تجهيزات عرايس مصر الجزء 101 :)

صور اغطية للاثاث والصالون للحماية من الاطفال

moslimaa;7423362:
السلام عليكم
ازيكم حبيباتى كلكم ,, كنت عايزة اسأل هو ايه المستحضرات الى المفروض اجيبها للجسم من لوشن والحاجات دى وتكون ماركات موجودة فى اسكندرية ومنين والاسعار .......... وشكرا تعبتكم معايا

ممكن ياجميل ااما تجيبى حاجات فى شكل طقم من شاور+لوشن+برفيوم
وده مثلا موجودة فى منتجات فيكتوريا سيكرت فى محلات مزايا وفيسيس فى كارفور او مول سان ستيفانو بس غاليييين اوى

اما عندك منتجات اورفيليم فيها كذا مجموعة حلوة احسنها حيوردانى تجيبى برفان + بودرة تلك + كريم الجسم دول سعرهم حسب الكتالوج يعنى لو عليهم خصم حتلاقى برفيوم 70 وكريم 39 وبودرة 11

عندك كمان منتجات نيفيا هاتى لوشن بتاعهم وشاور حلوين اوى

وفيه كمان ماركة اسمها فروتى تلاقيها فى محلات تجميل او فروع فتح الله ديه بروائح الفواكه منها شاور جيل وكمان كريم الجسم الشاور 20 ج والكريم 35

كمان عندك فى عبد الصمد القرشى فى مول سان ستبفانو مجوعة اسمها ليل بالمسك شاور _ لوشن بس روعة مش عارة اسعاهم

ghadasoliman;7423848:
صور اغطية للاثاث والصالون للحماية من الاطفال

حلوين دول يا غاده بس ماتعرفيش نلاقى زيهم فين

بنات هى الارواب الشتوى القطيفه بس ولا فى انواع تانيه غير الصوف انا جبت القطيفه وعاوزه واحد تانى بس يكون تقيل كده وبيدفى ومش صوف ممكن الاقى ولا صعب

يا بنات وحشتووووووونى اوي هي اسيرة حطت صورها؟ اصل فاتني كتير ولو حطط حد يقولي في الجزء الكام

ريهام عمر;7422636:
ياحبيبة قمر حياتى وحياة المنتدى عرفة انى بتقل عليكى عايزاكى تقولىلى على اماكن بيوتى سنت كويسة وموثوق فيها بتعمل كل حاجة للعروسة قبل الفرح

اللى اعرفه ميس وان ده بيعمل حمام مغربى وحمام عطرى وسويت كامل وماسكات للبشرة والشعر موجود فى سيدى بشر ورا فندق رمادا بس شاطرين

ومن عنيا حاضر حاشوفلك اماكن تانية كويسة لان فيه اماكن انا روحت شوفتهم بس مش عجبنى شغلهم

ومتقوليش كدا ياجميل انك بتقلى عيب يابنتى الكلام ده احنا كلنا اخوات بنساعد بعض واكيد حتلاقينى بزهقك اسئلة (f)

doddy;7422993:
حطيلى بسررررعة بليز صورة الصفرة... ده انا نفسى فيها أوىىىىىىىىى
ولو لاقيت صور لكراسى هبقى احطهالك ان شاء الله يا جميل

انا عارفه الترابيزة دى
واحه صاحبتى عندها زيها وحاطه فيها كريستالات بس هى بقى عامله السفره 5 كراسي عاديين وسيت كرسي
اللى هو بيبقى شكل الديس كده طويل حته واحده زى يبتوع المطاعم
كرسي طويل على جنب واحد من الترابيزة يكفي تلات اشخاص جنب بعض

حبى الوحيد;7422790:
لو سمحتوا يابنا تتقولى
الستاير اللى كانت يميم منزلها النهاردة صفحة كانم
وفى الجزء دة اصلا ولا اللى قبلة

الجزء ده في الصفحه 23
الرد رقم 222

ازيكم يابنات دى اول مشاركه ليه بس انا عايزه اعرف الكنب الاستوديو الى بيتفرد يبقى زى السرير اسعاره كام وبيتباع فين:)

هتلاقيه فالتوحيد والنور

وانا شفتو عند حد فالسرايا مول بس كانت كنبه مودرن اعتقد انها كانت معديه الالف لان كان في واحد زيها بس مش بتتفتح وكانت ب 1000 بالظبط


اه بصي يا قمر عشان انتى بنوتة جديده ومش عارفه القوانين

ممنوع تحطى رد من غير استفسار او رد ع سؤال

وممنوع تحطى ميلات

وممنوع تحطى صور من غير ما تظلليها

وممنوع تحطى ارقام تليفونات

وممنوع تردى اكتر من رد ين ورا بعض

انا بس بقولك عشان اى مخالفات الموضوع بيتقفل يا قمر ويارب اكون قدرت افيدك

قلب موجوع;7423485:
بصي ياقمر
انا صاحبتي عاملة كسوة زي دي للأنتريه بتاعها هو كنبة 3وكنبه2 واتنين باجير ومعاهم 11خداديه نفس الحجم اللي في الصورة بالضبط ب200 جنيه عند واحد في الحلميه بس هو ممكن تتصلي بيه ويجيلك بس والله تحسي فعلا انه الكسوة بتاعتة مش كسوة تفصيل شغلة تحفة واخوه كمان بتاع ستاير عاملها الستاير بسم الله ماشاء الله جميلة جدا
لو تحبي انا جبتلك رقمة وممكن تتصلي تتفقي معاه

طبعا ااااا من غير تفكير كده تبعتيلي رقمه وياريت لو عرفتي تصوريلي الطقم بتاع صاحبتك وتبعتيلي ا شوف الصورة لانى اكيدهابقى محتاجه انى اشوف شغله قبل ماروحله وكمان مقولتيش هو فى اى حلميه
حليه الزيتون ولا الحلميه الجديده اللى عند مهنى وستوديو ناجى ( باب الخلق )

[glint]
بنات وانا بتصفح على النت لاقيتلكم اعلان على موقع منجم
كالاتى :
[/glint]
شفاط مسطح ايطالي استنالس مقاس 50*80 يوجد معة غيار فلتر كربوني صنع في ايطالية سعر نهائي 650بدون الفلتر 600 جديد لم يستعمل

s-roza;7424396:
ازيكم يابنات دى اول مشاركه ليه بس انا عايزه اعرف الكنب الاستوديو الى بيتفرد يبقى زى السرير اسعاره كام وبيتباع فين:)

بصى يا قمر هو لو انت قصدك على الكنب اللى بتفرد ويتعمل سرير هو فى محل اسمه هنى مكس فى مكرم عبيد عندة اشكال كتير والسعر بيدا من 1500 وانتى طالعة

ازيكم يا قمرااااااااااااااااات قمراية قمراية (f)(f)(f)

وحشتونى جدا كلكم و ما شاء الله عليكم مش قادرة اخلص قراية الاجزاء اللى فاتتنى

الف مبروك على الجزء الجديد اللى بقينا فى نصة :D

و بمناسبة اسئلة ماهى عن الاجهزة فهقولكم عن آخر حاجة سمعتها من فنى صيانة كان عندنا بيصلح شوية حاجات فى البيت و انا طبعا استغليت الفرصة و سألتة عن احسن الماركات اللى فى السوق لانة طبعا عندة ورشة كبيرة و عندة خبرة بكل الاجهزة اللى بتجيلة فى شغلة و كان من ضمنها كام ماركة كانت مفاجئة بالنسبالى

اولا نصحنى انى ابعد عن كل منتجات كريازى و قاللى ان مشاكل الانتاج الحالى منها كتيرة جدا :ss:

و بالنسبة لاحسن الماركات اللى مشاكلها قليلة و تمنها فيها كانت كالتالى

التلاجات .........توشيبا العربى 2 باب ( 3 باب لااااااااااااا )

البوتاجازات .........يونيفرسال او تكنوجاز

السخانات ............ناشونال 5 لتر للمطبخ و بدون ديجيتال

المكنسة ..............ناشونال يابانى

الغسالات ..............زانوسى اكواتك

الديب فريزر ............الكتروستار بتاع عبد الستار :eek: بس نوفروست

الشفاط ...............توشيبا او ناشونال

الكيتشن ماشين ............ براون الالمانى


طبعا نصحنى ابعد عن شركة كريازى بكل منتجاتها و قاللى الشفاط المسطح اللى بيكون فوق البوتاجاز مش عملى و غسالة الاطباق كمان مش عملية لانها عايزة اسرة كبيرة و نظام عزومات كبيرة و كدة و سالتة على الوايت ويل قاللى انها شكل بس و غالية على الفاضى مع انى كان نفسى اجيب كل حاجة وايت ويل :( و طبعا شكر لى فى الاريستون و المنتجات الايطالية عموما لو هجيب مستورد

بالنسبة لباقى اخبارى فالحمدلله الشقة تقريبا خلصت مش باقى غير النقاشة و قريب هنزل لكم صور الالوميتال ان شاء الله علشان تشوفوها و تفكروا معايا فى الوان الحيطان :o

rozarita;7423556:
بنات لو سمحتوا هو انا ممكن اجيب البارفان والكريم المعطر بتاعة والشاور من اوريفلام ها يكون زى الحاجات اللى فى محلات البودى شوب ولا هايكون فى حاجات زيادة وخصوصا ان اوريفلام اسعارها معقولة

بصي ياروزيتا انا بستعمل حاجات اوريفلام وهيه حلوه اوي اكيد حاجات بودي شوب كويسه بس هيه غاليه شويه مش كل الناس تقدر تجيبها انا صراحه مش جربتها ومش ناويههههههههه بس حاجه اوريفلام كويسه عن تجربه:wink::wink:

aseel 22;7423885:
حلوين دول يا غاده بس ماتعرفيش نلاقى زيهم فين

على فكرة فى مفارش سرير خفيفة خامتها ناعمة و رسوماتها حلوة و قريبة من الاغطية اللى فى الصورة ممكن تشتريها و تغطى بيها الكنب

انا كنت شارياهم و لما شفت الصور دى جربتهم للكنب اللى بيتفتح سرير و طلعوا ظراف اوى و هم مش غاليين

ايه يابناويت محدش رد عليا من اسكندريه خالص موضوع الكريمات
خلاص اقولكم تاني لحد ماتردوا
عايزه مكان الاقي فيه مجموعه فروتي الشاور والكريم وكمان كريم ملمع للجسم لو حد
بعرف ماركه كويسه يقولي عليه بس مش يكون غالي اوي لان عندي 500 حاجه تانيه لسه هشتريهاطبعا
وربنا يخليكوا ليا
بس ردوا بئه وخليكوا حلوين

Princess_miro;7413181:
يا بنات من فضلكم حد يقولى عناوين فروع محلات العامرية

انا عرفة ان العمرية ليها فرع في العبسية و كمان في المهندسين في شارع شهاب
و لو بتسالي علي العمرية علشان تشتري ملايات و اتقم سراير .. انا هقولك علي مكان جامد جدا فية كل الحاجات دي .. بصي يا ستي في معرض دائم خلف ستي ستارز في خيمة كدة انا كنت اتعرفت علي وحدة بتبيع ميلايات و اتقم فوط في المعرض السوري و قالتلي ان هم علطول في الخيمة دي طول السنة

يا رب اكون افتك .. و ربنا معانا جميعا و يسرلنا امورنا

yomizo;7424528:
طبعا ااااا من غير تفكير كده تبعتيلي رقمه وياريت لو عرفتي تصوريلي الطقم بتاع صاحبتك وتبعتيلي ا شوف الصورة لانى اكيدهابقى محتاجه انى اشوف شغله قبل ماروحله وكمان مقولتيش هو فى اى حلميه
حليه الزيتون ولا الحلميه الجديده اللى عند مهنى وستوديو ناجى ( باب الخلق )

انا لما اروحلها تاني هاحاول اصورهاولك
بس والله صدقيني هايعجبك اووي دا احلي من الصوره اللي انتي حاطها تحسي ان دا الانتريه نفسة مش الكسوة
هي صاحبتي في حلميه الزيتون وهو في الحلميه اللي عند باب الخلق
هو راحلها وخد المقاسات وعملهولها تقريبا بعد اسبوع او 10ايام مش متاكده بس هسالهالك
وهابعتلك رقمة علي الخاص

sweet_toota;7418897:

مبروووك لاسيرة حنانه و سارة ونانى فيبس ربنا يوفقهم و يسعدهم يارب...بقول اية يا بنات انا دهنت غرفة المعيشة الوان مطرقعة عملتها احمر فى اورانج :D بس طلعت جامدة الحمد لله...المهم دلوقتى انا بعملها كورنر حرف ال ونازلة اجيب القماش و عايزاة لون سادة والخداديات لون تانى تفتكروا اجيبه اية يمشى مع الوان الحيطة المطرقعة دى..ولو عملته احمر غامق والخداديات اورانج هتبقى فاقعة؟

لا والله هتبقى جامدة اووووووووووووووووووووووووووووووووووووووى والله هتبقى نار حلوة اوى والف مبروك يا قمر بس سؤال هو انتى عمتيها ازى يعنى نص ونص ولا حيطة وحيطة ولا ايه ؟؟؟؟؟؟؟؟؟؟

يابنات اللى يعرف سعر بطانية مورا الاسبانى ياريت يعرفنى وهل لازم يكون مطبوع عالبطانيه نفسها اسم مورا غير اللى على التكت وسوال كمان لبنات طنطا فين الاقى ساعات حائط تكون شيك ومودرن

مرمر23;7416335:
يا بنااااااات أنا سمعت ان القطن هايغلى وانا هتجوز على شهر واحد او اتنين ان شاء الله فاينفع اننا نجيب القطن من دلوقت ونشيله ولا ممكن يحصل له حاجه ؟؟؟؟؟؟؟؟؟؟؟؟؟؟؟؟؟؟ كمان عايزة اعرف احسن انواع القطن ايه اصلك فى ناس بتقول ان القطن السودانى احسن من المصرى حد يقوللى عشان مش عااااااااااارفه ؟ كنت كمان عايزة اعرف معرض كوته ده اسعاره ايه وفيه فصـــــــــال ولا لا والموديلات اللى فيه حلوة ولا اى كلام ؟؟ ؟ آخر سؤال بأه ايه الفرق بين العفش الاستيل والمودرن ؟؟؟؟؟؟؟؟؟؟؟

عادي جيبي القطن و شيليه

OLSOLA;7417389:
هوا معرض كوتة دا بتاع ايه وفين ؟ فى مدينة نصر ؟ ارض المعارض يعنى

لا ده في اسكندرية

طمطم;7417658:
بنات على فكرة انا شوفت نايس هارت امبارح سارة يعنى وكانت ما شاء الله زى القمر عقبال كل البنات يارب دعواتكم ليها ولاسيرة ربنا يسعدهم يارب ويرزقهم بالذرية الصالحة سؤال علشان المخالفات للبنات الى من طنطا محلات الملابس الى نزلت شتوى جديد فين ؟

ربنا يسعدها يارب هي و بسبس و يرزقهم الزرية الصالحة يارب

مِن حملة هم الدعوة;7419759:
موني يا حببتي وليه تكوني بشعرك؟؟؟!!! ده يوم ربنا كرمك فيه وجمعك مع حبيبك يبئى ليه تعصيه اليوم ده وتغضبيه؟من شكر النعمه انك تحاولي ترضي ربنا ومش عشان ساعتين تغضبيه،وفيه عرايس كتير اوي كانوا بحجابهم وكانوا برضه زي الامر عشان اللي بيرضي ربنا بيطيعه والطاعه بتنور الوش،خليكي بحجابك وربنا ييسرلك كل خير يا حببتي ويحميكي من العين يارب:)

(f)(f)(f)

(y)(y)(y)

السلام عليكم وحمة الله وبركاته
ممكن يابنات حد يقولى ازاى الواحد بيعمل فرح فى فيلا ومين اللى بينظمهاله؟
وياريت اللى تعرف اماكن مصممين الحفلات او ارقام تليفوناتهم تبعتهالى على الخاص
وجزاكم الله كل خير