الى اي مولود بتظلين تروحين لأمك بعد الولادة ؟؟

مدام امي موجوده الله يخليها و يطول في عمرها .. فأكيد لآخر ولاده بروح عندها

و الله يحفظ أمهاتنا و يخليهم ذخر لنا

السلام خواتي انا في بنتي الكبيرة قعدت الاربعين كلها واما في ولدي الثاني بس شهر لان صارتلي ظروف بالشهر التاسع قعدته كله فبيت الوالدة الله يحفظها ويخليها وسلامتكم واذا عالياهل الثالث صراحة افكر احمل والا لا لان المسؤولية صعبه اذذا بس الام تحملتها من غير ما يساعدها الابو :)

الله يحفظ امهاتنا ويعطيهم الصحه والعافيه .. ويبلغ كل ام في بنتها :D

رفع :D

انا في بكري قعدت عند امي شهر بالضبط وكنت ناويه ارجع قبل بس كان زوجي امسوي تصليحات فالبيت فاظطريت ارجع بعد الشهر

وهالمره بعد ناويه اقعد عند امي بس ماعرف اشكثر بقعد بالضبط ......


اما بالنسبة لين اي مولود افكر اقعد عندها اتوقع لين ماعيالي يدخلون المدرسه لان بتكون صعبه اشيل واايد اغراض معااااي

في ولدي البكر قعدت عند أمي تقريبا شهر و شوي

هالمرة ان شاء الله ما ادري قاعدة افكر في الموضوع

لان صارت تغييرات في بيت أبوي و صار ما عندهم مكان لا حقي و لا حق عيالي هههههه

في الولادتين رحت عند أمي
بس ما كنت اقعد واجد المرة الاولى 19 يوم
والمرة الثانيه اسبوعين
مع ان امي تبيني اقعد اكثر بس افضل مكاني اوسع اليي

أنا قعدت بولدي 45 يوم تقريبا.... ماكان عندي شغالة وزوجي كان شفتات قلت شيرجعني قبل..

هالمرة قلت ماباطول أسبوع أسبوعين وراجعة.. بس صارت ولادتي قيصرية ومحتاجة راحة وولدي ماشاء الله عليه يبي له مجابل وتوصيل للمدرسة فكاني للحين في بيت أمي وباقي لي أسبوع وأخلص الأربعين بس عاد خلاص ناوية أرجع بعد كم يوم مالي قعدة بعد...

هلو

موضوع حلو

انا ما عندي الا بنوته وحده

وقعدت عند امي لما ولدت 50 يوم يعني شهرين الا 10 أيام

وزوجي لو على كيفه قعدت اكثر عند امي لان ما كنت اعررف الى بنتي

ولا اعرف ابدلها ولا اعرف اشيلها ..

وخاف عليها مني :d .. كان يقول لي قعدي مع امج ليييين تعرفين للبنيه عدل وبعدين تعالي الشقه ..

وبالنسبه للولاده الثانيه ما ادري شكثر بقعد عند امي بس على حسب الظروف ..

أحس ان بقعد فتره أقل من الولاده الاولى ..

! أنثى !;7530208:
ماما حسوووونن موضوعك حلوو ..

و جا بوقته :) !


انا لما ولدت قعدت عند امي شهر و رجعت شقتي .. و بعد ما طهرنا الولد اصرت ان ارجع لها و رديت و كملت ال 40 يوم بالضبط !


ان شاء الله هالمرة افكر بال 10 ايام و ارجع ان شاء الله !

هذا كان ردي أيام الحمل :D


الحين لما ولدت .. ظليت بشقتي .. و امي جت لي و بتكمل ال 15 يوم بعدها بتسافر .. و بصراحة واجد أريح .. كل اغراضي و اغراض اولادي جنبي .. بالاضافة الى وجود زوجي طول الوقت .. !

انا بولدي الاول قعدت 15 يوم و ببنتي ما كان زوجي راضي اروح فقعدت يمكن 9 ايام بس وامي ما كانت راضية ارجع بس الوحده مكانها اريح لها مع ان ما نستغني عنها الله يطول بعمرها

موضوع حلو ماما حسون

انا في بنتي البكر قعدت 40 يوم بالتمام و كنت المح حق امي قبل لا اخلص الاربعين بكم يوم اني خلاص برجع بس ما كانت راضية تقول لي كملي الشهرين و رجعي

مع ان بيتي قريب و زوجي كل يوم بعد الدوام يقعد يتغدى معنا في بيت امي و يقعد المغرب والليل اذا ما عندنا ضيوف بس كنت اقول بيت امي اريح حتى لو اقعد في بيتي وزوجي يساعدني لازم في اشياء بتسوينها بنفسج

يعني من بيسوي الاكل؟ و ما بيساعدج في الغسيل من صحون و ثياب و غيره؟ حتى لو الزوج بيساعد بيساعد في شي بسيط

اذا الله كتب وولدت بالسلامة بروح عند امي بعد 40 يوم وايد اريح عشان الوحدة ترجع حق صحتها و تهتم في نفسها وشكلها شوي قبل لا ترجع بيتها

بنتي ما دخلت روضة الى الحين فما في مشكلة بس في الولادة الي ياية بحاول اخططها ان تكون في الاجازة لأن اكيد بنتي وقتها بتكون في المدرسة و البيبي بعد ان شاء الله بيكون في الروضة

بس الي افكر فيه الحين ان لازم اودي وياي اغراااااض وااااايد بيت ابوي حق النفاس لي ولبنتي و للبيبي

هاذي مشكلة

انا بابني البكر الله يرحمة قعدت عند امي 3 شهووووووووووووووور

الحين بابني الثاني قعدت شهرين بالتمام

ولي الحين الاربعا والخميس والجمعة اروح بيت امي لانه الحفيد الوحيد بالبيت فامي تشتاقله وايد فقررنا انا وزوجي ان نهاية الاسبوع اقضيها بيت امي والحمدلله وافق خخخخخ

انا ببنتي البكرية قعدت مع امي 20 يوم ويوم رحت زعلت امي
وهاالمرة تقوول لي اقل شي تقعدي شهر وانا حاطة في بالي نفس الشي 20 يوم بس
والمرة الثالثة اذا الله كتب باقعد بشقتي
بس المشكلة انا اخاف على شقتي من الاطفال المشاكسين
ههههههههه

انا مارحت لأمي لأن ماعندنا هدوء بالبيت كانت تجيني من الظهر لليل وتروح اعتمدت على نفسي وماتدلعت

هلا الغالية الموضوع وايد حلو
بالنسبه لي أنا توني والدة وبعدني ماطلعت من ألربعين يعني على نهاية الأسبوع
قعدت بيت أهلي يدوب أسبوعين بس مع إني بكر لأن زوجي عنده أجازة ومايصير أخليه في البيت بروحه وهو موقادر يصبر من دوني أنا والبيبي وغير هذا عمتي تبي حفيدها عندها لأنه أول حفيد عندها وماتبي تفارقه
بس تبون الصدق ندمت ليش ؤجعت لأنه وايد تعب وكنت ناوية أرجع بيت أمي من كثر التعب إلي صادني لأن عمتي تشتغل يعني ماتقدر تجابل البيبي الصبح فأتبهدل وايد الصبح وأستحي أخليه طول الوقت عندهم أو حتى لو ساعة ما أعرف أخاف يتضايقون بس في بيت أهلي منت أخليه وأنام على راحتي وأسوي إلي أبيه والمره اليايه إن شاء الله بقعد أكثر يعني شهر بس زوجي يقولي تحلمين بسج أسبوع المره اليايه ويصير خير للمرة اليايه ربي يسهلها

انا كله امي تجي تقعد عندي ..

لان امي بمكان وانا بمكان ثاني ..

ببكري قعدت عندي امي ليما كملت 20 يوم ..

بالثاني اسبوعين ..

وبالثالث ربي يحفظه قعدت عندي بعد اسبوعين ..

لاني اتعب بعد الولاده ويصيدني اكتئاب .. فهي واختي الكبيره

ربي لايحرمني منهم مايفارقوني .. واختي ليما اكمل 40 يوم وهي يوميا

عندي من العصر لي بالليل ..

الله يخلي امي وامهاتكم ويعطيهم طولة العمر والصحه ويعينا ع برهم ..

ويحفظ لنا عيالنا ويبارك لنا في ذريتنا .. آمين ..

أنا عندي بنوتة وحدة وطبعا رحت عند ماما 3أسابيع كنت ناويه أجلس اكثر بس كان في زواج
ولدخالتي مافي احد يجلس عندي فرحت لبيتي
والولادة الثانية ان شاء الله حاأكون عند ماما...

انا ةمستغربة من اللي يقولون ابقعد عشان زوجي ليه زوجك ماوراه دوام وامك وخواتك ماراح يقعدون عندك طول الوقت يعني حتى لو زوجك عندك هو بيتضايق لان الناس داخلة طالعة وبيستحي نفس الشي من امك وقرايبك وماراح ياخد راحته في البيت يعني الزبدة ان وضع الولادة وضع خاص مهما حاولتي ماتغيرين على ابوكم الرقيق المشاعر لازم الوضع يتغيير وهو مهو بزر هذا رجال ابو شوارب يعني بيتعقد اذا قعدت عند اهلي ياحرام
انا وجهة نظري شكلي الوحيدة اللي افكر من هالناحية ان اروح عشان امي مو عشاني اناالحمدلله رابع طفل ان شالله وبروح عندها مو عشان تخدمني لاني خلاصخبرة بس عشانها هي ماتتكلف وتترك بيتها كل يوم وتهاجر عندي وطالعة نازلة لشقتي خليها معززة مكرمة ببيتها وجيرانها يجونها يباركون لها بولادة بنتها وهي ببيتها ومطبخها على راحتها وخلي زوجي هو اللي يتحمل يجي ضيف مو هي تاج راسي
والزوج اللي مابيتحمل البعد ماراح يتحمل ينفسني بعد

اني قعدت ببنتي 20 يوم
والحمله الثانيه اكيد بقعد بس بعد 20 يوم ماباطول بعد
بس يوم كنت في الشهر الثاني اتعبت وقعدت شهر رمضان كله في بيت اهلي