روحي الامارات ههههههههه كفك يا خويتي هههههههههه وحتى انا متابعه الرابح الاكبر << بس اخاف نضعف وحنا نتابعهم هع هع
وبالنسبه لميسجور تكفين وربي خايفه عليك اتركيهم واشتري حبوب الخميره والا زيت سمك القد وانا ما جربت الخميره بس يمدحونها وحالياً اخذ كبسولات زيت السمك وربي احس توقف تساقط شعري و اظافري صار فيها لمع والاهم من هذا اني صرت شرهه مره على الاكل والله والله ما تصدقين لو اقولك اني الحين ماكله وجبه من ماكدونلز واحس بشوي جوع احسها ما شبعتني مع اني كليتها كل السندويشه والبطاطا
وربي قبل كنت اكل نص وجبتي واعطي البااقي لأختي خخخخخخ
الحمد لله يا ربي اهم شي الشهيه مفتوحه
فطامي شلوونك ها شخبارك بديتي والا لساا
حلوه حيل راكبه خيل << ياعيني على النك يطيييييييييح خخخخ
الله يكون في عونك حبيبتي بس تقدرين تستبدلين الحلبه بأشياء ثانيه مثل الزبيب الاسود والا التين المجفف يعني في بدائل كثيره دوري عنهااا
ومشكوووره على المروور الحلوو والمشاركه ننتظر منك اخبار حلوه عن الزياااده
عروسه بيتي حياااااااااااااك الله ونورتي الصفحه
الانشور يا الغاليه هو حليب طعمه رووعه مره لذيذ فيه سعرات حراريه اكثر من الحليب العاادي يعطونه للي عندهم نقص بالتغذيه جربيه بدال الحليب العادي حطيه بالحلويات والا بالملك شيكط بتدمنين عليه
والدبس هو عسل التمر يعني تمر معصور << امحق تفسير خخخخخ
بالنسبه لحبوب الخميره والحلبه اسمع كثير نااس تمدحها وانا كنت ادور حبوب الحلبه بس ما لقيتهااا فأستبدلتها بكبسولات زيت سمك القد
وبالنسبه لكم حبه تاخذين من الحبوب اللي عندك انتي شوفي العلبه اكيد مكتوب عليها كم حبه تاخذين
يالله نبي نشووفك مربربه وملياااااااااااانه امين
ريااام حي الله بنت الرافدين يا هلا ومسهلااا
والله انتي مثلي انا قبل كنت اهتم بالريحه اكثر من المفعلول بس اكتشفت ان الريحه نقدر نتغلب عليهاا
يعني والله اني اتسبح واحد مسك واتبخر واتعطر والله محد يدري اني اشرب حلبه
حتى شعري كنت احط له زيت الثووم وقويه ريحته بس بذيك الفتره كنت بعطله واهلي بطقاااااااق ما همووني يشكوون اهم شي النتيجه والحمد لله بأقل من شهر صار شعري جناان ما شاء الله الحين اخر همي ارووح قسم العنايه بالشعر
وارجع اقوول حيااك معانا ونبي منك تشجعينا مثل ما نشجعك وتبشرينا اول بأول عن اخبارك
بنوته الغلااا وربي انتي نفسي (( سابقا طبعا )) كنت لما اقعد على العشاا والا الغدا اتغصب على اللقمه واول وحده اقوم من السفره بس الحين بعد كبسولات زيت السمك حسيت اني مستعده اكل 20 وجبه باليووم والله
البارح تخيلي تعشيت وبعدها ب10 دقايق رجعت للمطبخ ادور اكل دخلت اختي قالت لي شفيك مفجووعه هاليومين على الاكل خخخخخخخخ
صدقيني ابدي معانا وشهرين والله ما راح تندمين خلي الكسسسسسسسل يولي وابدي معانا واعتبريها وناسه اكثر من انهاا جهد
امووووت واحيا به
حياااااااااااااك يا الغاااليه استانس لما اشوفك
تراني اليوم بديت البرنامج حسب اتفاقنا امس
ويووووه والله لو اقولك ما تصدقين انا قمه بالاستمتاااع لان كل شي كعمه لذيذ ومافي شي ما تستسيغينه الا الحلبه وقضيت على طعمها بالسكر والهيل اما البااقي وااااااااااو ودي لو نخلي البرنامج 10 شهور مو شهرين خخخخخ
بس اكتشفت ان ما عندنا مووز عصبت على اهلي وراااحو جابو لي كيلوو وقالو استري علينا لين بكرا نجيب لك كرتووون << سويت لهم رعب بالبيت
بس اكثر شي ضايقني لما رحت المطبخ اطحن المكسرات عشاان اخلطها مع العسل لقيت خواتي وبنات عمي يضحكون علي يقوولون الهيكل العضمي يبي يمتن ويتطنزوون علي حسيت اني لااااااااااااازم اقهرهن
لاني ملامحي حلووه بس عيبي الضعف تصدقون اني اشبه نورمان اسعد قبل التجميل بس على اضعف طبعاً
امووت واحيا به يالله ذبحتني الشفااايه ابي اعرف شصاار على نظاامك وش صار معاااك قولي لي بسك نووم يا دبااااااااااااااااااااا
بااقي البنوتااات وينهن :wavetowel2:
سلاااااااام
الجدول ماشي معاي أوكيه
شربت حليب مع دبس ع الريق ..
و سويت خلطه العصير .. وخلصته كله
وأكل بسبوسه فيها قشطه و مكسرااات ..
و إذا تغديت ولا تعشيت أحط سمن بقر ..
كل ساعه أكل شي ..
أهم شي بطني تكون متروسه ..
و إن شاء الله بستمر لين أوصل للوزن المطلوب
و باقي البنات إيش سوا في أول يوم
بس لما اخلص امتحانات ادعولى
وانا وياااااااااااااااااااااااااكم
بس مافي بديل للحلبة ؟؟؟؟؟؟؟
[SIZE="3"]السلام عليكم ....................
مساء الخيراااااااااااااااااات حبايبي كيفكم ؟؟ >>> تدرون عاد صرقعة عظامي ذكرتني فيكم >>مأساءة متبادلة هههههههههههههههههههههههههه عاد لا تصدقون انا ماني نحيفه مررره وزني 43 ولازم يكون وزني 51
أولا أتشرف بمعرفتك ألحين أحلا وأموت وأحيا به بس اعذورني ما اقدر ادخل على النت كثير إلا بالويك إند لأن عندي دوامين لكن تراني متاااااااااااااااااااااااااااااابعه الجدول وبقولكم على النتيجه
لازم في هالاسبوعين اكون روياااااااااااااااااانه شوي علشان ملكتي قريب ان شاء الله ، وبعض اهلي يقولوا لي اسمني شوي يعني ثلاث كيلوا بس علشان تزيدين حللاوه بلشوووووووووني و لأني بصراحه ما احب اشوف عروسه نحيفه فمن باب أولى نفسي ومثل ما قلتي يا حلوه البنت الي جسمها مكتنز مو دبه أنا اقول مكتنز ترز الملابس وخصوصا الفساتين وودك تطالعين في جسمها وما تشيلين عينك منها >>>> هههه عايشه جو الأخت >>> :) اللهم اني اسألك من فضلك العظيم لي ولكل العصقولات
ياليت كل وحده تحط وزنها علشان نتابع التقدم في الوزن ونشجع بعض ... > يالله شدوا الهمه صبايا >>>
بصراحه إذا كان عند الوحده هدف بتسعى إن شاء الله انها تحققه لكن بدون هدف بتمشي وما بتعرف هل وصلت لنتيجه أو لا بدون تحقيق الهدف تذكروا هدفكم علشان يكون دافع لكم للاستمرار .....
عن إذنكم حبايبي بروح أخذ لي قيلولية الظهر علشان اكون مصحصه للدوام الثاني بالعصر و لا تنسون
أسوووووووووووووووووووووووووووووووووووووووووووووووووووووووووووووووومي لها هدف وإن شاء الله بتحققه
متااااااااااااااااااااااااااااااااابعه لكم بين الفينة والاخرى وإن شاء الله بعد هالاسبوع بغثكم كل دقيقه رازه وجهي ما صدقت تجي الاجازه
تمسوووووووووووووووون على خير
أختكم :):):) أسومي الرويانه :):):)[/SIZE]
مرحبا وعدت لكم من يديد علني فداج يا ( الحين احلا ) فديتج ياربي استمري ع نظامج وما عليج من الي يقهرج لانهم غيرانين وما يبونج احسن عنهم عاد انتي بترواينهم صدق كيف بتتميزين عن الاكل ...
احسن انا بعد خصن اشياء عني وحاشره الدنيا لين ما يبونها لي ...
والحينه بخبرج شو الي صار وياي فهاليومين لانهن تقريبا نفس الشي بس وايد فادني هالنظام ..
طبعا انا نظمت وقت رقادي وانش الصبح الساعه 7 واتسبح وكل هالامور وبعدين اشرب حليب مع عسل ومرات من دون اضافات ومرات ويا سمسم لانه وايد مفيد ويخليج تشربين الحليب بزياده ومرات اعوض عنه بالحليب الي بالشكولاته لانه متروس سعرات حراريه الدكتوره هيه الي انصحتني اكثر من هالحليب الي بالفرواله والي بالشكولاته والله احسن شي قالته لاني احب الي بالشكولاته و24 اشربه صراحه فرق وعادي لو ما تشربين غيره من الحليب ايفيد واااااااااااايد ... واكل لبنه تركيه كامله الدسم وزعتر مع زيت زيتون وجبنه كيري الي مثل القشطه وصحن خيار والمفروض طماطم معاه بس ماحب الطماطم لانه وايد يمتن ومفيد ...ومرات بيض مطبوخ مع جبنه ماحله ... وحبة بسكويت الي بالحبات الشكولاته ... وطبعا لا تنسون التمر اكله بشكل ما تخيلونه والله وايييد اوكيك معايه ..
وبين الوجبات ... بطاطا مقلي ... او بسكويت .. او سطله بالجبن ... والا اي نوع من السطله والي بالزيت...
عصائر فرش وابتعدي عن كل شي غازي لانه مضر وينفخ ع الفاضي ,,,
ولازم كل الشرب يكون بعد الاكل مب قبله ولا بشكل من الاشكال ....
والغدا .. يتكون مرات من دياي مقلي .. وعيش ابيض .. وبطاطا مشوي ... والمهم الغدا لازم ما يتفوت ولا وجبه من الوجبات نهائيا كلهن لازم تاكلينهن ...
والعصر انصحتني الدكتوره بكل انواع الشروبه الي بالكريما ... وانا خذت العدس والخضار والفطر ... وكل مره انوع ...
العشا ... اكل الي مسوينه فالبيت ... تعرفون اكثر شي اكل معكرونه وبانواعها بالبشاميل بالكريما بالجبن .. وصراحه وايد اوكيك ...
وقبل مارقد تعرفون شو اسوي تمارين الي محطياتنها الخوات في المنتدى مال ابارز المؤخره اتصدقون انها نفعت معايه اتخيلو امي لاحظت انها اتغيرت صراحه قفطت بس فعلا هالتمرين فعلا فعال وانصحكن به يالغالياات ...
وهاي انا حطيت نظامي يالغلا ...
واتمنى اكون فدتكن يالغاليات ...
واتريا ردودكن الحلوه ...
والسموحه الحينه يمكن مادش غير فليل .. لاني بديت اخذ دورات لاني مخلصه دراسه وابغي اشتغل ...
ويبدا دوامي الصبح من الساعه 8 وارد 3 من جييه بدش هالوقت كل يوم ويمكن ادش قبل ...
والي تبغي اي استفسار انا حاضره والخاص المفتوح للي اتحب ويا مرحبا وسهلا ....
اسومي ...
فديت عمرج والله ....معذروه غناتي ... اول شي مبرووووووووووووك الغلا .... وبتكونين نجمة السهره ان شاء الله بكل معنى ...
غناتي اول شي لازم نفسيتج اتكون مرتاحه وما تهتمين بكلام الغير ... لو ربج كتب لج اتغيرين الحمدلله ما كتبلج نصيبج ولا تتاثرين ...
لاني امر بنفس الحال ولا اسمع لحد لاني اتم اصييح وافكر ليش عشان ازيد ضعف ماريد حطي في بالج اريد ازيد .... اريد اكون مربربه ... وما عليج من اي كلمه تنقال ... امشي ع النظام .. وبتكونين احلاهن ان شاء الله ...
وعذرج معاج الغلا ... ولا تحرمينا طلتج ...
مرررحبا خواتي
اشحالكم عساكم بخير
اختي الحين احلا,,,, اشحالج وشو اخبارج عساج طيبه؟؟
انا ما اخذ المسيجور من زماااااااااااان تقريباً قبل سنتين كنت استخدمه يوم كنت في الجامعه
اليوم خذت حبوب زيت كبد الحوت وايد مدحته لي حرمه صيدلانيه
واليوم استخدمت الخلطه الذهبيه ,,, الطعم رهيب
وعاصير الموز
وباقي الحليب بالحلبه ,,, اممم ما احب طعم الحلبه لكن الله كريم بحاول واذا ما قدرت باغير بالحليب ويا اي شي مفيد ثاني
بس بغيت اسئل حبوب زيت كبد الحوت كم مره استخدمتها في اليوم والله نسيت اسئل الصيدليه؟؟.. وعندي حبوب الخميره بعد افكر استخدمهم مع بعض يمكن استفيد اكثر..
ابا وزني هالشهر يستوي 55 يارب يارب عشان اقدر استمر واوصل 60 على الاقل
ايمان اسماعيل الله يوفقك يا رب ندعي لك ان شاء الله بالنجااح والتوفيق اختي بس شدي حيلك
ملكه بقلبي
بصراحه ما اقدر اقول لك في بديل للحلبه لان الحلبه مافي مثل نتائجها
قالو عن الحلبه" لو علم الناس بما فيها من فوائد لاشتروها بوزنها ذهباً "
وقال رسول الله صلى الله عليه وسلم : " استشفوا بالحلبة "
وربي انا كنت اشربها قبل بين فترات متباعده يعني ما استمر عليها ولاحظت ان جسمي صار ابيض وحتى وجهي يعني فايدتها تخليني استحمل طعمها وريحتهااا
واغتني فرصه اننا بالشتااا وتقل نسبه العرق
ولك حريه التفكير يا حلوووه
اسووومي
كلووووووووووووووليييييييييييييييش
مبررروك الف الف مبررروك ومنك العيال ومنه المال والدلااال
اجل الهدف قوووووووووي عندك خخخخخخخ
اي والله وانتي الصادقه انا بعد ما احب اشووف عروس نحيفه حلاتها مليااانه
وترا بقولها لك نصيحه انا خواتي وبنات عمي وخوالي كلهم من يتزوجون يضعفون فتره شهر العسل يقولون ان هالشي طبيعي لكل عاروس يعني المليانه مايبين عليها حيل بس الضعيفه بترووح وطي بتصير هيكل ويبين عليهااا
خرعتك صح هع هع بس اقولك كذا عشاان يزيد الحماس عندك وتشدين حيلك اكثر وتهجمين على الاكل بدوون تردد
والله يوفقك يا رب ونشوفك عرووس بالكوووشه ومعذووره يا الغلاا
اموت واحيا به
مبين ماااشيه اوكي بالجدول وذكرتيني بالشوربه الحين حنا شتاا وحلوه الشووربه بالشتااا عاد انا كنت احسب الشوربه للرجيم بس خخخ
والمعكرووونه ترا حيييييييييل يمدحوونها للي يبون يمتنون مثلنا
جربتي تاكلين المعكرونه بالليمون الاسود والفلفل الاخضر الحار ؟؟ يااااااااي انا ما اشبع منها
الا بسألك انتي كم كيلوو ناقصك ؟.؟
رووحي الامارات يا هلا وغلاا انا طيبه ونفسيتي حيييييييل مرتااحه لاني حسيت ان في بنات يشاركووني باللي انا اتمناااه وان شاء الله نحقق الهدف مع بعض امين
طمنتيني انك ما تاخذين المسيجووور
وبالنسبه لحبوب زيت الحوت خوذيها كبسولتين ثلاث مرات باليوم
يعني بعد كل وجبه كبسولتين
كذا مكتووب على العلبه
واذا تبين تاخذين اقل براحتك بس اكثر لاااااااااا ممنووع
تصدقين انا بعد هالشهر ابي اصل للــ 60 والشهر الجااي للــ 65
وخلاااااااص تنتهي المعاااناااه
باقي البناات العشر وينهن ؟؟
<< تكتب وتاااكل :21_21: خخخخخخخ
بنات عايزة اشارك معاكم بس عندي استفسارات عن الحلبة يعني ايه كوب حلبة هل الماية بتاعها ولا الحلبة نفسها وهل ممكن بدل الانشور استعمل حليب نيدو
يا طويلة العمر انا وزني كان 39 ومن اتخذت هالنظام زاد 41 بس تدرين ما عرف الحينه كم من مدة ما قست ...
تعالي طرشي الوصفه مالت المعكرونه ع الخاص ولا اكتبيها البنات بيستفيدن ...
اريد اشاااااااارك وياكم بس الحلبة مااقدر ريلي دوامة شفتاااااااااات يعني بتلوع جبدة من الريحة والحلبة ماتروح ريحتها بالسااااااااهل
ماخليت شي ماسويتة بس ماشي املللللللللل
اتصدقين عيل انا ما شرب حلبه بالمره ولا اطيقها ولا اطيق ريحتها ...
بساشرب حليب ...مع اضافات عسل والا مكسرات .. وكثر شي اشرب حليب لاكنور الي بالشكولاته ...
لانه الدكتور قالت لي انه وايد زين وفيه سعرات حراريه وايد واكثر يزيد الوزن ..
بقولكم سبب اني اريد امتن السببببببببب عشان ريلي يستاانس علي ^^ يابسة مافيني معالم بخااطري اربرب وويهي يمتلي اشووووووووووووووووووووووووووي
ماخليت عيادة ماسرت قالولي وراثي مااعرف شو اسووي ومرات ريلي يقوولي سمحيلي لاني اشووف بنات غيرج عشان اجساامهم والله انقهر
ويااااااااااااااااريت اقدر امتن لاني اكره ريلي يشووووف غيري واانا من 7 اشهور معرسة
بلييييييييييز ساعدوني
عاشقة الزعيم ...
والله يالغاليه بروحنا اندور المتن .. اقراي ف الصفحه 5 انا كاتبه شو اسوي والله ما سويت غيرها ...
والحمدلله وزني زاد ... ونفستج تراه وايد اتاثر .. يعني لا تنهمين ولا تفكرين بس حاولي تزيدين وزني ..
اكلي كل شي واي شي وسويلج نظام ...
وبعدين فكرة انها يطالع غيرج مب حلوه ... المفروض يساعدج انج تمين مب العكس يخليج اتفكرين وتحاتين وهو ولا هامه ... حطي في اعتبارج انج بتردين تثقين في نفسج وبوزن زايد والا لا ...
ولا تفكرين اني يابس ومافيج معالم ... عيل انا يابسه والله احسني لو اتانق ف اللبس والبس لبس قصير والا اي شي ثاني بيطلع عليه حلو ... ليش لاني راسمه هالصورة في راسي ..
وع فكرة انا ضفتج ...
اموت واحيا به;4775227:
عاشقة الزعيم ...
والله يالغاليه بروحنا اندور المتن .. اقراي ف الصفحه 5 انا كاتبه شو اسوي والله ما سويت غيرها ...
والحمدلله وزني زاد ... ونفستج تراه وايد اتاثر .. يعني لا تنهمين ولا تفكرين بس حاولي تزيدين وزني ..
اكلي كل شي واي شي وسويلج نظام ...
وبعدين فكرة انها يطالع غيرج مب حلوه ... المفروض يساعدج انج تمين مب العكس يخليج اتفكرين وتحاتين وهو ولا هامه ... حطي في اعتبارج انج بتردين تثقين في نفسج وبوزن زايد والا لا ...
ولا تفكرين اني يابس ومافيج معالم ... عيل انا يابسه والله احسني لو اتانق ف اللبس والبس لبس قصير والا اي شي ثاني بيطلع عليه حلو ... ليش لاني راسمه هالصورة في راسي ..
وع فكرة انا ضفتج ...
فديتج ريلي مب قصدة ياثر فنيي لا فاهمتة قصدة انة يحفزني بس مايعرف كيف
تعرفين البس لبس قصير واقووولة الكل يموووت بجسمي اقصدة هلة لانهم يريدون يضعفوون شراتي
كلهم متاان
واتخقق عليهم والبس وايد اشيااااااااااااء يقولون لي لا تمتين بتندمين ومااعرف شو
بس خااطري يغزز ويهمي وامتن اشووويوونة
بنات اقبلوني وياكم انا ابي امتن
ناقصتني عشره كيلو شو اسوي
خبروني بليز بنات ساعدوني
ا
البنوتة الصغيرة
عروس جديدة
11-12-2007 | 09:18 PM
مرحبا انا حابة انظم لمجموعتكم و حابة اقولكم عن تجربتي الخاااصة. بصراحة قريت في منتدى من المنتديات عن وصفة تمتن و انا حبيت استفيد من الوصفة و اللي هي كالاتي:
ملعقة من:الحلبة - الطحينية-سكر-6 ملاعق نيدو 3 اكواب ما تخلطين المقادير مع بعض وتغلينهم ع النار لمدة 10دقايق و عقب خليه اللين يبرد وبعدين اخلطيه بالخلاط و اشربيه بعد كل وجبة. انا بصراحة ما كنت اشربة بشكل يومي من فترة لفترة و للاسف ما في نتيجة اللين الحين بالاصح ما حسيت انه في فرق. بس احاول اني اشرب حليب يوميا على امل يزيد وزني شوي