انا وزوجي والماسنجر

ابتسامة طفل;4922791:
حياتي شو سوالف ريال لحرمته

خلي حد بينج وبينه فالسوالف لا تنسين انتي بعدج ما سرتي بيته والريال ينقص من قدر البنت الي تطيح كل شي

انا ما فهمت شو عنيتي بهم بالظبط بس احذرج وياما بنات تطلقوا من الملجه بسبت هذا الشي


وعني انا ابوي بعد كان رااااااااااااافض شرات ابوج

ولما كلمت الوالده واخواني الكبار سمحولي ارمسه بس بعيد عن ابوي لين ما يقنعونه روحهم

وبعد اسبوع اقتنع وصرت اكلم ريلي برضاه

ان شاء الله ترجع الامور اوكي بينكم بس كلمي هلج ما ينفع جيه

ترا احلى ايام هيه الملجه وما تتعوض حرام تضيعينها عليج وعليه

ريومه حلاها غير;4923187:
انا من رايي ياقلبي انه هو الظاهر من كلامك وياه في المسسن مل وامكن انتي فتحتي معه مواضيع واشياء ماعجبته وتماديتي بالصراحه معه واجد وامكن بعد هو حاب السوالف بالجواال وامكن سوو حركته هذي وقالك الكلام عشان ترحمينه وتردين تكلمينه بالجوال وامكن بعد سوو هالحركه يبي يختبر مكانته عندك والله يرزقك ويريح قلبك ان شاء الله الايام الجايه بتثبت كل شي وبتعرفين مقصده والله الي اوله كذاا نهايته لا حول ولا قوه الا بالله

بكبك;4923233:
وعليكم السلام والرحمه

بصراحه انا لو مكانش بطيع ابوي ولا راح اكلمه الا اذا وافق ابوي

اما أنّي اكلمه من ورا اهلي مستحيل بعدين بيحطها ف راسه اذا ابوي ماطعته

وهو ابوي اكيد بيجي يوم واسوي شي من ورا زوجي .. اتمنى الفكره وصلت


اما بالنسبه لحركاته اللي سواها معاش هي بصراحه ترفع الضغط وبما انه قال لازم نفترق

طبعا اكيد خلاكي قاعده على اعصابك وخصوصا انه اختفى يعني بعد الحركه هذي

ما ادري اذا انا صح ولالا بس اكيد لو انا مكانش بزعل وماراح اتجاوب معاه يعني حتى اذا

دخلت الماسنجر بكون متخفيه ماراح اخليه يشوفني ابد حتى لو رسل لي ايميلات

بسوي نفسي ماشفتها

واذا اهله جو يسألون عنّي بتميرض واسوي نفسي تعبانه >>> كيد الحريم :shy:


عشان يبطل حركات التغلي وأقلبها عليه :sm2441: لانه حركته هذي زعلتني

واذا قال لي ليش ماصرتي تدخلين الماسنجر بقول بعد كلامك اللي قلته لي خلاص ليش ادخل بعد

عشان مو كل شوي يقعد يلعب باعصابي انا عندي احاسيس


انا هذي وجهة نظري مادري اذا صح ولا لا بس يعني قلت لك التصرف اللي كنت بتصرفه اذا كنت
مكانك





عالعموم الله يسخره لك بس لاتنسين تقولين لنا وش صار معاك

ازهار مبعثره;4917965:
هلا حياتي
حبيبتي انا بنظري انها حركات يسويها يبي يحرك مشاعرج
يبيج تقعدين فتره بعدها ترضخين لطلبه وتكلمينه
لان باين عليه ميت على سالفة الموبايل

شوفي انا وانا اقرا السالفه قبل لاوصل لاخر شي صراحه قلت بقلبي حرام يمكن صج خلاص ما يبيها يمكن ويمكن
بس لما وصلت لسالفة يطرش لج ايميل وحركات
هذا معناته انتي للحين بباله ويبيج
لاتتهورين وتعصبين وتسوين شي تندمين عليه
بس كلمي اخته وشوفي شنو تقولج
بعدها خلي كل شي يمشي طبيعي
وتاكدي راح يرد لج او يمكن راح يظل جذيه لين العرس
اكيد احد ناصحه بجذيه

واتمنى لج السعاده
طمنينا عليج

أريش العين;4925091:
هذاا كله عشان يضغط عليج وترمسينه في التيلفون ... حركه يعني ... بس الحركه بايخه اشوي
ولو ييتي للحق .. تراه من حقه ... عيل هو شو حقه مالج ؟؟!!! مب عشان يرمسج عراحته ويفهمج وتفهمينه

لكن
هذا كله ما يستوي الا برضى ابوج

والله ما ادري شقولج
ابوج له وجهة نظر يمكن تكون فيها شي من الصحة لكن بعد ريلج له وجهة نظر فيها واايد من الصحة !!!!
وبوج اولى انج اطيعينه عن ريلج وخص انج في بيته بعدج

الله يهدي سرج حبووبه

ام سلمانو;4925451:
حبييبتى موضوعج غريب شوي
ليش ابوج مايبيج تكلمينه
ماجوف فيها شى هذا زوجج ولزم تتتعرفون على بعض اكثر
مافيها مشكله اذا زارج واخوج قعد معاج
لكن ماتكلمينه فى التلفون صعبه شوي

ياريت تكلمين ابوج فى الموضوع وتتفاهمين معاه
او تخلين احد من اهلج يتفاهم مه ابوج
لانه الصراحه كلش ماله داعيى

الجوهره 2000;4925535:
الله يكتب لك مافيه خير وصالح

وترى ابوك معه حق وهذا من زود خوفه عليك ياختي

واراهنك انه اكثر شي مخوفه من الموبايل بسب قصص كثيره صارت

فكم من وحده صارت ضحيه من ضحايا هالازواج اللي ماعندهم ضمير

يلعب براسه ويطلعه معه واحياننا بدون علم اهلها يتصل فيها بنص الليل

ويقنعها او بمعنى اصح يجبرها على الخروج معه وبعد كذا يقع المحظور

ولايتم العرس بسب انه ناعاد يثق فيها اللي خانت ثقة اهلها بيجي يوم وبتخون ثقة زوجها

وهذا الراي السايد عند معظم هالشباب واحياننا بعضهم يطبق هالخطه بتوجيه من احد اخوياه

على شان يجرب اخلاقها وهي المسكينه على نياتها وياغافلين لكم الله ارضاء له وبحكم انه اصبح زوجها

ماتقدر تعارضه ومن خوفها انه يخليها وثقتها العمياء فيه بتنفذله جميع رغباته وهو زوجها اولا واخيرا

وماتتوعى الا بالمصيبه نازله علىراسها وراس عيلتها ولافات الفوت مايرجع الصوت


اسمحي لي على الاطاله لكن بحكم اني ام واقدر موقف والدك وحرصه عليك حبيت اوضح لك الصوره

وابين لك وشهدف ابوك من هالناحيه

والله يوفقك ويوفق امثالك لكل مافيه خير وصلاح امرك

um-3iosha;4925690:
هلا أختي
طنشيه ولا تبختينه
وخبري اخته بالسالفه وشوفيها شو تقول وطبعا اهم شي تخبرين أمج محد لج غير امج