انا وزوجي والماسنجر

غناته .. حبيبتي خليتيني اقرا كل الصفحات هههههههههه شوفوا اللقافه ....

كنت اتحرى خلاص رديتوا لبعض احسن عن الاول ... بس اقولج ما عليه حبيبتي تحملي .... والحين الصراحه دوووورج المفروض انج تسالين عنه ... عل الاقل خلي امج تتصل في امه واطمنكم عليه وفي نفس الوقت اذا تقدرين استاذني من ابوج انج ترمسينه وتتطمنين عليه لا اكثر ولا اقل ... الريال حليله تعبان ومحموووم وانتي ما شاء الله عليج لازم اشوي تراعينه ... مهما يكون تراه ريلج ...

عل العموم اختي طمنينا عليج وان شاء الله اتيبين لنا اخبار حلوة يارب ... وما يشوف شر ريلج

رووووووووووووووووووووووز

:confused::confused::confused::confused::confused::confused::confused::confused::confused:
خشيت جو مع السالفه
والله عجيبين الرجال يخلون الوحده ماتعرف ساسها من راسها!!!!!!!
الله يعينك انا متابعة قصتك بشغف :o:o

غناته يالغاليه لا تزعلين ولا تتكدرين انا والله انصدمت من ردة فعله ب الموضوع كذا صار غريب و مو مفهوم انا ما ادري صراحه احس كل الاحتمالات بالنسبه لي مجهوله
بس اللي اكيد ابيج تسوينه انج توقفين كل علاقاتج فيه يعني تكونين سطحيه لابعد حد لانج ما تضمنين اش في خاطره مااااااااااااتضمنينه خليك سطحيييييييييييييه يعني تطمني عليه اذا تبين من خلال امه او اخته مجرد اطمأنان لاتبينين له مشاعرج ارجوج خايفه عليج تسلمين قلبج له وفي النهايه ما يكون يستاهل اصبري شوي حتى يتعدل او يبين لج وش السالفه غير كذا الماسنجر لا عاد تفتحينه ولا تردين على اي ايميل له عشان ما يغتر في نفسه اكثر واصلا لا تفتحينه عشان لا تضعفين وتردين على ايميلاته واذا كان فعلا شاريج بيعدل اسلوبه البايخ هذا واذا زعلان مافي شي يزعل انتي ماسويتي شيء يخليج تخافين او تعتذرين ولا تخلينه ياخذ كل تفكيرج ويتعب اعصابج اذا راح يا غناته فأنتي في غنى عن واحد هذي طبايعه من البدايه انا احس اني كتبت كلام وايد حتى من دون ما اراجع الكلام بس بجد عصبت ومابقولج زي ما قال بعض البنات كلميه وتطمني عليه يكفي عليه اللي سويتيه له اذا عودتيه من البدايه انج تدوسين على كرامتج عشانه راح يتعود على كذا ويستهين فيج ويغلط وينتظر منج تعتذرين ولو ما اعتذرتي يا ويلج لكن اذا تكلم معج او زاركم زي ما قلت لج خليج غامضه ما يدري انتي راضيه او زعلانه عشان يموت من التفكير يعني كلمه ورد غطاها لا تغلطين ولا تزعلين لين تتزوجين وتقدرين تتكلمين معاه براحتج وتفهمين كل شيء تمام ولا تنسين اذا واجهتيه خليج في اروع صوره عشان يضعف اتحرى ردج بفااااااااااااااااااااااااااااااااااااااااااااااااااااااارغ الصبر عيوني لا تتركيني افكر كثير علمينا باخر التطورات والله انتظرج على احر من النار والله لا يوريج مكروه
هذي وجهة نظري وانتي شوفي اللي تحسينه يناسبج يا الغاليه واللي يريح ظميرج
واحب اقول لاي وحده تقرا كلامي هذا تروح على قوقل وتكتب ناعمه الهاشمي وتقرا كل قصصها وكلامها انا عني توني ادري عنه امس ومن امس وانا اقرا والله اخطاء كبيره قاعدين نرتكبها في حق نفوسنا واحنا مو حاسين كلام الاستاذه ناعمه رووووعه مع اني ما قريت الا قصتين او ثلاث من قصصها وباقي اتمنى اقرا واقرا لها بس ظروف امتحاناتي تمنعني
على فكره انا تعرفت على مقالات هالاستاذه من رد وحده من البنات في مشكلة في هذا المنتدى بأسم انا وزوجي من شهر

غناته يمكن يكون صج تعبان ومو قادر يجلس
ماقالكم متى بيرجع
على العموم لا تزعلي وان شاء الله الامور تتصلح
لله يوفقك
بانتظار جديدك

غناته;4919483:
تسلمين اختي عنفوان انثى

وابوي عطاني وجة نظره بهل موضوع صحيح ماني مقتنعه بكل الكلام الي قاله بس هو ابوي ومابا من البدايه يحس ريلي اني كسرة كلمة ابوي على شانه هو ريلي على عيني وراسي وهذا ابوي وكلمتة تمشي علي وبعدين لان الحين بيته


اختي sss_12

نفس اليوم الي جابت اخته الموبايل سوت حركه خشته داخل الهدايا من غير ماشوفه وعقب ما راحو شفته انا وامي قلت لامي با السالفه واني رفضت بس هي الله يهديها خشته من غير ماشوفه...قالت امي هذا الموبايل من ريلج وانتي مراح تكلمين ريال غريب بس انتي فكري فيها وشوف اشلون ريلج راح ينظر لج وانتي ماسويتي حق ابوج حساب وكلمتيه وهو شارط عليهم هل شي من البدايه ...قالت هل كلمتين وسارت عني وخلت الموبايل عندي ...اخذت الموبايل ورحت عند ابوي وخبرته ..كلام ابوي نفس كلام امي قال نفس جملتها ان الريال ريلي وحلالي ولو كلمته لاهو عيب ولا حرام ولو اشوف ان هل مكالمات في صالحج انا مراح ارفض بس هي مضاره اكثر من نفعها هو الو حبج وخاف عليج مراح يحبج ويخاف عليج كثري تردين تكلمينه خذي وعطاني الموبايل بس مب كل شوي تجين تصحين ومشاكل وعوار راس بتتحملينه انتي

بصراحه حسيت ان ابوي عنده حق وقلت دام اني بعدني بيت ابوي راح امشي على الي يباه اذا هو شاري بيصبر واذا مايبا الله يرزقه بالي احسن مني

المهم هو عقب مارد من سفرة تبع شغله لا اتصل ولا سئل بس اذا فيه شي امه تتصل علينا ونتفاهم هو خارج الموضوع تماما ولا كئنه المعرس ماغير سالفة الايميلات كل يومين يطرش ثلاثه ولاه اربعه :(

شوفي اختي احنا بالبحرين غير يعني الوحده تقدر تتفاهم معاه بعد ما يتفقوا على
المهر وبعلم أهلها والشرع ما يحرم اذ باقي عن الملكة أيام قليله وبكذا الوحده تتعرف على
شخصيته وأسلوبه وأهلنا هم يبونا نكلم الشخص عشان لو حسيتي انكم ما تتناسبون
تتركون بعض الملكة وعشان محد بعدين يقول البنت او الشاب انهم ماعرفوا طبيعة بعض
ويكلمها قدام اهلها ومافي مكالمات نص الليل وعقب لما يتفقواا هي تطلب منه
ان ما تكلمه خلالالالالالالاص عشان قريب الملكة يشتاق لها واى شي ابوي يبيني
أسويه اطيعه لكن انتوا بالامارات او السعوديه بعض العوائل محافظة جدا جدا حتى لو عقد شرعي
ولكن طبيعة كل عائلة تختلف وصدقيني كل شي تسوينه الحين بيكون تأثير عليه عقب غييييير
بيحس بقيمتك وقدرك وبيقول أهلها عرفوا يربونهم وهي طاعت اهلها وأنا مالج عليها
واكييييييييد هاذي البنت اللى أقدر أثق فيها وأعيش باقي عمري معاها وصدقيني هووووو
عاجبنه تغليج ورفضج من جذي متمسك فيج واللى قاله حاب يختبرج بتركضين وراه
تبين تكلمينه ولالالالالا وأنتى صبري وحاولي لاطولون فترة الملجه مع أنها فترة حلووووه
الكل يقول فترة من غير مشاكل ولا عوار رأس وفترة الرومانسيه وأهلج ادرى بمصلحتج

والله يوفقك ويجمعكم على خير:):)

السلااااااااام عليــــــكم

بصـراحه حبيبتي توني أشـوف الموضوع والله العظيــــم أنج معوره قــلبي

حتى خليت كـل شـغلي وقـعدت أقـرا موضـوعج ولم فـرحتي فـرحت ولم حـزنتي حـــــزت

بس مااااعليج يالغاااااليه أن شااااالله بــرد لـج صـدقيني

أهـو وأنـتي مــردكم حـــــق بــــعض أن شااااااءالله

وأنتي سـتخيري ربـج

والله يســـهل علـيج والله بـدعيـلج من كـــــل قـلبي يالغاليه

والله يـهدي أبـوج ويـخليج تـكلمينه لان والله صـج هـاذي أحـلى أيـام عمـــــرج والله أحلى أيام أهي أيـام الخطـوبه

وأن شاااااااالله يااااااااااااارب أبـوج بوافق

وانا معاااااج ومتــــابعه

وأن شاااااءالله ماتبشـريني لا بـكل خـير يالغاليه وانا مـــــع تحـايـا القـــــلب

أنـج طـرشين له مســـــج وتقولين له مااتشوف شـر أن شاالله وصـدقيني واااااايد بستاااااانس

والله يـفرح قــــــلبج ياااااااااااارب

أختــــــج سمويه

يووووووووه

والله كنت افكر فيك طول الوقت وقلت اكيد انه رجع لها بكل حب

ونتستنا بس يوم رديتي والله ان ضاق صدري

حبيتي اصبري ماعليك الا الصبر

ولاتزعلين ولاتكدرين خاطرك

الين تعرفين كل شي

اذا كان على قولتك مغصوب عليك
ليه يجي عندكم لااااااااااااا مستحييييل يكووون مغصوب

بس يتغلا عليك يبيك تقنعين ابوك وتكلمينه بالتليفون

شوفي اللي تسوينه الحين ارسلي له مسج من جوال امك والا ابوك بس مو من جوالك

واكتبي له حبيبي امس من بعد ماقلت لي انك تعبان وانا خايفه عليك واحاتيك

وطول اليوم افكر فيك

حبيبي انتبه على صحتك تراك غالي

وطمني عليك اذا كنت احسن وخليه يدق على جوال ابوك والا اخوك ويطلبك

واكتبي في الاخير طمني عليك تراك غالي


وشوفي ردة فعله اذا كان بس تعبان ويتغلا بيرد عليك

ان شاء الله

طيب حبيبتي كلمي اخته اذا تقدرين بس لاتقولين لها شي ولا تبينين لها

بس وانتي تسولفين معاها اساليها عنه وقولي لها امس طلع من عندنا وهو تعبان

وحاولي تعرفين ظروفه هاليومين

يمكن فيه شي انتي ماتعرفينه

عزيزتي ..

ربما هو فقط يطبق خطط العضوات ..


سؤالي ..
هل أعطاك (بلوك) ؟؟
وكيف عرفت ؟؟


عموما ..
مشكلتك ليست صعبة على ما يبدو ..



وبانتظار جديدك حبيبتي ..


.. عروس محمد ..

السلام عليكم اختي الغالية غناته
الله يفرج همك ان شاء الله
ودي ادخل بالموضوع مباشرة..
اختي... من الواضح ان المحك في قصتك حدث في اخر لقاء ع المسنجر.. والكلام اللي دار بينكم
حاولي استرجاع هالكلام والسوالف اللي دارت... شو صار بالتحديد خلاه ياخذ الموقف ويقول اللي قاله.. قد تكوني تماديتي معه في شغلات هو كان يختبرك فيها ويمكن لنفس السبب كان يلح عليج بمحادثته فالتلفون (t).. الله اعلم

وفي كل الاحوال .. عندي علامة استفهام على الرجل وشخصيته مثل ماتصورينه.. ماهي ولا تواخذيني تصرفات انسان متزن .. مستعد للزواج .. يعني مخليج تعيشين في نار وبين مد وجزر من الحينه وانتوا توكم ع البر بعدكم ماجربتوا الحياة الزوجية الحقيقية والمشكلات اللي تصادف الازواج خاصة اللي شخصياتهم متناقظة .. المركب في هالحال مايمشي الا اذا الطرفين قدموا تنازلات للوصول الى حل امثل ... مب واحد يفكر ويقرر وغصب عن الثاني يرضى ...

انا اقولج ان الوقت الحينه مناسب انج تشاورين الوالدة امج ... كلميها عن مخاوفج مثل ماتكتبينها هنيه وان شاء الله عندها حل للمشكلة ... وعن الريال انا مع الاخوات اللي نصحوج بأنج تاخذين خطوات لوا .. وتخفين ... يعني ابعثي له مسج تسألين عن احواله (e)... وصحته ... ثم ابتعدي وشوفي هو شو بيسوي وكيف بيتصرف .. اطلب منج تصيرين قوية وتدوسين على قلبج شوي ... حطي في بالج انه ((((ممكن)))) والله لا يقول ... يمكن شي مأثر عليه ويبغي يغير رايه ... فهالحاله شكلج يكون احسن جدام نفسج ...
اتمنى الله يفرج لج كربتج يالغالية وامانة تطمنينا عليج .. كلنا والله نحاتيج مثل اخت لنا عزيزة ... :15:

حبيبتي

انتى غلطتي يوم كلمتيه بمور خاصه ومور تصير بين الزوج وزجته

اكيد خذا عنك فكرتين يائنك معرفتى تتكلمين معه بجرئة او العكس فرسم لك صورة بباله والله اعلم وش نوع الصورة هذى المهم علمي امك احسن لك وارجو انك تقرين قصة الاخت ( انا وزوجى والموبيل)

انا من رايي ماتدخلين احد بينكم بس قولي له انت بعدك تحبني وتبيني علشان اخلص تجهيزات العرس والا هونت اذا عني انا احبك بس مابي اجبرك على نفسي

حبيبتى الله يكون فى عونك ومعك
حاولى تكلمى اختى وتقوليلها اللى حصل يمكن تكون عندها تفسير
واكثرى من الدعاء والاستغفار

اول شي يا بنات اشكركن من كل قلبي لو ان خواتي كبار ويفهمن يمكن ماوقفن وقفتكن معي الله العالم اني احبكن في لله بقول لكن اخر التطورات وبقول لكن قراري .........

اخر التطورات امي اتصلت على امه يوم الاحد وقالت امه انه بخير واحسن بوايد كلمتها وسئلت عنه وقلت له تسلم عليه بس كنت ابا اكلم اخته توصل له رساله مني بس تراجعت في اخر لحظه

بجد يا بنات يمكن قلبي يشتعل من الشوق ويمكن احبه مووووووووت ولو اقول لكن انه الهواء الي اتنفسه ماتصدقن كل ماجي ابا اطرش له ايميل او مسج من موبايل اخوي ارجع واحس بقهر منه واحس اني انزل نفسي له هو ريلي صح بس نفسي عندي غاليه كل مذكر هو يقول لا تبكين ترا دموعج غاليه وانا مستاهل هل دموع ونحن نفترق ونحن نحب بعض احسن انقهر اكثر

اذا يبا يلعب با الاعصاب اوكيه انا معه وبشوف تاليتها معه بعدنا باقي ع العرس سبعه اشهر خلال هل فتره كل شي راح يبان ..... بس بنات طلبتكن طلبه اوقفن معي تجيني لحظات اضعف فيها واكون مشتاقه له وماعندي احد اكلمه الله يخليكن ابا اطلع الي بخاطري لكن لا تبخلن علي

اختكن غناته(w)

غناته;4982272:
اول شي يا بنات اشكركن من كل قلبي لو ان خواتي كبار ويفهمن يمكن ماوقفن وقفتكن معي الله العالم اني احبكن في لله بقول لكن اخر التطورات وبقول لكن قراري .........

اخر التطورات امي اتصلت على امه يوم الاحد وقالت امه انه بخير واحسن بوايد كلمتها وسئلت عنه وقلت له تسلم عليه بس كنت ابا اكلم اخته توصل له رساله مني بس تراجعت في اخر لحظه

بجد يا بنات يمكن قلبي يشتعل من الشوق ويمكن احبه مووووووووت ولو اقول لكن انه الهواء الي اتنفسه ماتصدقن كل ماجي ابا اطرش له ايميل او مسج من موبايل اخوي ارجع واحس بقهر منه واحس اني انزل نفسي له هو ريلي صح بس نفسي عندي غاليه كل مذكر هو يقول لا تبكين ترا دموعج غاليه وانا مستاهل هل دموع ونحن نفترق ونحن نحب بعض احسن انقهر اكثر

اذا يبا يلعب با الاعصاب اوكيه انا معه وبشوف تاليتها معه بعدنا باقي ع العرس سبعه اشهر خلال هل فتره كل شي راح يبان ..... بس بنات طلبتكن طلبه اوقفن معي تجيني لحظات اضعف فيها واكون مشتاقه له وماعندي احد اكلمه الله يخليكن ابا اطلع الي بخاطري لكن لا تبخلن علي

اختكن غناته(w)

الله يكوووووووووووووون في العون اختي ....

ما شا ء الله عليج كيف متحمله ؟؟؟ اتمنالج كل التوفيق


رووووووووووووووووز

الله يسهل امورج ويوفقج

تصدقين كنت اقرا الموضوع من الاول
ليش عزت النفس على ريلج

خذيها نصيحه من اخت لإختها..
الله وصانا بأزواجنا،، خلج من تفكير الوالد و الوالده.. اتصلي له او روحي زوريه البيت واقعدي وياه... ادخلي غرفته انتي زوجته مب حرام و لا شي، اهتمي فيه..
كلميه خليه يعرف منو انتي وراكم حيااااه حرام تنتهي بعدم التفاهم و الطلاق
الزواج مب لعبان و دقدقة طبول،، هذ عشرت عمر، والوالد كلميه وقولي له هذا زوجي ( و ريلج من حقه يقولج لا تكلمي اهلج) و لازم تطيعينه ساعتها،،، احسبيها صح الغاليه
طاعة الزوج من طاعة الله و لو اراد الله ان المرأه تسجد لغير الله لأمرها بالسجود لزوجها
الله يهديج اقلها كلميه و انا متاكده انه مب مغصوب عليج و لا ماجان قالج كلام حلو عالمسنجر

طمنينا عليج

رمسي اختة ولا خلية يفاتح الموضوع ويا ابوج يقنعة عسب الموبايل لا زم كل وحدة تبي اترمس ريلها