/////خبرات ومعلومات تخصك يا ماما /////

ههههههههاي ترانيم

احس زوجك راح يكره المنتدى
كلنا حبيناك منه
وكلنا ودنا نشوفك لووووووووووووووووول
لا وبعد رجالنا عرفوك هههههههههههههههههه

:
:
مالي وجه ادخل بالموضوع هنا

لان سعودي تعدل حاله فتره وصار ينام بسريره لاني شريت له شرشف تويتي وغطيت به السرير مع اني ما احب الاروح في سرير الطفل بس عاد الحاجه لها اسباب
والحين رجعت ريما لعادتها القديمه ورجع ينام عندي
وحتى يوم ارجعه على السرير نصف ساعه وهو ناقز عندي وينام بيني وبين ابوه
الله المستعان

:
:
وبالنسبه للحفاظ .. نستنى البرد يخلص ويدخل الحر اكيد علشان نبطله هيا
ومعاناتي في تغيير الحفاظ مستمره ..
:
:
لكن نومنا نظمناه شويه ننام على 1 او 2 بالليل بالكثير ونقوم 11 الظهر
وشكله الحين بيخرب .. لانه مريض ومحوووووووس النوم تخيل يرقد 9 ونصف بالليل اهاااااااااااااااا ياربيه شوي اكيد وراح يصحى الله يعين

:
:
بالنسبه للاخت اللي ترضع بنتها وهي نايمه

ترى عادي كنت زيك وكان ولدي متعلق فيني زوووووود .. وبعد الرضاعه يوم فطمته بعد لازم يلزق فيني
بس كلها كم شهر وخف تالتعلق وتعلق بابوه علشان هوا اللي يخرجه ويطلعه ويشريله ..
وانا امه ما وراي غير القعده بالبيت ولا تسوي ولا تفعل وهذا خطأ
::
تحياتي لجميع الامهات

ههههههههه..

ترانيم!
شللي فاجأج؟!

أنا بحرينية أصل وفصل عمري..
وساكنة بعد بالبحرين..

الله يستر ما أكون جارتج وأنا ممممممممممممماااااااادري!؟

ما تقصرين والله يا بعد قلبي..

يا أطيب أخت ومشرفة بمنتديات عروووووووس كلها.

لوليتا

برد عليك مباشره احسن ما في امل ارد على كل هالكلام الحين

يا داخله ويا طالعه وما ألاقيك ما ادري وينك اليوم ؟؟؟

::::::::::::::::::::


بنت الأصايل

والله انتي بحرينيه؟؟!! كل هالفتره وانا احسبك من السعوديه او من الامارات هههه

إن كنتي من البديع فإنتي أكيد جارتي هههه

ربي يسلمج ويوفقج ان شاء الله

هههههه ما بعّدنا وايد رنوم!

أنا أصلي من قرى شارع البديع.. بس متزوجة بـ م.عيسى..

يا عيني عليج..يا وردتنا..!

اختي الغاليه انا عندي تؤم ولحد الان يقومون بليل مرتين عشان الرضعه لاني عودتهم يرضعون كل اربع ساعات ...

مب عارفه شاسوي ... ابي ارتاح انام والمشكله بعد ما يخصون الرضعه يبون يلعبون

ممكن تسوين لي جدول عشان اعدل نومهم لانهم طول النهار نايمين ومهما احاول اقعدهم مافي فايده اخر شي يصيحون ويتعكر مزاجهم ويرجعون ينامون

السلام عليكم

شلونك يالغالية

اليوم جايتلك بمشكلة جديدة لعمار افندي

و هيه انه احنا نزلنا له السرير لان صاير يعقد من النوم يوقف فخفنا لا يطيح قمنا نزلنا يعني صار كلش لتحت

و من يومها عمار ما يرضى ينام فيه يعني انا انومه بعدين بس ابي اجي احطه يفز

و احيانا ينام و يقعد بنص الليل يصرخ و صارله يومين ينام فيه و للساعة 4 الفجر يقوم يصرخ و ينام يمنا

شنو اسوييييييي؟؟؟

قطريه واموت بترابها

فديتك يالغاليه ما ذكرتي لي اعمار اطفالك التوأم الله يخليهم لك ..

ابرار الجنه

طيب يالغاليه

تتذكرين كلامي عن تأقلم وتعود الطفل المده الي يحتاجها

دائما كنت اكرر اسبوع الى اسبوعين ..

عطيه مجال انه يتعود على الوضع الجديد

ولكن انتي لا تيأسين من المحاوله ثم المحاوله كل يوم

أهم شي انه يبات في السرير ومع تكرار العمليه واستيقاظه كل ليله

راح يتعود على وضعه الجديد وراح يلاقي نفسه كل يوم بنفس المكان ويتأقلم على

وضعية سريره ...

طيب ما في حل ثاني للسرير يعني مره مره نازل ؟

تـــرانيم;5542840:
قطريه واموت بترابها

فديتك يالغاليه ما ذكرتي لي اعمار اطفالك التوأم الله يخليهم لك ..

ابرار الجنه

طيب يالغاليه

تتذكرين كلامي عن تأقلم وتعود الطفل المده الي يحتاجها

دائما كنت اكرر اسبوع الى اسبوعين ..

عطيه مجال انه يتعود على الوضع الجديد

ولكن انتي لا تيأسين من المحاوله ثم المحاوله كل يوم

أهم شي انه يبات في السرير ومع تكرار العمليه واستيقاظه كل ليله

راح يتعود على وضعه الجديد وراح يلاقي نفسه كل يوم بنفس المكان ويتأقلم على

وضعية سريره ...

طيب ما في حل ثاني للسرير يعني مره مره نازل ؟

بعد عمري شكرا لك على الرد السريع

راح اجرب و اقاوم معاه المشكلة انا اكون هلكانة و نعسانة فيكون عندي اسهل حل اني انيمه يمي

و ماكو غير هذا الحل لازم انزله لان ما شاء الله صاير حرك و بس يفتع عيونه يمسك السياج مالت السرير و يوقف

بس راح اجرب و ابشرك بالنتائج

كيفك ياترانيم


انا معجبه فيك جدا

عندي مشكله ماتتخيلين قد ايش هامتني وتلاقيني ابكي على طول من هذي المشكله



المشكله انه بنتي عمرها 4سنوات على طول تمص ابهامها اليمين


والفك عندها مع الأسنان تقدمت بشكل واضح جدا وكل اللي يشوفها يلاحظ هذا الشي

طبعا العاده معاها منذ الولاده وصارت اسنانها منحرفه جهت اليمين والطبيب حذرني انه فكها واسنها راح تنعدم وقاللي اربطي يدها وهي تفكها واذا وثقت الرباط تبكي بكاء مستمر حتى افكه وقال لي مافيه حل الا عند سن المدرسه يركب لها شي بفمها يمنعها من مص اصبعها واي شي تاني والجهاز شكله مخيف مره وهو راح يرجع الأسنان فقط والفك لا مايرجع وهذي مشكله لأنه راح يطلع شكلها غير طبيعي اسعفيني ياترانيم

والله لأدعيلك ليل نهار بس بنتي تبطل العاده




واي وحده عندها فكلره تساعدني


مع العلم اني استخدمت لها دواء اسمه استوب وكمان الصبر والمر والشطه لكن هي بتزيد وحاولت افهمها باللين واقولها انه شكلها يخرب واسنانها راح تتطيح مافيه فايده وانا اخليها تنام بجنبي عشان اعطيها حنان وماني مفكره احمل عشان ماانشغل عنها واساعدها تبطل هذي العاده السيئه للغايه

رنومة الغالية ...
رجعت لج بمشكلتي الأزلية ويا ولدي اللي مقاطع الاكل ... من بعد ما تعدل شوي واستانست على عمري وبشرتج .... اسبوع وجم يوم قام ياكل مثل الاوادم والحين رد انعفس ...فوق الاسبوعين الحين على هالحال ...وما اعطي اشباس ولا خرابيط ولا شي ...الله وكيلج جوعته يوم كامل تم عايش على الماي بس وما نطق جوعان...أجيب له الاكل في الصحن واحطه يمه ...تدرين شيسوي ...يشيله ويقطه في الزباله !!! ...ولين اقوله ما تبي تاكل ...قالي اي ابي شوفان وحليب ... وهذا احنا ...3 وجبات في اليوم نفس الشي ...شوفان وحليب واذا كلش غير قال اقلي آلو شيبس ...بس هذا صاير أكله ...والعصير عقب كل وجية ...
ولدي الحين كمل سنتين ... ودايما جذي ما ياكل غير الفتره اللي تخرعت فيها عقب نصيحتج وقام ياكل !!! وردت ريما لعادتها القديمة ... انا فقدت الامل في وقلت كيفه اللي ياكل على ضرسه ينفع نفسه ...بس يرد يأنبني ضميري اقول اهوا ما يعرف مصلحه روحه الحين وواجبي اني احافظ له على روحه لين ما يفهم وياكل اللي يناسبه ...بس ما عندي ولا حل !!!
الله يعينج علي ادري عورت راسج وياي بس شسوي مالي غيرج واللي حوالي بعد يأسو منه وقامو يقولون كيفه بالطقاق ...

اهلين
انا من المتابعه لمواضيعك بصراحه مره رووعه ومتابعه الموضوع من البدايه
بس بنتي عمره عشر شهور مشكلتها ماتشرب الحليب الا اذا كانت نايمه يعني مرتين في اليوم وتقعد اربع ساعه ماخلصتها يعني بلعوزه تشرب واكلها يادوب ثلاث اربع ملاعق وبس الروب (زبادي )هو الا تاكله العلبه كلها والعصير ماتشربه ابد واسفه على الاطاله بس ابي اشكيلك عن المعاناه الاعايشتها
مع خالص حبي واحترامي

انا ماعندي اطفال بس حـــــــامل بالشهر الرابع وخايفه من الولادة

[FRAME="15 70"]السلام عليكم

احبك في الله اختي

وانا جيت هنا اسجل اعجابي بمواضيعك ماشاء الله تبارك الرحمن الله يجعلها في موازين حسناتك .. بصراحة استفدت منك كثير ... يعني انتي ماشاء الله تتسببين في تغيير مسار حياة للافضل

وانا بنتي عمرها 11 شهر كنت اعاني جدا جدا من نومها والحمد لله موضوعك افادني وتوني بادية بتطبيقه .. ويني عنه من زمان ...
انتي قلتي ان هذي دراسة اختصاصيين ..وانا ودي اغير بالنظام شوي .. انا اقوم بنتي الساعة 7ونص

وودي قيلولتها الثانية تكون من الساعة 4 ... مع انه لو الساعة 2 انسب جدا ... لان زوجي يجي منهد من الدوام ولا وده انها تستقبله هو يجي الساعة 4 وثلث ويتغدى وهي تزعجه ماتخليه ياكل .. فينبسط اذا لقاها نايمة ...فوده انه يسترخي ويريح قبل تقوم . .بس انا اخاف انه ياثر عليها تاخير قيلولتها الثانية.. انتي بجدولك تكون صاحية من اخر نومة 3ونص .. وانا ابيها تصحى 5ونص .. كيف بتنام الساعة 8 وتواصل لين بكرا وهي توها صاحية المغرب؟؟
وبصراحة عجبتني توقيتات نوم الطفل ..مرة مناسبة .. لكن دوام زوجي يحتم اني اغيير ..

وعندي سؤال ثاني عن اخوي بس بعد ماتردين علي اختي ...[/FRAME]

السلام عليكم اختي ..

انا متابعة الموضوع معج من الصفحة الأولى .. والصراحة افدتينا بأفكارج وخبراتج ..

انا ببغيت جدول لتنظيم الرقاد عيالي .. ابي ارقدهم على الساعه 10 ..

عندي ولد عمره 3 سنين وشهرين .. وبنت سنتين ونص ..

وعندي مشكلة مع ولدي انه كثير البكاء يعني يبي ياخذ الشي بالصياح وما يخلي حد يلعب بألعابه أو يلعب معاه ..

وايضا هو اخته دائمين الشجار ..واختي تتطبع بطبعه .. مع انها اهدى واعقل شوي ..

يا ريت تفيدنا بتجاربج وخبراتج

تسلمين حبيبتي ..



رووووووووووووعه ما شاء الله ..

السلام عليكم اخت ترانيم الله يجراك خير على هذا الموضوع لاني في امس الحاجه اليه
انا عضوه جديده بينكم

انا ام لطفله عمرها 3 سنين و8 شهور يعني قربت 4 سنين اسمها ميار

وحبيت انك تعطيني جدول لانها متخربطه وانا بعد ماعندي اي خبره في ذا المجال واحس اني ظالمتها لاني تعبت وانا اقرا ومالقيت شي ممكن يفيدني ودي اعرف وش هي مميزات هذا السن شلون انظم جدولها اليومي يعني انتي عارفه خلاص هي روضه تقريبا يعني ودي انك تقولين كل اللي عندك بخصوص هذا السن <<<<<طماعه شوي


تحمليني اختي شوي بس والله اني ماصدقت احد يفيدني بذا الموضوع والله يجعله في ميزان حسناتك



ايه صح ونسيت اقولك انها ماتاكل اذبحتني في الاكل ولاتشرب حليب وحاولت اكثر من مره احط لها شيكولاته اي شي يضيع طعمه ومافي فايده

مدري وش اسوي فيها

علما بأني ادرس في نفس الوقت بس عادة هي تكون نايمه وقت ما اطلع من البيت وارد من الجامعه يعني مايأثر ذا الشي عليها


ولك جزيل الشكر

السلام عليكم ورحمةالله وبركاته
كيف الحال اختي ترانيم ما شاء الله الموضوع صارت صفحاته كثييييييييييره وضعنا واحنا نقرا فيها
تسلمين والف الف الف شكر على مساعداتك وصدرك الرحب
وشكرا على كل معلومة قدمتيها

انا ام لبنت وحده ..ياحلوها خفيفة دم والكل يحبها الان عمرها سنتين و10 شهور
اعلمها على ترك البامبرز وملعوزتني لما ندخل الحما م لازم اسالها اذا فيها شئ او لا تقول ايوا يا ماما
ونقعد بالحمام بالثلث ساعة ولا في شئ بس تبي تفتح الموية وتبلل المكان كلللللللللله تنرفزني بكل حركاتها
تعبتني مع الحمام ايش اسوي نطلع وبعد اقل من 10 دقايق تبول في ثيابها ...اه قمة التعب معاها
ومشكلتها الثانية ماتسمع كلامي ولا كلام اهلي ولا كلام ابوها طبعا هذا مو من زمان ...هذا الشهر
يعني بالاول ماكانت كذا ..ياحلوها وتسمع الكلام بس الحين والله متعبتني والمشكلة انها تطالعني يعني تفهم وش اقول بس تطنش وتروح تلعب
واذا تجمعنا مع احد بالزيارات او مع اولاد عمها وبنات عمها وعماتها ...تعالي اسمعي انواع الكلام والالفاظ الي مو حلوه ابد ...وتسمع الكلمة وترجع تعيدها على طووووووووووول بدون نقاش انا اهددها بالفلفل بس ماذوقتها
واهل زوجي وخصوصا عمي مايرضى لا اضربها اذا سوت غلط او حتى انهرها بكلمة ..دايم يوقف بصفها
وتضرب الصغار الي بمثل سنها
توها معهم تلعب وزينة شوي وتقلب عليهم وتاخذ العابهم وتدفر فيهم وتطيحهم واذا سالتها تقول هم الي طقوني والمشكلة رجعت تعض تاني ...تعض اذا ماحصلت الي تبيه
شئ لاحظته هاليومين بس انها تحب تتقمص دوري
انا اقول لها ياماما لاتقولين كذا الي يقول كذا كسول ومو زين
والله شوي وترجع تقولي ماما لاتقولي كذا ولي يقول كذا كسول ومو زين .....
مشكله...لا والله مشاكل متعبتني
اسمحي لي على الاطالة
لكن انتظر منك المساعدة علشان انا خلاص مو قادره وموعارفة شلون اتصرف معاها

اناعندي عبودي وعمره سنه ونص وودي افطمه وماادري كيف

السلام عليكم ورحمة الله وبركاته .. اختي ترانيم طول غيابج وإن شاء الله يكون المانع خير ..

الصراحة انا كنت انتظر ردج على بخصوص تنظيم نوم الصغار .. ولما شفتج طولتي علي .. قلت خلني استفيد من إلي كتبته واحاول اسوي لي جدول ..

أول شي بديت فيه لإني قمت أوعيهم من الرقاد على الساعه 9 الصبح .. وأرقدهم الساعه 3 إلين 4 العصر .. أخليهم إلين الساعه 10 أو 11 ..

وسويت مثل ما قتلي إني اتبع معاهم نشاط معين قبل موعد النوم عشان يعرفون إنه وقت الرقاد ..

الظهر مثلا اسبحهم وابند الستاير .. واقولهم إلحين وقت الرقاد .. والحمدالله ما يتعبوني ابدا .. ما شاء الله عليهم ربع ساعه ويرقدون على طول ..

أما بالليل .. فعودتهم إنهم يفرشون اسنانهم وبعدها نرقد .. بس المشكله إنهم ما يرقدون بسرعه .. يعني انا ادخلهم الساعه 10 بتشوفينهم الساعه 11 ونص رقدوا .. ولا زالت هالمشكلة موجودة عندي لين إلحين ..

خفت عصبيتي عليهم وايد وما قمت اضربهم ولا اصارخ عليهم أحاول قد ما اقدر اتمالك اعصابي واحاول معاهم بالسياسة .. وانتبهت ان صارخهم خف وضربهم .. وصاروا اذا يبون شي يتبعون اسلوب الكلام الحلو .. مثلا انت شاطر عطني هاللعبة ..

وبديت امارس معهم بعض النشاطات في فترة الصبح مثل تركيب المكعبات .. التلوين .. ومن يومين شريت لهم صلصال .. وما شاء الله عليهم متفاعلين ومتجاوبين معاي .. بس حبيت اعرف اذا عندج نشاطات غير تنفع لعمر أبنائي .. وفترة العصر تكون مخصص للعب .. مثل لعب الكورة ولا السيكل او سباق السيارات مع بعض او المرحانه ..

تقريبا هذا تقريري لثلاث اسابيع ..

الصراحة وايد فادتني نصايحج وإن شاء الله احاول اطور نفسي للأحسن لأن التربية والتعامل مع الأطفال صعب جدا ..

وأخيراً انتهت الامتحانات وأزمتها..
وأنا عندي نية اني أرتب حياتي في هالإجازة وأستغلّ لحظاتي في شي أستفيد منه..
وأول شي خطر ببالي اني أدخل موضوع ترانيم وأحاول أعيد تنظيم حياتي..

طبعاً أنا اضطريت أقرأ الموضوع من جديد من أوله..
في أمور حلوة سألوا عنها البنات وشفت ردودها..!

بنتي معصومة كملت 9 شهور ودخلت العاشر..
وهي كسلانة شويّ توها شوي تحبي..
تمسك بالكنب أو الطاولات وتقوم وتتمشى وهي ماسكة بهم..
عاد الفوضى حدث ولا حرج..
أنا وراها أعدل وهي تعفس كل شي..
عموماً مو هذي المشكلة!

المشكلة أختي بالنسبة لوزني..
قبل الحمل كنت شوي مربربة مو متينة واجد.. ووزني رجع مثل أول تقريباً بس زايد 2 كيلو..
والله يجي ببالي أسوي ريجيم لكن اخاف يؤثر على الرضاعة.. خاصة ان بفحص عصوم كان نسبة دمها 11.8 هم قالوا لي ان زين دمها، لكن أنا أطمح يكون فوق الـ12..

غير هالشي أنا ما أطلع من البيت.. ولا أقدر أروح صالة رياضية لأن بنتي بما أدرس تكون عند زوجة أخوي وبيتهم شوي بعيد عن بيتي.. والحين بالإجازة ما يصير بعد أوديها هناك..

أبغي أنزل وزني تقريباً 7 كيلو أو 10 كيلو..
بشنو تنصحيني؟؟

وبالنسبة لبنتي..
شللي أقدر أعطيها عشان ترتفع نسبة الهيموجلوبين؟

يا ريت أحصل رد منج!

وبعد لي رجعة هههههههههههه