فراشة الإيمان;7418961:
يابنات دى ستاره اوضه النوم
ياترى شكلها حلو
انا جبتلها شيفون روز هاتبقى الجزء الفوقانى وجبتلها جبير ابيض يتعمب بدل الكشكشه اللى فيها دى جبناه شلكله شيك مووووت المتر بتاع الجبير جبناه ب9جم
وبقيت الستارة اللى الجزء اللى تحت اللى بيتفتح ويتقفل جبته ابيض شيفون وفيه تقصيبه روز وتقصيبه ذهبى
ولما تخلص هابقى اصورلكوا الستارة
ايه رايكو هاتطلع حلوة
فراشة الإيمان;7417681:
انا صورت المفرش للبنت اللى كانت بتسألنى شكله ايه
واليكم التفاصيل هههههههههههههههههههههه
ده شكله مش عارفه باين ولا ل كاميرا الموبايل مش قوى
وده من على الجناب
هنا صورت التطريز نفسه
دى الخداديه فى منها 2
دى التكايه فى منها2
اما دى شكل الرسمه اللى فى المفرش نفسه
وهو كله سيرما
ومعمول بروز فى النص على شكل ورده
وجبته ب360
هاه يابنات ايه رأيكم
سارة المزعورة;7418238:
صباح الخير وازيكم جميعا ووحشتونى جدا
مبروك لنانى فيس وعقبال الجميع
البنوتة الى بتقول ان الشقة ايجار جديد وحيطانها سيمونى عندى فكرة انك تمشى عليها رولة بلون سن الفيل فاتح لان الاون السيمونى هايقيدك فى لون الستائر واللذى منة وانتى قلتى انها ايجار جديد فهاتسيبها ان عاجلا او اجلا من راى انك تغيرىلون الحيطان للون محايد والتكلفة مش هاتكون كبيرة لانها وش واحد بس يعنى لا معجنة ولا سنفرة مجرد وش واحد بس
8 ملايات لسرير كبير كافية جدا مش 12 ابدا كل فترة الموضة بتتغير
12 دول لو انتى عايزة ما تشتريش لمدة 15 سنة قدام صدقينى
مامتى حبيبتى كان امها جايبة ليها 12 وفضلة موجودين لحد ما دخلت الجامعة انا الى قلت عايزين نغير ونجيب حاجة جديدة
عايزة اعرف فين اتيلية الامبراطورة دة فين ؟؟؟؟؟؟؟؟؟؟
وكمان tweety بيانات وعنوان مخزن الخشب ضرورى من فضلك
وكمان yomizo لينك الناس بتوع الجيرب وربطة طرحة العروسة من فضلك ضرورى
وطالة talaa ممكن&ىلاسحك ممكن بيانات الراجل من فضلك وشكرا
واية النشاط الفظيع دة اسيبكم يوم الخميس العصر اجى الاقى اجزاء خلصت وجزء فى نصفة اية الى حصل لكم ;
عاشقة الرحمن دينا;7418818:
يا بنات في سيت علي النت بتاع بيجامات اقطان و ستانات تحفه
اسمه etam
حد يعرف نلاقيهم فين فمصر
هما الاسعار اللي علي النت مش عارفه عملتهم ايه
بس حتي او ضربنا السعر المكتوي ف 5 بيبقي السعر لسه حلو
حد عنده اي تفاصيل بقي؟؟
DodyCat;7418859:
بنات هو طقم الملاية الساده القطن اللى ليه كنار أورجانزا يبقى فى حدود كام سعره ؟؟
sweet_toota;7418897:لا اعتقد هتبقى حلووووووووووووووووة اوى والف مبروك لنانى وبسبس وربنا يسعدهم ياربمبروووك لاسيرة حنانه و سارة ونانى فيبس ربنا يوفقهم و يسعدهم يارب...بقول اية يا بنات انا دهنت غرفة المعيشة الوان مطرقعة عملتها احمر فى اورانج :D بس طلعت جامدة الحمد لله...المهم دلوقتى انا بعملها كورنر حرف ال ونازلة اجيب القماش و عايزاة لون سادة والخداديات لون تانى تفتكروا اجيبه اية يمشى مع الوان الحيطة المطرقعة دى..ولو عملته احمر غامق والخداديات اورانج هتبقى فاقعة؟
عاشقة الرحمن دينا;7418964:
ميرسي يا جميل علي الرد
لا لو باليورو يعني اضرب السعر ف تمانيه و شويه بلاش منه احسن
طيب حد يعرف مكان اشتري منه بيجاما ستان بناتي بس جامده مش تقليديه يعني
عاوزاها كت كده و شريطه علي الوسط و الكلام ده
عاوزه اعرف في حدود كام عشان هديها هديه لوحده صاحبتي بتجهز
صوت العيون;7415696:
اللوز بودر معاها سفنجه بتيها وتعصريها وتسيبى فيها بلل بسيط واخدى من العليه وتستعمليها
وهى افضل نوع فى السوق او اكتر واحد منتشر وعن تجربه الى هو لونه احمر علبته ولون البودره البتاعه الى فيها كله احمر بتبقا بين 23 و 25 جنيه
dyana;7419055:
انا جبت نفس المفرش دا من المعرض السورى بارض المعارض وكان ب 400 جنيه
من بعد ما البنت قالتلى ب 700 جنيه وهو لونه سكرى:wink:
miss_mony;7414477:
يا بنات عايزة اخد رأيكم الفستانين دول عجبوني بس محتارة اعمل مين فيهم الراجل قالي لازم احدد علشان يحاول يعملهولي ويخلص لحد الفرح ان شاء الله
وممكن بردوا توروني فساتين تانية لو ده مش عاجبكم
dyana;7419055:
انا جبت نفس المفرش دا من المعرض السورى بارض المعارض وكان ب 400 جنيه
من بعد ما البنت قالتلى ب 700 جنيه وهو لونه سكرى:wink:
ranonte;7419180:
انا جبت فستان الفرح كب و عاوزة اعمل باضى تقفيلة و روحت جبت تل استرتش طبقتين بس حساة خفيف اوى ادونى مقترحاتكم بسرعة
alhasnaa;7417018:
البدي اسبلاش بيترش على الجسم وهو ناشف بعد الحمام زي السبراي ولو سمحتي قوليلي لقيتي فين منتجات فيكتوريا سيكرت
سارة المزعورة;7419126:
حلو المفرش انا كمان شوفتة فى المعرض الاخير بس برافو عليكى فى الفصال
meroo012;7418890:ETAM فاتح فى شارع شهاب المهندسين وكل اللى اعرفه انو غـــالى
حد يعرف جيم حلو ف المهندسين ؟
DodyCat;7419222:
ألبسى تحت البدى التل بدى كارينا او لاميه والجو دلوقتى برد شوية مش هيبقى حر يعنى
ربنا يتمملك بخير ويسعدك
sweet_toota;7418897:مبروووك لاسيرة حنانه و سارة ونانى فيبس ربنا يوفقهم و يسعدهم يارب...بقول اية يا بنات انا دهنت غرفة المعيشة الوان مطرقعة عملتها احمر فى اورانج :D بس طلعت جامدة الحمد لله...المهم دلوقتى انا بعملها كورنر حرف ال ونازلة اجيب القماش و عايزاة لون سادة والخداديات لون تانى تفتكروا اجيبه اية يمشى مع الوان الحيطة المطرقعة دى..ولو عملته احمر غامق والخداديات اورانج هتبقى فاقعة؟
ranonte;7419324:
بس مش هيكلكع او يبقى شكلة وحش
