كتاب تغذية الطفل من الشهر الرابع .. مميز ! اطلبو وصفات و راح اخلي لكم !

الاخوات سر الطفولة و حب ابوها و am slooh هذا الجدول .. اتمنى عموم الفائدة !

وجبات الطعام من 6-9 شهور ! ( تبين لي ان الجدول موجود بالصفحات السابقة بعد مااعدت كتابته ! لكن الخطأ المطبعي انه نزلته لسن ال 5-6 شهور ! و توي التفتت .. )

jassylovly;5579492:
انا طلبت منك وصفات ليحيى هو دلوقتي 11 شهر ونص وياريت يكونوا عشاء وغذاء وبين الوجبات من حاجات خفيفة على ذوقك ك

هلا حبيبتي .. أنا آسفة والله ما حطيت بالي لطلبك السابق !

اختي سؤالك عن الوجبات الخفيفة ذكرني بقبل شلون كنت احتار بفترة العصر و اتملل من الروتين اليومي بأكلات معينة لولدي .. بالكتاب حصلت لك بقسم من 9-12 .. !

1 . حليب و سندويشات صغيرة .

2 . لبن زبادي .

3 . قطع جبن .

4 . فواكه مجففة .

5 . عيدان الخضر الناضجة .

6 . فاكهة .

7 . أيس كريم مذوب .

...............................

هاي مجموعة حلوة و متنوعة و عوافي ع ولدك !

مشكووووووووورة اختي انثى
بارك الله فيكـ

سر الطفولة ..

هلا بكــ بكل وقتــ !

السلام عليكم
اريد وصفات اكل الى ابنتي عمرها 9 اشهر معتمده على الرضاعه الطبيعيه ولا ترضى تاكل

يعطيك العافيه اختي انثى الله يكتب لك بها الاجر على مساعدة الامهات

شاكرة ليكي جدا وجزاكي الله الف خير
بس مافيش وصفات للغذاء والعشاء :888345::21_207::21_93:

حبيتي انثى ادري انى بكلف عليج للو ماتقدري تكتبي على الاقل عطيني اللنكات انا شفت كم صفحه وشفت الجدول اللى مسوياها فوق بس ماعرف اسوي السميد وانتى كاتبه اشيا اتخوف يعني زبادي وبيض بس اناا اللى اعرفه مايعطوه الاطفال هالاشيا بهالعمر انا ولدى تاريخ 13 هالشهر بيكمل 8 شهور ومااعطيه غييييييييير الخضره انا ام اول مره فمااعرف كيف اسوي الاكل بالتفصييل وعمتى وامى اكلهم مثل اول دهن بقري وهالخراببييط وانا مابى اعطيه ولدى هالشغلات يالييت تساعديني

انوار الليل;5597284:
السلام عليكم
اريد وصفات اكل الى ابنتي عمرها 9 اشهر معتمده على الرضاعه الطبيعيه ولا ترضى تاكل

الله يعينك يا أنوار .. !

مشكلة صعبة اعتماد الطفل على الرضاعة بس و هو بحاجة للأكل ..

انا توي فطمت ولدي من 10 ايام تقريبا ، كان واجد متعلق بالرضاعة و الخين نسى و صار ياكل و يطلب الاكل بنفسه مسكين .. !

نصيحتي لك ، رتبي اوقات رضعاتها و خل تتعود على اوقات معينة .. وقت النوم ( الليل و العصر ) مرة بعد ما تصحى من نوم الصبح .. لو استمريني على هالمنوال اوعدك انها راح تتعود و بعدها شهيتها بتنفتح للأكل و بتتخلصين من المشكلة قبل ماتصير لها عادة للكبر !

و ان شاء الله بخلي لك طبق من الكتاب !

موتي ولاحزن زوجي;5597339:
يعطيك العافيه اختي انثى الله يكتب لك بها الاجر على مساعدة الامهات

هلا و الله بموتي و لا حزن زوجي ..

شرفتـــ ياقلبيــ و خلكــ دايما معنــا !

وهج الحب;5606672:
حبيتي انثى ادري انى بكلف عليج للو ماتقدري تكتبي على الاقل عطيني اللنكات انا شفت كم صفحه وشفت الجدول اللى مسوياها فوق بس ماعرف اسوي السميد وانتى كاتبه اشيا اتخوف يعني زبادي وبيض بس اناا اللى اعرفه مايعطوه الاطفال هالاشيا بهالعمر انا ولدى تاريخ 13 هالشهر بيكمل 8 شهور ومااعطيه غييييييييير الخضره انا ام اول مره فمااعرف كيف اسوي الاكل بالتفصييل وعمتى وامى اكلهم مثل اول دهن بقري وهالخراببييط وانا مابى اعطيه ولدى هالشغلات يالييت تساعديني

وهج الحب .. افتقدتكــ ، وين هالغيبــة ؟ !

و هلا بك من جديد ، شوفي حبيبتي بقولك شغلة ، الاشياء اللي تخوف ع قولتك ، انا بعد اتردد لما اجي بكتبها ! لان بعض الاحيان اشوف بعض الاطباق تتكون من مكونات غريبة و اشوفها ما تناسب بعضها ! مثل الحليب مع التفاح .. ! افكر شلون الطعم اللي بيطلع بعد مزجهم ؟ لكن لما جربت لولدي فرحت انه تقبله و هو بالغ الفائدة ، و هذا الصح انك تقدمين لولدك كل المذاقات حتى يتعود انه ما يرفض و يتخير و تتأذين معاه ليما يكبر ( مثل ولدي ) صرت انتظره يسرح حتى اخلي طرف الملعقة بحلقه و يتذوق الاكل و يحدد اذا يبي او لا ! و ندمت اني مانوعت له لما كان بعمر ولدك الله يخليه و لعمر السنة .. نصيحتي لك عن تجربة ، اعطي ولدك اي شي تاكلينه و تشوفيه صحي و مفيد و طبعا ما يكون يتحسس منه بعيد الشر ، حتى تسهل عندك عملية تأكليه الحين و بعدين .

ثاني شي .. انتي ولدك الحين صار رجال ماشاء الله ، 8 شهور خلاص ابتدي تعطيه من الاطعمة الجامدة ، و ع قولة امهاتنا ( من أكل السفرة ) ، انا بعد لما كان ولدي عمره توه 9 شهور الكل يقول لي خلاص عطيه من اكلك و امي دايما تغافلني و تعطيه من اكلنا ( رز و دجاج مثلا ) و ياكل بس ما كنت اتقبل لاني مو متعودة و استمريت ليما كمل السنة و انا اسوي له اكلات خاصلة لغذاه و عشاه و حتى السيريلاك طولت معاه و ان اعطيه منه ، و صدق اللي ما يطيع يضيع !

الحين ما يبي الاكل الا مهروس و ما يتقبله جاف ، اضطر اسوي له صالونة يوميا ! هي صدق مفيدة و فيها خضار بس بعد واجد اتقيد لما اطلع معاه مطهم مثلا ، ما ياخذ لي اكل ..

خلاص انصحك تعطينه من اكلكم بالتدريج لانه كبر و ادري صعبة عليك شوي بالبداية بس بالنهاية اريح لك و له .. و معقولة للحين ما عطيتي ولدك دجاج و لحم ؟ من وين البروتين ؟

سوي له مضروبة ، يكون قوامها اوكي لمعدته الحين .. و حتى العدس يصلح له .. و ان شاء الله برجع اعطيك وصفات لولدك من الصفحات السابقة !

محبتيــ !

هلاااا انثى..
حبوبه مو مكتوب شي عن الزيتون..
انا احب اعطي بنتي منه بس مالح الاخضررر
والاسود اغسله بماي دافي بعدين اضربه بالخلاط
واحط معاه زبادي واعطيهاااا
بس مناسب لعمرها او لاااا؟؟
باقي اسبوعين وتكمل السنه..

ريحانتي;5607915:
هلاااا انثى..
حبوبه مو مكتوب شي عن الزيتون..
انا احب اعطي بنتي منه بس مالح الاخضررر
والاسود اغسله بماي دافي بعدين اضربه بالخلاط
واحط معاه زبادي واعطيهاااا
بس مناسب لعمرها او لاااا؟؟
باقي اسبوعين وتكمل السنه..

هلا حبوبة .. !

و الله يا اختي مااشوف الكتاب يحتوي على اطباق يكون الزيتون من مكوناتها .. !

بس انا لما اخلي لنا عالفطور او العشا ولدي ياكل و الحمدلله مااشوف صار له شي .. و حتى الكتب اللي اقرأها بخصوص صحة الطفل ما اتذكر ان الزيتون من الموانع !

اسألي اكثر بعد .. !

السلاع عليكم
مشكوره اختي على الرد
واليوم ذهبت بها الى المركز حتى اشوف نسبه دمها وكان دمها ناقص بماذا تنصحيني حتى يرتفع نسبه دمها

اول شي فرحت بترحيبك والله حتى ابتسمت لاشعوريا ...وثاني شي ترى انا وااايد مشغوله ويه ولدى دايم مريض والحين سهرانه بعطيه المضاد بعد شوي وثالث شي انثى خوفتنيي انا ماعطيته دجاج اخاااااااف وماعرف كيف اسوييه ولدى يختنق من جحبه العيش اللى مب مهروووسه كيف عيل اعطيه من اكل البيت اتخيلي امس هرست بيدي تمره وعطيته وخوفنيي كان يهااااوع بيزوووع وانا مت خووووووووووووف مابيه يزوع لانه اصلا مريض وعمتى عطته هذاك اليوم عيش مال البيت وكان بيزوع وانا عطيته بطاطا بعد ماسلقته هرستها بيدي وعطيته مايبلعها يحسها ثقيله اتعود على السهل شو ممكن اسوي؟؟؟؟؟؟؟؟؟؟؟؟؟؟؟؟؟؟؟ ومشكورة والله موضوعج جددددددددددددد مميز بمعنى الكلمه وصدقيني البنات اكيد يدعونلج انتى وصادق

انوار الليل;5610335:
السلاع عليكم
مشكوره اختي على الرد
واليوم ذهبت بها الى المركز حتى اشوف نسبه دمها وكان دمها ناقص بماذا تنصحيني حتى يرتفع نسبه دمها

عليكم السلام .. !

طبعا الاطفال بهالعمر اغلبهم يكون معهم نقص دم .. ولدي الحمدلله ما صار بهالتجربة و السبب نصيحة من اختي الله يخليها لي .. و كانت عارفتها من دكتورة سورية شاطرة .. !

و النصيحة هي : قطعي كم ورقة من البقدونس الى قطع صغيرة مثل التبولة و خليها بأكل البنوتة و بيرفع دمها بسرعة ، بتلاحظينه بالحفاض .. لا تخافين مثلي اول مرة شفته مو مهضوم خفت .. بس جسم الطفل ياخذ فايدته منه ..

و بعد امزجي موزة و تفاحة و كمثرى و اعطي لها بالملعقة و ان شاء الله بالموعد الجاي يكون دمها اوكي !

وهج الحب;5610755:
اول شي فرحت بترحيبك والله حتى ابتسمت لاشعوريا ...وثاني شي ترى انا وااايد مشغوله ويه ولدى دايم مريض والحين سهرانه بعطيه المضاد بعد شوي وثالث شي انثى خوفتنيي انا ماعطيته دجاج اخاااااااف وماعرف كيف اسوييه ولدى يختنق من جحبه العيش اللى مب مهروووسه كيف عيل اعطيه من اكل البيت اتخيلي امس هرست بيدي تمره وعطيته وخوفنيي كان يهااااوع بيزوووع وانا مت خووووووووووووف مابيه يزوع لانه اصلا مريض وعمتى عطته هذاك اليوم عيش مال البيت وكان بيزوع وانا عطيته بطاطا بعد ماسلقته هرستها بيدي وعطيته مايبلعها يحسها ثقيله اتعود على السهل شو ممكن اسوي؟؟؟؟؟؟؟؟؟؟؟؟؟؟؟؟؟؟؟ ومشكورة والله موضوعج جددددددددددددد مميز بمعنى الكلمه وصدقيني البنات اكيد يدعونلج انتى وصادق

هلا و الله .. عساكــ مبتسمة دومــ .. !

الله يساعدك و يعطيكـ العافية . أفففف من مرض الجهال والله صعب علينا و عليهم مساكين .. تعرفين انا لما يمرض ولدي بعيد الشر عنا و عنكم نفيتي تتعب بشكل مو طبيعي و اظل اصيح و مالي مزاج شي ابدا .. ! و لما تخلص مرضته احتفل بطلعة مميزة و حلوة لاني تخلصت من هم كبير .. !

و عن ردة فعله مع الاكلات الجامدة طبيعي ،، لانه مو متعود و يحسه شي غريب بحلقه من جذي تلوع جبده و يبي يتخلص منه ! تحتاجين للتدرج ليما يتقبل قوام الاكل الجامد ..

ضيفي الارز الى الخضار اللي تسوينها له و اخلطيها بالخلاط بعد و بتعطي قوام ثقيل شوي .. سليه بالعاب و خل ياكل بلا شعور حتى ما يطلعه من حلقه ..

و بعدها عطيه اياه بدون ما تخليه بالخلاط بس هرسيه بشوكة ..

و ان شاء الله بعدها بيتعود .. !

و اي سؤال انا حاضرة !!

و تسلمين حبوبة ما يحتاج تشكريني اهم شي تستفيدين و باقي العضوات .. !

سلام عليكم اختي اثنى تسلمين على الردود

جربت امس هي الوصفة سويتها وانا شوية خايفة بس قلت لازم ابدي اعطيهم منه هو اني قطعت بطاطس صغار مثل الجبس وقلتهم بشوية زبدة هي الي خفت منها بس اذكر انك تحطي وصفات فيها اضافة الزبدة وانا استخدمت الزبدة قليلة الدسم وغير مملحة قليته وضفت عليه الطماطم ولما صار شوي لين ضفت فصين جبن معاه وخلطته وهو قوامه متماسك شوي مب سائل انا بديت اعطيهم من اكل البيت والارز لما مع الروب مااهرسه اوكلهم بيدي اهرسه شوي بيدي عشان خلاص يتعودون على الاكل الصلب وانا لما اسوي سندويشات جبن بعد مااكلهم وجبتهم اعطيهم في يدهم ياكلونه عشان يتعودون على تناول الطعام صدق نصير عفسه بس حلوين وهم يحاربون على ذيك السندويشه لانه الياهل يحب انه ياكل لوحده وانا اول اككلهم بعدين اخليهم لوحدهم لو حبوا ياكلون

بخصوص اللحم انا للحين عطيتهم بس اللحم الابيض الا هو الدجاج والسمك واحب اكثر السمك لانه مفيد اكثر بس اللحم للحين خايفة منه لانه احنا الكبار يسبب لينا اسماك مابالك بالطفل الصغير

جربت بعد اني اخفق بيضة مع شوية زبدة واضفت معاها قيمر وملعقة جبن كان لذيذ وفي نفس الوقت محتوي على البروتينات

في جسم فطومتي بعض البقع الحمرة يعني حبة وحواليها محمر وهي من فترة يروح ويجي ولا ادري من شنو شنو الاكلات الي تسبب حساسية للطفل او تظهر ليه هي الحبوب؟

هلا و الله faty zezy .. !

ماشاء الله صايرةة شيف فنان لبناتك .. صحتين و هنا ان شاء الله .. !

الاطباق اللي ذكرتيها ماشاء الله كلها مفيدة و سهلة ، و شي حلو انك حاولتي معاهم بالاكل بدون هرس .. ! ، الحمدلله انهم تقبلو و جذي بتتخلصين من مشكلة مملة و عادة سيئة في اكل الاطفال << مثلي .. !

وفعلا الاطفال موتهم تعطينهم شي بيدهم ياكلونه .. يا زعم يعتمدون على انفسهم بس بالعفسة خخخ ..
و جربي تعطينهم في فترة العصر بسكويت بايديهم يمكن بيحبونه .. !

و الله عفية عليك اللي ابتديتي بالسمك ! فيه ناس الطفل يصير سنتين و هم ما يعطونه على بالهم الحساسية تصير لكل الاطفال من السمك .. ! ، انا لما شافوني خالاتي اعطي ولدي سمك و هو عمره 6 شهور استغربو و حذروني و كبرو السالفة ، و انا اقنعهم ان صار لي مدة اعطيه و ما صار له شي و انا كنت آكل السمك بحملي فما بيأثر عليه ، و هم ابدا مو متقبلين الشي ! لان الناس جذي فكرتهم عن السمك ، انه ما نعطيه الاطفال الصغار .. بس دامه ما يسب حساسية بالعكس نعطيهم و بكثرة مثل ما قلتي فوايده اكثر من الدجاج .. !

اللي صار لفطومة ، صار لولدي في عمر ال 9 شهور .. !

بصراحة ما كنت ادري من شنو ؟ طلع له و ظل معاه اسبوع و الدكتور يقول لي هاي حساسية من اكله معينة بس انا مااتذكر عطيته شي غريب !

و الاكلات اللي اعرف انها تسبب حساسية لبعض الاطفال هي : السمك ، البيض ، الحليب و مشتقاته ، الحبوبيات اللي تحتوي على الجلوتين ، البقوليات .

انثى ماعطيتيي اللنك مال الوصفات ... ابى اعطيه صفار البيض كيف؟؟ ارميه في الخلاط بعد مااسلقه مع الخضره ولا كيف وبعدين كيف اعوده وهو ماعنده الا سنتييين على الاكل الجامد انا احيانا ارميه عيش مع الخضره بس بعد يكون ناعم بالخلاط واذا كان شوي محبب ياويلي من كثر التهاوع اونه بيزوع شو الحل؟؟؟؟