تجهيزات عرايس مصر الجزء 101 :)

meshmesh_romio;7419913:
اه يابنات نصيحه من اختكم المتجوزه بلاش قمصان النوم الغاليه ولا ليها اى لازمه صدقونى هاتوا حاجات معقوله وانتوا اولى بالفلوس لان الرجاله مش بيفهموا يعنى فى القمصان هما المهم الشكل وبس هضحككم انا عندى قمصان الحمد لله غاليه وحاجات فيكتوريا سيكريت وحاجات انجليزى وفرنساوى وعندى قميص والله العظيم ب 7 جنيه وجوزى يقولى ده احلى قميص عندك وعايزنى البسه على طول ههههههههههههه

كلامك فعلا صح بس ساعات بيبقى فيه رجاله كده سوسه وتلاقيها فاهمه كويس اتا في مره كنت داخله محل لانجيري ولقيت واحد واقف بينقي لانجيري وبانتيهات وما شاء الله عليه سوسه وفاهم في الماتريال والانواع وكل حاجه بقيت مستغربه اوي ومكسوفه اوييي:o

m@hy;7422644:
بنااااااااااات ضرورى عاوزة اعرف

غسالة ايدايال18 برانامج بتكون كام لفة؟؟؟؟

و كمان توشيبا ولا ايديال اليت؟؟؟ فى التلاجة احسسسسسن بلييييييز

تقريا 500 البنات تفيدك كمان وال اسمعه ان التلاجه ايديال اليت حلوه عن توشيبا

heba ali;7423003:

يا بنات كان ليا استفسار بس متضحكوش عليا:o احنا ازاى بنغسل اللانجيرى اللى هى قمصان النوم و البيجامات الساتان , هل على ايدينا ولا فى الغسالة عادى؟ ؟؟؟؟ و لو اتكرمشوا من الغسيل نكويهم؟؟؟؟

اللانجيري طبعا يتغسل على الايد براحه كده ومش كله بيتكوي الستان والحرير براحه اما الباقي لا والغساله هتبهدله وهتخلي شكله مش حلو خالص

s-roza;7424396:
ازيكم يابنات دى اول مشاركه ليه بس انا عايزه اعرف الكنب الاستوديو الى بيتفرد يبقى زى السرير اسعاره كام وبيتباع فين:)

هتلاقي عند محلات الموبيليا انا شفته في المناصره وعمر افندي وعند يانسن وبيبدا من 850 وانتي طالعه بقا

mnne;7424636:
ميرسي اوي ياحبيبي انتي افدتيني جدا بكلامك ده
انا اخت دعوة للتفاؤل وانا اللي كنت بسئل عالحاجات دي بس بعضويتها:)

مخالفه كده يا قمر لازم استفسار او رد على سوال


بنات انا كنت عايزه اسالكم عن كريم اساس يكون حلو ويغطي البقع السودا ال في الوش انا سالت في ركن المكياج ومحدش عبرني بس ياريت ال تقول تقول المكان والسعر
وكنت عايزه اعرف الطقم الحلل الاستانلس بيبقى 5 قطع وفيه بيبقى 8 اجيب مين فيهم انا حاسه انه 8 كتير انتوا ايه رايكم؟؟؟

kasanova;7415750:
اااذيك يا شهيده

مشاء الله انتى ملكة الصور
الاقى عاكى صور لركنه مودرن او الترا مودرن يا جميل؟؟؟؟؟؟؟؟؟؟؟؟؟

بصى يا ستى دى شوية ركن يارب تعجبك وعايزة دعوة ان ربنا يريحلى قلبى ويهديلى الحال ويكتبلى الخير

mnne;7424858:
ايه يابناويت محدش رد عليا من اسكندريه خالص موضوع الكريمات
خلاص اقولكم تاني لحد ماتردوا
عايزه مكان الاقي فيه مجموعه فروتي الشاور والكريم وكمان كريم ملمع للجسم لو حد
بعرف ماركه كويسه يقولي عليه بس مش يكون غالي اوي لان عندي 500 حاجه تانيه لسه هشتريهاطبعا
وربنا يخليكوا ليا
بس ردوا بئه وخليكوا حلوين

لو قصدك fruittini

موجودة في فتح الله

dollyferfer;7421472:
واحة الحب معلش اخر سؤال هوا دوا الدمامل دة المفروض هيعمل ايه . وايه الحل لو دى طبيعة جسم واستمر علييه قد ايه ؟

المرهم والمضاد الحيوى هيخلوا الدمامل دى تخف خالص ان شاء الله
استمرى عليه من اسبوع ل 10 ايام بالكتير
لو دى طبيعه جسم الاحسن تروحى لدكتور جلديه وغالبا هيطلب منك تحاليل وعلى اساسها يشخص الحاله

سما الحب;7421484:
طيب هو كل لما معامل الحمايه يزيد يكون افضل ولا ايه وطريقه استخدامه
و ايه افضل الماركات و منه و ياريت تقوليلي اسعاره بتتراوح في رينج كام
و مرسي ليكي يا قمرايه

ايوه طبعا كل لما معامل الحمايه يزيد يكون احسن
افضل الماركاتphotoderm,spectraban,mash
وعلي فكره في انواع للاطفال منها لونا كيدز ودى بحوالى حاجه واربعين جنيه

بنات أليكس حد يعرف مكان بيبيع مجات بس تكون جميلة و مش غالية
أنا جبت واحد من فتح الله ب-١٦ جني:mad:ه دول بقى عايزة من ٥ ل-٧ جني:D:D:Dه ههههههه بس يا ريت يكونو حلوين و مش غاليي:Dن


pascotta رديت عليكي فالقسم يا قمر(a)

(رقة مشاعر);7420695:

بنات انا زعلانة منكو عشان موش حاطنى مع عرايس شهر 10 انا فرحى يوم 17 -10 -2008 ان شاء الله

ولا تزعلى يا قمر خلاص حطيت اسمك

تووووكي;7421629:
إزيكو يا بنات وحشتونى من امبارح للنهردا جدا جدا

ووفيتو والله فكل الاسئلة

جت فبالى حاجه مهمة يا جماعه كانت حصلتلى فالخطوبة

هى كانت خطوبة سمبل لبست فيها فستان سواريه ملبستش فستان خطوبة

المهم عنيا كانت فظيعه اليوم ده كانت بتدمع بطريقة فظيعه

والبنت الى كانت بتحطلى الميكب عماله تقولى حاولى تعملى كنترول ع نفسك عنيكي لو دمعت كتير هتبوظي الميكب وانا مش فإيدي حاجه اعملها وفعلا باظ الكحل ولاى لاينر ساحو لدرجه مبحبش اشوف صور الخطوبة خالص

المهم دلوأتى ان ى عروسه تحاول تهتم بعنيها قبل الفرح

في قطرة اسمها ايزبتو ماكسترول هى تقريبا ب 9 جنيه دى مطهر للعين وبتسحب اى التهاب فيها

القطرة دى بحطها قبل ما البس اللانسز بتريحنى اوى اوى

كنت بلبس اللينسز عنيا تجيب الوان وبعد ما اقلعها تحرقنى اوى

بعد ما بقيت احطها مبقتش احس اصلا بوجود الانسز جوه عيني

واظبو عليها كتير

لان اصلا عندي كتاب كبير موسوعه للميكب لواحد اسمو احمد القبيسي ده ميكبست لكل نجوم لبنان

وهو نفسو بينصح بنقطتين قطرة قبل الميكب تدى للعين لمعه وخصوصا لو كانت قطرة مطهره

بس بالشكل ده يبقى ممكن عندك حساسيه من العدسات
ماروحتيش لدكتور؟؟؟؟؟؟؟؟؟

heba ali;7423003:

يا بنات كان ليا استفسار بس متضحكوش عليا:o احنا ازاى بنغسل اللانجيرى اللى هى قمصان النوم و البيجامات الساتان , هل على ايدينا ولا فى الغسالة عادى؟ ؟؟؟؟ و لو اتكرمشوا من الغسيل نكويهم؟؟؟؟

اغسليهم على ايدك لانهم مش هيبقوا متوسخين جامد والستان بيتكوى بس على درجه قليله

m@hy;7423425:
بنات انا سئلت صحبتى لسة متجوزة عندها بوتجاز يونيفرساااال
بتقولى شغال زى الفل و مش بيفصل ولا حاجة و عملت علية كيكات كتير جميلين
و الشواية و الفرن مع بعض بيشتغلو و وكمان فية لمبة للفرن
قولت افرحكم و شكلى هجيب يونيفرسال

والله انا مسمعتش من حد اشتكى من يونيفرسال غير هنا بس :ss:



عرايس شهر 10 ان شاء الله
16-10-2008
فرح moamana82
17-10-2008
خطوبة وكتب كتاب وفرح mishmish2010
فرح mahyy/ فرح رقة مشاعر
19-10-2008
كتب كتاب monos911
20-10-2008
فرح نانى فيبس
23-10-2008
فرح sosii / فرح dynamicfam
24-10-2008
كتب كتاب Princess_miro
25-10-2008
فرح monos911
26-10-2008
فرح عاصفة الايام
عرايس شهر 11 ان شاءالله
1-11-2008
فرح ranonte/ كتب كتاب DodyCat
5-11-2008
فرح alyaa_shahine
10-11-2008
عيد جواز kantota
14-11-2008
خطوبة batta_fares
20-11-2008
فرح pippo / فرح marwa8000
21-11-2008
فرح habyomar

فرح roshymemo/ فرح فراشة الإيمان
عرايس شهر 12 ان شاءالله
4-12-2008
فرح roro9425
9-12-2008
فرح nemonamanemo
10-12-2008
كتب كتاب وفرح asmaa2003
20-12-2008
فرح sweet_toota

m@hy;7422644:
بنااااااااااات ضرورى عاوزة اعرف

غسالة ايدايال18 برانامج بتكون كام لفة؟؟؟؟

انا لسه امبارح كنت فى بى تك وكان مكتوب عليها 400 لفه والراجل قالى الل هيا ال 14 برنمج احسن من ا ل18 بس انا شايفه ان ال 18 احلى

و كمان توشيبا ولا ايديال اليت؟؟؟ فى التلاجة احسسسسسن بلييييييز

توشيبا احسن بس اضيق من جوا
بس ابعدى عن ايديال وكريازى مع ان كريازى اغلى واحده في التلاته بس مش حلوين علشان الموتور اتغير وبقت بتسخن جامد اوى

doddy;7422993:
حطيلى بسررررعة بليز صورة الصفرة... ده انا نفسى فيها أوىىىىىىىىى
ولو لاقيت صور لكراسى هبقى احطهالك ان شاء الله يا جميل

مع الاسف مع الالم مش عندى صوره يا جميله كان عندى فيديو صورته بالموبايل ووصفته للنجار وصف دقيق وقعدنا نرسمها مع بعض وطبعا الورق عنده بس هوا الصراحه فنان وليس نجاررر


ميرسى يا صوت وميرسى يا يوميزو على الصور
بس بليز عايزه صور تانيه للكراسى تكون مناسبه اكتر شويه
معلش بتقل عليكم

حد يقولى تلاجه هيتاشى حلوه ولا وحشه؟ واحسن تليفزيون ايه توشيبا ولا ال جى؟؟ ولو حد عنده صور لشكل التليفزيونات بس بالبوصه يعنى مثلا تليفزيون 21 و 25 و 29 كصور مش مهم الماركه بس عايزه اشوف الحجم


محدش يعرف اسيره اخبارها ايه
أمة الله ولدت ولا لسه؟

انا دلوقتى لسه جايه من فرح واحده صحبتى كان فى نوفيتل المطار بجد ماشاءالله الفرح حلو اوى
والميكب كان تحفه ماشاءالله كانت عملته عند محمد الصغير فى فندق شيراتون
والفستان كان تحفه وسيمبل جدااا بس مش عارفه مننين الصراحه بس كان جميل اوى وكانت بتتحرك براحتها اوى
وفعلا الجيبونه مكنتش سلك
لان فى خطوبتها كانت سلك وشوفنا الشورت بتاعها :D لان الجيبونه رفعت الفستان بس النهارده كانت هادى خالص وقعدت لوحدها وقامت وبتتحرك ومش واقفه بقى سلك لا كان تل ااو بلاستيك اللى بتقولو عليها
حبقى اسئلكم على التفاصيل واقولكم :)

بنات الراجل امبارح فى بى تك قالى حاجه مش فاهماها
يعنى ايه غساله ايديال المستورده متقفله فى الاتحاد الاوروبى
مين يعنى الدوله بتاعت الاتحاد الاوروبى ؟؟؟

mashimaro16;7425314:
بنات الراجل امبارح فى بى تك قالى حاجه مش فاهماها
يعنى ايه غساله ايديال المستورده متقفله فى الاتحاد الاوروبى
مين يعنى الدوله بتاعت الاتحاد الاوروبى ؟؟؟

الاتحاد الاروبى هى عباره عن مجموعه دول اوربا كلها وبيسموها الاتحاد الاروبى ودى صنعات بتبقى كويسه ومضمونه انا جايبه غساله اريستون الايطالى 2 حله استاليس لونها سيرفر ب4500 تحفه وكتير بيشكروا فيها وضمنها10 سنوات بس قطع غيرها بتبقى غاليه شوايه بس مع المحافظه مش هحتاج القطع غيار ان شاء الله

talaa;7414514:
ياستي اخباره حلوه اوي وفساتينه احلى واحلى من الاتليهات اللي لفيت عليها ,, وانا ماكنتش بقتنع بفكرة التأجير بصراحه لاني من النوع اللي بيقرف حبتين او اكتر من الحبتين لكن لما رحت مع صحبتي فشفت الفساتين عجبتني اوي وشفت انها بتلمع من نضافتها فقلت خلاص انا هأجر من هنا لانه فساتينهم كلها من بره مصر وهي مش مكرره يعني زي اغلب الموديلات اللي موجوده في الاتليهات التانيه زي ماشفنا ,, وهو اسعاره مختلفه كانو في الاول فساتينهم كلها ايجارتها من 1500 ل 2000 ده اول مارحنا لكن لما رحت تاني مع قرايبي لاقيتهم جايبين فساتين جديده وبأ عندهم كل الاسعار يعني من 500 جنيه وانتي طالعه فوق ونفس النظام للسواريهات وطبعا اسعارها بتبدا من 100 جنيه لحد 800 تقريبا لو مكنتش غلطانه والاتليه مكانه في شارع البحر الأعظم في منطقه اسمها (( الجيزه )) ,, اللي عوزه تعرف ارقامهم انا ممكن ابعتلها هي على الخاص اصله انا اعرف انه ممنوع تتحط ارقام على العام لو مكنتش غلطانه ’’

انا كمان بدور علي محلات لتاجير الفساتين فا لو سمحتي ترسلي ليالتليفونات و العنوان بالتفصيل علي الخاص :o

أنا عضوة جديدة هنا ، محتاجة مساعدتكم، أنا عندي مشكلة بالنسبة لبيجامة خطيبي ،أنا مضطرة اني أفصلها هي و الروب ،لأن خطيبي في جسم علاء ولي الدين ،أجيب قماش نوعه ايه ، أنا عاوزاها بيضاء ، بس ميكنش القماش سادة , لو حد يعرف اسم القماش و أجيبه منين في مصر يلحقني بسرعة ، كمان عاوزة أعرف لون الروب اللي يليق مع البيجاما البيضا ، أرجوكم ردوا على بسرعة و ربنا ميحرمنيش منكم يا رب

looloo86;7425145:
لو قصدك fruittini

موجودة في فتح الله

ميرسي يالولو ربنا يخليكي
يارب البنات يفيدوكي فموضوع المجات ده
بس ممكن حد ينزلي صور لكنب بيتفتح سرير بس يكون مودرن:)

ميرسي يابسكوته لان قلتلي عالمخالفه وياريت حد يقولي حاجه فموضع كريم لمعه الجسم ده ضروري من اسكندريه فين وبكام وطبعا اسمه ايه

* رنيم *;7424709:
ازيكم يا قمرااااااااااااااااات قمراية قمراية (f)(f)(f)

وحشتونى جدا كلكم و ما شاء الله عليكم مش قادرة اخلص قراية الاجزاء اللى فاتتنى

الف مبروك على الجزء الجديد اللى بقينا فى نصة :D

و بمناسبة اسئلة ماهى عن الاجهزة فهقولكم عن آخر حاجة سمعتها من فنى صيانة كان عندنا بيصلح شوية حاجات فى البيت و انا طبعا استغليت الفرصة و سألتة عن احسن الماركات اللى فى السوق لانة طبعا عندة ورشة كبيرة و عندة خبرة بكل الاجهزة اللى بتجيلة فى شغلة و كان من ضمنها كام ماركة كانت مفاجئة بالنسبالى

اولا نصحنى انى ابعد عن كل منتجات كريازى و قاللى ان مشاكل الانتاج الحالى منها كتيرة جدا :ss:

و بالنسبة لاحسن الماركات اللى مشاكلها قليلة و تمنها فيها كانت كالتالى

التلاجات .........توشيبا العربى 2 باب ( 3 باب لااااااااااااا )

البوتاجازات .........يونيفرسال او تكنوجاز

السخانات ............ناشونال 5 لتر للمطبخ و بدون ديجيتال

المكنسة ..............ناشونال يابانى

الغسالات ..............زانوسى اكواتك

الديب فريزر ............الكتروستار بتاع عبد الستار :eek: بس نوفروست

الشفاط ...............توشيبا او ناشونال

الكيتشن ماشين ............ براون الالمانى


طبعا نصحنى ابعد عن شركة كريازى بكل منتجاتها و قاللى الشفاط المسطح اللى بيكون فوق البوتاجاز مش عملى و غسالة الاطباق كمان مش عملية لانها عايزة اسرة كبيرة و نظام عزومات كبيرة و كدة و سالتة على الوايت ويل قاللى انها شكل بس و غالية على الفاضى مع انى كان نفسى اجيب كل حاجة وايت ويل :( و طبعا شكر لى فى الاريستون و المنتجات الايطالية عموما لو هجيب مستورد

بالنسبة لباقى اخبارى فالحمدلله الشقة تقريبا خلصت مش باقى غير النقاشة و قريب هنزل لكم صور الالوميتال ان شاء الله علشان تشوفوها و تفكروا معايا فى الوان الحيطان :o

كويس يارنيم انك قلتلي الانواع الكويسه بس علي فكره انا دورت كتير علي كيتشن ماشين براون الماني مش لاقيت خالص كل اللي هنا مجري حتي اللي فالتوكيل قالولي نفس الكلام
كمان دورت حد يجيبها من بره واحد ربنا يكرمه قالي اللي بره مش مضمون بتبه مواتيره متغيره
فجبت مولينيكس فرنساوي 36 بس قطعها كتير اوي ربنا يتسر بئه وتطلع كويسه وبنت حلال

pretty_kitty;7415061:
السلام عليكن يا بنات
انا اول مره ليا هنا فى المنتدى وكنت حابه اسأل كام سؤال بسيط كده هتعبكوا معلش بس اصلى اكبر البنات فى العيله ومحدش جهز قبلى
المهم علشان مطولش عليكم
1_عايزه اعرف ايه هى الاماكن اللى ممكن اجيب منها حاجات البيت الصينى وخلافه من ادوات المطبخ؟
2_عايزه اعرف تكلفه قاعات الافراح دلوقتى اخبارها ايه لخطوبه او جواز علشان عقبال عندكم عندنا خطوبه وجواز ؟
وهبقى متشكره لكل واحده ردت عليا .

بصي يا جميلة انا كمان كنت زيك كدة في الاول بس لما بديت انزل كتير و اسال عرفت حجات كتير... بالنسبة لادوات المطبخ و الصيني في مكان اسمه حمام التلات دة جمب كلية البنات في باب الخلق عنده تقريبا كل شئ بس لازم تفصلي معاهم كويس اوي
و ربنا معاكي

m@hy;7423425:
بنات انا سئلت صحبتى لسة متجوزة عندها بوتجاز يونيفرساااال
بتقولى شغال زى الفل و مش بيفصل ولا حاجة و عملت علية كيكات كتير جميلين
و الشواية و الفرن مع بعض بيشتغلو و وكمان فية لمبة للفرن
قولت افرحكم و شكلى هجيب يونيفرسال

خبر حلو زيك يا قمر :D

aseel 22;7423885:
حلوين دول يا غاده بس ماتعرفيش نلاقى زيهم فين

بنات هى الارواب الشتوى القطيفه بس ولا فى انواع تانيه غير الصوف انا جبت القطيفه وعاوزه واحد تانى بس يكون تقيل كده وبيدفى ومش صوف ممكن الاقى ولا صعب

في موهير حلو اوووووووي (y)

* رنيم *;7424709:
ازيكم يا قمرااااااااااااااااات قمراية قمراية (f)(f)(f)

وحشتونى جدا كلكم و ما شاء الله عليكم مش قادرة اخلص قراية الاجزاء اللى فاتتنى

اهلا اهلا بالقمر الي وحشنا اووووووووي نورتي حبيبة قلبي (f)

nona_esam;7424973:
يابنات اللى يعرف سعر بطانية مورا الاسبانى ياريت يعرفنى وهل لازم يكون مطبوع عالبطانيه نفسها اسم مورا غير اللى على التكت وسوال كمان لبنات طنطا فين الاقى ساعات حائط تكون شيك ومودرن

مورا المفرد من برة تقريبا ب 400 و حاجة موش عارفة هنا بقي و المجوز 600 تقريبا يعني الرينجات دي و ايوة بيبقي عليها الأسم من جوة معمول من البطانية نفسها موش عارفة اوصف لك :o يعني موش طباعة بلون مع نفسها كدا او اسم لأ بيبقي بلون رسم البطانية و طالع منها يا رب اكون قدرت افهمك

real;7424999:
السلام عليكم وحمة الله وبركاته
ممكن يابنات حد يقولى ازاى الواحد بيعمل فرح فى فيلا ومين اللى بينظمهاله؟
وياريت اللى تعرف اماكن مصممين الحفلات او ارقام تليفوناتهم تبعتهالى على الخاص
وجزاكم الله كل خير

انتي منين يا قمر ؟؟

pascotta;7425070:
وكنت عايزه اعرف الطقم الحلل الاستانلس بيبقى 5 قطع وفيه بيبقى 8 اجيب مين فيهم انا حاسه انه 8 كتير انتوا ايه رايكم؟؟؟

زهران بيبيع بالحلة موش عارفة الباقين ايه بس تشتري اللي انتي عاوزاه يعني بالقطعة سواء طاسة صنية حالة كدا يعني و شوفي انتي ايه عندك اطقم تانية و حتحتاجي ايه (f)

mashimaro16;7425303:
والفستان كان تحفه وسيمبل جدااا بس مش عارفه مننين الصراحه بس كان جميل اوى وكانت بتتحرك براحتها اوى
وفعلا الجيبونه مكنتش سلك
لان فى خطوبتها كانت سلك وشوفنا الشورت بتاعها :D لان الجيبونه رفعت الفستان بس النهارده كانت هادى خالص وقعدت لوحدها وقامت وبتتحرك ومش واقفه بقى سلك لا كان تل ااو بلاستيك اللى بتقولو عليها
حبقى اسئلكم على التفاصيل واقولكم :)

يعني كان منفوش و حلو ولا النفشة بتاعته بسيطة و يدوب ؟؟

نونا سيما;7425527:
أنا عضوة جديدة هنا ، محتاجة مساعدتكم، أنا عندي مشكلة بالنسبة لبيجامة خطيبي ،أنا مضطرة اني أفصلها هي و الروب ،لأن خطيبي في جسم علاء ولي الدين ،أجيب قماش نوعه ايه ، أنا عاوزاها بيضاء ، بس ميكنش القماش سادة , لو حد يعرف اسم القماش و أجيبه منين في مصر يلحقني بسرعة ، كمان عاوزة أعرف لون الروب اللي يليق مع البيجاما البيضا ، أرجوكم ردوا على بسرعة و ربنا ميحرمنيش منكم يا رب

نورتي الموضوع حبيبتي و جيبي قماش ستان في منه ابيض سادة و في منه مقلم بابيض بردوا منه فيه و الروب رأيي كحلي حيبقي حلو اوي و ناطق (y)

تووووكي;7423059:
قمصان النوم بتتغسل فالغساله عادى جدا ومبتتكويش عشان خامتها بتكون رقيقه

وبعدين القمصان بتتفرد لما بتحطيها عالشماعه وحتى لما بتلبسيها بتتفرد ع جسمك

(y) (i) (y)

قلب موجوع;7423485:
بصي ياقمر
انا صاحبتي عاملة كسوة زي دي للأنتريه بتاعها هو كنبة 3وكنبه2 واتنين باجير ومعاهم 11خداديه نفس الحجم اللي في الصورة بالضبط ب200 جنيه عند واحد في الحلميه بس هو ممكن تتصلي بيه ويجيلك بس والله تحسي فعلا انه الكسوة بتاعتة مش كسوة تفصيل شغلة تحفة واخوه كمان بتاع ستاير عاملها الستاير بسم الله ماشاء الله جميلة جدا
لو تحبي انا جبتلك رقمة وممكن تتصلي تتفقي معاه

ابعتيلى التفاصيل يا جميله

ghadasoliman;7423848:
صور اغطية للاثاث والصالون للحماية من الاطفال

ما شاء الله شكلهم شيك وحلو

تسلمى يا غدغوده على الصور

aseel 22;7423885:
حلوين دول يا غاده بس ماتعرفيش نلاقى زيهم فين

بنات هى الارواب الشتوى القطيفه بس ولا فى انواع تانيه غير الصوف انا جبت القطيفه وعاوزه واحد تانى بس يكون تقيل كده وبيدفى ومش صوف ممكن الاقى ولا صعب

مممكن تلاقى انواع تانيه فى عيد لبيب

* رنيم *;7424709:
ازيكم يا قمرااااااااااااااااات قمراية قمراية (f)(f)(f)

وحشتونى جدا كلكم و ما شاء الله عليكم مش قادرة اخلص قراية الاجزاء اللى فاتتنى

الف مبروك على الجزء الجديد اللى بقينا فى نصة :D

و بمناسبة اسئلة ماهى عن الاجهزة فهقولكم عن آخر حاجة سمعتها من فنى صيانة كان عندنا بيصلح شوية حاجات فى البيت و انا طبعا استغليت الفرصة و سألتة عن احسن الماركات اللى فى السوق لانة طبعا عندة ورشة كبيرة و عندة خبرة بكل الاجهزة اللى بتجيلة فى شغلة و كان من ضمنها كام ماركة كانت مفاجئة بالنسبالى

اولا نصحنى انى ابعد عن كل منتجات كريازى و قاللى ان مشاكل الانتاج الحالى منها كتيرة جدا :ss:

و بالنسبة لاحسن الماركات اللى مشاكلها قليلة و تمنها فيها كانت كالتالى

التلاجات .........توشيبا العربى 2 باب ( 3 باب لااااااااااااا )

البوتاجازات .........يونيفرسال او تكنوجاز

السخانات ............ناشونال 5 لتر للمطبخ و بدون ديجيتال

المكنسة ..............ناشونال يابانى

الغسالات ..............زانوسى اكواتك

الديب فريزر ............الكتروستار بتاع عبد الستار :eek: بس نوفروست

الشفاط ...............توشيبا او ناشونال

الكيتشن ماشين ............ براون الالمانى


طبعا نصحنى ابعد عن شركة كريازى بكل منتجاتها و قاللى الشفاط المسطح اللى بيكون فوق البوتاجاز مش عملى و غسالة الاطباق كمان مش عملية لانها عايزة اسرة كبيرة و نظام عزومات كبيرة و كدة و سالتة على الوايت ويل قاللى انها شكل بس و غالية على الفاضى مع انى كان نفسى اجيب كل حاجة وايت ويل :( و طبعا شكر لى فى الاريستون و المنتجات الايطالية عموما لو هجيب مستورد

بالنسبة لباقى اخبارى فالحمدلله الشقة تقريبا خلصت مش باقى غير النقاشة و قريب هنزل لكم صور الالوميتال ان شاء الله علشان تشوفوها و تفكروا معايا فى الوان الحيطان :o

جزاك الله خير

ومبروك على الشقه وربنا يتمملك بخير يا جميله ان شاء الله

ghadghoda;7424932:

لا والله هتبقى جامدة اووووووووووووووووووووووووووووووووووووووى والله هتبقى نار حلوة اوى والف مبروك يا قمر بس سؤال هو انتى عمتيها ازى يعنى نص ونص ولا حيطة وحيطة ولا ايه ؟؟؟؟؟؟؟؟؟؟

ghadghoda;7425113:

بصى يا ستى دى شوية ركن يارب تعجبك وعايزة دعوة ان ربنا يريحلى قلبى ويهديلى الحال ويكتبلى الخير

حلوين دول ما شاء الله

يليقوا على الحيطه الحمرا فى الاورنج

rozarita;7415233:
حبيبتى اللى بتسال عن الكرتين انا سمعت انة حلو اوى للشعر وبعدين هو له اثار جانبية بس مش زى الفرد التانى يعنى بسيطة وهو سعرة بيبدا من 2000 حسب نوع وطول الشعر وانا عن نفسى ان شاء اللة ها عملة قبل فرحى وهو بتعمل عند مسيو عبدة ومحمد الصغير او اى كوافير كويس

بصى يا pascota انا جبت من عند زهران 4 حلل استالس كانوا 1132 جنية هما غاليين بس انا سمعت انة احسن نوع وممكن تيجيبى اى حاجة بقى انتى عاوزها لوحدها وبسعرها بس فى فى السوق وعند محلات الادوات المنزلية انواع كتير يعنى الطقم ممكن يكون 500 او 800 حسب النوع والعدد

asprin;7425689:

انا اعرف عن البرملنت و كنت عيزة اعرف مكان الكوفيرة اللي في المنيل ( سحر) لانها اكتر حد مشهورة في الحجات دي
بس اول مرة اسمع عن الكرتين .. و يا تري دة موجود عتد كل الكوافيرات

محدش يا جماعة يعرف مكان سحر الكوافيرة فين ؟؟؟

حببيتى انا سمعت ان الكراتين دة احسن حاجة وبعدين الشعر اصلا عبارة عن طبقات من الكراتين علشان كدة هو اثارة الجا نبية بسيطة وبالناسبة لكوافير سحر انا عندى قرايبى كتير بيتعملة معاه من زمان لو عايزة عنوانة انا ممكن اعرفة وابعتوه ليكى على الخاص بس بكرة علشان اتصل بيهم واسالهم

شكرا يا أنستاسيا بس متعرفيش أجيب قماش البيجاما منين؟

اسيرة كويسه الحمد لله كلمتها امبارح وبتسلم عليكم كلكم

وطمطم شافت نيس هارت امبارح فى فرحها وبتقول كانت قمر ما شاء الله

ربنا يسعدهم يارب وعقبالنا كلنا ان شاء الله يارب يارب يارب


منين اجيب دنتيلا بتاعه هدوم البيت دى عارفينها
ولو حد يعرف محل فى روكسى او حدايق القبه او الزيتون يقولى او اى مكان بس مش يبقا فى الجيزة ولا الهرم عشان بعيد اوى