الى اي مولود بتظلين تروحين لأمك بعد الولادة ؟؟

- هل رحتي للوالدة يوم تولدين بطفلك البكر ؟؟ وكم الفترة اللي قعدتيها ؟؟

طبعا رحت قعدت 39 يووووووووووم. ..

- ونفس السؤال بالنسبة لباقي الابناء رحتي للوالدة او لا وكم الفترة اللي قعدتيها هناك ؟؟

رحت وقعدت 45 يوووووووووووم ...

- والى اي مولود تفكرين تروحين للوالدة عقب الولادة ؟؟

لحد ماتكبر بنتي وتساعدني على النونو ...

حابة ارفع الموضوع واشوف تفاعل جديد :o



up :thumbs_up:

موضوع حلو
انا بولدي رحت عند ماما جلست
34يوم وبعدين سافرت ع بيتي
واذا حملت مررر ثانيه ان شاء
الله بروح لانه ما عندي احد هنا
وولدي صغير

اولا شكرا لصاحبت الموضوع
ثانيا هو اصلا عادة عندنا المراة تود عند اهلها وبالنسبة للزوج عنده اهله
انا ببنتي جلست عند اهلي شهرين
وان شاء الله كل مرة باولد عند اهلي وامي الله يخلي لي اياها.

ببنتي الكبيرة ظليت تقريبا 42 يوم ((طبعا زدت اليومين عشان التجهيزات والكشخة حق اصير عروس ^_^)
وبولدي الثاني ظليت تقريبا 50 يوم وكان المفروض اظل 60 لاني والد بعملية بس قررت ارجع قبل

الحين هالمرة بروح لامي طبعا مالي غنى عنها بس مادري كم يوم شكلي مابكمل 20 يوم :(
لان عقب موعد ولادتي باسبوعين تفتح المدارس برجع عشان عويلي وعشان ابوهم بعد >>لانه فالبداية كان معترض اروح لامي يقول يزهق
الله يتمم على خير

ربي يخلي لكم عيالكم واحبابكم
انا في بنتي قعدت عندي امي 40 يوم وكنتي ابي اكثر بس زوجي مارضى ابد
وان شاء الله بالثاني افكر اقعد اكثر بعد

هلا خواتي
أنا في ولادتي ببنتي الأولى جلست أربعين يوم ، و كنت تعبانة حيل .. اتهمت الولادة و طلعت معاي المرارة و بعدها بـ15 يوم سويت عملية و رجعت جلست عند الوالدة 20 يوم لين صرت أقدر أشيل بنتي ....
الحين بولادتي الثانية ناوية على الأربعين بعد ، لأن بنتي صغيرة ( توها سنة و شوية ) فمحتاجة أجلس مع والدتي عشان أعطي بنتي شوية وقت تتعود على وجود أختها ، و بعدين نرجع الشقة ... ( أساسا أنا شقتي في بيت أهلي بس أنا طابق ثالث ، فزوجي يوميا مبلط عندنا ذيك المرة ، و شكلنا هالمرة بعد )

بالاولى 40 يوم
وبالثانيه 30 يوم

وبال3 اذا الله عطاني ومان وقت مدارس بعد بقعد شهر بس اذا مدارس ما اعتقد اروح ..يعتمد

^_^

حلو الموضوع مره
انا ببنتي قعدت عند ماماتي يوم 39 زوجي مسنتر عندي ههههههههه يوم 40 مشيت لشقتي
لكن الثاني ان شاء الله بالسلامه بحاول اقعد لو 5 ايام زياده اشوف نفسي فيها شوي

تسلمون بنات ع المشاركة والحضور الرائع :thumbs_up:

صراااحه انا لساااا بالشهر الخامس وبولادتي الاولى قعدت للشهرين تققريبا ولاني كنت بنفس المنطقه وبيتي قريب جدا منهم.. لكن هالمره جدا محتاره مع انه لسا بدري عالحيره.. بس هالمره ناويه اعتمد على نفسي ولاني صرت بمدينه ثانيه بعيد عن امي شوي .. وصايره هالفتره ماودي ابعد عن بيتي ولا بدي اترك زوجي لحاله ودي اقعد بكبدددده ههه .. فقلت ان شالله لو ولدت وجبت خدامه حدي اسبوع وكام يوم عند امي بالذات انو مرة اخوي عايشه بنفس عمارة امي ومبلطه اربعه وعشرين ساعه وبنتها وبنتي رح يسووون فريق ضد البيبي الجاي الله يسترررر..

فساااظل بكبد زووووووووووووووجي ان شالله ..

انا بولدي الاول جلست عندها اكثر من 40 يوم لاني جبته بالسابع وكان بالصيفيه وجلس بالحضانه شهر وبعدها طلع وكان على رمضان وجلست الى العشر الاواخر وجاء زوجي ورحنا لاهله
وولدي الثاني جلست عندها من السابع والثامن والتاسع وولدت وجلست الين كملت 42يوم
لانه بصراحه زوجي عادي عنده لو اجلس شهرين بعيد عنه وامي قمة بسطتها يوم اكون عندها انا وعيالي

والله انا احتمال انا انضرب من العائله االكريمه اذا فكرررت بس انو اولد في بيتي ,,, ههههههههههه

انا جبت اربعه وكلهم عند امي هههه و 40 يوم كمان بضبط اقامه اجباريه

الله يخليهم لي يارب ولا يحرمني منهم

هلا حبايبي انا اوردي عايشه مع امي في نفش البيت بس ان غرفتي فوق اقعد تحت في غرفه امي على حسب صعوبه الولاده اقعد ساعات 40 يوم وساعات اقل بشوي وانا عندي بنتين واحين حامل توني ادعولي الله يثبته بس وايد متعبني عكس حمل ببناتي بس امس مجيكه وطلعت حامل

الله يتمم لكم على خير يا رب

مشكوريييين ع المشاركة F:

أني بولدي الأول قعدت عند أمي 40 يوم ورحت شقتي يومين ورديت رجعت إليها حتى كملت الشهرين لأن اضطريت أرجع الشغل بعد الأربعين وخفت على ولدي من المشاوير لما أوديه عند أمي روحتي ورجعتي من الشغل فرجعت اليها حتى كمل ولدي الشهرين ورجعت بيتنا ..

واذا الله كتب لي أولد بالسلامة مرة ثانية فإن شاء الله ففبالي إني أظل عندها بعد 40 يوم بعد ..

صراااحه موضوع حلووووو ماما حسووووون وسبحان الله شاغل تفكيري هاليومين
على بنتي الاولى يلست عند امي الله يحفظها 26 يوم ورديت بيبتي
وعلى بنت الثانيه يلست الاربعين كامله ^_^ اررررتحت صراحه
والحين حامل بالثالث الله يسهل علي ومحتاره :sick:
ما اتخيل ايلس فبيتي احس عند امي غير ناس ولمة ونااااسه ويساعدوني :D

والله موضوع واجد حلو ماما حسون :thumbs_up:أني من ولدت بولدي الأول مارحت عند أمي لأنه أمي مسكينه مره كبيره ومريضه :sick:ماتقدر يعني مافيها شده الله يعطيها العافيه ويخليها لنا يارب بس جت لي اختي اللي اكبر مني :adore:قعدت وياي في شقتي أسبوع لأني بكريه وما اعرف للجاهل :oوبس بعدين بولدي الثاني محد قعد وياي ظليت بروحي:'( وبالثالث زوجي أخذ أسبوعين أجازه على اساس يساعدني شوي :L:

جلست شهرين واسبوع تقريباً لانة ولدي تعبني كثيييير وكان عملية قيصرية وتتعبني وماكنت اعرفله ابدا هههههههه...
فديت امهاتنا الله يحفظهم لنا يااارب