/////خبرات ومعلومات تخصك يا ماما /////

أخت بالله

عزيزتي الغاليه

الله يعطيك العافيه

بالنسبه لبنتك الله يحفظها

شفتي موضوعي عن الدراسه ياريت تسوين بحث اسم الموضوع

او عنوانه (عندك طفل او طفله بالمدرسه )

اخذي منه الافكار كيفية المذاكره

اختاري الوقت المناسب للمذاكره

يعني بعد الرجوع من المدرسه واكل الوحبه الرئيسيه وبعدها

بعشر دقائق باشري دراستها علشان ما يقل نشاطها بالفتره القادمه

حاولي دائما انك تبحثين بشخصيتها كيف تجعلينها تتفاءل

أفتخري فيها وهي تستاهل ما شاء الله عليها دام انها ممتازه

هذا يعني انك بالطريق السليم

طيب بالنسبه للدلع ههههههههه

احلى شي بالبنات

بس كيف الحد من هالدلع وقت الدراسه

انك تفهمينها ان وقت المراجعه وقت مخصص ليس فيه زعل

وان بدر اخطاء منها بالدراسه هذا لا يخصها كشخص حتى تزعل وتتحفظ على

المواصله بالدراسه معك والمراجعه

يعني بالمعنى انك قدر الامكان انك توضحين لها ان الدراسه جد

لعلها تلفت انتباهك فقط لمراضاتها

ولكن طريقة العد 123 خاطئه عزيزتي

لا يفهم الطفل ان هذا تحذير بحد ذاته بل

يأخذه بحمل الفرص المتاحه له ....

كوني صارمه ونفس الوقت حنونه

صوتك ودلالة اسلوبك بيشجعها دائما

افتخري فيها واجعليها تحلم بالانتصار بنهاية السنه الدراسيه

دائما حفزيها قولي لها انا افتخر فيك انتي بنتي الوحيده

وانتي ما شاء الله ذكيه

وان اخطأت قولي معلش يا ماما

أنا كنت مثلك بس خلينا نراجع نشوف وين الاخطاء

قللي من اسلوب التهديد وباشري بالأهم تغاضي عن دلعها ولفت انتباهك لها

وركزي على الانتهاء من القدر الواجب عليها للدراسه

الاهم وبعدها يأتي الأقل اهميه

والله يوفقها ان شاء الله

بالنسبه للكلام بالفصل أو الصف

حدثيها عن اسباب مناقشتها وحوارها داخل اطار الدراسه

وضحي لها ان هذا يأثر على دراستها وأدبها للقوانين المدرسيه الموضوعه

من قبل المدرسات

وان كانت تود الحديث معهم هناك وقت مخصص لها تستطيع ان تتحاور مع صديقاتها

اما وقت الدراسه فمخصص للمعلمه وللمذاكره

قولي لها نحن نتعب مع بعض للوصول الى النتيجه المرضيه

ولا نريد ان يأثر اي شي ولو كان بسيطا بمستواك الحالي

فأنتي قادره على حسن التصرف وهكذا .....

لا تهددينها انك لها بالمرصاد وانك دائمة السؤال عنها

ولكن بيني لها بطريقه غير مباشره انك متابعه اسلوبها بالمدرسه

فهميها انك تفضلين الأثنين معا تربيه صالحه وتفوق بالدراسه

وانك لا تفضلين فقط التفوق من غير حسن التصرف بالمدرسه او الصف ...

طبعا انا ما عرفت منك كم عمرها ؟؟؟

فلهذا اتمنى ان تختاري الكلمات المناسبه لسنها

حتى تفهم عليك وتركز على طلباتك منها ....

وربي يحفظها من كل شر

وييسر لها امورها ويوفقها

اللهم آمين

skimo

اختي راح تلاقين جدول الأكلات بالصفحات الي فاتت لسن 7 شهور

تـــرانيم;5325103:
أخت بالله

عزيزتي الغاليه

الله يعطيك العافيه

بالنسبه لبنتك الله يحفظها

شفتي موضوعي عن الدراسه ياريت تسوين بحث اسم الموضوع

او عنوانه (عندك طفل او طفله بالمدرسه )

اخذي منه الافكار كيفية المذاكره

اختاري الوقت المناسب للمذاكره

يعني بعد الرجوع من المدرسه واكل الوحبه الرئيسيه وبعدها

بعشر دقائق باشري دراستها علشان ما يقل نشاطها بالفتره القادمه

حاولي دائما انك تبحثين بشخصيتها كيف تجعلينها تتفاءل

أفتخري فيها وهي تستاهل ما شاء الله عليها دام انها ممتازه

هذا يعني انك بالطريق السليم

طيب بالنسبه للدلع ههههههههه

احلى شي بالبنات

بس كيف الحد من هالدلع وقت الدراسه

انك تفهمينها ان وقت المراجعه وقت مخصص ليس فيه زعل

وان بدر اخطاء منها بالدراسه هذا لا يخصها كشخص حتى تزعل وتتحفظ على

المواصله بالدراسه معك والمراجعه

يعني بالمعنى انك قدر الامكان انك توضحين لها ان الدراسه جد

لعلها تلفت انتباهك فقط لمراضاتها



ولكن طريقة العد 123 خاطئه عزيزتي

لا يفهم الطفل ان هذا تحذير بحد ذاته بل

يأخذه بحمل الفرص المتاحه له ....

كوني صارمه ونفس الوقت حنونه

صوتك ودلالة اسلوبك بيشجعها دائما

افتخري فيها واجعليها تحلم بالانتصار بنهاية السنه الدراسيه

دائما حفزيها قولي لها انا افتخر فيك انتي بنتي الوحيده

وانتي ما شاء الله ذكيه

وان اخطأت قولي معلش يا ماما

أنا كنت مثلك بس خلينا نراجع نشوف وين الاخطاء

قللي من اسلوب التهديد وباشري بالأهم تغاضي عن دلعها ولفت انتباهك لها

وركزي على الانتهاء من القدر الواجب عليها للدراسه

الاهم وبعدها يأتي الأقل اهميه

والله يوفقها ان شاء الله

بالنسبه للكلام بالفصل أو الصف

حدثيها عن اسباب مناقشتها وحوارها داخل اطار الدراسه

وضحي لها ان هذا يأثر على دراستها وأدبها للقوانين المدرسيه الموضوعه

من قبل المدرسات

وان كانت تود الحديث معهم هناك وقت مخصص لها تستطيع ان تتحاور مع صديقاتها

اما وقت الدراسه فمخصص للمعلمه وللمذاكره

قولي لها نحن نتعب مع بعض للوصول الى النتيجه المرضيه

ولا نريد ان يأثر اي شي ولو كان بسيطا بمستواك الحالي

فأنتي قادره على حسن التصرف وهكذا .....

لا تهددينها انك لها بالمرصاد وانك دائمة السؤال عنها

ولكن بيني لها بطريقه غير مباشره انك متابعه اسلوبها بالمدرسه

فهميها انك تفضلين الأثنين معا تربيه صالحه وتفوق بالدراسه

وانك لا تفضلين فقط التفوق من غير حسن التصرف بالمدرسه او الصف ...

طبعا انا ما عرفت منك كم عمرها ؟؟؟

فلهذا اتمنى ان تختاري الكلمات المناسبه لسنها

حتى تفهم عليك وتركز على طلباتك منها ....

وربي يحفظها من كل شر

وييسر لها امورها ويوفقها

اللهم آمين

عزيزتي ترانيم اشكرك
بالنسبه لموضوعك ((عندك طفل او طفله بالمدرسه ) )
انا تابعته وشوفته وحتى لي مشاركه فيه (f)

بحاول احكي لها دايما انه الدراسه دراسه (y) ما فيها دلع واذا بتزعلي ما راح اراضيك ،وما راح ادرسك :eek: خليها معلمتك تحكي عنك مو شاطره :confused: فبتصير تبكي
وبالموت بعدها لحتى ترجع تدرس
ونرجع من اول ما بدينا ..........يا الهي ما اطول بالي عليها :D

الله يهديها ويرضى عليها

راح احاول معها ، مثل ما تحدثتي ،والله المستعان
جزاك الله خيرا اختي ترانيم

عساج ع القوة أختي ترانيم

ولا عدمناج..

أختي أنا حاولت في جدول النوم، بس الظروف عاندتني وما مشيت عليه للأسف

زوجي لازم يمرّ بيت والدته كل ليلة، ونظل هناك لبعد الـ10 أحياناَ..
معصومة ترقد ولما نوصّل البيت توتعي مرة ثانية، ويااااااااااا الله.. ما ترد تنام الا بعد الـ12:30 وأنا الصراحة أدووووووووخ.. وأحياناً أعصّب

مشكلة زوجي ما هو منتظم بنومه، وهالشي مخرب نظامي أنا بعد، ونفس الشي بنتي..

بعض الأوقات يسهر بأيام الدوام للساعة 2 وأكثر!
وأنا بعد عندي دراسة، أظل وياه لين أنام وانا قاعدة،

اختي ترانيم يقولون الزوجة لازم ما تسبق زوجها في النوم، بس أنا ما أقدر أواصل..

صرت أخليه وأروح مع بنتي أحاول أنيمها.. وكذا مرة طلبت منه ان ينظم وقته لكن هو الله يهديه يسمع ويقول زين، ويرجع لنفس الموضوع..

بهالسبب حياتي كلها مو منتظمة وعايشة نوع من الـStress
عموماً

إذا تقدرين تعطيني جدول خاص للنوم حق معصومة، لأني أبغيها تنام 10 الليل.. مو 8 يعني.. ع الأقل يمكن يلتزم زوجي نرجع البيت 10 بالليل

ذكريني يا قلبي جم عمرها وابشري من عيوني بسوي لها جدول تنام على الساعه 10

بس خلي بالج انها فتره مؤقته لأن كل الاطفال المفروض ينتظم نومهم

وما يتعودون السهر بيأثر على نموهم ....

انتظر ردج

أشكر تفاعلج السريع حبيبتي ترانيم..

بنتي مثل ما مبيّن من الشريط اللي بتوقيعي "بتاريخ 5/3" تكمّل 6 شهور وتدخل السابع..

وما تقصرين يا الغالية

ما شاء الله تبارك الله

الله يخليها لك

طيب يا قلبي

تنومينها على الساعه عشر وحاولي تقعدينها الصباح على الساعه 7او حتى ثمان

وان كان الساعه 6 افضل

ممكن انها تقعد بالليل تحتاج لرضعتها الليليه

شي طبيعي

المهم ترجعين تنومينها على الساعه 11 قبل الظهر

لمدة ساعتين او ساعه ونصف

وبعدها تخلينها صاحيه تعطينها وجبة الغداء من السرلاك او فواكه او خضروات على حسب

ما تحبين تعدين لها الوجبه

بعدها تنومينها على الساعه 4 او 3 ونص

الى الساعه 6

وبكذا بتكون تقدر انها تجلس الى الساعه 10

ان حسيتي انها من ثالث يوم انها تصحى كثير بالليل

وتبي تسهر

حاولي تقللين عدد ساعات نومها بالنهار

يعني من كل فترة نوم بالنهار نقصي نص ساعه

يعني بدل ما تقعدينها الساعه 6 قعديها الساعه 5 ونص

وبدل ما تقعدينها الساعة 1 قعديها الساعه 12 ونص

اهم شي مثل ما ذكرت انك تسوين لها طقوس ما قبل النوم

يعني استحمام والهدوء بصوتك راح تحس ان هالفتره خلاص وقت النوم والراحه

أما بالفتره النهاريه دائما اشغليها علشان ما تحس بالنعاس

يعني باللعب ولفت الانتباه

طبعا الالعاب الي بسنها جدا قليله ولكن اقل شي يلفت انتباها

ويشغلها ..

وان مره مره حاولت تنام خليها بس نص ساعه واعملي ازعاج بالبيت

علشان تصحى من غير ما تقعدينها بنفسك

ودائما عطيها مجال انها تصحصح قبل اي نشاط سواء اكل او وجبه الحليب او تبديل الحفاظ

عطيها فرصه انها تجمع نشاطها وتتقبل اي نشاط نهاري تتبعينه

بالنسبه لزوجك يالغاليه

صحيح انك تسهرين الين ما هو ينام

وشي طبيعي ان المرأه افضل لها الجلوس والنوم مع زوجها

ولكن لا يخلو الحياه من التعب وكسر الروتين

احيانا اجلسي اسهري معه ونفس الوقت اشغلي نفسك بالمذاكره

وايام ثانيه عطي نفسك حقها من النوم

مهما يكون انتي عليك مسؤليات كثيره طفلتك وبيتك وحقوق زوجك

انا كنت ببداية حياتي انتظر نوم زوجي وانام معه

لعل الرجال اكثر نشاطا من النساء من ناحية السهر

والعوده الى العمل من غير الاكتفاء من النوم

ولكن مع مرور الوقت خليته يلحقني للغرفه وينام

حتى قبلي هههههه

روتينك راح يطغي عليه تدريجيا

ولكن مثل ما قلت لك ايام سهر وايام نوم

وما راح يتأثر حياتك الزوجيه لا تخافين

اهم شي تعطينه حقه الشرعي متى ما اراد

اما السهر فهذا ما يزيد حب الرجل لزوجته

اهم شي توفير اللازم له من كلام الحب والحنان

قبل ما تدخلين ترتاحين

وبالعكس راح يحس بالوحشه للسهر بروحه

اول الايام بيكون عادي ولكن بيشتاق لك صدقيني ....

مااااااااااااا قصّرتي..
رحم الله والديج وطوّل الله عمرج..

راح أبدأ الجدول ان شاء الله ابتداءاً من يوم الأحد الجاي..
لأني إلى نهاية هذا الأسبوع عندي بعض الأمور العاجلة، ويمكن ما أنتظم زين وبالضبط ع الجدول.. فـ ما أبغي أضيّع جهدج..

وإن شاء الله راح أبشرج بالأخبار الجيدة لما تنتظم عصفورتي بالنوم!

أختي ما عليه استحمليني.. بس عندي بعد استفسارات ثانية..

أنا بدأت تغذية بنتي لما كمّلت 3 شهور، ودخلت الشهر الرابع..

عطيتها فواكه مهروسة، بدون طبخ مثل الكمثرى والتفاح والموز..
وخضار مطبوخة ومهروسة.. بطاطس وجزر وبوبر وباذنجان وكوسة..
أرز مهروس
روتي مع حليب.. أخليه يصير ليّن وأطعمها اياه..

وأكثر شي عطيتها حبوب ميلوبا للشهر الرابع.. بالفواكه والخضار والأرز والبرتقال
بالإضافة إلى بسكويت الأطفال "ميلوبا"

والحمدلله شهيتها زينة، وعافيتها تمام ومتختخة..

ومن هالشهر حبيت أغيّر نظام أكلها..
عطيتها مرتين سمك مهروس.. كتجربة..
وروب..بالأول ما شاء الله تجاوبت وعجبها الأكل الجديد.. وطبعاً الحبوب أخذت لها تبع الشهر السادس

بعد يومين سخنت وصدرها فيه بلغم..
لاحظت عليها ما تبي تاكل ولاحتى الحليب تشربه!
بس من صدري ترضع..
مادري هالشي سببه مرضها.. او تغيّر نظام الأكل؟!
والله بس 3 أيام على هالحال، وخدودها هفتت وجسمها ضعف..

امي تقول يمكن عين صابتها.. لأن فعلاً ما أحاسب.. أعطيها أكلها قدام أي أحد..

وأنا متحيرة بأمرها.. مو عارفة شسوي!!

وبالنسبة للبلغم اللي بصدرها شنو أعطيها؟ أنا عندي جهاز البخار.. ينفع أستعمله لها كل ليلة قبل النوم الين تخف؟ تنصحيني بالأدوية.. أو الفكس؟
للعلم أنا ما وديتها المستشفى، بروحي بالبيت عطيتها تحميلات باراسيتامول وأدول..

وسؤال أخير الله لا يهينج..
متى نعرف ان الطفل المريض يحتاج للمستشفى؟ ومتى نكتفي بمعالجته بالبيت بس؟

إذا تنوريني بخبراتج أكون شاكرة لج

ما شاء الله ولا حول ولا قوة الا بالله

أختي الغاليه

الله يهديك ان كانت شهيتها مفتوحه على الأكل لا تسوين غلطتي مع بنتي

عن جد لا تطعمينها قدام الناس

حصنيها حتى من عينك يالغاليه

مرات العين تجي من أحب الناس لنا

يمكن وقت ما كنتي تطعمينها من فرحتك قلتي

والله بنتي تاكل وكذا ونسيتي تذكرين الله

والله العالم

اختي الأكل ما له دخل بصحتها

خصتا البلغم اكيد جاي مع تغير الجو

وهذا شي طبيعي لقلة المناعه عند الأطفال خصتا الي ما كملوا

من عمرهم سنه كامله

طيب البخار جدا ممتاز بس يوميا

يعني وقت ما تحسين ان البلغم يخليها ما تقدر تتنفس

أما الحراره كويس انك تحطين لها تحميلات افضل من الشراب

ما انصحك انك تسبحينها بمويه بارده مره علشان يخف درجة الحراره عندها

يعني خلي الماء يكون اشوي دافي وخففيه بالماء البارد

يعني مو لدرجة انها ترتجف من البرد

حاولي وقت ما تطلعينها من الحمام

لعبي معها وهي لابسه بس حفاضه

بس كوني متأكده ان البيت دافي مو بارد

سكري الشبابيك افضل

وضعها بدون ملابس لنص ساعه

يخلي جسمها يرجع لحرارته الطبيعيه

وبعدها حاولي تلبسينها ملابس خفيفه

ولا تكثرين من التحاميل

أقرأي التعليمات للأستعمال

يعني فيه جدول للتحاميل هذي

لكل سن فيه الساعات الي تعطينها فيه لما تكون عندها حرارة

اختي الحالات الي المفروض تنقل الطفله للمستشفى كثيره

ولكن اتصور ان الطفله

ترتفع حرارتها بدون اي شي ثاني ممكن انها تتداوى بالبيت

لكن في حالات ما تنتظر مثل الاسهال او الترجيع لازم تنقل للمستشفى علشان ما تخسر السوائل ويصيدها جفاف....

ألم الأذن لما تلاحظينها انها تبكي وتمسك أذنها او جهة الأذن هذا يعني ان عندها التهاب

حالات الكحه الزائده المفروض تنقل للمستشفى يمكن يكون عندها التهاب

عموما يا اختي الأطفال وقت المرض شي طبيعي انهم ما ياكلون ولا يشتهون الأكل

يمكن يستمر هالحاله لمدة ثلاث الى اربع ايام

ولكن في سنها اهم شي انها ترضع

لان الاطفال الي اقل من سنه ممكن انهم يستعينون بالحليب بدل الأكل ويكون كافي لا تحاتين

بس اهم شي انك انتي تاكلين كويس هالفتره

علشان توفرين لها المكونات الي تحتاجها من رضاعتها منك ..

والله يشفيها ان شاء الله ما تشوف شر

وديها المستشفى تدرين ليه لأن بيعطونها دواء يخليها ترجع الحليب او الأكل

علشان تطلع البلغم مع الزوع

ولا تخافين لأن هذا دور الدواء الخاص بالبلغم انه يخليها ترجعه للخارج وترتاح

والله يشفيها ان شاء الله
وحصنيها بالأذكار يالغاليه

شكراً جزيلاً عزيزتي ترانيم..

ما أدري كيف أعبّر لج عن امتناني الكبير!!
وليس لي غير الدعاء بظهر الغيب لك ومن يعزّ عليك..

أختي..
أول ما جبت معصومة صابها بو صفار ومن ثمّ صابها إسهال حاد، ولمدة 20 يوم وكنت أضطر لإرضاعها طول الوقت حتى لا يصيبها جفاف وتعوّض ما كانت تفقده..

وبهذا تعوّدتْ بنتي على التعلّق بصدري.. ورفضت اللهاية..
ومع الوقت ما كانت تنام إلا وهي ترضع..
وأنا قرأت إن هالشي يسبب تسوس الرضاعة لما الطفل ينام وهو يرضع لما تظهر له الأسنان
غير انه الصراحة أنا متعبني هالشي، ما أعرف أنام وأنا أرضعها بشكل يومي.. وبس أحركها شوي أبغي أحطها بسريرها تصحى مرة ثانية وأضطر أقوم وأقعد.. وما تنام بالطبطبة إلا لازم أشيلها واخليها جنبي ترضع!

إضافة إن هالشي يوم عن يوم أحسه يؤثر على علاقتي الزوجية، لأن الطفلة تكون بيننا!
وإذا تعوّدت على هالأمر أكثر بيتعبني إني أفصلها عني مستقبلاً..

كيف أعوّدها على النوم في سريرها بدون ما ترضع مني؟
لأني فكرت أعطيها مرضعة بالليل وهي في سريرها، لكن بعد بيكون تأثيره تسوس الرضاعة!

شالحل في نظرج؟

السموحة إن ثقّلت عليج.. بس هذي فرصة ما تجي كل مرة، وحابة أستفيد من خبراتج يا الغلا..

السلام عليكم ... والله موضوع حلو ... و احب اشارك فيه ... انا عندي بنت 1 (عليا) عمرها 1 و 8 شهور

عزيزتي اخر اخباري عباره عن معاناه ..

احس ان يومي ابسنه والله من التعب والثجل .. مووووول ما بديت امشي وكله مدوخه وراقده و تعبانه .. الانتفاخات زادت احس ريولي جنها مخده يوم اوقف عليها اتفش الحمد لله والشكر + ايدي اتعورني و منتفخه اكثر عن اول + اذا يلست ما اروم انش والعكس طبعا + ويع الظهر بدا من امس جهه اليمين + صداع فضيع +اللوعه والحارج والزواع ذابحيني ما اقدر اكل شي ابد ..

ماشي بوادر ولاده ابــــــــــــــدا ابــــــــــــــــــــدا ابدا ..

والمستشفى كانوا عاطيني اخر موعد 30\3 لكن امس يوم سرت العياده + مراجعه المستشفى قالولي احتمال اطول اليـــــــــــــن 10 \4 ..

جان احس اني ابا اصيـــــــــــــح لاني خلاص مب رايمه اتحمل عمري اكثر عن جيه ..

والسموحه على الاطاله ..

انا عندي ولد واسمه احمد وعمره سنة وعشر شهور ابي اعوده يرقد فمكان فيه ازعاج لان نومه واااااااااااايد خفيف وابي اتركه الحليب الصناعي وابي نومه يكون منتظم مثل نومنا احنا الكبار وابي اعلمه يروح الحمام ياريت اتساعدني ..
لاحظت عليه انه عنيد يعني لازم اقوله حبيبي شيل الالعاب وحطهم فالسلة (مليون مرة عسب يسمع الكلام)
ما ادري شو اسوي ويااه

ما شفنا ردج ترانيم الحبيبة!

وووووينج؟

تصدقين ان ما شفت ردك الا الآن لأن صاير بآخر الصفحه لما انتقلنا للصفحه رقم 20 ما لاحظت ان فيه رد جديد

آسفه

معلش يا خواتي ان شاء الله احاول بعدين ادخل لما افضى من واجباتي بالبيت وبعدها ان شاء الله برد على كل وحده وما يصير خاطركم الا طيب ..

وآسفه مره ثانيه على التأخير

في انتظارج فديتج خذي راحتج ..

بنت الأصايل

اختي ان كان ما طالع لها اسنان الى الحين فما يأثر مسبقا على اسنانها

من تسوس الرضاعه

بعد ما يطلع لها اسنان باشري انك تحافظين على اسنانها خصتا ان لاحظتي ان هناك بقع بيضاء على الاسنان اللبنيه وقتها يعني ان ممكن انه يتحول الى تسوس

طيب انتي ذكرتي السبب نفسك بالرد

لازم يا اختي تعودينها على عاده جديده انها تاخذ رضعتها وتنام بروحها بسريرها

لازم اول الايام متعبه بالنسبه لك وممكن انها تبكي ولكن حاولي انك تكونين جاده بهذي المسئله

استمرارك على تعويدها على النظام الجديد راح يخليها تتعود عليه ..

حاولي يا اختي ان تعطينها وجبات الاكل بالنهار يعني مثل الفواكه والخضروات والرز المطحون وايضا القمح

يخليها تشبع ونفس الوقت انتي تأكدي تراها مو جوعانه لانها متعلقه فيك

هي مجرد انها عاده وانتي المفروض انك تعودينها مؤقتا على السهايه

اختاري السهايات الي تطلع الهواء وتكون طبيه

وفي سهايات تشبه صدر الأم بالصيدليات


حتى المراضع يجي شكله كأنه .... وادري ان الاطفال يلاحظون الاختلاف بين صدر الام والحلمه الصناعيه

ولكن ان فقدت هالشي راح تتعود على البديل ...

اختي اكيد وبالتأكيد يأثر سلبا على علاقتك بزوجك وهذا سبب رئيسي يجعل الحياه الزوجيه او المعاشره الزوجيه بارده بعض الشئ ولا تنسين انك تعطين كل شي حقه فالمرأه الصالحه تعرف كيف تلبي طلبات اطفالها ونفس الوقت طلبات زوجها قبل طلباتها الشخصيه ...

ادري ان الموضوع صعب كبدايه ولكن كل صعب يسهل بإذن لله مع اصرارك على التغير

وهذي مجرد طفله تعودت على هذا الشئ وانتي تستطيعين ان شاء الله تبديل هالعاده الى عاده جديده ...

وانا ما قلت لك ما ابي اشوفك الا وانتي .... هههههه

:::::::::::::::::::::::::::::

عروس حبيبها

هلا ومرحبا وسهلا فيج يالغاليه والله يخلي لك بنوتك عليا

::::::::::::::::::::::::::::

أم المعرس

ربي يخلي لك حمد

طيب يا اختي

راجعي الصفحات الي فاتت بالنسبه للنوم والاكل والحفايض وبرضوا عن العناد عند الاطفال تكلمنا عنه كلهم
وان كان عندك ملاحظه اكتبي وان شاء الله من عيوني برد عليك بأسرع وقت ..

بالنسبه للكلام الي ما يسمعه ولدك الا بعد مليون مره ههههه

انزلي لمستواه وخلي وجهك اشوي قريب يعني مو مره علشان ما يخاف ويحسبها كتهديد

كوني هادئه ونفس الوقت جاده بالكلام معه

وحاولي انك تتواصلين معه بالعين

ان كان الطفل ينتبه للفم وقت كلامك معه اكثر من العين هذا يعني ان عنده تشتت بالافكار وقلة تركيز

نبهيه على عينك وقت الكلام افضل علشان يركز اكثر

لأن الفم وقت الكلام تحركين الشفتين وقتها راح ينتبه على التحريك لكن ما يركز على الكلام

لكن العين ثابته فبيركز نظريا وسمعيا بنفس الوقت ....

:::::::::::::::::::::::::::::::::

inte_o_ana

والله انج ذكرتيني بروحي اخر ايام الحمل لا تطاق ثقل
وحرقان وحكه بالبطن وآآآآآآآه على الام الظهر وانتفاخ البطن الي ما يخلي الوحده تنام وترتاح

بالنسبه لرجلك ضروري انك ترتاحين قللي المشي

لأن هالحاله يسمي دوالي وقت الحمل

كثرة المياه المختزنه بجسمك بهذا الشهر تحسين انك بالون

لكن بعد الولاده بأسابيع راح تخسرين الكثير من الوزن تدريجيا ان شاء الله

حاولي الراحه قدر المستطاع معلش يا قلبي

ان كان الموعد صحيح او لا

خليك انتي مرتاحه واستمتعي بهذي الشهور بالراحه والنوم

لأن الشهور الاولى بعمر الطفل صعبه بالسهر والمقص وغيره من مشاكل الأطفال

صدقيني وقتها بتقولين ياريت يرجع لبطني علشان اقدر انام اشوي ههههه

انعمي بالراحه الآن واشغلي نفسك بالمفيد وبالأحلام اليقظه وقت ما تحملينه بين ايديك

وصدقيني اسئلي نفسك هل يستحق المعاناه ؟؟

واكيد الجواب نعم

وان الله مع الصابرين ...

ربي يقومك بالسلامه

على فكره انا صادني مثلك احباط قاعده انتظر رساله منك تبشريني بالولاده

وما راح ارضى الا بصوره اشوف المولود كاني خبرتك من الحين ..

تـــرانيم;5394639:

:::::::::::::::::::::::::::::::::

inte_o_ana

والله انج ذكرتيني بروحي اخر ايام الحمل لا تطاق ثقل
وحرقان وحكه بالبطن وآآآآآآآه على الام الظهر وانتفاخ البطن الي ما يخلي الوحده تنام وترتاح :confused:

بالنسبه لرجلك ضروري انك ترتاحين قللي المشي

لأن هالحاله يسمي دوالي وقت الحمل

كثرة المياه المختزنه بجسمك بهذا الشهر تحسين انك بالون

لكن بعد الولاده بأسابيع راح تخسرين الكثير من الوزن تدريجيا ان شاء الله ان شاء الله

حاولي الراحه قدر المستطاع معلش يا قلبي

ان كان الموعد صحيح او لا

خليك انتي مرتاحه واستمتعي بهذي الشهور بالراحه والنوم استمتع !!!!! هههههه اوكي ما طلبتي بستمتع ان شاء الله

لأن الشهور الاولى بعمر الطفل صعبه بالسهر والمقص وغيره من مشاكل الأطفال

صدقيني وقتها بتقولين ياريت يرجع لبطني علشان اقدر انام اشوي ههههه كلهم جي قولون لي .. الله يسهل ان شاء الله

انعمي بالراحه الآن واشغلي نفسك بالمفيد وبالأحلام اليقظه وقت ما تحملينه بين ايديك

وصدقيني اسئلي نفسك هل يستحق المعاناه ؟؟

واكيد الجواب نعم تبين الصراحه كل يوم اسال عمري نفس السؤال وما اقدر اجاوب بنعم او بلا .. من كثر التعب ما احس باي مشاعر تجاه البيبي ومافي احلام يقضه من الاساس .. لان يمكن اني مب مستوعبه الموقف او باني بستوي ام و مسؤوله و و و

وان الله مع الصابرين ...

ربي يقومك بالسلامه

على فكره انا صادني مثلك احباط قاعده انتظر رساله منك تبشريني بالولاده

وما راح ارضى الا بصوره اشوف المولود كاني خبرتك من الحين .. من عيــــــــــــــــوني ما طلبتي بصور البيبي و بطرشلج صورته بس خله يطلــــــــــــــــــع وانا بعرف شو اسوي به احس اني ابا اعضــــــــــــــه ها الايام \ حشى مب ام وحش هههههه

دعواتج لي اختي ترانيم .. ومشكوره على ردودج و تجاوبج ..

كل الشكر والامتنان لحضرة المشرفة المتألقة دااااااااااااااااائماً ترانيم..

حتى زوجي يشكر فيج والله..
يقول لي يلا تثقفي من خبراتها عشان تصيرين شراتها..

وأتمنى أكون مثل حلاتج صدقيني..
زوجة وأم وربة منزل مثالية 100%..

ليس مجاملة ولا تملّق.. لكن بالفعل أنا من دخلت النت ما استفدت بصورة فعلية إلا منج!


عاد أقول لج ترانيم " قريب إن شاء الله بتشوفيني ........" هههه

دعواتكم لنا ونحن لكم بالدعاء أيضاً

بنت الاصايل;5402278:
كل الشكر والامتنان لحضرة المشرفة المتألقة دااااااااااااااااائماً ترانيم..

حتى زوجي يشكر فيج والله..
يقول لي يلا تثقفي من خبراتها عشان تصيرين شراتها..

وأتمنى أكون مثل حلاتج صدقيني..
زوجة وأم وربة منزل مثالية 100%..

ليس مجاملة ولا تملّق.. لكن بالفعل أنا من دخلت النت ما استفدت بصورة فعلية إلا منج!


عاد أقول لج ترانيم " قريب إن شاء الله بتشوفيني ........" هههه

دعواتكم لنا ونحن لكم بالدعاء أيضاً

كل هالمدح ما شاء الله اسعدني

لكن اخر سطرين فاجأني

وين بشوفك ليكون بالحلم

وله جايه حضرتك البحرين وانا آخر من يعلم ههههه

عموما انتظر الجواب

وان كنتي بجين ترا العين اوسع لك من البيت ...

عين اخليك فيه والعين الثانيه عاد لمعصومه وما راح اقبل اقل من اسبوع :wink: