[quote=rozyyy;7448489]اولا محلات استقبال دي المفروض يسموها استهبال لأن خشبهم تعبان اوي اسمه mdf وكونتر ومرة سألت قالولي تعيش معاكي 10 سنين بالكتير وماتجيبيش ناحيتها مية ولا تحركيها كتير وده طبعا صعب جدا - انا الحمد لله فصلت انتريه مودرن جامد جدا وجبت القماش لونه فوشيا ماشاء الله بجد روعة انا جبت القماش من الوكالة ونجار كويس اوي عملهولي هو الي عاملي عفش الشة كله
روزي ممكن لو سمحتي تقوليلي فين النجار دا وعنوانه ايه بالظبط ولو مافيهاش رزالة تبعتيلي نمرته على الخاص لاني عايزه افصل انتريهات مودرن للصالون والليفينج بمواصفات معينه ومحتاجه نجار يكون شاطر وشغلو نضيف وكمان ايه نوع القماش اللي اختارتيه للانتريه بتاعك أسفه للإزعاج بس ياريت تردي عليا واكون شاكره ليكي جدا
تجهيزات عرايس مصر الجزء 102 يارب تمملنا بخير يارب
س
16-10-2008 | 02:50 PM
m
16-10-2008 | 02:50 PM
صوت العيون;7442472:
دول احلاهم ما شاء الله
بس هو ليله الدخله بنلبس القميص الابيض ولا فى الصباحيه ان شاء الله
يا جماعة خلاص موضوع القميص الابيض ده بقي موضة قديمة و الله اختي جابتو و لا لبستوا لحد النهارده اهم حاجة انك تلبسي في اليوم ده حاجة حلوة و شكلها شيك اوي و مش شرط اللون شوفي هوة بيحب انهي لون و البسيه و علي فكرة اختي متجوزة من السنة اللي فاتت
W
16-10-2008 | 03:23 PM
محدش عنده فكرة ، علب الإكسسورات زى دى بتتباع فين و بكام ؟
أنا عارفة إنه ممكن عند محلات الهدايا ، أنا عايزة مكان كبير كده و فيه أشكال كتيررر و طبعا أسعار فى المعقول عشان محلات الهدايا بتسهبل كتيررر
ق
16-10-2008 | 03:26 PM
الحاجات دع مغرقة المحلات فى المولات.. جنينة مول وسيتى سنتر وسيتى ستارز..
الاسعار مش فاكراها بصراحة.
الاسعار مش فاكراها بصراحة.
y
16-10-2008 | 03:28 PM
Warde;7450281:
محدش عنده فكرة ، علب الإكسسورات زى دى بتتباع فين و بكام ؟
أنا عارفة إنه ممكن عند محلات الهدايا ، أنا عايزة مكان كبير كده و فيه أشكال كتيررر و طبعا أسعار فى المعقول عشان محلات الهدايا بتسهبل كتيررر
في زى اول صورتين عند كليرز
وطبعا هيكون غالى عند كليرز بس شكلها حلو اوى
ماتسالنيش على اسعار عشان انا لما شفتها كنت في دبي بس اكيد في منها هنا في الفروع لان البضاعه كلها واحده
حتى لو دخلتى كليرز بتاع سيتي سنتر كارفور المعادى هتلاقي الاسعار على المعروضات كلها بالدرهم وهما بيحولولك سعرها لما تساليهم بس يعنى كانت في رينج ال 150-200 وكسر كده يعنى
d
16-10-2008 | 03:38 PM
تووووكي;7445906:
ياااااااااه ده التصور هيعلي
بس كل حاجه هتيجي بالعقلوانتى كمان خليها عليكي فحجات مش لازم كل حاجه تحتاجيها تجيبيها هي بالظبط هاتيها حاجه مستوى اقل وتبقي تجدديها بعدها
بس عايزة اسأل سؤال هو انتو الى هتجهزو ولا ايه
مبدئيا اوضة نوم مودرن قولى 8 او 9 الاف انا بحسبلك حسابات يعني زى الى شفتها لنفسي
السفرة قولى 7 الاف
2 ليفنج ع اساس انتريه مودرن ولا ركنات لو ركنات هيبقي صعب شوية تعملى اتنين فمكان واحد الى هو الليفنج ف انتى اعملى ركنة وانتريه مودرن يعني قولى 10 الاف
الصالون ده الى فيه بروببلم انتى قولتى كله كله مودرن ف إزاى عموما لو قصدك انتريه بردو قولى 6 الاف
مطبخ ع حسب مساحتو بس قولى مبدئيا 4 الاف
التنجيد لو هتنجدى هيبقي قولى 1500
والسجاجيد 2000 ده ان مكنش اكتر وهو فعلا هيكون اكتر
الستاير ع حسب بردو كميه المنافذ الى عندك قولى 2000
يعني تدخلها فحسبة 41 الف وطبعا بتجهيزاتك الشخصيه قولى 45 الف
يللا ياستى انا عملت والله الى اقدر عليه وواقع عليا بخسارة الارقام دي كلها :D
ايدك بقي ع الحسابات الى انا عملتها دي 10 الاف جنيه :D
عسل ياتوووكي
عجبتني الحسبه بتاعتك دي
بس ناقصه حجات كتييييييييييييييييييييير
هو المطبخ مش هتحطوا فيه حاجه؟؟؟ يعني حاجة المطبخ
والاجهزه الكهربائيه
وحجات رفايع بس صراحه م هعرف اقدر سعرها
لان المطبخ لوحده مششششكله
وعندي سؤال
كنت جبت بوتجازي يونيفرسال وقدامي فرصه اني ابدله ب تكنوجاز
ايه رايكم؟؟
التكنوجاز الجديد شكله جمييييييييييييييييييل
L
16-10-2008 | 03:51 PM
يا بنات أنا بدور على بوتجاز يونيفرسال اللى هو كله سلفر والمفاتيهح بتاعته كمان حد شافو يقولى فين وبكام
m
16-10-2008 | 04:00 PM
بئالي ساعه بفتكر انا عايزه اسئل علي ايه الحمد لله افتكرت اسئلكم بئه قبل ماانسي تاني
يانسن ليه فروع في اسكندريه وللا لا ولو فيه نلاقيها فييييييييييييييييييييييييييييييييييين
لان البنات قالولي عنده كنب بيتفتح سرير
يانسن ليه فروع في اسكندريه وللا لا ولو فيه نلاقيها فييييييييييييييييييييييييييييييييييين
لان البنات قالولي عنده كنب بيتفتح سرير
y
16-10-2008 | 04:06 PM
hoba555;7449999:
يميم انتي جبتي ماركه بيبي ليس ولا بروان ؟وهل هي حلو يعني بتفرد الشعر كويس ولا بيهيش لاني هجيبها ان شاء اللهولقيتي براون ولا لا في عمر افندي
بصيا هوبه ياقمر يا وحشانى :)
انا جيبت البيبي ليس او بالاصح كانت جايالى هديه وبتفرد كويس اهم حاجه تكونى انت بتعرفي تتحكمى فيها وسهله جداا بس تكونى على الاقل فارده الشعر من الجدور
يعنى لو واخده دش تزحلقي شعرك جتامد على ورا بحيث تتفرد الحاته اللى قدام ولما ينشف الشعر خاااااااااااالص تستعمليها
عشان لو اتعملت على شعر مبلول بتحرق او تشيط الشعر
وهى فيها زى مشط رفيع اوى فيها على جنب احدى الاسطح عشان تمشط الشعر وهى بتفرده
وفيها درجة الحرارة ممكن اتحكم فيها من 100 - ل 200
على حسب تخانة شعري وقدرة تحمله - بيجي معاها ورقه بالتعليمات
عموما المكواه السيراميك بتنقيها على حسب طول وتخانه شعرك ونعوميته من عدمها بالتدريج
يعنى لو طويل تجيبي العريضه ولو قصير يبقى الرفيعه
عشان العريضه بتعمل جزء كبير في وقت صغير وكمان لو شعرك ناعم يبقى تجيبي مكواه فولتها قليل عشان ماتبقاش سخنه على شعرك وتطقطقه لا سمح الله
ولو كان شعرك مجعد او في كسرات كتير يبقى تجيبي لها مكواه فولتها عالى
وفي منها انواع بيتركبلها وشوش تعمل الشعر كيرلي او مكسر و ناعم
زى كده
بس اللى جه يجبهالى البيبي ليس اللى بيتركبلها وشوش تانيه لاقه ان فولتها ضعيف فمش هتاثر في شعري
انا شعرتى ناعمه في فيه تموجات كتير قريبه من بعضها يعنى كيرلي طبيعه من عند ربنا
للاسف مش لاقيالكم صورة بلتاعتى على الموقع بتاعهم babyliss
--------------------
ودى اشكال تانيه منها (بيبي ليس)
وفي سيشوار شكله حلو اوى للى مش بيعرفوا يعملوا بالفرشاة في ايد والسيشوار في ايد
وتوضيح اكتر للفرشة بتاعته عن قرب
d
16-10-2008 | 04:18 PM
DodyCat;7450542:
يا بنات أنا بدور على بوتجاز يونيفرسال اللى هو كله سلفر والمفاتيهح بتاعته كمان حد شافو يقولى فين وبكام
موجود اليونيفرسال كله سيلفر حتى الزراير
انا جيباه في شهر 1 اللي فات هو مكوناته ايطالي
هو عامل 1700 جنيه
بس كنت جيباه من المحله وهو مازال موجود
d
16-10-2008 | 04:18 PM
يميزو حلوة ايوة الافكار دي جدا جدا بس هيبقى كده سعر التأجير اغلى بقولك من سعر الشراء بالنسبة للسنتر بيس تعرفي بيعمل كوشة بكام و الحجات دي و يا ترى قريتي اخر مشاركة ليا في التجهيزات اللي أنا رديت عيكي فيها ياريت البات كلهم يدوني رأيهم في الموضوع ده انا محتارة و مش عارفة اعمل ايه و في نفس الوقت عايزة اعمل فرح حلو و اعمل شهر عسل حلو طمع بأه ؟؟؟؟؟؟؟؟؟؟؟؟؟؟
m
16-10-2008 | 04:20 PM
هوه بوتجاز يونيفرسال 5 شعلات بيبه مقاسه ايه عشان مطبخي صغنووووووووووووووووووووووووووووووووون اوي
وعايزه احط فيه البوتوجاز والتلاتجه
وعايزه احط فيه البوتوجاز والتلاتجه
d
16-10-2008 | 04:23 PM
mnne;7450820:
هوه بوتجاز يونيفرسال 5 شعلات بيبه مقاسه ايه عشان مطبخي صغنووووووووووووووووووووووووووووووووون اوي
وعايزه احط فيه البوتوجاز والتلاتجه
البةتجازات الخمسه شعله لها مقاسين
مقاس كبير
ومقاس اصغر منه بشويه
شوفي المقاس الصغير اذا يناسبك هاتيه
m
16-10-2008 | 04:25 PM
بنات هوه يونيفرسال 5 شعلات مقاسه ايه
يميم بليز السيشوار اللي انتي حطاه ده ممكن اجيبه منين وبكام
يميم بليز السيشوار اللي انتي حطاه ده ممكن اجيبه منين وبكام
y
16-10-2008 | 04:50 PM
mnne;7450882:
بنات هوه يونيفرسال 5 شعلات مقاسه ايه
يميم بليز السيشوار اللي انتي حطاه ده ممكن اجيبه منين وبكام
مش عارفه والله ياقمر انا كمان نفسي فيه بس انا شفته على الموقع بتاع بيبي ليس مش عارفه بقى اذا كان نزل مصر ولا اايه
بس ممكن تسلي عليه بقى في مر افنندى او العجيل او سمير ووليم كده يعنى ولو لاقيتيه ابقي قوليلي على سعره كام
y
16-10-2008 | 05:00 PM
dandona we bas;7449099:
طيب اصلي انا ناوية انزل كام يوم كده في الخباثة بسرعة عشان احجز القاعة و اظبط الفستان موضوع الكمام بس مش عارفة هلحق و لا لأ فكنت قالية انى هنزل على شهر 1 عشان احجز براحتي اوي فمش عارفة ياريت حد ينصحني و يقولي اعمل ايه الفستان بتاعي زي اللى كانت حاطاه حبيبة بس الكمام طبعا الباقي مختلف و انا مش عاجباني الكمام دي و عايزة اعمله تول تقيل فاهميني فهل ده ميتعملش في حدود 3 او 4 ايام لأني انا بشتغل و مش هقدر انزل مصر قبل كده انا اصلا في الكويت و يدوب هيبقى الجواز على شهر 7 ان شاء الله و ادامي شهر بس اعمل فيه الفرح و اظبط نفسي و الحاجات دي فطبعا لا يمكن الحق اعمل الفستان و اظبطه قبل الفرح عشان مش عايزة ابقى مضغوطة و متوترة عايزة تبقى جاهزة و يدوب انزل على الفرح اروح للكوافير و اقضي شهر عسل و ارجع هنا تاني
يعنى انت لسه معملتيش الفستان ولا جبتيه وعازه تنزلى تعملى كل ده في شهر واحد لو اللى انا فاهماه كده صح يبقى لا ياقمر مافيش حد بيعمل فستان فرح في شهر بس
شوفي الصورة دى ممكن تطلعي منها بفكره حلوة للسنتر بيز
يعنى ممكن تجيبي الحاجات الازاز دى وتحطى فيها ورد مجفف وتبقى لون الديكور بتاع الفرح مثلا او لون الشريطه بتاعت الكراسي
ولو بعد كده ممكن تحطى منها عندك في البيت او ممكن تجيبيها على الوان العفش عندك مثلا صغيرين وتستفيدى انت بيهم بعد كده ولو كترو ا عندك ممكن تبقي تهادى منهم بعد كده في اى مناسبه تجيلك مثلا لو محدش حضر الفرح وعارفهم
عادى جدااا
M
16-10-2008 | 05:01 PM
doddy;7446822:
ميرسى يا بنات اللى ردوا عليا ....
يميم... يااااااااااااه.. ده كده ماليزيا غالية أوى عن تركيا !!!!!!!!! ماكنتش متخيلاها كده ؟؟؟ طيب انتى متأكدة من ده فعلا ؟؟؟ يعنى انتى طلعتيها قريب أو حد تعرفيه راحها قريب ؟؟؟
توووكى ... :) لأأطبعا مش احنا اللى هانجهز لوحدنا ولا حاجة.....هههههههههههههههههه .... مش للدرجادى يعنى أهلى بايعنى أوى كدة ... ايه يا بنتى البنات لسه مارخصوش أوى كده الحمد لله :) أحنا طبعا متفقين نجيب كل حاجة بالنص فى الخشب والتنجيد والسجاد والستاير أه والنجف ( أهو ده نسيت أسألكوا عليه ) هو طبعا عليه الشوقة بتشطيبها وعليه الأجهزة الكهربية كمان.. واحنا علينا الحاجات الرفيعة _ اللى هى معرفش سموها رفيعة ازاى وهى متلتلة :S _ الحاجات بقة اللى انا كاتبه باسأل عنها اللى هى بالنص , العيلتين مش متفقين هاتكون فى حدود كام..فكان الاول أيام الرخاء بقة وعليكوا خير بابا كان بيقول هانحطلك مباغ كذا وخطيبك يحط أده..بس دلوقتى المبلغ أتغير :( وقل :( :( خصوصا كمان انى طالعلهم فى انى عايزة أعمل ليزر لازالة الشعر وليزر لازالة وحمة كدة عندى .. وحقن للشعيرات الدموية اللى هى زى الدوالى دى..وووووووووووو... مواويل يعنى زيادة كمان :(
أولا كده يا تووكى.. ميرسى خالص والله يا قمر على ردك المفصل... والله تستاهلى العشرة اللى عايزاهم :)
بس عايزة أعرف حاجة ؟؟ قصدك ايه بركنة دى ؟؟؟ أنا بقول 2 ليفينج يعنى قصدى أه 2 انتريه مودرن..عشان المشكلة انى عندى 3 أوض ريسبشن وصالة توزيع.. فالصالة دى هاحط فيها ان شاء الله ليفينج صغنون كده.. وال 3 أوض الريسبشن واحده صالون وواحدة صفرة وواحدة ليفينج أو انتريه مودرن زى ماتحبوا تسموه...
فأيه بقى قصدك بالركنة دى؟؟ قصدك الصوفا اللى هى بتبقى على شكل حرف L ؟؟؟
وقصدك ايه بحجاتى الشخصية ؟؟؟؟ (يعني تدخلها فحسبة 41 الف وطبعا بتجهيزاتك الشخصيه قولى 45 الف )
أخر سؤال بقه.. حكاية الصالون دى.. انا نفسى محتارة فبها فعلا.. انا مش بحب الفرش الكلاسيك ولا الستايل ده اطلاقا مطلقا... بس حاسه بقى ان الصالون برضة لازم يعنى يبقى الا حد ما شكله رزين شوية مش مطرقع أوى... وحاسة كمان انى لو جبته برضه انتريه مش صالون.. كدة تبقى ايه فرحة النتريهات اللى عندى دى !!! كل الشقة أنتريهات !!! طيب فيه ناس بتعمل كده فعلا ؟؟ يعنى الصالون مش بيبقى صالون بيبقى انتريه ؟؟ D:
هو انتى صحيح الاسعار اللى انتى متكلمة عليها دى جاهز ولا عمولة ؟؟؟
والمطبخ بقى يا ناس ؟؟ الالوميتال أغلى كتير مالخشب؟؟؟ وأسعاره ايه كده ؟؟؟
روزىى .. ميرسى على ردك يا جميل ...بس كده الصفرة غالية عن ماهما حاسبينها :S
ربنا يسهل بقة...
ركنة الى هى حرف ال L والبنات حطو منها كتير دا اولا ثانيا انتى ممكن توفقي ركنة مع انتريه او اتنين انترية مع بعض وركنة
انا عندى واحده صحبتي جايبة اتنين انترية واحد لونو طحيني وقماشتو عامله زى الشوال كده بس شكلو شيك وجايبة التانيه نبيتي فطحيني فحاطة الاتنين مع بعض بحيث انو ميبقاش في تشتيت فالالوان
هو هتلاقيه جزء من حجاتك الشخصية يعني الملابس بتاعتك
dyana;7448996:
صباح الخيرات
بالنسبه لاحلى ماركات المكياج
مسكره بورجوا & لانكوم
كريم اساس فور ايفر -- بودره لانكوم
كونسيلر ماكس فاكتور
روج بقى الالوان اللى تحبيها من اى ماركه
الحاجات دى انا بستخدمها دايما لانها طبيعيه وبتدى اشراق للوجه
ياريت يا قمر تقوليلي كريم اساس فور ايفر جبتيه منين وبكام
l
16-10-2008 | 05:04 PM
بوتجاز يونيفرسل خمسه شعله مقاس 60 *90 اللى زرايره معدن ومقبض الباب معدن سعره 2350 انا شوفته من يومين فى عمر افندى
m
16-10-2008 | 05:11 PM
[quote=love kingy;7451344]بوتجاز يونيفرسل خمسه شعله مقاس 60 *90 اللى زرايره معدن ومقبض الباب معدن سعره 2350 انا شوفته من يومين فى عمر افندى[/quo
ميرسي ياlove بس هوه ده المقاس الصغير وللا الكبير
ميرسي ياlove بس هوه ده المقاس الصغير وللا الكبير
d
16-10-2008 | 05:15 PM
يميزو يا حبيبتي الفستان موجود بس انا في النزولة السريعة دي الاولانية كنت هظبط كمام الفستان فاهماني و احجز القاعة و اشوف الكوافير الكويس بحيث ابقى مظبطة اموري بحيث اني لما اجي انزل على الفرح ان شاء الله على شهر يدوب انزل قبل الفرح مثلا ب 10 ايام اظبط فيها اي حاجة ناقصة و اروح للكوافير اعمل برنامج للعروس فاهماني و اشوف القاعة محتاجة اي حاجة يعني و لا لأ