمود يكون شكله حلو واختاري درجه ترخيم تليق علي اللوان البياض

الف سلامة عليكي يا سارة وان شاء الله تخسي وكلنا نخس
ياااااااارب

ممكن اشارك معاكم
لاني زهقتتتتتتتتتتتتتتتتتتتتتتتتتتتتت جدا
ونفسي اخس
بصوا انا صاحبتي علمتني اكلة حلوة اوي هي بتشبع بس مبتخنش وانا بعملها بقالي اسبوعين وحاسة ان في تغير فيا وناس كتير قالتلي كده بس مش التغيراللي انا عيزاه
الاكلة دي عبارة عن فراخ بانية متبلة تقطعيها حتت صغيرة جدا وتحطيها علي النار بالتتبيلة بتاعتها بالبصل بتاعها وتسيبها علي النار لحد ماتشرب ميتها خالص وتزويدها كل شويه ميه لحد ماتسستوي وتحطي معاها التوابل اللي انتي عيزاها
انا بحط جنزبيل وقرفة وجوزة الطيب وكاري وكركم
وبعدين تحطي معاها بسلة وجزر وخرشوف وتزودي الميه طبعا ولما يستو تحطي الملح لان الملح لو حطيتية قبل مايستوي الخضار بياخر طهي الخضار
ولما يستو خالص تكوني ناقعة شويه رز بسمتي صغيرين جدا في الميه تصفيهم وتحطيه عليهم لحد مايستو
زي ما بتسوي الرز العادي توطي النار علية وتسيبية لحد مايتشرب
فعلا اكلة تحفة
وبتشيع موت
هاى كروم و كروميوم للحرق

وبايو كات ودايت وان لازابة الدهون
وسيبوتريم لفقد الشهية

وعايزين تخسوا اقفلوا بقكم وبس

ازيك ياسارة يا قمر
حمدالله علي سلامتك يا جميل يارب الناس الوحشين وانتي لا
الادويه دي بقي بتتاخد ازاي
يعني علي الريق ولا قبل الاكل ولا ازاي

قلب موجوع;7654895:

هاى كروم و كروميوم للحرق

وبايو كات ودايت وان لازابة الدهون
وسيبوتريم لفقد الشهية

وعايزين تخسوا اقفلوا بقكم وبس

ازيك ياسارة يا قمر
حمدالله علي سلامتك يا جميل يارب الناس الوحشين وانتي لا
الادويه دي بقي بتتاخد ازاي
يعني علي الريق ولا قبل الاكل ولا ازاي

اللة يسلمك يا حبيبتى
والف شكر لسوالك عليا
شوفى يا حلوة السيبوتريم يتاخد الصبح على الريق فبل الفطار بنص ساعة لسد النفس
الدايت وان هوة وكات يتاخد قبل الوجبة بنصف ساعة مع 2 كوب ماء علشان لا ياتى بامساك
الكروميوم وهاى كروم مع الاكل فى نصفة او بعدة او قبلة دى لحرق الدهون



حبيبتى الاكلة دة تفتح النفس جدا مش تسدها خالص
تاكل يعنى اللة جوعتينى
اللهم ناوية اخس والنية للة

rose flower;7652144:
الف سلامة عليكي يا سارة وان شاء الله تخسي وكلنا نخس
ياااااااارب

يا رب يارب انا بدعى ربنا فى الصلاة اننا كلنا نخس
التخن كارثة بجد
تعرفى انا مش باكل كثير جدا قوى فى ناس كثير بيمسحوا وبياكلوا اكثر كثيرررررررررررر ومش فى حجمى ولا قدى
بس هاقول اية الحمد اللة

تخنت يا بنات وهتجنن انا مكنتش كده انا أرادتى كانت قوية
انا خلاص زهقت وكتر المشاكل بيخلينى أطلع همى فى الأكل بكل كل حاجة وأى حاجه حتى لو مش بحبها
لبسى الشيتوى مش داخل فيا وخطيبى بيلمح انى تخنت وبيعلق انى لبسى ضاق
حتى ماما اللى كانت من كتر ما انا كان جسمى حلو وكنت بعمل دايت كانت بتقولى زمان كفاية دايت دلوقتى بقالها أسبوع نازلة تقطيم فيا وبتقول انى بقيت فيل صغير

بيبو انتى كنتى قولتيلى على دكتورة دايت ماتيجى نروحلها يمكن نلتزم

DodyCat;7662342:
تخنت يا بنات وهتجنن انا مكنتش كده انا أرادتى كانت قوية
انا خلاص زهقت وكتر المشاكل بيخلينى أطلع همى فى الأكل بكل كل حاجة وأى حاجه حتى لو مش بحبها
لبسى الشيتوى مش داخل فيا وخطيبى بيلمح انى تخنت وبيعلق انى لبسى ضاق
حتى ماما اللى كانت من كتر ما انا كان جسمى حلو وكنت بعمل دايت كانت بتقولى زمان كفاية دايت دلوقتى بقالها أسبوع نازلة تقطيم فيا وبتقول انى بقيت فيل صغير

http://www.3roos.com/forums/t395279.html
دة الرابط بتاع الانظمة تبع منال

DodyCat;7662342:
تخنت يا بنات وهتجنن انا مكنتش كده انا أرادتى كانت قوية
انا خلاص زهقت وكتر المشاكل بيخلينى أطلع همى فى الأكل بكل كل حاجة وأى حاجه حتى لو مش بحبها
لبسى الشيتوى مش داخل فيا وخطيبى بيلمح انى تخنت وبيعلق انى لبسى ضاق
حتى ماما اللى كانت من كتر ما انا كان جسمى حلو وكنت بعمل دايت كانت بتقولى زمان كفاية دايت دلوقتى بقالها أسبوع نازلة تقطيم فيا وبتقول انى بقيت فيل صغير

فيييييييييل صغير هههههههههههههه مامتك ديه عسل

متقلقيش انتي بس هدي اعصابك عشان طول ما انتي متوتره و مضغوطه مش هتعرفي تعملي حاجه

ده بقي اللي انا وصلتله......... اننا مش عارفين نعمل اي خطوه ايجابيه عشان التوتر

والدليل علي كده ان بنات كتير بتعمل دايت عادي و ارادتها قويه و خست قبل كده ب 10 كيلو بس دلوقتي مش عارفه تخس و مش مبطله اكل

عشان كده انا اخدت قرار:

انا هخرج الموضوع من دماغي بس مش هفتحها علي البحري لحد ما اهدي شويه كده و بعدين اتصرف

ده غير ان عندي امل نفسي تتسد قرب الفرح مع ان مش ناقص غير شهر:D ومفتوحه علي البحري عايزه شكاره اسمنت عشان تسدها

[quote=DodyCat;7662342
لبسى الشيتوى مش داخل فيا وخطيبى بيلمح انى تخنت وبيعلق انى لبسى ضاق
حتى ماما اللى كانت من كتر ما انا كان جسمى حلو وكنت بعمل دايت كانت بتقولى زمان كفاية دايت دلوقتى بقالها أسبوع نازلة تقطيم فيا وبتقول انى بقيت فيل صغير[/quote]

ههههههههه مامتك دى سكر ربنا يخليهالك
نفس الكلمة سمعتها من حبيبتى

جربتى رجيم الدهون ؟

DodyCat;7662342:
تخنت يا بنات وهتجنن انا مكنتش كده انا أرادتى كانت قوية
انا خلاص زهقت وكتر المشاكل بيخلينى أطلع همى فى الأكل بكل كل حاجة وأى حاجه حتى لو مش بحبها
لبسى الشيتوى مش داخل فيا وخطيبى بيلمح انى تخنت وبيعلق انى لبسى ضاق
حتى ماما اللى كانت من كتر ما انا كان جسمى حلو وكنت بعمل دايت كانت بتقولى زمان كفاية دايت دلوقتى بقالها أسبوع نازلة تقطيم فيا وبتقول انى بقيت فيل صغير

nemonamanemo;7662626:


ههههههه مامتك دى سكر
نفس الكلة كنت بسمعها من حبيبتى
وزيادة عليها من اخويا حيث انى رفيعة من فوق ومليانة من فوق فكن بيقول
احنا هانعمل فرح الشيلتون فى الشيراتون

متقلقيش انتي بس هدي اعصابك عشان طول ما انتي متوتره و مضغوطه مش هتعرفي تعملي حاجه

ده بقي اللي انا وصلتله......... اننا مش عارفين نعمل اي خطوه ايجابيه عشان التوتر

والدليل علي كده ان بنات كتير بتعمل دايت عادي و ارادتها قويه و خست قبل كده ب 10 كيلو بس دلوقتي مش عارفه تخس و مش مبطله اكل

عشان كده انا اخدت قرار:

انا هخرج الموضوع من دماغي بس مش هفتحها علي البحري لحد ما اهدي شويه كده و بعدين اتصرف

ده غير ان عندي امل نفسي تتسد قرب الفرح مع ان مش ناقص غير شهر:D ومفتوحه علي البحري عايزه شكاره اسمنت عشان تسدها

ههههههههههههه مخزن اسمنت يتوزع على الجميع
كلام جميل حلوة الاستراجية دة
فتحة نفسك نتيجة توتر هدى اعصابك يا بنتى
ربنا يتملك على خير
جربتى رجيم الموز؟؟؟؟؟؟؟؟؟؟

انا بقي ليا رأي في حوار الريجيمات ده مش عارفه اذا كان صح ولا لا


انا شايفه ان احسن واكتر رجيم فعال هو الرجيم التقليدي المتوازن

الفطار ربع رغيف و بيضه و لا حته جبنه

الغدا طبق خضار و كام ملعقه رز او مكرونه

والعشا زبادي او كبايه لبن او فاكهه

ريجيم الموز انا جربته زمان بيخسس بس بيتعب قوىىىىىىىى وبصراحة انا مش بقيت بقدر عليه

بصي ياسارة الاكلة
دي مش بتسد النفس دي بتشبع جدا
واغلبيتهاخضار وانا سمعت ان الرز البسمتي مش بيتخن زي الرز بتاعنا وكمان الاكلة دي لافيهاسمنة ولا زيت
جربيها هاتعجبك