تجهيزات عرايس مصر الجزء 101 :)

meshmesh_romio;7419520:
صباح الهنا عليكوا
عندى سؤال انا اشتريت امبارح قالب للكبكه اللى هو السيليكون وكنت عايزه اعرف هل بيتدهن سمنه مثلا قبل مااحط فيه الكيكه فى الفرن واللا بحطها من غير دهان لحسن جوزى جابهولى امبارح وانا محتاسه ومش عايزه ابين الخيبه من اولها ارجوكم استروا عليا ههههههههه

مشمشه..ازيك ياجميله
بيندهن سمنه بالذات اول مرة بس مش تحطي عليها دقيق زي القالب العادي
ولما تيجي تطلعيها مش تخبطيها زي القديم..لا بتقلبيها بالراحة ومش تحركي القالب كتير ف ايدك يعني مش تفعصي فيه :D:D
واي استفسار انا ف الخدمه

ففرح اخو خطيبي كنت لابسه فستان شبه الاحمر ده بس طالع برقبه ومن ورا توب بس الجيب بتاعو فيه تطريز كتير ماشي مع التوب بتاعو

بس طبعا من ورا مكنش كده

والبنت قالتلى احطلك جيبونة تل ليه من تحت عشان يبقي منفوش كده قلتلها لا لا العروسه تضربني ولا حاجه ولا يفتكرونى انا العروسه :D

كان هو وواحد تانى لونو حمصي كانو من سوريا واول لابسه ب 150 جنية

بصراحة كان تحفة والكل سألنى عليه

فحلوان يا بنات في مول كامل لفساتين الزفاف وسواريه وخطوبة

وخطيبي هو الى ودانى ساعتها عشان هو ساكن قريب من هناك انزلو اخر محطة مترو ( حلوان )

بصراحة انا كنت ناسيه المكان ده لانى كنت راحه ع هدف سواريه مش اكتر

[/COLOR][/B]

aml86;7421812:
ايه رايكم فى الفستان ده للتفصيل
وطبعا هاعدل فيه شويه

حبيبتي الفستان ماشاء الله جميل اوى بس ياريت لو تزودي فيه تطريز هيكون احلى لان العروسة بتكون المفروض احلى واحدة في الموجودين و فستانها غير الكل و اللون هتعمليه كده و لا هتخليه ابيض و تخلي تطريزه فضي هيبقى حلو اوى ده راي يا قمر و ليكي حرية الاختيار طبعا
و طبعا لازم يكون خياط او خياطة شاطرة اوى عشان يعمله كويس اوى

yomizo;7414081:


الجرانيت بقى مش عاوزة اقولك ان نفس البنت اللى مش عارفه اوصلها اللى هى هياها البنت بتاعه التلاجه
هى اللى عامله في مطبخها فكره الرخامه دى بالظبط بس ستريت بدل الدائريه
مش عاوزه اقولك اركنك كده لحد مالاقيها واسالهالك هى عاملاها جرانيت ولا ايه
على العموم لما اعرف هاقولك
وهاروح عند ماما بكره واصورلك تلبيسه دراع الكنبه حاااضر من عينيا :eek::wink:

هيا صاحبتك عامله الفكرة دى في مطبخ عادى ولا مفتوح؟

miss_mony;7414477:
يا بنات عايزة اخد رأيكم الفستانين دول عجبوني بس محتارة اعمل مين فيهم الراجل قالي لازم احدد علشان يحاول يعملهولي ويخلص لحد الفرح ان شاء الله





















وممكن بردوا توروني فساتين تانية لو ده مش عاجبكم

التانى احلى


روبي
انتى ليه بتقولى ان الحلل بتاعت المصانع الحربيه مش كويسه
وكمان ياريت لو تقوليلي عنوانهم في الهرم
وايه احسن الحاجات اللي بيبيعوها؟

maro111;7420556:
لو سمحتم يا بنات كنت عايزه اجيب لخطيبي في عيد ميلاده بيجامه تبقى للجواز بس هو مش بيحب الساتانات هو بيحب البيجامات الشبابي اللي هي بتبقى سويت شيرت وبنطلون حد يعرف ممكن اجيبها منين ؟؟ كانت جرين ابل قالت ان كارمن بتنزل منها بس مش عارفه الاقي حد بيبيع منتجات كارمن بليييييييز متتأخروش عليه و تنصحوني اجبله ايه معاها ؟؟؟؟؟؟؟؟؟؟؟

انا شفت منها واشكال شيك جدا وطبعا قماشتها روعه عند جيل..الي ف محمد فريد ف وسط البلد
بس رووووووووعه بجد

dandona we bas;7419778:












ايه رأيكو يا قمرات في البيجامات دي يا قمرات ؟؟

جمال زيك يا قمر ما عدا اول و تالت واحدة موش مرتاحة لهم

dandona we bas;7419890:
سارة المذعورة بصي الصفحة اللي قبل دي هتلاقي فساتين موديلات 2009 لسه حاطاها حالا انا يارب تعجبك يا قمر

الفساتين دي موش 2009 يا قمر انا شيفاها في حواء من حوالي اربع او خمس سنين :o:o سوري بس حبيت اقولك عشان احيان ناس بتاخد المواضيع القديمة و يكتبو انها حاجات جديدة فتتخدعي فيها يا قمر (f)

meshmesh_romio;7419913:
اه يابنات نصيحه من اختكم المتجوزه بلاش قمصان النوم الغاليه ولا ليها اى لازمه صدقونى هاتوا حاجات معقوله وانتوا اولى بالفلوس لان الرجاله مش بيفهموا يعنى فى القمصان هما المهم الشكل وبس هضحككم انا عندى قمصان الحمد لله غاليه وحاجات فيكتوريا سيكريت وحاجات انجليزى وفرنساوى وعندى قميص والله العظيم ب 7 جنيه وجوزى يقولى ده احلى قميص عندك وعايزنى البسه على طول ههههههههههههه

كلامك صح الصح(y)(y)(y)

maro111;7420556:
لو سمحتم يا بنات كنت عايزه اجيب لخطيبي في عيد ميلاده بيجامه تبقى للجواز بس هو مش بيحب الساتانات هو بيحب البيجامات الشبابي اللي هي بتبقى سويت شيرت وبنطلون حد يعرف ممكن اجيبها منين ؟؟ كانت جرين ابل قالت ان كارمن بتنزل منها بس مش عارفه الاقي حد بيبيع منتجات كارمن بليييييييز متتأخروش عليه و تنصحوني اجبله ايه معاها ؟؟؟؟؟؟؟؟؟؟؟

جبيله معاها برفان او مادلية فضة او ماكينة حلاقة نوع حلو

dollyferfer;7421039:
البنوته الى جابت مفرش السرير زى بتاع فراشة الايمان من امتى والمعرض كان فين ؟
وفى معارض دلوقتى ولا لأ؟
وكمان عاوزة اعرف اى حاجة تضيع حامونييل البشرة؟؟؟؟؟؟؟؟؟؟؟؟؟؟؟؟؟؟؟؟

يميم كتبت لك قبل كدا يا جميل حاجة للبيبيهات ملهاش اي ضرر

تووووكي;7421629:
إزيكو يا بنات وحشتونى من امبارح للنهردا جدا جدا

ووفيتو والله فكل الاسئلة

جت فبالى حاجه مهمة يا جماعه كانت حصلتلى فالخطوبة

هى كانت خطوبة سمبل لبست فيها فستان سواريه ملبستش فستان خطوبة

المهم عنيا كانت فظيعه اليوم ده كانت بتدمع بطريقة فظيعه

والبنت الى كانت بتحطلى الميكب عماله تقولى حاولى تعملى كنترول ع نفسك عنيكي لو دمعت كتير هتبوظي الميكب وانا مش فإيدي حاجه اعملها وفعلا باظ الكحل ولاى لاينر ساحو لدرجه مبحبش اشوف صور الخطوبة خالص

المهم دلوأتى ان ى عروسه تحاول تهتم بعنيها قبل الفرح

في قطرة اسمها ايزبتو ماكسترول هى تقريبا ب 9 جنيه دى مطهر للعين وبتسحب اى التهاب فيها

القطرة دى بحطها قبل ما البس اللانسز بتريحنى اوى اوى

كنت بلبس اللينسز عنيا تجيب الوان وبعد ما اقلعها تحرقنى اوى

بعد ما بقيت احطها مبقتش احس اصلا بوجود الانسز جوه عيني

واظبو عليها كتير

لان اصلا عندي كتاب كبير موسوعه للميكب لواحد اسمو احمد القبيسي ده ميكبست لكل نجوم لبنان

وهو نفسو بينصح بنقطتين قطرة قبل الميكب تدى للعين لمعه وخصوصا لو كانت قطرة مطهره

جزاكي الله كللللللل خييييييييييير حصلي نفس الموقف في فرح قبل كدا و عنيا فضلت تدمع اكني بعيط :(

شهيدة;7421885:
هيا صاحبتك عامله الفكرة دى في مطبخ عادى ولا مفتوح؟

أكيد حيكون مفتوح يا قمر

ادي الليست عشان محدش يزعل:)
عقبااااااااااالي
16-10-2008
فرح moamana82

17-10-2008
خطوبة وكتب كتاب وفرح mishmish2010
فرح mahyy

فرح رقة مشاااااااعر
19-10-2008
كتب كتاب monos911

23-10-2008
فرح sosii / فرح dynamicfam

24-10-2008
كتب كتاب Princess_miro

25-10-2008
فرح monos911

عرايس شهر 11 ان شاءالله

1-11-2008
فرح ranonte/ كتب كتاب DodyCat

5-11-2008
فرح alyaa_shahine

10-11-2008
عيد جواز kantota

14-11-2008
خطوبة batta_fares

20-11-2008
فرح pippo / فرح marwa8000

21-11-2008
فرح habyomar

فرح roshymemo/ فرح فراشة الإيمان

عرايس شهر 12 ان شاءالله

4-12-2008
فرح roro9425

9-12-2008
فرح nemonamanemo

10-12-2008
كتب كتاب وفرح asmaa2003

20-12-2008
فرح sweet_toota

ازيكم يا بنانيت الف مبروك الجزء الجديد و مش معقول كل ما اغيب عنكم يوم ولا اتنين ارجع الاقي اجزاء خلصت وفاتتني:ss:
المهم محتاجة مساعتدكم ف حاجة مهمة جدا
لو حد يعرف اماكن شقق تمليك بس تكون بالقسط انا ساكنة ف فيصل يعني كل ماكان اقرب يبقي احسن بس حتي لو بعيد مافيش مشكلة ياريت اللي يعرف يقولي و ياريت ع الخاص عشان ماتهوش و ربنا يخليككوا اوعوا تطنشوني لحسن الموضوع عامل مشكلة كبيرة اووووووووووووووووووي

ريهام عمر;7414219:
شكرا ياحبيبة قمر حياتى على الكوافيرات بس يريت لو تقوليلى اسامى تانية وياريت لو تعرفى كوافير عربى لانى عايزة اعمل مكياج عربى للعيون ومحتاجة حد متمكن قوى ومش مهم الفلوس وبالنسبة لفساتين الافراح عايزة ايجار اول مرة بس حد يكون جامد قوى قوى ويريت يكون بيجيب فساتين من الامارات او سورية او اى مكان خارج مصر

كمان يا ريهام فيه كوافير محمد الصغير طبعا معروف جدا وفرع بتاعاه فى الاسكندرية موجود فى مول سان ستفانو

عندك كمان اتيليه منال القاضى ديه جامدة ليها كذا فرع روحى فرع فى مول جرين بلازا فى سموحة

وعندك اتيليه نادية الشيخ

وعندك اتيليه نيو ماى ليدى ده جامد جدا وموجود فى شارع سوريا فى رشدى وانتى داخلة من البحر على ايدك اليمين

وجاجيبلك حاجات تانية يا جميل بس بحاول اجيبلك احسن حاجات

بصوا يا قمرات دي أفكار جديدة لاكسسورات الستاير و ان شاء الله تعجبكم

كيفيه وضع مكياج






اولا : نقوم بتنظيف البشرة جيدا ونضع كريم مرطب




ثانيا : نضع كريم الاساس ( اما بالاصابع او اسفنجة خاصة )




ثالثا : نضع الكونسيلر ( سواء قلم او كريم سائل ) نوزعه على منطقة ما حول العينين




رابعا : نضع البودرة (يستحسن بفرشاة كبيرة)




خامسا : نرسم داخل العين بقلم اسود أو ازرق غامق ( نتبع خط الرموش )




سادسا : نضع أي شدو فاتح (يستحسن ان يكون مائل الى البياض ) نضعه مباشرة تحت الحاجب
حتى نبرز شكله ثم نحاول تدريج الالوان من الغامق الى الاغمق ( دائما من الداخل الى الخارج )




سابعا : نجمل الرموش بماسكرا ( توضع على شكل زيكزاك )




ثامنا : نضع أر الخدود ( bluch)




تاسعا : نرسم الشفاه بمحدد ( ليب لاينر ) نفس لون أحملر الشفاه




وأخيرا نضع احمر الشفاه ( يستحسن وضعه بفرشاه خاصة

miss_mony;7414388:
يا بنات عايزة اعرف اجيب كام ملاية لغرفة النوم اجيب 12 ولا كتيرررررررررررر

كتير يا مونى عشان انتى حتملى منهم بعد كدا وحتطلع حاجات احدث وحتبقى عايزة تشترى بس حتسخسرى املايات الجديدة اللى عندك .. كفاية ياجميل 6 او 7 هاتى الوان واشكال مختلفة

ياحبيبة قمر حياتى وحياة المنتدى عرفة انى بتقل عليكى عايزاكى تقولىلى على اماكن بيوتى سنت كويسة وموثوق فيها بتعمل كل حاجة للعروسة قبل الفرح

بنااااااااااات ضرورى عاوزة اعرف

غسالة ايدايال18 برانامج بتكون كام لفة؟؟؟؟

و كمان توشيبا ولا ايديال اليت؟؟؟ فى التلاجة احسسسسسن بلييييييز

ماكس مم 10 ملايات

4 مشجرين و 6 مطرزين او سادة

دعوة للتفاؤل;7414519:
بنات لو ممكن حد من اسكندريه يقولي محلات لبس بيت بيجامات ستان وارواب حلوه وشيك فين لاني نازله اسكندريه قريب بس مش اعرف محلات بيت خالص؟؟؟؟؟؟؟؟؟؟؟؟؟؟؟؟؟؟؟
وميرسي ليكو

عندك كذا مكان هما مش جنب بعض
فيه محل ماجيك على محطة ترام الهدايا

فيه محل انا ناسية اسمه مع انى عالطول بروح عنده :o بس حاوصقلك عنوانه هو فى محطة الرمل شارع سعد زغلول ده شارع معروف جدا على ايدك الشمال وانتى داخلة من محطة الرمل المحل موجود عند كنيسة الدبانة جنب حلوانى طلعت

عندك كذا محل فى مول سان ستقانو بس غاليين شوية بس عندهم حاجات روعة

عندك 2 محل فى مول جرين بلازا حلوين

وجويا احيانا بيبقى عنده بيجامات كويسة بس مش عالطول موجود بردو فى محطة الرمل فى شارع سعد زغلول

بردو فى محل بيجامات خلوة اوى فى كارفور

دعوة للتفاؤل;7414693:
محدش فيكوا رد عليا بخصوص محلات لبس البيت فاسكندريه ليه ياقمرات؟؟؟؟؟؟؟؟؟؟؟
وكمان فين المعرض اللي فيه لبس شتوي ومنتجات سوريه ياريت تقولوا فين بالضبط واروحه ازاي من محطه مصر ياريت حد يجاوبني؟

المعرض موجود فى ارض كوتة فى منطقة الازرايطة جنب مكتبة الاسكندرية على البحر انتى تاخدى مشروع ( ميكروباص) اللى رايح المنشية وهو حيعدى عليه وقولى للسواق نزلنى فى ارض كوته او خدى تاكسى وقوليه الازرايطة عند معرض كوتة واديله 3 جنيه انتى حتى لو وصلتى عند مكتبة الاسكندرية حتلاقيه عالطول

لو سمحتوا يابنا تتقولى
الستاير اللى كانت يميم منزلها النهاردة صفحة كانم
وفى الجزء دة اصلا ولا اللى قبلة

[FRAME="7 10"]
يا بنات عايزه مساعده انا فرحى فى شهر 12 وعايزه كل لفات الطرح اللى موجوده حاولت اجمع بس هيا نفسها عايزه لفات جديده
[/FRAME]