تجهيزات عرايس مصر الجزء 102 يارب تمملنا بخير يارب

lola_law2000;7452671:
افضل نوع لماكينه ازاله الشعر من براون اصل ليها انواع كتير وياريت الاسعار بالضبط

احلي نوع الجديده اللي بتتغسل بروان ومن غير سلك الاسعار مش فاكره كام بلظبط

lola_law2000;7452624:
ازيكم يابنات انا كنت عايزه اسال احسن نوع للمراتب السوست والا القطن وياريت المجرب يرد عليا

بصراحه انا ندمت اني عملت قطن وشلت علي قلبي وتنجيد وكسوه وحسه الاحن السوست بس النوع الكويس وده بيعدي الالف جنيه انا جبت منه بس ممتاز زي بتع الفنادق كدا مريح وفي نفس الوقت مضغوط واللي يقولي السوست تبوظ ده النوع الرخيص العادي دلوقتي في حاجات كتير نزلت احدث وتعيش

ساره افندي;7452677:
كريم النكهات ده بيكون بطعم معين زي الشوكلاته وبيدهن بيه الجسم وبيكون رحته وطعمه زي الشوكلاته
الشمبوهات والكريمات المضيئه ديه بتعمل لون فسفوري علي الجسم وتباني بليل حاجه فسفوري كدااا :D:D:D:D

طيب ودى بتتباع فين واسعارها ايه؟؟؟؟؟؟؟؟؟؟؟

mnne;7451413:
[quote=love kingy;7451344]بوتجاز يونيفرسل خمسه شعله مقاس 60 *90 اللى زرايره معدن ومقبض الباب معدن سعره 2350 انا شوفته من يومين فى عمر افندى[/quo

ميرسي ياlove بس هوه ده المقاس الصغير وللا الكبير

ده اكبر مقاس

ساره افندي;7452723:
بصراحه انا ندمت اني عملت قطن وشلت علي قلبي وتنجيد وكسوه وحسه الاحن السوست بس النوع الكويس وده بيعدي الالف جنيه انا جبت منه بس ممتاز زي بتع الفنادق كدا مريح وفي نفس الوقت مضغوط واللي يقولي السوست تبوظ ده النوع الرخيص العادي دلوقتي في حاجات كتير نزلت احدث وتعيش

شكر ياقمر على ردك انا سمعت ان ليها وش صيفى ووش شتوى وايه احسن نوع وبكام ومنين معلش طولت عليكى

N0rma;7447568:
انا كنت اتكلمت من كام جزء عن غسل الشعر اثناء البريود انو وحش لانى كنت قريتها وساره المزعوره قالتلى مكتوب فين بس انا عيبى انى محفظتش مكتوب فين وكمان بنسى التفسير يعنى بعر ف السبب بس:o
المهم لئيتو النهارده الحمدلله وقلت اوريهلكم
تفكير تقليدي يحذر النساء من عدم غسل شعورهن أثناء الدوره الشهريه ولكن لم يعطينا أحد الجوابالشافي على السؤال لماذا ؟ فقط ان الضحيه سوف تلاحظ في المراحل المتأخره من حياتهاأعراض سرطان الثدي والمبيض . اليوم النساء مازلن يغسلن شعورهن أثناء الدوره الشهريه معتقدات أنهن سيكن في مأمن في حال جففن شعورهن بالمجفف الكهربائي السشوار ولكن هذا التصرف لن يحميهن من الاصابه بالسرطان دكتوره تايوانيه مشهوره متخصصه بالأبحاث السرطانيه انطلقت بأبحاثها في جامعه يابانيه أجرت فحص على 30 ألف مريضه مصابه بالسرطان وجدوا أن هؤلاء المريضات حريصات جدا في اختيار غذائهن ويغسلن شعورهن أثناء الدوره الشهريه ويحملن أشياء ثقيله ويتناولن مشروبات بارده مما أدىالى عدم اكتمال خروج البويضه من المبيض وتحول بقايا الحيض الى مواد سامه تعمل على اختلال توازن الهرمونات في الجسم مما يؤدي الى سرطان في الثدي والمبيض خلال البحث وجدت الطرق التاليه للوقايه من هذا السرطان
الطرق هي:
1- تغيير العادات الغذائيه وتناول الخضروات بشكل دائم
2- عدم غسل الشعر أثناء الدوره الشهريه وذالك للتأثير البارد الذي يؤدي الى انكماش المبيض
3- النزيف الزائد عن الحد يجب ان يتم فحصه عن طريق الطبيبه
4- عدم شرب السوائل البارده اذا شعرت بالنعاس أو تمدد بالثدي أو بالامساك فهذه هي الاعراض المبكره لسرطان الثدي والمبيض ودايم الحريم الكبار بالسن يحذرون من الاستحمام أثناء الدوره وأذكر أن في امرأه تعالج النساء عن العقم وعن أمراض الأرحام قالت المرأه ماتتسبح أيام الدوره تخرب أرحامها وقالت أن النفاس ماتتسبح الا بعد عشرين يوم من ولادتها وأتمنى لكم دوام الصحه والعافيه.


حد يعرف حارة اليهود بيتباع فيها ايه؟

الحقيقة فعلا دايما يقولوا بلاش البنات تغسل شعرها ولا جسمها ولا تقف في الماية كتير اثناء البريود عشان الجسم بيبقي مفتح و غلط

shoshokarim;7448602:

شكراااااااااااااااا جدااااااا لأختى فى الله انستاسيا لأهتمامك بالرد عليا فى موضوع الستائر بس ممكن لو تعرفى أسم بتاع الستاير اللى فكتوريا ممكن تقوليلى أسمه اه

العفو يا قمر مفيش شكر ولا حاجة و انا قولت لك اسمه يا جميل اسمه ( الحلو ) هو اسمه كدا و مشهور جدااااااااا فيه في سموحة كمان بس بتاع سموحة اغلي و بتاع فكتوريا عن تجربة كذا مرة شغل نضيييييييييف نضييييييييييف و بيجيب احسن حاجات (y)

dandona we bas;7448988:
و انا المكسرات و الحجات دي مخطرتش على بالي خالص و الله بس ممكن اعرض الفكرة عندي و اشوف مدى القبول

يا جميل هي بتقولك فكرة المكسرات مكنتش حلوة و بتديكي بيها مثل للحاجات اللي ملهاش لازمة موش بتقولك اعمليها :D
علي فكرة يا قمر موضوع السنتر بيس ده بيبقي في حاجات حلوة اوي في القاعات و احلي من شكل الشمع و كدا فسيبي الموضوع افضل للقاعة و ما تشغليش نفسك بيه الا بقي لو كنتي حتعملي اوبن اير و انتي اللي حتنظمي الحفلة وقتها بس لازم تفكري في كل حاجة

yomizo;7449264:
[glint]انستاسيااااا[/glint]

صورتلك مساند الكنب ياااقمر
والصور اهى يارب تفهمى منها الفكره

ده المسند من الجنب عادى


وده من ادام عشان اوريكى الكشكشه بتاعته



ودي بقى القماشه اللى معموله عليه انا رفعتها شويه عشان تشوفي انها مش بتبقى متلاحظة وانت حطاه من وانت شايلاها لان القماش واحد في وجودها وعدمه وكمان هتلاقي اللزق اللى قلتلك عليه اللى هو الكوتشي على الطرف من الجزء الشمال في الصورة فوق



والصورتين الاولانين التلبيسه محطوطه اصلا عليه يعنى مش باينه خالص انها تركيب

ميرسي اوووووووووووووووووي يا احلي يميم (f)(f)(f)

yomizo;7449348:
اه تقريبا
اللى اعرفه انه غسول للبشره للحفاظ عليها من عاومل التلوث واخفاء عيوب الحبوب اللى فيها
انا بصراحه مجربتوش بس في ناس استريحت عليه جداااااااا واعرف واحده بس نشفلها وشها ( يعنى بقى جاف )
ده كل اللى اعرفه

فعلا سمعت ان منتجات نتروجينا كلها بتسبب جفاف للبشرة

MAYODAA;7451913:
هاى يابنات ازيكو عندى سؤال ممكن لو حد يعرف يجاوبنى

الموضوع ان خطوبه اخت خطيبى شهر 12 وهو عاوزنى اروح معاها الكوافير السؤال المفروض هو يدفعلى ولا انا ادفع لنفسى المشكله انها رايحه وليد جى جى فى اليكس فانا مش عارفه اسعاره ايه لميكب وطرحه
ومعلش سؤال كمان فى الفاتحه انا جبتلها هديه اجيبلها فى الخطوبه كمان مع ان حماتى مش بتهادينى فى مناسباتى يعنى ولا اخته
هو انا هاجر فستان على حسابى وكنت هعمل لنفسى ميكب وطرحه مش عارفه اقرر محتاره ياريت ترودولى ومرسييه مقدما

انتي ممكن تسأليه بينك و بينه بحجة ان ليكي كوافير معين بتتعاملي معاه و عارفة اسعاره و تسأليه علي اسعار ده و تقوليله عشان اعمل حسابي و كدا و شوفي حيقول ايه

الهدية بقي موش عارفة بس اعتقد انتي كدا جبتي لها هدية خطوبة خلاص او لو حابة تجيبي هاتي حاجة بسيطة حسب راحتك بقي يا قمر

MAYODAA;7451913:
هاى يابنات ازيكو عندى سؤال ممكن لو حد يعرف يجاوبنى

الموضوع ان خطوبه اخت خطيبى شهر 12 وهو عاوزنى اروح معاها الكوافير السؤال المفروض هو يدفعلى ولا انا ادفع لنفسى المشكله انها رايحه وليد جى جى فى اليكس فانا مش عارفه اسعاره ايه لميكب وطرحه
ومعلش سؤال كمان فى الفاتحه انا جبتلها هديه اجيبلها فى الخطوبه كمان مع ان حماتى مش بتهادينى فى مناسباتى يعنى ولا اخته
هو انا هاجر فستان على حسابى وكنت هعمل لنفسى ميكب وطرحه مش عارفه اقرر محتاره ياريت ترودولى ومرسييه مقدما

انتي ممكن تعملي حل وسط ممكن تروحي معاها الكوافير بس انتي الي تعملي لنفسك هناك ولو معاكي فلوس للهدية هاتيها معكيش خلاص

dollyferfer;7449016:

كمان عاوزة اطمن على مامت هبه وعلى حملة هم الدعاء يا رب يفك كرب الجمييييييييييييييييع

انا بخير يا حببتي ربنا يكرمك يااارب بس محتاجه دعاء كتيييييير،يالا شدي حيلك بئه وادعيلي:)

mnne;7449877:

ميرسي ياجميل طب ممكن تقوليلي علي ماركه كويسه لليسشزار اللي بيعمل كيرلي او المكواه اللي بتعمل كيرلي وياريت لو حد يعرف اجيبها منين فاسكندريه يقولي

كان نفسي اخدمك يا قمر بس طبعا انا الكيرلي عندي طبيعي:Dفمش اعرف اي حاجه تعمله انا كل معلوماتي عن الحاجات اللي بتفرد

hoba555;7449999:
يميم انتي جبتي ماركه بيبي ليس ولا بروان ؟وهل هي حلو يعني بتفرد الشعر كويس ولا بيهيش لاني هجيبها ان شاء اللهولقيتي براون ولا لا في عمر افندي

معلش بعتذر ليميم عشان حابه ارد عليها،بصي يا قمر المكوه السيراميك عن تجربه بتفرد حلو اوي وموضوع الهيشان استعملي قبلها سيرم انا جربت زيروفريز حلو اوي ومش بيخلي الشعر يهيش،او لو مش عندك سيرم هاتي كريم تصفيف او نقطه زيت زيتون(((نقطه بس مش جردل الله يكرمك)) وامسحيها في ايدك وعدي بيها على شعرك كله حتلائي مفيش هيشان وفيه لمعه حلوه،انا بعد ما بغسل شعري بدهن السيرم وهو مندي ولما ينشف بقسمه واعمله بالمكوة وجربت اسشور سعري قبلها بس لئيت انه نفس المنظر فبطلت افرده بالسيشوار الاول هو ينشف لوحده وانا افرده بالمكوة بس ووالله الحمد لله النتيجه حلوه اوي لدرجه اني بطلت اعمله عند الكوافير انا شعري فتلته ناعمه بس فيه كسرات،ولو شعرك قصير او متوسط الطول هاتي الرفيعه حتقدري تتحكمي بيها احسن من العريضه لأن انا لما جربت العريضه معرفتش اعمل بيها منابت الشعر فحسيت ان الرفيعه عملي اكتير،دي تجربتي الشخصيه وممكن حد غيري يختلف عني لأن يميم قالت في رد ليها ان العريضه احسن فالموضوع بيختلف من وحده للتانيه

ساره افندي;7452677:
كريم النكهات ده بيكون بطعم معين زي الشوكلاته وبيدهن بيه الجسم وبيكون رحته وطعمه زي الشوكلاته
الشمبوهات والكريمات المضيئه ديه بتعمل لون فسفوري علي الجسم وتباني بليل حاجه فسفوري كدااا :D:D:D:D

بتشتريها منين يا ساره وبكام وانواعها ايه

مِن حملة هم الدعوة;7453024:
انا بخير يا حببتي ربنا يكرمك يااارب بس محتاجه دعاء كتيييييير،يالا شدي حيلك بئه وادعيلي:)

(f)(f)(f)

كان نفسي اخدمك يا قمر بس طبعا انا الكيرلي عندي طبيعي:Dفمش اعرف اي حاجه تعمله انا كل معلوماتي عن الحاجات اللي بتفرد

(f)(f)(f)

معلش بعتذر ليميم عشان حابه ارد عليها،بصي يا قمر المكوه السيراميك عن تجربه بتفرد حلو اوي وموضوع الهيشان استعملي قبلها سيرم انا جربت زيروفريز حلو اوي ومش بيخلي الشعر يهيش،او لو مش عندك سيرم هاتي كريم تصفيف او نقطه زيت زيتون(((نقطه بس مش جردل الله يكرمك)) وامسحيها في ايدك وعدي بيها على شعرك كله حتلائي مفيش هيشان وفيه لمعه حلوه،انا بعد ما بغسل شعري بدهن السيرم وهو مندي ولما ينشف بقسمه واعمله بالمكوة وجربت اسشور سعري قبلها بس لئيت انه نفس المنظر فبطلت افرده بالسيشوار الاول هو ينشف لوحده وانا افرده بالمكوة بس ووالله الحمد لله النتيجه حلوه اوي لدرجه اني بطلت اعمله عند الكوافير انا شعري فتلته ناعمه بس فيه كسرات،ولو شعرك قصير او متوسط الطول هاتي الرفيعه حتقدري تتحكمي بيها احسن من العريضه لأن انا لما جربت العريضه معرفتش اعمل بيها منابت الشعر فحسيت ان الرفيعه عملي اكتير،دي تجربتي الشخصيه وممكن حد غيري يختلف عني لأن يميم قالت في رد ليها ان العريضه احسن فالموضوع بيختلف من وحده للتانيه

(f)(f)(f)

انا معاكي خصوصا ان اكتر من وحده من صحباتي وفيه منهم سنهم كبير قالولي بلاش الابيض اول يوم لأنه مش لون فيه اثاره لون بهتان البسي احسن حاجه لونها واضح او اي لون بيكون حلو عليكي
(f)(f)(f)

احنا عندنا مراتب على ما اذكر سست على قطن كنا جايبنهم من يانسن بئالهم 11 سنه ماشاء الله كأنهم لسه جيبينهم حلوين ومريحين

طيب ياجميل اسعارها ايه ومنين اشتريها علما انى من اسكندريه

yomizo;7450670:
بصيا هوبه ياقمر يا وحشانى :)
انا جيبت البيبي ليس او بالاصح كانت جايالى هديه وبتفرد كويس اهم حاجه تكونى انت بتعرفي تتحكمى فيها وسهله جداا بس تكونى على الاقل فارده الشعر من الجدور
يعنى لو واخده دش تزحلقي شعرك جتامد على ورا بحيث تتفرد الحاته اللى قدام ولما ينشف الشعر خاااااااااااالص تستعمليها
عشان لو اتعملت على شعر مبلول بتحرق او تشيط الشعر
وهى فيها زى مشط رفيع اوى فيها على جنب احدى الاسطح عشان تمشط الشعر وهى بتفرده
وفيها درجة الحرارة ممكن اتحكم فيها من 100 - ل 200
على حسب تخانة شعري وقدرة تحمله - بيجي معاها ورقه بالتعليمات



عموما المكواه السيراميك بتنقيها على حسب طول وتخانه شعرك ونعوميته من عدمها بالتدريج
يعنى لو طويل تجيبي العريضه ولو قصير يبقى الرفيعه
عشان العريضه بتعمل جزء كبير في وقت صغير وكمان لو شعرك ناعم يبقى تجيبي مكواه فولتها قليل عشان ماتبقاش سخنه على شعرك وتطقطقه لا سمح الله
ولو كان شعرك مجعد او في كسرات كتير يبقى تجيبي لها مكواه فولتها عالى
وفي منها انواع بيتركبلها وشوش تعمل الشعر كيرلي او مكسر و ناعم
زى كده
بس اللى جه يجبهالى البيبي ليس اللى بيتركبلها وشوش تانيه لاقه ان فولتها ضعيف فمش هتاثر في شعري
انا شعرتى ناعمه في فيه تموجات كتير قريبه من بعضها يعنى كيرلي طبيعه من عند ربنا
للاسف مش لاقيالكم صورة بلتاعتى على الموقع بتاعهم babyliss

--------------------

ودى اشكال تانيه منها (بيبي ليس)


وفي سيشوار شكله حلو اوى للى مش بيعرفوا يعملوا بالفرشاة في ايد والسيشوار في ايد



وتوضيح اكتر للفرشة بتاعته عن قرب

ميرسي يا عمري علي التوضيح ربنا يخليكي لياطيب سؤال كمانعايزه اجيب لحاف فيبر اجيبه منين ؟ وايه احسن نوع ؟وهل هو بيغني عن البطانيه والكوفرته يعني نتغطي بيه لوحده ولا لازم حاجه معاه

BntMoslema;7448376:

صباح الخير يابنات و الله ماشاء الله عليكو دا انا لو ركبت صاروخ مش هلحق عليكو ..ربنا يتمم للجميع بخير و بركه يارب

ممكن حد يقولى الاحتياطات المقصوده هنا بشكل عام لاستخدام الاركوبال او البيركس او حتى الفخار؟؟

ماتحطيش الصينيه بشكل مباشر على النار يعنى لو حتعملى طاجن باميه مثلا وحتغلى الصوص تغليه فى حله لوحده بعدين تحطيه فى الصينيه وتدخليه الفرت

لما تيجى تزودى الاكل تزوديه بميه مغليه عهلى النار من فوق عشان الميه الساقعه بتفرقعه

لما يكون لسه طالع من الفرن تمسكيه بفوطه او قماشه ناشفه وماتحطهوش على مكان مبلول واحرصى ان مافيش نقطه ميه تيجى عليه وهو لسه سخن خارج من الفرن يفى لو كنتى عامله تارت مثلا او جلاش فى البايركش او مكرونه باشيمل او بعد ماتفضى ترمى الصينيه فى الحوض

dandona we bas;7448865:
يعني يا بنات حتى و لا اجيب شوية ورد صغيرين حتى لو صناعي احطهم سنتر بيس ؟؟؟؟؟؟؟؟؟؟؟

بنات هوا لو انا فرحي ان شاء الله هيبقى في شهر 7 لازم احجز من امته عشان الاقي اليوم اللي عايزاه و مضطرش اعمل في وقت تاني لأنه مش هينفع خالص

انزلى اجزى شهر 12 او 1 بالكتيييييييييييييييير لان ده صيف ورمضان جاى فى نص 8 وكله حيبقى عاوز يتجوز قبل رمضان والصيف حبقى شهر 6 و7 بس فتكدس الحجوزات رهيب ولو فى امكانيه تحجزى من دلوقت او الشهر الجاى يكون افضل عشان تضمنى طالما مش حينفع تاجلى

yomizo;7449547:
انا كنت جايباها في شهر ابريل اللى فات من عمر افندى ب 300
اللى هى العريضه ودرجات الحراره فيها ديجتال
يعنى تتحكمى في درجه حرارتها من 100 - 200 براحتك على حسب نوع شعرك ومعاها ضمان سنتين او تلاته تقريبا

yomizo;7450670:
بصيا هوبه ياقمر يا وحشانى :)
انا جيبت البيبي ليس او بالاصح كانت جايالى هديه وبتفرد كويس اهم حاجه تكونى انت بتعرفي تتحكمى فيها وسهله جداا بس تكونى على الاقل فارده الشعر من الجدور
يعنى لو واخده دش تزحلقي شعرك جتامد على ورا بحيث تتفرد الحاته اللى قدام ولما ينشف الشعر خاااااااااااالص تستعمليها
عشان لو اتعملت على شعر مبلول بتحرق او تشيط الشعر
وهى فيها زى مشط رفيع اوى فيها على جنب احدى الاسطح عشان تمشط الشعر وهى بتفرده
وفيها درجة الحرارة ممكن اتحكم فيها من 100 - ل 200
على حسب تخانة شعري وقدرة تحمله - بيجي معاها ورقه بالتعليمات



عموما المكواه السيراميك بتنقيها على حسب طول وتخانه شعرك ونعوميته من عدمها بالتدريج
يعنى لو طويل تجيبي العريضه ولو قصير يبقى الرفيعه
عشان العريضه بتعمل جزء كبير في وقت صغير وكمان لو شعرك ناعم يبقى تجيبي مكواه فولتها قليل عشان ماتبقاش سخنه على شعرك وتطقطقه لا سمح الله
ولو كان شعرك مجعد او في كسرات كتير يبقى تجيبي لها مكواه فولتها عالى
وفي منها انواع بيتركبلها وشوش تعمل الشعر كيرلي او مكسر و ناعم
زى كده
بس اللى جه يجبهالى البيبي ليس اللى بيتركبلها وشوش تانيه لاقه ان فولتها ضعيف فمش هتاثر في شعري
انا شعرتى ناعمه في فيه تموجات كتير قريبه من بعضها يعنى كيرلي طبيعه من عند ربنا
للاسف مش لاقيالكم صورة بلتاعتى على الموقع بتاعهم babyliss

--------------------

ودى اشكال تانيه منها (بيبي ليس)


وفي سيشوار شكله حلو اوى للى مش بيعرفوا يعملوا بالفرشاة في ايد والسيشوار في ايد



وتوضيح اكتر للفرشة بتاعته عن قرب

يميم بيبي ليس دى صناعه ايه وهى احسن ولا لو جبت براون الالمانى او جبت نوع تانى ايطالى

tikatika;7449101:
لألألألألألألألألأ أوعى:eek: مقاس اللارج عندهم كبير جدا يعنى تجيبى ميديم هيبقى مرحرح شويه أو ممكن كمان سمول ده لو فى البيجامات أنا كنت جايبه واحده لارج بعيد عنك:ss:هستخدم الجزء اللى فوق بس نيت شيرت :)(f)

انا ياقمري بتكلم عالانجيري اللي ماسك عالجسم دة لكن البيجامات في اي ماركة ادام ساتان بتكون مديوم والبراهات نفس المقاس في مصر في كل مكان رقم الكاب ورقم قياسك

ميرسي ياماهي علي الرد ياقمر
ان شاء الله هروح واقولكم علي الحاجات اللي شفتها هناك واسعارها

love kingy;7452892:
[quote=mnne;7451413]
ده اكبر مقاس

ميرسي ياقمر بس ايه هوه المقاس الاصغر

يا بنات ساعدونى انا تخنت اوى ومش عارفه اعمل controll بجد بقيت صعب اوى وكمان كان فى بنات بيقولوا على بديل الزيت من بانتيين بيعملوة بدل البلسم يعنى ايه وشفولى حل

حبيبتى في بنات كتبو النظام الغذائي الى ماشيين عليه

اقولك ع حاجه استغلي اليومين الى احنا فيهم وصومي

الفطار بعد الصيام بتلاقي نفسك بتشربي سوائل ومبتاكليش ده اولا بتقعدي شوية وبعدين بتتعشي ممكن تتعشي جامد شوية بس هتبقي مثلا الطقة الى فيومك او الاكلة الى فيومك

انا مبعملش دايت عشان وزنى الحمدلله كويس جدا

بس يعني اهو حل

وبالنسبة للزيت بتاع بانتين بيقولو جميل اوى اوى بس معرفش اخباره

متابعه يعني :)

dollyferfer;7453481:
يا بنات ساعدونى انا تخنت اوى ومش عارفه اعمل controll بجد بقيت صعب اوى وكمان كان فى بنات بيقولوا على بديل الزيت من بانتيين بيعملوة بدل البلسم يعنى ايه وشفولى حل

مش عارفه تقصدى ايه وضحي شويه يمكن اقدر اسعدك

بالنسبه للرجيم بصي كلي كل حاجه بكميه قليله وامشي ساعه كل يوم هتلاقيكي خسيتى واللي بتخسيه مش هاترجعيله تانى وعن تجربه



بنات ايه رئيكم اعمل طربيزهالصالون عليه كرستالات ووبنبونيره كرستال كدا في النص
ولا فازه فاضيه شيك كدا قريبه من العاج ومعاها بنبونيره عاج برده

لحن قلبي ممكن تعملي حاجات كتير لترابيزه الصالون
ممكن تحطي بوكيه ورد مجفف
ممكن فازه وبونبونيره وطفايه كريستال
او سيلفر او عاج زي مابتقولي
زي ناتحبي اعملي مش شرط شيء معين

roro8484;7452789:
طيب ودى بتتباع فين واسعارها ايه؟؟؟؟؟؟؟؟؟؟؟[/ في المنتديات البنات بتبعها quote]

[quote=lola_law2000;7452952]شكر ياقمر على ردك انا سمعت ان ليها وش صيفى ووش شتوى وايه احسن نوع وبكام ومنين معلش طولت عليكى[/ انا جبتها من ينسن الغردقهquote]

[quote=lola_law2000;7453048]بتشتريها منين يا ساره وبكام وانواعها ايه

البنات في المنتديات بيبعوها مش فاكره بكام بصراحه

يابنات حد يعرف مكواه الشعر امجوى الديجيتال دى اخبارها ايه حلو وللا لا؟؟؟؟؟؟