تجهيزات عرايس مصر الجزء 101 :)

ranonte;7419531:
طب حد سمع عن سيهام الحنانة او حد شاف حنة حلوة ادامة ويعرف اسم الحنانة واسعارها يا ريت اللى يعرف يقول معلش انا تعباكوا معايا بس انا باقى اسبوعين على فرحى بس

بصى يا قمر انا معايا رقم واحدة سودانيه فاتحه محل فى المعادى كنت واخاه عشان اجيب منها دلكه وقاالتلى انها بتعمل ليلة حنه بس بكام وايه اخبارها الله اعلم لو عاوزاة وتكلميها قوليلى


فين عبدة صالح وهلاقى حاجات 5 سم ولا

فينك يا برنسيس ميرو وحشاني
يا جماعه حد عنده صور مكياج عشان كتب كتاب اختي يوم الخميس و انا اللي متوليه امر المكياج ممكن حد يديني افكار

manafola;7420073:
فينك يا برنسيس ميرو وحشاني
يا جماعه حد عنده صور مكياج عشان كتب كتاب اختي يوم الخميس و انا اللي متوليه امر المكياج ممكن حد يديني افكار

ممكن تدخلى على اليوتيوب او الفيس بوك وتعملى سيرش على الجروبات او اليوتيوب بالفيديو
والف مبروك لاختك وعقبالك وربنا يتمم على خير

DodyCat;7419450:
حد عنده صور لمفارش سرير بس شيتوى
وعايزة أعرف أسعار اللحاف الفايبر الشيك ؟

DodyCat;7419776:
مش رديتو عليا أسعار اللحاف الفايبر بكام؟؟

الاسعار بتبدأ من 200 وطالع

dandona we bas;7419823:











شوفوا فساتين الزفاف دي حلووووووووووووة اوى و ممكن تتنفذ او تشوفوا حاجات زيها يا قمرات قولولي آرائكم يا بنات و لو محتاجين اي فسلتين لأي مناسبة قولولي بس و انا موجودة يا حليوووووووين

فى زيهم فين دول ما شاء الله كلهم حلوين خصوصا اول اتنين ما شاء الله

meshmesh_romio;7419913:
اه يابنات نصيحه من اختكم المتجوزه بلاش قمصان النوم الغاليه ولا ليها اى لازمه صدقونى هاتوا حاجات معقوله وانتوا اولى بالفلوس لان الرجاله مش بيفهموا يعنى فى القمصان هما المهم الشكل وبس هضحككم انا عندى قمصان الحمد لله غاليه وحاجات فيكتوريا سيكريت وحاجات انجليزى وفرنساوى وعندى قميص والله العظيم ب 7 جنيه وجوزى يقولى ده احلى قميص عندك وعايزنى البسه على طول ههههههههههههه

ههههههههه ربنا يسعدك

manafola;7420073:
فينك يا برنسيس ميرو وحشاني
يا جماعه حد عنده صور مكياج عشان كتب كتاب اختي يوم الخميس و انا اللي متوليه امر المكياج ممكن حد يديني افكار

طيب لون الفستان ايه يا جميله وربنا يتمملها بخير وعقبالك ان شاء الله وعقبالنا كلنا ان شاء الله

انا عندى حاجات حلوة اوى بس يا رب الصور تنزل بس ممكن تقوليلى الوان ايه بلظبط لبسها او الالوان الى انتى عاوزاها بس بسرعه عشان قربت اقوم

ازيكم يابنات انا عايزة افصل فستان سواريه عشان فرح اخويا ياريت حد ينزلي صور بس ينفع للحجاب ولو حد من المنصورة يقولي علي خياطة موثوق في شغلها

حاجات الدولاب



1-قمصان قطن 5
2-قمصان تحت الهدوم 3
3-قميص بروبه ------------ 4 منهم واحد ابيض
4-قمصان عرايس ( للنوم) -------------- 30
5-برا كب ------3
6- برا عادى ----------6
7-انر وير ------------24
8-سوفت برا كارينا -------------- 3 اطقم
9-بيجامات تابعة للقمصان ----------4
10-شباشب بفرو ----------- 4 الوان مختلفةعشان تليق مع كل حاجة
11-باديهات------------5
12- بناطيل برمودا ---------------- 3
13-بنطلون استرتش -------------- 3
14-بنطلون جينز استرتش
15-بدلة رقص -------------- انا بصراحة انكسف جدا اجيب حاجة كدا بس كتبتها من باب العلم بالشئ للى عندها القدرة انها تجيب
16- 5 دست شماعات
17-ترنج للعريس
18- الملابس الصيفى
---8 بيجامات
---3 روب فردانى صيفى
---4 جلاليب بكم
---2 جلاليب بنص كم
---2 حلاليب كت
---2 ترنج صيفى
---3 عبايات صيفى مطرزة مختلفة الاشكال
---6 اطقم خروج صيفى
19- ملابس الشتاء
---8 بيجامات
---4 جلاليب
---2 ترنج شتوى
---3 عبايات شتوى مطرزة و مختلفة الاشكال
--- ملابس خروج شتوى 4 اطقم
20- و اخيرا لا تنس عباءة الصباحية التى تقابلين بها الزوار

حاجات المطبخ


1-طقم صوانى الومنيوم
2-طقم صوانى تيفال
3-طقم كنكات استانلس او تيفال
4-3 برادات احجام
5-طقم حلل استانلس
6- 2 حلة الو منيوم كبار( للعزايم)
7-2 حلة تيفال مختلفى المقاسات
8-2 لبانة استانلس
9-طقم حلل صاج ثقيل
10-اطقم كبايات مياه و كاسات و مجات ( من 8 الى 9 اطقم)
11-طقم سكاكين
12-5 سكاكين فردانى احجام
13-2 طقم حلل ثلاجة
14-طقم مجات شوربة او 2 على حسب عدد كراسى السفرة
15-2طقم توابل
16-طقم اطباق بيركس للمطبقية فى ناس بتستعمل الميلامن بس بصراحة ده معادتش موضة مع انه عملى
17-طقم توزيع
18-طقم ميلامين لمن ترغب
19- 12 ماعقة كبيرة و 12 صغيرة و 12 شوكه كبيرة و 12 صغيرة للمطبخ
20-طقم مقصات
21-مخرطة
22-12 فوطة مطبخ
23-طقم مريلة مطبخ
24- 6 مقاور
25-3 برام (طاجن)
26-مقشرة بطاطس
27-مبشرة
28- منخل
29-طقم مصفاه عصائر
30-2 مصفاه مكرونة
31-مصفاه بارجل
32-صينية تقديك طعام ميلامين كبيرة
33-صوانى استانلس للتقديم
34-صوانى ميلامين للتقديم
35-شياطة
26 فرن كهرباء
37-طقم شربات
38-2 شفشق مياه زجاج
39-2 طقم ملاعق خشب
40-طقم فتاحات ببس و كسارة بندق و هراسة فول
41-عصارة برتقال ( يوجد منها كهرباء)
42-كوانتر
43-صفاية اكواب
44-صفاية ملاعق
45-حلة برستو
46-ترمس
47-طقم خشاف زجاج
48-6اطباق استانلس
49-كبة
50-مفرمة ثوم
51-صينية بيتزا و بسبوسة
52-ماكينة البيتى فور
53-صينية كب كيك عدد 2
54- طقم حلل بيركس
55-طبق فاكهة
56-طاسات تيفال احجام عدد 5
57- طبق فتة استانلس كبير جدا
58- طبق سلطة استانلس كبير جدا
59-ماسك للخضروات و اللحوم
60-قطاعة بيض
61-قطاعة صوانى
62-مصفاة قلية مخرمة
63-فرشاه زيت
64-مضارب بيض
65-عجانة
66-طقم قهوة
67 طقم شاى
68- غطاء للانبوبة و اخر للغسالة
69-عصارة ليمون

حاجات النيش
1-طقم شاى كامل شيك
2-طقم صينى
3-طقم اركوبال
4-طقم شربات شيك
5-شنطة ملاعق
6-طقم صوانى شيك
7-طقم كاكاو
8- طبق فاكهة شيك
9-بونبزنيرة
10- حامل للكعك
11-اطقم كاسات على حيب حجم النيش
12-طقم حلل بيركس

بنات هو البرا الكب ده بيتلبس تحت ايه فى هدوم البيت ؟

حاجات الحمام
1-ستارة بانيو
2-سلة غسيل
3-سلة صغيرة لكل غرفة
4-اطباق بلاستيك متوسطة عدد 3
5- اطباق غسيل كبيرة عدد 2
6- فرشاة ارض و فرشاة حمام
7- مساحة
8- 2مقشة
9-جاروف بالفرشاة
10-زعافة و منفضة
11- ريشة للتراب الخفيف
12-جردل بالعصارة
13-منشر صغير
14-كرسى حمام
15-فرشاة سجاد
16-سلة مشابك + مشابك بلاستيك و خشب
17-2 شبشب حمام
18-لوف للحمام
19-قاعدة للانبوب
20-سائل تنظيف الحمام

ranonte;7419343:
حد يعرف حد بيفصل جزم حلوة للفرح طب لو لبست صندل على الفستان هيبقى حلو ولا

انا فصلت جزمه الخطوبه عند عبده صالح ب 145 جنيه لو

انتى اللى جايبه القماش اما لو هما يبقى 175 وخدتها ف 4 ايام

وماشاء الله كانت تحفه واللى فصلتلى الفستان طرزتهالى

كانت تجنن

بنات عايزه اشترى اطباق صغيره للشوربه بس تكون حاجه جديده كده
لو حد شاف حاجه يقولى عليها

فى اشكال كتير ومتنوعه فى التوحيد والنور وفى الفا ماركت

مرمر23;7416335:
يا بنااااااات أنا سمعت ان القطن هايغلى وانا هتجوز على شهر واحد او اتنين ان شاء الله فاينفع اننا نجيب القطن من دلوقت ونشيله ولا ممكن يحصل له حاجه ؟؟؟؟؟؟؟؟؟؟؟؟؟؟؟؟؟؟

هاتيه عادى بس شيليه فى مكان فيه تهويه ومتسيبهوش على الارضض خليه واقف

ranonte;7419180:
انا جبت فستان الفرح كب و عاوزة اعمل باضى تقفيلة و روحت جبت تل استرتش طبقتين بس حساة خفيف اوى ادونى مقترحاتكم بسرعة

البسى تحته بادى كارينا

ranonte;7419324:
بس مش هيكلكع او يبقى شكلة وحش

لا مش هيكلكع انا لسه الاسبوع اللى فات شايفه واحده لابساه وكان كارينا كريستال
وللاطمئنان جربى الاول

ranonte;7419343:
حد يعرف حد بيفصل جزم حلوة للفرح طب لو لبست صندل على الفستان هيبقى حلو ولا

لاعادى البسى اللى يريحك

البنات اللي بتفضل تقول ان مطبخها صغير وانها عايزة تستغله والكلام ده
انا لما جيت اعمل مطبخي كنت حاطه تصور وبعدين الراجل اللي بيعمل المطبخ قالي لازم اجى وارفع المقاسات واعمل تصور لشكل المطبخ وانتى براحتك بعد كده عدلي زى ما انتى عايزة وفعلا الراجل جه ورفع المقاسات وعمل تصور للمطبخ رائع استغل كل مكان فيه وفي الاخر مكنش الزام عليا اعمل عنده وطبعا دفعت تمن المعاينة كانت ساعتها ب 30 جنيه
يعنى من الاخر كنت ممكن اخر التصميم بتاعه واروح اعمله عند واحد تانى والموضوع كان بسيط اوى

marwa8000;7420406:

ازيكم ياقمرات عاملين اية

مبروك لاسيرة حنانة ونايس هارت وربنا يهنيهم ان شاء الله وعقبالنا كلنا يابنات

بصوا بقى انا ليا كذا استفسار

اولا: انا عايزة اسألكوا على الجيربات اجيبها الاشيك طبيعى ولا ورد صناعى ؟

ثانيا : انا عايزة اعرف احسن جيبونة انا من اللى قريته فى الاجزاء اللى فاتت ان الجيبة التل مش عملية طيب اعمل اية يابنات افيدونى لحسن انا حاسة انى محتااااااااااااااااااااااااااااااسة جدا جدا

ثالثا : التقفيلة اعملها اورجانزا احسن والبس تحتها بدى ولا تل استريتش ؟؟؟؟؟؟؟؟؟ والبس تحتيها بادى نوعه اية كارينا ولا اية يابنات واجيبة منيننننننننننن حاسة انى مش عارفة حاجة خالص والاحساس ده وحش اوى اوعو متردوش عليا

اللهم امين يارب العالمين يارب

الجريب الطبيعى احلا اكيد

الجيبونه التل حلوة لو الفستان الجيبه بتاعته مش مشغوله كتير يعنى سمبل
لكن لو السلك يبقا تجيبيها وتشيلى اخر ديرة فيها

والبدى افضل حاجه التل استرتش التقيل مش الشفاف عشان طبعا محجبه

ولو مش هتلاقيها هاتى بادى كارينا او بدى عادى يكون بيلمع منه فيه

وربنا يتمم بخير ان شاء الله





شوفوا دا


http://www.3roos.com/forums/t388754.html#post7420396

على طريق العرس فين معرض كوته وبتاع ايه بالظبط