تجهيزات عرايس مصر الجزء 102 يارب تمملنا بخير يارب

الاميرة رنا;7445859:
متعيطيش:( ان شاء الله كل الي نفسك تعملية هيتعمل وزيادة

كان نفسي ارد برد مناسب بس للاسف ولا اي سؤال عارفة اجابتة:confused:


.....................
انتو موضوع 102 ماشاء الله

:Dاسال بقي
بس الاول اكرام الضيف واجب
يعني الاجابة بقي علي كيفكم(y)

انا عايزة ابدأ اجهز بس عندي مشكلة اني معرفش اي حاجة
يعني حتي الحاجات الي ماما اشتريتها ليا انا شفتها بالصدفة كدة
زي الحلل الفضي الي كل حلة لوحديها في كارتونة:ss:
وحااجات غريبة كدة
المهم ان السنة دي المفروض اختار الحاجات واجيبها ومش عارفة اجيب ايه
انا عندي 20 سنة وكأني 5 سنين لا افقة شي:confused:

بأذن الله خطوبتي تكون في 11
عندي مصيبة(n)مبعرفش اطبخ اقول لحماتي ايةةةةةةةةة
:16:
انا مستنية بقي

اولا نورتينا واهلا بيكي معانا
:)(f)
انتي علشان تبدائ تجهزي شوفي كل الحاجات اللي مامتك جايباها علشان تعرفي انتي محتاجة ايه بالضبط
واللي ناقصك اسالي عليه وربنا يقدرنا ونساعدك بالاماكن والاسعار والتليفونات وكله:wink:
ولو كان علي الطبيخ هاتعرفي متقلقيش دا انتي لسه خطوبه يعني قدامك وقت ولما حماتك تسالك قوليلها انا استاذة في المطبخ(y)
متكسفيناش والنبي من اولها
وفي هنا قسم المطبخ القيطلك سلطه من هنا علي مكرونة من هنا وربنا بيستر متقلقيش
وبعدين ابقي قوليلنا علي يوم خطوبتك علشان نضيفك في اللستة
وبعدين بقي تنهاري وتعترفي بكل التفاصيل :mad:
الفستان والميكب والقاعة وكل حاجة

mnne;7445766:
مش عارفه قصدك بالمودرن ده البومبيه يعني وللا ده ماركه تانيه وضحيلي

لا ماركه اسمها مودرن

banota_helwa;7443526:

وعشان مش اكون مخالفه عاوزة اسالكم بقى الاحسن المكواه السيراميك ولا الاستشوار؟

بصي يا قمر لو انتي محترفه في استخدام السيشوار ومش بتحرئي شعرك بيه زيي خلاص هاتيه عشان انتي متعوده عليه وبتعملي بيه حلو لكن لو مش بتعرفي تستعمليه هاتي المكوا السيراميك احسن وهما بيقولو انها اقل ضرر عالشعر من السيشوار،انا عندي ماركة بيبي ليس حلوة اوي وسهله بس هاتيها قبل جوازك عشان تتدربي عليها قبل ما تتجوزي وايديكي تاخد عليها وتعملي بيها بسرعه،وحتى لو شعرك ناشف اوي او مكسر اوي او مجعد جدا المكوه احسنلك من السيشوار،والماركات بيقولو احسن حاجه بيبي ليس وناس بتمدح في براون بس انا جربت الاتنين وبيبي ليس احلى

لحن حزين;7446049:
لا ماركه اسمها مودرن

لا يالحن مش اعرف مودرن دي نظام اسعارها ايه ولا فين
اتمني البنات يفيدوكي اكتر مني

مِن حملة هم الدعوة;7446052:
بصي يا قمر لو انتي محترفه في استخدام السيشوار ومش بتحرئي شعرك بيه زيي خلاص هاتيه عشان انتي متعوده عليه وبتعملي بيه حلو لكن لو مش بتعرفي تستعمليه هاتي المكوا السيراميك احسن وهما بيقولو انها اقل ضرر عالشعر من السيشوار،انا عندي ماركة بيبي ليس حلوة اوي وسهله بس هاتيها قبل جوازك عشان تتدربي عليها قبل ما تتجوزي وايديكي تاخد عليها وتعملي بيها بسرعه،وحتى لو شعرك ناشف اوي او مكسر اوي او مجعد جدا المكوه احسنلك من السيشوار،والماركات بيقولو احسن حاجه بيبي ليس وناس بتمدح في براون بس انا جربت الاتنين وبيبي ليس احلى

طب انا شعري ناعم ومفرود بس خفيف عايزه حاجه تديله كثافه مش يكون السيشزار احسن وياتري اجيب سيشوار لوحده وللا اجيب اللي ليه فرشاه دواره زي براون كده

حبيبتى انا مش عارفه الاسعار الى بتتقال دي كبيرة اوى انا حتى مش هبقي كدهرغم انى هعمل عمولة

يعني اقولك ع حاجه انا هعمل النوم والسفره مودرن بس مش هعمل بوفيه وعاملين حسابنا للاتنين 15 الف يوم ما تتمعظم 16

وحاجتى هيشرف عليها بنفسو ( خطيبي ) لان الراجل جنبو زى منا قولت وحاجتو مضمونة وبسم الله ماشاء الله كل ما بروح اشوف الشقه بشوفو شغال فشغل تانى خالص ستيل ومودرن

مش من طموحاتى اجيب اوضة نوم بحاجه وعشرين

وانا لسه في حجات تانيه محتجاها وزى ما بتقولى الفلوس بتتصرف لازم استثمرها فحاجه

عشان كده بقولو متترددش اى قرش معاك تصرفو فالشقه لانو ده الى هيبانلك

حبيبتى بالمعقول هتجيبي كل حاجتك وهتطلع حلوة اوى ومش هتعدي ال 50 وال 10 الباقيين هاتيلك بيهم حجات ليكي يا ستى :D

اخر اخبار فحوصات ما قبل الزواج
وانا بدور في اخبار دلوقتي علي النت لقيتلكم الخبر دا
دعوى قضائية ضد وزيرى الصحة والعدل لإلغاء الفحص الاجبارى للراغبين فى الزواج
أقامت المبادرة المصرية للحقوق الشخصية دعوى قضائية أمام مجلس الدولة ضد سياسة إلزام المواطنين والمواطنات الراغيين بالزواج بالخضوع للفحص الطبي الإجباري الشامل كشرط لإتمام توثيق عقد الزواج.
وتضمنت صحيفة الدعوى المقامة ضد وزيري الصحة والعدل عدداً من الدفوع الأولية بشأن مخالفة هذه السياسة الجديدة لعدد من حقوق الإنسان والحريات الأساسية المكفولة بموجب الدستور المصري والقانون الدولي لحقوق الإنسان.
وقال حسام بهجت، مدير المبادرة المصرية للحقوق الشخصية:"بدلاً من تنظيم حملات وبرامج التوعية بفوائد إجراء فحوص طبية دورية، اختارت الحكومة الطريق الأسهل وهو معاملة المواطنين كأطفال لا يعرفون مصلحتهم، وفرضت عليهم الخضوع لفحوص إجبارية تنتهك حقوقهم ولا تحقق الهدف المزعوم لها وهو الحفاظ على الصحة العامة".
وتستند الدعوى إلى مخالفة الفحص الطبي الإجباري للحماية الدستورية المكفولة لكل من الحق في الخصوصية والحق في الحرية الشخصية.
كما دفع المدعون بأن رفض إتمام عقد الزواج ما لم يقدم طرفا العقد شهادة الفحص الطبي يمثل قيداً غير مقبول على الحق في الزواج وتكوين الأسرة.
كما جاء في صحيفة الدعوى أن السياسة الجديدة تعطي الحق للطبيب بأن يقرر إجراء أي فحوصات إضافية على أن يتحمل المواطن كامل تكلفتها دون حصر هذه الفحوصات أو تحديد سعرها، ما يعد إهداراً لمبدأ تكافؤ الفرص.

صحيح ايه حكايه الفحوصات دي يابنات

doddy;7445788:
يا بنااااااات.. انتوا جننتونى بجد !!! :( بتلحقوا تكتبوا كل ده امتى؟؟؟؟ :( :(

المهم..أنا عايزة أسألكوا على حاجة كدة ...بس ضرورى ضرورى الله يخليكوا الكل يجاوبنى ويشاركنى التفكير..أنا هاتجنن..

عايزة أعرف الرانج المتوسط لتجهيز الشقة... يعنى العفش ( اللى هو الخشب ) لو مثلا 6 أوض.. نوم وصفرة و 2 ليفينج وصالون و مطبخ طبعا ( وياريت لو كل حاجة من دول بالتفصيل )... والتنجيد و الستاير والسجاد ... مع العلم انى عايزة كله كله مودرن...جميل؟؟

وكمان لو رحت فى الهنى موون رحلة لماليزيا أو تركيا أو اللى هى رحلة الموانى... لو حد طلع حاجة زى كدة يقوللى برضة هاتتكلف أد ايه.. من كل حاجة سواء تذاكر ولا اقامة وأكل هناك ولا هدايا ومشتروات وفسح وكدة.. اللى طلع يعنى يقوللى التكلفة الجمالية كانت حوالى أد ايه؟؟

بصوا يا حلوين.. الفرش والحاجات دى عايزة رانج فى المعقول...يعنى لا فوق أوى ولا تحت أوى..

:( المشكلة يا بنات وادعولى كده ربنا يرزق اننا كنا حاطين تصور معقول جدا للحاجات .. بس حصلت كام حاجة كدة قللت الفلوس جامد :( ... فكل شوية بابا و ماما يتحفونى بتخيل جديد للميزانية اللى ممكن يقدروا عليها وانا بصراحة خايفة أوى أن اللى بيقولوا عليه ده مايكفيش ولا يقضى خالص الحاجات اللى فى دماغى ونفسى أعملها...

ردوا عليا بقة الله يخليكوا :( ..أحسن هاعيط والله ... عايزة كله يشاركنى كده عشان أعرف فعلا المتوسط بتاع الكل ايه ؟؟؟

بس الله يخليكوا.. رجاءا يعنى...محدش يطلعلى بأسعار فى العالى ...اللى حاسس انه بيتكلم فى حاجات غالية يلتزم الصمت أحسن :( ... مش ناقصة احباط الله يكرمكم...

يللا ردوا عليا بسررررععععععععععة ضرورىىىىىىىىىىىىىىى ...أنا مخنوقة أوى :(

اولا ياجميل تجهيز الشقة بيعتمد ع الحاجات الي بتجيبوها للشقة من ادوات كهربا وسباكة واسقف وديكورات وسيراميك ممكن الحاجات دي تكون غالية او رخيصة حسب ميزانيتكو - اما العفش فأنا زيك عاملة شقتي مودرن اوي وبصراحة المودرن الجاهز خشبه وحش جدا جدا تحسي انه ورق فعشان كده فصلت كل العفش عند نجار كويس اوي واسعاره حلوة يعني مثلا عملي الأنتريه ب 5000 والنوم 11000 والسفرة 14000 تقريبا ولسة هايعمل المطبخ وبيتهيألي ياجميل الصالونات مش بتليق ع المودرن ولا ايه ؟ وانا لسة مابدأتش في الستاير والسجاد - اما بالنسبة للسفر لماليزيا ممكن تتفقي مع شركة سياحم من هنا عشان تحجزي وتعرفي الأسعار - انا برده الميزانية بدأت تخرف معايا خالص:( ربنا يستر ونكمل الجهاز :21_182:

واللة يا بنات انا مش عارفة انا برضة نفسى اجيب انترية مودرن روش كدة يعن ى احمر اورانج فكرت اجيب من ان اند اوت او من استقبال بس خايفة تطلع خشبها وحش وما تستحملش وانا كنت روحت دمياط قبل كدة وما شفتش حاجة مودرن زى اللى انا عاوزها اما بالنسبة لموضوع انى اجيب خشب واعملة وكدة انا بقى مليش فية خالص ولاخطيبى كمان احنا الاتنين كسلانين ونفسنا قصير فلو حد عندة فكرة عن المحلات دى اية نظام الحاجة عندهم بتستحمل ولا لا يا ريت يفيدنى :21_214:

rozyyy;7446147:
اولا ياجميل تجهيز الشقة بيعتمد ع الحاجات الي بتجيبوها للشقة من ادوات كهربا وسباكة واسقف وديكورات وسيراميك ممكن الحاجات دي تكون غالية او رخيصة حسب ميزانيتكو - اما العفش فأنا زيك عاملة شقتي مودرن اوي وبصراحة المودرن الجاهز خشبه وحش جدا جدا تحسي انه ورق فعشان كده فصلت كل العفش عند نجار كويس اوي واسعاره حلوة يعني مثلا عملي الأنتريه ب 5000 والنوم 11000 والسفرة 14000 تقريبا ولسة هايعمل المطبخ وبيتهيألي ياجميل الصالونات مش بتليق ع المودرن ولا ايه ؟ وانا لسة مابدأتش في الستاير والسجاد - اما بالنسبة للسفر لماليزيا ممكن تتفقي مع شركة سياحم من هنا عشان تحجزي وتعرفي الأسعار - انا برده الميزانية بدأت تخرف معايا خالص:( ربنا يستر ونكمل الجهاز :21_182:

ان شاء الله كله هيبه تمام وهنكمل كل حاجه باذن الله
بس انتوا متوتروش نفسكوا زيي كده حاولوا ترتبوا اموركوا علي اد الميزانيه المتاحه ومش تضغطوا نفسكوا فحاجه

ربنا يوفق يا بنات يارب
ميرسي للي رد عليا انا هعمل حصر سريع للي ماما اشترتة ..بس بردو مش هعرف اية الي ناقص

عموما هبقي اكتب هي جابت اية وتقولولي ناقص اية
بالنسبة لمعاد الخطوبة يارب بس بابا ميعقدهاش وهتبقي في اخر شهر11
لو عقدها بقي يبقي في شهر 1
ربنا يستر
الفستان وكدة المفروض احجز امتا لو اخر شهر 11 علما بأنها هتكون في البيت
وانا رفيعة اوي46 او 48 كيلو طول 156.5

الفستان مش عايزة منفوش بس اصحابي بيقولو لازم منفوش علشان يطخني شوية
هجيبة محجبات ومعرفش كوافير حلو في المنصورة حد يعرف
بالمناسبة انا هجيب الفستان من القاهرة

في كوافيرة مش فاكرة اسمها مصرية والبنات بيشكرو فيها بس لو في وحدة حلوة وتيجي هنا وانا ادفع لها زيادة يبقي كويس

ربنا يوفقنا كلنا يابنات يارب

يا جماعه انا عايزة ابندي اجهز قبل ما اتخطب بس مش عارفه اجيب ايه ومنين وايه الانواع والخامات ياريت تفيدوني انا من اسكندريه

باختصار ارد علي دودي
نوم ١٠٠٠٠
سفره ٩٠٠٠
صالون ٧٠٠٠
ليفنج ٥٠٠٠
بس الاسعار دي من غير قماش قولي ٢٥٠٠
ونصيحه اعملي عموله
ماليزيا بنتكلم ف ١٢٠٠٠
تركيا ١٠٠٠
المواني الاربعه انا طلعتها من 6 سنين الفرد ب ٧٠٠٠
:‏) يارب مكونش احبطك

somiamiko;7446243:
يا جماعه انا عايزة ابندي اجهز قبل ما اتخطب بس مش عارفه اجيب ايه ومنين وايه الانواع والخامات ياريت تفيدوني انا من اسكندريه

انا بردو زيك مش عارفة الانواع والخامات
تعالي نبدأ سوا
نجهز ونشوف وادينا بنستفيد ونفيد

سوري الارقام ملغبطه بس انا من الموبايل

مِن حملة هم الدعوة;7446052:
بصي يا قمر لو انتي محترفه في استخدام السيشوار ومش بتحرئي شعرك بيه زيي خلاص هاتيه عشان انتي متعوده عليه وبتعملي بيه حلو لكن لو مش بتعرفي تستعمليه هاتي المكوا السيراميك احسن وهما بيقولو انها اقل ضرر عالشعر من السيشوار،انا عندي ماركة بيبي ليس حلوة اوي وسهله بس هاتيها قبل جوازك عشان تتدربي عليها قبل ما تتجوزي وايديكي تاخد عليها وتعملي بيها بسرعه،وحتى لو شعرك ناشف اوي او مكسر اوي او مجعد جدا المكوه احسنلك من السيشوار،والماركات بيقولو احسن حاجه بيبي ليس وناس بتمدح في براون بس انا جربت الاتنين وبيبي ليس احلى

السلام عليكم والف مليون مبروك لكل العرايس وعقبالك ياقمر(من حملة هم الدعوة )قريب وربنا يفك كربك عاجلا يارب ممكن بس اعرف المكواه السراميك دى سعرها كام والاقيها فين وجزاك الله خيرا

lola_law2000;7445195:
انا عايزه اعرف احسن نوع للالمونيوم وهل الاهرام كويس واسعارهم كام

الاهرام كويس والاحسن منه الدهان وكل ما الالومنيوم كان تقيل يبقى احسن

لحن حزين;7445403:
رقه مشاعر الف مبروك يا قمر
بارك الله لكما وبارك عليكما وجمع بينكما فى خير
افرحى يا حبيبتى وعيشى اللحظه كدا واتهنى اليوم دا مش هيتكرر تانى
وان شاء الله ربنا يتمم ليكى على خير وتبقى زى القمر يوم الجمعه

اجيب كام صنيه تقديم يابنات وهل فى انواع معينه ؟؟؟؟؟؟

في استنلس وفي صوانى اوكسديه وفي فضه
انا بصراحه خفت اجيب الفضه يبقى فيها شك
المهم هاتى 2 استنلس او 3
و2 اوكسديه حلو اوى
وممكن تجيبي واحدة ميلامين كبيرة كده للعشا

doddy;7445788:
يا بنااااااات.. انتوا جننتونى بجد !!! :( بتلحقوا تكتبوا كل ده امتى؟؟؟؟ :( :(

المهم..أنا عايزة أسألكوا على حاجة كدة ...بس ضرورى ضرورى الله يخليكوا الكل يجاوبنى ويشاركنى التفكير..أنا هاتجنن..

عايزة أعرف الرانج المتوسط لتجهيز الشقة... يعنى العفش ( اللى هو الخشب ) لو مثلا 6 أوض.. نوم وصفرة و 2 ليفينج وصالون و مطبخ طبعا ( وياريت لو كل حاجة من دول بالتفصيل )... والتنجيد و الستاير والسجاد ... مع العلم انى عايزة كله كله مودرن...جميل؟؟

وكمان لو رحت فى الهنى موون رحلة لماليزيا أو تركيا أو اللى هى رحلة الموانى... لو حد طلع حاجة زى كدة يقوللى برضة هاتتكلف أد ايه.. من كل حاجة سواء تذاكر ولا اقامة وأكل هناك ولا هدايا ومشتروات وفسح وكدة.. اللى طلع يعنى يقوللى التكلفة الجمالية كانت حوالى أد ايه؟؟

بصوا يا حلوين.. الفرش والحاجات دى عايزة رانج فى المعقول...يعنى لا فوق أوى ولا تحت أوى..

:( المشكلة يا بنات وادعولى كده ربنا يرزق اننا كنا حاطين تصور معقول جدا للحاجات .. بس حصلت كام حاجة كدة قللت الفلوس جامد :( ... فكل شوية بابا و ماما يتحفونى بتخيل جديد للميزانية اللى ممكن يقدروا عليها وانا بصراحة خايفة أوى أن اللى بيقولوا عليه ده مايكفيش ولا يقضى خالص الحاجات اللى فى دماغى ونفسى أعملها...

ردوا عليا بقة الله يخليكوا :( ..أحسن هاعيط والله ... عايزة كله يشاركنى كده عشان أعرف فعلا المتوسط بتاع الكل ايه ؟؟؟

بس الله يخليكوا.. رجاءا يعنى...محدش يطلعلى بأسعار فى العالى ...اللى حاسس انه بيتكلم فى حاجات غالية يلتزم الصمت أحسن :( ... مش ناقصة احباط الله يكرمكم...

يللا ردوا عليا بسررررععععععععععة ضرورىىىىىىىىىىىىىىى ...أنا مخنوقة أوى :(

ولا تتخنقي ولا حاجه والله يا بنتى انا شفت ناس بتتجوز ب 5 الاف جنيه بجد في ناس غلابه كتير
وبعدين عايزة اقلك على حاجه دي كلها ارزاق والزواج سبب من اسباب الرزق
وعارفه سبحان الله لما كان نفسي اجيب حاجه للجواز واهلى كانوا مبيوافقوش عليها والله كنت الاقيها بتجيلي هديه ومش حاجه واحده لا حاجتين
ده غير انى كنت لما بلاقي حاجه ملهاش لازمة مكنتش بجبها اصلا
وكمان حاجه الجواز بدايه وليس نهايه يعنى لو تسمعي عن الناس زمان كانوا بيبتدو من الصفر
والحمد لله ربنا بيكرم وبيرزق
فانتى مش لازم تتجوزى بالاوض كلها ولا بالعفش كله والاجهزة كلها هاتى الاهم فالمهم
فانتى متشيليش الهم ولا تتضايقي وخليكي ريلاكس خالص
وانا رايي تجيبي حاجه كويسه عليها القيمة وتكملى بعد كده احسن من انك تجيبي 10 حاجات نص نص وتطري بعد كده تجيبي من اول وجديد

الاميرة رنا;7445859:
متعيطيش:( ان شاء الله كل الي نفسك تعملية هيتعمل وزيادة

كان نفسي ارد برد مناسب بس للاسف ولا اي سؤال عارفة اجابتة:confused:


.....................
انتو موضوع 102 ماشاء الله

:Dاسال بقي
بس الاول اكرام الضيف واجب
يعني الاجابة بقي علي كيفكم(y)

انا عايزة ابدأ اجهز بس عندي مشكلة اني معرفش اي حاجة
يعني حتي الحاجات الي ماما اشتريتها ليا انا شفتها بالصدفة كدة
زي الحلل الفضي الي كل حلة لوحديها في كارتونة:ss:
وحااجات غريبة كدة
المهم ان السنة دي المفروض اختار الحاجات واجيبها ومش عارفة اجيب ايه
انا عندي 20 سنة وكأني 5 سنين لا افقة شي:confused:

بأذن الله خطوبتي تكون في 11
عندي مصيبة(n)مبعرفش اطبخ اقول لحماتي ايةةةةةةةةة
:16:
انا مستنية بقي

انتى تقدي اكيد الحلل الاستنلس
عامة متقلقيش والموضوع عادى جدا وبسيط قولى لحماتك انك مبتعرفيش تطبخى وفيها ايه مهو الطبيخ سهل انك تتعمليه مش معضله وطبعا متقوليش لحماتك كده غير لو هيا سالتك مش لازم تتطوعي من نفسك وتقوليلها وابداى ادخلى مع مامتك المطبخ واتعلمى منها وعندك هنا النت مليان وصفات وتجارب انقلي وجربي وبكرة تتعلمي
انتى لو عايزة لسته بالحاجات اللي تتجاب هحاول انزلك لسته كانت بنوته هنا كاتباها وهيا كاتبه تقريبا كل حاجه وانتى طبعا مش ملزمة انك تجيبي كل المكتوب انتى هاتى اللي انتى محتاجاه وشايفه انك هتستخدميه
هتلاقيهم في المرفقات


http://www.3roos.com/forums/t389360.html

doddy;7445788:
يا بنااااااات.. انتوا جننتونى بجد !!! :( بتلحقوا تكتبوا كل ده امتى؟؟؟؟ :( :(

المهم..أنا عايزة أسألكوا على حاجة كدة ...بس ضرورى ضرورى الله يخليكوا الكل يجاوبنى ويشاركنى التفكير..أنا هاتجنن..

عايزة أعرف الرانج المتوسط لتجهيز الشقة... يعنى العفش ( اللى هو الخشب ) لو مثلا 6 أوض.. نوم وصفرة و 2 ليفينج وصالون و مطبخ طبعا ( وياريت لو كل حاجة من دول بالتفصيل )... والتنجيد و الستاير والسجاد ... مع العلم انى عايزة كله كله مودرن...جميل؟؟

وكمان لو رحت فى الهنى موون رحلة لماليزيا أو تركيا أو اللى هى رحلة الموانى... لو حد طلع حاجة زى كدة يقوللى برضة هاتتكلف أد ايه.. من كل حاجة سواء تذاكر ولا اقامة وأكل هناك ولا هدايا ومشتروات وفسح وكدة.. اللى طلع يعنى يقوللى التكلفة الجمالية كانت حوالى أد ايه؟؟

بصوا يا حلوين.. الفرش والحاجات دى عايزة رانج فى المعقول...يعنى لا فوق أوى ولا تحت أوى..

:( المشكلة يا بنات وادعولى كده ربنا يرزق اننا كنا حاطين تصور معقول جدا للحاجات .. بس حصلت كام حاجة كدة قللت الفلوس جامد :( ... فكل شوية بابا و ماما يتحفونى بتخيل جديد للميزانية اللى ممكن يقدروا عليها وانا بصراحة خايفة أوى أن اللى بيقولوا عليه ده مايكفيش ولا يقضى خالص الحاجات اللى فى دماغى ونفسى أعملها...

ردوا عليا بقة الله يخليكوا :( ..أحسن هاعيط والله ... عايزة كله يشاركنى كده عشان أعرف فعلا المتوسط بتاع الكل ايه ؟؟؟

بس الله يخليكوا.. رجاءا يعنى...محدش يطلعلى بأسعار فى العالى ...اللى حاسس انه بيتكلم فى حاجات غالية يلتزم الصمت أحسن :( ... مش ناقصة احباط الله يكرمكم...

يللا ردوا عليا بسررررععععععععععة ضرورىىىىىىىىىىىىىىى ...أنا مخنوقة أوى :(

بصي يا دودي متكركبيش نفسك انتي شوفي ميزانية بابا كام وابدئي شوفي في اكتر من مكان ده بالنسبه للعفش وانا سمعت عن مكان اسمه طنان ومكان اسمه درب سعاده ومكان اسمه المناصره بيقولو فيهم حاجات كويسه وكل المستويات بس انتي شوفي نجار شاطر وخديه معاكي وان كنت بعتقد ان المودرن مش سهل تلائيه زي الاستيل اصل انا واختي كمان عايزين مودرن بس لسه انا طبعا الموضوع متوقف دلوقت واختي يمكن كمان اسبوعين ان شاء الله وتبدا تنزل تشوف
كنت كمان عايزه اقولك على حاجه:اوعي يا دودي تحسسي بباكي انك محبطه ومتدايئه ومستقليه المبلغ اللي معاه عشان دي حاجه بتجرح الاب اوييييي،واكيد هو لو معاه مش حيستخسر فيكي يا حببتي،وانا شفت نموذجين الاول كانت صحبتي الانتيم عشان تعمل اللي عايزاه باباها اتزنق عيطت وقالتله انا بكره الفلوس اللي ممكن تخليني ابعد عن انسان بحبه( تقصد خطيبها عشان كانت خايفه اهله يعايروها) قام بباها والله باع العربيه وكملها كل اللي عايزاه بس والله حياتها نكد وجوزها ده دلوقت جابلها المرض النفسي واهلها كل يوم بيها عند دكتور نفساني جديد،النوذج التاني وحده تانيه صحبتنا راعت ربنا في بباها وكانت كل ما يديها مبلغ تبوس ايده وتقوله ربنا يجزيك عني خير وكانت قبل ما تنزل تصلي ركعتين وتدعي ربنا يرزقها البركه،والله ما شاء الله على حياتها يارب يديم عليها النعمه،القصد انك متثقليش على اهلك عشان لما حتريحيهم ربنا حيكرمك وحيرضيكي لكن لو قهرتيهم ربنا حيحاسبك،وربنا يتملك على خير يا قمر:)

::::::::::::::::::::::::::::::::::::::::::::::::::::::::::::

mnne;7446083:
طب انا شعري ناعم ومفرود بس خفيف عايزه حاجه تديله كثافه مش يكون السيشزار احسن وياتري اجيب سيشوار لوحده وللا اجيب اللي ليه فرشاه دواره زي براون كده

حببتي انتي كده حتى مش محتاجه سيشوار انتي لو مثلا حابه تعمليه كيرلي ممكن تستعملي السيرم وتعملي بالمكوة اللي بتجعد،لكن السيشوار مش حيفيدك خالص،او لو تعرفي تعمليه بالسيشوار اللي برضه بيعمل الكيرلي لكن متجيبيش سيشوار لوحده مش حينفعك
:::::::::::::::::::::::::::::::::::::::::::::::::::::::::::::::

دينا حمدى;7446336:
السلام عليكم والف مليون مبروك لكل العرايس وعقبالك ياقمر(من حملة هم الدعوة )قريب وربنا يفك كربك عاجلا يارب ممكن بس اعرف المكواه السراميك دى سعرها كام والاقيها فين وجزاك الله خيرا

شوفي يا دينا انا جبتها من الامارات بس ممكن تلائيها عند العجيل عشان صحبتي جيباها من العجيل بس ماركة براون وكانت 325 جنيه بس حتأكدلك برضه بس الاكيد انها مش اعلى من كده

صوووووووووووووووووووووت العيون

دي شكل الليفه بتاعت الحمام ولو حبيتى تجيبي التخينه احسن المهم تكون خشنهه عشان تفرك الجسم قوى


بصوا يبنات انا جبت ديتول الاخضر دا جل مطهر وومضاد للبكتريا بجد بيدي نضافه ونعومه وحسيت انه بيضنى
ومبيديش عارفين ريحت العرق مثلا لو حطيتى برفان وخرجتى او مزيل عرق لا بتحسي كدا بنضافه جمده قوى وكمان ايام البريود بتحسي اكتر انه مش بيطلع ريحه مهما عملتى لو دومتى عليه
ودي صورته


نصيحه لكل البنات من الدكتور ليكم
البنات اللي مش بتنشف كويس بعد الاستحمام جسمها بيسود ويغمق

الحمام المغربي حلو قوى انا بعمله كل ما باخد شور وهو زي الفل ولا بيحمل اي شيئ نهائي دا بالعكس وهو من زنقة الستات عند الحج ماضى في اسكندريه
المايه السخنه بتجدد وتنشط الجسم وتفتح المسام

عندي سؤال يارب تسعدونى فيه
هو ينفع طربيزه الصالون احط عليها مثلا كرستالات شيك بس مشكتير حجات كده بسيطه وشيك بجانب بنبونيره كدا كرستال وغطاها مدهب شيك يعنى
اصل مش عاوزه احط ورد وفزات وكلام من دا
ولا احط فازه ومعاها بنبونيره كدا الاتنين عاج وملونين برده شيك
ايه رئيكم
الف شكر ليكي ياشهيده ويارب ماتحرم منك ابدا على تعديل الصور