حوامل مصر تعالوا نتكلم

صباح الخير عليكم جميعا

اهلا بكل الحوامل الجداد اللى اشتركو معانا
نيو مذر ربنا معاكى انت خلاص هانت خالص
انت المفروض تشترى كل حاجتك بقة

حبيبة عاملة اية وحشتينا و الله انت اية اخبار النونو انت دخلتى الخامس و لا لسة

شهيدة عاملة اية وحشانى قوى
عروسة بصى انسى اساسا ان انت حامل كله بقعد يقولى كدة و متدايقيش نفسك علشان النونو
فعلا اسم جودى احلى بس انا خايفة انها تستغل انى تعبانة بعد الولادة و تسمية رولا انا هعمل وصية قبل ما ادخل اولد باسم البنت او الولد اصلها مصممه بشكل بشع
بنات اللى من القاهرة يقوللى لبس الحوامل منين لانى انا ابتدي يبان عليه الموضوع

توب انت عاملة اية وحشانى موت
ماهى انت فين وحشتينى يا رب تكونة بخير

اية اخبارك انت و النونو يا توب لسة معرفتيش ولد و لا بنت

ازيكوا كلكوا يا امامير

عاملين ايه النهاردة

انا معادي بكره مع الدكتور عشان اطمن على البيبي بصراحة بستنى المعاد ده دايما بفارغ الصبر وبحس الاسبوعين طوااااااااااااال اوي مش راضيين يخلصوا بسرعة

اصل بصراحة انا موسوسة جدا يعني طول الوقت ببقى قلقانة على البيبي ربنا يحفظهولي يا رب ويحفظ لكل ام ولادها

جودي*;4493412:
منورة يا حبيبة ومتشكرة خالص على المعلومات دي

بس انتى رحتي الملكة قريب اصلي من زمان جدا مرحتش السكة الجديدة لان الحاجات الحلوة والشيك كلها بقت في محلات المشاية والبحر

متعرفيش محلات بتبيع لبس حوامل على المشاية ؟

انا فكرت اشتري بنطلون جينز حمل واشوف اي بلوزات او تونيكات واسعة عليه

ربنا يسهل

يا ريت نتواصل مع بعض على طول يا حبيبة اصل حسه انها حاجة حلوة اوي انك تكلمي حد معاكي في نفس المكان

السلام عليكم ورحمة الله وبركاته ازيكو يا بنات كلكو كلكو من غير ما انسى حد

اه فعلا يا جودي السكة الجديدة اصلا بيكون فيها حاجات وحشة بس الملكة فعلا هي اكبر سنتر لحاجات الحوامل عشان كده انا رحت عنده وكان موجود تشكيلة كويسة هناك واللي خلاني اروح عنده اني مش عارفة محلات تانية بس برج السوسن اللي في ش البحر فيه محلات بتبيع بناطيل حوامل ولو سالتي البنات اللي واقفين في المحل ممكن يقولو لك المحلات اللي بتبيع الحاجات دي وانا جبت بنطلون جينز حوامل وجبت عليه تونيك طويل

جودي*;4500200:
ازيكوا كلكوا يا امامير

عاملين ايه النهاردة

انا معادي بكره مع الدكتور عشان اطمن على البيبي بصراحة بستنى المعاد ده دايما بفارغ الصبر وبحس الاسبوعين طوااااااااااااال اوي مش راضيين يخلصوا بسرعة

اصل بصراحة انا موسوسة جدا يعني طول الوقت ببقى قلقانة على البيبي ربنا يحفظهولي يا رب ويحفظ لكل ام ولادها

ياه يا جودي انتي بتروحي كل اسبوعين للدكتور
انا بروح تقريبا كل شهر وساعات كمان بقعد اكتر من شهر مش اروح بصراحة سايباها على ربنا لاني اصلا مش بحب اروح لدكاترة خالص
وربنا يطمنك على البيبي يارب وابقي طمنينا عليكي

tobe;4499883:

السلام عليكم ورحمة الله وبركاته
ازيكم ياحوامل مصر القدام والجداد عاملين ايه ؟
سوسو وحشانى موووووووت اخبارك ايه ربنا معاكى بصى طنشى حماتك واتفقى مع جوزك على الاسم وهو يعمل اللى انتى عاوزاه
حبيبه فينك اخبار الحمل ايه انتى فى الرابع يعنى دلوقتى مرتاحه من الترجيع والدوخه
وايمى شكلها ولدت يارب تقوم بالسلامه عشان تيجى تطمن وتقولنا بالتفصيل عملت ايه ربنا معاها

ازيك يا توب عاملة ايه فينك من زمان وحشانا والله
ايه اخبارك انتي والنونو انتي بقيتي في الكام دلوقتي

لا يا سوسو ان شاء الله فاضل لي خمس ايام وابدا في الخامس باذن الله

ماري ازيك يا جميل اخبارك ايه واخبار الحمل والنونو ايه

عروس ازيك عاملة ايه معلش لما كنا بنتكلم في الجزء اللي فات ماكتش بعرف ارد علييكي لان الجهاز عندي كان وحش اوي انتي اخبارك ايه انتي والنونو

شهيدة الف سلامة عليكي يا قمر وربنا يطمنا عليكي معلش استحملي كله يهون عشان خاطر ولي العهد هههههههه

نيو ماذر ما شاء الله ربنا يقومك بالسلامة يارب انا لسة امبارح كنت بزور واحدة قريبة زوجي ولدت وجابت توام برضو بنت وولد بس ما شاء الله عليهم عسل عقبالك يا جميل يارب

ماهي بقى لها فترة مش بتدخل ليه ربنا يطمنا عليها يارب وايمي كل ده كسل اخدت على قاعدة السرير ولا ايه عاوزينها تيجي تحكي لنا يارب تكون بخير هي والبيبي بتاعها يارب

صباح الخير على كل الحوامل الحلوين عاملين اة النهاردة

:flower::flower::flower:

ازيك يا ماري 3000 ؟ اخبارك ايه اهلا بيكي معانا
عامله ايه في الحمل قوليلنا؟ جهزتي حاجت البيبي ولا لسا انت في اي شهر؟

اهلا يا حبيبه اخبارك ايه؟ احنا مش عارفيين نلاقيكي خالص!

اخبار حملك ايه؟ انا برورح للدكتور بردو مره في الشهر وبتهيالي كويس كده مش محتاجه اكتر
انا كويسه بس نفسي اغمض عيني وفتحها الاقي البيبي قدامي علشان يسليني والاقي حاجه اعملها في حياتي.

طبعا كل يوم خناق مع جوزي لدرجه اني بفكر اسافر لاهلي واولد هناك بس لسا دي افكار واهلي طبعا حابيين كده اوي.ربنا يستر.
انتي بتعملي ايه يا حبيبه لما تزهقي بتروحي فين بالمنصورة؟انا مش لاقيه مكان اروحو فيها؟ وجوزي طبعا في شغله على طول.

[GRADE="00008B FF0000 008000 4B0082"]جودي[/GRADE] ازيك يا عسل؟ قوليلي بردو بتعملي ايه لما تزهقي بتروحي فين بالمنصورة؟
روحتي رابحه ولا لسا؟
واخبار الحمل ايه والنونو عامل ايه ؟قالك ايه الدكتور طمنينا عليكي.
انا مستنيه معادي بفارغ الصبر يوم التلات الي جاي.

ازيك يا حبيبة ايه النور ده كله

والله الدكتور هو اللي قالي اروحله كل اسبوعين وانا بصراحة نفسي حتى يقولي تعالي كل يوم

لانى على طول بوسوس بحاجات وحشة الف بعد الشر عنه يا رب بس اعمل ايه غصب عني

يمكن لان ده اول حمل بعد فترة طويللة اوي من الجواز

وميرسي ليكي اوي يا حبوبة على المعلومات اللي جبتيها عن اللبس على الاقل انا كده هبقى عارفة لما انزل اروح فين بس المهم انزل لاني كسولة جدا بس شكلي هنزل النهاردة غصب عني كمان شوية كده لان الحكاية كده بوخت

متتاخريش علينا يا حبيبة وطمنينا عليكي على طول

العروسة الامورة ازيك يا عسل

انتى ازاي بتروحي لهشام كل شهر ده هو نظامه كل اسبوعين غريبة اوي

انا لسه مرحتش رابحة ولا اي حتة بس شكلي كده هنزل على الملكة على طول زي ما حبيبة عملت

وبالنسبة للاماكن كنت زمان بروح جاردينيو كافيه على البحر وفي كمان جرين كورنر

امم وممكن ساعات نادي الجزيرة بس ده طبعا لازم اشتراك وكده يعني

بس عموما انا بقيت مش بحب الخروج اوي ولو خرجت بتمشى انا وجوزي ونرجع تاني

والنت بصراحة بيقضى على اي وقت فراغ بس المهم لازم تحسني علاقتك مع جوزك وتطولي بالك شوية عشان خاطر البيبي على الاقل

حبـيـبـه;4500435:
ازيك يا توب عاملة ايه فينك من زمان وحشانا والله
ايه اخبارك انتي والنونو انتي بقيتي في الكام دلوقتي

.........

الله يهون عليكم

ويسهل ولادتكم

ويقر عينكم بجيتهم انشالله