حوامل مصر تعالوا نتكلم

طيب يا جودى هاتى لبس واسع وبرضه تقدرى تلبسيه لمده شهرين قدام

بس هو ده اول حمل ليكى انا اسمع ان اللبس يضيق فى الرابع والبطن تبان فى السادس

طبعا كات انا فاكراكى انت عاملة اية و مبروك على الحمل
انا يا ستى فى الشهر الخامس و الحمد لله

مرسى ليكى يا جودى قوى على كلامك و ربنا يهيئ لنا خير

انا لسة مشترتش اى حاجة للبيبى هنزل ان شاء الله على شهر 12 اشترى انا ولادتى تقريبا اخر اتنين او اول 3

انا فى الخامس و بطنى لسة مش قوى و مزدتش و لا جرام واحد

انا لسه فى الشهر التانى

طيب انتم اخبر الوحم اه انا الحموضه مضيايقنى جدا

المشكلة ان انا اصلا ليه بطن حتى من قبل الحمل

وانا كمان مليانة مش رفيعة وبعدين كانت جتلى فترة قبل الحمل خسيت بس رجعت تخنت تانى عشان كده اللبس بايظ

ان شاء الله يا كات الوحم يخف بالتدريج

بس انتى حاولي متكليش مرة واحدة كلي وجبات كتير صغيرة عشان المعدة متتمليش مرة وحدة

وعلى فكرة كترى من الزبادي بجد بتريح اوي

اية يا بنات انتم سكتوا لية

كات انت هتحسى بالحموضة دية لحد اخر التالت و الموضوع هيبتدى يقل تدريجى ان شاء الله

معلش يا بنات عندى شويه شغل شويه وهرجع ليكم

اوك ربنا معاكى فى الانتظار

جودى انت عاملة اية فى الوحم

ماهى و حبيبة و توب و مارى و سلفى و عروسة و كل البنات و فيكو انتو فين و حشتونى قوى

كل وحدة تقول لو جابت بنت هتسميها اية و لو جابت ولد هتسمية ايه

انا الحمدلله وحمى كان عبارة عن تعب وارهاق شديد جدا ونووووووووووم بطريقة غريبة

جوزى كان بيقولي ان حاسس انك بتبقى في غيبوبة مش نايمة !

بس الحمدلله بقيت احسن يمكن لاني قربت اخلص التالت بس اللي مخوفني ان كل شوية بينزل على افرازات لونها بنى فتح

وساعات بنى غامق مع انى بخد مثبت دوفاستون من اول الحمل


ربنا يستر ويكملي على خير ويكمل لنا كلنا يا رب

طبعا باين من اسمى ان عايزة اسمى جودي بس جوزي مش عاجبه الاسم ومش عارفة ليه مش بفكر اوي في اسامي ولاد

زي مكون حسه ان بطني فيها بنت .... الله اعلم

هو احنا امتى ممكن نعرف جنس البيبي ؟ في الاسبوع الكام يعني؟

انا لو جبت بنت هسميها جودى زى ما قولتلك لكن حماتى عايزة رولا و الموقف وحش قوى لانى مش بحب الاسم دة و هى متمسكة جدا موقف محرج هههههه
و لو ولد ان شاء الله علىَ و ليس على و انا بردو حاسة انها بنت
الجنس بيتعرف من نص الرابع بس الدكتور لسة مقليش على الجنس

كات انت لسة مخلصتيش شغل ربنا معاكى يلا علشان تقوليلنا الاسماء بتاعتك

بصراحة جودي احسن من رولا كتير

بس ربنا يجيبهم لنا بالسلامة

طيب انتى عاملة ايه في لبس الحمل يا سوسو يعنى بتلبسي ايه وبداتى تلبس لبس حمل من امتى

انتى عارفة مشكلتي ايه بتحرج اوي ان يبان لى بطن يمكن دي عقدة لاني اصلا لي كرش صغنن بس كان بيدارى في اللبس

سوسو هوانتى اسمك اه وانتى يا جودى

بصوا لو بنت ان شاء الله منه او ندى مع ان جوزى عايز يسمى وفاء او عائشه على اسم اخواته

لو ولد ان شاء الله معاذ او خالد او يوسف

طبعا لسه بدرى على القرار النهائى ده لسه افكار بس