حوامل مصر تعالوا نتكلم

بنات كل سنة و انتم طيبين
و السنة الجاية الكل يكون معه البيبينو بتاعة ان شاء الله

بقول لكم يا بنات انا الدكتور كتابلى على اسبوسيد و قاللى ان هو بتاع سيولة الدم
لكن الصيدلى قالى ان الاسبوسيد بيأخر الولادة و بيعمل نزيف فى الولادة
يا بنات بجد اللى يعرف حد اخد الاسبوسيد و هو حامل يسألى و اللى بياخدة يقولى انا من ساعتها و انا متدايقة قوى و الله ادعولى يا بنات

مبروك على التجمع الجديد وربنا يكمل لنا كلنا على خير ان شاء الله

متخافيش من الاسبوسيد يا سوسو انا اعرف انه بيتوصف عشان يزيد سيولة الدم وبالتالي يتاكدوا ان الدم بيوصل
للجنين كويس من خلال المشيمة

واللي اعرفه انه بيتوصف غالبا للي حصل لهم اجهاض قبل كده لا قدر الله وللي عاملين اطفال انابيب وكمان للي حملهم
حمل عزيز يعني حصل بعد فترة جواز طويلة


توكلي على الله ومش تخافي

مش الدكتور واصفلك قرص واحد في اليوم؟ وعشان تطمنى اكتر اسالي الدكتور هو ليه كتبه ليكي

وعلى فكرة انا اختى بتاخده لان حصل لها وفاة للبيبي في بطنها قبل كده وهو في الشهر السابع

صباح الخير يا جودى

انا متجوزة جديد يعنى حملى حصل بعد شهرين من الجواز ولا اجهاض لقدر الله و لاحاجة مهو ده اللى مخوفنى و كلام الصيدلى هو اللى مخوفنى اكتر اصلى انا باخد بتاع الاطفال اللى هو بطعم البرتقال و فعلا وحدة فى اليوم
هو الصيدلى قاللى ان فية مشكله فى القلب علشان كدة انا خفت

انا سوسو ميدو احسن تتلخبطوا

انا ربنا اللى يعلم انا متدايقة اد اية

والله لو انتى واثقة من الدكتور بتاعك خدية ومتخافيش

وبعدين عموما كلام الصيدلي بيتهيالي ملوش اساس لان انتى مش اول واحدة تاخدة لو دورتي على النت هتلاقي ناس كتير جدا بياخدوه

وبعدين متقعديش تقلقي كتير لان القلق وحش على الحمل يا سوسو

جودى انت عارفةا نا ان شاء الله لو جبت بنت هسميها جودى على اسمك ههههههه

الأسبرين يمنع تسمم الحمل والولادة المبكرة [الأرشيف] - موقع الفراشة النسائي

شوفي كده اللينك ده

طبعا انا واثقة من دكتورى جدا لانه مولد اختى اكتر من مرة و هو بصراحه شاطر انا خايفة على نفسى من الولادة احسن يحصل حاجة او الجنين لقدر الله

انا كمان نفسي لو جبت بنتى اسميها جودي بس جوزي لسه مش مقتنع

لا يا حبيبتي متخافيش خالص اصل دي مش حاجة الدكتور اخترعها من عنده

وبعدين الجرعة اصلا صغيرة جدا يعني مش التاثير اللي انتى تخافي منه

sosomedo;4490856:
بقول لكم يا بنات انا الدكتور كتابلى على اسبوسيد و قاللى ان هو بتاع سيولة الدم
لكن الصيدلى قالى ان الاسبوسيد بيأخر الولادة و بيعمل نزيف فى الولادة
يا بنات بجد اللى يعرف حد اخد الاسبوسيد و هو حامل يسألى و اللى بياخدة يقولى انا من ساعتها و انا متدايقة قوى و الله ادعولى يا بنات

السلام عليكم
الف مبروك الحمل وربنا يتممه على خير ان شاء الله
فاكرنى احنا كنا مع بعض فى تجهيزات عرايس مصر
انا الحمد الله حامل فى الاول برضه

انا الدكتور كاتب لى برده اسبوسيد علشان الصفائح الدمويه عندى قليله مش يسبب لى جلطات

سوسو انتى في الشهر الكام دلوقتي

صباح الخير يا بنات
انا مبسوطه انى لقيت تجمع للبنات مصر
انا لسه فى الشهر التانى
قولى بقى انتم فى الكام واشترتوا حاجه ولا لسه

صباح الخير يا قطة

انا في نص التالت ولسه طبعا مش اشتريت حاجة خالص

بس عندي مشكلة ان لبسي داق على اوي وانا بشتغل يعني بخرج كل يوم مش عارفة

اعمل ايه يا ريت تشوروا علي ربنا يخليكم الموضوع ده قارفني جدا لان تقريبا مفيش حاجة عندي تنفع تتلبس دلوقتي

http://www.3roos.com/forums/70/t281838.html

شوفوا الموضوع ده عن تجهيزات البيبى