تجربتي مع الريجيم وفقداني ل21 كيلو في 5 اشهر

مبروك الغاليه على نقصان الوزن

وياريت اتنزلين الرجيم كامل مره وحده

وردة قطر;7526633:
نزلت البرنامج .. شوفي الردود :D

اي شفته
يسلمووو حبابة:)
بس انتظر تقول لنا كم كان وزنها وكم صار

الجوكره;7526302:
دوجا ياختي شحال كان بوزنك من قبل
وعلاش ممنوع نديرو الرياضة بالاسابيع الاولى

واش هذ الريجيم +الرياضة ولا بلاش

الله يعطيك ماتمنيتي فخاطرك

صباح الخير..الجوكرة....اختي....في الاول كان وزني 85 كيلو...ونزلت ل...64 كيلو ...يمكن تبان بان المدة كانت طويلة ...لكن هي بالتحديد ...3شهور ونصف ريجيم تحت الاشراف الطبي اي الدكتور هو اللي يحدد ريجيم كل اسبوع ....ومن بعد دخلت مرحلةتباث الوزنla stabilisation مدتها شهر ونصف الى شهرين..يعني المجموع كله 5 شهور..وهده الملرحلة هي اهم مراحل الريجيم كلها ...فاللي ماستعدت الوزن فيها ....صافي عمره ما يرجعو....ومن بعد هده المرحلة...كتطلقي الريجيم نهائيا ...ولكن كتبقاي مراقبة راسك من ناحية الدهنيات خصوصا ...وهنا كيجي دور الرياضة والماساج ...

غزال_الامارات;7529500:
مبروك الغاليه على نقصان الوزن

وياريت اتنزلين الرجيم كامل مره وحده

الغزال ...لباس عليك احبيبة .....غنعمل على تنزيلو كل اسبوع...حتى ما يصير شي لخبطة في النظام لانه عبارة عن نظام غدائي متوازن...متسلسل....وبالتدريج....انا هكدا استعملته ..وشكرا على المرور عزيزتي

**ام عبادي القمر**;7529533:


اي شفته
يسلمووو حبابة:)
بس انتظر تقول لنا كم كان وزنها وكم صار

وزني كان 85كيلو :o.......واصبح....64:D....تباااااااااااااااااارك الله

شوفوا...البنات....ماشي المهم هو تنقصو 5او6 كيلو في الاسبوع ...لكن المهم هو ان فقدان الوزن يجي تدريجي ...وبشوية بشوية....لان هدا هو اللغز في عدم استرجاع الوزن مرة اخرى ....وباكد لكم من خلال تجربة عاينتها ان اللي فقدات الوزن في زمن قياسي ....رجعته ايضا في زمن اكثر من قياسي واصبحات توزن اكثر بكثير من الاول.....

فالجسم محتاج تبداو معاه وبالراحة حتى يتسانس بالنظام الغدائي الجديد.....وهدا هو السبب اللي مخلانيش نزل النظام كله مرة وحدة

لحبيبة دوجا عتقينيييي انا يالاه شفت الموضوع
دبا فهميي واش هادشي ناكلو كل نهار في الاسبوع الاول ؟؟
واللي عندها كرش كتمشي مع هاد الريجيم؟

وحاجة اخرى انا منقدرش نكول 4 ديال المرات في النهار واش نقدر نستغني على شي وجبة؟
وكنتعشى معطلة واش ماشي مشكل؟
والى جاني جوع فهاديك 4او5 ديال الساعات اللي بين الوجبات نقدر نكول الفواكه؟

كثر عليك الاسئلة سمحيلي ولكن بغيت نقص شوية وشكرا الزين

دوجا ا لله يعطيك ماتمنيتي فخاطرك

هذ الطبيب عندك بمكناس وبشحال لافيزيط

afnanchajar;7529886:
لحبيبة دوجا عتقينيييي انا يالاه شفت الموضوع
دبا فهميي واش هادشي ناكلو كل نهار في الاسبوع الاول ؟؟
واللي عندها كرش كتمشي مع هاد الريجيم؟

افنان....كيف دايرةاختي لباس عليك....نعم اختي ...هد الريجيم هو بالنسبة للاسبوع الاول....ولكل يوم ...يعني لازمك فيه 7 ايام....وبالنسبة لسؤالك عن الكرش ....فنعطيك المثل ديالي وانت حكمي.....انا لما كنت كنوزن 85 كان قياس السمطة في السروال 50:o....ومن بعدم اصبح الوزن ديالي 64....اصبح المقاس 42:D.....شفتي اختي على فرق ....راه خاص غير العزيمة والارادة تكون قوية...وشوية الصبر ...ومتسرعيش تفقدي الوزن مرة وحدة لان دلك يشكل خطر على صحتك من بعد...والله الموفق ......واي استفسار انا رهن الاشارة الزين

afnanchajar;7529904:
وحاجة اخرى انا منقدرش نكول 4 ديال المرات في النهار واش نقدر نستغني على شي وجبة؟
وكنتعشى معطلة واش ماشي مشكل؟
والى جاني جوع فهاديك 4او5 ديال الساعات اللي بين الوجبات نقدر نكول الفواكه؟

كثر عليك الاسئلة سمحيلي ولكن بغيت نقص شوية وشكرا الزين

شوفي اختي ......هو هد الريجيم وخة فيه اربع وجبات راهم خفاف ....ونعم يمكن ليك تستغناي على وجبة العصرونية مثلا الا مافيك الجوع او حسيتي براسك طلقت ايديك فالغدا ......وكدلك وجبة الغداء والعشاء اللي يمكن ليك تعوضي وحدة فيهم فقط ب2فواكه+2ياغورت لايت........

اما بالنسبة القمشة بين الوجبات فحاولي احبيبتي تفادايها قدر المستطاع ....والا مصبرتيش خودي 1 ياغورت او تفاحة وحدة لااكتر....


ثقي بي اختي راه من كثرة ما جربت كترة الريجيمات هدا هو الوحيد اللي صلاح لي وباقة الحمدلله ....فتيوتة .... هادي عام 7 اشهر ......الحمدلله

اطلب من كل اخت عندها اي استفسار متحرجش ......راني رهن اشارتكم ....دعواتكم لي بهداية راجلي ويحفظ لي وليداتي ياربي

الله يحفظ ليك راجلك و و ليداتك و يلاقيكم في الجنة ان شاء الله
هل اجرى لك الطبيب تحاليل او سألك عن عاداتك اليومية في الاكل قبل ان يعطيك برنامج الرجيم؟
و هل قال لك ان هذا البرنامج يصلح لأي شخص؟
الله يجازيك بخير

سيري الله يخليك ديما الفوق الفوق بحال البكاج ههههههههه
الله يسهل عليك ويحفظ ليك وليداتك ويهديليك راجلك ويخليه ليك ويحفظكم لبعضياتكم

tafouktmery;7531845:
الله يحفظ ليك راجلك و و ليداتك و يلاقيكم في الجنة ان شاء الله
هل اجرى لك الطبيب تحاليل او سألك عن عاداتك اليومية في الاكل قبل ان يعطيك برنامج الرجيم؟
و هل قال لك ان هذا البرنامج يصلح لأي شخص؟
الله يجازيك بخير

شكرا الحبيبة...بالنسبة للسؤال الاول ...فلا...لم اجر اية تحاليل ...يمكن لانه لا اعاني ولله الحمد من اية امراض او حساسية....اما بالنسبة للاسئلة فنعم ...حوالي نصف ساعة من الاسئلة كعاداتي في الاكل ....مزاجي ....الاوقات التي احب فيها الاكل ....هل انام جيدا... وبعض الاسئلة الشخصية الاخرى ....:21_186:


وبالنسبة للسؤال الثالث ....فالريجيم اللي اعطاه لي ...قال لي عليه ريجيم يناسب اي شخص عادي....لانه ريجيم متوازن يستجيب الى حاجيات الجسم من بروتينات و دهنيات وسكريات وفيتامينات.....فكما لاحظت مكيحرمكش بالمرة مثلا من النشويات (الخبز ...الارز .....البطاطا)...مع احترام الكمية المحدودة بالطبع...(كنموت على الخبز اللي لابد مناكله كل يوم خصوصا في الفطور....... :21_180:)

ملاحظة.....هدا الريجيم عملات بيه اختي و2 من صديقاتي من بعد الولادة والرضاعة ....وزوجة عمي ....فكانت النتيجة جد ممتازة...ولله الحمد :ok:

afnanchajar;7533664:
سيري الله يخليك ديما الفوق الفوق بحال البكاج ههههههههه
الله يسهل عليك ويحفظ ليك وليداتك ويهديليك راجلك ويخليه ليك ويحفظكم لبعضياتكم

لهلا يخطيك الحبيبة....ويخلي ليك العزيز عليك

شكرااااااااااااااا جزيلا على الأجوبة و شكرااااااااااااااالأنك شاركتينا في برنامجك
بارك الله لك ، وبارك عليك ، وجمع بينكما في خير انت و زوجك

لائحة المواد المسموح تناولها اثناء الريجيم



- مشتقات الحليب
1-الياغورت بكل انواعه شرط ان يكون خالي من المواد الدهنية

2-الزبدةتكون نسبة المواد الدهنية فيها قليلة...president ....elle vivre...او اي نوع اخر متوفر في السوق المهم .

3-بالنسبة للجبنة...الفرماج....لك الاختيار ...ricotta..chante)neige...tartare allege...camembert allege...parmesan...philadelphia light...la vache qui rit
chergui light...light...mozzarella....chtouka ...jebli.)...شريطة ان تكون قليلة المواد الدهنية

وصفات الصوص المرافقة للسلطة
صوص الياغورت....موتارد اي الخردل+الخل+1 ياغورت طبيعي...مع اضافة الابزار والملح وبعض المنكهات كالقزبر اوالمعدونس او الثوم القصبي حسب الاختيار

صوص الصوجا....الخردل+الخل+الصوجا وممكن اضافة منكهات كالحبق او الريحان basilic

مايونيز خفيفة..... 2صفر البيض مصلوقة و سخونة ...تهرس مع قليل من الموتارد ... بعد دلك يعمل الكل في الخلاط الكهربائي مع اضافة 2 ياغورت طبيعي ...ملح ..وابزار....وممكن اضافة القزبر او المعدونس او الفلفل الحار

ممنوع منعا باتا.... معجون الطماطم ...الكتشوب...المايونيز....كنور وماجاوره


الفواكه

كل الفواكه مسموح اخدها باستتناء...الموز...الفواكه الجافة.
1فاكهة=1تفاح=1برتقالة=1اجاص=1 خوخ=1شهدية=6حبات فراولة=2 مشمش=2 برقوق=2 كيوي=100غ بطيخ احمر او الاصفر=6او 7 حبات عنب=8 حبات كرز= 4قطع صغيرة مانجو


الخضر
كل الخضر مسموح اخدها وبكمية غير محددة...باستتناء البطاطس...الكرنب...القطاني


البيض
يمكن تحضيره باية طريقة ....شرط ان لا تتعدى الكمية 6 بيضات في الاسبوع...اي بيضتين في الوجبة ثلاث مرات


المشروبات الغير المحلاة يمكن تناولها كيف ما اردتم حتى المشروبات الغازية لايت

كانت هده لائحة بالمواد المرافقة للريجيم الدي اتبعته ....حيث كان لي لاختيار في تعويض مادة باخرى ...فقط يجب احترام الكمية المحددة

حقق الله لكي ما تتمنين اختي
بس ممكن تعطيني نصايح لثبات الوزن بعد الريجيم
عشان مش هافضل طول عمري في الريجيم
انا حاليا متبعة ريجيم الكربوهيدرات مع نيهال جزاها الله الف خير

بارك الله فيك الزين على هذه النصائح

الله يصلح لك راجلك ويخلي لك وليداتك

آمين يارب