تجهيزات عرايس مصر الجزء 102 يارب تمملنا بخير يارب

يعنى الحمام المغربى ملوش اى اضرار من استعماله المتكرر ولابيزيد من الجلد الميت اجوكم افيدونى

انا سمعت ان قص الرموش كويس اوى علشان بيتقلها ويطولها هل ده صحيح لو حد جربها بجد يقولى الكلام ده صح

انا كنت بفكر يابنات بدل محط فى دلاب النيش طقم الصينى احط بداله تحف وانتيكات ايه رايكم

بنات لو سمحتم حد شاف مفارش سفره كروشيه واسعارها بتكون كام

(رقة مشاعر);7444856:
بنات انا فرحى يوم الجمعة وحاسة انى خايفة ومرعوبة وعاوزة اعيط بس مش قادرة اعيط كان دموعة متحجرة فعنيا
انا مرعوووبة ومتوترة ومش بنام يمكن حاسة كدة عشان انا بنت وحيدة وماما مش معاها غيرى هى صعبانة عليا اوى عشان هسيبها وامشى وكمان انا متجوزة فبلد تانية مش عارفة انا حاسة بشعور غريب مش قادرة اترجمه لكلام اعمل ايه عشان اخرج من اللى انا فيه دا

بصى يا بنت يا عروسة انتى ..:shy:

اولا: لولولولوولولىىىىىىىىىىىىىىى :wavetowel2::sm240:

ثانيا :
قومى يا حبيبتى شغلى اغانى افراح و ارقصى و هيصى :21_112:

و مش تفكرى غير فى انك عروسة و بس و قولى لنفسك انا حبقى مبسوطة ان شاء الله مهما حصل.. :bleh::dd:

و اول ما تحسى انك مدايقة .. اعملى كده هو:21_214:

و استعيزى بالله كده .. و ده شيطان عاوز يزعلك ، اقرى قرأن عشان ربنا يحميكى ان شاء الله :sa23:

و على فكرة برده ممكن تكون لخبطة هرمونات من التوتر .. كلى شيكولاتة لو مش عندك حساسية:21_133::essen:
و حاجة كمان افتكرى ان دى من احلى اوقات حياتك و مش حتكرر تانى .. انتى عرووووووووسة :poster_baaa::yahoo:
فمش تضيعى فرحتك بأفكار هبلة :21_186:
مش صح كدة يا بنات ولا ايه:wink:

ربنا يسعدك و يفرحك يا رب

و قولولى يا بنات على دكتورة جلدية شاطرة فى القاهرة .. عشان ازالة الشعر بالليزر .. بليييييييييييييز

dandona we bas;7437940:















إيه رأيكو في البيجامات الحلوة دي ؟؟؟؟؟؟؟؟

جميلة زيك يا قمر

RONA_M;7439272:
السلام عليكم ورحمة الله وبركاته

ازيكم يا بنات وحشتونى

شفت كذا بنت من اسكندريه بيسألوا عن اماكن المفروشات

فى المنشيه فى الزنقه مفارش سورى كتير جدا وكل الاشكال بس زنقة القماش مش زنقة التوك والميكب هما الاتنين مدخلهم جنب بعض
وعندك شارع لاجيتيه فى الابراهيميه فيه كذا محل بس اضمن حاجه هى بجد المنشيه انا جايبه مفارش السرير والسفرة والبطاطين كلها من هناك من الزنقه

كمان فى لو انتى عايزة حلل او طقم الصينى والكاسات عندك سوق الجمله اللى ورا المحكمه عند مطعم الجمهوريه بتاخدى من هناك الحاجات بسعر الجمله فعلا وعندهم اطقم المعالق

كمان فى محل فى جرين بلازا عنده الحلل التركى بكل اشكالها ده توكيل اصلا ومش موجود غير فى اسكندريه المحل اسمه LUKY SUN وماركة الحلل بتاعته اسمها KORKMAZوكمان عنده بلاستيكات تركى تحفه ومش غاليه انا جايبه كل البلاستيكات والحلل الاستانلس من عنده والبراد والكنك والمحل ده فى الدور الارضى جنب مكتبه اسمها ريد اند ريت

كان فى بنت برضه بتسال عن اماكن للبس البيت فى اسكندريه

بصى اول حاجه فى سنتر الشيخ فى المنشيه قبل ما تدخلى شارع فرنسا كده على يمينك بتدخليله فى حاره ضيقه قوى لو رحتى هناك وسألتى هيقولولك بصى سنتر الشيخ ده يبيع منتجات زيكو تكس وارابيلا وكذا شركة وبيبيع بسعر الجمله وسعر المصنع يعنى اصلا الناس اللى عندهم محلات بيروحخوا يشتروا من عنده يعغنى ممكن تجيبى من عنده البيجامه ب 30 تلاقيها بره فى اى محل ب 50 لانه بيبيع للتجار اصلا ده انا جيبه منه حاجات كتير

فى بقه حاجات بس بتبقى غاليه شويه برضه جيبى منها حاجه ولا اتنين ودى موجوده فى توتكس فى سموحة قدام نادى سموحه
وكمان محل اسمه حبيبه موجود فى جرين بلازا جنب كوين بتاع الشنط والمحل ده كمان موجود فى ديب مول فى رشدى

فى محل تانى موجود فى شارع لاجيتيه بس مش فاكرة اسمه كنت جبت من عنده بيجامات شتوى وروب شتوى

وفى محل اسمه المحروسه فى شارع خليل حماده برضه تحفه

وفى محل اسمه A2Zفى جرين بلازا برضه

لو عايزة بقه محلات بواقى تصدير برضه بيبقى عندهم حاجات تحفه عندك القلعه الاسلاميه فى سموحه قدام نادى سموحه علطول عند سوق الكمبيوتر وفى محل تانى قدامه اسمه كروكو وكروكو ده كذا فرع ليه فرع تانى فى لوران شارع شعراوى

وعندك فى فلمنج محل اسمه فلامنجو تقريبا على الترام

وفيه محل فى ميدان الساعه بتاعة فيكتوريا اسمه مكيوى وده برضه ليه فرع تانى فى المنشيه

وكان برضه فيه بنت بتسال على منين تشترى الميكب

لو عايزة ميكب اصلى انا كنت بجيب من محل اسمه الزكى فى جرن بلازا جنب الهيلتون فى الدور الارضى

وعندك محل اسمه فؤاد فى لوران شارع شعراوى اسمه فؤاد اللى تحت كوافير كارفن عند الوطنيه مول

لو عايزة ميكب عادى كده يبقى الزنقه بتاعة الميكب فى المنشيه مليانه

وحاولوا تروحوا فتح الله ماركت وروحوا كل الفروع لان بيبقى عندهم حاجات مختلفه فى الادوات المنزليه وبيبقى ارخص من اى حد تانى

واحسن فرع لفتح الله فى الادوات المنزليه هو فرع سموحه اللى جنب مول زهران
وفرع المنتزة برضه تحفه

طولت عليكم معلش بس انا جمعت كل الاسئله

شكرا يا رونا يا قمر على المعلومات الحلوة دي بس كنت عايزة اسالك عن فتح الله الي في سموحة انا معرفش غير الي قبل جرين بلازا لكن الي جنب زهران مول انا اعرف انه زهران ماركت بس لو في هناك برده فتح الله قوليلي فين

kasndra;7439327:
الكونسول ملوش دعوة بالكومود ده مختلف خالص بيكون بمراية وبيتحط في الاستقبال وانتي داخله من باب البيت بسسسسسسسسسس مالوش استخدامات اخرى اكيد تقصد حاجة تانية بس انا مش عارفه قصدها بردة بس هو اكيد مش الكونسول يا عسل وعلى فكرة عادي تحطي تلفزيون في الصالون بس اعمليها بطريقة شيك يعني الترابيزة تكون فيها شغل من من الصالون او لونة كدة يعنى

شكرا يا قمر يا ردك

صوت العيون;7439419:
بوسى الى اقصده هو زى دا ونفس فكرته

جزاكي الله خير يا مورو

kasndra;7439587:
اسمه بهي يا جماعه بوضع شدده علي الياء وده بيتحط في المدخل والارجح في الفيلات او لو مساحه الشقه واسعه يعني المدخل يستوعب في الصالون نوووو مشفتهاش قبل كده في الصالون نجيب ترابيزة مدهبة اوكي وعليها ديكور شيك ورد او فازة كريستال

بصي هو فعلا هيبقى في المدخل عشان الصالون جنب الباب بس انا اصلا مش بسال على البايوه انا بسال على حاجة شيك يتحط عليها التليفزيون يعني التليفزيون الاساس مش البايو

سارة المزعورة;7439939:
ههههههههههههههههههه
لا خير خير :ss:
تعرفى كلام مشجع لبداية مشجعة
ودى بنعملها لنفسنا :rolleyes:ولا اية ولا نجيب حد يعملها

انا عايزة حد يعملها
انا اصلا ايدى بتترعش وبعرفش اعمل ملقاط لنفسى :(:eek:
يبقى هاعمل البتاعة دة ازاى :confused:
انصحونى اعمل اية ؟.

حرام يا سارة جربي انتي بنفسك

شهيدة;7440479:

لا مينفعش هتبقى شكلها مش اد كده وهتقلل من قيمة الصالون
انتى لو معاكى امكانيات هاتى الساعه اللي بتبقى واقفه بتدى شياكة فظيعه
وممكن تحطى ترابيزة كبيرة شيك وعليبها مفرش حلو وتحطى عليها انتيكات وممكن لو المكان بيفصل بين الصالون والسفرة او الصالون وانتريه تحطى بايوة

يا قمر انا بفكر في فكرة للتليفزيون و تكون شيك مش اي ديكور و خلاص

ساره افندي;7441881:
Cranberry Shimmer Lotion
لوشن التوت البري الملمع للجسم



جديد !

خفيف ، كريمي ، تمتصه البشرة بسهولة فهو مرطب لجميع أنحاء الجسم
يعمل على تكيف ونعومة وتناغم البشرة وستحصلين في النهاية
على بشرة معطرة ولامعة

كيفية الاستخدام :

ضعي اللوشن في يديك ثم ادهني به الجسم
استعمليه في أغلب الأوقات أو كلما احتجت إلى ذلك

نصائح أخرى :

استعملي المنتجات الأخرى الرائعة من التوت البري

Vanilla Spice Shimmer Lotion
لوشن توابل الفانيلا الملمع للجسم



جديد !

خفيف ، كريمي ، تمتصه البشرة بسهولة فهو مرطب لجميع أنحاء الجسم
يعمل على تكيف ونعومة وتناغم البشرة وستحصلين في النهاية
على بشرة معطرة ولامعة

كيفية الاستخدام :

ضعي اللوشن في يديك ثم ادهني به الجسم
استعمليه في أغلب الأوقات أو كلما احتجت إلى ذلك
انا جربت التاني جميل وملمع

جبتيه منين يا قمر و بكام؟ السؤال المعتاد :D:D

lola_law2000;7446641:
يعنى الحمام المغربى ملوش اى اضرار من استعماله المتكرر ولابيزيد من الجلد الميت اجوكم افيدونى

هو المفروض مره او مرتين فى الشهر يا جميله

lola_law2000;7446657:
انا سمعت ان قص الرموش كويس اوى علشان بيتقلها ويطولها هل ده صحيح لو حد جربها بجد يقولى الكلام ده صح

لا غلط ولا بيطول ولا حاجه

lola_law2000;7446662:
انا كنت بفكر يابنات بدل محط فى دلاب النيش طقم الصينى احط بداله تحف وانتيكات ايه رايكم

محدش هيوافقك على كدا الكلام دا ممكن تعمليه فى دولاب فضيه

اومال الصينى والكاسات والكلام دا هتحطيه فين

لحن قلبي;7446538:
صوووووووووووووووووووووت العيون

دي شكل الليفه بتاعت الحمام ولو حبيتى تجيبي التخينه احسن المهم تكون خشنهه عشان تفرك الجسم قوى


بصوا يبنات انا جبت ديتول الاخضر دا جل مطهر وومضاد للبكتريا بجد بيدي نضافه ونعومه وحسيت انه بيضنى
ومبيديش عارفين ريحت العرق مثلا لو حطيتى برفان وخرجتى او مزيل عرق لا بتحسي كدا بنضافه جمده قوى وكمان ايام البريود بتحسي اكتر انه مش بيطلع ريحه مهما عملتى لو دومتى عليه
ودي صورته


نصيحه لكل البنات من الدكتور ليكم
البنات اللي مش بتنشف كويس بعد الاستحمام جسمها بيسود ويغمق

الحمام المغربي حلو قوى انا بعمله كل ما باخد شور وهو زي الفل ولا بيحمل اي شيئ نهائي دا بالعكس وهو من زنقة الستات عند الحج ماضى في اسكندريه
المايه السخنه بتجدد وتنشط الجسم وتفتح المسام

عندي سؤال يارب تسعدونى فيه
هو ينفع طربيزه الصالون احط عليها مثلا كرستالات شيك بس مشكتير حجات كده بسيطه وشيك بجانب بنبونيره كدا كرستال وغطاها مدهب شيك يعنى
اصل مش عاوزه احط ورد وفزات وكلام من دا
ولا احط فازه ومعاها بنبونيره كدا الاتنين عاج وملونين برده شيك
ايه رئيكم
الف شكر ليكي ياشهيده ويارب ماتحرم منك ابدا على تعديل الصور

جزاك الله خير

ديتول دا بكام يا جميله وهو امن للجسم مفيهوش اضرار يعنى

وبالنسبه لافكارك حلو بس تربيزة الصالون المعتاد ليها فازة و طفايه وكدا وممكن بونبونيرة وانتى بقا حطى فى الفازة لو شفافه كريستالات وبعدين الورد كدا يعنى

تووووكي;7446087:
حبيبتى انا مش عارفه الاسعار الى بتتقال دي كبيرة اوى انا حتى مش هبقي كدهرغم انى هعمل عمولة

يعني اقولك ع حاجه انا هعمل النوم والسفره مودرن بس مش هعمل بوفيه وعاملين حسابنا للاتنين 15 الف يوم ما تتمعظم 16

وحاجتى هيشرف عليها بنفسو ( خطيبي ) لان الراجل جنبو زى منا قولت وحاجتو مضمونة وبسم الله ماشاء الله كل ما بروح اشوف الشقه بشوفو شغال فشغل تانى خالص ستيل ومودرن

مش من طموحاتى اجيب اوضة نوم بحاجه وعشرين

وانا لسه في حجات تانيه محتجاها وزى ما بتقولى الفلوس بتتصرف لازم استثمرها فحاجه

عشان كده بقولو متترددش اى قرش معاك تصرفو فالشقه لانو ده الى هيبانلك

حبيبتى بالمعقول هتجيبي كل حاجتك وهتطلع حلوة اوى ومش هتعدي ال 50 وال 10 الباقيين هاتيلك بيهم حجات ليكي يا ستى :D

جزاك الله خير


(y) (i) (y)

عروسه عريسى;7441533:
يااااااااااااااااااارب عقبالنا ياااااااااارب هو فرحك امتى ياصوت؟


انا سمعت ان شنطه الملاعق بنجبوها اللى هى مش بتتشد للمغناطيس تبقى كده كويس اما اللى بتنجذب للمغناطيس دى وحشه بجد الكلام ده يابنات؟

أيوة لأن اللي مش بتتشد ده معناه انها استينليس كويس
اللي بتتشد ده معناه ان نسبة الحديد فيها عالية وهتصدي

صوت العيون;7441622:
لسه مش حدت يا جميله ربنا يسهل

في اماكن بيع البيجامات الستان الرجالى وسعرها كام

من عوف والأسعار من 250 تقريباً وأغلى على حسب شكلها وخامتها وعدد القطع وبتاع

rozarita;7441638:
يا جماعة حيرتونى معاكو انا اجيب لخطيبى اية هو ما بيدبش الستان وانا متاكدة انى لو جبتها مش ها تعجبة بفكر اجيب لة ترننج اديداس او نايك حاجة كدة شيك وتنفع ينزل بيها واكيد وممكن اجيبلة برفان حلو وكفاية كدة اية رائيكو ولا ها يقول علية بخيلة واللة انا مش عارفة وهو ينفع يكون معايا اصل انا بصراحة معرفش مقاسة ولا ها يكون شكلها مش جلو ؟؟؟؟؟؟؟

بيجامة ليلة الدخلة غير الكلام ده كله

لأن الليلة دي مختلفة

لحن حزين;7445365:
دا شكل الليفه المغربيه
وهيا بتبقى خشنه شويه تحسى انك لو عملتى بيها هتجرحك بس متخافيش لما بتتبل بتبقى ناعمه على الجسم خالص

جزاك الله خير يا جميله

asmaa2003;7445400:
kasndra صوت العيون


ميرسى على ردكم ياقمرات اصلى كنت بحسب لازم اجيب البونبونية الكريستال كمان

لا عادى ممكن تحجيبى وممكن لا براحتك بس طلاما هتجيبى واحده يبقا كفايه للصالون

ولو فى انتريه هاتى واحده بقا كريستال عاديه وربنا يتمملك بخير ان شاء الله

لحن حزين;7445403:
رقه مشاعر الف مبروك يا قمر
بارك الله لكما وبارك عليكما وجمع بينكما فى خير
افرحى يا حبيبتى وعيشى اللحظه كدا واتهنى اليوم دا مش هيتكرر تانى
وان شاء الله ربنا يتمم ليكى على خير وتبقى زى القمر يوم الجمعه

اجيب كام صنيه تقديم يابنات وهل فى انواع معينه ؟؟؟؟؟؟

هو بيبقا طقم مكون من 3 مقاسات يا جميله

صوت العيون;7441800:
فين محل عوف دا يا ليكه واخبارك ايه يا جميله وايه الغيبه دى

فيه في وسط البلد مش فاكرة عنوانه فين بالضبط ... وفيه في الجراند مول في المعادي ... وفيه غيرهم أكيد بس دول اللي اعرفهم

صوت العيون;7441907:
صنع ايه دا وبيتباع فين وبكام يا جميله

ده بتاع the bodyshop ذي بودي شوب ... في القاهرة موجود في سيتي ستارز وحاجته تعتبر غالية بس أنا مش عارفة أسعاره بالضبط اللي راح لهم يقول لنا على تفاصيل الأسعار

mnne;7441991:
بودي شوب في سيتي ستارز وسيتي سنتر كارفور المعادي
وميرسي خالص ياقمر
هوه المفروض نجيب احذيه وشنط اد ايه

على حسب هدومك واحتياجك

شوفي هتجيبي كام طقم والألوان وشوفي الحاجات اللي عندك بالفعل وشبه جديدة وكملي اللي ناقصك

ميرسى يا بنات اللى ردوا عليا ....

يميم... يااااااااااااه.. ده كده ماليزيا غالية أوى عن تركيا !!!!!!!!! ماكنتش متخيلاها كده ؟؟؟ طيب انتى متأكدة من ده فعلا ؟؟؟ يعنى انتى طلعتيها قريب أو حد تعرفيه راحها قريب ؟؟؟


توووكى ... :) لأأطبعا مش احنا اللى هانجهز لوحدنا ولا حاجة.....هههههههههههههههههه .... مش للدرجادى يعنى أهلى بايعنى أوى كدة ... ايه يا بنتى البنات لسه مارخصوش أوى كده الحمد لله :) أحنا طبعا متفقين نجيب كل حاجة بالنص فى الخشب والتنجيد والسجاد والستاير أه والنجف ( أهو ده نسيت أسألكوا عليه ) هو طبعا عليه الشوقة بتشطيبها وعليه الأجهزة الكهربية كمان.. واحنا علينا الحاجات الرفيعة _ اللى هى معرفش سموها رفيعة ازاى وهى متلتلة :S _ الحاجات بقة اللى انا كاتبه باسأل عنها اللى هى بالنص , العيلتين مش متفقين هاتكون فى حدود كام..فكان الاول أيام الرخاء بقة وعليكوا خير بابا كان بيقول هانحطلك مباغ كذا وخطيبك يحط أده..بس دلوقتى المبلغ أتغير :( وقل :( :( خصوصا كمان انى طالعلهم فى انى عايزة أعمل ليزر لازالة الشعر وليزر لازالة وحمة كدة عندى .. وحقن للشعيرات الدموية اللى هى زى الدوالى دى..وووووووووووو... مواويل يعنى زيادة كمان :(

أولا كده يا تووكى.. ميرسى خالص والله يا قمر على ردك المفصل... والله تستاهلى العشرة اللى عايزاهم :)

بس عايزة أعرف حاجة ؟؟ قصدك ايه بركنة دى ؟؟؟ أنا بقول 2 ليفينج يعنى قصدى أه 2 انتريه مودرن..عشان المشكلة انى عندى 3 أوض ريسبشن وصالة توزيع.. فالصالة دى هاحط فيها ان شاء الله ليفينج صغنون كده.. وال 3 أوض الريسبشن واحده صالون وواحدة صفرة وواحدة ليفينج أو انتريه مودرن زى ماتحبوا تسموه...
فأيه بقى قصدك بالركنة دى؟؟ قصدك الصوفا اللى هى بتبقى على شكل حرف L ؟؟؟

وقصدك ايه بحجاتى الشخصية ؟؟؟؟ (يعني تدخلها فحسبة 41 الف وطبعا بتجهيزاتك الشخصيه قولى 45 الف )

أخر سؤال بقه.. حكاية الصالون دى.. انا نفسى محتارة فبها فعلا.. انا مش بحب الفرش الكلاسيك ولا الستايل ده اطلاقا مطلقا... بس حاسه بقى ان الصالون برضة لازم يعنى يبقى الا حد ما شكله رزين شوية مش مطرقع أوى... وحاسة كمان انى لو جبته برضه انتريه مش صالون.. كدة تبقى ايه فرحة النتريهات اللى عندى دى !!! كل الشقة أنتريهات !!! طيب فيه ناس بتعمل كده فعلا ؟؟ يعنى الصالون مش بيبقى صالون بيبقى انتريه ؟؟ D:

هو انتى صحيح الاسعار اللى انتى متكلمة عليها دى جاهز ولا عمولة ؟؟؟

والمطبخ بقى يا ناس ؟؟ الالوميتال أغلى كتير مالخشب؟؟؟ وأسعاره ايه كده ؟؟؟


روزىى .. ميرسى على ردك يا جميل ...بس كده الصفرة غالية عن ماهما حاسبينها :S
ربنا يسهل بقة...

lola_law2000;7446662:
انا كنت بفكر يابنات بدل محط فى دلاب النيش طقم الصينى احط بداله تحف وانتيكات ايه رايكم

اولا: بالنسبه للحمام المغربي مافهوش ضرر دا بالعكس انتى بتشيلي الضرر اللي في جسمك
بيه وبتفتحي مسام جسمك عشان المسام دي برده بتتنفس ودا اللي بيخلي الجلد
يكرمش في الكبر من الاهمال

ثانيا: قص الرموش غلط طبعا واوعي تعمليها واللي قالك المعلمومه دي عاوز يضرك بجد
ولو عاوزه تطولي وتقلي الرموش جيبي من العطار زيت خروع وهاتى فرشه مسكره قديم
واغسليها كويس و حطيها في الزيت واعملي رموشك بيها بس قبل ماتنامي عشان تاخد
فاعليتها ومتخرجيش بيها وتكون اتربه على العين وحافظي على الفرشه من الاتربه
وغسليها كل مده

ثالثا : بصي انا عندي حل وسط خالي الضلفه الاولنيه كسات وكرستالات وحجات وااااو
الضلفه اللي تحتها حطي صقم شاي والقهوه اللي هما واو برده بانك تحطي مثلا الطبق
الكبير بتاع التورته اللي بيجي في الشاي على استاند وحوليه بقى اتنين استاند طبقين صغيرين ورسي الالكوبيات بشكل جمالي كدا
والضلفه اللي تحتها رصي الصينى بشكل وااااااااااو برده وانتى وزوقك بقى ياقمر

يارب اكون افدتك

يه يا دودى كل الرغى دا

بس الى فهمته انى مش فاهمه ايه المشكله عندك بصراحه ههههههههه

بس الركنه الى هى انتريه حرف ال مممممممممممم

وحكايه كل حاجه بالنص دى خلاص بقيت شئ عام سبحان الله

ومعاكى فى حكايه رفايع

دى مش رفايع دى قنابل يلا الحمد لله على كل شئ

بس ايه كل اليزارات الى هتعمليها دى خير فهمينى

وانتى كنتى بتسالى على حاجه وكنت جاوبتك بين صابونه الغار صح

طيب انا سمعت عن وصفه لتتقيل الرموش هى حرق نوى البلح هل الوصفه ديه كويسه حد جربها

اه سمعت عنها برده بس مش جربتها وجربت زيت الخروع

بس بصراحه مفيش افضل ولا احسن من اننا نرحم رموشنا من الماسكرا وهى تشد حيلها ان شاء الله

وبصى فى نوع ماسكرا مفيد ما شاء الله ومش غالى ب 20 جنيه بس مش فاكره اسمه هشوفه واقلكم ويابنات بجد فى قسم للميك اب واستفساراته والبشرة وماسكتها هنا تجهيزات بس والروابط فى اول الموضوع هتلقوها ان شاء الله

شكر ا بجد على كل البيرد عليه وبيسعدنى ممكن اسال عن البنوته المن اسكندريه عن اسعار الالمونيون الفى الجرين بلازا

mnne;7442185:
صوت دي مش حمامات دي تحف :eek:
انا هجيب اتنين شبشب فرو واتنين مطاط وواتنين سابوه مطرز وشبشب جلد كفايا كده للبيت

كفاية ... أهم حاجة يبقوا مريحين وألوانهم تليق على حاجات كتير

صوت العيون;7442472:
دول احلاهم ما شاء الله


بس هو ليله الدخله بنلبس القميص الابيض ولا فى الصباحيه ان شاء الله

ليلة الدخلة

banota_helwa;7443526:
السلام عليكم يابنوتات ياقمرات
عاوزة اقولكم ان هبه بتسلم عليكم كلكم وبتقولكم وحشتوها اوى اوى والحمد لله والدتها كويسه الحمد لله وكلها ان شاء الله 10 ايام وترجع البيت باذن الله
وعشان مش اكون مخالفه عاوزة اسالكم بقى الاحسن المكواه السيراميك ولا الاستشوار؟

الحمد لله إننا اتطمنا عليها
يا ريت تسلمي لنا عليها كتير ويا رب نشوفها قريب :)

mashimaro16;7446263:
باختصار ارد علي دودي
نوم ١٠٠٠٠
سفره ٩٠٠٠
صالون ٧٠٠٠
ليفنج ٥٠٠٠
بس الاسعار دي من غير قماش قولي ٢٥٠٠
ونصيحه اعملي عموله
ماليزيا بنتكلم ف ١٢٠٠٠
تركيا ١٠٠٠
المواني الاربعه انا طلعتها من 6 سنين الفرد ب ٧٠٠٠
:‏) يارب مكونش احبطك

لا معقول والله ...تقريبا بقة انا اللى مهولة الحكايه ولا ايه !! :o
ومليزيا كمان كدة كويس والله الا حد ما.. دى ياميزو خوفتنى قوى لما قالتلى 25 أو 30 ألف ..
بس انتى متأكدة يا ماشايمارو ؟؟؟

16-10-2008
فرح moamana82

ربنا يتمملك بخير ان شاء الله وتبقى عروسه قمر ان شاء الله









الاقى فين باليرينه فضى وبيج حلوين

lola_law2000;7445479:
محدش رد عليه بخصوص احسن نوع للالمونيوم وهل الاهرام كويس واسعارها ايه

حلو جداً يا قمر بس الصراحة مش عارفة أسعار

rozarita;7445496:
بنات انا سعت ان انا لوعملت مرة حمام مغربى يبقى لازم اعمل عالطول علشان الجسم بياخد على كدة والطبقة المخيتة بتكتر ياى ريت اللى بتستعملة من فترة تقولى

الكلام ده غلط
أنا بعمل حمام مغربي كل شهر بس بقالي شهر مش عملته لأني مستنية بعد الولادة
ومش حاسة إن جلدي بقى أوحش أو كده
بس انتي لما بتتعودي على الحمام المغربي وبعديه السويت لما بييجي معادهم ومش بتعمليهم بتحسي إن لونك مش مشرق لأنهم فعلا بيعملوا فرق
بس مفيش طبقات بتكتر ولا حاجة من دي خالص

لحن حزين;7445519:
ايوا انا فعلا حسيت بكده يمكن تختلف من واحده للتانيه
بس بصى ماتعمليهوش مرتين فى الاسبوع زى ماهما بيقولوا لان كتر المياه الحاره على الجسم بترهل الجلد
استعمليه مرتين فى الشهر او 3 مرات بالكتير

يا جماعة الحمام المغربي مرة واحدة في الشهر ... مرتين بالكتير علشان متجرحوش جسمكم
الحمام المغربي ده بيشيل جلد ميت كتييييير أوي .... لازم تستني انه يبقى فيه جلد ميت تاني علشان تشيليه .... يا إما تبقي كده بتجرحي في جسمك وهو ده اللي بيعمل سواد وخشونة

mnne;7445861:
ياريت يايميم كان ينفع اللي بتقوليه ده بس للاسف لازم اجيب اتنين بطانبه مجوز واتنين لحاف فيبر ومفرش الفرح المطرز ومفرش شتوي ومالايقل عن24 فوطه و12 طقم سرير ده غير لو فيه اوضه اضافيه
وطبعا برنسين
وماخفي كان اعظم

ليه كل ده؟

أنا اتجوزت من سنة ... وفي الشتا ... وكنت جايبة بطانيتين فرداني واتنين لحاف فايبر استعملت منهم بطانية ولحاف
المفرش الشتوي الصراحة نفسي أفهم له فايدة ... ممكن تكنسليه

الفوط اللي انتي حاطاها والملايات كتير أوي ... الفوط 12 كفاية ... والملايات 10 كفاية جداً

بالنسبة للبرانس بقى على السيرة أنا جيبتهم واستعملناهم أول الجواز كده لزوم الألاطة يعني ... وبعد ما اتغسلوا اتركنوا وبنستعمل البشاكير

mnne;7445930:
يايميم انا لو عليا مش هجيب غير حاجات علي اد استعمالي الفعلي
بس ماما تقولي لا العروسه بتجيب كده انتي عايزه تضحكي علينا الناس
مثلا جايبه الومنيوم وصاج وتيفال واستيل وطقم حراري سبع قطع تفتكري هستعمل كل ده
انا هحوش منه لاحفادي هههههههههههه:D

حاولي تتكلمي معاها
حرام تكلف نفسها التكاليف دي كلها ويعدين تحتاسي انتي بالحاجة مش عارفة تحطيها فين ... وانتي كده كده بعد سنتين جواز مثلا هتبقي حابة تجيبي حاجات جديدة ... بس انتي بالمنظر ده شكلك هتجهزي أحفادك فعلا :)

lola_law2000;7446657:
انا سمعت ان قص الرموش كويس اوى علشان بيتقلها ويطولها هل ده صحيح لو حد جربها بجد يقولى الكلام ده صح

كان
فيه بنت هنا في المنتدى اتهورت وعملت الفكرة دي (معرفش جابتها منين) ورموشها مش طولت تاني
وكانت عاملة موضوع بتستغيث فيه لو حد يعرف حل لأن رموشها بعد ما قصتها بأسبوعين مش راضية تطول تاني