كتاب تغذية الطفل من الشهر الرابع .. مميز ! اطلبو وصفات و راح اخلي لكم !

عروس جنان;5637834:
مـا شــاء الله عليكي أختــي انثى باذلـة مجهوووود
طيب مع البنات وما شاء الله الوصفــات تجنننن
وأنا في بعض الوصقات أسويها لولدي..

مشكووورة أختــي وربي يوفقك

عوافي على ولدك .. وشرفتينا بوجودك !

وهج الحب;5638365:
انثى مشكورة وتسلمين عجبتنى الوصفات بس لاحظت شي بعد الوصفات مااضربها بالخط نفس اللى فيها موز انا مره حاولت اعطيه موز فتتيته بيدي اتصدقين كان بيزووع لو لا الماي حذالى وامس بدا ياكل البطاط عادي بدون ضرب الخلاط للكن بيبلعها مع الماي يعني بصعويه شو سويتي نتى حق صادق بهالحاله ؟؟؟ وبعدين خلاص انا مابى وصفه فيها بيض قالولى في سليمان حساسيه اللله يعافي عيالكم خساره مااقدر اعطيه ..وكنت ابى اسال عن طبخ الفواكه ليش التفاح مثلا مااضربه بالخلاط واعطيه ليش انتوا تفوروونه مع ماي ؟؟؟؟احسه جي يفقد قيمته ولالا؟؟؟

هلا و الله وهوجة .. !

شوفي .. ترى انتي قاعدة تكلمين ام تعاني مثل مشكلة ولدك مع ولدها بالضبــط !

تخيلي ان سيد صادق الحين اذا خليت اللقمة بحلقه مباشرة يصدر صوت مثل اللي يبي يرجع !

و لما يطلع اللقمة من حلقه اضيف لها صالونة تبللها شوي يبلعها و يتلذذ بها بعد !

للحين مو راضي يتعود ياكل الغذاء بدون شي يرطبه ، لكن الفواكه انا لما اخلطه بالخلاط اخلي معاه برتقال حتى يكون بديل للماء و يتقبل قوامه .. جربي مع النتفة اللي عندك ..

و عن البيض انا بعد ولدي كان بالبداية عنده حساسية منه و حزبت و تضايقت لانه وجبة سهلة و مفيدة و مابقدر اعطيه ! بس سبحان الله جسم الانسان يتغلب على هالحساسيات ..

طبعا انتي تبدين اول بالصفار ؟ ابتديتي جذي او عطيتيه البيضة كاملة ؟

و التفاح انا ما اغليه قبل مااعطيه لولدي ، ارميه بالخلاط مع باقي الفواكه ..

بس فيه ناس يغلونه حتى يصير هريسة تفاح و يعطونه لعيالهم !

مشكورة انثى بس ليش صادق جي انا ولد اختى بعمر ولدج ضببببببط واصغر من ولدج بايام بسسسس وماشاء الله ياكل بدون منغصات ويوم كان عمره شهور ماتذكر كان ياكل عيش البيت بدون ضرب الخلاط ولما سالت اختى قالت لانه ولدها طلع ضروس بدري بس سليمان في ضرسين تحت يمكن هذا السبب؟؟؟؟ صادق جي؟؟

السلام عليكم أختى أنثى
مشكوره على المعلومات
وأريد أكلات تحتوي على الزبيب واكله تحتوى على جميع العناصر الغذائيه وتكون دسمه
وأسفه على كثره الاسئلة

هلا انثى..حبيبتي بنتي عمرها 9 اشهر ممكن اعرف شو وجبات المناسبة لها في الفطور والغداء والعشاء
شكرا

وهج الحب;5643048:
مشكورة انثى بس ليش صادق جي انا ولد اختى بعمر ولدج ضببببببط واصغر من ولدج بايام بسسسس وماشاء الله ياكل بدون منغصات ويوم كان عمره شهور ماتذكر كان ياكل عيش البيت بدون ضرب الخلاط ولما سالت اختى قالت لانه ولدها طلع ضروس بدري بس سليمان في ضرسين تحت يمكن هذا السبب؟؟؟؟ صادق جي؟؟

اهىء اهىء اهىء .. ! لا تصيحيني .. !

و الله انا للحين اعاني معاه في الاكل ، وقت الاكل كأني بدخل حرب .. بالغصب اللقمة تدخل حلقه و لازم شي بيده يسهيه او التلفزيون مشغل ع الاشياء اللي يحبها ! و احيانا اذا كنت ببيت ابوي و مافي القناة اللي يحبها ( baby tv ) استصرع و امسكه بالقوة و افتح حلقه بصبعي و ادخل اللقمة و هو يطلعها و يرميها و احيانا اصيح .. و من حد يشوفه يقول بييييه مسكين ضعيف اكليه زين << مايدرون عنه متعب بالاكل .. ! حتى الحين لما فطمته يقعد شوي معانا على الطاولة لما بنتغذى و لقمتين فقط و يتملل او يعاند و ينثر السلطة بكل مكان .. !

و عن سؤالك ، صدوق طلعت له الاسنان من وقت .. من 5 شهور .. و سبب نحاسته بالاكل مو من الاسنان ، اول ما جربت اعطيه اكل و هو يرفض ، و لوقتك هذا !

ان شاء الله ولدك مو جذي .. اهم شي المحاولة .. !

جروح الغد;5643159:

تسلمين اخت انثى على المجهود الرائع بس انا عمري ولدي نواحي شهرين اذا صار عمره خمسة شهور راح اطلب منكٍ وبالتوفيق:)

جروح الغد ،،

هلا بك حبوبة ، مستعجلة على المواضيع .. خلك مرتاحة الحين بس رضاعة و بعدها تعالي هنا .. !

و الله يخلي لك ان شاء الله .. !

انوار الليل .. بنتك عمرها 9 شهور ؟

السلام عليكم أختي
اي عمرها 9 اشهر

اخت وهج استخدم الماء فقط في الطبخ بعدين الماء ارميه واهرس التفاحة مع بسكويته فارليز وملعقة روب وايد لذيذ وطعم مختلف هي حق وجبة خفيفة للصباح مثلا اذا للحين ماعطيتي ولدك روب بدي معاه انا من زمان اول مااكلتهم بشهر عطيتهم روب وايد زين فيه بكتيريا تساعد المعدة على الهظم وتقوي المناعة وسبب رفض الطفل الى اكل ترجع تاخير الطفل الى مابعد الستة شهور

وانا من الحين ابدي اعطيهم اطعمة صلبة امس امي هاوشتني وانا اكلهم البطاطس هرسته بيدي شوي مع الدجاج والجبن واهرسهم بيدي خفيف وااكلهم الا تقول امي بيغصون حطي معاه شي ولا سويه بالمكينة مالتهم وانا معاندة اقول لو الحين مابعطيهم اكل صلب شوي بكره بس بيتعلمون على المهروس والماي وكل شي سهل البلع يبونه والحمد لله مافي اصابات انا مخلية كاس ماي صوبي احط لهم شوي شوي يعني مب واجد

اختي انا بنتي 9 اشهر ما عطيتيني الوصفات

أعتذر عالتأخير .. !

و هذا طبق لعمر ال 9 شهور .. خفيف و مافيه تنوع بالمذاقات .. حتى ما يرفضه الطفل .. !

باستا الحروف الابجدية مع اليقطين .. !

المقادير :

300 غ من اليقطين المقشر و المقطع الى مكعبات .

ملعقتان كبيرتان الى 3 ملاعق من الباستا الحروف الابجدية .

30 غ من الزبدة .

نصف ملعقة كبيرة من الناعمة ( القويسة ) المفرومة .

.................................

الخطوات :

1 . اطبخي اليقطين حوالي 15 دقيقة على البخار ، الى ان يصبح طريا . اسحقيه ليصبح هريسة بعد اضافة 4 او 5 ملاعق كبيرة من سائل الطبخ .

2 . اسلقي الباستا بالماء الغالي حوالي 5 دقائق ، ثم صفيها . ذوبي الزبدة مع الناعمة على نار خفيفة و اخلطيها مع الباستا و القطين .

......................................

الفائدة : غنية بكاروتين بيتا ، حمض الفوليك ، فيتامين ج .

* يمكن تجميدها .!

السلام عليكم أختى أنثى
هل الكورن فلكس زين الى عمر 9 أشهر
وكيف اعمل الزبادي في المنزل

انثى الله يعافيك بنتي عمرها سنة ونصف وماتاكل اكلها سئ جدا جدا

اوفر لها زبادي بالنكهات ماتحبه هي حاليا ترضع من صدري وودي افطمها لكن لو فطمتها اش ممكن اعطيها بدييييييييييييل
ساعديني الله يساعدكـ

انوار الليل;5661629:
السلام عليكم أختى أنثى
هل الكورن فلكس زين الى عمر 9 أشهر
وكيف اعمل الزبادي في المنزل

عليكم السلام ،،

هلا بك من جديد .. !

اختي انوار الليل .. الكورن فليكس عبارة عن ارز و و شعير و بعض المنكهات مثل السكر و يمكن الملح .. بينفعها بهالعمر و بيسهل عليك وجبة الفطور و ان شاء الله تتقبله .. !

ماعرف اختي عن الزبادي انا مامرة جربت .. ليش ماتاخذين من السوبر ماركت ؟

اسيل 2;5662795:
انثى الله يعافيك بنتي عمرها سنة ونصف وماتاكل اكلها سئ جدا جدا

اوفر لها زبادي بالنكهات ماتحبه هي حاليا ترضع من صدري وودي افطمها لكن لو فطمتها اش ممكن اعطيها بدييييييييييييل
ساعديني الله يساعدكـ

هلا و الله باسيل .. !

ماشوف لك لوية بركن السوالف ؟ ! عسى ما شر ؟

بنتك قد ولدي يعني ،، الله يساعدك على هالمشكلة الكريهة .. و الله انها معاناة !

انا توي فطمت ولدي من اسبوعين و اكله صار واجد افضل من قبل ، يصحى الصبح من النوم ملهوف على وجبة الفطورو ياكلها و يرجع ينام مسكين و لما يصحى وقت الغذا بعد مثل الشي ينتظره و كأنه مو ماكل من سنين خخخ ! و طبعا لا بد من المزاجية المزعجة في الاكل ... يمر عليه يوم او يومين بالاسبوع يتحجج لي ع الاكل و اتركه بجوعه ليما يصيح !

و عن الزبادي انا بعد مثلك تعبت معاه ماياخذ الزبادي العادي الا اذا بشرت فيه خيار و اضفت له ليمون ! و لا يبي اللي فيه طبقة الفواكه ! من جذي صرت آخذ له بون سويت من انتاج المراعي و هو عبارة عن حليب و تشوكليت و الحمدلله يحبه عالاقل ارتاح لما اطلع معاه !

و ما يحب يشرب عصير او حليب بالفراولة مثلا .. و الله اتمنى لو بس يجرب يشرب حتى يعجبه ، انوع له بالكاسات و الاعواد و بعد يرفض و يذبح نفسه من الصياح .. السائل الوحيد اللي ينزل ببطنه هو الماء !!!

و حتى الحين بعد الفطام ما يطيع ياخذ عصير او اي شي ثاني .. لكن انا صرت افكر انه لازم يعوض شرب الحليب بأني اخليه بأكله معينة و هي مهلبية الرز ..

رز مطحون و كاسين حليب طازج و سكر و ملعقة تشوكليت نسكويك ( نستله ) اخليهم على نار هادية و احرك ليما يصير المزيج ثقيل و يحبه و يشبعه و الحمدلله انه مفيد .. يوميا اسوي له ..

جربي مع بنتك ان شاء الله تتقبله و سوي لها كريم كراميل بعد ..

و انا للحين اخلط الفواكه و اعطيها اياه بملعقة !

و اذا عندك اي سؤال انا موجودة !

عذرا أنثى
أنوار الليل
طريقةعمل الزبادي بالمنزل بسيطه وهي كالآتي
كل كأس حليب عليه ملعقة صغيره زبادي (ملعقة الحلى)
يكون الحليب دافي شوي في أناء يكون له غطاء يخلط الحليب والزبادي جيدا حتى يختفي الزبادي ويوضع في مكان دافي ويترك بدون تحريك لمده تتراوح من 6 ساعات أو طوال الليل
أنا أعمله بحليب النيدو بس الحليب الطازج أفضل

وصحتين وهنا

ماشوف لك لوية بركن السوالف ؟ ! عسى ما شر ؟

والله ماادري ماصرت ادخل فيهم كثير اكثر شئ الشؤون الاسرية والقضايا تسمين غلاتي عالسؤال

اما مهلبية الرز اسويها اليوم واوافيك بالنتيجة ان شاء الله

والله يعيننا عليهم انا بنتي صارت اكبر همي خايفه عليها الله يحفظها

مشكورة غلاتي والله يسعدك

اسيل ،، هلا بك حبيبتي ، و خلك هنا متى ماحتجتي شي .. ترى انا مثلك متأذية مع ولدي بالاكل .. !