/////خبرات ومعلومات تخصك يا ماما /////

نبع الحب

حبيبتي سؤالك جدا مهم

كنت اعاني من هالمشكله من بنتي
كانت جارتي تسئلها اسئله خاصه بالبيت من الاكل الى ايش تسوي امك الحين ومتى رحتوا ووين رحتوا ؟؟؟؟

بعد زيارتي لجارتي صرت انصدم من معلوماتها الكثيره عننا

واكتشفت ان بنتي هي السبب

مسكت بنتي لحالها بغرفه وقلت لها بكل صراحه

عن هالعاده السيئه ..

قلت لها انا ما اسئلك عن امور جاراتي تدرين ليه ؟؟

لأن غلط اني اسحب معلومات عن الغير من غير علمهم


عموما الكلام الطيب من غير التهديد حلو جدا

علمتها وذكرتها بين فتره والثانيه خصتا لما تروح بيت الجيران او لصديقتها
او نبي نروح للأهل اوصيها واذكرها

ان سئلوها اي حاجه خاصه بالبيت ولو شي بسيط تقول ما ادري سألوا الماما

وهكذا مع التذكير الدائم والتشجيع ولكن بحزم من غير دلع والوضوح بالكلام مع الاطفال

راح يتعودون ...

اختي دائما الاطفال لازم يعرفون الاسباب قبل ما يسون او يجيبون لك اي طلب طلبتيه منهم

يعني خليهم يعيشون واقع المشكله ....

قولي لهم واشرحي لهم اسبابك علشان يسهل عليهم تفهم هالامور واختاري الكلمات المناسبه

ليفهم عليك الطفل ...


بالنسبه لنوم اطفالك
بكل بساطه اشوي اشوي جربي بالتشجيع
انك تقولين لهم الي ينام من غير ما اكون جمبه له بكره هديه
او طلعه وهكذا ..

تقدرين تشترين هدايا من ابو ريالين او كندر سبرايس للاطفال

وتخلينهم يشوفون الهديه قبل النوم

وتطلبين منهم النوم من غيرك وان تشجعوا على ذلك لمده اسبوع

راح ينسون الهديه وينامون عادي من غيرك

شجعيهم واوفي دائما بوعدك لهم

يعني الصباح لو ما تذكرو الهديه أشك بذلك هههههههه

ذكريهم انتي وعطيهم الهديه مع تصفيق حار وتشجيع والكلام الحلو والحضن الدافي مع قبله

قولي لهم انا مبسوطه عيالي كبروا وهذي الهديه الي وعدتكم فيها

وتستاهلونها والليله نفس الشي الي ينام بدوني راح يحصل على هديته ..

وان واحد منهم ما نام من غيرك

لا تعطينه وخليه يشوف الباقي ان حصل على الهدايا

وراح يتشجع ليلتها ان ينام من دونك

وكوني حازمه بهذا الموضوع ....

موفقه ان شاء الله

مشكوره فديتج وان شاء الله بسير العياده بعد شويه .. شو هي تمارين الحوض !!!؟

اقعدي قعدة القرفصاء

كرمك الله مثل قعدت الحمام العربي

عرفتي كيف

وخلي كل كوع يضغط اشوي على الفخذ الداخلي

بعدي رجليك الشوي وخلي اقدامك على متجهين للخارج

لمدة دقائق وارتاحي اعملي هالتمرين على الاقل مرتين الى ثلاث مرات

وراح يتوسف الحوض وتكونين جاهزه للمخاض

ونفس الوقت تقوين عضلات الرحم والفخذ والظهر ولا تنسين ان يكون ظهرك مستقيم

وطمنينا عليك بعد ما ترحعين من العياده لا باس عليك

جزاك الله خير حبيبتي


ربي يحفظ ابنائك

مشكوره فديت على الافاده .. ان شاء الله بطبق ها التمرين من باجر ..

بالنسبه للعياده سرت لكن قالتلي الدكتوره وهي تضحك ( قهرتني الصراحه - حسستني اني سخيفه لاني ييت عشان سبب مثل هذا ) ان المنطقه متخدره عشان الجسم مشدود و بيخف بعد الولاده و مافي اي مشكله .. و عطتني حبوب فيتامين .. ( الحديد - والفولك اسد بس حسب معلوماتي الفولك اسد بس تاخذه الحامل في اول 3 شهور حمل !!!)

تبين الصراحه طلعت من العياده قسم الطواري ونا مب مقتنعه .. ان شاء الله بسير عياده خاصه و بتاكد ..

السلام عليكم ورحمة الله وبركاته..
تعبتك بسالتك بس شو اسوي الفرصة ما تجي الا مرة ..هههههههههههههه
ممكن تعلمينا كيف نجيب على اسئلة اعيالنا من الناحية الجنسية على العلم انا ما عندي الا بنتي الله يحفظها 8 شهور بس قلت خلني اثقف وافهم..

هلا اختي ترانيم انا عندي صديقه وعندها مشكله ويا بنته الا وهي ان هاي الصديقه عنده بنت عمرها 3 سنوات وللحين ماتتكلم شنو الحل علما بانه صديقتي من النوع اللي مايطلعون ماعندهم زيارات وايد اي انهم مايطلعون من البيت وايد ووايد بنتها تخاف لين اشوف ناس غرب اول مره اشوفهم اتخاف منهم وناس وايد انصحوها قالو لها وديها الروضه علشان تتكلم وعلشان اتكون علاقات مع الاطفال شو برايك ارجو الرد باسرع وقت ممكن

أختي بالنسبه للبنت اول شي هي ما تتكلم ولا كلمه ولا كلامها قليل ؟؟

ان كان كلامها قليل فهذا دليل على قصور الأم بتعليمها مكتسبات جديده من الكلمات

وترديدها لها حتى تحتفظ فيه ..

اختي الاطفال الصغار ان قل الكلام امامهم ومحيطهم محدود فبالتأكيد ما راح تتقن الكلام بسرعه

الروضه حل رائع منها انها تتعود على الناس وانها تتقن الكلمات الجديده

وان لم تستطع فعليها بتعليمها بالبيت والاهتمام فيها ...

والمفروض انها تعودها على الناس علشان تتعود على الآخرين وما تحس بالغربه

والخوف مع اناس غير عائلتها فراح يأثر سلبا عليها بالسنين الجايه

راح تكون خجوله انطوائيه ولا تستطيع التعبير كلاميا مع الناس ...

اختي اما ان كانت مشكلتها انها لا تتكلم بتاتا انصحها تروح لأخصائي اطفال لتكتشف السبب !!!

الله يوفقك ويوفقها ان شاء الله ويحفظ البنت من كل شر

هلا اختي ترانيم

حبيبتي انا عاني مع ولدي هو الحين تمهيد والسنة الجاية مدرسة وحده يتملل من الكتابه مايحبها ابد بس اذا تقدري تساعديني بطرق وافكار احببه للكتابة مع العلم انه شاطر وذكي ماشاء الله وبسرعة يتعلم

ملكة الصمت

اختي الاطفال يسئلون اسئله محرجه بسن 3 وما فوق بالنسبه

للأعضاء التناسليه وغيره

ولكن جنسيا ما في اسئله خاصه

ولكن ايضا هناك اسئله مثل كيف الطفل يخرج من بطن امه وهكذا

بالنسبه لأسماء الاعضاء التناسليه

أنا عن نفسي عيالي الى الآن يسمونه اسماء طفوليه

او يغاضون النظر عن الاسم اذا عندهم مشكله ويقولون هنا بالاشاره بدل الكلمه الي يسمونها

ابتعادهم عن التلفزيون والافلام الاجنبيه وغيره من الكليبات الغنائيه

سهل علي المهمه كثيرا

يعني ما صار عندهم فكره عن هذي الاشياء وبالتالي ما في تسائلات كثيره

يوجهونها ..... لي


بعد ما الطفل يدخل المدرسه

هنا يجي الحرص منك انك تفهمينه الازم من الامور الأحتياطيه والتنبيه

احترامك انك ما تشوفينهم عراه وهم بسن الرابعه يأثر بالإيجاب عليهم

ويحترمون حرمت الجسد وعدم رؤية ايا كان لهم وهم عراه

وخصتا المناطق الحساسه

وبما اني والدتهم امنعهم من تغيير ملابسهم امامي وانا كذلك احترم نفسي باللبس امامهم علشان

ما احيرهم بإلي تعلموه مني ويصير عندهم وشوشه بالافكار

اكثر الاسئله الي تطرح علي

كيف أنا انام بسرير واخوي بسرير لحاله ويمنع علينا ننام بمكان واحد خصتا وقت ما يخافون

وانتي والبابا بسرير بروحكم ؟؟؟

طبعا الرد كان بسيط من غير شرح , الأم والأب لازم ينامون مع بعض لأن الله حلل لنا هالشي

الكلام الكثير عن الحلال والحرام والغير المسموح له اثر كبير بنفس الاطفال

وراح يستفيدون منه مستقبلا ....

طيب السؤال الي بعده طيب اقدر لما اكبر اتزوج اخوي ؟؟؟

اسئله كثيره ههههههههههه

وكان الجواب محد يقدر يتزوج اخوه حرام

لازم الوحده او الواحد تتزوج خارج اطار الـــ و و و و واشرح لها بكلمات بسيطه علشان تفهم

خصتا بنتي تتكلم كثير عن الزواج والفستان الابيض !!!!!

منعتها بطريقه حلوه قلت لها وقت ما يصير عمرك كذا هنا يجي الوقت

المناسب لهذي الاحلام

ولكن ان كان الزواج بالنسبه لها فستان ابيض

رحت شريت لها الفستان و فرحت ونست الزواج

عاد ما ادري ان كانت حاطه عينها على حفله عرس

هههههههههه امري لله بسوي لها حفله وبعزم لها الي تبيه

بس اهم شي تحقق حلمها وتنسى الزواج وتهتم بأمور يخصها كطفله .

أمي كانت تقول لي ان الطفل يطلع من بطن امه

سئلتها يعني كيف ؟

قالت يفتحون بطنها بالسكين !!!!!!!!!

وكان ردي يعني لو فتحت بطني بحصل على طفل ..؟؟؟

كان الرد الثاني اقنعني اكثر فتخليت عن فكرة فتح بطني ههههههه

كان ردها : لا ما يصير لما الوحده تتزوج ينتفخ البطن ولما يكبر بعدها تروح المستشفى

ويشوفون ان كان فيها طفل او لا ..

::::::::::::::::

في اكثر من طريقه لرد على هالأسئله ولكن ابعاد الطفل عن الامور الي تحيره

غريزيا بالجنس ضروري جدا ....

يعني يوم من الايام انحرجت لما عيالي كانوا يتكلمون عن وحده كانت ترضع طفلها بالشكل الطبيعي

امامهم .....

فعلا هذي الطريقه المفروض نحاسب منها قدام عيالنا

الكثير يقول والله هذيلا اطفال وبالعكس الطفل ان علمتيه على احترام

الجسد وبعدتيه عن كل شي يلفت نظره من هذي الناحيه كان افضل له ...

وهذا الكلام موجه للأمهات الي يبدلون ثيابهم قدام عيالهم الي عمره 2 وما فوق !!

والي يتسبحون معهم وهم عارين !!

حتى الفوط الصحيه خبيه عنهم علشان ما تجيبين لنفسك الكلام ههههههه

وان كان عندك شي معين من الاسئله يا اختي اطرحيه ونشوف له الجواب المناسب

انا كتبت بس الاشياء الي واجهتني مع اطفالي ..

ترانيم
مشكورة ما قصرتين يالغالية
وحاليا أجرب اعطي ولدي الصغير حليب
وابني الأكبر أحاول دائما اني ما أعطيه حليب بعد الأكل
ومشكورة على الرد مرة ثانية

عزيزتي ترانيم ..


عندي صعوبه شديده في التنفس و احس ان المكان المتواجده فيه ابد مافيه اكسجين وكتمه مافي نفس مع ان الكل يقولي الاجواء طبيعيه :( الاجواء الخارجيه مثل الحدايق والقريه العالميه وها الاماكن والمصيبه الكبرى البيت لازم اشغل المكيف ويادووووب اقدر احس بالهوى .. والله بدووووووووون مبالغه :( انصحيني شو اسوي !!!؟

و ما اقدر ارقد ابدااا من كثر اني ما اروم اتنفس هل تنصحيني اسير العياده ولا هذا شي طبيعي !!!؟

وحبيت استفسر بعد عن المشروبات او العصاير اللي ممكن اشربها ها الفتره لتحمي الطلق و تسهل الولاده .. وهل عصير الانناس ينفع لانه من الفواكهه الحاره على الجسم ؟؟

ابا وصفات طعمها يكون زين لان عندي سوابق و من النوع اللي ارجع ابسرعه ..

انا حاليا في الاسبوع ال 35 باقي يومين او 3 ادخل ال 36 .. هل انا في الشهر التاسع ؟ ولا باقي كم اسبوع !!!!

السموحه على الاطاله حبيت استفيد منج ومن واقع تجاربج عزيزتي ...

حبيبتي الغاليه

شوفي يا قلبي

انتي الحين دخلتي بالشهر التاسع وباقي لك اسبوع وتخلصين منه لو كان

فعلا كلامك صحيح وعلى حسب ما شفته من موعد ولادتك يعني انتي بأواخر

الشهر التاسع يالله هانت ان شاء الله ربي يقومك بالسلامه ويقويك يا رب

المهم يا قلبي بالنسبه لضيق التنفس

تحسين بضيق التنفس بهذا الشهر وهذا شي طبيعي

والسبب : إن الطفل يضغط على الحجاب الحاجز أواخر الحمل ,

فيمنعك من التنفس براحه , الا ان المشكله غالبا ما تنفرج قبل الولاده بنحو الشهر عندما يدمج الطفل .

أما السبب الثاني طبيا ممكن يكون فيه نقص بالدم

ان كنتي متأكده من نسبة دمك ...

فهو السبب الأول وان لم تكوني متأكده سوي تحليل دم يا اختي

أنا ما اتكلم الا اني لما طبقت بالمستشفى بقسم الأمومه عرفت ان اسباب ضيق التنفس

عند الحامل واحد من الاثنين وهذا الشي طبيعي

اكلي عدل الاشياء الي يفيدك وتغذي بالوجبات الصحيه الي ما يكون فيها دهون

ولكن يكون فيها حديد مثل بروكلي جرجير كبده

حاولي قدر المستطاع انك ما تجهدين نفسك مع ان اكثر الحوامل بهذا الاسبوع بالذات لمجرد

الكلام يجهدهم ..

وقت النوم حاولي انك تستعينين بمخدات كبيره للفصل بين الفخوذ علشان تاخذين كميه اوفر من الراحه

سوي تمرين القرفضاء علشان الطفل يندمج مع الحوض وينزل راسه اكثر علشان ما يضغط اكثر على الحاجب

ان كنتي بديتي بالمشي فعلا حاولي انك تمشين مشي خفيف ووقت التعب ارتاحي لا تضغطين على نفسك كثير

حاولي وقت جلوسك على الارض انك تجلسين متربعه افضل طريقه لإتساع الحوض بهذا الاسابيع القليله الباقيه

لا تتجاوزين حدود طاقتك بهذي الفتره

ولا تنامين على ظهرك بتاتا في أواخر هذي الاسابيع

خليط الفاكهه الطازجه جدا مفيد دلعي نفسك وزينيها بأفضل الفواكه ..

وكمان الموز المخفوق مع الحليب هذا المشروب السحري له طعم شهي وهو غني بالكالسيوم والبروتين

عصير البرتقال المخفف بالماء جدا ممتاز وغني بالفيتامينات

لا تشربي اي شاي بالاعشاب ... ما يصلح بهذي الشهور

ومثل ما قلت لك الحديد يا اختي اخذيه ان كان بالحبوب بالأكل

ان ما حبيتي الانواع الي كتبتهم لك اكلي مشمش مجفف فيه الكثير من الحديد
او التونه ...


ما ادري المفروض تكونين مجهزه شنطة المستشفى لأن خلاص بدينا نعد العد التنازلي

وانا كثير متشوقه ياريتك بالبحرين كان اوقف على باب الغرفه الين ما تخلصين الولاده ههههههه

خليك متفائله ولا تتشائمين مرحله وتعدي وتصيرين ماما

بالنسبه للشنطه حاولي انك تحطين فيها بيجامات افضل من الاشياء الاخرى الي تنلبس بالمستشفى

البيجامات افضل لأن وقت الحركه تكونين مرتاحه اكثر ونفس الوقت بيكون الدم غزير بالايام الاولى وبكذا تكونين واثقه انك مثبته كل شي مكانه ههههه فهمتي علي ؟؟

حطي لك مشايه مريحه (نعال البيت )

فرشاه اسنان معجون فرشاه للشعر صابون شامبو

لا تاخذين عطر ولا كريم ولا بودره ما يصلح للطفل وهو صغير يشم هالروايح

بس ممكن تاخذين ديودرن

خذي حمالة صدر تكون واسعه الي تستخدمينها الحين ممكن تفيدك وان كان

عندك اشوي اوسع مره ممتاز انك تاخذينها معك ...

ان كنتي مقرره انك ترضعين طبيعي اخذي الحمالات الي فيها فتحات

فهي افضل لك واريح وقت الرضاعه خصتا بالأيام الاولى من بعد الولاده

حتى البيجامات اخذي الي فيها أزرار من الأمام علشان يسهل فتحه وقت حاجة طفلك للرضاعه

واخذي مع الفوط الصحيه الي متعوده عليهم افضل من فوط الصحيه للمستشفى يمكن ما ترتاحين منه

ان شاء الله ما نسيت شي ؟؟

عموما انا بالخدمه ياقلبي ان كان عندك اسئله برد عليك بأسرع وقت



بالنسبه للعصاير

الحاره مثل الاناناس والمانجو
ان كان خاطرك فيه مو مشكله بس خففيه قدر الامكان بالماء

علشان ما تحسين بالحرقان

ووقت ما تحسين بالحرقان على طول اكلي لك خياره او اكلي روب او زبادي بارد

..................

الله يقومك بالسلامه ان شاء الله وتفرحين بالبيبي

السلام عليكمورحمه الله وبركاته

كيفك رنومه وحشتيني ..

غاليتي ابشرك الحمد لله انتظمنا بالنوم
ولواول مره منذ عامين ونصف ارتب نوم ولدي

صرت اصحيه 11 الصبح وانيمه على 3.30 او 4 العصر
ينام لين 5.30 او 6 المغرب
واصحيه
ونرجع ننام باللي على 1 او وحده ونصف

والحمد لله صايره اصحي بدري 9 صباحا وهذا الموعد لي سنين ما قمت فيه شكرا لك رنومه رتبتيلي حياتي

:
:
ترانيم عندي مشكله يالغلا

رجولي توجعني مره احس بشد عضلي وتشنج فيها حتى اصحى من النوم ابكي منها وافكرها شويه وارجع اكمل نوم

مع اني بلبس بيجامه ثقليه شتويه بس مع ذلك تعصب وتنشد ..
وادهن نفسي بالمرهم تبع العضلات ريحته مره قويه كانه فيكس بس علشان ارتاح من هالتشنج
طبعا هالازمه معي لها شهر
بس هاليومين احس ان رجولي تنمل( تضرب ماس خخخخخخخخ)
وكانها بدأت تنتفخ..؟

صراحه خفت من مشكله التنميل
على هذا عادي ولا لا ..؟

تراني دخلت الشهر السابع لي اسبوع ..

والله يعطيك العافيه يالغلا

تـــرانيم;5303590:
حبيبتي الغاليه

شوفي يا قلبي

انتي الحين دخلتي بالشهر التاسع وباقي لك اسبوع وتخلصين منه لو كان

فعلا كلامك صحيح وعلى حسب ما شفته من موعد ولادتك يعني انتي بأواخر

الشهر التاسع يالله هانت ان شاء الله ربي يقومك بالسلامه ويقويك يا رب

المهم يا قلبي بالنسبه لضيق التنفس

تحسين بضيق التنفس بهذا الشهر وهذا شي طبيعي

والسبب : إن الطفل يضغط على الحجاب الحاجز أواخر الحمل ,

فيمنعك من التنفس براحه , الا ان المشكله غالبا ما تنفرج قبل الولاده بنحو الشهر عندما يدمج الطفل .

أما السبب الثاني طبيا ممكن يكون فيه نقص بالدم

ان كنتي متأكده من نسبة دمك ...

فهو السبب الأول وان لم تكوني متأكده سوي تحليل دم يا اختي )اطلب تحليل الدم اقولهم ابا تحليل عشاني ما اروم اتنفس !!!)

أنا ما اتكلم الا اني لما طبقت بالمستشفى بقسم الأمومه عرفت ان اسباب ضيق التنفس

عند الحامل واحد من الاثنين وهذا الشي طبيعي

اكلي عدل الاشياء الي يفيدك وتغذي بالوجبات الصحيه الي ما يكون فيها دهون

ولكن يكون فيها حديد مثل بروكلي جرجير كبده

حاولي قدر المستطاع انك ما تجهدين نفسك مع ان اكثر الحوامل بهذا الاسبوع بالذات لمجرد

الكلام يجهدهم ..هي والله صدقتي بمجرد الكلام احس جني في مرثون

وقت النوم حاولي انك تستعينين بمخدات كبيره للفصل بين الفخوذ علشان تاخذين كميه اوفر من الراحه ان شاء الله

سوي تمرين القرفضاء علشان الطفل يندمج مع الحوض وينزل راسه اكثر علشان ما يضغط اكثر على الحاجب اسويه من يوم قلتيلي يوميا

ان كنتي بديتي بالمشي فعلا حاولي انك تمشين مشي خفيف ووقت التعب ارتاحي لا تضغطين على نفسك كثير ان شاء لله

حاولي وقت جلوسك على الارض انك تجلسين متربعه افضل طريقه لإتساع الحوض بهذا الاسابيع القليله الباقيه ان شاء الله

لا تتجاوزين حدود طاقتك بهذي الفتره

ولا تنامين على ظهرك بتاتا في أواخر هذي الاسابيع

خليط الفاكهه الطازجه جدا مفيد دلعي نفسك وزينيها بأفضل الفواكه ..

وكمان الموز المخفوق مع الحليب هذا المشروب السحري له طعم شهي وهو غني بالكالسيوم والبروتين

عصير البرتقال المخفف بالماء جدا ممتاز وغني بالفيتامينات

لا تشربي اي شاي بالاعشاب ... ما يصلح بهذي الشهور

ومثل ما قلت لك الحديد يا اختي اخذيه ان كان بالحبوب بالأكل

ان ما حبيتي الانواع الي كتبتهم لك اكلي مشمش مجفف فيه الكثير من الحديد
او التونه ... ان شاء الله


ما ادري المفروض تكونين مجهزه شنطة المستشفى لأن خلاص بدينا نعد العد التنازلي امس حطيت الاغراض في الشنطه وخذيت البجامات مثل ما ذكرتي و اوفرولات للبيبي

وانا كثير متشوقه ياريتك بالبحرين كان اوقف على باب الغرفه الين ما تخلصين الولاده ههههههه تسلمين فديتج والله انج مب مقصره ومهونه عليه اشياء وايده

خليك متفائله ولا تتشائمين مرحله وتعدي وتصيرين ماما لين امس ما كنت خايفه ولا شي وعادي جونقر ماشاء الله عليه - بس اليوم قمت احس بالم في البطن و سهال فمت من الخوف ما اتخيل اكون ام ومسؤوله عن طفل لاحول له ولا قوه ومادري هل بكون قد ها المسؤوليه وبنجح في تربيه ها الطفل او لا !!!

بالنسبه للشنطه حاولي انك تحطين فيها بيجامات افضل من الاشياء الاخرى الي تنلبس بالمستشفى

البيجامات افضل لأن وقت الحركه تكونين مرتاحه اكثر ونفس الوقت بيكون الدم غزير بالايام الاولى وبكذا تكونين واثقه انك مثبته كل شي مكانه ههههه فهمتي علي ؟؟ هي فهمت فديتج

حطي لك مشايه مريحه (نعال البيت ) DONE

فرشاه اسنان معجون فرشاه للشعر صابون شامبو

لا تاخذين عطر ولا كريم ولا بودره ما يصلح للطفل وهو صغير يشم هالروايح دهن العود زين ؟؟ ولا ما ينفع بعد ؟!؟ ومتى اقدر ارد اتعطر بشكل طبيعي ؟؟

بس ممكن تاخذين ديودرن

خذي حمالة صدر تكون واسعه الي تستخدمينها الحين ممكن تفيدك وان كان

عندك اشوي اوسع مره ممتاز انك تاخذينها معك ...

ان كنتي مقرره انك ترضعين طبيعي اخذي الحمالات الي فيها فتحات للاسف ما بقدر ارضع البيبي لان عندي مشكله الفلات نيبلز

فهي افضل لك واريح وقت الرضاعه خصتا بالأيام الاولى من بعد الولاده

حتى البيجامات اخذي الي فيها أزرار من الأمام علشان يسهل فتحه وقت حاجة طفلك للرضاعه

واخذي مع الفوط الصحيه الي متعوده عليهم افضل من فوط الصحيه للمستشفى يمكن ما ترتاحين منه كنت ناستنهم ههههههه

ان شاء الله ما نسيت شي ؟؟

عموما انا بالخدمه ياقلبي ان كان عندك اسئله برد عليك بأسرع وقت
والله انج مب مقصره ويايه ومشكوووووووووووره وايد على افادتي يزاج الله الف خير


بالنسبه للعصاير

الحاره مثل الاناناس والمانجو
ان كان خاطرك فيه مو مشكله بس خففيه قدر الامكان بالماء

علشان ما تحسين بالحرقان

ووقت ما تحسين بالحرقان على طول اكلي لك خياره او اكلي روب او زبادي بارد

ان شـــــــــــــاء الله
..................

الله يقومك بالسلامه ان شاء الله وتفرحين بالبيبي تسلمين غناتي ما قصرتي كفيتي ووفيتي وان شاء الله اي استفسار عندي ما بتردد بتكونين اول وحده احشرها - الله يعينج عليــــــــه (f)(f)(f)(f)(f)(f)(f)(f)(f)

غاليتي ترانيم ....
ما تتصورين انا شكثر فرحانه ... صار لي اسبوع من سويت اللي قلتي عنه ... منعت عن ولدي اللي ما كان ياكل شي الخرابيط وقللت العصاير ...والحين ماشاء الله اشوف صج شهيته الحمدلله انفتحت للاكل وصار ياكل 3 وجبات صحية وترضيني .... بس ساعات يكسر خاطري يروح يبطل الكبت مال الاجباس ويدور عليهم ...عاد قمت شسوي...ساعات مو دايما عقب الغدى اعطي جبس واحد بس يطقط فيه...بس حتى اشوفه ما قام يرغب له مثل الاول ....الحمدلله ...وايد وايد مستانسه ...انشالله يتم جذي على طول ... بس تضل مشكله مستمره في محاوله حلها بس ما يمنع اخذ مشورتج... ولدي ماكان يشرب حليب غير مني ويوم فطمته ما قام يشرب حليب ولا باي نكهه ...عاد انا اعوضه باني احطه ويا بعض اكلاته ...بس خاطري يشربه عادي .... وحتى المعجنات ...التوست...اي شي في عجين ما يحبه كللللللللللللللللش...ما ادري ليش...حتى الاكلات اللي أقدر اسويها له محدوده (صرت متخرعه من يوم قام ياكل صار خاطري كل شي اسوي له...عبدت المطبخ عشانه من الفرحه)
ترى حتى الدواء صار يشربه...تدرين قمت ما اهدده نفس ما قلتي ...بس يوم ما طاع يشرب حقرته وسويت روحي نمت عنه وابوه بعد نفس الشي...قام ينادي وينادي يوم محد رد علي قام يصيح وعصب وبعدين ياب لي الدواء ويبي يشرب...ويوم ثاني خلاص مشي على العجين مايلخبطوش وصار يشربه بدون اي معاناه والحمدلله :D
بالنسبة للنوم ...هممم للحين يعني احاول... على الاقل اللحين قمت اقعد يمه واهواه في سريره لين ما ينام ولازم يمسك ايدي ..واذا راح في النوم اقوم عنه...بس اهوا وايد يصحى في الليل يطمن موجود يمه او لاء...عاد كل ما يقعد اروح له لين ما يغفى وارجع انام....يعني انشالله في تطور...والله يسهلها ...:D

الحمدلله رب العالمين

شاطره يا اختي قدرتي تسيطرين على الوضع

ما شاء الله عليك

وعقبال يارب ينام طول الليل

طبقي الجدول بحذافيره وان شاء الله راح تلاقين ان نومه اعتدل مضبوط

وما يصحى بالليل

بالنسبه للحليب عطيه عصير فراوله بالحليب قبل ما ينام بساعة تقريبا

وبعدها علميه على غسل اسنانه قبل النوم شي مهم جدا

او سوي له العصاري عصير موز بالحليب علشان يعوض الكالسيوم ان شاء الله

ما شاء الله عليك يبين عليك ان مهتمه بالامور كلها ما شاء الله تبارك الله

ربي يوفقك ويخليه لك ان شاء الله

موفقه ترانيم
عزيزتي
مشكلتي مع بنتي الوحيده بين ثلاث صبيان
انها دلوعه زياده عن اللزوم

والمشكله لما اكون ادرسها ولما تغلط واكون بدي اصلح لها الغلط او اني افهمها الصح ،بتزعل وبتحرد ، وبتصير ما بدها تدرس
وانا ما براضيها وبظل صابره عليها وبقول لها راح اعدد للثلاثه 1 2 3 ان لم تاتي وترجعي للدراستك ومكتبك راح ما ادرس ،
بترجع بس بعد ما يكون نفذ صبري
الله يعيني عليها
انا من النوع الصبور وبتحكم باعصابي
بس عن جد بتزعجني من هذه التصرفات
وخصوصا وقت ما يكون عندي ضيوف وبدها شيء معين وبرفضه (وخصوصا ) شراء اكل خرابيط شبس ...الخ

شو رايك شو اعمل معها
بحثت كثير وطبقت بعض الامور ،ونجحت بس لسى فيها خصله الدلع الزايد

ومعلمتها تشكي منها انها تتكلم كثير في الصف !!!!!!!!!!!!!!!!!!!!!!!!!!!!!! وهذا قاهرني

هي في تحسن ملحوظ من الفصل الاول لانه في الفصل الاول كان ابوها توفى الله يرحمه وما قدرت ادرسها كويس ،واتابع معها دروسها

اما الفصل الثاني فهي بفضل الله ومتابعتي ممتازة
هي بالصف الاول الاساسي

ممكن اشارك معكم؟ انا عندى ولد اسمه آدم وعمره 7شهور

انا كنت عايزة اعرف ايه اللى ممكن ياكله ويشربه دلوقتى؟؟