انا وزوجي والماسنجر

حبيبتي انا متابعتنج اول باول

والله ما شاء الله عليج رغم كل الظروف ماكسرتي كلمه ابوج

ما شاء الله عليج كبيره بعيني وبعين الكل

والله يسخرلج اللي فيه خير

انتي لاتشيلين في قلبج اكيد بتفكرين وتفكرين بس لين متى لاتعطين

شخص قدر هو ما يستاهله هو صح ريلج بس انتي بعدج ماتعرفينه

انتي تعرفين نفسج وتعرفين اهلج نفسج غاليه وماترضيلها تنهان

ولاعاش من هانج واهلج تعرفينهم ويستاهلون ما تكسرين كلمتهم

فديتج ثقي ثقي ثقي بالله وصدقيني الله بيعوضج بكل هذا خير

وطمنينا عليج فديتج

رااااااااااااااااااااااااااااااائعة خليك متمسكة بمبادئك..

كلمة ابوي مااكسرها

الزم ماعلي كراااااااااااامتي

صدقيني بيسرجع ويبغاك لكن ان تمسكتي بمبادئك وكملتي الطريق صح وشاف ان نفسك طويل بتلقنينه درس وبيعرف مين انتي ومن اهلك وبيعمل لك ولهم الف حساب

الله معاك ياقمر وقلوبنا معاك وفي انتظار جديدك

لكن لا تنسين كل ماضاق صدرك استخيري والله كنت بضيقة مثلك وكنت كل مااتضايق استخير لدرجة اني صرت استخير خلال اليوم 7 او 8 مرات ولا اترك لبليس فرصة يلعب فيني .. ولا انا أملك ولا الناس تملك لي شي الله بس المالك وهو علام الغيوب
علشان كذا كل ماضاقت بك الوسيعة الجئي لله بركعتين اطلبي فيها الخيرة من عنده

يااااااااااااااااااااااااااااااااااااااااااااارب يوفقج في حياتج الدنياوالآخرة ويسرلج أمورج ويكتبلج وين لج خيره إن شاء الله

وينج؟؟؟؟:D

الله يسهل عليج اختي ....

الله يسهل لك يارب

وقلبي معاك وان شاء الله قريب ينحل الموضوع

وتعرفين السبب لهاالمووضوع كله

وتعيشين بحب وسعاده طول عمرك ومايشوف غيرك

حبوبه طمنينا عليك

طمنينا وش آخر اخبارك

بصراحة مدري وش اقولك..

اتوقع هو يبي يوصلك شي معين بباله..

انة يبيك ويحبك ويبي يكلمك عالموبايل ولا يقدر يقول لابوك هالشي وبغاك انتي تقولين لة..

وبصراحة انا اشوف انة من حقة انه يكلمك وتكلمينة ايام الملكة..لانكم ازواج يعني حلال..والمكالمات وانة يجيك في بيتكم يقرب النفوس والقلوب من بعض..

وانتي فهمي ابوك هالشي وان شاء الله يتفهم..

بس انتبهي ترضخين لة وتكلمينة من ورا ابوك والله تطيحين من عينة..

والله يوفقكم ويسخركم لبعض..

فعلا اختي

هو يبيك تذوقين الحرمان منه مثل ماهو محروم منك

حاولي تقنعين اهلك تكلمينه لانه حلالك زوجك

بالعكس هذا بيكون افضل لك انتي تتعرفين عليه زين .. بدل ما تروحين له ماتعرفينـه !

الله يسهل امرك وويوفقك يارب

غنــــــــــــاته قلوبنا معاك . . طمنينــــــــــا

السلام عليكم ..


فعلا الآن عليك بالصبر فقط ..

إلى أن تتضح الأمور ..



وبانتظارك ..


.. عروس محمد ..

وووواي ياقلبي الله يعييييييييينج حبيبتي والله ان السالفه صعبه وماشاءالله عليج زين انج متحملته وساكته كل هالوقت وماقلتي لأحد عن هالسالفه
تدرين شيبيلج انتي وياه انكم تقعدون جلسه ود ومصارحه معاه وبروحكم من غير حد مايكون موجود شوفي إذا تقدرين اتدبرين قعده معاه في أي مكان بس تكونون بروحكم اهم شي بس لاااااااازم الوالده تكون على علم بهالشي او اخوج المهم ان حد من هلج يعرف بالسالفه عشان يقدر يساعدج ويريحج من هالسالفه صديقيني جربي تقولين لأمج أو أخوج ما اعتقد انهم بيردونج إذا اعرفوا السالفة بس انتي تجرأي وفاتحيهم وبإذن رب العالمين إن كل شي بيرجع مثل قبل واحسن بعد بإذن الله بس لازم اتحركين من الحين وتحلين الموضوع قبل مايفوت الفوت
والله يسخره لج ويهديه
وطمنينا عنج حبيبتي

[GRADE="00BFFF 4169E1 0000FF"]
ربنا يصبرك
و يصلح لك الحال
أصبرى حبيبتى و أكثرى من الدعاء و الأستغفار
ربنا يفرج همك
دمتى بود
[/GRADE]

غناته

وينك حبيبتي

منتظرينك طمنينا عن اخبارك

B.1;4983995:
تصدقين كنت اقرا الموضوع من الاول
ليش عزت النفس على ريلج

خذيها نصيحه من اخت لإختها..
الله وصانا بأزواجنا،، خلج من تفكير الوالد و الوالده.. اتصلي له او روحي زوريه البيت واقعدي وياه...
كلميه خليه يعرف منو انتي وراكم حيااااه حرام تنتهي بعدم التفاهم و الطلاق
الزواج مب لعبان و دقدقة طبول،، هذ عشرت عمر، والوالد كلميه وقولي له هذا زوجي و لازم تطيعينه ساعتها،،، احسبيها صح الغاليه
طاعة الزوج من طاعة الله و لو اراد الله ان المرأه تسجد لغير الله لأمرها بالسجود لزوجها
الله يهديج اقلها كلميه و انا متاكده انه مب مغصوب عليج و لا ماجان قالج كلام حلو عالمسنجر

طمنينا عليج

الله يسهلها عليك يااااارب
و يتمم زواجكم على خير وتصيرون اسعد عروسين بالدنيا

امييييييييييين

السلام عليكم شخباركم يا حلوين
عاد تصدقين غناته كنت اصلي العصر وجيتي على بالي
والله بس خلصت فتحت النت ولقيت موضوعج بالصفحه الاولى مع اني من زمان ادوره ما القاه
صدقيني وحشتيني موووووووووووووووت ودي اسمع اخبارج الحلوه ان شاء الله

غناته طمنينا عنج

فديتكن والله والله لا يحرمني منكم يارب بجد خواتك لي ماولدتهن ا مي ..والي سئلت عن العرس با الصيف

اخر التطورات .............ماشي يديد ابد ابد بوزه شبرين ومايرمس معي ...اخر مره شفته فيها كان يوم اليمعه اتصلت علينا عمتي عسب نسير نشوف اثاث شقتنا بس ابد مكان لي خاطر قلت حق امي تسير معها وتعتذر اني تعبانه طبعا الولده انحرجت من عمتي بس انا يا بنات مكان لي خاطر حتا اشوفه لانه هو بيكون موجود

امي سارت معهم واختارت مع عمتي لانه هو حطهم وسار عنهم .........ثاني يوم اتصلت عمتي تسئل عني طبعا هو ماسئل ولا اتصل .. المهم قالت امس تعبي وتعب امج راح ع الفاضي عقب ماوريته الكتالوج والقطع الي اخترنها ...ريلج قال كل الي اخترتوه انتي وعمتي على عيني وراسي بس هي صاحبة البيت وخليه اهي تجي وتختار وحلف انه مايشتري شي وقالت امس كله معصب ويهاوش ....انسان غريب بالله يعني بدل ما يسل يروح يسوي ضرابه مع امه جد قاهرني ومالي خاطر بشي وكله بسببه ...راسه يابس هل ريال وعاجبنه الوضع جذيه خله يبوز لين مايمل اصل ماشي همنه وهذي اخر التطورات وانا مكاتب لكن ماكنت ابا اغثكن بكلام ماله داعي قلت اذا فيه يديد بخبركن وهذا اليديد اليوم مثل امس ومثل اسبوع بعد الله يعين

ماعليه ياعيوني صبري والصبر مفتاح الفرج

وخليه على اقل من راحته وذيك الساعه لاصرتي ببيتك انتي وياه

روضيه على كيفك ومثل مايقولون اخوانا المصريين ابنك على ماتربيه

وجوزك على ماتعوديه وخيرته يطيح اللي براسه بس انتي خلك هاديه عالآخر

ولاتاخذين ولاتعطين معه بقسوه وجفاف

واذا جاكم لاتصيرين زيه وتبوزين بوجهه استقبليه بروح طيبه والبسمه ماتفارق وجهك

واخذي مافي خاطره وبيني له انك مقدره وضعه وحاسه باللي بخاطره لكن مابيدك حيله

ودايما ذكريه ببكره لما تجيبين له العيال بان الله يحط فيهم البركه ويطلعون عليكم ولا يعصونكم بشي

ومن هالقبيل وبشريه بخير وطمني قلبه

قولي خلنا بس نكون ببيتنا وباعوضك عن كل شي ان شاء الله واصبر وماورى الصبر الا الفرج

واذا كان فيها وكلش مو قادر يتحمل اكثر قولي له خلاص اجل انا انادي على ابوي هالحين

ونقوله اثنينا مع بعض ونحاول نقنعه ان احنا قادرين انا نسوي هالشي من وراك

ولانت بداري عنا لكنا احتراما لك وتقديرا لرأيك مانقدر نخالفك ونبغي منك اقل حاجه

موبايل لو لمدة ساعتين باليوم نتكلم فيها ونتطمن على بعضنا وبعدها

ابد تاخذ الموبايل عندك لاثاني يوم وعلى هالمنوال لين العرس على خير

وبكذا اتقدرون تتقلبون على هالمشكله وان شاء الله ان الوالد يتفهم الوضع

ويحس بقدر الهم اللي انتوا فيه بسببه ويسمح لكم به

وربك كريم يفرجها من اوسع ابوابه ويسهلها عليكم ..



المهم ياعيوني لاعاد تطولين علينا وطمنينا عنك باستمرار