الى اي مولود بتظلين تروحين لأمك بعد الولادة ؟؟

انا رحت لأمي في الولادتين
عزوز 40 يوم بالضبط
بندور 45يوم
والله يعطيها طول العمر وكل ولاده اروح لها ان شاء الله

موضوع حلو ماما حسون

في بنتي تقريبا شهر تميت عند امي
وفي ولدي كملت الاربعين

والمولود الثالث ان شاء الله بظل في بيتي.....

أن عن نفسي ماعندي الا بيبي واحد وجلست الاربعين كلها
وبرضه بالثاني والثالث نفسي الشي ان شاء الله
عاد الرابع يحلها الف حلال

قاعده عند اهلي فأولد عندها واقعد عندها

موضوع وايد حلو ماما حسون

اني ببنتي قعدت تقريبا شهر بسبه الضروف ولانه بعد كنت مشغوله وايد على زوجي ومن رجعت شقتي قامت تهل الأمراض عليه

بس في الثاني ما راح ارجع الشقه إله لمه اتم اموري تمام التمام

لانه عند الأم وايد اريح ويرحم والديها امي ما قصرت معاي الله يخليها لي ولخواتي

انا في ولادتي الاولى والثانيه قعدت عند امي الى ما كملت الاربعين كامله وما كان ودي ارجع بعد
الثالثه اكيد بس ما افكر فيها ابد الحين... الله يحفظ لي امي ويطول بعمره امين

الله يخليكم امهاتكم واهاليكم بنااااااااااااااااااات..


بس بصراحة يعني اشوفها وااااااااااجد - بنظري الشخصي - على الزوج خصوصا اذا كان متعود على وجود الزوجة بشكل يومي معاه في البيت .. ومرة وحدة يفقدها.. فيه ازواج وايد تتأثر نفسيتهم ! وانا من النوع اللي ما ارتاح وانا احس بزوجي حزين او متملل بدوني..! فما اقدر اقعد اكثر.. :( رغم ان امي تبيني بس تقول روحي ليه... وان شاء الله دامه هالكثر متأثر بفراقك.. ما راح يقصر معاك.. بالفعل لمن ارجع اشوفه وياي في كل صغيرة وكبيرة ويساعدني ويوقف ويايي .. الحمدلله..



عن نفس الموضوع :) بقولكم سالفة احد اقاربي..
زوجته بولده البكر راحت عند امها طبعاً ولا خلاف.. بس يوم قريب بتكمل الاربعين حاول زوجها يحصل اجازة عشان يساعدها ع البيبي وخلافه، المهم ان جهة العمل ما وافقت لأنه كان عندهم موسم ومزحومين وخلافه، فطلب منها ان ترجع يوم الجمعة على اساس انه اجازة عنده .. وصادف انه يوم 39 من ولادتها..

تخيلو شنو ردة زوجته وامها ؟؟؟؟؟؟؟؟؟؟؟ظظظ


رففففففففففففض عنيييييييف واستنكاااااااااااااااار قوي !!!
شلون تروح بيتها وهي للحين ما كملت الاربعين !
يوم السبت تكمل الاربعين يعني يوم السبت تروح !!








:eek:

ما اقول الا الله يساعده على هيك تفكير !! :ss:
صار رقم 40 مقدّس يعني لهالدرجة ؟!!!

سلالالالالالام أنا ياحسرتي على نفسي جبت بنتي أول حفيده ورحت عند أهلي لكن للأسف ما وجدت أهتمام من الوالده الله يسامحها بس جلست عندهم 30 يوم ورجعت لبيتي ولما جبت ولدي ما جلست إلا يومين بس والثالث جلست 20 يوم وتعبت تعب شديد لأني كنت أعمل كل شي بنفسي وإذا ولدت انشاء الله لن أذهب وراح أجلس في بيتي وزوجي راح يساعدني

أختي جمانة أشاطرك الرأي الواحدة تروح لأمها لتساعدها في أمور كانت تجهلها
و باعتقادي الأم من المولود الأول تكتسب خبرة و الحمد لله التلفاز و النت ما قصروا معانا
و مثل ما أمنا ربتنا لحالها احنا راح نربي أولادنا لحالنا
و بعدين حلو أن الأزواج يشاركونا العناية بالمولود الجديد
الله يحفظ أمهاتنا من كل سوء و يعطيهم الصحة و العافية

في ولدي الأول جلست عند أختي الله يرحمها 24 يوم لأني ولدت يوم 5 رمضان و آخر يوم في رمضان رجعت الشقة
في ولدي الثاني جلست عند أمي أسبوعين بس و رجعت بعدين الشقة
إذا الله رزقني و حملت المرة الثالثة اعتقد أني راح ألزم مكاني و اجلس في شقتي خاصة بعد ما اتوسعت و الحمد لله

اول مولود لي جلست بيت اهلي 40 يوم وكنت مخططه اجلس شهرين لانه ولادتي قيصريه بس زوجي كسر خاطري لانه لحاله في الشقة فرجعت بعد ماكملت 40 يوم
الثاني اذا الله اراد ولدت طبيعي بجلس 40 يوم الا اذا ماتغيرت الظروف

- هل رحتي للوالدة يوم تولدين بطفلك البكر ؟؟ وكم الفترة اللي قعدتيها ؟؟

اي اكيد :tongue: 20 يوم تقريباً بسبب ظرووف خاصه ماكملت الاربعيين

- ونفس السؤال بالنسبة لباقي الابناء رحتي للوالدة او لا وكم الفترة اللي قعدتيها هناك ؟؟

بس عندي بنت واحده

- والى اي مولود تفكرين تروحين للوالدة عقب الولادة ؟؟

امممم والله في كل مره اولاد ان شاء الله بروح لان ما اقدر ادبر اموري بروحي
بس اذا صار عندي شغاله فعادي مابروح

انا بالاول قعدت عند امي 21 يوم بالضبط
وبالثاني ماكنت ناوية اقعد عندها ابدا قلت بتم في بيتي اريح لي ولولدي وزوجي بس تجري الرياح بما لاتشتهي السفن صارت ولادتي صعبة وولدت قيصري فاضطريت اقعد عندها 10 ايام

اخ ياحصرة على قلبي انا

موضوعك اختي جا على الجرح..

انا ياحصرتي مارحت عند امي بالمرة لانو حماتي اجت عندي وطبعا عيب اتركها واسير بيت اهلي,,, بس واااااااااااااااااااااااااااااايد نفسيتي تعبت من هالموضوع لانو زوجي ماكان موافق اني اتركه واروح عند اهلي. وبعد شقتي صغيرة كانت امي المسكينة بس تجي تتحرج وماتعرف وين تقعد وماتقدر تنام عندي.. وايد انقهرت وماكنت اقدر اطلب من حماتي تسويلي اشياء استحي وايد تبهدلت بفترة نفاسي والله

اااااه ذكرتوني بالي مضى...

لو ربنا قدر وحملت مرة ثانية مابولد غير عند اهلي واللي بصير خله يصير... مع اني توبة اعيد الحمل و الولادة

السلام عليكم

انا عندي اثنين اولاد وبالاثنين جلست 40 يوم
والحين ولدي الكبير دخل المدرسه واهل نوعااا ما بعيدين عني بيني وبينهم ساعه وانا افضل اني اجلس عند امي عشان كذا
انا ودي اذا ربي كتب لي حمل اولد باجازه الكبيره :)
لا بصراحه لازم الوحده تريح جسمها والرجـــــــال مايقدر هذا الشي ؟؟
حتى لو الوحده عندها خادمه

أنا جلست بنجوده 3 شهور تقريبا

وإذا حملت مره ثانيه كمان بروح عند ماما الله يخليها لي والله يخلي أمهاتكم جميعا

موضوعك روووووووووووعه ياأم حسون

توني قاعده أفكر فيه

وتوصلت إلى نتيجه طبعا لكن أول بقولك عن ولادتي ببنتي

جلست عند أمي الله يحفظها 47 يوم ولوما ان بيت أهلي بيشتغلوا في البيت كنت طولت أزيد لاني ماكنت اعرف اتصرف مع بنتي لوحدي لكن بمجرد مارحت شقتي تعلمت اني اعتمد على نفسي واحس نفسي اكسبت خبره

واللحين ان شاء الله في ولادتي هذي ناويه أقعد عند أمي الله يخليها اسبوعين فقط لا غير لين ما أرمم جسمي من الولاده وبعدين برجع شقتي ان شاء الله لان ماودي ألخبط بنتي ودي نستقر ونرجع بسرعه

والثالث والرابع لاخلاص مافي بطلنا

دعواتكم

هلا فييكم الموضوع حلووو ..




اني في ولادتي الأولى قعدت عند أمي 27 يوم..




وفي ولادتي الثانية قعدت شهرين الا عشرة ايام لأني كنت والدة بتوأم وكانوا في البداية متعبييين




يالله اللي قدرنا نلحق عليهم وزوجي خذها فرصة وقام يعدل في الشقة وقال لي طولي المدة




أكثر م نشهرين بس اني ما قدرت احس روحي مو مستقرة ..ورجعت الشقة وكان الوضع




صعب عليي في البداية وخصوصا اني عندي بنتي حركية وا1ذا كنت مشغولة مع البيبيز هي تخمر



وتعفس بروحها فخليت بنتي عند أمي كم يوم لما اتأقلمت مع الوضع الجديد ..




والولادة الثالثة طبعا في المستقبل اذا الله ان شاء الله




كتب بخلي عيالي عند امي وبرجع شقتي




مع البيبي ..

موضوع حليوو

اني بولادتي بصدوقي قعد عند امي 18 يووم واني كنت انتظرر تطهر صدوقي ويصير زين وكل شي تمام واررجع شقتي وغير جددي اني واجد تعبت لانة صادتني بواسير والجرح بعد صاده التهااب يعني تغربلت وكنت واجد اروح المستشفى وصدوقي يصير عند امي من جدي ما رجعت شقتي الا يوم صار الوضع اوكي

وبحملي الثاني ما بررروح لامي كلشش من المستشفى يرخصوني بعد الولادة على طول شقتي وبخطط بحملي الثاني اني اولد في العطلة واتمنى يكوون شهرر 7 مثل صدوقي واجد عجبني هالشهرر للولادة وان شاء الله تضبط تخطيطاتي

انا جلست بابني فترة شهرين ونص .. اكيد زوجي تعذب وما عجبته الفكرة بس لانني نزلت دوام بعد شهرين وامي اخذت اجازة وجلست مع ابني شهر الى ان اجد لي شغلة تمسك ابني ... بس الحمد لله قبل ما اكمل الشهر الثالث لقيت بنت تمسك ابني وامي علمتها كل شي ورجعت بيتي بعدها ..

اما في البيبي الثاني ... فالحمد لله امي الان تسكن في الشقة اللي تحتي ما باضطر اروح لها ... هي باتكون عندي طول الوقت ...

الي معـروف عندنا الاول والثاني نروح بيت الماما
بس في الثالث خلاص الوحدة تكون عندها فكرة
انا كذا بسوي...