حوامل مصر تعالوا نتكلم

قولوى صحيح يا بنات انتم زدتوا اقد اه لحد دلوقتى


كمان ناوين تنزلزا تشتروا لبس للبيى على امتى ومنين

انا كل الزيادة اللي زدتها حوالي كيلو الا ربع نفسي اعرف بطنى كبرت ليه بقى

وبالنسبة للبس البيبي بيتهيالي لسه بدري اوي يعني يمكن ان شاء الله بعد الخامس كدة

اكون حتى اتاكدت البيبي ولد ولا بنت

منين بقى انا من المنصورة ايامها بقى هبقى اسأل صاحباتي اللي حملوا قبل كده بس ربنا بس يكملها على خير

انا لحد دلوقتى مزدتش و لا اى حاجة
و لبس البيبى على اخر الخامس انزل اشترية ان شاءالله

كات انت ساكنة فين و اسمك الحقيقى اية
انا اسمى سناء

بنات المنصورة


متعرفوش الاقي بناطيل حمل فين

سوسو انا ساكنه فى مدينه نصر واسمى سلوى

ازيكم يا بنات جودي وسوسو وcat اخباركم ايه ؟ ايييه النشاط ده والحوارات الي فاتتني دي!

نفسي اتكلم معاكم والله اوي.انا مش عارفه مالي يا جماعه حالتي النفسيه وحشه اوي انا مببطلش عياط والله وجوزي بيشد بشعروا من النكد اي حاجه بتخليني اعيط.اعمل ايه بس!!!!!!

انا يا جودي بردو من المنصورة وعايزه اشتري هدوم للحمل مش عارفه منين؟ يا ريت لما تسالي صحباتك تقوليلي على لبس البيبي ولبس الحوامل بردو.

انت ساكنه فين في المنصورة يا جودي؟

انا في الشهر التاني والحمد لله وحمي مش متعب اوي هيه بس الحاله النفسيه وبتهيالي سببها بعد اهلي عني.
طمنيني عليكي يا جودي واكييد هشوفك عند هشام شعلان .

ازيك ياسوسو والله انت وحشاني بردو انت وكل البنات.

اسم جودي حلو اوي احلى بكتيييير من رولا واجدد وتحسي كده ان جودي بنت حلوه ودلوعه هاهاهاها

انا لو جتلي بنت حسميها (حنان) انشاء الله على اسم ماما علشان هيه مش عندي فعايزه افتكرها دايما ولما اشوف بنتي تهون عليه غربتي عن امي.

ولو ولد هسميه يوسف جوزي الي اختار الاسم لانه عاجبه وعجبني انا كمان بس المشكله ان حمايا العزيز عايز يسمي الولد على اسمه كمال والاسم مش عاجبني فا بردو الموقف محرج مش عارفيين هنعمل ايه

اما عن اللبس فا انا نفسي انزل اشتري من دلوقتي علشان اتسلى بس مش عارفة الاماكن.

ربنا معاكي يا سوسو وخلينا على اتصال دايما

هاي يا قطه ازيك؟ انا معاكي في التاني وبحس بردو بحموضه خصوصا بعد ما اكل فعلا لما باكل زبادي بتخف اوي جربي كده الزبادي وانشاء الله هتخف.

بالنسبه لزيادة الوزن انا بحس اني بتخن بسرعه والحكايه دي مخوفاني يعني انا في الشهر التاني وتخنت يجي 3 كيلو والاكل عادي مش باكل زياده اوي.

انت اخبار حملك ايه؟ بتاكلي كويس؟

منورة يا عروس

والله انا مش بفكر في لبس البيبي خالص دلوقتي انا كل اللي هاممني لبسي انا مش عارفة هاعمل ايه فيه

وبالنسبة للبس البيبي لبس الخروج اعرف بيانو بيانو اللي على البحر شيك اوي بس طبعا غالي

الغيارات الداخلية بقى ولبس البيت عندك المكباتي ده مشهور جدا في السكة الجديدة

بس انا غالبا هجيب الغيارات الداخلية ولبس البيت من محلات قريبة من بيتي انا ساكنة عند كلية اداب وفي هناك ادام

الكلية محلين كويسين واحد اسمه احمد بدوي والتاني اسمه اسواق رقية

وطبعا حاجة البيبي زي الكارى كوت والسرير واللوازم دي من عند بيانو بيانو

ولو عرفت حاجة تانية هاقولك

بس نفسي حد يقولي اجيب بنطايل وبلوزات حمل منين

انا عارفة ان الملكة فيها قسم للحوامل بس من زمان مشفتوش وكنت دايما بحسه عرة اوي

ربنا يسهل وحد يدلنا

على فكرة يا عروس الحالة النفسية الوحشة دي بسبب الحمل ده شىء وارد عشان تغير الهرمونات بس انتى حاولي على قد ما تقدري متستسلميش ليها

انتى بتروحي لهشام شعلان يوم ايه في الاسبوع؟

السلااااااااااااااااااااام عليكم
وحشتوني موووووووووووووووووووووووووووووووووووووووووووووووووووووت
ازيكو يا بنات اخباركو ايه بس انتو ما شاء الله عليكو الجزء اتقفل وفتحتو واحد جديد واتكلمتو فيه كل ده كمان
ماشاء الله عليكو
المهم
انتو عاملين ايه واخباركو ايه وكل سنة وانتو طيبين مع انها متاخرة شوية بس معلش ماكنتش بدخل في العيد خالص
جودي ازيك يا جميل اخبارك ايه
انا جيت ابعت لك رسالة خاصة فقال لي
((((((جودي قد قام بتعطيل خاصية الرسائل الخاصة . أو أنه غير مسموح له باستقبال رسائل خاصة , لذلك فنعتذر عن عدم تمكنك من مراسلته حالياً))))))))
مش فاهمة ليه
المهم
هقول لك على المحلات اللي عندها قسم حوامل
في سنتر الملكة في السكة الجديدة لو تعرفيه ادام التوحيد والنور وفيه كمان محلات في برج السوسن في ش البحر وعندك كمان السلام شوبنج سنتر في ش قناة السويس
كل دول عندهم قسم حوامل انا عن نفسي جبت من عند سنتر الملكة لان تقريبا ده اول سنتر فتح وكان عنده قسم حوامل فعنده حاجات كويسة وحلوة

وباقي البنات وحشتوني اوي اوي اوي كلكو وسامحوني اي مش هقدر اقرا اللي فات ده كله لانه كتير عليا اوي

منورة يا حبيبة ومتشكرة خالص على المعلومات دي

بس انتى رحتي الملكة قريب اصلي من زمان جدا مرحتش السكة الجديدة لان الحاجات الحلوة والشيك كلها بقت في محلات المشاية والبحر

متعرفيش محلات بتبيع لبس حوامل على المشاية ؟

انا فكرت اشتري بنطلون جينز حمل واشوف اي بلوزات او تونيكات واسعة عليه

ربنا يسهل

يا ريت نتواصل مع بعض على طول يا حبيبة اصل حسه انها حاجة حلوة اوي انك تكلمي حد معاكي في نفس المكان

:gum::sm229::sm229:السلام عليكم ...انا لسه عضوه جديده ...وعاجبنى قوى الرابطه دى ... انا حامل فى الشهر الثامن و ان شاء الله حجيب تؤام ..وفى منهم ولد والثانى مش باين بس غالبا ان شاء الله بنت ... فا اللى عندها اى فكره ممكن تساعدنى ياريت تقولى لانى حاسه انى محتاره وفى ورايا مليون حاجه ومش :gum:عارفه ابدا منين ؟؟؟؟

هاي يا جودي .انا بحاول والله مستسلمش بس مافيش فايده قاعدتي لوحدي بتزيد في حالتي.وطبعا جوزي مش قادر يستحمل.
انا رحت لبيانو بيانو لقيت عندو حاجات حلوه للبيبي وبالنسبه للبس الحوامل انا سالت النهاردة واحده قالتلي ممكن تلاقي عند رابحه بس انا لسه مشفتوش هروح اليومين دول اشوفو واقولك.
انا بس عايزه اهم حاجه الاقي بنطلونات حمل وممكن من فوق تونيكات واسعه وكده.

انا معادي عند هشام شعلان يوم التلات الجاي في 23/10 وانت بتروحي ايمته يا جودي؟

خسارة يا عروس انا بروح لهشام يوم الاحد كده بقى مش هنتقابل

على فكرة انا كمان عايزة البس بناطيل وفوقها تونيكات واسعة

بس حكاية رابحة دي كويسة يا ريت يكون عندهم حاجات حلوة

المهم حاولي على قد ما تقدري تهدي نفسك وفكري في حاجات تخليكي مبسوطة وربنا معاكي ان شاء الله

نيو مذر اهلا بيكي وربنا يقومك بالسلامة ان شاء الله

بس انتى يدوبك كده تجيبي حاجة البيبيهات لانك كمان شوية هتتقلي ومش هتقدري تخرجي

شكرا يا جودى ... انا فعلا ابتديت اجيب حاجات البيبيهات ..من الشهر اللى فات .. بس انا مركزه على الهدوم بس وماجبتش بقيت الحاجات التانيه...الفكره انى ممكن اولد فى اى وقت وده مخلينى مستعجله وعايزه اخلص كل حاجه مره واحده ... لوفى حدمن اسكندريه ياريت يقولى الاقى الحاجات التانيه فيين ؟

مساء الخير على كل الحوامل الحلوين مبروك على الجزء الثانى واهلا بكل الناس الجديدة جودى ونيو :flower:مذر انا كمان من اسكندرية وفى محل فى سموحة اسمة لفلى حتلقى كل حاجة انتى عوزها انشاءاللة وانتم فين يا بنات انا كل مدخل مش بيكون حد موجود وحمداللة على سلامتك يا حبيبة:flower: وحشتينا اوى ازيك يا سوسو:flower: عاملة اية انتى والنونو يارب يكون كويس ازيك يا ماهى:flower: انتى فين انا قلقانة عليكى اوى ياريت تتطمنينى وانتى يا ايمى:flower: عاملة اية يارب تكونى بخير وازيك يا شهيدة:flower: وعاملة اية فى الحمل يا عروس:flower: يارب تكونوا كلكم بخير ومكنش نسيت حد

:888345::888345::888345:

السلام عليكم

ازيكم يا بنات؟ بجد وحشتونييييييييييييي كولكم

معلش مش بقدر ادخل ولا اشارك لان التعب واخد مني كتير والقيء والقرف شغال على ودنه

دعواتكم ليا

واهلا وسهلا بالحوامل الجدد واللي انضموا لينا