الى اي مولود بتظلين تروحين لأمك بعد الولادة ؟؟

- هل رحتي للوالدة يوم تولدين بطفلك البكر ؟؟ وكم الفترة اللي قعدتيها ؟؟
اي رحت ..ومن اول ماولدت لي الحين وانا عندهم لان انطر بيتي يجهز

- ونفس السؤال بالنسبة لباقي الابناء رحتي للوالدة او لا وكم الفترة اللي قعدتيها هناك ؟؟
انا بس عندي بنت وحدة

- والى اي مولود تفكرين تروحين للوالدة عقب الولادة ؟؟
اتوقع بس اول بيبي وعقب راح اتم ف بيتي

هلا بماما حسون....حلو موضوعج...

عن نفسي...في ولادتي في بنتي وولدي تميت اربعين يوم في بيت امي مع اني ماكنت ناوية اتم وايد في البيبي الثاني بس الله راد اني اولد فالثامن فكان البيبي وايد صغير...

احس احلى الوحدة اترد حق ريلها بعد الاربعين عقب ما تتعدل و تتكشخ له...ولا شو الراي؟؟؟

لو اجيب عشرة عيال لازم اروح بيت اهلي

السالفه مب دلع بس في الايام الاولى من الولادة تحتاجين من يساعدج

على اقل تقدير اسبوعين او 20 يوم

من السنع ومن المتعارف عليه ان المرأة تروح عند امها وقت النفاس
وبصراحة افضل واحسن لها من نواحي عديدة
اول شي انظف لها تروح لزوجها وهي كأنها عروس جديدة بعد ماتخلص النفاس وبعد ال40 يوم سبحان الله فترة ممتازة للمرأة من ناحية نفسيتها من بعد الولادة ومنها يشتاق لها زوجها اكثر
والاهم احسن لها قدام اهل زوجها
انا عن نفسي جبت ولد وبنت و قعدت عند امي المرة الاولى 48 يوم والمرة الثانية 55 يوم
وانشالله بكل مولود بابقى عندها امنية اتمناها فقط لكن محد يعرف بظروفه

انا في اولادي (( التوام )) قعدت 40 يوم كاملين

و في بنتي بعد قعدت 40 يوم كاملين

و الحين اذا ولدت انشاء الله بقعد عندها 40 يوم بعد ههههههههه

الله لا يحرمني منها ... صراحة الوحده تحتاج راحة بعد الولادة


شكرا لموضوعج :)

انا رجعت بيتي بعد اسبوعين منشان زوجي

رغم اني بعملية وبكريه وكانت الرضاعة الطبيعية صعبة جدا جدا جدا جدا وصابتني التهابات في صدري غير طبعا حالتي النفسية مزرية جدا ولكن لما حسيت نفسي قادرة اتحرك واعتمد على نفسي رجعت بيتي

الاسبوعين ايلي قضيتهم عند امي ما كان زوجي ينام ولا ياكل وكل يوم بعد الدوام يجي على بيت اهلي يتغدى معي ويطمن علي ويشوف زينه متلهف عليها ومو مصدق نفسه صار عنده بنت وطول وهو موجود وهو حاملها ويصورها لاخر الليل يضل سهران معنا وبعدين يقوم يروح

مسكين اول لما تحسنت حالتي رحت بيته

هلا ماما حسون وموضوعج وااااااااااااايد حلو مثلج .....

عني انا اول ماولدت طروقي تيمت 40يوم بالضبط ...وانا كنت ابي ارجع قبل بس امي مارضت قالت لا ماتروحين شقتج الا لين اتكملين 40يوم ...

اما بهنوفه قضيت انفاسي كله في المتشفى مرقده لانه هنوقه من ولدتها وهي مريضه وتنفت في المستشفى حتى يوم رخصوني قالت لي امي تعالي بس انا مارضيت لانه عندي اثنين والجو بارد ماقدر اطلعها كل يوم بس بعدين استسلمت وياتني الشقه ...

قطرية24;7542349:
من السنع ومن المتعارف عليه ان المرأة تروح عند امها وقت النفاس
وبصراحة افضل واحسن لها من نواحي عديدة
اول شي انظف لها تروح لزوجها وهي كأنها عروس جديدة بعد ماتخلص النفاس وبعد ال40 يوم سبحان الله فترة ممتازة للمرأة من ناحية نفسيتها من بعد الولادة ومنها يشتاق لها زوجها اكثر
والاهم احسن لها قدام اهل زوجها
انا عن نفسي جبت ولد وبنت و قعدت عند امي المرة الاولى 48 يوم والمرة الثانية 55 يوم
وانشالله بكل مولود بابقى عندها امنية اتمناها فقط لكن محد يعرف بظروفه

رد جميل ....صح لسانج ...

الله يخلي لي اميمتي,,,
جلست عندها47 يووووووم,,,
وان شاء الله كل اللي يكتب ربي لي ابروح لهاااا الله يطول بعمرها ويخليها لناااا

هنوفه الحلوه;7544430:
رد جميل ....صح لسانج ...

الاجمل تعليقك ،، صح بدنك

انا بعد من رايي الوحدة دام اما موجودة وظروفها تسمح تروح لها والزوج المفروض يراعي هالشي مو بشرط ان في الولادة الثانية صار عندها خبرة بس في كل مرة تتعب وخياط ويمكن عملية تحتاج ترتاح في نظري..

بالنسبة لي في ولادتي ببنتي قعدت عند امي شهرين الا شوي

الحين حامل اكيد بروح عند امي خاصة اني ساكنة بعيد عنها وصج عندي شغالة وتعرف الحين لامور البيبي بس بعد بروح لو شهر او 25 يوم

وكل احمل افكر اروح دام انها على راسي الله يخليها ويحفظها

*~JeWeL~*;7542320:
لو اجيب عشرة عيال لازم اروح بيت اهلي

السالفه مب دلع بس في الايام الاولى من الولادة تحتاجين من يساعدج

على اقل تقدير اسبوعين او 20 يوم

انا وافقك الراي حبيبتي ,,, يسلم فمك ..

الفكرة في الاساس هي المساعدة في فترة الايام الاولى وليس الدلع ..

bent el ba7rain;7547696:
انا بعد من رايي الوحدة دام اما موجودة وظروفها تسمح تروح لها والزوج المفروض يراعي هالشي مو بشرط ان في الولادة الثانية صار عندها خبرة بس في كل مرة تتعب وخياط ويمكن عملية تحتاج ترتاح في نظري..

بالنسبة لي في ولادتي ببنتي قعدت عند امي شهرين الا شوي

الحين حامل اكيد بروح عند امي خاصة اني ساكنة بعيد عنها وصج عندي شغالة وتعرف الحين لامور البيبي بس بعد بروح لو شهر او 25 يوم

وكل احمل افكر اروح دام انها على راسي الله يخليها ويحفظها

كلامج صحيح 100% ومهما الزوج ساعد زوجته واهتم فيها ما بيكون مثل مساعده الام ابدا...وبصراحه معظم الرجال ما يساعدون حريمهم...يمكن مب الكل بس المعظم...بس يبون يجوفون البيبي و يلعبون وياه بس وقت الجد و السهر يدور ابعد غرفه في البيت عشان ما يسمع صراخ الياهل و يقدر ينام

لحد آخر ولادة بروح لأمي ، الله يحفظها

انا في ولدي قعدت 70 يوم .. لأنو كان عندي بحث تخرج .. ولمن سلمته رحت بيتي..

دحين انا حامل وفي بريطانيا ... وماابغا افكر في الولادة واش حأسوي وقتها .. لأنو كل انواع الكآبة تجيني ..

[GLOW="000000"]
انا بصراحة كنت عند أمي اول ما دخلت الثامن لانه زوجي

كان مسافر مودي أبوه - عمي - للعلاج وتأخروا كثييير

ويوم رجعوا ثاني يوم ولدت ورجعت لبيت أمي لحد أربعين يوم ظليت عندها لانها كانت بكريتي

وكان حمالي ووضعي كثيييير صعب وعانيت فترة النفاس أيضا من تقشير جلد وجهي

سبحان الله كل السواد تقشر في البداية كنت كثييير قبحية ولكن قبل الأربعين كنت بمنته الجمال سبحان الله

كان التقشير طبيعي :) حتى زوجي انجن لما شافني:)

أما البيبي الثاني احتمال بروح عند امي بعد ان شاء الله لاني ما لي غنى عنها أبدا ومحتاجة لها كثييير
[/GLOW]

انا قعدت عند امي حوالي 3 شهور _ضربت الرقم القياسي خخخخخخ_ بس كنت والدة بقيصرية ومعلوماتي زيرو عن الاطفال والتعامل معاهم ... وبنتي كان نومها قليل وطول الليل سهرانة تصيح وانا اصيح وياها خخخخخخخخخخ ...فانا وامي _الله يحفظها ويديمها فوق راسي_ كنا نتناوب عليها بالاضافة الى اني كان عندي اكتئاااااااااااااااااب فظيع وماني قادرة اهتم بنفسي شلون راح اهتم ببنتي لحالي ... هادا من ناحيتي اما من ناحية ريلي فاحنا ساكنين مع اهله لذلك كنت مطمنة عليه .... اكيد راح يهتمو فيه وهو من عنده لما شاف حالتي عطاني الوقت اللي انا ابيه

الحين انا حامل واكيد بروح الولادة عند امي ... مااعتقد اقدر اهتم ببنتي وبالبيبي الجديد في نفس الوقت وخصوصاً اول ايام

واخيراً راح اضل اروح لامي ان شاء الله حتى لو جبت دستة عيال بس احتمال الفترة تتناقص ... خصوصاً لو ربنا اكرمنا واخدنا بيت لحالنا

Ba7reneyah;7549116:
لحد آخر ولادة بروح لأمي ، الله يحفظها

وانا رايي من رايك اختي

مشكوره ماما حسون على هالموضوع ...

بصراحه عند بنت وحده ..ولما ولدتها قعدت عند امي 10 ايام بس:( زوجي ما خلاني

لانه شقتي قريبه كلش من بيت امي ...وكل صبحيه تجي عندي...والحمد لله

الله يخلي امي ويديمها ذخر لي ويخلي امهاتكم..ويربون عيالكم وعيال عيالكم...

الله يخلي امهاتنا ويطول بأعمارهم ويعطيه الصحة والعافية :D

وطبعا كل وحده وظروفها .. وانا عن نفسي ظروفي تخلي في الموضوع شوية صعوبة خصوصا في الفترة القادمه لاني ساكنه بعيد عن اهلي والحين ولدي العود في الروضة والجايه اذا الله كتب بودي ولدي الصغير بعد وعيالي عقب الروضة بيرجعهم الباص لشقتي فصعبة احول الموضوع لبيت ابوي بعد ، ونفس الشي بالنسبة لزوجي مسكين يتبهدل عددددددل مع انه هو اللي يقول لي قعدي عند امج الين تحسين روحج مرتاحه بعدين رجعي لكن ما قلب اخليه لان يشتغل للمغرب ويرجع هلكااااااااااان ويجيني عند اهلي وكنت احس به تعبااااان ويقعد معانا دايخ واحيانا اخليه ياخذ له غفوة بسيطه خخخخخخ وياما اقعد ابكي وهو يشوفني واهلي بعد هههههههههههه وفي كل مرة كنت ابغي ارجع قبل لكن الظروف تمنع ..


وخلاص انا مقررة من زماااااااااان ان - اذا كان في ولادة ثالثة - ان شاء الله اقدر اخطط لها عدل واخليها باجازة الصيف علشان ما اتغربل مع قومة الصبح لعيالي وتجهيزهم ولا تدريسهم طول اليوم وانا تعبانه ومشغوله بالبيبي مثلا .. وفي نفس الوقت بخلي زوجي ياخذ اجازة وادري به حبيبي ما يقصر الله يحفظه :o وزوجي ما شاء الله عليه من النوع المتعاون يعني يسهر معاي او ياخذ البيبي ويقولي نامي انتي ويساعدني اول كم شهر في تسبوح الياهل خخخخخ وعادي حتى يبدل حفاظته ( بس بشرط مو مسوي العوده خخخخ ) ووايد يساعدني الصراحه ..
واكيد كل شي وظروفه وقتها يعني اذا كانت الولاده لا سمح الله صعبه او كنت تعبانه وايد يمكن اروح كم يوم عند امي الين ارتاح وبعدين برجع ..



بس من فترة امي كانت تتكلم .. تقول ان من مشاريعهم ( بما انهم ناويين يسوون تعديلات للبيت وبيبنون شقق لاخواني ومجالس واشياء ثانية يعني ) تقول بيخصصون غرفة بحامها وبيحطون فيها غرفة نوم مزدوجة وبيخلونها مستقله على اساس لو وحده فينا انا او خواتي يعني حملت وولدت تجي وتقعد في هالغرفة واذا حب زوجها يجي يقعد معاها المكان جاهز عاد انا قلت لها انا خلاص مو ناوية اجيب عيال بعد الدور لخواتي الحين وحتى لو الله كتب وحملت ما راح اجي بقعد في شقتي الا هي مو راضية تقول لي لالالالالالا تجين يعني تجين يهال وولاده ما بتقدرين عليهم بروحج هههههههههههههههههه
وزوجي لما اتكلم في هالموضوع يقول لي على راحتج وانا حسيت ان يفضّل اني ما اروح لانه يستوحش بروحه في الشقة ( مع ان احنا ساكنين في بيت ابوه وامه كل تشتكي عليه تقول ما ياكل شي كلش ) اما يوم كنت حامل اول مرة وثاني مرة كان يقول لازم تروحين لان بتكونين تعبانه (a)