] - إهداء خاص

مرام_QaTaR;4197517:
والله متابعه للموضووع جني الا عرروس وان شاء الله نستفيد فـ المدى البعيد خخخخخ

الله يحفظج يالغاليه ويهنيج فـ حياتج ويرزقج اللي فـ بالج كله والله انج تستاهلين كل خير

حي ذا الشوف ..

تو ما زاد نور الموضوع بشوفة الغاليين ..

آآمين .. و يجزيج كل خير ..

- اي تعلموا من أخطائنا .. و استفيدوا .. عشان تصيرون أحسن منا -

الله ييسر لج الخير و يرزقج الزوج الصالح ..

تشرفني متابعتج ..

-%-سحابة حب-%-;4197800:
بصرااااااااحه
ماعندي شي اقولج
لا كلمة شكراً ولا يعطيج العافيه
ولا ولا ولا كلمه بتوفيج حقج ..

تكفيني متابعتج (f)

نونو القطريه;4198449:
ماشاء الله عليج يا دحدووحتي

والله اني سعيده فيج وفي كلامج

وخصوصا عن موضوع السكن مع اهل الزووج

في نقاااط واايد اعجبتني ولازم زوجي يشووفها ,, لان مفيد للزوج

بخصوص تعامله معاي جدام اهله

حبيبتي اخذي راحتج في كتابة هالموضوع احنا بنتابعج
لاخر مدى

اهم شي احنا نقدر ظروووفج يالغاليه

ومانبي نجبرج على السرعه

وننتظر كل جديدج يا اختي الغاليه

وعسى ربي يوفقج ويسعدج ويثبتج يااارب ويرزقج بالذريه الصالحه

وفديتج يا بنت بلادي

صج الموضوع مفيد بكلم ربعي عن هالموضوع خل يقروونه ويتعلمون منه ابرك لهم

الله يسلمج يا نونو ..

تسلمين على كل إضافة ..

وصلي لزوجج النقاط اللي انذكرت بس بطريقتج يا حلوة ^_*

لا تطبعين له الموضوع .. لالالا خخخخخ

وجدان الشوق;4198901:
دوحانيه
اختناا الكبيره بعقلها والصغنونه بسنهااااا

فديتتج وفديت كلامج

والله احس اني من بديت اطبق كلامكم ومناقشاتناا
بديت استفيد وايد فحياتيييي
صج الوحده فبدايه حياتهااا اول ماتنخطب تفكر حياة الزواج والخطوبه شي كله وناسه وطلعات وحركات وررومنسيه
ماتفكرر بالمسؤوليه والواقع
وشوي
شوي
تبتدي تعرف انه الزواج شي كبير محتاج عقل يكبر وياه
وانا بصراحه اااااستفدت منكم وايد فطريقة تعاملي ويا زوجي
وطريقه تفكيري فحياتي
والحين فالحياه المستقبليه
خصوصا فقرة التعامل ويا اهل الزوج

انتي كتبتي هالنقطه
يبين جدامهم حبه لج .. ممكن يكون هو طاير فيج و يحبج من كل قلبه .. و من زود وناسته يبين هالحب جدام هله

و خاصة أمه .. هنا اطلبي منه ما يظهر هالشي جدامهم لأن ماتدرين ساعات الأم تغار على ولدها و تظن ان زوجته

خذت مكانها و انتي ماتبين مشاكل ..
مدري انا فالبدايه احسب انه اذا الريال بين حق هله حبه لزوجته راح يحبونهاا هي من حب ولدهم
وغفلت عن سالفه انه ممكن توصل مرحلة الغيره !
بس اكيد بدون قصد
خصوصا لو كانت علاقة بامه وخواته وايد ولو كان هو البجر او هو المسؤول عنهم !

نبهتيني لهالنقطه وايد
انا قبل استانس لو ريلي بين حق هله شكثر يحبني او شي من هالقبيل


وأشدد على نقطه الاحترام
اذا احترمج هو جدامهم هم راح يحترمونج من جدامج ووراج


ننتظر البااااااااااااااااقي


كل جزأيه اهم من الثانيه


مشكوره دوحانيه
ربي يسعدج وهنيج ويرزقج باللي تبينه

هلا وج وج ..

كنت أسأل عنج أمس :)

شوفي الغالية .. أولا حبهم لج نابع من ذاتهم ما له دخل اذا ولدهم يحبج و لا لا .. لأن أكيد مرت عليج سالفة ان

واااحد بيطلق مرته بغض النظر عن الاسباب .. لكن هله متمسكين فيها لأنهم يحبونها أو لأنهم ما شافوا منها الا كل خير ..

معناته ان ماله خص .. أو مثل ما قلتي بيحبونج لأنج مرت ولدهم ..

و ترى حلو لو بين حق هله شكثر هو يحبج .. ما قلت لا يبين بالمرة .. لا بالعكس خله يبين لهم لكن ما يبالغ ..

خاصة جدام أمه .. لأن ساعات الامهات يغارون من حريم عيالهم خاصة لو كان لهالولد مكانة غير .. هو البجر أو لأي

شي ثاني .. و انتبهي هي غيرة مب حسد .. أحيانا في أمهات يبينون غيرتهم و في أمهات مايظهرونها .. ماتدرين

شلون يفكرون .. بس اكيد مب قايلة هذي خذت ولدي و الحين يحبها و بينساني أو هي بتاخذ مكانتي .. و أحيانا

ترى الأهل ما ينلامون .. تلقينهم يقولون خواته و لا امه : هي شسوت عشان يحبها هالكثر ..

و على فكرة .. و هالشي لاحظته مع أهل ريلي .. اكتشفت انهم يقرون ويه ريلي ههههههه .. و يعرفون اذا هو مستانس

و مرتاح في حياته .. و لا لا .. و نفس الشي معاي يلاحظوني و يعرفون لي من غير ما أتكلم ..

يعني حبه لج راح يبين لهم .. و هو راح يبينه بتصرفاته مب بكلامه .. لأن أكيد بتروحين لهم معاه بتقعدين جنبه بيضحك

معاج و بيتغشمر .. ممكن يسوي له حركة بسيطة " شوفوا شلون احب مرتي .. شوفوا شاسوي لها " .. و كله لا

شعوريا ..

- تدرين انا مستانسة لأنج طبقتي اشيا وايد من الحين -

الله يسعدج :)

الصراحه ماقصرتي وربي يعطيج الصحه والعافيه وعساج سالمه
الله يسخر لج زوجج ويرزقج الذريه الصالحه وتفرحين اهلج وحبايبج

جزاج الله خير دوحانيه

ساكنه مع اهل ريلي ... واللي في البيت كلهم شباب ...

والخدامه هي اللي تطبخ ....

وانا حابه ادخل اسوي لريلي اكلات ..بس ما اخذ راحتي وهو يعرف هالشي وما يغصبني ولا يقولي دخلي
بس اعرف انه يحب ادخل .. والمشكله ما اقدؤ اسوي شي له بس... لازم اسوي للبيت كله

صاري 5 شهور ومرتين دخلت المطيخ بس :)

ما قصرتوا ع المتابعة :)

وهج ..

مادري شاقول لج .. بس تدرين انا ما احب سالفة اني اطبخ للبيت كله ..
حلو أميز ريلي أو اغير له الأكل اللي ياكله .. اسوي له شي جديد ..
بس دامه حاس فيج .. عيل لا تسوين أو لا تتعبين عمرج واايد ..
إن شاء الله لا سكنتي في بيتج بروحج .. تفنني له :)

الله يوفقج

[[ سنة أولى زواج ]]


موضوعنا اليوم مهم جدا .. موضوعنا عبارة عن غلطة كثير من العرايس طاحوا فيها .. من غير ما يقصدون ..


- هدية زوجي لي في ليلة زواجي -



الفقرة هذي رجعتني لكم سنة ورا لما كنت في الجامعة .. و بالضبط في مواقف الجامعة انتظر السيارة ..

الا وراي بنتين ( وحدة توها راجعة من بعد إجازة الزواج و الثانية ما تزوجت لحد الحين ) المهم العروس الجديدة هذي

قعدت تتكلم مع صديقتها عن كل شي .. هذي تسأل و الثانية ترد عليها .. كل شي يعني كل شي ..

انا مب قصدي اسمعهم .. لكن أصواتهم كانت عالية يعني غصب علي .. بصراحة انصدمت واايد ..

أنتي عروس و تبين تتكلمين و توصفين حياتج الجديدة .. عن بيتج / غرفتج / الهدايا اللي جاتج / عرسج / فستانج /

شعرج / مكياجج / راي زوجج في مكياجج .. شقال لج ما قال لج .. حتى ادق التفاصيل .. صديقاتج يسألونج و انتي

تردين و تستانسين على ردود افعالهم لأنهم منبهرين .. و سؤال ورا سؤال لين ماتوصلين لأدق التفاصيل " في غرفة

النوم " !!!!

و هذا اللي قاعد يصير مع عرايس وااااايد ..

فيا حبيبة .. عشان ماتغلطين هالغلطة .. فكري شوي ..

كم وحدة من صديقاتج جاتج و قالت لج كل شي صار معاها ؟؟؟؟

كم وحدة قالت لج ادق التفاصيل ؟؟

يمكن جوابج يكون و لا وحدة .. او مادري ..

يا عزيزتي .. حياتج الزوجية و كل شي يتعلق فيها ( اهل زوجج / زوجج نفسه و شخصيته / بيتج / هو شنو يحب

شنو اللي ما يحب ... الخ كلها أمور شخصية ماتنذكر لحد .. أمور شخصية تخصج بروحج و تخص ريلج من بعدج ..

فلا تقلبين حياتج لسجل مكشوف للجميع .. بينما انتي ماتعرفين شي عن أي وحدة متزوجة حولج ..

لا تكونين طيبة زيادة عن اللزوم .. أخبارج هذي لو طلعتيها يا إما بتكون سالفة يسولفون فيها البنات .. أو غيره أو

حتى للحسد ..!!

فانتبهي عزيزتي و تذكري إن " البيوت أسرار " :)


[[ سنة أولى زواج ]]



- تحبينه ؟! -


حلو انج تحبين زوجج .. و الأحلى انج تسمعينه كلام حلو و تهمسين في اذنه .. و تعبرين عن هالحب ..

و أحلى حب هو لما تربطين قلب زوجج بالآخرة .. اغرسي في نفسه حب الله .. ساعديه على فعل الخير .. نسمع وايد

عند بعض الحريم وحبهم لأزواجهم و تعظيم هالحب .. بس لو جينا للواقع بنلقاه حب دنيوي .. ليش ؟

هي تحبه .. بس هو ما يحافظ على الصلاة حتى الجمعة !! ..

هي تحبه .. بس ما تقومه لصلاة الفجر .. مسكينة ماتبي تقعده من عز النوم !! ..

هي تحبه و تخاف عليه .. بس هو يدخن !!

هي تحبه و تخاف عليه .. بس هو يكذب و يغتاب و نمام ..

هي تعرف و تدري بذي كله .. بس ماتبي تزعجه بكثر النصايح !!! و الله الهادي !!!

مثل هالزوجة .. أنانية .. و مشاعرها مبهمة .. لأنها حبها لزوجها هو حب لذاته .. و لدنيتها ..

لو فعلا تخاف عليه و تحبه صج .. كان خافت عليه من حساب يوم القيامة .. من ضمة القبر ..

خلي حبج لزوجج يكون أسمى من الدنيا و أرفع منها :)




[[ سنة أولى زواج ]]



- تعرفين تكوين الغترة ؟؟! -

8
8
8

فقرتنا الجاية بإذن الله :)

يزاج الله الف خير اختي

مشكوووره .. انا معاج ف هالنقطه
وايد بنات يقولون حق ربعهم تفاصيل حياتهم كلها
حتى سوالف ""غرفة النوم"" .. انا اشوف هاي
مصيبه اذا بقعد اسولف مع رفيجتي عن كل اللي
يصير بيني وبين ريلي ...


خخخخخ الفقره الجايه
>>> انا ماجربت اكوي

والله يجزيج بمثله اختي اماراتية و نعم .. :)

و حياج الله ..

..

سح سح

^_^ بس الكواي ؟؟

تابعي الفقرة الجاية بس مب الحين .. عقب مااقوم من النوم إن شاء الله ..

الف شكر ع المتابعة ..

العفو حبوبه ..
تصبحين على خير ..

جزاج الله كل خير اختي دحدوووحتي

وماقصرتي بصراحه على كلامج الرائع

في بنات يسولفون مع الكل عن اساراهم ,, وفي بنات بس مع اقرب اقرب قريبه لها وعلى قلبها

يمكن ماتتكلم عن التفاصيل بس تتكلم عن شي مب عارفته يعني يعلمون بعض

ويفهمون بعض ,, وينصحون بعض عالخير ومب عالشر ,,

يعني مثال لو وحده تزاعلت مع زوجها ,, وماتعرف اشلون تحل مشكلتها ؟؟؟

ماتقدر تصارح ابوها ولا امها ولا اختها ولا اخوها ولا حد من الناس .. اعتقد بهالطريقه تلجأ لاقرب انسانه تثق فيها

كل الثقه ,, وتقول لها والثانيه انسانه عاقله وتعطيها النصايح الصحيحه اللي تجمعهم مب تفرقهم

في هالحاله يصير او لاء ؟؟؟

يعني اقصد يصير انها تصارح رفيجتها اللي هي قرررريبه واااايد منها ؟؟ مثل مايقولون كاتمة اسرارها ؟

بس ماقصد انها تصارحها بالتفصيل الممل لا اقصد بالاشياء السطحيه مثلا متضايقه يفضفضون لبعض
واذا صار شي بينها وبين زوجها ومب عارفه تحل مشكلتها .. تلجأ اليها ويحلونه مع بعض بطريقه صلح وحب وموده

في هالشي يصير او مايصير ؟؟

حبيت استشيرج في هالنقطه بس

جزاج الله كل خير اختي دحدوووحتي

وماقصرتي بصراحه على كلامج الرائع

في بنات يسولفون مع الكل عن اساراهم ,, وفي بنات بس مع اقرب اقرب قريبه لها وعلى قلبها

يمكن ماتتكلم عن التفاصيل بس تتكلم عن شي مب عارفته يعني يعلمون بعض

ويفهمون بعض ,, وينصحون بعض عالخير ومب عالشر ,, :gum:

يعني مثال لو وحده تزاعلت مع زوجها ,, وماتعرف اشلون تحل مشكلتها ؟؟؟

ماتقدر تصارح ابوها ولا امها ولا اختها ولا اخوها ولا حد من الناس .. اعتقد بهالطريقه تلجأ لاقرب انسانه تثق فيها

كل الثقه ,, وتقول لها والثانيه انسانه عاقله وتعطيها النصايح الصحيحه اللي تجمعهم مب تفرقهم

في هالحاله يصير او لاء ؟؟؟ :flower:

يعني اقصد يصير انها تصارح رفيجتها اللي هي قرررريبه واااايد منها ؟؟ مثل مايقولون كاتمة اسرارها ؟

بس ماقصد انها تصارحها بالتفصيل الممل لا اقصد بالاشياء السطحيه مثلا متضايقه يفضفضون لبعض
واذا صار شي بينها وبين زوجها ومب عارفه تحل مشكلتها .. تلجأ اليها ويحلونه مع بعض بطريقه صلح وحب وموده

في هالشي يصير او مايصير ؟؟

حبيت استشيرج في هالنقطه بس

[GRADE="8B0000 FF0000 FF7F50"]يعطيج الف الف الف عاافية وماقصرتي وجعله الله في ميزان حسناتج يوم القيامة
والله مااعرف شنو اقول
كلامج دررر تبارك الرحمن
الله يعطيج على قد نيتج ويرزقج الذريةالصالحة
ويسعدج دووم مع زوجج وهله وفي كامل حياتج
ويجعلج قرة عينه وقلبه ويجعله قرة عينج وقلبج
والله يسخركم لبعض يااارب
ويااارب يجي العيد ويكون عيدين بالنسبة لج وهو انج تجين وتبشرينا بخبر حمالج انتي وكل اللي يبون يحملون يااااااااااااااااااااااااااااااااااااااااااااارب

تسلمين فديتج والله يحرسج ويبعد عنج كل شر يارب[/GRADE]

:9_33:

يعطيج العافية حبيبتي وتسلمين عالموضوع الروعة عن نفسي وايد استفدت وتنبهت حق اشياء وايد كنت غافلة عنها واكيد بتفيدني في حياتي الزوجية ان شاءالله ربي يسعدج ويوفقج

ربي يجزاج الخير و في انتظار الفقره الجايه بأحر من الجمر..

دوحانيه.... تدرين كل الانظار تكون عليج

واذا سويت شي... ام ريلي تروح عند اهلها وتمدحني هي سوت كذا وكذا

احس الكل ينظر لي ... وهي حابه اكون احسن وحده فيهم

ما اعرف شتسوي

تسلمين دوحانيه....


عساه في ميزان حسناتج...

ننتظرج الغاليه.. ونوم العوافي...

نونو القطريه;4205775:
جزاج الله كل خير اختي دحدوووحتي

وماقصرتي بصراحه على كلامج الرائع

في بنات يسولفون مع الكل عن اساراهم ,, وفي بنات بس مع اقرب اقرب قريبه لها وعلى قلبها

يمكن ماتتكلم عن التفاصيل بس تتكلم عن شي مب عارفته يعني يعلمون بعض

ويفهمون بعض ,, وينصحون بعض عالخير ومب عالشر ,, :gum:

يعني مثال لو وحده تزاعلت مع زوجها ,, وماتعرف اشلون تحل مشكلتها ؟؟؟

ماتقدر تصارح ابوها ولا امها ولا اختها ولا اخوها ولا حد من الناس .. اعتقد بهالطريقه تلجأ لاقرب انسانه تثق فيها

كل الثقه ,, وتقول لها والثانيه انسانه عاقله وتعطيها النصايح الصحيحه اللي تجمعهم مب تفرقهم

في هالحاله يصير او لاء ؟؟؟ :flower:

يعني اقصد يصير انها تصارح رفيجتها اللي هي قرررريبه واااايد منها ؟؟ مثل مايقولون كاتمة اسرارها ؟

بس ماقصد انها تصارحها بالتفصيل الممل لا اقصد بالاشياء السطحيه مثلا متضايقه يفضفضون لبعض
واذا صار شي بينها وبين زوجها ومب عارفه تحل مشكلتها .. تلجأ اليها ويحلونه مع بعض بطريقه صلح وحب وموده

في هالشي يصير او مايصير ؟؟

حبيت استشيرج في هالنقطه بس

هلا فيج نونو ..

بالنسبة لسؤالج .. انا وحدة ماافضفض الا حق رفيجتي اللي كلووووز معاها .. و هي متزوجة بعد .. و ساعات أستشيرها

و على فكرة هي مب غريبة ( أخت ريلي :) ) و معرفة سنين .. و هذي حالة خاصة ..

لكني بصراحة افضل مااقول حق حد عن أي شي .. أحاول أحل مشكلتي بنفسي .. حليتها خير و بركة .. ماحليتها

ماعليه اليوم باغلط و بكرة باتعلم .. مرة عن مرة بتصيرين خبيرة و ماتحتاجين لحد يدليج شتسوين .. لأنج بتكونين

عارفة الوضع كله و عارفة ريلج عددددل ..

رفيجتج هذي .. اذا كانت متزوجة و عاقلة ما في مشاكل إن شاء الله لكن السوالف معاها بحدود .. لكن خليها آآآآخر

شي تلجأين له .. لأن حياتج غير عن حياتها يمكن اللي ينفع معاها ما ينفع معاج ..في البداية حاولي توصلين لحل

و اعرفي السبب .. لا تنسين الدعاء .. و آخر شي الجأي لها .. و لا تنسين ترى مهما كان حكمها فهي تسمع لطرف

واحد .. بالتالي اي نصيحة بتقدمها لج شكليها باللي يناسبج .. بس لا تطبقينها حرفيا ..

و حاسبي حاسبي حاسبي .. قد ماتقدرين لا تطلعين عيوب ريلج جدامها .. مهما صار ..

- اذا محتاجة شي أنا موجودة - (f)