] - إهداء خاص

ماشاء الله علييييييييييج فديييييييييتج والله ..

صج صج نصاااااااااايح من ذهب ياذهبه ..

الله يوفقج يااااااااارب وتحملين واتييبين احلىىىى بيبي ...

فديت اهل قطر اناااااااااااااااا :):)

أشكر مروركم على الموضوع و إضافتكم للردود ..

و اعتذر عن تأخيري في طرح جزء جديد .. لأني كنت مسافرة و أوعدكم بإذن الله إني راح أضيفه

اليوم ..

و حياكم الله :)

مساء الخير ..

نستكمل موضوعنا .. و فقراتنا اللي تجسد حياتنا في أول سنة زواج ..

حبيت أذكر إن الموضوع كله تقريبا عبارة عن مواقف تحصل بنسبة كبيرة لعرايسنا اللي يعيشون سنتهم الأولى ..

أنا شخصيا مريت بأشيا كثيرة .. حسيت نفسي مركب موجة ترفعني بتجي غيرها تنزلني .. و جذي .. في اشيا مع

الوقت بتتعدل و بتعرفين وين الصح و بتستمرين عليه .. و في أشيا ثانية يبي لها وقت يمكن تتغير و يمكن تطولين

معاها لحد ما تتأقلمين و يمكن ما تتغير فبتحاولين تتعايشين معاها .. و هالشي يخص الطبايع بدرجة كبيرة ..

ما راح أخليكم تنتظرون أكثر .. و تابعوا معاي الفقرة الجاية بس قبل لا تتابعوني .. احب انبهكم ان هالفقرة محتاجة

شوية تركييييز لأن راح ندخل في الجانب السيكولوجي أو النفسي ..





هااا ذهنج صافي ؟ قادرة تركزين عدل ؟



عيل توكلنا على الله ..




[[ سنة أولى زواج ]]



- ليش زوجي ما يفهمني ؟! -


انا وحدة أمثل كثير من المتزوجات اللي رددت هالسؤال بيني و بين نفسي .. لأن مرت علي مواقف حسستني إن ريلي

ما يفهمني .. و الغريب اني لما اذكر نفس الموقف حق صديقتي القاها فاهمتني .. و متحمسة معاي .. عكسه و على

أساس إنه مشاركني الحياة يعني المفروض يشوف للموضوع بنفس نظرتي له .. صح و لا لا .. هو لا ممكن يستفزني

برايه أو يفسر الموضوع بطريقة تفاجئني ..

زين ليش هالإختلاف بيني بينه ؟

طيب تعالوا نفسر اللي قاعد يصير .. عشان نوصل مع بعض لبر الأمان .. و نقدر نسجل هدف في مرمى الرجال :2_106: ..

التفسير : إحنا كبشر بإختلاف أجناسنا نشترك في إن عندنا مجموعة احتياجات نفسية و عاطفية محتاجة للإشباع ..

بس ممكن تختلف طريقة إشباع الإحتياجات من الرجل للمرأة .. يعني مثلا أنا أشبع احتياجاتي بطريقة تختلف عن زوجي

الإختلاف هذا ممكن يخلينا نجهل إحتياجاتنا الحقيقية ..

بإختصار إحنا مختلفين عن الرجال .. فلازم نعرف الإختلاف و نعرف الإحتياجات ..

7
7


مركزين معاي ؟!


مثل ماتعرفون إن إحنا ( رجال و نساء ) نتكون من مجموعة مشاعر و أحاسيس تأثر في تصرفاتنا فعلى أساسها يصدر

منا هالتصرف .. و هالأحاسيس كونت عندنا إحتياجات عاطفية .. الا إن إحتياجاتج كإمرأة تختلف عن إحتياجات الرجل ..

فجهلنا بإحتياجات الطرف الثاني خلانا مانعرف شلون نفهم بعض و وش هي الطريقة المناسبة عشان نخفف من سوء

التفاهم بالتالي تغيب عنا طرق المساعدة اللي مفروض نقدمها عشان نتجنب المشاكل ..



زين الحين نبي نعرف .. الخطأ و سوء الفهم لأي حد ممكن يوصلونا ..


أنا اقول لكم شيصير بإختصار .. كل طرف يحس انه ضحى و قدم و قدم بس عشان يسعد الطرف الثاني .. في المقابل

ما يلقى ثمرة هالتضحية .. ليش ؟ لأن كل واحد فيهم و بحسن نية قاعد يقدم الحب و الحنان لكن بطريقة خطأ يعني

ردة الفعل بتكون عكسية تماما .. انتي تقصدين المحبة و السعادة بس اللي بتلقينه التعاسة .. ممكن توصلين او يوصل

الطرف الثاني لمرحلة يحس فيها ان هالمضايقات متعمدة .. أدري إنكم تخربطتوا لكن باعطيكم مثال يوضح :


خلنا نقول ان الزوج قام بعمل قاصد فيه اسعاد زوجته .. هو هني ما يشبع لها احتياجاتها هي .. بالعكس

هو قاعد يقدم لها شي يحتاجه رجل ثاني .. يعني بالعربي ماينفع يعطيج غترة لأن الغترة يحتاجها رجل ثاني .. و نفس

الشي بالنسبة لج ما ينفع تعطينه مكياج لأن المكياج تحتاجه وحدة ثانية ..


حلو .. ليش عاد كل هذا يصير ؟ لسبب بسيط .. و هو : إني أنا أظن إن إحتياجات زوجي .. هي نفسها إحتياجاتي ..

و العكس ..


معاي على الخط ؟؟؟


بنجي الحين لتوضيح الإحتياجات الخاصة بالرجل و الإحتياجات الخاصة بالمرأة ..

1- إحتياجات الرجل :

أ . الثقة : الرجل يحتاج الى ثقة المرأة فيه .. محتاج لتقديرها لكل حاجة يسويها

لها و لبيته و لأسرته .. من حماية و غيرها ..

ب . القبول : خلكم مقتنعين دائما و أبدا و مؤمنين إن الكمال لله عز و جل .. و إن

ما في إنسان كامل .. و إن تقبلج لزوجج مثل ما هو ( حتى بعيوبه و أخطائه ) راح يكون دليل قوي على إقتناعج فيه ..

و انج واثقة انه قادر يصحح أخطائه من غير ما يلجأ لنصايحج .. صدقيني لو تقبلتي زوجج و اقتنعتي فيه و الأهم

حسستيه بهالشي .. بيكون سهل عليه إنه يسمعج و ياخذ برايج ..

أما لو كنتي ناقدة من الدرجة الأولى .. و ما شي يعجبج فيه ما راح تلقين اللي تبينه و لا تتوقعين انه راح يسمعج ..

ج . التقدير : خلج حافظة للجميل و قدري لزوجج كلامه و رايه و كل فعل سواه

لج و لبيته .. تقديرج هذا راح يسعده ..

د . الإعجاب : بداية نجاح الرجل في حياته العملية تبدا من استقراره داخل البيت ..

و إعجاب الزوجة بمواهبه و شخصيته و مقدرته و قوة عزيمته .. كوني معجبة له و اشبعي هالإحتياج له .. لأنه احتياج

قوي و مطلب أساسي ..

ه . التأييد : كل زوج يحب يكون الفارس المغوار و البطل اللي يلمع درعه قدام

زوجته .. و ان هو اللي تمنته كزوج .. هو بيلمس هالشي لما تأيدينه .. لكن حطي في بالج تأييدج لزوجج ما يعني

الموافقة الدائمة على كل شي بيسويه .. و بعد الموافقة ماتعني الموافقة على الفعل نفسه بقدر ما هي موافقة على

النية الطيبة اللي خلت الزوج يسوي الحاجة الفلانية ..

و . التشجيع : تشجيعج لزوجج و وقوفج معاه و الأخذ بيده حاجة طيبة كثير ..

تحسس الزوج بتفهمج له و انج حريصة على نجاحه اللي هو نجاحج انتي و لأسرتج ..




زين خلونا نتعرف الحين على إحتياجاتنا :


أ . الرعاية و الإهتمام : احنا محتاجين و على طول لرعاية الأزواج و إهتمامهم

فينا .. الشي اللي بيخلينا نحس ان لنا مكانة عالية عندهم .. و إن إحنا غير في حياتهم :21_207:

ب . التفهم : يعني نحس بتفهم الأزواج لنا و لطبيعتنا الأنثوية و التقلبات النفسية

اللي نمر فيها ..

ج . الإحترام : أكبر إحتياج و أهم واحد .. الزوج لما يحترم زوجته .. بيحسسها انها

شخصية مستقلة و جديرة بالإحترام و الدليل على إحترام الزوج هو انه يسمع لكلامها ياخذ برايها ... الخ ..

د. التكريس : يعني انتي كزوجة لما تشوفين إهتمام الزوج فيج و انه مسلم لج

حياته و انج من أولوياته .. هالشي راح يخليج تعطين كل اللي عندج و تقدرين له كل حاجة يسويها .. تشجعينه و

تعتزين و بيخليج تقدمين حياتج له ..

ه. إعطاءها الأحقية : الاحتياج هذا يعني ان يكون لج حقج في انج تعصبين ..

تتشكين .. تعبرين عن استيائج .. تجادلين .. من غير ما يتطنز أو يستهزأ ..

و . التأكيد المستمر : إحنا محتاجين على طول لأزواجنا يأكدون لنا ان إحنا لين

الحين متربعين على عرش قلوبهم ..

و مهما مرت السنين نحتاج و بشدة لهالتأكيد .. إن مكانتنا عندهم ما تغيرت الا زادت .. هذا اللي احنا محتاجينه كـ رد

لما نسألهم بعد عشرة عمر عن مشاعرهم صوبنا شلون بعد كل هالسنين ( إن شاء الله ) ..


.
.
.

[[ سنة أولى زواج ]]



فقرتنا الجاية : يا ربي ! من أقدر أستشير في هالحالة !!!..

للاسف انا اشوف الكلام في هالمواضيع ماينفع مع زوجي حاولت وصبرت لكن للاسف ما ينفع الله يوفقكم

أخيراً..

الله يسعدك دوحانية ..


متااااااااااااااااااابعة للنهاية :)

أختي أم شامة

الكلام اللي في المواضيع مادري ليش أحسه فطري بس إحنا جاهلينه .. لكن لو طبقتي صح إن شاء الله النتايج بتكون

مرضية .. و بعد لو طبقتي كل حاجة و ما انفعت مثل ما تقولين لا تغفلين عن قيام الليل و الدعاء و الإستغفار .. و أهم

شي تحلي بالصبر .. والله يعينج ..

..

صعود

اي أخيرا ههه

هلا فيج ..




:)


- اسمحوا لي أخواتي إذا تأخرت في طرح الأجزاء بسبب انشغالي و إن شاء الله راح أعوضكم بفقرات

أكثر -

دعواتكم بالتيسير ..

بارك الله فيك يالغلا

ولاتحرمينا جديدك المميز

مشكووووووووووووووووووووووووووووووورة

صج و أخيرا .. مشكوره فديت قلبج و يزاج الله الف خير .. موضوع يجنن و فقرات رائعه جعلها في ميزان حسناتج ..

و ربي يوفقج ان شاء الله و يسر لج امرج ..

أخذي راحتج حبيبتي ,...

[[ سنة أولى زواج ]]

- يا ربي ! من أقدر أستشير في هالحالة !!!.. -

تابعوا معاي هالسيناريو البسيط ..

اتصل عبدالله على نورة يبلغها انه عند باب بيت أهلها و ينتظرها تطلع له على أساس انهم متفقين على الوقت ..

بس هي تأخرت عليه نص ساعة تقريبا ..

لما جات ركبت و هي تضحك .. سلمت عليه ما رد عليها .. التفتت عليه و قالت : أنا قلت السلام عليكم ؟

عبدالله رد عليها : و أنا أقول ليش تأخرتي ؟؟

هني بلعت ريقها و بدا قلبها يدق بسرعة .. إحساسها يقول لها انها داخلة في في موقف جديد ما جربته من قبل ..

و قالت له : كنت ألبس عبايتي و أجمع أغراضي و أسلم على اهلي .. أنا آسفة إذا ضايقتك ..

هو رد بعصبية : نص ساعة تلبسين عبايتج و تسلمين على أهلج ؟؟؟ يعني ماتدرين بالوقت اللي اتفقنا عليه ؟؟

ماتعرفين ان في سواق غبي ينتظر صاحبة الجلالة تطلع !!! تخليني انقع في الحر الناس تمر علي تطالعني .. و على

فكرة هذي مب أول مرة .. نبهتج من قبل لكن ما في فايدة ..

و ساق السيارة و هو معصب و منفجر مثل البركان .. و هي تبكي قالت : قلت لك آسفة آسفة ما راح أكررها مرة ثانية !

هو : آسفة هه ما قلتيها من قبل ؟ شاللي تغير ..

و استمر هالنقاش الحاد لحد ماوصلوا البيت .. هو نام و هو ساكت .. أما هي تمت تفكر : صح انا غلطت .. كنت ادري انه

بيجي لكن سوالف هيا مرت أخوي كانت حلوة خلتني غصب اقعد زيادة .. بس بعد الموضوع ما يستاهل انه يعصب

بهالطريقة !!! و كأني غلطت غلطة كبيرة !!! هذا و انا ما مر على زواجي غير شهرين .. بس هذا حظي زوج عصبي

و لسانه طويل .. و عقب خنقتها العبرة و بكت ..

بعدها تمت تطالع الصالة و شافت باقة الورد اللي عطاها اياها " و يقول انه رقيق ؟؟ " لكن شلون راح اتصرف

بكرة ؟؟

أروح بيت هلي عشان يعرف من بنته انا ؟

و لا أجهز له الفطور و احتسب أجري ؟

و في من راح اتصل و من أستشير ؟؟ أمي , صديقتي ؟ و لا من ..




من راح تشاورين اذا صار لج موقف مشابه ؟

1. الأم : بس تأكدي انها من النوع المحايد .. حكيمة .. عندها بعد نظر .. لأن أمهات كثير تغلبهم عاطفة الحزن على

بناتهم .. ويمكن تطلب منها تترك بيتها و تجي بيت اهلها اللي بيضمها مثل ما ضمها قبل .. و اذا كانت عصبية ممكن

تتصل عليه و تهزأه بسببج ..

شخصيا ما أحب هالنوع من الاستشارة .. حتى لو كانت الام حكيمة .. لأن شي طبيعي عاطفتها كأم راح تأثر في

نصيحتها لج .. و ممكن يترك هالموقف أثر ما ينمحي في قلبها حتى بعد ما ترجعين له و زاد حبج له .. إضافة الى

ان هالموقف راح يزيد من همومها .. و اشوفها مب عدلة في حقها تزيدين همومها هم ..

2. أختج الكبيرة : يمكن تكون اكثر وحدة تشاورينها لكن بشرط لازم تكون حكيمة و واسعة افق .. و كاتمة لسرج ..

لأنها هي اقرب وحدة و اكثر وحدة عارفة الظروف المحيطة فيج .. و عارفة زوجج و طبايعه و اهله و حالته المادية ..

فحكمها راح يكون اقرب للحكمة وواقعي بس بشرط مثل ماذكرت لازم تتصف بالمواصفات ..

3. الصديقة : طبعا اذا ماعندج اخت كبيرة ( زي حلاتي ) مافي مانع تشاورين صديقتج لكن خلي اختيارج لها بناء على

عقلها و خبرتها مب لأنها قريبة وايد منج ..

4. مستشار عائلي أو جاتماعي : طبعا هو راح ينظر للموضوع من زوايا ثانية .. غير انه بيكون متخصص و عارف ..

ممكن تلجأين له .. لكن لازم يكون متدين عارف الاحكام الشرعية عشان نصيحته تنفعج بإذن الله ..

5. القريبة : ما انصحج تفتحين قلبج و تتكلمين عن مشكلتج مع اي وحدة من قريباتج ..لأنج ما راح تقدرين

تقولين كل التفاصيل لحساسيتها بالتالي حكمها راح يكون ناقص .. الا اذا كنتي تعرفين انها

انسانة فيها خير و خايفة ربها و ما راح تتكلم بسالفتج او تطلع سرج برى .. هني ممكن تلجأين لها ..

^^^

جزاج الله خير ... و رزقج كل ما تمنينه ... >> على فكره كل ما قره ردودج يأذن و يعني لين مايجي وقت الرد يكون بين الاذان و الاقامه فأدعيلج و ان شاء الله رب العالمين يستجيب ..

جزاج الله كل خير اختي الغاليه

والله يعطيج العافيه عالمجهوود المبذووول والرااائع

وفعلا كلامج يساعد الكثير من البنات اللي في سنتهم الاولى

وعسا الله يوفقج ويهنيج ويرزقج بالذريه الصالحه يااارب

وننتظر كل جديدج

دوحانية صراحة كلامج روعه ...
واتمنى البنات يستفيدون منة ويطبقونة لانها كلها اشياء راح اتقربج من اهل زوجج ومن هلج ومن اهم واحد في السالفة كلها زوجج....
تسلمين والله يوفقج ...وينولج اللي في بالج ....

عساااج على القوه ومبرووك ع الاشراف ..

جزاك الله خيرا ووفقك الله

واااااااو... كلامج روعه.. هادي ويدش القلب بسرعه وعين العقل.. .
الله يعطيج العافيه ويوفقج يالغاليه

بارك الله فيكم ..

تسلموون على المرور و الردود المفرحة

لا تقطعونا :)

.
.
.

ما شاء الله موضوووووووع راااااااائع الصراااحه
وودنه انه ما يخلص
سلمت انااملج وعسااج على القوووه

[[ سنة أولى زواج ]]

- لا تتسرعين .. ترى زوجج ما في منه -

سيناريو تكرر و راح يتكرر .. تابعوه معاي ..

طقت مها باب بيت أهلها و هي ترتجف من العصبية .. و من تبطل الباب سيدة لحضن أمها و تمت تصيح و تصيح .. و أمها

تذكر الله و تسمي .. و البنت تنتحب ..

(( مابيه خلاص .. فكوني منه .. مااقدر أعيش معاه .. شهالحياة التعيسة !! صديقاتي المتزوجات و قريباتي فرحانين

بحياتهم و مرتاحين مع ازواجهم و مستانسين .. كل يوم طلعة و تمشية و روحة و جية .. اما أنا مسكينة مرة في الاسبوع

أجيكم .. و هذي بس تمشيتي ما في غيرها !!! ما أتحمل هالعيشة ))

خلتها أمها تفرغ اللي في قلبها و تهدا .. و عقب سألتها :

أنتي مسكينة ؟ بس لأنج ماتروحين مطاعم و لا تطلعين تتمشين ؟

ردت : اي ..

قاطعتها : نسيتي أسما بنت الجيران و صديقتج في المدرسة اللي مازور أهلها الا في الشهر مرة ..

قاطعتها مها .. بس يا يمه ؟؟ ردت الأم : بس شنو ؟ نسيتي الدلال اللي كانت عايشة فيه .. و الرفاهية اللي تتمتع بها ؟؟

الحين هي مسؤولة عن 3 أطفال .. هذا غير الشيبة المشلول و العيوز اللي ترعاهم وقايمة بهم .. فوق هذا كله ماعندها

خدامة تساعدها ..

و خلود بنت عمج .. نسيتي حالها مع زوجها العصبي اللي نكد عيشتها و سرق ضحكتها ..

يا حبيبتي انتي في نعمة احمدي ربج عليها و احفظيها من الزوال .. وشوفي احوال غيرج قبل لا تشتكين من حالتج ..

و افرحي بباقي حياتج .. فاذا كان ما يطلعج تتمشون .. تراه مب مقصر معاج يصرف عليج و يقعد معاج في البيت و

يوديج السوق متى ما تبين ..

.
.
.


هالسيناريو يذكرنا في أنفسنا و بطبيعتنا كحريم .. دايما ما يعجبنا اللي عندنا .. و تركيزنا كله على السلبيات ..

فلانة عندها زوج من اروع مايكون .. حنون و طيب و ما يبخل عليها بشي .. لكنها ما تذكر الا انه عصبي و معقد و غيرها

من الصفات السلبية اللي ماتظهر الا في مواقف معينة .. غير انها تقارن بينها و بين ازواج خواتها و ازواج صديقاتها ..

.
.

إحنا ما نبي حريم من هالنوع .. و انتبهي من المقارنة .. اذا كنتي تتمنين زوج مثل زوج اختج أو زوج صديقتج .. و جاج

زوجج اللي يختلف عنهم .. لا تحاولين تغيرينه و تخلينه نسخة من فلان .. بالعكس تذكري دايما و قولي في نفسج ..

انا ريلي سوا لي الشغلة الفلانية و هالشغلة ما استوت حق اختي اللي متزوجة من سنين .. انا ما كملت سنة و أكثر

من مرة سافرت وياه .. و هالشي ما صار حق صديقتي مثلا .. و هكذا ..

دائما فكري في الحاجات الحلوة اللي عندج و مب موجودة عند غيرج .. و كوني على ثقة بإن زوجج ما يشبه فلان و لا

راح يكون مثله .. بالعكس هو أحسن هو الأروع .. يمكن زوج فلانة اللي سوى لها هالحاجة البسيطة يكون في المقابل

عصبي و ما ينشاهد .. قيسيها هالشكل .. و احمدي ربج على النعمة اللي انتي فيها .. و اقنعي نفسج لو ما كانت

مقتنعة و راضية .. وشوفي شلون بتكون حياتج حلوة و انتي مرتاحة فيها .. و شلون نظرتج لريلج راح تتغير للأحسن ..

و بتعرفين انه صج مختلف ..

ملحوظة صغيرونة : الفقرة اللي بهاللون إضافة مني ( =



[[ سنة أولى زواج ]]




فقرتنا القادمة : مهارات عاطفية << أكيد محتاجينها :)

o0oريانهo0o;4375236:
ما شاء الله موضوووووووع راااااااائع الصراااحه
وودنه انه ما يخلص
سلمت انااملج وعسااج على القوووه

هلا فيج ..

و أنا بعد ودي ما يخلص لكن شنسوي :)

حياج الله .. لا تحرمينا من متابعتج ..