تجهيزات عرايس مصر الجزء 102 يارب تمملنا بخير يارب

Warde;7448174:
فى البداية أحب أشكر "صوت العيون" عشان ال control اللى عملاه فى الجزء الجديد :cool: و كمان أشكرك عشان ضيفتى اللينكات فى أول الموضوع ، هو طبعا لسه فى بنات بتستفسر عن الميكاب و الشعر و كده :ss: والله لو كلنا ساعدنا بعض إن يكون فيه نظام .. كلنا بجد هنستفيد و عنيناااااااااااا هترتاح شويه:eek:.

--------------
دلوقتى أنا فهمت منكوا إن العفش المودرن يتعمل عمولة أفضل ،طيب حد ليها تجربة فى كده و عملت عفشها المودرن عموله يعنى و طلع حلو ؟؟ و هل فى نجاريين مشهوريين يعنى و أماكنهم فين ؟؟

بصي ياحبيبتي فعلا العفش المودرن احسن يكون تفصيل انا باعمل عند نجار ماشاء الله عليه صحبتي عملت عنده وشفت حاجتها وانا حاجاتي قربت تخلص فاضل الدهان بس شغله نضيف وبيستخدم خشب بضمير اوي ىىىى هو ليه ورشة في الهرم وورشة في زهراء مصر القديمة انتي بتشوفي حاجاتك في الورشة الي في الزهراء - لو عايزة رقمه ابعتهولك ع الخاص

:Y_hi_3:يابنااااااااااااات هقولوكو حاجة اكتشفتها - في حتة في الأزهر اسمها حارة اليهود لئيت فيها ديكورات حلوة اوي:Z_cool_c: وشمع وارخص من برة كتير بس دعبسو كويس اوي في محل هناك اسمه بينجو عنده شموع روعة بجد - وكمان في ناس قالولي في حتة كمان للاكسسوارات بس لسة ماشوفتهاش بيقولول اكسسورارتها حلوة اوي وارخص من برة - روحو بئي وقولولي لئيتو ايه ؟:1_3:

افضل الطرق لتبيض المناطق الحساسة

ومع كثرة استعمال مزيلات العرق وخاصة في فصل الصيف

نكتشف وجود سواد تحت الابط مما يسبب لنا ضيق وازعاج ،

وايضا بالنسبة للسواد بين الفخدين .

فما الحل؟

الحل بسيط جدا

فقط تدهني المنطقة بليمونة اي العصير الموجود باليمون .

تم ضعي النشا على كامل المنطقة واتركيه حتي يجف

عندما يجف النشا ستلاحظي شيئ سيدهشك

هو ان النشا اصبح جاف ولونه مائل للسمرة او للسواد .

وستكتشفين وبعد استعمال هذه طريقة اكثر من مرة

ان السواد زال واصبحت المنطقة ناعمة جدا جدا

وملمسها كالحرير .

منقوووووووووول

بنات الموضوع ردوده بتزيد بسرعة جداااااااااا واللى بتغيب يوم بترجع مش بتلحق تقرا اللى فاتها.. ياريت نحاول قدر الإمكان نجمع ردودنا وأسألتنا فى رد أو اتنين.. نسأل فى التجهيزات بس.. مافيش داعى للمشاركات المخالفة.. البنات الجديدة تقرا القوانين..
الأسئلة الخاصة بالعناية بالبشرة لها مكانها. وكذلك الشعر والميكب.. ياريت بس ننظم الموضوع ده عشان الموضوع يكون متنظم أكتر ومانتلخبطش..

banota_helwa;7443526:
السلام عليكم يابنوتات ياقمرات
عاوزة اقولكم ان هبه بتسلم عليكم كلكم وبتقولكم وحشتوها اوى اوى والحمد لله والدتها كويسه الحمد لله وكلها ان شاء الله 10 ايام وترجع البيت باذن الله
وعشان مش اكون مخالفه عاوزة اسالكم بقى الاحسن المكواه السيراميك ولا الاستشوار؟

حسب طبيعة شعرك وانتى بتعرفى تستعملى ايه اكتر..

تووووكي;7445739:


عاوزة اعرف يابنات اللحاف الفايبر الى بيبقي ليه كورنيش ومطرز ده بيتغطي بيه ولا لا

اصلو محسوب عليا لحاف فايبر :(

غير الى التانى الى انا هجيبو

على فكرة انا عندى واحد زى ده وده اللى هتغطى بيه ان شاء الله

yomizo;7445887:
محدش هيعد وراكى اللى تقدري عليه بس هو اللى تجيبيه
كفايه اوى لحاف و2 بطانيه ومفرش شتوى والمفرش بتاع الفرح

(y)(y)

mnne;7445969:
حلوين اوي يايميم بس معندكيش صور لكنب بيتفتح سرير لاني مضطره اشتري واحده مع ان كان نفسي اعمل صوفا مودرن بس يلا في الشقه الجايه هههههههههههههه لما نتجوز في الاولانيه الاول:)

يانسن بيبيعوا الكنب ده جاهز فى حدود 600 أو 700 جنيه

dandona we bas;7448348:
مش عارفة و الله انا فكرت في كده بس مش معقول اخليهم ياخدوا اد كده على سنتر بيس اصلا هما جايبنها بربع جنيه وحشيييييييين اوى فمش عارفة قولولي اعمل ايه افكار للسنتر بيس و بعدين اقدر استفيد بيها بعد الجواز ؟؟؟؟؟؟؟؟؟؟؟؟

بصى انا معاكى ان الحاجات دى شكلها بيبقى حلو خصوصا فى الصور.. بس بجد تكلفة على الفاضى انتى اولى بيها.. الناس ساعتها بتبقى مشغولة فعلا بالفرح وبالعروسة والعريس وبيبقوا فرحانين مش هيقعدوا يبصوا على الترابيزات ويشوفوا نوعية السنتر بيس او اذا كان موجود اصلا ولا لأ.

كيتى كيتى... لو سمحتى كنتى كتبتى اسم مرهم عشان الحبوب اللى جواها شعر. ياريت تكتبيلى اسمه بالانجليزى.. وتقوليلى ينفع للأماكن الحساسة ولا لأ. وشكرًا.

فوائد الخميره للبشره


الخميرة لها فوائد عظيمة للبشرة ، حيث تعتبر من أغنى المصادر الطبيعية بمجموعة فيتامينات "ب"، وكذلك البروتين،
وبها نصيب معقول من الدهون لا يتسبب في زيادة الوزن إذا تم تناولها بنسبة معقولة ومعتدلة.

إليك طرق عمل قناع الخميرة :-

قومي بإذابة ملعقة كبيرة من الخميرة سواء كانت طازجة أو مجففة في فنجان ماء .
اخلطي المزيج جيدا حتى يصبح قوامه غليظا .
قومي بتغطية بشرة وجهك بالخليط ثم اتركيه لمدة 15 دقيقة.
لا تقلقي إذا لاحظت جفاف الخميرة فوق بشرة الجلد
لأن ذلك يساعد على التخلص من ذرات الأتربة ثم اغسلي وجهك بالماء الدافئ .

أما إذا كانت بشرتك دهنية :-

امزجي زلال البيض مع ملعقة من الخل و أخرى من الخميرة البيرة مع ماء الورد .

كما ان تناول 3 ملاعق من الخميرة على كوب من اللبن يوميًّا يعتبر سرًّا من أسرار جمالك

منقوول

--------------------------

يعني يا بنات حتى و لا اجيب شوية ورد صغيرين حتى لو صناعي احطهم سنتر بيس ؟؟؟؟؟؟؟؟؟؟؟

بنات هوا لو انا فرحي ان شاء الله هيبقى في شهر 7 لازم احجز من امته عشان الاقي اليوم اللي عايزاه و مضطرش اعمل في وقت تاني لأنه مش هينفع خالص

ازيكم يا بنات انا طبعا مش ملاحقه على اى حاجة من الى بتتكتب بس عموما مبروك الجزء الجديد وثانيا بقى الى عاوزة تجيب دهب تنزل اليومين دول الاسعار معقوله وكمان اللزواق حلوة وعاوزة اقلكم كمان خلو بالكم من شمس اليومين دول انا جالى منها حساسيه فى وشى ومدمرة واى استفسار عن اسعار الذهب انا لسه جايبه امبارح وبقيت خبرة هههههههههههههه

دندونه وبس
بصي فعلا زي مابيبو قالتلك الناس بتتفرج على الحاجات دى اول متدخل القاعه وبتبان في الشريط
بس بعد كده ببتتلهي فيكم

وكمان بيخرجوا يتكلموا وماحدش بيعجبه العجب
ياروحى انا في فرحى عملت سنتر بيز وجبت اطباق حطيت على كل ترابيزة 2-3 طبق فيه مكسرات مشكله
فستق وكاجو ولوز مقشر وكلفنى مكسرات بس حوالى 700 او 800 جنيه
وحياتك قبل ماادخل القاعه كان كل ده خلصن
الناس بتعد تاكل وتقزقز وتنسى ده غير اللى بياخد من الطبق ده حبه لعياله ولا ياخد من ترابيزة غيره
كلها شكليات اكيد كنا اولى احنا بالفلوس دى بس اهى بقى تحكيم الدماغ بتوع الكبار بيبقى دمه تقيل ومش ينفع فيه اى تعديل

يعنى انا بقولك انك تعملى حاجه رقيقه يابلاش منها
في واحده اعرفها اجرت سنتر بيز لفرحها من ويدنج بلانر وبعدين رجعتهم
يعنى هى هى الفكره بتاعات القاعات

واعرف واحد تانى بيعمل سنتر بيز باشكال جديده وبيعمل كمان كروت افراح واسعاره لحد ما ظريفه لو تحبي اوريكى شغله
اسعاره السنتر بيز ب 25-30 حاجه كده
والكروت الفرح بيعملها بالورق والخشب والاسامى بتتحفر على الخشسب ويتدخل فيها خامات تانيه بيبقى حجم الخشبه في حجم الكارت الكبير بتع الدعوة وسعره 4 جنيه للواحده
وفي حاجات تانيه بيعملها على شمع وبيكتب الاسم بردعه عليه وتغليفته حلوة اوى بس دى غاليه الواحده بتبقى ب 15-17 جنيه تقريبا يعنى خراب ديار

استنى هاجيبلك الصور اللى عندى لحد دلوقتى
وبعد كده ابقى اجيبلك الصور التانيه لما اروح عند ماما عشان حاجتى كلها هناك

dandona we bas;7448911:
بنات هوا لو انا فرحي ان شاء الله هيبقى في شهر 7 لازم احجز من امته عشان الاقي اليوم اللي عايزاه و مضطرش اعمل في وقت تاني لأنه مش هينفع خالص

تبداى في شهر فبراير ان شاء الله ( يعنى 2 )
عشان تحجزى في اليوم اللى انت عاوزاه مش في اليوم اللى يكون مفروض عليكى لان مافيش غيره

السلام عليكم ورحمة الله وبركاته
شكرا لحبيباتى الى ردوا عليا انا لما سألت عن الميكب كنت عايزة اعرف اجيب ماركة ايه ومنين وبكام انتوا ردتيتوا منين لكن ماركة ايه وبكام لا ؟؟؟؟؟؟؟؟؟
ثانيا:: كنت عايزة اعرف حببتى الى حتعمل ليزر هى فى اليكس ولا كايرو وعايزة اعرف الاسعار وهل حرام انى اعمل ليزر فى المنطقة الحساسة انا سألت دكتورة نساء قالتلى مافيش منه خطر صحيا بس عايزة اعرف حرام ولا لا ؟؟
ثالثا :: حبيباتى الى بتعمل حماما مغربى بتعملة فى البيت ولا عند الكوافير وبيتعمل قبل السويت ولا بعده
وشكرا ليكم وياريت ماكنش ازعجتكم بكثرة اسألتى

دندونا وبس حبيبتى لو حبه تعملى السنتر بييس وهتكون تكلفته معقوله ومش مرهقه بالنسبه ليكى استغنى عن الدعاوى انا عملت كدة فى خطوبتى والناس اخدت السنتر معاها وهيا ماشيه وكان زكرى حلوة عندهم فى البيت من خطوبتى والى مش هياخدة انتى اعمليه ركنه حلوة فى بيتك ووزعيه على حبايبك للذكرى بس ما تبالغيش فى الاسعار ولو عاوزة فكره اقولك

yomizo;7448924:
دندونه وبس
بصي فعلا زي مابيبو قالتلك الناس بتتفرج على الحاجات دى اول متدخل القاعه وبتبان في الشريط
بس بعد كده ببتتلهي فيكم

وكمان بيخرجوا يتكلموا وماحدش بيعجبه العجب
ياروحى انا في فرحى عملت سنتر بيز وجبت اطباق حطيت على كل ترابيزة 2-3 طبق فيه مكسرات مشكله
فستق وكاجو ولوز مقشر وكلفنى مكسرات بس حوالى 700 او 800 جنيه
وحياتك قبل ماادخل القاعه كان كل ده خلصن
الناس بتعد تاكل وتقزقز وتنسى ده غير اللى بياخد من الطبق ده حبه لعياله ولا ياخد من ترابيزة غيره
كلها شكليات اكيد كنا اولى احنا بالفلوس دى بس اهى بقى تحكيم الدماغ بتوع الكبار بيبقى دمه تقيل ومش ينفع فيه اى تعديل

يعنى انا بقولك انك تعملى حاجه رقيقه يابلاش منها
في واحده اعرفها اجرت سنتر بيز لفرحها من ويدنج بلانر وبعدين رجعتهم
يعنى هى هى الفكره بتاعات القاعات

واعرف واحد تانى بيعمل سنتر بيز باشكال جديده وبيعمل كمان كروت افراح واسعاره لحد ما ظريفه لو تحبي اوريكى شغله
اسعاره السنتر بيز ب 25-30 حاجه كده
والكروت الفرح بيعملها بالورق والخشب والاسامى بتتحفر على الخشسب ويتدخل فيها خامات تانيه بيبقى حجم الخشبه في حجم الكارت الكبير بتع الدعوة وسعره 4 جنيه للواحده
وفي حاجات تانيه بيعملها على شمع وبيكتب الاسم بردعه عليه وتغليفته حلوة اوى بس دى غاليه الواحده بتبقى ب 15-17 جنيه تقريبا يعنى خراب ديار

استنى هاجيبلك الصور اللى عندى لحد دلوقتى
وبعد كده ابقى اجيبلك الصور التانيه لما اروح عند ماما عشان حاجتى كلها هناك

بصي يا قمر تسلمي اول حاجة على ردك عليا يا قمر القمرات طيب يعني أأجر احسن بس سعر الايجار هيبقى اغلى من سعر الشراء بكتير اوى و بردو في الآخر هيبقى كله في الأرض و تاني حاجة ياريت بردو تحطيلي الشغل بتاع السنتر بيس او الناس اللي بتأجر سنتر بيس بس يكون سعرها هلى حد ما معقول فاهماني لأنها في الآخر هتترمي بس عشان يبقى شكل الفرح حلو و انا المكسرات و الحجات دي مخطرتش على بالي خالص و الله بس ممكن اعرض الفكرة عندي و اشوف مدى القبول

صباح الخيرات
بالنسبه لاحلى ماركات المكياج
مسكره بورجوا & لانكوم
كريم اساس فور ايفر -- بودره لانكوم
كونسيلر ماكس فاكتور
روج بقى الالوان اللى تحبيها من اى ماركه
الحاجات دى انا بستخدمها دايما لانها طبيعيه وبتدى اشراق للوجه

بنات فى ماركة لانجيرى اسمها olivia lance انا جبت منها مرة واحدة من محل جويا وحاجتها حلوة بس مش عارفه بتتباع فين ممكن الى تعرف تقولى
كمان عاوزة اطمن على مامت هبه وعلى حملة هم الدعاء يا رب يفك كرب الجمييييييييييييييييع

dandona we bas;7448911:
بنات هوا لو انا فرحي ان شاء الله هيبقى في شهر 7 لازم احجز من امته عشان الاقي اليوم اللي عايزاه و مضطرش اعمل في وقت تاني لأنه مش هينفع خالص

احجزى فى يناير او فبراير.

انا رحت احجز فى شهر مارس مالقتش خاااااااااااااااااااااااااااااااااااااااااالص واضطريت أأجل فرحى :ss:


ردًا على المشاركة اللى تحتى دى :D
لو عايزين تلمعوا الدهب حطوه فى مياه دافيه وعليها صابون سايل وادعكوه بفرشة سنان قديمة..

استفسارات ركن الميكب:
http://www.3roos.com/forums/t385741.html

استفسارات ركن العناية بالشعر:
http://www.3roos.com/forums/t389865.html

استفسارات العناية بالبشرة والجسم:
http://www.3roos.com/forums/t374558.html

بنات امبارح وانا فى محل الذهب اكتشفت حاجه غريبة الراجل بيامع الذهب الاصفر بقماشه قطن وجلانس ولو فى شغل بفرشه سنان وبيرجع يلمع وطبعا فى صياغ احيانا بيبعوه على انه جديد فيارييت تخدوا بالكم وتلمعوا ذهبكم فى البيت زييهم

yomizo;7448936:
تبداى في شهر فبراير ان شاء الله ( يعنى 2 )
عشان تحجزى في اليوم اللى انت عاوزاه مش في اليوم اللى يكون مفروض عليكى لان مافيش غيره

طيب اصلي انا ناوية انزل كام يوم كده في الخباثة بسرعة عشان احجز القاعة و اظبط الفستان موضوع الكمام بس مش عارفة هلحق و لا لأ فكنت قالية انى هنزل على شهر 1 عشان احجز براحتي اوي فمش عارفة ياريت حد ينصحني و يقولي اعمل ايه الفستان بتاعي زي اللى كانت حاطاه حبيبة بس الكمام طبعا الباقي مختلف و انا مش عاجباني الكمام دي و عايزة اعمله تول تقيل فاهميني فهل ده ميتعملش في حدود 3 او 4 ايام لأني انا بشتغل و مش هقدر انزل مصر قبل كده انا اصلا في الكويت و يدوب هيبقى الجواز على شهر 7 ان شاء الله و ادامي شهر بس اعمل فيه الفرح و اظبط نفسي و الحاجات دي فطبعا لا يمكن الحق اعمل الفستان و اظبطه قبل الفرح عشان مش عايزة ابقى مضغوطة و متوترة عايزة تبقى جاهزة و يدوب انزل على الفرح اروح للكوافير و اقضي شهر عسل و ارجع هنا تاني

m@hy;7443018:
ليكااااااا ياقمر وحشانى والله
سئلت عليكى كتير فى الاعداد اللى فاتت

بثى يا جميل كنت عاوزة اسئل على مقاسات اللبس فى فيكتوريا سيكرت انا اخترت المقاس L
هيكون فعلا نفس مقاس اللارج فى مصر ولا اية ضرررررررورى بالله عليكى تردى عليا
وانا اقصد تحديد الترنجات و البيجامات و التيشرتات:D

لألألألألألألألألأ أوعى:eek: مقاس اللارج عندهم كبير جدا يعنى تجيبى ميديم هيبقى مرحرح شويه أو ممكن كمان سمول ده لو فى البيجامات أنا كنت جايبه واحده لارج بعيد عنك:ss:هستخدم الجزء اللى فوق بس نيت شيرت :)(f)

يابنات ياعسولات ياريت تردوا عليا

انشاء الله ناوية اشترى غسالة اتوماتيك النهارده اوبكرة با الكتير

وشفت غسالة كاندى فى التوحيد والنور وعجبتنى جدااااااااا

وسعرها3080 جم حد فيكم سمع عنها

زهراء مكة;7449135:
يابنات ياعسولات ياريت تردوا عليا

انشاء الله ناوية اشترى غسالة اتوماتيك النهارده اوبكرة با الكتير

وشفت غسالة كاندى فى التوحيد والنور وعجبتنى جدااااااااا

وسعرها3080 جم حد فيكم سمع عنها

السلام عليكم انا بصراحه مسمعتش عنها لكن انا جايبه زانوسي اكواتك ال18 ماشاء الله عليها حلوة جدا

دندونه وبس

دى الشمعه اللى تنفع سنتر بيز وتتاخد بعد مايروحوا بس ساعتها انت هتوزعي كل عيله على ترابيزة او تحطى باسم كل عيله واحده على التاربيزة او تبقى دعوة فرح عاديه بما انها مكتوب عليها اسامى العروسين ومكان ووقت الفرح

وسعرها 17 او 15 تقريبا


وده كارت عادى بتاع دعوة ب4



وده مدخل باب القاعه والقلب اللى على يمين الصفحه من تحت كاتب عليه اسامى العروسين



يعمل كوش كمان دى كانت خطوبه



والسنتر بيز اللى ب 30


وبيزوق عربيات دى ب 200 جنيه



ودى سعرها 350









للتفاصيل راسلونى على الخاص