] - إهداء خاص

ماشاء الله عليج والله كلامج يريح القلب ويجيب التفائل بالحياه
الله يرزقج ويخليك لزوجك ويفرحك ياارب

ماشا الله موضووع راائع
جزاك الله خير الجزاء ووفقك في دنياك واخرتك

عجيييييييييييييب


عجيب عجيب



كملي توحه << من اليوم بدلعج تووحه

كملي كملي والقلب دااعي لج

مشكورة الغالية على هالجهد الطيب .. في ميزان حسناتج ان شاء الله

يعطيج العافيــه

الله يعطيكم العافية على تواجدكم ..

اليوم بإذن الله راح أضيف جزئية جديدة :)

مشكوررررررررررررررررررررررررررررره

العفو

.
.
.


[[ سنة أولى زواج ]]

- مهارات عاطفية -

بينت الأبحاث إن الزيجات اللي استمرت فترة طويلة .. كانت متمسكة بموضوع واحد و هو :

ان كل طرف يعطي الطرف الثاني الفرصة عشان يعرض وجهة نظره + و ان كل طرف يسمع للثاني
عدل = التقليل من حدة التوتر

في المقابل , الحالات اللي وصلت للطلاق .. يكون السبب الأول فيها إن ما في طرف يحاول يخفف
من حدة التوتر , تلقين الإثنين لو اختلفوا هذا يصرخ و ذيج تصرخ و هو يعاند و هي نفس الشي لين نشوف الموضوع وصل ذروته بدل ما يرد و لا كأنه شي صار ..

إذا إحنا محتاجين لمهارات عاطفية , مثل :

- كيف نخفف حدة التوتر : تهدئة النفس و تهدئة الطرف الثاني بالتعاطف و الإستماع الجيد.
- عدم التركيز على مسائل تسبب لنا خلافات و معارك , مثل : الأعمال المنزلية / تربية الأطفال / الجنس ... الخ من المواضيع الحساسة ( هذا ما يعني ان مانفتحها كلش .. لا بالعكس حلو نتناقش فيها لكن نحاول مايوصلنا نقاشنا لنقطة نختلف فيها في الآراء أو آرائنا تتصادم ) .

إذا تدربتي على هالمهارات و اتقنتيها بتلقين ان نسبة الخلافات في حياتج راح تقل و إن صارت فهي خلافات صحية تساعد على بناء عايلتج وشوي شوي راح تتغاضون عن سلبيات زواجكم ..

.
.

في شوية نصايح أقدمها لكل عروس :

انخطبتي و تملكتي و بدأتي تستعدين لزواجج ..

1. لا تخلين استعدادج بالتجهيزات و بالملابس و الإكسسوارات يستحوذ على تفكيرج بالتالي يستنزف فلوسج .. اقتصدي قد ماتقدرين لأنج راح تملين من أغراضج اللي خذتيها بعد فترة من الزواج و تبين تبدلينها , خاصة الملابس ماتدرين يمكن يتغير وزنج أو تحملين ..

2. دائما أنصح بإن الوحدة لما تتجهز .. فحلو انها تجهز نفسها ماديا و فكريا و تتثقف و تقرا عن الحياة المقبلة عليها : من زواج و تكوين أسرة .. شلون تتعاملين مع الزوج و تهتمين فيه .. اسمعي أشرطة تهتم بهالأشيا مثل : بحر الحب - السحر الحلال ( ابراهيم الدويش ) / مملكتك ( أنس بن سعيد بن مسفر ) .. هذي كلها أشيا بتساعدج تكونين خلفية لو بسيطة + انج بتستفيدين منها إن شاء الله .. و بتطبقين منها الشي المفيد ..

3. لا تتسرعين و تحكمين على زوجج من موقف واحد صار .. تحملي و تحملي .. صبري شوي و انتي بتعرفين ريلج وشو اللي يحبه و شو اللي يكرهه و بتعرفين شلون تتجنبين المشاكل .. و إذا ما عجبج زوجج من البداية لا تستعجلين .. يمكن مع العشرة تلقين فيه اللي يخليج تتمسكين فيه ..
لأن كل شخص له سلبيات و إيجابيات .. تحملي زلاته و تغاضي لأنه هو مثلج توه في بداية الطريق ..
بس طبعا اذا شفتيه على معصية لازم توجهينه و تنصحينه ..

4. كل وحدة تزوجت فجأة تلقى نفسها مسؤولة عن أشيا وايد يمكن ماتخيلتها .. لا تتهربين و تأقلمي مع الوضع الجديد .. و كوني قد المسؤولية مهما كبرت .. انتي ما عدتي ذيج البنت اللي بتخلي كل شي على راس امها و بتروح .. لا انتي الحين صرتي مسؤولة عن زوج و بيت و أسرة ( هالكلام ذكرته قبل لزيادة التأكيد ) ..

5. اهتمي بأهل زوجك و خاصة أمه و حطوا تحتها مليون خط .. تقربي منها و أحسني معاملتها ..

6. لا تخلين ليلة عرسج تلهيج عن فروضج ..

7. آخر شي .. لاتنسين الدعاء في كل وقت و كل حزة إن الله يوفقكم ويجملكم في عيون بعض ..



[[ سنة أولى زواج ]]


إذا كنتي حساسة .. تابعي الفقرة الجاية (f)

تسلمين دح دح

ووونتظرج...اختج في الله..

ماشاء الله عليج

نصااايح فعلا المفروووض الوحده تهتم فيها وااااااااااايد

والله يعطيج العافيه

وننتظر كل جديدج يا قلبي

وجزاج الله كل خير ,, وعسى الله يوفقج ويسعدج ويهنيج ويرزقج بالذريه الصالحه ياااارب

<<< متابعة بصمت أستعدادآ لحياة جديدة خخخخخخ

واااااااو موضوووع رااااائع يا ليت يثبت.. من جد مشكوووورة كلام رائع الله يجعله في ميزان حسناتك..
انا لسه ما اعرست بس مخطوبة وبابدا اطبق انشالله اول ما اتزوج..
من جد فتحتي عيوننا على كثييييييير اشيا..
الله يجزاك الف خير

ماشاء الله موضوع جدا جميل و مفيد و رائع

يعطيج العافيه و عساج على القوة

و دمتم سالمين

بارك الله فيك اختي توحه على هذا الموضوع المهم واني قد استفدت منه كثيرا والحمد لله فانا اعيش سنتي الاولى في الزواج:9_28:

موضـــــــــوع رائع ومفيد صرااحه اشكرج اختي جزيل الشكر ويزاج الله خيـر

جزاكم الله خير على مروركم العطر .. و أعتذر جدا عن التأخير في طرح الجديد .. :)

[[ سنة أولى زواج ])

- حساسة وايد ! -

اترككم مع حديث زوج يعيش سنته الأولى من الزواج .. يقول :

( تزوجت فاطمة من سبع أشهر .. والحمدلله هي مثالية في كل شي و حريصة علي و على بيتي .. و ما شفت منها شي

يكدرني او يزعجني .. لأنها لبقة في كلامها و مهتمة في نفسها .. غير هذا ديّنة و محتشمة .. و هذا اللي حببني فيها

و مخليني مرتاح معاها ..

بس لأن ما في حد كامل .. فهي كانت تتعبني بحساسيتها الزايدة .. كل تظن ان اي كلمة اقولها هي المقصودة فيها ..

اذا قلت لها اني مااقدر اوصلها لبيت اهلها تضايقت و بكت و كأني متعمد هالشي ..

مرة تأخرت عليها و هي في بيت اهلها .. طلعت لي و هي معصبة و تبكي .. و مرة جيتها بدري عشان ظروف شغلي

بعد طلعت معصبة و تبكي !!!!

ان تكلمت عن حالات الفقر في المجتمع طالعتني بنظرة عتاب مع ان حالتهم المادية متوسطة .. و بعدين من هو اللي

بيستهزأ باللي الله كاتبه ؟؟؟!!!

ان جبت طاري ام زوجة او حماة كريهة .. لقيتها تسألني من تقصد ؟؟

تعبت من هالحالة .. و وصلت لدرجة اني ما اضحك معاها او اتغشمر و لا اعلق على ملابسها عشان ماتزعل .. غير اني

صرت احسب 1000 حساب قبل لا اقول اي كلمة و هالشي ما ينطاق .. لأن حتى في بيتي مااخذ راحتي ؟؟

انا عاطفي وايد مااحب ازعل حد .. في بداية زواجي كنت اراضيها و احلف اني مااقصد اللي فهمته .. لكن الحين ملييييت ..

أحيانا .. ارجع البيت القاها معصبة من غير سبب فاقعد استرجع انا شقلت و لا شسويت يمكن القى لها عذر ..

انا ماافكر اتركها لأني سبق وقلت ان فيها صفات حلوة وايد نادر ماتجتمع في بنت .. لكن حساسيتها منقصة علي

حياتي ..

الحين صرت احاول مااجرحها و اتجاهل غضبها لين ماترضى بروحها الا اذا كنت غلطان و هذا يعز علي .. )

لين هني انتهى الكلام ..

..

الحين لو كنتي حساسة وبزيااادة فهذي مشكلة .. و لكل مشكلة حل بإذن الله ..

و حلولنا موجودة لكن راح اضيفها في وقت لاحق إن شاء الله :)

دوحانية

الله يجعلك في هذا الشهر الكريم من عتقائه من النار و يجعلك من المقبولين الذين رضي الله عنهم و رضوا عنه..

من قلبي أقولها جزاك الله خير و الله يجعل جهدك في ميزان حسناتك

دعواتك..

أختك

بارك الله بك
وجزاك الله خيرا
ورزقك الله ورزق وكل محرومة الذرية صالحة إنه سميع الدعاء

آآآمين آآآمين آآآمين .. و ياكم بإذن الله ..

جزاكم الله كل خير ..

الله يسعدك ان شاء الله ويوفقك على هذي النصايح الحلوة والمفيدة..والله يجعله في ميزان حسناتك ان شاء الله