انا وزوجي والماسنجر

الجوهره 2000;4940386:
والله نصيحتي لك اكتبي رساله طويله بكل اللي في خاطرك

واذا جاك خلك طبيعيه جدا وبس بيني له شوية عتب مع شوية دلع

وقولي له حاجه وحده اذا ما يقدر على هالوضع ماقدامه الا انه يقدم العرس ابرك لك وله

واتفقي معه طبعا بالرساله اذا بغى يكلمك واشتاق لصوتك يتصل على اخوك بحجة انه بيختار مثلا غرفة نوم على ذوقك وش اتفضلين يكون لونها او يتحجج باي حجه في امور زواجكم بيستشيرك فيها

وبكذا بيمشي اموركم واذا مانفع كذا خليه يكلم ابوك بصراحه ويقوله انا ما اقدر استحمل اظل اسبوع كامل ماشوف زوجتي على الاقل اسمح لنا بيومين بالاسبوع وماضنيت انه بيمانع بكذا

المهم قبل لايطلع عطيه رسالتك ولاتنسين تحطين فيها كل اللي بخاطرك

والله يوفقك الى كل مافيه خير وصالح ويسهل لك دربك

ولاتنسينا لاجاك الحبيب طمنينا عنك طيب ..

هلا حبيبتي الجوهره
اكيد اذا فتح الموضوع انا مزهبه له كلام وايد واباه الي يفهمه عدل اني مستحيل بسوي هل شي من غير ابوي مايعرف اذا يبا يرمسه هو والفكر الثانيه بعد حلوه بس بشوفه الاول هو شوه يريده عقب هل زعله الطويله
وان شاء الله راح اخبرج شوه استوا وشوه قال وانتي لا تحرميني النصيحه فديتج

wisaam;4940740:
(f)الله يوفقك

ويوفق اليميع فديتج

so0oso0o;4941396:
ابقولج شي واجربه دائما مع زوجي (a)
والنتيجه (y):wink:
تكشخي والبسي وخليج احلى حلاوه وقطعي قلبه بالنظرات اللي مايدري اش وراها
وناظري فيه واذا ناظر فيج غضي عنه وخليج ساكته :21_30: لا تبادرين بالكلام بس كلمه ورد غطاها
ولا تسوين نفسج ثقيله مره يعني اعطيه فرصه انو يتجرأ ويتكلم معاج بما انو ضعيف من هالناحيه
راح يموووووووووت شوووووووووووووووق :confused::Zb_sor1::sm113:
وان شاء الله يجيج جررررررررررررررررررررررررررررررري يدورج تبردين نار الشووق اللي بقلبه :21_140: وهنيه يجي دورج انتي وشطارتج بأدارة الحوار <<<< احلى يا لغه عربيه
وسلامة قلبج حبيبتي
بس اماااااااااانه علمينا اش يصير وياج يا عسل(t):1_81::21_184:

هههههههههههههههههه يسعدج ربي ياربي ع الخبره فديتها
كل الي قلتيه فهمته شغل عدل مدل بس الي اباج تخبريني لما يجيني ركض ابرد ناره ولا اخليه جيه شاب ضوو هههههههههههههه شرايج يا الخبره انا اقدر اذوبه بس مالي خاطر ابرد ناره شوري علي :o:D

اليوم سرت الصالون تحنيت وصبغت شعري >طبعاً امي هي حنت ع راسي لو علي مابا
تقول له شهر ما شافج خله يشوفج متحنيه ومتعدله له >فديتها امايه ماتدري شصاير
اترياج تردين علي

الجوكره;4941794:
حبيبتي توني قريت مووضوعك وماشاء الله البنات ماقصروا
ها قولينا وش صار معاك
الله يوفقك ويحقق لي ببالك

انشاء الله اختي باخبركن عن التطورات اول باول وفديتج ماقصرتي وتسلمين

صدقيني يتغلى عليج يبيج تقنعين ابوج انج تكلمينه عالتلفون ..ايصراحة هاذي احلى ايام حياته لازم يعيشها صح

سلام غناته تصدقين من امس وانا افكر فيج مدري شو بيصير معج ماني قادره اتخيل الاسباب الغريبه اللي خلته يسوي كذا :(:eek:
المهم بالنسبه لسؤالج بعد انتهاء المرحله الاولى وهي التذويب:21_154:
ابدئي المرحله الثانيه وهي :bomb::mad_argue: الهوشه <<<<< هيييييي لحظه امزح
لا مرحلة العتااااااااب :16:
اكيد اذا اعطيتيه مجال انه يبدا يحكي وانج معه وبجد تبين تعرفين اش الموضوع وبينتي له انج مصغيه لكلامه شوي شوي راح يبدا يبرر لج عن اللي صار خليج منصته ولا تنفعلين و قولي له ليش بعد ما خليتي احبك واعشقك واحن لوجودك معي تتركني وتروح من دون اي مبرر يذكر غير كذا اساسا مادري ايش هو المبرر ليش تسوي فيني كذا مو انت اللي تقول احبج واحبج اشلون تحبني وهذي حركاتك خليه يحس بالاحراج من حركته الغبيه هذي قولي له فيه واحد يحب صدق يسوي كذا في حبيبته رد فيه :confused::confused::confused: غنا ته والله فيني دمعه عشت الموقف ههههههههه
وسلامتج وانتي كملي الفلم
بس على فكره الاكيد مليون في الميه انو راح يقولج شفتي وش صار فيج انا كذا صار فيني يوم ترفضين تكلميني في الموبايل هني قولي زي ما قالت تحايا القلب قولي لو الشور لي كان انام واقوم على صوتك انا احبك لكن انت حط نفسك مكاني وانت ما ترضى لي الاحراج ومن هالكلام
وسلا متج
على فكره ثانيه:o
والله مستحيه طولت عليكم بس سالفتج لو يصيدها مخرج مصري يطلعها فلم شي :21_235: يهبل

emaratia 8dha;4942724:
صدقيني يتغلى عليج يبيج تقنعين ابوج انج تكلمينه عالتلفون ..ايصراحة هاذي احلى ايام حياته لازم يعيشها صح

تسلمين فديتج ع الرد هذا هو تغلى وفي الاخير جاء جاء برضاه با الغصب المهم جاء وبنشوف سالفته :)

so0oso0o;4944884:
سلام غناته تصدقين من امس وانا افكر فيج مدري شو بيصير معج ماني قادره اتخيل الاسباب الغريبه اللي خلته يسوي كذا :(:eek:
المهم بالنسبه لسؤالج بعد انتهاء المرحله الاولى وهي التذويب:21_154:
ابدئي المرحله الثانيه وهي :bomb::mad_argue: الهوشه <<<<< هيييييي لحظه امزح
لا مرحلة العتااااااااب :16:
اكيد اذا اعطيتيه مجال انه يبدا يحكي وانج معه وبجد تبين تعرفين اش الموضوع وبينتي له انج مصغيه لكلامه شوي شوي راح يبدا يبرر لج عن اللي صار خليج منصته ولا تنفعلين و قولي له ليش بعد ما خليتي احبك واعشقك واحن لوجودك معي تتركني وتروح من دون اي مبرر يذكر غير كذا اساسا مادري ايش هو المبرر ليش تسوي فيني كذا مو انت اللي تقول احبج واحبج اشلون تحبني وهذي حركاتك خليه يحس بالاحراج من حركته الغبيه هذي قولي له فيه واحد يحب صدق يسوي كذا في حبيبته رد فيه :confused::confused::confused: غنا ته والله فيني دمعه عشت الموقف ههههههههه
وسلامتج وانتي كملي الفلم
بس على فكره الاكيد مليون في الميه انو راح يقولج شفتي وش صار فيج انا كذا صار فيني يوم ترفضين تكلميني في الموبايل هني قولي زي ما قالت تحايا القلب قولي لو الشور لي كان انام واقوم على صوتك انا احبك لكن انت حط نفسك مكاني وانت ما ترضى لي الاحراج ومن هالكلام
وسلا متج
على فكره ثانيه:o
والله مستحيه طولت عليكم بس سالفتج لو يصيدها مخرج مصري يطلعها فلم شي :21_235: يهبل

فديتج والله تسلمين حبيبتي انا بعد شراتج للحينه مستغربه ليش سوا جذيه عطيني رايج انتي شوه تتوقعين يخليه يسوي جذيه خبريني شوه الي فكرتي فيه خليني احط كل الاحتمالات جدامي

فديت دمعتج والله المشكله الحينه مقدر ارمسه جذيه ابوي بيكون موجود لي بقدر اسويه بذوبه بنظراتي بسسسسسسس اتوقع والله واعلم انه عقب النظرات راح يفك البلوك اتنتي شرايج اول مايفك البلوك افك البلوك انا ورمسه ولا اخليه كمن يوم يحس فيني شرايج >انا قلت حق عمري بخليه لين يبدا هو ويكتب لي ايميل ويقول الي بخاطره وبعدين نفك عنه >>حباله طويله وهي ميته من الشوق ههههههههههههه:confused:

وبعدين لا تستحين اي شي بخاطرج خبريني انا هني ابا خبراتكن ان شاء الله تكتبين لصبح بقراه وبشغف بعد انتي لا يردج غير الكيبورد فديتج:D

الله يكون بعونك والله اني اعاني مع زوجي يمسك الموبايل وما يخليه يتكلم الين نصوف الليالي ويطردني من الغرفة يقول مشاكل مع خواته
تونا بس 4شهور بس اللي يشوف حالتي يقول صارلنا متزوجين سنين ما يهتم فيني مثل الاول قبل الزواج كنت مثل البيضة كان يبكي ان سافرت او قطعت عنه والحين انا زين اذا شفته في البيت تكفون قولوا شو اسوي وانا اصغر منه ب12 سنة وحلوة واتكشخله واطبخله وهو ولا مقدر

الله يخليكم ردوا علي

شيخه افتحي مشكلتك في موضوع خاص

وان شاء الله نساعدك ياقلبي

غناته طمنينا عنك

غناته وش صار معك طمنينا

وينك ياغناته طوليتي علينا

عسى المانع خير بشري

الله يسخرلج ريلج حبيبتي

طمنينا عليج؟؟

واااايد اتفاعلت وياج

واااااااو القصه تجنن والله يا غناته ...تفاعلت مع الموضوع من البدايه لما قريت حسيت اني حزينه بس لما وصلت لردج الي تقولين انه ياي استااااااااااااااانست و لو تشوفين ابتسامتي من ورا الشاشه ... لوووووول
ربي يهنيج يا عسل و لا تنسين تعزمينا على العرس:)
و طمنينا عنج يا قمر:)

استخيري استخيري .. علشان بعدين ما اتندمين ....

السلام عليكم

اسفه اني اشغلتكن علي بس مب بيدي اكيد كلكن تترين تعرفن شووه استوا ااااااااااااااااااه علي استوا

امس كنت منهاره ومالي خلق حتا اشوف ويهي با المرايه من كثر الصياح ...بنات شكله مغصوب علي حسبي الله ونعم الوكيل

وسبحان الله الظروف كلها ضدي تخيلن يوم الجمعه زرونا اهلنا من الدوحه وكلهم رياييل طبعاً من جاء وهو با الميلس مع الرياييل ولا سئل ولا قال ابا اشوف حرمتي ..كنت يالسه ع اعصابي وحدي مقهوره منه المهم عقب مايروح باقل من نص ساعه اسمع اخوي يسوي له درب عسب يدخل البيت ..جات اختي الصغيره وقالت فلان تحت ويبا يشوفج ..عدلت كشختي ونزلت له ..دخلت وسلمت عليه ويلست سئلني كيف حالج من غير حتا مايشوف ويهي ولا يطالع فيني قلت وحاولت امسك نفسي بخير حليلي سئلته بكل رقه عن حاله رد علي بخير من غير مايطالع لي بمووووت من القهر وخلاص هل كلمه الي كانت لي وبعدين يلس يسوالف مع امي شوي ولاعتذر ان عمتي ما جات قال اخته وريلها جاو عندهم عسب جيه ماقدرت تجي

وخلاص وقام وقال بروح من قال هل كلمه انصدمت يعني معقوله ماحنيت لي الف علامة استفام دارت براسي
قالت له امي ايلس للعشاء ماشفناك كله يالس مع الريال با الميلس وعمك الليله بيروح مع االضيوف
اعتذر وقال خليها مره ثانيه انا تعبان وعنده حراره ويشوف الواحد اثنين وصج كان مبين انه تعبان ..قلت له عيل ارتاح شوي بسير بجيب لك بندول وبعد ما تحس انك احسن روح ..رفض قال بروح الحين حسيته مايبا يطالع فيني وانا ياحظه كنت مزهبه كل شي عسب يذوب وانا الي ذبت من شفته ومن قال انه تعبان خلاص حسيت اني انا الميهوده اااااااااااه يا بنات بموت ماني عارفه راسي من ريولي :confused::confused::confused::confused:

الله يعينج حبيبتي

والله انا ما اعرف بهالمواقف شو المفروض تسوين

بس طولي بالج واذكري الله وان شاء الله البنات بيساعدونج