حملة نسائية ضد ؟؟؟؟ عفوا ً ممنوع دخول غير الأعضاء

مرحبا بنات شحالكم ؟؟

بنات بصراحه مالي غيركم اشكي له

بناااات تعبت والله حاسه ان التعب اللي اتعبه ماقاعد يعطي نتايج
والله رجيييم واسوي رياضه و وزني مانزل ولا شي اليوم جاني تمزق في كتفي وحيل تعبااانه الم و احس ان على كل هاي ماقاعد وزني ينزل شاسوي والله جايني احباااط

Princess qtr;4194549:
مرحبا بنات شحالكم ؟؟

بنات بصراحه مالي غيركم اشكي له

بناااات تعبت والله حاسه ان التعب اللي اتعبه ماقاعد يعطي نتايج
والله رجيييم واسوي رياضه و وزني مانزل ولا شي اليوم جاني تمزق في كتفي وحيل تعبااانه الم و احس ان على كل هاي ماقاعد وزني ينزل شاسوي والله جايني احباااط

هلا والله حبووبه


سلامتك من التعب


ليه التحطيم هذا ليه فديت روحك ..

انتي مخربطه الدنيا على راسك عشان كذا تعبانه

اول شيء ياقلبي حطي في بالك انك راح تفقدي وزن اذا صبرتي وطولتي بالك

لا تتوقعي انك راح تنزلي من جسمك في يوم وليله كذا رااح تبدلي مجهود ضايع وماراح يتقبل جسمك الرجيم ..

ثاني شيء لا تعملي تمارين قويه تعذبي حالك امشي براحه واسرعي حبتين واعملي حركات بسيطه وبهدو

وبعون الله راح تفقدي وزن ..


انتي متبعه اي رجيم حبوبه او شنو تاكلين بضبط ؟..


انا بصراحه الي اقوم فيه شيء جداً جميل وبسيط وصدقيني مطوله بالي على جسمي وحاسه براحه ..

اذا ودك اساعدك انا بالخدمه بس طولي بالك وراح تنزلي بعون الله ..


اسفه طولت عليكي ..


.
.

.
.


وكمان يا أحلى بنوتات اسمعو هل الخبر ..

.
.

اليوم كنت جالسه مع زوجي وكان راسي يوجعني حيل ..

قال لي انت خلاص وقفي رجيم قلت له لا

قال شوفي اليوم راح نروح المستشفى بعد فطورك اذا دمك ناقص مافيه تواصلي الرجيم غصب عنك

واذا دمك اوكيه نتركك مواصله .. قلت له ابشر ..


كنت خاايفه وهو عارف ان انا دمي ما يرتفع عن ثمانيه وتسعه ابد ابد ابد من صغري ...

المهم فطرت وكل شيء وحملت حالي ورحت معاه ..

وجا تحليل الدم وطلع دمي يا بنات ((11 )) عني والله من اقل من شهر ونص كان ((9))

حتى زوجي من الصدمه قال لي اعملي رجيم على راحتك هههههههههههاي

وكان مبسووط ..


لان في رجيمي انا متبعه اكل كل انواع مجموعة الحليب بس تكون منزوعة الدسم

حتى الجبن استخدمه قليل الدسم ..

وكمان مكثره من اكل السلطات وانواع الخس والجرجير وكل الامور الخضر علماً اني ما كنت اكلها ابد

صرت اكل شيء فيهاا عشان افقد الاشياء الي تضرني وانتفع بهل الاشياء ..

وهذا بنسبه لي شيء يفرح


حبيت تشاركوني الخبر والفرحه ههههههههه

ومنها تستفيدون ..


..
.
.


محبتي شيخه ..

أهلييييييييييييييييييييييييييين بنوتات كيفكم اليوم ؟؟؟؟؟ لييييييش حبيبتي pricces qtr لييييش عيوني ضايق خلقك

كلنا في الهوا سوا انا مثلك من السبت وانا مانزل ورزني الا 200 غرام !!!!!! يمكن لاني ما امشي بس ان شاء الله

بحاول .....

وبالنسبة ل(يارب ترزقني ) مااااااااااااااااااشاء الله ,,,,حلو مرة خليك على كذا مرة ممتاز .... وبعدين انا توني شفت

موضوعالأخت (ملكة الأبيوض) تقول عن اختها انها نحفت من 90 الى 60 كيلو بس من المشي والتخفيف ...حلو ....

الله يعين .......نشوفكم على خير وان شاء الله بعطيكم اخر اخباري اذا بديت امشي على السير الكهربائي ......

بس تذكروا كيف راح يكون شكلكم بعد ما تنزلون كم كيلو ....؟؟؟؟

باي اسبرانزا Asperanza

بسم الله الرحمن الرحيم

السلام عليكم ورررررررحمة الله وبركاااااااااته

كيفكم يا حلوااااااااات .. ؟؟؟

اتمنى ان يكون الجميع بخير وصحة وسلامه

الغالية ... اسبرانزا ... الف شكررر لج على الموضوع المشجع .. والله يوفق الجميع يا رب

الاخت ... يا رب ترزقني .. الله يرزقك الي تتمنيه .. وحبيت ابارك لج على نسبة دمك ... وتعرفين ليش ارتفع .. لانك تاكلي خضروات ورقية وهي واااااااااايد مفيدة للدم .. انا بعد دمي ناقص دوم .. وان شاء الله اتشجع منكم واستفيد.

انا اتمنى اشارككم ...بس انا غاية بالاحباط والله ووزني من كثر ما مضايقني ما مسويه شي لنفسي
وزايدة من كم شهر 10 كيلو على الهم المتلتل على قلبي والله خخخخخخخخخخ
ما اقدر انا اسوي رجييييييم اببببببببد؟؟؟!!!!!!!

ما ادري ليش بس؟؟؟ انا غير عن كل هالبنات؟؟

حاليا بصراحة صار لي شهر تقريبا صايمة قربة لله .. هو تخفيف وهو اجر بنفس الوقت
عشان اسكررررر هالبووووز بصراحة لاني مو حابة نفسي ابدددد ... بس اخررررربط بالليل يعني ما امنع نفسي من الشيبس والكاكاو والايسكريم ... اموووووووووت بهالخرابيط خخخخخخخ

يا ريت تشجعوني اسوي رجيم

انا العام الماضي نقص وزني والله لاني كنت امشي مو يوميا تقريبا 3 او 4 مرات بالاسبوع خلال شهر رمضان ونقصت والله ... بس مع الاسف الشديد رجعتهم وزدت فوقهم.

وزني واااااااااااااااااااااايد والله ... والشكوى لله بس

ما ادري شلوووون بنقصهم كلهم هذوووله؟؟؟؟

انا اتمنى امشي حاليا عشان اخفف اكثر ... بس جهازي مو موجود حاليا عندي .. ادعو لي ننتقل بيتنا الجديد وابدا اتشجع معاكم وامشي واخفف ... احاول يكون اكلي صحي .. يعني هذاك اليوم اشتريت جزر وخيار وقمت اكل فيه ... وسويت لي شوربة عدس خخخخخ ... احاول بعد اشرب حليب قليل الدسم واكل كورن فليكس وحبوب القمح مثل الكورن فليكس خخ .. والله يسهل يا رب.

مشكلتي ما اقدر اترك الشيبس والايسكريم ... والحين زايدة الطين بلة اكل كاكاو مع اني قبل مقااااااااااطعته؟؟

ادعوووو لي وشجعووووووووني بنات الله يخليكم
وكلكم بدعي لكم الله ينححححححححفكم يا رب وينحفني معااااااااااكم

انتبهوا لنفسكم

صباح الخير ...

اخباركم ..


اسبرانزا يا هلا والله


الحمدالله بشووفتك بخير


وانتي كيفك ؟


الله يوفق الجميع حبوبه


ايه والله انا دووم اتخيل شكلي نحيفه زي ما ابي هههههههههههههااي


ان شا ءالله راح نبلغك بكل جديدنا ..


.
.
.

الحياة الورديه يا هلا والله


تسلمين ياقلبي ويرزقك من خيره رب الكون ..


حبوبه انتي ماشيه على طريقتي بضبط انا كمان صار لي شهر صايمه وحركات وتخفيف

بس ياريت تواصلي الي تعمليه وقووي قلبك وحاولي وبتقدري

تعرفي انا زيك انا ادمان شيبس وكاكو على طول اليووم

وتخليت عن كل هذا ويوم عن يوم لم اشووفه ماعاد اضعف وماعاد ابيه ابد

البداايه في الايام الاوله صعب بس صدقيني بعدين تهون

وانا تخلصت من كل الكميه الي عندي وماعدت اشتري منهاا

من يخلص يومي في الصوم وافطر ابتدي حركات الرجيم والرياضه واتجنب كل شيء

ممكن يساعد ان الي فقدته يرجع لي او نه يضيع مني تعب الرجيم هذا


حاولي وانا زيك بضبط في الرجيم هذا وراح نتساعد ونشجع بعض ونشجع الاخوات ..

اتركي كل انواع الشيبس والكاكو وكل هل الامور والنشويات .. لا تقربي رز ولا خبز ولا معكرونات

واذا تبين خذي الخبز الاسمر بس ..


كثري من المويه واكل الاوراق الخضراء واكلي دجاج ولحم وسمك اذا تحبيه بس دووم من غير دهوون

اكلي انوااع شوربات من غير دهوون ودسم .. اشربي الحليب منزوع دسم او قليل دسم وزبادي وجبنه وكل شيء تكون قليلة او منزوعة الدسم ..

كمان تقدري تعملي لك كم وجبه تحبيه بس حاسبي ما يكون فيه دهوون وسكر وامور تسمن وخلاص ..

صدقيني انا صعبة الموضوع في البدايه وهل الحين تعودت ومطوله بالي عل الاخر ..


حطي في بالك انك ودك تنحفي وهذا هدف لازم توصلي له

وحطي في بالك انك مو مستعجله وتبي تنحفي على راحه عشن ماترجعي تسمني من جديد ..

خفيفي الاكل ونظميه واجلعي بين الوجبات ساعتين راحه على الاقل ..

اكلي فاكهه مثل العنب والكيوي ينظفو لك المعده ويريحووها واكلي برتقال واي فاكهه غير مسكره ..

اعملي لك سلطات تساعدك كل ما تحسي بالجوع اكلي فيها ضيف لها الروب والجبنه المالحه وغيري الى نفسك كثيرر

عشان ما تملي وعشان ما يتعود جسمك على الاكل نفسه ويبطل يبدا ينحف ..

اعملي زيي واتمشي في بيتك كل ما سمح لك الوقت وتحركي كثر ماتقدري

واذا عندك سلم اصعدي وانزلي الى مده عشر دقايق راح يساعدك كثيرر

كمان اذا عملتي تمارين خفيفه لا تعوري نفسك وبرااحه وعلى مهلك ..


.
.


اتمنى قدرت اساعدك ولو بالقليل واشجعك

وانا حاضره الي تبينه من مساعده اطلبيه بس ..


.
.

أتمنى للجميع كل التوفيق ..


شيخه *_*

أهلييييييييييييين صباح الورد والفل والياسمين لأحلى بنوتات ..............................

اهلين حبايبي( يارب ترزقني )و(الحياة الوردية ) كيفكم ان شاء الله بخير .....؟؟؟

اولا ارحب باختنا الحياة الوردية .....واقولك لا تشيلي هم ان شاء الله معنا راح توصلين للي تبين ....

أولا لاتقولين وزنك وااااايد لان مهما كان كثير احنا معاك واحنا بعد اوزاننا موعاجبتنا ....وعلى فكرة ترى انا قبل سنتين كنت 76 واللحين 66 تتخيلين وترى مو كل هالمدة وانا عاملة رجيم ههههه... لا شوي اعمل وشوي اوقف واثبت ....

وهاللحين باقي لي 9 كيلو عالأقل للوزن اللي ابيه ...... وانا بديت من يوم السبت رجيم والبنات معي بس ما نقصت الا 200 غرام ...الظاهر لأني جسمي تعود على الرجيم لأني قبل شهر عملته ونحفت 4 كيلو في اسبوعين وكمان انا ماامشي ولا امارس اي رياضة حاليا يمكن عشان كذا ..... المهم انا لازم اغير الدايت حقي ....لأنه عشان انحف لازم اغير الروتين اللي تعود عليه جسمي ....

وبالنسبة للكاكاو والشيبس والخرابيط هذي ....انتي تقولين انك تصومين صح ....؟؟؟ طيب اذا صمت افطري على شي خفيف ومغذي واعملي مثل الأخت (يارب ترزقني ) وكل ما بغيتي تاكلين من هالخرابيط ....قولي لنفسك بعد شوي....
مو اللحين ....يعني اضحكي على نفسك ....لحد ما يجي وقت النوم وبعدين اذا جاء وقت النوم قولي ما اقدر اكل ثم انام عشان ما تتخزن الدهون بعدين قولي خلاص اكل بكرا وهكذا .... يعني ماطلي بنفسك ....صدق احيانا اسويها وتنفع بس لاتسوين نفسك انك تعرفين وش راح يصير لانك اذا اقنعتي نفسك انك عارفة انك ماراح تاكلينهم ماراح تقدرين تقاومين ...

عالعموم اذا انتي عارفة انه مافي امل... راح تاكلينهم... يعني راح تاكلينهم...... كولي وبعدين اشربي بعده كاس كبير شاهي اخضر ترى يبطل مفعول الخرابيط هذي ....انا اذا خربطت اروح على طول واشرب كاس ولا كاسين شاهي اخضر ....
والله يعينك وينحفك من غير سوء ان شاء الله ....

واهلييييين اختي (يارب ترزقني )كيفك ان شاء الله ماشي الحال مع التخفيف والصوم ..؟؟؟.....
ماتصدقين قد ايش افرح اذا شفت مشاركاتك ..... يلا نشوفكم على خير ....

اسبرانزا Asperanza

أختي اسبرانزا Asperanza

ممكن تحطين لنا بعد تمارين رياضة للمؤخرة و الكرشة ادا ما عليك أمر تحطين لنا لان احس ان الرجيم بدون تمارين قاسي جدا

فالاحسن نعمل تمارين افضل


و متشكرة


نمووووووولة

اي بعد تذكرت اختي

عندي سؤال ؟؟

الأحد . الأفطار . 2 بيضة مسلوقة مع شاي ( بدون سكر الا من سكر الريجيم )
الغداء . سمكة مشوية كبيرة + صحن سلطة خضراء

عن الغذا ما احب السمك بأيش ممكن استبدل السمك ؟

انتظرج ؟

انا لي أربع أيام باديه اسوي رجيم :D من جددد تعبت كنت 58 ووصلت بس في هالصيف 65 ماشاءالله :D !!

من جد أحس إني صرت روياانه بقوه الكل متفاجيء يقولون وش ذا صايره رويانه مشدوده مره يقولون لو نغزك بأبره أنفقعتي خخخخخخخخخخ

المهم أنا بصرااحه حالياً أستخدم حبوب ريدُكتيل + إن أكلي كله خضار وفواكة فقط وإذا خضار مطبوخ يعني زي الإيدام وكذا لازم اطبخو بزيت زيتون وزيت السمسم لأنها هي الصحيه + امشي كل يوم نص ساعه + ولما اخذ شور اسوي مساج قوي شوي للأرداف :D لأنها هي المشكله عندي :D !!

الأشياء إللي لازم نتجنبها السموم البيضاء الثلاثه إللي هي :

الدقيق الأبيض اي شيء فيه دقيق أبيض = معجنات ... إلخ !
الملح :D ولو نستخدم الملح الخشن إللي هو الطبيعي ملح البحر أحسن وأفود كثيييييير مررره
السكر نستغني عنه نهائياً

هذا إللي قالته لي إستشارية بالطب البديل لما سألتها عن الرجيم قالت لي انتظمي صحياً بغذائك من دون رجيم معين وأبتعدي عن:

1- الأجبان ومشتقات الحليب بأنواااااعها
2 - مثل ما قلت قبل الدقيق وكل شيء يدخل فيه ممنوووع
3 -اللحوووم ممنوووعه بأنواعها ما عدا السمك
4- الدهون ممنوعه ما عدا زيت الزيتون وزيت السمسم وإذا بنطبخ نستخدمه
5- البقوليات إللي مثل الفول والحمص مسموح بس أنا ابتعد عنها احسن :D وبعد قالت لي على شيء أسمه ( شافي الكلى ) غللي هو الآزوكي تلقينه في محلات البهارات والمحلات التغذية الصحية يشبة حبة الفاصوليا الحمراء تقول هذا مفيييييييييد جداً جداً ويساعد على حرق الدهون بالجسم انا انقعه واكله مع السلطه وأحياناً اطبخه
6-السكريات بكل أنواااعهااا
7- الحرررركه

ومن جد ابغى حماااااااس :D

وعلى فكره علشان احفز نفسي راااسمه شكل جسمي وشلون اتخيله بعد ما انحف ومعلقته قداااامي في الجدار إللي مقابل السرير أول ما اقوم من النوم اشوفه في وجهي وأتحمس من جد :D وأمس أهلي جابو بيتزا هت وقوامت ولا اكلت وقبله بيومين جايبين البيك وبرضو قااومت ولا اكلت :D إذا كانو على الغداء أجلس معاهم اكون محضره لي فاكهه او سلطة والعشاء ما اتعشى اشرب نص كاسة أي نوع من انواع العصير من دون سكر والفطور افطر تفاحه خضراااء او أي نوع فاكهه :D وإذا شفتهم يأكلون أقول الحمدلله سبق وأكلت وشبعت وأنفخت من هالأكل وارجع لغرفتي أناظر الرسمه وتصير الإراده اقوووى والله :D

اهلين الغاليات

شيخه .. واسبرانزا

اشكركم على ردودكم الحلووووه والمشجعة

بس انا اليوم متحبطة وخررررررررررررربطت خرااااااابيط الدنيا والله

وامتلا بطني واكلت وايد .. آآآآآآآآآآآآآآآآآه

ملييييييييييييت ... ما احب اسوي رجيم

اهيئ ااهئ اهئ

دعواتكم لي الله يهديني بس واعقل

^
^
الحياة الورديه لييييش :( !!

يالله مو مشكله خربطتي اليوم تقدرين تمسكين باقي اليوم وإن شاءالله بكره وتكملين معنا لا تيأسين وبعدين لا نسميه رجيم نسميه تغذيه صحيه او تغير العادات السيئه إلى صحيه راح تهون عندك كثير وكلي كل شيء طبيعي خضار وفواكه لا تلتزمين برجيم :D راجعي ردودي إللي قبل ردك وشوفي وش كاتبه وش أنا اسوي شيء مره حلو ومو مسميته رجيم :D ..

الله يوفقك كذا وتصيرين عوووود :D ياااارب كلنا

أهليييييييين بنات معلييييييييييييييييييييش آآآآآآآآآآآآآسفه ياعمري تاخرت عليكم بس كنت طالعه امس المهم ....اختي

نمولة مشكوووووووووووورة على انظمامك لنا .......وان شاء الله بالنسبة للتمارين ولا يهمك راح انزلها بكرا ...لاني

اليوم معزومة .....وبالنسبة للرجيم ممكن تاخذين بداله قطعة دجاجة مسلوقة بحجم نص كف اليد .....

واهليييين اختي قلبه ومشكورة على النصائح ..... واهليييين اختي الحياة الوردية ....معليش ....تحملي كل شي في

سبيل الرشاقة يهون ...

اسبرانزا Asperanza

مشكووورة حبيبتي اسبرانزا Asperanza عالرد

و صاجة والله كلشي يهون في سبيل الرشاقة

والله عمري الحياة الوردية انا نفسج اليوم خربطت وايد و كل يوم اقول بأجل الريجيم و الله يهديني

و خليني ابتدي الريجيم على الخير وياكِ

ادعو لنا اوكيه خيوتات

و الله يوفق الجميع يــــــــــارب و كلهم يصيرون رشيقين

هلا والله بالغوالي

قلبهـ هلا اختي .. انا ما عندي شي اسمه رجيم .. انا احاول اني امشي على نظام صحي خخخخ عشان اخدع نفسي
بس مع الاسف ما في فايدة معاي ... اموت على الحلويات والخرابيط

اسبرانزا ... اهلين الغلا .. هنيئا لك العزايم بس هالله هالله بالاكل خخخخخخ
ما عندي سالفة اتحمل بسبيل الرشاقة خخخخخخخخخخ .... هالبنت غير عن كل البنات كللللش

نموولة ... اهلين عزيزتي .. اي والله يا اختي دووم أآجل بهالقرار
ما ادري متى بتخذه بجددددددددددد؟؟؟؟؟؟؟؟؟!!!!!!!!!!!!!!!!

يا رب الله يعطينا القوووووووة والارااااااااااادة والعزيييييييييييمة
وننحف كلنااااااااااااااااااا يا رب

اليوم خربطت كالعاد
اكلت شوارمتين وبيبسي خخخخخخخخخخخ
وبقلاوه وقطعة صغيرة بيتزا وشاي
و3 اكواب حليب خخخخخخخخ .. هذا الشي المفيد بس

الله يعين ويسهل

دعوااااااااااااااااااااااتكم لي

^
^

ماشاءالله بالعافيه عليك حبيبتي :D !! بس كذا خربتي أبو النظام :D خخخخخخخ

حاولي وإن شاءالله تقدرين :D الله يوفقك يارب

مساء الخيرات خواتي ..........هلا نمولة وهلا قلبه ...

....ليييييييه عيوني الحياة الوردية ترى موبس انتي انا ما اقول خربته بس موقفه وقاعدة اخفف لحد ما القى رجيم ثاني

لان اللي حطيته لكم خلاص جسمي تعود عليه ماعاد ينقص ...بس حاولي تنحفين مرة وحدة وتخلصين وتفتكين من شي

اسمه سمنه ....صح ولا لا ؟؟؟؟

دعالعموم انا حبيت اشوف اخباركم .... يلا نشوفكم على خير ان شاء الله والله ينحفكم من غير سوء .....

اسبرانزا Asperanza

خيووه ادا حصلتين رجيم حطيه لنا

بصراحة خيووه دا الريجيم قاسي وايد يدبح

ههههه

و لا تنسين خيووه اتنزلين التمارين

باااي اشوفكم على خير

.
.


مرحبا بنوتات


اخباركم ..


ليه فديت روحكم انتو متحطين كذا ليه ؟؟


.
.


تصدقون انا جيتكم مبسووطه عشان امس وانا بيت خالاتي

الكل يقول لي بديتي تنحفي وحركات .. عن وااضح اني بديت انحف

وكمان عزيمتي قوويه وهذا سبب مساعدني ..

.
.


اتمنى تحاولون ورااح تقدرون والله بيساعدنا وبنصير ارشق ناس ..


في بنت طلبت مني كل شيء اسويه برجيمي ارسله لهاا .. ولم حسيتكم كذا متخربطين وقلبتو ام الدنيا ..

قلت راح احط لكم الرساله الى ارسلتها لهاا ...


ومنها ان شا ءالله تستفيدون والي يحب يتبعها .. لا يترردد


.
.


هاذي الرساله .. >>>>>



.
.


عيوني انا عملت رجيم لحالي وماشيه على نظام جداً بسيط وسهل بحاول برسالتي اذكرك لك كل شيء كل شيء يساعدك وبعد كل جديد يصير معي بخبرك فيه ..


اول شيء حبوبه انا رجيمي يبي له طوول بال لان تنزلي بس على مهل لكن مستحيل ترجعي تسمني بعدهاا ... لان تتقلص المعده فيه ...

ثاني شيء ياغاليه انا لو ماكنت عارفه ان فوق الخمسة اشخاص نحفو بسب هل الطريقه وهل الرجيم ماكنت اقدمت عليه ..

.
.


الرجيم مو حارمك من شيء ابد ..

اول شيء الممنوع الى لازم تتجنبيه ..


ابتعدي عن جميع انواع الشيبس .. الكاكو .. الحلاوه بكل انواعها ..البيبسي بجميع انواعه حتى الدايت بس في البداايه بعدين راح ندخله اذا حسيتي انك فقدتي .. ابتعدي عن الرز وعن المعكرونه والفطائر وجميع انواع المعجنات والخبز وكل شيء ابتعدي عن الفواكه المسكره مثل الموز والكمثرى والتفاح الاحمر .....الخ





الاشياء الي لازم تكون اساس في الرجيم ..


الحليب بجميع انواعه ويكون منزوع الدسم (( خالي الدسم )) واذا مالقيتي قليل الدسم ينفع ..

لبن ... روب (( زبادي )) كل هل الامور كمان خالي الدسم او قليل الدسم

كمان الجبن .. فيه اجبان تلاقيها قليلة الدسم اخذي لك منها .. واستخدمي كمان الجبنه المالحه ..


الخضروات اكلي كل شيء في الخضورات الورقيه .. الخس .. الجرجير .. وكمان كل انواعها واكلي الطماطم يرجع لك كمية الملح الي تفقديها .. اكلي لخيار والببقدونس وكل شيء في الخضورات .. الجرز مفيد جداً لكن انا بصراحه ما استخدمه كثير

يعني في الاسبوع ادخله ثلاث الى اربع مرات ..

اكلي كل انواع اللحووم والدجاج والسمك والبيض بس من غير دهون من غيـــــر دهووون ..

دجاج مشووي ولحم مشووي واذا مقلي خفيف ماعليه وبكميه الى تحبيه وكثر ما ترغبي فيه ..


اذا فيه شوربة عدس وشوربات مافيها دهن زيديها خضروات واكلي فيها زي ما تحبي وعلى رااحتك ما تسمن ابد ..

اذا صار خاطرك في الخبز وانواعه .. اخذي الاسمر واكلي منه بالحد المعقوول ..

العصائر لاتشربي العصائر الا من الفواكه الغير مسكره .. وعني انا اشرب عصير الربيع على برتقال لانه خالي من السكر .. ادري عنه مو شيء ومر لكن نفعني كثيرر ..

اذا كانت وجبه عاجبتك حيل ودك تاكلي منها لاتحرمي نفسك منها حتى لو كان فيها رز او شيء دسم اخذي منها ملعقتين ثلاث اربع لا اكثرر ..

وتحركي على طول اي شيء تبينه لا تقولي الىى حد عطني هل الشيء تحركي انتي بستمرار ..

اذا عندك سلم في البيت اصعدي وانزلي على راحتك وبهدووو جداً وراح تلاحظي انك تعرقي براحه ونفسك سليم ..

اعملي رياضه ومشي في البيت وانتي مكانك وكل على هدووو ورااحه ..

فتح وضم .. وانتي جالسه على الكرسي قومي وقعدي عشر مرات .. وانتي مشغله اغنيه ارقصي عليها اشووي من غير مكيف شغال رااح تعرقي بشكل رهيب من غير تجهدي نفسك ..


رحت مع جماعه وحطو الاكل وفيه كثير زي ما قلت لك لاتحرمي نفسك اكلي بس خفيف جداً واذا رجعتي تحركي لك نص ساعه بس او اكثر اذا تحبي ..

اذا تحبي انواع الصالونه لحم ودجاج وهل الامور اعملي لك واكلي منها كيف ما تحبي عسى لو تاكلي الدنيا منها ما تسمنك ابد ويكون دهنها خفيف جداً ..


اخذي لك سكر اسمر واضيفيه الى الشاي واشربي والحليب استخدمي خالي الدسم او قليل الدسم في الشاي ..

اذا تحبي الشاي الاخضر دخليه واشربيه بعتدال في اليوم مره وحده او مرتين .. مع اضافه سكر اسمر ..

حاولي في الشوربه والصالونه تدخلي كميات كبيره من الخضروات وتاكلي فيها عشان ما ينقصصك شيء ..

تجنبي الحلاوه في الفتره الاولى وبعدها ممكن اذا صار خاطرك يوم تخربيها وتاكلي قطعه صغيره ولا شيء ...

اي اكل يعجبك اكليه لكن من غير سكر ومن غير دهوون ..

اشربي مويه بدرجه كبيره بس مو في فتره الاكل تجنبيه فتره الاكل ..

.
.


الحين بعطيكِ نموذج بسيط عني ..


زي اليوم شنو اكلت ..


اليوم انا كنت صايمه ..


اول ما صار لازم افطر شربت موويه داافيه واكلت لي برتقاله .. ورحت صليت وماعرف شنو وبعدها صار لازم افطر ..

اكلت صالونة لحم من غير رز و من غير خبز ابد .. خاليه كذا بملعقه وفيها خضروات

واكلت معاها سطله فيها قطع جبن مالح ..

بعدها عملت لي شاي وشربته مع سكر اسمر خفيف وارتحت حبتين ..

وصرت اتحرك مباشره عشان ما يبقى بجسمي ابد شيء منه وافقده ..

وطلعت على السلم عشر دقايق وعشر دقايق تمشيت بين الغرفتين وعلى مهلي جداً على مهلي ..

وااصلت من غير اكل طبعا الى الساعه 11 ونص يمكن اكلت لي فواكه منها برتقال وكيوي وعنب ومقطع وتشجعت واكلت منه ومعاهم شربت شاهي ..

وبس وبعد اشووي


عشان سحوري .. يا اني باكل لي روبه يا اني باكل لي سلطه يا راح ادمج الاثنين واكلهم ..

وطبعا يا بشرب حليب يا عصير البرتقال .. الغير محلى ..


وكمان بعد الاكل وبعد صلاه الصبح رااح اتحرك واتحرك واتحرك .. قبل النوم ..

.
.



هاذي كانت رسالتي لها ..


أتمنى من الي مخربطه بالرجيم او الي ماحصلت رجيم تتبعه ..

تشوف الرساله هاذي يمكن تخدمها في شيء


.
.


اسفه ياحلوات طولت عليكم ..

محبتي للجميع ..


شيخة